١
حماتي:ريم...يا ريم وين المي السخنه
ريم:يلا حماتي يلا
سلفتي عم تطلق هي راح يصير عندا تلت ولاد تزوجنا بنفس اليوم بس الله ما قسملي يكون عندي ولاد اعطيت ل حماتي المي السخنه وما خلتني فوت خافت من عيوني ضليت برا شعور الغصه كان واضح عندي وبعد ما سمعت صوت البيبي لجديد فرح قلبي ودمعو عيوني ورحت اركض للمطبخ جهز لفطور ل سلفتي امها عندها جوى وحماتي والقابلة كنت عم اسمع صوت الزغاريد والتهنيه بسلامتها وسلامة الولد كان معها بنتين وهي الولد جهزت لفطور ورحت دقيت الباب عليهن فتحتلي امها ل سلفتي وضحكت بوشي
ريم:طمنيني كيفها هند
الام:الحمد الله بخير..يخزي العين ومشالله جابت صبي اللهم صلي على النبي فلقه قمر
ريم:الحمد الله
طلعت من الغرفه وانا كنت بدي فوت بس تطليعات حماتي فيني خلتني ارجع للورا طلعت حماتي من الغرفه
ريم:لفطور جاهز مرة عمي
حماتي:كتير منيح بس شوي وبندهلك تجيببه
هزيت براسي ورحت اركض على التلفون لخبر سلفي عارف وباركلو
ريم:كيفك ابو محمد...مبروك ما اجاك
عارف:يعني هند ولدت
ريم:من شوي وجابت صبي
عارف:عنجد...
ريم:اي عنجد...بدي الحلوان ها
عارف:لك تكرم عينك الك احلى حلوان
ريم:كفو والله
سكر دغري وبعد ما نادتلي حماتي اخدت لفطور ورحت ل غرفتها ل سلفتي رتبت الاكل وحاولت اسرق نظرة على البيبي لجديد كانت تعبانه لدرجه كبيرة
ريم:الحمد الله ع سلامتك
هند:الله يسلمك
ريم:مبروك ما اجاكي
هند:تسلمي
حطيت الها سفرة لحالها زورتني حماتي اطلعت وشوي ولحقتني
حماتي:لا تفوتي الغرفه ابدا
ريم:ليش
حماتي:لساتها نفسه سلفتك..
ريم:ليش شو راح يصير عليها
حماتي انتي لساتك ما جربتي لا الحبل ولا الولادة وعيونك على الولد
ريم:...
حماتي:صلي على النبي وقت تطلعي فيه
ريم:...
حماتي:بس يخلصو الاكل بندهلك لا تضلي متل البومه بالغرفه
كانت عم ترميني بسهامها دخلت ل المطبخ عم جر الاسى وراي ودغري ابتسمت وقت اتزكرت حبيب قلبي عبد...هلا راح ينبسط كتير لاخوه راح اتصل وخبرو مسكت الموبايل ودقيتلو
عبد:...لك خليك عندك ..اي الو
ريم:كيفك حبيبي
عبد:يا روح حبيبك
ريم ههه اشتقتلك
عبد متصله مشان هيك
ريم:لا وكمان بدي خبرك اتصل وبارك ل عارف مرتو ولدت وجابت صبي.
عبد:عنجد
ريم:اي والله
عبد:لبشارة الك يا روحي
ريم:عههه
عبد:عندي ازمه بالمحل برجعلك ياقلبي
ريم:ماشي حبيبي
العضوة: 355197 , منذ 5 سنوات
جاري الانتظارالعضوة: 275918 , منذ 5 سنوات
٢ وقت سمعت صوت حماتي رحت اركض لعندها اخدت لفطور وبلشت بشغل المطبخ عملت قرفا وفرمت جوز وضيفتهن واشتهيت يحكولي خليكي من نظرة وحدة فهمت على حماتي وسحبت حالي واطلعت من الغرفه شغلت التلفزيون بالصاله لاتسلى شوي وبعدها بثواني اندق باب البيت حطيت على راسي ورحت لافتج الباب كان اخوها ل هند جاي ومعو بنات اختو ريم:اهلين هاني:كيفك يا اختي ريم:الحمد الله هاني:هند ولدت ريم:اي من ساعه هاني:هدول البنات ريم:اي تفضل هاني:لا برجع بعدين ..سلام سكرت الباب ودخلت البنات انفتحو بكي وطلعت حماتي تاخدهن يشوفو اخوهن ل جديد وانا رجعت اتفرج على فيلم...ما كنت مندمجه معو كنت عم فكر ويحترق قلبي على عبد الي محروم لولاد بسببي بس ما عم تطلع من تمي كلمه روح اتجوز لاني بموت عليه صحيح تزوجنا زواج تقليدي بس عم نعيش قصه حب ولا بفيلم التايتنك في متلو ....مدللني لدرجه وانا كمان حياتنا متل العاشق والمعشوق منعشق بعض بعد ما راحت القابلة ودعتها انا ودغري نظرات الشفقه كانت واضحه ام رسمي:يلا عقبالك يا بنتي ريم:الله كريم ام رسمي:اي والله الله كريم ودعتها وسكرت الباب وقفت حد باب غرفتها دقيت الباب ودخلت وقعدت لانو مليت لحالي وشفتها ل سلفتي كيف تخبت عني وقت كانت ترضع ابنها بس ما اهتميت بلشت لاعب سجود بنتها لصغيرة حماتي:خبرتي عارف ريم:اي خبرتو حماتي:على كلا حضري شي دسم ل سلفتك ريم:اي ولوو حماتي:في شوية اواعي ل سلفتك خدي واغسليهن هند:اي وفي للبنات كم قطعه ازا ما فيها سئلة ريم:لا ولوو عادي تنهدت حماتي ب تعب وفهمت عليها اخدت الاواعي ورحت لاغسلهن وقت اسمعت صوت مفاتيح الباب عرفت هاد اكيد سلفي كملت غسل واسمعت صوت عبد معو كملت غسيل بالمطبخ شوي وطل عليي وعم يضحك عبد:شو عم تعملي ريم:عم اغسل عبد:مين في عنا ريم:بس ام هاني عبد:ههه جبت عارف واجيت ريم:خير ما عملت...حضرلك لفطور عبد:لا..بدي اياكي الك ريم:عهه والله ياريت بس عم اغسل وعندي تحضير غدا عبد:بلا غدا بلا بطيخ هلا بطلب جاهز الاهم هالايدين ما يتعبو قلبي بلش يخفق وغمضت عيوني ريم:تقبر قلبي عبد:بعيد الشر...خلصي ناطرك بالغرفه ريم:حاضرالعضوة: 275918 , منذ 5 سنوات
٣ ما سدءت ايمتى نشفتهن ونشرتهن على المنشر ورجعت ل عندو كان متمدد على التخت وناطرني قعدت حدو واطلع فيني عبد:يعطيكي العافيه ريم:الله يعافيك عبد:عم تتعبي صح ريم:لاا يوه مافي تعب عبد:كيف مافي تعب وانتي حاملة البيت على كتافك من وقت الي فاتت بشهرها ريم:يلا الاهم انها ولدت عبد وراح تعلقي كمان شهر انتي ريم:كرمال عيونك انت عبد:انا....انا بحبك ريم:هههه عبد:حلو ابن اخي ريم:لمحتو اي مشالله بيجنن عبد:افرحتيلها ريم:اي اكيد...فرحان عارف عبد:هه راح يطير فرحه لك حتى انا مبسوط ريم:.. طالع باكيت الدخان وشغل سيكارة ريم:على شو بدك توصي عبد:صفيحه ريم:اي منيح عبد:وين سجود وسجى ريم:عند امهن عبد:هلا روحي جيبهن اشتقتلهن ريم:حاضر طلع من الغرفه ورحت اخدتهن وقعدنا سوى بالصاله حضنهن سوى وحطلهن على افلام كرتون عبد:شو انبسطو باخوكن سجود:مو حلو... عبد:عهه سجى:نايم كمان عبد:ههه لنشوف هالفصعون مين بيشبه ريم:بيشبه عارف اكيد كنت عم اتاملو....ياريت الله يطمعنا ولد يكون يشبه عبد بجمالو وصفاتو الحسنه طيبة قلبو وحبو لكل الناس بعد ما طلع عارف كان كتير مبسوط عبد:ادنتلو عارف:اي والله...عقبالك اخي عبد:الله يسلمك عارف:شو مبسوطين حبيباتي عبد:ههه بكرة شعور الغيرة بيكبر عارف:ههه اي لكن عبد:ريم..روحي اندهي لامي ريم:حاضر رحت لاندهلا وطلعت معي حماتي:عقبالك ما افرحلك بالولد انت كمان عبد:اي الله كريم حماتي :شو في حبيبي عبد:عاوزك بكلمتينالعضوة: 275918 , منذ 5 سنوات
٤ اخد امو وراحو لغرفتها وهون معاد صفي فيني عقل بدون سبب انفعلت وعيوني ضلو معلقين على باب غرفتها بعد ربع ساعه طلعو ولساهن عم يحكو بهمس حاولت اطلع باي مكان بس ما اقدرت حماتي :حضرتي شي ريم:متل شو حماتي:مو حلوة مشان ام هاني ريم:شو اعمل يعني حماتي:اعملينا نحن قهوة ول سلفتك حليب ريم:حاضر مرت عمي شفت عبد طالع من البيت بدون ما يودعني ورحت للمطبخ بلشت اخد نفس وانفخو لحتى ارتحت حضرت الي طلبتو مني ضيفت سلفي ورحت ل غرفتي ارتاح شوي ما اقدرت اقعد ولا لحظه وساعه كامله وانا عم اطلع من شباك غرفتي الي بيطل ع الحارة وما كنت شوف عبد ابدا الحارة مليانه ولاد صغار عم يلعبو طابة وبنات عم يغنو ويدورو وين ما اطلع بيحترق قلبي كيف لكن عبد الي صابر على شي هو ما دخلو فيه . ... حماتي: لك يا ريم يا ريم كنت غفيانه شوي ودغري البست الشال واطلعت لشوفها ريم:نعم حماتي حماتي:يعدمني طولك وين الغدا ريم:عبد وصى عليه حماتي:ايوا هيك لكن ريم:استعجلو حماتي:اي بكون احسن اتصلت ب عبد دغري ريم:شو وينك حبيبي عبد:ب محل لصفيحه ريم:تاخرت عبد:قضيت مشوار ضروري ريم:يعني بدك تتاخر عبد:لا ساعه بالكتير بكون عندك...بدك شي ريم:هه انت كريم وانا بستاهل عبد:عيوني الك يا روحي ارتحت كتير من كلامو مرت هالساعه بالغصب وما سدءت ايمتى دق باب البيت ورحت اركض افتحلو كنت راح موت غيرة عليه ودغري غمرتو وهو فرط ضحك عبد:ههه وين كنت ليش ريم:ما ودعتني واشتقتلك عبد:هه خدي عني لكن ريم:حاضر حطيت سفرة الهن وانا وسلفي وعبد تغدينا بالمطبخ وبعد الغدا عملت الشاي وجهزت اركيلة ل سلفي واركيلة ل عبد وقعدت معهن نتفرج على مسرحية عارف:شو ريم ليش ما تروحي لعند النسوان ريم:... عبد:صح ليش ما تروحي بتتسلي ريم:لا مافي داعي عارف:ليكون خجلانه ريم:لا مو خجل بس مافي داعي عبد:احسن ما تضلي معنا ريم:لا معكن احسن اطلع فيني وكتير اخجلت منو هز براسو وتابع المسرحيه عبد:بدك تروح اليوم عارف:قصدك لعند ياسر عبد:اي عامل قبل عرسو حفله شباب عارف:بروح ليش لا ريم:بدك تروح انت عبد:اي لكن ياسر من لما كنا صغار رفيقي ريم:مين عروستو عبد:بنت ابو مهند ريم:اي عرفتها عبد:وين بناتك عارف:بكونو عند امهن عبد:روحي جيبيهن ريمالعضوة: 275918 , منذ 5 سنوات
٥ طبعن انا متضايقه من هيك طلب بس مافيني الا نفذو دقيت الباب وسمحتلي حماتي فوت اخدت البنات واطلعت فيهن لعند عبد عبد:انو انتي ليش بدقي الباب ازا قعدة نسوان ريم:.. عارف:مرتك بتخجل عبد:لا مرتي جدبة ريم:انا جدبة عبد"اليوم انا بفرجيكي يعني فوق ما غلط عليي كمان في حساب عبد:روحي ريم جيبي للبنات شيبس ريم:حاضر وقفت هالمرة بعصبيه دخلت ل غرفتي وجبتلهن عبد:ليش ما جبتيلهن شوكولا ريم:هلا بجيب عبد:لا خلص خليكي بعد ما عتمت العين اندق الباب وراح عبد ل يفتح واجى لعندي عبد:اجى هاني انضبي بالغرفه فورا وقفت ورحت للغرفه راسي عم يوجعني وكل شوي يبعتلي سجى وعلى طلبات شاي قهوة قرفا بزر وبعد ما خلصو راحو للحفله وانا نيمت البنات وفرشت فرشه ارضيه لامها ل هند وحماتي شغل ضيوف ما بتقدر شي رجعت للمطبخ رتبتو ورتبت الصاله واخدت اواعي سلفتي ورتبتهن وحطيتهن بالخزانه طفيت ضو الصاله ورحت ل غرفتي شلحت الشالة والبست بيجامه نوم بعد ما مشطت شعري وحطيت بارفان وكنت بعرف انو راح يتاخر بالسهرة لهيك غفيت. ...... حسيت على صوتو وحركتو حدي بس من التعب ما اقدرت ارفع راسي عبد:ريم...اصحي يلا....ريييمممم ريم:شوفي عبد:بدي حاسبك يلا فتحت عيوني نص فتحه وشفتو متمدد وحاطت ايدو على راسو وعم يرميني بنظراتو ريم:ليش بدك تحاسبني عبد:ليش عم تدقي الباب وما بتفوتي لعند هندد...ليكون غيرانه منها ريم:ليش لغار منها عبد:يعني من لولاد ريم:هلا هاد طلع معك عبد:لكن شو بتفسري هالحركات الي بلا طعمه ازا انتو نسوان على بعضكن ريم:اسال امك عبد:امي انا ريم:اي خايفه على ابن اخوك من عيوني...قال انا بومه ما عرفت حالي شو خبصت بس كنت زعلانه ومحروق قليي عبد:يا عمري...وانتي زعلانه منها ريم:لا عادي متعودة شو اول مرة مدلي ايدو ونمت على صدرو عبد:ما بتقصد هيك هي ريم:لا هيك قصدت ما خلتني المحو عبد:يمكنالعضوة: 275918 , منذ 5 سنوات
٦ ريم:لا تبررلها عبد مشان الله عبد:لا تزعلي هي حكمه رب العالمين ريم:اي بعرف...الحمد الله الف مرة عبد:يعني انتي حابة يكون عنا ولد صح ريم:لا ما بدي ولاد ..بدي اياك انت وما بدي غيرك عبد:هههه خايفه تحكيلي شي تاني ريم:شي متل شو عبد:انو تجوز ريم:لا مافي تتجوز عبد:ههه ولو انتي توفيتي ريم:لا ما بدي موت ...انشالله منموت سوى عبد:هههه كمان ريم:اي ممنوع تكون لغيري انت الي انا وبس عبد:لو تجوزت ما بحبها متلك ريم:لا ولا يمكن اقبل تروح لوحدة غيري لا لا عبد:ههه لا تزعلي انا الك وبس ريم:عم تمهدلي للجوازة عبد:مين حكا ريم:انا بعرف عبد:خههه بتحضري افلام عربيه ريم:لا وكنت تحكي لامك يمكن مشان تخطبلك اليوم عبد:هه ايمتى هالحكي ريم:قبل تجيب الغدا عبد:هههع ولي على تفكيرك...ما ببدلك بنسوان الارض يعني راح جيبها احلى ولا اطيب منك ريم:بتجيبلك ولاد عبد:وانا شو بدي بلولاد...انا بس بدي اياكي انتي ريم..احلف عبد:وحياة الله ما بدي غيرك...تخيلي عندي عشر ولاد وانتي مو معي شو استفدت منهن انا عايش معك احلى ايام عمري ليش لخرب على حالي وعليكي ريم:الله يخليلي اياك يا عمري عبد:طمني بالك ولا تفكري وامي حسابها بكرة ريم:لا مشان الله عبد لا تحكيلها شي بكرة بتفكرني انا حرضتك عليها عبد:مو كافي شغل البيت الي ما عم يخلص كمان عم تنقر وتسمعك حكي شو انا جايبك خدامه الهن ريم:كرمالك بخدمهن كلهن لا تفكر انو بزعل من الشغل .بزعل وقت تهملني وبس عبد:طيب ما راح احكي شي بكرى بس دافعي عن حالك لا تضلي جدبة ريم:ههه مو هيك انا جدبة عبد:معي بس مع غيري بدي تفرجيهن العين الحمرا ريم:هههع عبد:دخيل هالضحكه....بعدين وليه كيف جاييكي نوم بدوني ريم:تعبانه والله كتير عبد يلعن ابو التعب ريم:ما طولت عبد:هههه المزح منك بيجنن ريم:انت الي بتجنن .....العضوة: 275918 , منذ 5 سنوات
٧ صوت دقة الباب الصبح من ابشع الأصوات بكل حياتي حسينا على صوت الدقة وتحركنا سوى تجلس عبد عبد:يلا يلا حماتي:خلي ريم تجهز فطور للنفسه عبد:يلا هلا بصحيها...ريم...ريم حبيبتي يلا الساعه تسعه ..يلا ريم تجلست وفركت عيوني عبد:يسعد صباحوو التعبان ريم:.. عبد:يلا روحي جهزي فطور ريم:حاضر طبعا بدون نفس تجلست وهو رجع تمدد لبست قميص نوم طويل والوكمام لونو زهر فاتح ومشايه ولفيت شال على راسي طبعا رحت ل غسل وشي تصبحت ب خلقه حماتي وزورتني دخلت ع الحمام مستعجلة وبعد ما طلعت كانت بالمطبخ حماتي:ازا بتعرفي سلفتك ولدانه جديد مين مستنيه يعمل لفطور ريم:هلا لصحيت حماتي:ليش لاي ساعه سهرتي ريم:وقت اجى عبدسهرني معو حماتي:اها.تاني مرة لا تسهري ازا عندك شغل يلا حركي مو حلوة سلفتك من ساعه صحيت وبتكون جوعانه وكمان ام هاني ريم:حاضر حماتي اسمعت صوت باب غرفتنا انفتح ودغري وقفت عندباب المطبخ دخلت حماتي لعندعبد وسكرت الباب وراها وهي الشغلة بتموتني قهر اجتماع صباحي مغلق حضرت لفطور بنفس خالصه ورحت قدمتو ل سلفتي وامها ام هاني:يعطيكي العافيه ريم:الله يعافيكي ام هاني:وين ام عارف ريم:هلا بندهلا . دغري طلعت من غرفتهن ورحت جهزت القهوة الي ول عبد ورجعت لعندو وبس شافتني فورا وقفت ريم:لفطور مرت عمي جهز حماتي:اي ماشي طلعت وسكرت وراها الباب وانا ابتسمت ل عبد وضيفتو القهوة ريم:مو ناوي تروح للشغل عبد:لبعد ساعه كمان ريم:امم..شو كان بدها حماتي عبد:وصتني على شوية اغراض ريم:وليش ما وصت عارف عبد مو ملحقه تحكي معو الصبح ريم:وما نبهت عليك شي تاني عبد:ههه اي حكتلي لا تسهرها هي خلقه بتموت بالنوم ريم:امانه عليك انا هيك عبد:بعشق نومتك انا ازا انا رضيان تركيلي هالناس على جنب ..اي شو هالقهوة مسك ايدي وباسها عبد:من ايدين ما بعدمها الهي ريم:ههه دخيل قلبك عبد:جهزيلي اواعي بدي روح اتحمم ريم:حاضر بس ممنوع تطلع بالمنشفه ام هاني عنا عبد:ههه اي حاضر اناالعضوة: 275918 , منذ 5 سنوات
٨ طالعتلو اواعي ورحت نظفت غرفه سلفتي وشلت لفطور وجهزت فطور النا اجى ع المطبخ ليفطر وهو عم يسكر زر قميصو ريم:ما تبلا هالشبوبية عبد:حلو يعني انا ريم:بتجنن..الله يعمي عيون البنات عنك عبد:ههه المشكلة المحل ما بيفضى من الصبايا ريم:ولي على طولي انا عبد:هه روقينا عمري منقضي الفطور ونحن عم نطعمي بعض وبس فاتت حماتي زمت شفافها حماتي:لا تنسى الي وصيتك عليهن عبد:اي....بدها تروح ام هاني حماتي:لا بدها تضل اسبوع بقلبي هاد الي كان ناقص ازا لا شغله ولا عملة وبنتها في مين يخدمها لشو كل هاد عبد:يلا وصوني قبل روح حماتي:الله يرزقك وينور دربك ويبعد عنك ولاد الحرام عبد:بدك شي حبيبتي قبل روح ريم:سلامتك عبد:اي شي اتصلي فيني ريم:حاضر طلعت لودعو عند الباب وما سكرت الا لطلع من الحارة اخ شو بحبو وبموت عليه بفديه بروحي لبعد الظهر لخلصت شغل البيت وغسيل ل سلفي وجوزي وحماتي واجى هاني لعند اختو وبعد ما خلصت شغل اخدت اواعي ورحت لاعمل دوش ولحق صلاة الظهر قبل تروح عليي البست حفرة لونها اسود وبنطلون جينز غامق وفوقها عبايه لونها اسود ولفيت شاله لونها بني صليت وقرأت قرآن وقبل خلص صوت باب غرفتي انفتح بوست القرآن وحطيتو على جنب واطلعت ب حماتي حماتي:الله يقبل كنتي ريم:منا ومنك صالح الاعمال حماتي:اعملي كاسه قرفا وجوز ل سلفتك ريم حاضر البست جرابات وحفايه لونها اسود زحافيه ودخلت للمطبخ حضر الي طلبتو وشوي اندق الباب رحت اركض افتح وكان فوج من اهل هند ولييي يا ويلي افواج مو فوج صريخ ولاد صغار اخواتها البنات واولادهن ومرت اخوها وولادها ودغري دخلو ل غرفتها وانا اجاني فالج فوري لولاد عم ينطو بالصاله ويصرخو وانا وقفت استوعب شو الي صاير صوت الباب كان عميق ورحت افتح وشفت شب حامل اكياس مو كيس الشب:هون بيت ابو عارف ريم:اي خير الشب:هدول خروفين مدبوحات من لمعلم عبد وين حطهن ريم:دخلهن لجوا دخلهن للمطبخ وراح وانا وقفت بنص المطبخ محتارة خروفين شو هاااد رحت دقيت الباب على حماتي طلعت لعندي حماتي:شو بدك ريم:عبد باعت خروفين مدبوحات حماتي:اي لكن غسلي اللحمه وركبي الغدا بسرعه ريم:غدا حماتي:لكن اهل سلفتك جايين يباركولها حلو يطلعو بلا غدا ريم:اطبخ كل هاد حماتي:شيلي منو بس كم كيلو واطبخيه مع رزالعضوة: 275918 , منذ 5 سنوات
٩ ارتفعت حرارتي البست مريول الجلي وبلشت بتغسيل اللحمه ونزلت الئدر لكبير للطبخ وركبت ببور ارضي وشغلت ع اللحمه ساعتين طبخ وساعه بس لحتى استوى الرز وطبعا مكسورات وزبيب للزينه وليمه عنجد صبيت الغدا واتصلت ب عبد لحتى يرجع يتغدا بس حكالي ما بدو يرجع عم ينزل بضاعه للمحل ندهت ل حماتي وحطينا الاكل بغرفه سلفتي للكبار ولصغار بالصاله وانا قعدت بالمطبخ ارتاح بعد ما خلصو كان البيت من المرة حالتو حالة وبلشت تكنيس وتنظيف ورا الجيش وبعد ما راحو دخلت اجلي لحالي ساعتين بالمطبخ وبعدها طلعت منو وتيابي معبية مي دخلت للحمام اخدت دوش ريحني لفيت المنشفه على حالي واطلعت ركض من الحمام للغرفه طالعت قميص نوم نظيف البستو ومشطت شعري وتمددت بتعب على ظهري وحسيتو عم يتكسر ثواني وكنت عم اشخر. .... متل الحلم حسيت على فوتت عبد لعندي بس ما اقدرت اتحرك ابدا سكر الباب واجى لعندي عبد:يا حبيبي اشتهيت فوت وتكوني ناطريتني ...حظ متل حظ ولاد الحرام...ريم يا ريم........اوووف ناقص بس اترجاكي لتصحي...الساعه لسى تمانيه ليش نايمه هزني شوي من كتفي دايقني بزيادة سكرلي انفي لحتى اصحى فتحت عيوني وما عجبني شي بعدت وشي عنو بسرعه عبد:ايوا...زعلانه كمان بدل ما انا ازعل تجلست ودورت على ربطه شعري وربطتهن ريم:... عبد:شو ضاربة بوز الله يسترني منو ريم:شوفي عبد:لا سلامتك ولا في شي ...لحمار جوزك رجع وبدو اياكي ريم:لا تحكي هيك عبد بترجاك عبد:بربك في مراة بالعالم هيك بتستقبل جوزهاالعضوة: 275918 , منذ 5 سنوات
ريم:تعبانه كتير عبد:ها...بلشنه ريم:يعني شو انت ما بترحمني ولا بتحس فيني عبد:كل هاد وماني حاسس فيكي...شو عاملة لحتى تعبانه ريم:اسال حالك...مو باعت خروفين للطبخ عبد:ههه طبختيهن ريم:اي اجو اهل هند وحماتي طبختني اياهن عبد:والله ؟!....بتعرفي ما معي خبر ريم:ليش هالخروفين لكن عبد:عقيقه ل ابن اخي لجديد بقلبي هي عقيقه والبنات كل وحدة سنسال باسمها من دهب عبد:يلا منيح يعطيكي العافيه يارب...ما فكرت انك تعبانه بقلبي ولا راح تفكر من الصبح وانا واقفه وعم اشتغل بالمطبخ حتى كلمه الله يعطيكي العافيه ما سمعت عبد:هههه يا عمري كيف بتحرد من كلمه ...انا كل فكري مو شبعانه نوم مو انو تعب ريت التعب الي انت ولا الك ريم:لا بعيد الشر عنك عبد:يعني خلص بدك تكملي نومتك ريم:... عبد:ههه ما راح روح مشوار لا تزوريني بدي ضل هون حدك ريم:شو بدك انت عبد:قلت منسهر ومنأركل سوى ريم:اه سدءت سوى قال عبد:بدك تأركلي وليه ريم:... عبد:حاضر يلا زبطلي سهرة مرتبهالعضوة: 275918 , منذ 5 سنوات
١٠ هزيت براسي....احب على قلبي سهرة ومعو ولحالنا الله يكملها معي لاحظ انو انبسطت عبد:عارف هون لا تطلعي بقميص النوم ريم:لا راح بدلو بلش يبدل تيابو وانا البست بنطلون اسود وبلوزة لونها احمر حفر والبست عباية سودة ولفيت شال بشكل عشوائي واطلعت لجهز سهريه الي والو حضرت الاركيلة وشاي وصحن مكسرات وبلشت عمليه النقل ل غرفتنا وبالاخر اخدت الاركيلة بفوتت عارف عارف:اي هيك لكن ريم:ههه حول عارف:لا والله تعبان ...وبعدين مو حلوة افسدها عليكن هالسهرة ريم:يلا عقبال ما تقوم ام محمد بالسلامه عارف:الله يسلمك ريم:طالع كأنك مشوار عارف:اي حماتي هون ومو حلوة احبس حريتها رايح لعند مجدي اسهر ريم:ميسرا اوخ وعارف فل وحماتي هلا بتندفس وانا وعبد راح نسهر لحالنا 🤩😍 دخلت لعندو وكان عم يزبط التلفزيون عبد :تعالي انتي بتفهميلو لهاد ريم:هههه هات عنك عبد:بتعرفي ازا الاشارة منفوق لتطلعي انتي تزبطيها ريم:ههه من عيوني حاضر كم عبد انا عندي عبد:ليكون مسدءة راح خليكي تأركلي ريم:وبلاها عادي المهم نكون سوى عبد:اي الحسي بعقلي حلاوة لشوف زبطت التلفزيون وهو شغل الاركيلة وقعدنا على فرشه ارضيه نحضر فيلم هندي اول خمس دقايق قضيتها بس ادعي "الله يكملها معنا " شلحت العباية والشال وانسجمت معو مو بالفيلم ب عبد وهو عم يتابع ومو معبرني ابدا عبد:يا ترى عارف وين ريم:طلع لعند مجدي عبد:ييي بربك ريم:ليش عم تسال عبد:هلا بيختمو السهرة عليي ريم:ليش عبد:انو مرتي حاكميتني ريم:لا ما بيحكو...وبعدين بيقولو نيالو سهران مع مرتو عبد:هه بالفعل هيك بيقولو ريم:يعني ما بدك اركل معك عبد:مو عيب النسوان تاركل ريم:بشوفهن بالتلفزيون بدخنو كمان عبد:احسن ...ونحن شو دخلنا بالتلفزيون...ابوكي بيرضى اخوكي بيرضى ريم:وشو دخل بابا واخي انت الامر الناهي عبد:بلا شو ...ويحكو مرت عبد بتأركل وفلتانه ريم:ليش وين راح اركل هون وبس عبد:لا هي سوسه...وبكرى بتبطل تفرق معك بتصيري تاركلي مع عارف وبعدها ابصر مع مين. ريم:اوف هيك انت بتشوف عبد:الاركيلة خط احمر ريم:سحبة وحدة عبد لا يعني لا بقلبي:تضرب هديك الساعه الي طلبت منك عبد:بكرى العرس ريم:اي منيح عبد:لو مو هند والدة جديد كنت خليتك تروحي تحضري ريم:يلا خيرها بغيرها عبد:حظك زفت شو اعملكالعضوة: 275918 , منذ 5 سنوات
١١ ريم:لا تحكي هيك حظي بيجنن مو متجوزتك عبد:ههن بيفلق الصخر على هالجوازة ريم:شو قصدك عبد:موت واعرف ليش بتحبيني ريم:عم تتمسخر... عبد:ماني حلو ابدا ريم:لكن لمين تركت الجمال عبد:بيني وبينك اسمعت مرة حكي بين تنتين ريم:اي عبد:قال ريم اخدت احلى واحد ببيت ابو عارف صحيح ريم:ومين هالفلتانه الي حكت عبد:هه وحدة من معجباتي القديمات ريم:الهي بتعجب انا فيها يارب عبد:ههه مجنونه ريم:وكنت انت معجب صح عبد:ايام ولدنه يعني مكتوب غرام او دفتر زكرى هههه ريم:وكنت كاتب لشي وحدة بدفتر عبد:ههه اي سلام سليم ارق من النسيم وهون انا انفجرت وضربتو على صدرو لحتى بلش يسعل عبد: لعنتي ابو حالي ريم:لتتعلم تحكي هيك حكي عبد:ههه يعني الي بيحكي الصراحه بموت بالبيت ريم:لا هي مو صراحه عم تجاكرني عبد:وانتي ما حبيتي ريم:انا ههههه لا عبد:زهزهتي اكيد كنتي عشقانه ...احلى مني صح ريم:لا والله ما حبيت غيرك عبد:اي اي سدءتك بس الا ما اعرف ريم:لا يا ابن الحلال والله ما لحقت اعشق واتمعشق عبد:يعني لو صحلك ما قصرتي ريم:ههه لك بتعرف اخي عمار بيدبحني ازا برفع راسي شوي عبد:ابضاي لانو بقلبي اي بس اختك تجوزت عن حب عادي وعايشه حياتها بالطول وبالعرض معو ريم:بتعرف بحبو كتير ل شاروخان عبد:بلا شو ريم:اي بيجنن عبد:عم تفاولي على شبابك انتي ريم:ههه ممثل هاد ما راح يطسني عبد:بس هي تقليل من كرامتي ريم:لا كرامتك بالحفظ والصون عبد:لو سهرت مع عارف كان اريحلي...على شوي كان راح ييجي اجلي ريم:ههه وجعتك عبد:دبحتيني ريم:عهه كيف انا لكن بتحمل منك عبد:هههه ريم:بتعرف عبالي نسافر شهر زمان عبد:ههه هلا بلش دك الاحلام...هلا بدي سفرك على تركيا ريم:اي تمسخر عبد:هههعالعضوة: 275918 , منذ 5 سنوات
١٢ كان صوت لولد لصغير طالع يا الله ما احلى صوتو عشق بالنسبه الي سكتنا وما كان يسكت ما اهتم ابدا عبد نقطه ايجابيه بحياتو بس شوي واندق باب غرفتنا عبد:مين حماتي:انا يامو عبد:فوتي دخلت ودغري تمايزتنا سوى وحكت بلهفه حماتي:والله ما بعرف شو بدي قلك عبد:شوفي حماتي:ابن اخوك عم يبكي ومو رضيان يسكت عبد:... حماتي:روح نجيبلو الدكتور عبد:يلا ماشي طبعا انا انطمزت بس يلا الاهم صحه البيبي عبد:هاتي ريم الجاكيت لبس فوق القميص الدخلي جاكيت سكر السحاب ولبس البوط وطلع بسرعه وحماتي طلعت وراه كانت الاركيلة شغاله وحليت بعيني قفلت باب غرفتي وبلشت اسحب عليها ههههه لعنت اختو للنفس وبعد ما مليت البست واطلعت اطمن على الولد كانت ام هاني حاملتو وعم تراضيه فاجر لدرجه صوتو كتير عالي ريم:اعطيني عنك خاله قبل تعطيني اياه هند:هاتي ماما يمكن بدو يرضع اعطتو ل هند وبعد محاولات ما سكت وبلشت هي تبكي خايفه عليه ام هاني عم تقرا المعوذات على بنتها وعلى الولد ام هاني:اسم الله عليه عين وصابتو ريم:ليش هيك عم يبكي ام هاني:كان نايم وفجاة هيك بلش يبكي هند:لك اخ بس اخ ريم:سلامتك موجوعه شي هند:انتي ما دخلك ....اخ يا ماما اخ ام هاني:شو صرلك حبيبتي هند:صدري حاسو عم يغلي غلي والوجع يا امي ما عم يروح ام هاني بسم الله عليكن اخدت الولد عنها والبنات بلشو يبكو على امهن وما سدءنا ايمتى جاب الدكتور عبد طلعت انا والبنات من الغرفه والدكتور دخل هو وحماتي عبد:شو ما سكت ريم:لا ولسى هند مدري شو صرلا عبد:شو صرلا ريم:ما بعرف عم تتوجع هي كمان عبد:لاتصل ب عارف اتصل ب اخو وبعدها اجى ملهوف وانا وعبد عم نهتم بالبنات لحتى طلع الدكتور راح عبد ليحاسبو ويوصلو وانا دخلت لاطمن عليهن ريم:خير طمنوني حماتي:اطلعي انتي من هون ريم:يعني تحسن الولد حماتي:عين وصابتو ريم:... ام هاني:انا مية مرة نبهت عليكي ما ترضعي قدام اي مخلوق طالعتني حماتي ودغري بهدلتنيالعضوة: 275918 , منذ 5 سنوات
١٣ حماتي:ما بتعرفي تصلي ع النبي انتي ريم:ليش حماتي:الدكتور حكى طالعه بصدرها دملة كبيرة وع الاغلب عين الله يخزيها ريم:شو قصدك مرت عمي حماتي:في حدا غيرك محروم الضنا اه ريم:..قصدك انا ...انا صبتها عين ل سلفتي حماتي :يمكن مو بقصدك بس لا تفوتي غرفتها ابدا وازا فتيها بدي اكسرها لرجلك ما توقعت هيك يصير انا ما لمحت الولد الا اليوم دخلت ل غرفتي وبلشت رتب فيها واتفشش بالشغل وما سدءت ايمتى خلصت والبست قميص نوم ونطرت الافندي يرجع عدت الساعه ١١ ولساه ما رجع وما بدي نام بدي اشكيلو من عمايل امو ومرت اخوه .. انفتح باب البيت وكان عم يحكي مع حماتي بالصاله وانا فتحت باب غرفتي وطليت عليه ما الو نفس يتركها وقبل يخلص ندهتلووو ريم:عبد...تعال شوي سكرت باب الغرفه ونطرتو لحتى فات شلح الجاكيت وانا تخنصرتلو وبلشت هز برجلي ريم:شو طولت .عبد:وصلت الدكتور ريم:فهمتها هي وباقي الوقت عبد:شفت رمزي وتمشينا هون ريم:اه بس هيك عبد:وين بدي كون يعني ريم:ما بعرف عنك . عبد:شو سكت الولد ريم:بس طلعت من الغرفه...اتاريني ضاربتو عين الو ولامو عبد:ههه كيف. ريم:اسال امك....قال انا محرومه ضنا وعيوني فارغه والولد عم يبكي من عيني عبد:ههه هلا هيك ريم:اي هيك تفضلت امك عبد:مرت عمك هي ريم:بالاسم وبس... هيك بتكسر خاطري عبد:يمكن ما قصدت هيك ريم::اي انت بررلها عبد:شو رأيك روح اضربها لترتاحي ريم:لا بس ما بيصير هالحكي انا بنت عالم وناس عم تسمعني حكي ما بيسوى عبد:اي خلص انتي بتعرفي حالك عينك مو فارغه ريم:حتى انت يا عبد....كلكن عليي ...انا شو ذنبي ازا الله حرمني الخلفه وفوق كل هاد مو خلصانه منكن عبد:من الاخر ريم انا تعبان بدك تسكتي وتنامي ولا نام ريم:لا نام وارتاح عبد:اي بكون احسن رجع لبس الجاكيت وانا رجف قلبي ورحت اتعمشقت فيه ريم:وين رايح عبد:بدي شوفلي سهرة ريم:لا لا سكتت خلص خاص عبد:روحي من وشي ريم ريم:بعرض امك خلص معاد احكي خلص شلحتو الجاكيت ريم:خلص وعد ما بقى افتح تمي بحرف عبد:ايوا هيك بدك من الاول انتي ريم:ليش عصبت عبد:هاتي الجاكيت ريم:هههه 😂😂يا عمري الي بيحرد دغري خلص انا اسفه عبد:ما بتيجي الا بالعين الحمرا بقلبي...لا بكسر على انفي كيلو بصل ولا بتركك تروح تسهر وبكرى بتحلى بعينو لجوازة وبيتجوز عليي وبيجيب ولاد وانا بتروح من المرة عليي .. .....العضوة: 275918 , منذ 5 سنوات
١٤ شهر كامل بس خدامه للست هند وبعدها وقفت على حيلها رتبت غرفتها وصارت تاكل وتتغدا معنا كبرانه الخسه براسها بعد ما جابت الصبي وعينها قويانه لدرجه وع الطالعه والنازلة تسميع كلام وتحكي معي من برات نفسها وانا كنت ونس حالي ب جوزي عبد انو بحبني ومدللني وما بيرفضلي طلب بس وقت الموضوع يكون يخص اهلو يرفضو ويكتر من الصبح ما راح للشغل كان دور سلفتي عملت لفطور وانا عزلت باقي البيت واجتمعنا كالعادة وعبد اختصاصو سجود وعم يطعميها ويهتم فيها وبعد ما اشبعنا عارف راح مشوار وسلفتي بلشت بترتيب المطبخ بكى ابنها وعبد طلب مني جيبلو اياه عبد:روحي جيبي الولد ريم:تسطفل امو موجودة .عبد:لك انا بدي شوفو ريم:روح خدو انت..انا عيني والقبر عبد:هند...ياهند. هند:نعم عمي عبد:جيبيلي محمد هند:اي بامرك كانت تبخ سم من تحت ل تحت راحت واعطتو الولد عبد:كبران يا ازعر ريم:صلي ع النبي عبد:ههه ..بيشبهني صح ريم:لااا يوه انت احلى عبد:في الي صورة وانا صغير بيشبهني الولد ريم:لا قلت انو انت احلى عبد:ههه عنجد ريم:تقبر قلبي ما في منك وبجمالك انت عبد:يعني كل البنات بيتمنوني ريم:هلا شو دخل البنات.. عبد:ههه بتغاري يا ويلي كيف بتغاري بقلبي بموت غيرة عليك مو بس بغار ريم:انا كمان حلوة. عبد:هههه ريم:ليش عم تضحك عبد:لانك عنجد حلوة ...دخيل الي خلقك شو عسل ريم:اي وطي صوتك عبد:هههه بس لو تكبريلي عقلك ريم:اكبر من هيك بيتفجر عبد:اي ام النكد حاسس بتمك في حكي ريم:يا روحي انا غمرتو وهو خجل من فوتت هند علينا وتنحنحت هند:عنك سلفي عبد:خليه معي هند:لاخدو راحتكن اعطاها الولد وانا ما خجلت منها حطيت راسي على صدرو وهمستلو ريم:اي بتمي في حكي عبد:هه امريني ريم:بدي اسهر ببيت اهلي عبد:ههه وربي كنت عرفان ريم:صا..