العضوة: 1347195 , منذ 6 أشهر

لمن تطلع من الفرن اسقيها حليب مكثف مخفف بحليب سائل نص علبه مكثف ع كاسة سائل لها طعم مختلف عن حقت الشيرة

العضوة: 1721376 , منذ 5 أشهر

روح بنات رمضان وربي يتقبل منا ومنكم يارب العالمين 🌹 كيفك ام لتين الاموره الان شهرين ربي يطول بعمرها تشوفيها عروس يارب العالمين ام عمران اليوم عامله بسبوسه بس بطيحين روعه روعه وزاكيه ام دانيه كيفك وكيف رمضان معك ساره الجميله كيفك وكيف امورك يارب تكوني بخير حبيبتي 💋🌹 رمضان هاد نحفني بس احس بس بطن شوي

العضوة: 1024508 , منذ 5 أشهر

اللهم بارك، صحة و عوافي.. كيفك يا عمري.. نحنا بخير الحمد لله..مشاقتلك.. اليوم و انا عم أشتغل إجيتي ببالي قلت بسأل عنك و عن وافي و ما لحقت.. كيفك أختي و كيف صحتك و الأولاد و كيفو الأمير الصغير.. يا رب تكونو جميعا بخير.. اشتريتيلهم ملابس العيد ولا لسه؟ نحنا بدنا نشتريلهم من الموقع و لسه ما طلبنا، من أيام حكيت مع أبو البنات و كل يوم شغلة تعطل.. ما حبيت بتأخر التوصيل و ما يوصلولهم قبل العيد.. أحيانا يتأخرو و أحيانا يخطأو بالعنوان..خصوصا مع مشكل اللغة..و هلأ بما أنو متأخرين حتى لو ما عجبونا أو السايز ما ضبط معهم ما نلحق نعمل تبديل و يوصل بالموعد.. المهم البنات لسه مو عارفين أنو العيد قرب..و إلا تحمسو ربي يحفظهم.. كيفهم شيخة و مدلل؟ عارفين العيد ولا لسه؟

العضوة: 1024508 , منذ 5 أشهر

تسلم الأيادي.. اللهم بارك، نحنا نعمل بسبوسة بس الطريقة و المكونات غير.. سبحان الله أكلنا كثييير مختلف.. يعجبني طبخكم أحب أجرب بس أحيانا ما عندنا المكونات و أحيانا ممكن نسميها غييير ..لهيك ما أفهم شو هي بس ربي يبارك كثير شاطرين و حلو كل شي عم تعملوه

العضوة: 1024508 , منذ 5 أشهر

إيه والله رمضان النوم ملخبط.. كمان من وقت إجيت هون تغير نظامي.. زوجي يجي بوقت متأخر من الليل.. أحيانا إدا انتظرتو أنام الساعة 3 و صعب أفيق الصبح 8 لهيك أتأخر بالفيقة بعدها صير أركض لألحق الغذاء لل 12 او أقل.. هلأ رمضان أريح أنام بعد الفجر تقريبا 5 و نصف أو 6 و أفيق 10.. الله المستعان.. ربي يحفظلك البنات و يصلحهم.. متحمسين للعيد ولا عاجبهم ومضان.. بذكر الصيام عم حاول فهم دانية تصوم من العصر للمغرب.. أحيانا قبل العصر تاكل لتشبع و بعدها تحكيلي صائمة و أحيانا تحكيلي مافيني.. جوعانة لازم آكل..يعني بدها تاكل بعدها تحكيلي صائمة..راح أصبر للمغرب..رغم هي أساسا شهيتها من الصغر ضعيفة..ربي يحفظهم.. كيفك إنتي؟ عم تطلعي تتمرني بالسواقة ولا مقضيتها بس بالمطبخ؟ إدا ناوية تسوقي عن جد لازم تتمرني دام الدروس ببالك لسه مشان تقدري تسيطري عالتوتر.. كلما جلستي فترة دون سواقة راح تنقص العزيمة و يزيد التوتر و قلة الثقة.. الله يوفقك و يسهل أمورك 💞

العضوة: 1024508 , منذ 5 أشهر

السلام عليكم ، كيفك أختي و كيف الأميرات الحلوات ربي يحفظهم، كيفك إنتي مع الشغل و ضغط المطبخ؟ طمنيني عن صحتك و جرح العملية؟ سبحان الله الأيام عم تركض كأنه أمس ولدتي.. الله يجعل عمرنا في طاعته..

العضوة: 1721376 , منذ 5 أشهر

هلا وغلا ام دانيا لاوالله لسه ما اشتريت بلكن هليومين أن شاء الله اشترينا والله ليلنا ونهارنه اختلفوا مع رمضان مدلل مبتعرف بس شيخه بتعرف في سوق وفي اواعي عيد هههههه ربنا يغفر لنا ويعفو عنا اللهم انك عفو تحب العفو فاعف عني وعن والدي وجميع المسلمين

العضوة: 1347195 , منذ 5 أشهر

اهلا اهلا نورتي الله يبارك لنا ما تبقى من رمضان ريتو صحة وهنا عجبتني طريقة البسبوسة اللي مافيها طحين و زبادي كأنو هريسة بس ناعمة وتذوب لذيذة والله كل طرق البسبوسة حلوة وسهلة كيفو وافي شلون صحتو سمن شوي ولسه نعوم

العضوة: 1347195 , منذ 5 أشهر

الله يسلمك ياعمري ويعطيك العافيه ويبارك بوقتك وجهدك. انا لسى مواصلة ملتهية ع الجوال اتفرج بالملابس والاكلات وعم يضيع الوقت بس مخلصة شغلي ماعندي شي

العضوة: 771953 , منذ 5 أشهر

السلام عليكم.. كيفكم أخواتي؟ يا رب تكونو جميعا بخير.. كيف الأجواء عندكم؟ صاير تجمعنا مهجور😪

العضوة: 771953 , منذ 5 أشهر

@user-1543141 مشتاقة والله.. صايرلك زمان غايبة

العضوة: 1347195 , منذ 5 أشهر

اللهم أنك عفو تحب العفو فاعفو عنا

العضوة: 1347195 , منذ 5 أشهر

هلا ام دندون كيف حالك تمام الحمد الله ايه ضاع الوقت مدري كيف انا اليوم قلت بدي أبلش انظف الكنب شوي مااقدر انظفو مرة وحدة بسبب أيدي كنت متحمسة بعدها ولادي عصبت منهم سدو نفسي بلكي اليوم

العضوة: 1347195 , منذ 5 أشهر

كنت بدي اشتري الفستان اللون السماوي لعيد بعدين حسيتو مو كثير واو والظاهر ع بين ما اقرر يخلص سعرو مناسب الباقي صاير غالي كثير مبالغين عندنا بالاسعار

العضوة: 1347195 , منذ 5 أشهر

بنات هي الاكلة كثير لذيذة اللي متوفرة عندها المكونات تجربها كباب باذنجان او لفائف يعني رول باذنجان تقشري 🍆وتقطعيه بالطول شرائح ما تكون رفيعة ولا سميكة و تقلينها بالزيت لازم بعدها تنشف من الزيت كويس الحشوة لحمة ناعمة مع بقدونس ناعم بصل ناعم معلقة دبس رمان أختياري مو ضروري البهارات ملح فلفل اسود فليفلة حمرا ناعمة اليوم حطيت كمان كزبرة ناعمة اخلطيهم مع بعض وشكلهم ع شكل نصف أصبع ناخذ شريحة 🍆 نحط فوقها نصف أصبع اللحمة ونلفها ونحطها بالصينة عشان ندخلها الفرن الصوص معجون طماطم نذوبه بمويه ونضيفه ع الصينية نشغل الفرن من تحت شي ٤٠ دقيقة وبعدها نشغل كمان فوق ١٠ دقايق او اكثر شوي ام دانية حكيت بالتفصيل مشان بلكي تجربينها