العضوة: 46429 , منذ 4 سنوات

لسا صامده و مضربه عن الحمل🤣🤣🤣

العضوة: 378864 , منذ 4 سنوات

سماح .. ليش احمد.. لانك بنت حلوه بخاف حد يحط عينو عليكي سماح.. كيف يعني احمد.. ضحك ومسك ايدها وركبها السياره ومشي سماح.. ياربي الدنيا كتير حلوه ما اجمل السما والشمس كنت اتخيلها غير قبل شهر ونص كنت محرومه كل معاني الانسانيه. ..بس بتعرف احمد بسأل حالي لو ما انت اشتريت المزرعه كان انا بعدني اسيرة الحظيرة ااخ شو تعبت كتير يا احمد تعبت كنت ما اعرف شي عن الدنيا محرومه كل شي كنت ابكي كتير وأسأل نفسي ليش انا هون واتذكر وقت كانت امي اطعميني وتحممني وتحكيلي قصه بس فجأه امي اختفت ليش تركتني نفسي افهم كان اخدتني معها صحيح احمد كان الي اخ اسمه اسمه ااوف مو متزكره بس كان اكبر مني بتزكر كان يضل يبكي واسمع صوته بس احمد... اخوكي سامح سماح.. اي اي سامح بتعرف وينو احمد .. اخوكي مسافر ومتزوج ورح نخبرو انك مو ميته بس لتتحسني وترجعي طبيعيه وتخلصي مرحلة العلاج سماح.. انا انا كويسه احمد.. لا لسه بدك تخلصي العلاج النفسي والنطق عندك لسه بدو شغل يعني شهر زمان بتتحسني ومنخبر سامح سماح.. تمام احمد.. وصلنا يلا رح ننزل بس انتي اوعديني ماتخافي من الناس سماح.. ان شاء الله نزل احمد وفتح باب السياره ونزل سماح مسك ايدها وسرح بعيونها وحس بنبض قلبو سريع سماح ابتسمتلو ... سماح.. شو بك يلا مشي احمد.. ااه اسفه يلا تفضلي

العضوة: 378864 , منذ 4 سنوات

ههههههههههههه والله كفوو

العضوة: 378864 , منذ 4 سنوات

احمد.. ااه اسفه يلا تفضلي دخلو المطعم وجلسو على طاوله بطل على البحر سماح... هاد هو البحر عنجد حلو كتير احمد.. بتحبي تتعملي تسبحي بالبحر سماح.. كيف يعني احمد احمد... بعدين بفهمك هلاء خلينا نتغدا طول الوقت كانت تتلفت حواليها وهو صافن فيها ومبسوط عليها كأنها طفله تسألو عن كل شي كان احمد يحب فيها كل شي الا انها عنيده وبتعصب بسهوله خلصو وقرر احمد يروحو لكن سماح مبسوطه بالناس ومابدها تروح.. أحمد. . خلص باخدك بكره لمكان احلى سماح. . مابدي روح على المزرعه بدي ابقى هووون أحمد. . اي خليكي لحالك انا رايح سماح.. اي براحتك رووح احمد.. رح تجنينيني خلصنا يلا سماح.. انا مبسوطه هون بين العالم احمد... طيب منبقى بس نص ساعه تانيه. .. سماح.. اي اي وصارت تضحك وتنط وقربت على احمد حضنته واحمد انصدم وانبسط فيها وببرائتها ... خلصو وروحو بالطريق غفيت سماح... احمد عم يحاكي حالو... احمد ياربي شو ناعمه وبريئه ربي يعينها كيف تحملت هالشي كله وصلو المزرعه ومارضي يصحيها حملها وودخلها لغرفتها يتبع

العضوة: 378864 , منذ 4 سنوات

الجزء 4 ...ترويض النمره بقلم سوزان قهوجي 🐯🐯🐯🐯 نيمها احمد على سريرها بكل هدوء .. كانت مثل الأطفال .... ضل احمد قاعد جنب سريرها يتأملها غفي احمد وهو قاعد على الارض صحيت بالليل سماح كانت عطشانه بدها تشرب لقت احمد نايم مشيت بكل هدوء من جنبه وجابت حرام صغير وغطته وهو نومه خفيف نقز وقام ... احمد.. ايش في ااه اسف نمت هون ما حسيت على حالي سماح.. كنت هون ليش ههه خايف علي شكلك صح احمد.. لا مو هيك خلص خدي راحتك وغيري ملابسك ونامي وارتاحي سماح.. ماشي تصبح على خير احمد .. ماشي انا طالع تصبحي على خير سماح.. ماشي خلص يلا تصبح على خير ..... طلع احمد وراح على غرفته وما عرف ينام حس انه كل شي متغير قلبه عم يخفق بسرعه بعد وفاة زوجته مرام ما حس انه قلبه بيخفق بهيك طريقه صار يتزكر حركات وتصرفات سماح وطريقتها الطفولية وبرائتها صار يسأل حالو معقول انا معجب فيها لا لا هي بنت مسكينه وعانت كتير لازم ما اخلي مشاعري تتحكم في وفي يوم اظلمها .. بس والله شكله قلبي خفق اااخ شو اعمل ..... طلع الضو واحمد غفي بدون وعي ... صارت الساعه 10 الصبح صحيت سماح ولبست وفطرت وراحت على غرفة احمد ودخلت من غير ما تستأذن لانها بتنسى كتير امور بحكم انها مو متعوده سماح. . احمد ... احمد. أحمد. . يلاااا اصحى قوووم بسرعه اليوم خدني على مكان في هاد البحر بدي اشوفه عن قريب يلااا احمد.. صحي وهو مصدوم كيف هي واقفه قدامه وهو خجلان منها لانه نايم بملابسه الداخليه احمد.. طيب حاضر اطلعي استنيني بالصاله وهلاء بلبس وباجي

العضوة: 378864 , منذ 4 سنوات

بلبس وباجي سماح. . لاء يلا اصحى والبس احمد .. سماح لو سمحتي لازم تتعلمي شغله مابيصير تدخلي عل حد هيك ماشي يلا اطلعي سماح.. صفنت فيه وحست حالها غلطت لكنها عنيده وزعلت وحملت حالها وطلعت وراحت على غرفتها وصارت تبكي احمد لبس بسرعه وراحلها احمد.. دق الباب وفات لعندها احمد.. ممكن افهم ليش زعلتي مني وليش البكى هاد سماح. . مافي شي بس انت بالليل كنت بغرفتي وانا ما عصبت وهلاء انت زعلت لما فتت غرفتك ليش اه احمد... ههههه لا لا القصه مختلفه شوفي رح اشرحلك في شي اسمه خصوصيه .. انا لما فتت لغرفتك كنت انا مدخلك ومنيمك وانتي لابسه ملابسك .. يعني ما كنتي نايمه بملابس النوم وانا فتت اما انتي فتي علي بدون ما انتبه وانا لابس ملابس النوم ما بيصير تشوفيني هيك ماشي لانه انا شب غريب عليكي فهمتي سماح... ااه اسفه عنجد بس مش متعوده خلص مو زعلانه يلا خدني على البحر احمد... هههه ماشي يلا .... وصلو للبحر نزلت تتمشى على الشط ولما لمست مية البحر أطراف رجليها خافت اولها بعدين استمتعت وصارت تركض عل الشط متل الأطفال صار احمد يصورها فيديو عشان تشوف حالها بعدين كانت متل طيور النورس .. متل فراشه صغيره عم تتمايل مع موجات البحر استمتعت وكانت عم تشعر بالحريه يلي انحرمت منها طول عمرها ... بعد نهار طويل على البحر روحو سماااح.. احمد انت احلى شي بالدنيا اقولك لا لا انت دنيتي عنجد شكرا الك

العضوة: 378864 , منذ 4 سنوات

دنيتي عنجد شكرا الك احمد.. انا مبسوط لانك عم تعيشي حياتك ومبسوطه وهلاء الك عندي خبر من بكره رح تيجي معلمه تعلمك الكتابه والقرأه سماح.. شو يعني رح اصير اكتب قصص مثلك احمد.. ههههه مو لهدرجه بس ممكن تصير احسن مني كمان سماح... احمد نفسي اشكرك بس مو عارفه كيف احمد.. انك تكوني مبسوطه وبخير وضحكتك على وجهك هاد هو الشكر الي لانه بكون نجحت اني اساعدك سماح.. انت طلعت احن من ابي الظالم بس بدي اعرف وينها امي نفسي شوفها احمد.. امك مو موجوده سماح.. كيف يعني فهمني احمد.. سماح انتي قويه واتحملتي عذاب ما بتحمله حدا وصبرتي على الذل لمدة 15 سنه كامله جسمك معلم عليه اثار الظلم .. امك يا سماح ماتت من زمان سماح. . ماتت امي الحنونه الدافيه ماتت احمد.. ابوكي هو يلي قتله وهو سبب سفر اخوكي سامح كان ظلمه مش طبيعي بس الحمد لله ربنا موته موته صعبه انتقام الكم سماح.. كيف مات احمد .. كان عندو عشيقه سريه بتشتغل رقاصه وهي نقلتله مرض الايدز وعانا سنين ومات وخلص الدنيا من شره سماح. . شو يعني رقاصه وشو هاد مرض الايدز شرحلها احمد كل شي .... بعد مرور شهر ♡♡♡♡♡

العضوة: 378864 , منذ 4 سنوات

بعد مرور شهر ♡♡♡♡♡ ابو عبود.. مرحبا انسه سماح كيفك سماح. . بتعرف عمو ابو عبود كنت انت الوحيد يلي تطمن علي والله ما بنسى حمايتك الي وقت كان يجي ابي يعذبني ابو عبود.. بنتي حبيبتي انسي الماضي كله هلاء قومي شوفي الاستاذ احمد بدو يشوفك سماح.. اي يلا احمد.. تعالي شوفي جبتلك هاي الهديه سماح. شكرا احمد شو هاي.. اه هاد جوال ياربي شكرا الك بس كيف بدي استعمله احمد.. هلاء خليه معك للاتصال وبس يكون عندك درس مع المعلمه خليها تعلمك عليه ماشي سماح.. هاد هو يلي بتتصورو فيه احمد.. ههه اه تعالي ناخد اول صوره سلفي سوا وقفت جنب احمد وتصورو ... واخدته وطلعت على غرفتها سماح.. يسعدو ما احلى استاذ احمد مافي منو والله وضلت تتفرج على الصوره ...... مرة ايام وشهور وكانت سماح عم تتعلم كل شي وصار احمد مو بس يحبها صار يعشقها ... يتبع

العضوة: 378864 , منذ 4 سنوات

توقعاتكم وآرائكم تهمني .....

العضوة: 444524 , منذ 4 سنوات

حلوة كتير وجديدة ومختلفة عن باقي القصص

العضوة: 424176 , منذ 4 سنوات

كتير حلوة تسلم ايديك حبيبتي 😍

العضوة: 424176 , منذ 4 سنوات

كملي بليز 😂

العضوة: 496761 , منذ 4 سنوات

كملي تحمست كتير

العضوة: 378864 , منذ 4 سنوات

الجزء الخامس ترويض النمره بقلم سوزان قهوجي 🐯🐯🐯🐯🐯 فوت قبل القراءة ⭐️⭐️⭐️⭐️ ....... سماح تملكت من قلب أحمد وهو بطل يتخيل حياتو من غير سماح صارو متل عيله وحده هو وسماح وام محمد وابو عبود تساعدو لرجعة سماح انسانه طبيعيه تماما ... مرة سنه كامله على وجود سماح بحياة أحمد .... قرر احمد انه صار الوقت المناسب ليخبرو اخوها سامح عن وجود سماح.... احمد.. سماح رح احكي مع اخوكي سامح لنخبرو عن وجودك لكن لازم يجي للبلد اول شي عشان يشوفك شو رأيك سماح.. اه ياريت انا كتير حابه شوفو لاخي بس كيف رح يقبل يرجع للبلد ... احمد.. عم فكر احكي مع المحامي يلي كان موكله ببيع المزرعه شو رأيك مو افضل سماح.. اي تمام انا معك شو ما بتقول احمد.. خلص اتفقنا احمد.. انت عندك شي اليوم شو برنامجك سماح.. اليوم عندي فحص سواقه ان شاء الله اخد الرخصه احمد .. انا متأكد انك رح تنجحي بالفحص طيب انا عندي اليوم اجتماع مع شركة انتاج عشان مسلسل جديد رح اكتبه ما بتأخر العصر بكون هون وانتي هاي ابو عبود رح يبقى معك ماشي سماح.. طيب ماشي طلعو كل واحد على شغله ... .... سماح.. الو احمد لك نجحت والله ههههه احمد... الف مبروك وين انتي هلاء سماح.. مروحه مع عمو ابو عبود للمزرعه احمد.. تمام وانا ساعة زمن وبكون عندكم سلام سماح.. عمو ابو عبود ممكن تاخدني على محل شوكلاه وورد

العضوة: 378864 , منذ 4 سنوات

شوكلاه وورد ابو عبود ... طبعا شو ما بدك منعمل يلا دخلت المحل واختارت تنسيقة ورد حمرا وبعدين جابت اطيب شوكلاه وصلت المزرعه قبل احمد طلبت من ام محمد تحضر الغدا وطلعت عل غرفتها غيرت ولابسة فستان وزبطة شعرها واتعطرت ... وكانت متل الاميرات وصل احمد ... دخل البيت لقته ام محمد وخبرته انه الغدا جاهز وسماح بتقله ينتظرها على السفره احمد.. اممم ماشي رح غسل ايدي واجي يلا قعد احمد على السفرة ... نزلت سماح وحامله بأيدها باقة الورد ... وصلت لعند احمد سماح. .. بتمنى تعجبك وهاي الشوكولاته المفضل عندك أحمد. . واو يسلمووو كل شي منك مميز وانت ساحره ومميزه لشو كل هاد سماح.. مابعرف كيف بدي اتشكرك عملت مني انسانه بعد ما كنت عباره عن بهيمه لا بحس ولا بفهم ولا بحكي ولا شي احمد انت اروع انسان قلبك الطيب ومعاملتك الرائعه خلتني اكون انسانه طبيعيه رجعتني للحياه كل الكلام بيعجز عن وصف شكري الك احمد.. فرحان فيها وبكلامها ... اخد الورد ومسك ايدها وباسها .... سماح انتي بتستاهلي كل خير ويلي عملته شي طبيعي قعدو واتغدو واتحدثو وكان وقت حلو كتير ... احمد.. سماح كنت حابب اسألك شغله سماح.. اي شو هي تفضل