#رحم_الحرب_بقلم_هلاغرابلي
بسام:اسمع هاي عم تتصل مرة تانية
معيد:رد رد
بسام:الو اي ريتا
ريتا:مشي الحال ،هلأ اتصل حسام فيني من شوي و طمني عنو ،كان ما عندن تغطية
بسام:اي لحمدلله
سكرت الخط مع بسام و التفتت على ثريا
ثريا: ما بعرف لايمت بدك اضلي رابطة حالك فيه،بتاخدي احسن منو بكتير و هيدا مستقبلو ما مبين
ريتا:بحبو
ثريا:الحب ما كل شي بهالدنيا ،في ظروف و مصالح بتحجم الحب ،ما بتخافي يكون حسام حابك على طمعة
ريتا:ههههههه حسام ....مستحيل ....
ثريا:ما تثقي كتير باي حدا حتى ما تنصدمي ...انزلي
ريتا:يلا باي بشوفك المسا
تابعت طريقي على المشفى ،صفيت االسيارة و طلعت
رغداء:دكتورة ثريا،قلي الدكتور حامد انو اول ما توصلي قلك تطلعي لعندو بدو يشوفك
ثريا:طيب بس لغير تيابي
طلعت غيرت تيابي و رحت لعندو ،دقيت دقتين على الباب و اجا صوتو من جوا
حامد:تفضل
ثريا:صباح الخير
حامد:صباح النور
ثريا:طلبت تشوفني
حامد:اي كرمال موضوع مبارح ،فكرت منيح و طلعت بفكرة ،اقعدي ارتاحي
اطلع فيني و ابتسم
حامد:شكلك ما نايمة منيح مبارح
نزلت راسي و درت وجهي
ثريا:ايه كنت عم فكر ب ...بهالقصة يعني
حامد:طيب
ثريا:شو فكرتك
حامد:الفكرة انو ننزل بالليل على غرفة التلاجة و نتفحص الميتين اذا مأخود منن شي و هيك منقطع الشك باليقين
ثريا:ايه و ليش بالليل؟
حامد:لانو ما بدنا نلفت نظر و بالليل ما بكون في كتير ممرضين بالمشفى
ثريا: طيب و ابو مازن وين بدنا نروح فيه ، هو شغلو بالليل و ابو وفيق بالنهار ،اكيد ما رح نعمل هالشي قدامو
حامد: رح قلك هلأ شو بدنا نعمل فيه لابومازن
ثريا:طيب و اذا طلعت شكوكنا بمحلا شو بدنا نتصرف ؟
حامد:اكيد بدنا نخبر الامن الجنائي بهالموضوع و هن بتصرفو ،بس انا حابب اعرف بالاول مين متورط معن
ثريا: انشالله شكوكك ما تطلع بمحلا
حامد:اانشالله ، على كل حال الساعة 1بالليل موعدنا بكرا
ثريا:بكرا ؟
حامد:ايه ، ما مناوبتك بكرا
ثريا:اممم طيب و انت باي حجة بدك تتواجد بالمشفى بالليل بكرا ؟
حامد:ما رح كون موجود ابدا ،رح فوت من الباب الخلفي للمشفى و لاقيلك بالغرفة بدون ما حدا يشوفني
ثريا:طيب
طلعت من غرفتو و سكرت الباب و دقرت شوي ،تنهدت و رجعت تابع شغلي طول نهار ،اتصل فيني رامي انا و راجعة على البيت
ثريا:ايمت راجع ؟حسيتك طولت كتير
رامي:اي ناطر لسا كام جهاز بجوز يصلو بكرا او بعدو و بخلص و برجع فورا حتى ما ارجع سافر مرة تانية
ثريا: طيب
رامي:كيفو حبيبي مجد ؟
ثريا:لحمدلله على طول بسألني عنك
رامي:اشتقتلو لهل الولد كتير ،كيف وضع المشفى و البلد بعد هالتفجير؟
ثريا:احسن من قبل ، بس لسا في خوف و قلق
رامي:صار الخوف و القلق شعور يومي و طبيعي بهالبلد
ثريا:طيب حاول ما طول
رامي:اشتقتيلي؟
ثريا:ايه اكيد
رامي:الدكتور حامد كيفو؟
ثريا:...منيح منيح
رامي:امممم سلميلي عليه و قليله قربت ترتاح مننا
ثريا:هههههه يلا انا بدي سكر لاني عم سوق
رامي:اوك الله معك
سكرت و شلحت الموبايل على طول ايدي انا و عم ابكي ،تاني يوم بقي فكري طول نهار مشغول بفكرة حامد ،ما كنت بقدر انكر خوفي من هيك خطوة،على الساعة عشرة ،بعد ما نيمت مجد ،لبست تيابي و فتت لعند ريتا ،شفتا عم تحكي مع حسام ،اشرتلا بايدي و نزلت ،و انا على الطريق اتصلت فيه لحامد
ثريا:انا على الطريق
حامد:طيب و انا نازل بعد شوي راجع على بيتي و برجع بشوفك بالليل ،رح فوت من الباب الخلفي حتى ما حدا ينتبه علي
ثريا:طيب مع انو انا ما عاجبتني كل هالفكرة
حامد:شو يلي ما عجبك فيا
ثريا:كان فينا نحط كاميرات مراقبة
حامد:هيك منتأكد اكتر بشي ملموس
Telegram:@rwayate
ثريا:......انا بدي سكر سلام
صفيت السيارة بالكراج و نزلت انا و داخلة على المشفى ،شفت حامد طالع منا ،سلمت عليه من بعيد و فتت ،على الساعة 12 و نص اتصلت بابو مازن
ثريا:ابو مازن اطلع على مكتبي الله يخليك عايزتك
ابو مازن:حاضر دكتورة ثريا
سكرت التلفون و طلعت من مكتبي ،رحت لعند رغداء
ثريا:اذا اجا ابو مازن هلا و سال عني ،قليلو ينطرني بالمكتب ،دقايق و برجع ،ما بطول،ما تخليه يروح قبل ما اجي
رغداء:تكرمي
نزلت على الدرج و انا داخلة على الممر شفت ابو مازن جاي باتجاهي،رجعت فورا بطريقي و فتت على الحمامات لبين ما مر ،رجعت طلعت و تابعت على التلاجة ،فتت و سكرت الباب و اتصلت بحامد
ثريا:انا صرت بالغرفة
حامد:ثواني و بكون عندك
بقيت واقفة و صافنة بابواب دروج التلاجة انا و متوترة ،دخل لعندي حامد هو و عم يلهت
حامد:شبك واقفة اتحركي يلا
ثريا:اي يلا
فتح اول درج كان فاضي ،فتح التاني
حامد:هيدا رجال كبير بالعمر ،ما معقول ياخدو منو شي
العضوة: 275918 , منذ 4 سنوات
رامي :اسمع سو بدي قلك منيح ،لو بتكون تحت سابع ارض رح اعرف محلك و جيبك يا حيوان الاشقر:ما تقصر اذا عرفت و احمد ربك غيرنا بيطلب بالدولار نحن رحمناك شوي دكتور رامي . رامي:و انا ما رح ارحمك الاشقر: .....بس تأمنلنا المبلغ نحن منخبرك بموعد و مكان التسليم و اوعى يخطرلك انو تخبر الامن عننا لانو مرتك رح تصير بعداد الاموات رامي:اذا بتمس شعرا منا لبيد عيلتك سكر الخط و اطلع فيني ،كنت ضايعة من الشي يلي سمعتو ،و ما عاد فهمت شي ،تعقدت الامور علي و ضاعت الحقيقة ثريا:مين انتو ؟ الاشقر:ليش هيك حكيتي معو لزوجك !! يا ترى بدفعلك بعد هالحكي يلي قلتيلو اياه بس شكلو في مشاكل بينك و بينو ... ثريا:انتو شو بدكن مني ؟ الاشقر:بس يعطينا فديتك منرجعك على بيتك سالمة ثريا:يعني انتو خاطفيني كرمال المصاري الاشقر:ايه لكن كرمال شو .... قرفص قبالي و مرر بأصابعو على وجهي و شعري الاشقر:مع انك حلوة كتير و ادعي لله يدفعلك و الا رح نقضي ليالي كتير حلوة مع بعضالعضوة: 347757 , منذ 4 سنوات
منتظرين التكملةالعضوة: 275918 , منذ 4 سنوات
رجعت ضهري لورا و بزقت بوجهو ،مسح وجهو هو و عم يبتسم الاشقر:عسل قمت وقفت و طلعت من الغرفة انا و عم اطلع فيا،كانت احلى من اختا بطولا و قواما و نعومة وجها ،طمعت بجمالا و حسيتا صفقة رابحة من كل الجهات معيد:شو صار معك ؟ بسام:حكتو بس يا زلمة نزلت عليه بالبهادل و المسبات ،ما بعرف شو تهيألا بس على ما يبدو كانت طالعة من بيتا علقانة معو عمار:ليش ؟ بسام:ما بعرف ،ما سألتا لانو ما بهمنا ،المهم المصاري يا عزيزي معيد:بس حلوة كتير و نعومة بيدفع انا متأكد بسام:حلوة و بس ،يلي بشوفا و بشوفو بفكرا بنتو ما مرتو عمار:انت بتعرفو لزوجا ؟ بسام:اي شفتو كذا مرة على التلفزيون عم يتقابلو معو و قلي حسام انو هيدا بكون زوج اختا لريتا معيد:ولله!! بسام:دكتور جراحة عامة على مستوى عمار:و هاالشي بخوف ،لانو ما يمكن يسكت،رح يضل ملاحق الموضوع حتى لو دفع معيد:ولا نحن شغلنا رح يكون نظيف وما رح نترك اثر ورانا عمار:بس انا ما متفائل بسام:بومة اخرس ،يلعن يلي نفضك شو بتبوم عمار:انا فايت لشوف اذا لازما شي بسام:تعا لهون يا حنون ،اقعد و ارتاح ،لو بدا شي كانت حكت عمار:طيب و اذا ما دفع شو رح نعمل فيا ،ما تقلولي رح تقتلوا معيد:ضيعانة تروح ببلاش،بس منتسلى معا شويالعضوة: 275918 , منذ 4 سنوات
بسام: اخرس ولا ،نحن ما خطفناها كرمال هيك قصة ، انا فايت لعندا لشوف اذا بدا شي و انت خلو عيونكن مفتحة معيد:ههههههههه بسام:ليش عم تضحك معيد:روح روح فتحت الباب و فتت لعندا ،كانت مكورة حالا و بعدا عم تبكي ،اول ما شافتني جلست قعدت ثريا:ما دقلك زوجي ؟ بسام:لهلأ ؟ ثريا:وجهك مألوف علي ،حاسة حالي انو شايفتك من قبل بسام:بجوز شايفة ملامحي بوجه شي درويش،نحن الفقرا منصير منشبه بعض مع الايام و ما حدا بيشوف هالشبه الا يلي واقف برا دائرتنا ثريا:اكيد قصدك على فقر الاخلاق ،ما على فقر المادة بسام:الاتنين نفس الشي ،فقر المادة بيودي لفقر الاخلاق ثريا:في ناس فقراء بس شبعانة و عندا عزة نفس و ما بتسرق مال غيرا بسام:الكل عم يسرق بس الفقير وقت بيسرق بتتفتح العيون عليه ثريا:الكل عم يتحاسب بسام:الكل عم يهرب و نحن رح نسرق و نهرب و بعدين 25 مليون صار مبلغ بسيط ،الناس وصلت لمرحلة تبيع حالا و تبيع اولادا كرمال تعيش ثريا:و تبيع اخلاقا و ضميرا ! بسام:قد ما حكينا ما رح تفهمونا لانو الحرب ما شالت من لقمتكن شي و لا اخدت منكن حداالعضوة: 275918 , منذ 4 سنوات
ثريا:الحرب فاتت على كل بيت و اخدت منو الامان و الفرحة و طلعت النفوس المريضة يلي متلك و تركتا تنشر الفوضى و الفساد ،انتو ما بتقلو بشاعة عن هالحرب ،انتو جنودا و ما الكن مصلحة تخلص و الا بتخلص مصالحكن و بتنتهي حريتكن بس رح تتحاسبو و انت كل واحد متلك ،عاملين عصابات بالبلد بسام:اذا بقينا هون يبقى يحاسبونا ثريا:حتى لو وين ما رحت في شي اسمو العدالة الالهية هي يلي رح تحاسبك بسام:وين العدالة ما في شي اسمو عدالة في شي اسمو ناس فوق و ناس تحت . ..بالقاع ... ماحدا شايفن .....معدمين ..حتى رغيف الخبز ما عم يلاقوه لياكلو ثريا: انا بدي اطلع من هون ...بدي اطلع من هون بسام:ليدفع زوجك بتطلعي من هون ثريا:هاي كل لعبة ،عم تلعبوها علي انت و زوجي ،بدو يخفيني من الوجود حتى ما احكي بسام:شو بدك تحكي؟ ثريا:اديش دفعلك لتخطفني ؟انا بدفعلك اكتر منو بسام:ههههههههه ضحك و طلع من الغرفة و تركني عم اتخبط بحالي و ما فهمانة شي ،بقيت طول الليل عم فكر بمصيري حتى غفيت و نمت و ما صحيت الا على حركة و صوت نفس جنبي ،فتحت عيوني انا و مرعوبة ،جلست قعدتي و دفشت حالي للحيط ، كانت الغرفة عتمة كتير ،ما شايفة اي حدا قدامي بس سامعة صوت نفسالعضوة: 275918 , منذ 4 سنوات
ثريا:مين هون؟ مجهول:هس قرب علي و حط ايدو على تمي و مسكني من ايدي و حاول يشلحني تيابي ،صرت صرخ و ادفشو برجلي المربطين ،ضربني كف و صرت صرخ اكتر ،حتى سمعت صوت دعسات حدا جاي على الغرفة و فتح الباب و وجه ضو فلاش الموبايل علي بسام:شو عم تعمل عندك؟ معيد:كانت عم تصرخ ،جيت لشوف شبا ثريا(تبكي):كذاب.... بدو يعتدي علي قرب عليه الشاب الاشقر و مسكو من بلوزتو و شدو ليطلعو من الغرفة و هو عم يسب عليه بسام:يلعن ....اطلع لبرا ولا حيوان ما هيك اتفقنا ،هيك بتورطنا معيد:اتركني هيك ....عم تكذب...ما عملتلا شي علقو الاتنين مع بعضن لاجا الشاب التالت و فك بيناتن ،بعدين ما عاد سمعت شي، و بقيت فايقة و متوترة ،كان الوقت عم يمر ببطئ بهالغرفة ،بقيت صاحية لطلع الضو ،فات لعندي الشاب الاشقر و حامل معو صحن ،قرب علي و فكني بسام:افطري ثريا :ما بدي ....بدي اطلع من هون بسام:المسا بتكوني ببيتك ثريا:اتصل فيكن زوجي؟ بسام:نحن اتصلنا فيه و التسليم الليلة الساعة 2 ثريا:لسا بدي انطر للساعة 2 ،كتير ....بس يعني رح يدفعلكن ! بسام:كان عندك شك يعني؟العضوة: 275918 , منذ 4 سنوات
ثريا:لا لا انا بدي فوت على الحمام بسام:طيب افطري بالاول قربت الصحن لعندي و اكلت السندويشة ،كان واقف عم يطلع علي بعدين قرب لعندي و مسكني من ايدي و طلعنا من الغرفة ،كانو الشابين قاعدين على الصوفاية و عم يشتغلو بموبايلاتن ،اطلع فيني الشاب الحنطي و زورني ،درت وجهي عنو و اطلعت بالشاب الاشقر ،كان عم يطلع فيه ،وصلنا على حمام عربي متر بمتر فيه طاقة صغيرة كتير ،ما كان في مجال لفكر اني اهرب منو بسام:فوتي بس ما طولي ثريا:انت بدك ضل واقف هون ؟ بسام:طبعا ثريا:طيب اطلعت منو و رجعني على الغرفة الداخلية و رجع ربطني و طلع ،رجعت تسطحت و غفيت و ما فقت الا على صوت رصاص قوي ، انفتح الباب علي و فات لعندي الشاب الحنطي و مسكني من ايدي و قومني بسرعة معيد:مشي معي ثريا:لوين....شوفي .... اطلعت من الغرفة و شفت الشابين كل واحد فين واقف جنب شباك و ماسكين سلاحن و وجوهن صفرا و مستنفرين و متوترين ،ما فهمت شي الا لسمعت صوت من برا ......سلمو الرهينة ....و سلمو حالكن ..انتو محاصرين ......ما في مهرب قدامكن .....معكن 5 دقايق و الا رح نقتحم االبيت عمار:قلتلكن ما كل مرة بتسلم الجرة و هلأ شو بدنا نعمل يلا انت و اياه كيف بدكن طلعونا من هون معيد:اخرس ....متل النسوان ما بتعمل شي غير بضل تشكي و تبكي و يا ريت لو مستفادين منك بشي بسام:خدا و اطلعو من شباك غرفة الخرابة معيد :يا زلمة عم يقلك محاصرين البيت ،انا رح قلك شو رح نعمل بس انتو غطو علي بسام :شو بدك تسوي ؟ معيد:مشي معي يا وجه النحس انت سحبني من ايدي و حط المسدس براسي و فتح الباب و طلع ،كانو رجال الامن واقفين برا البيت و موجهين سلاحن باتجاه البيت ،كان واقف معن رامي،كان مظهرو بيوحي اني تعبان ، اطلع فيني و انا خجلت من حالي و وطيت راسي لانو حسيت الموضوع جدي و عملية خطفي ما مديرة من قبل زوجي متل ما كان متهيألي ......اتركا و ارمي سلاحك .... معيد: يلي بقرب خطوة ،و بضرب علينا رصاصة وحدة رح فضيه براسا ثريا:ما حدا يضرب ....(تبكي)....ما حدا يضرب رامي:ما حدا رح يضرب بس اتركا معيد:انت يلي جبت هالشي لحالك و لمرتك التفت على االشابين يلي وراه ،اطلعو بالسيارة فورا وارجعو فيا لورا لنطلع عمار:و هاي ... بدك تاخدا معنا معيد: هاي حبل خلاصناالعضوة: 275918 , منذ 4 سنوات
بسام:اتركا اذا اخدناها رح يرجعو يلاحقونا ثريا:اتركوني دخيل الله بعطيكن شو ما بدكن بسام:معيد اتركا معيد:اذا تركتا رح يقتلونا ....بسرعة اطلعو .....يلي بدو يضرب رصاصة وحدة رح اقتلا هاي عم قلكن ..... طلعو الشابين بالسيارة و رجعو السيارة لعنا و فتحو الباب الخلفي ،دفشني بالسيارة و طلع و مشيت السيارة ،لحقتنا سيارات الامن و بلشو يضربو رصاص على سيارتنا ،وطيت راسي انا و عم ارجف و ابكي لاجت رصاص بكتفو للشاب الاشقر ،يلي كان قاعد جنب الشاب يلي عم عم يسوق السيارة ، صرخ صوت و حط ايدو على كتفو و بلش ينزل دم عمار:بساااااام بسااااام معيد:تصاوب بكتفو ،اسرع عمار:نحن انتهينا معيد:يا حيوان اطلع قدامك ،رح تروحنا ،خلينا ننفد بالاول و بعدين منشوف وضعو عمار:لك الله يلعنك ما شايفو معيد:روح من هيدا الطريق ،ضيعن عمار:ما شايف اكام سيارة عم تلحقنا بقينا ما يقارب النص الساعة بالسيارة و سيارات الامن عم تلحقنا لقدرو يضيعو طريقن و يهربو و الشاب يلي تصاوب و كان اسمو بسام صار يتصفى دمو على مقعد السيارة معيد:ادخل بهيدا المفرق عمار:هاي ضيعة معيد:بعرف ،تابع للاخير و فوت بحواريا عمار:انا ما بقا شايفن ورانا معيد:صف هون عند هادا البيت ...انزلي يا وجه النحس فتح باب السيارة و سحبني من ايدي و رحنا على بيت من طابق ارضي و سطوح و حواليه حديقة كبيرة ،صار يخبط على الباب بأيدو حتى اجت بنت صغيرة فتحت الباب ،دفش الباب برجلو و فات هو و ماسكني بايدي ،اجت ام البنت من جوا هي و عم تنادي بنتا ......بنتي ....ريماس .....مين عالباب..... بس وقت شافت منظري البائس و شكل الشاب المسلح معي ،صرخت صوت و بين الخوف على وجها ،وجه معيد السلاح عليا فورا معيد:ولا صوت ....في حدا غيرك بالبيت ؟ ام ريماس :مين انتو؟ اطلعو برا بيتي معيد:عم اسالك جاوبي في حدا غيرك بالبيت ام ريماس:لا لا بس انا و بنتي التفت معيد على الشاب التاني هو و عم يناديه باسم عمار معيد:عمااااار....دخلو لبسام عمار:ما بقدر احملو لحالي ....تعا احملو معي معيد:ما نافع لشي انت ....خليك هون انت و راقب الام و بنتا و انت مشي معي رجع سحبني من ايدي و رحنا على السيارة معيد:شوفي ميت الا عايش ؟ قربت لعندو و حسيت نبضو ،كان ضعيف كتير ثريا:عايش معيد :اوقفي قبالي و احمليه معي ثريا:انا؟ معيد:ايه انتالعضوة: 275918 , منذ 4 سنوات
نزلو من السيارة و حملناه و فوتناه على البيت و حطيناه على الصوفاية ،كانت واقفة ام ريماس حاطة ايد على تما و الايد التانية على عيون بنتا حتى ما تشوف هالمنظر المخيف ،شاب ضاعت ملامحو من الدم ،اطلع فيني معيد معيد :قيمي الرصاصة من كتفو و عالجيه يلا ....ما انت دكتورة ثريا:انا دكتورة بس .... معيد:ا ولله اذا مات رح موتك وراه ثريا:ما بقدر ،هون بيت ما مشفى ،و بدو دم و عناية و.. معيد:دبري حالك اطلعت بام ريماس يلي كانت واقفة باخرة الغرفة ثريا:بدي مطهر ...مقص و ابرة ....و خيط ....و .... حطيت ايدي على وجهي ثريا:ملقط ام ريماس:ملقط حواجب ولا اركيلة ؟ ثريا:...... طبي ام ريماس:ما عندي طبي معيد:يلا دبري حالك بالموجود بسرعة ثريا:طيب معيد:و انت روح خبي السيارة بسرعة عمار:ماشي قربت لعندو انا و متوترة و ايدي عم يرجفو ،كنت متأكدة انو ما رح يعيش بعد ما نزف كل هالدم ثريا:ساعدني لشلحو جاكيتو ام ريماس:انا ....انا بدي فوت على المطبخ لجبلكن ال.... معيد:خليكي بأرضك هلأ ليجي رفيقي بتروحي شلحناه الجاكيت و فكيت ازرار قميصو و تيابو الداخلية و زتيتن على الارض ،و قلبناه على بطنو ،دخل عمار على البيت و فات مع ام ريماس على المطبخ ليجيبو علبة الاسعافات الاولية ،هاي كانت اول عملية بعملا لحالي من هيك نوع ،كنت دائما كون واقفة جنب رامي و ساعدو و اتعلم منو لانو كان قلبي ضعيف ،بقيت ما يقارب النص ساعة لطالعت الرصاصة من كتفو لبسام و قمتا و عقمت محل الاصابة و خيطتا بشكل بدائي ،كان بالنسبة الي من سابع المستحيلات انو يعيش هالشاب ثريا:ضروري بدو ابر مسكنة و التهاب لانو رح يلتهب جرحو وبدو سوائل كتير معيد:هلأ منجبلو ،اكتبيلي اياهن هون و انت عمار خلي عينك علين لبين ما روح و اجي عمار:ما خايف يشوفك حدا معيد:وين زوجك انت؟ ام ريماس:زوجي انا.... بشغلو ...بس ما بطول ليجي معيد:بدي غير تيابي ،اعطيني بلوزة و بنطلون من تيابو و اذا عندك شي طاقية بتنحط على الراس و نظارات .....شبك واقفة متل الهبلة ......امشي قدامي يلا ام ريماس:يا ربي من وين اجتني هالمصيبة هلأ طلع معيد من االبيت بعد ما اخد مني شو بدو يشتري اغراض و سال ام ريماس عن صيدلية قريبة و بقينا انا و ام ريماس عم نطلع ببعض و خايفين،قربت لعندي و قعدت جنبي و حطت بنتا بحضناالعضوة: 275918 , منذ 4 سنوات
ام ريماس:مين هدول؟ ثريا:عصابة ،خطفوني و طلبو فدية من زوجي بس زوجي خبر الامن و عرفو محلن و صار اشتباك بيناتن و تصاوب واحد منن هن و عم يهربو و طلع بيتك بوجهن ام ريماس:اها سمعت صوت ضرب رصاص بس توقعت متل العادة يعني تشييع شهيد ،يا ربي لوين وصلنا ،خطف و قتل و سرقة ثريا:وينو زوجك؟ ام ريماس:زوجي مسافر برا البلد ،بالمانيا و انا ساكنة بالبلد ما هون بس لسوء حظي طلعت لهون مبارح حتى ضب تيابنا و نزلن معي لانو ما مطولة ليلتم شملي مع زوجي بس كذبت علين و قلتلن زوجي بالشغل حتى يخافو و يطلعو من عندي ثريا:ما معك موبايل ؟ ام ريماس:معي بس هو بالمطبخ و بخاف جيبو يقومو يقتلوني ،كل واحد فين حامل سلاح اطول منو قام وقفت ام ريماس لتفوت على المطبخ و علت صوتا ام ريماس:رح اعملكن شاي عمار:ما بدناشي هلأ،خليكي بمحلك رجعت قعدت ام ريماس،بعد نص ساعة دخل معيد و معو اكياس من الصيدلية ،مر الوقت بسرعة عند ام ريماس و تغدينا و شربنا شاي عندا و استباحو الشابين اركان البيت كلو و كأنو البيت بيتن ، على الساعة ٨المسا فاق بسام ،كان وجهو شاحب كتير و ما قادر يحكي كتير او يحرك ذراعو ،عملتلو ام ريماس شوربة و طلبت مني طعميه اياها ،جلست قعدتو انا و معيد و قعدت على كرسي قبالو ،كان عم يطلع فيني هو و خجلان من حالو ، يطلع فيني نظرة سريعة و ينزل راسو فورا عمار:لايمت بدنا نضل هون؟ معيد:ليتحسن بسام ،كيف حاسس حالك ؟ بسام:احسن ....اخ ثريا:ما تحاول تحرك ذراعك او ظهرك لسا جرحك طازة ام ريماس:بدكن تنامو هون ؟؟؟؟؟ معيد:ايه اذا ما عندك مانع ....زوجك وينو على اساس بالشغل ام ريماس:...... تاني يوم الصبح ،اندق باب ام ريماس ،راحت لتفتح الباب بس سبقا معيد و اشرلا باصبعو ترجع لورا ليشوف مين واقف على الباب ،رجع هو و عم يهمس معيد: في مرة غريبة واقفة على الباب .....تعي شوفي مين هاي راحت ام ريماس و رفعت برداية الشباك ام ريماس:هاي جارتي ام حسين ....خلينا افتحلا و شوف شو بدا معيد: افتحيلا بس ما تفوتيا و بنتك رح تبقى معنا بحال غلطي بشي كلمة ،عم اسمعك شو بدك تحكي معا راحت ام ريماس و فتحتلا الباب و طلعت فورا و ردت الباب وراهاالعضوة: 275918 , منذ 4 سنوات
ام ريماس :اهلين ام حسين ام حسين :شو في ؟شو القصة؟ ام ريماس:قصة شو؟ ام حسين:الامن منتشر بالضيعة و عم يفوتو يفتشو كل البيوت قال في مسلحين هربانين و متخباين عنا ام ريماس: يووووو شو هالسمعة هاي ،ما سمعت الا منك ،الله يلطف ام حسين:خلصتي تعزيل ام ريماس:اي تقريبا بس لسا بيتي قايم و ما قاعد ،ما بخلصو اليوم ام حسين:طيب رح اتركك تكملي شغلك و رايحة عند ام الوليد لافهم منا القصة ام ريماس :الله معك فاتت ام ريماس و سكرت الباب وراها ام ريماس:متل ما سمعت اطلعو ببعضن هن و متوترين بسام :خلينا نسلم حالنا ،رح يضلو ملاحقينا معيد:لا ،رح نتخبى ، رح نظف محلنا و ما رح نترك اثر النا....عمار تعا ساعدوني بدل ما واقفين هيك ،وين في محل النا عندك ؟ ريماس: ما عندي غير هالبيت ...و هالبايكة وراه ....البايكة فاضية ..كان في دجاج و ماشية و بعناهن من سنة عمار:بدنا نتخبى بالبايكة استاذ معيد؟ معيد:ايه ،عندك حل تاني ؟؟؟ عمار:اكيد رح يفتشو الاتنين معيد:رح تقفلا عليناالعضوة: 275918 , منذ 4 سنوات
حطو تياب بسام بكيس و كبو بالزبالة و رتبنا البيت و رحنا على البايكة انا و مسندة بسام على كتفي من جهة و ام ريماس من جهة تانية ،كانت البايكة ريحتا بشعة كتير و بتقلب النفس ،بقيت ريماس الصغيرة معنا ،كانت ما عم تبكي او تحكي اي كلمة ،كانت عم تتفرج هي و ساكتة على كل شي عم يصير و كانو ما كان موجود منا الا عيونا يلي كانو متل الكاميرات عم يصورو ادق التفاصيل و يخزنون يمكن لترجع تحكين لاولادا و احفادا ، طلعت ام ريماس و قفلت علينا ،قعدنا بارض البايكة جنب الباب و قعدت على يميني ريماس و لفيتا و انا عم طمنا انو ما تخافي و على يساري بسام ،اما معيد و عمار كانو قاعدين من الجهة التانية للباب ،كنا نحن الخمسة قاعدين و ساكتين و عم نتصفن بالحيط المعفن قبالنا و ناطرين ،كل واحد فينا ناطر شي مختلف،بعد ما يقارب نص ساعة ،سمعنا صوت دعسات رجلين جاية لعنا و اصوات رجال عم تحكي ،قدرت ميز صوت زوجي بيناتن ،حسيت بالامان وقت سمعت صوتو و خفت بنفس الوقت يرجع يصير اشتباك بيناتن و يتأذى حدا تاني ام ريماس:هيدي بايكة مواشي بس مسكرتا من سنة ......افتحيا....... ام ريماس:ما بعرف وين قفلا لانو بيت الضيعة الي سنة ما طلعت عليه و من يومين لجيت لهون ......طيب بعدي من ناحية الباب شوي ام ريماس:بدكن تفتحوه ؟ ......يا ابني تعا افتحلي هالبابالعضوة: 275918 , منذ 4 سنوات
رامي:وين بدن يكونو راحو ......طول بالك دكتور الا ما نلاقين ....الضيعة قد كف الايد و في شاب اكد انو شاف سيارتن فاتت على مفرق هالضيعة ......سيدي هيدا الباب ما عم ينفتح مصدي كتير ...شكلو الو زمان مقفل ...... ام ريماس:الو سنة مقفل و لو حدا جوا كان القفل مكسور .......انت اخر بيت بالضيعة الا لسا في بيت وراكي ام ريماس:لا لسا في بيت ام حسين لقدام شوي ........معناها خلينا نتابع على بيت ام حسين .... سمعنا صوت دعساتن رايحين ،حطيت ايدي على تمي و صرت ابكي على الساكت ، اطلع فيني بسام هو و عابس بسام:الحق على زوجك استضيع يدفع فيكي 25 مليون ،لو انا محلو بدفع و ما خسران ثريا: لو ما بهمو امري ما كنت شفتو معن خطوة بخطوة و عم يعرض حياتو للخطر رجعت بعد نص ساعة فتحتلنا الباب ام ريماس ام ريماس:راحو .....ريماس حبيبتي تعي لعندي لفتا لبنتا و رجعنا كلنا على بيتا لام ريماس نحن و مسندين بسام على كتفنا ،سطحناه على الصوفاية هو و عم يتوجع و مشيت لاطلع من الصالون للحمام معيد: لوين رايحة ؟ ثريا:على الحمام ،خلص راحو و ما في مهرب من كل هالبيت غير هالباب يلي قبالك معيد:روحي و بلا كترة حكي بسام:معيد ...خلصالعضوة: 275918 , منذ 4 سنوات
فتت على الحمام ،فتحت حنفية المغسلة و وطيت راسي لغسل وجهي و وقت رفعتو ضربت عيني بالمراية على حدا هيئة واحد واقف وراي ما قدرت ميزو من التعب و المي على وجهي ،قبل ما صرخ حط ايدو على تمي رامي: انا رامي ... فتلت لعندو و اطلعت فيه و لفيتو و صرت ابكي،قرب و همس بادني رامي: خلص صرتي بامان انتبهت على شابين من الامن كانو معنا بالحمام متخبين ورا برداية البانيو .....نحن طالعين هلأ ...خليكن انتو هون كانو عناصر الامن منتشرين بالبيت كلو و عاملين كمين بمساعدة ام ريماس يلي خبرتن انو العصابة موجودة عندا ، اعتقلن للتلاتة يلي كانو قاعدين مامنين بلا سلاحن و شكرتا لام ريماس على الخدمة يلي عملتا و رجعنا على الفرع اخدو اقوالي و رجعت على بيتي ،كنا طول الطريق انا و رامي ساكتين لبلشت انا بالحكي ثريا: ليش ما دفعتلن و خلصتني و الا اجتك فرصة لتخلص مني او يمكن انت تكون عامل هالتمثيلية رامي: ثريا ...هلأ انت تعبانة و انا تعبان ،من وقت ما رجعت من السفر لهلأ ما غفلت عيني ،لنرتاح منحكي ثريا:وينو موبايلي ؟ رامي:خدي ...مقفل فتحتو و شفت رسائل و مكالمات فائتة كتير من رامي و ريتا و حامد ،رن بايدي انا و ماسكتو ،كان المتصل حامد ،فصلت بوجهو و ما رديت رامي:ليش ما رديتي عليه ؟ ثريا:هيك ...ما على بالي احكي مع حدا هلأ لترتاحي ،وصلت على البيت و شفت ابني مجد يلي كان البعد عنو يوم بسنة و اختي ريتا ، فتت تحممت و اكلت و نمت ،و وقت فقت شفت رامي عم يلبس تيابو و رايح رامي:كيف صرتي هلأ؟ ثريا:احسن رامي:انا رايح على المشفى ما رح طولالعضوة: 275918 , منذ 4 سنوات
اندق الباب ،فتح الباب رامي ،و فات مجد بسرعة و طلع على التخت لعندي و لفني و باسني ثريا:اشتقتلك اشتقتلك ،ما غبت عن بالي ولا دقيقة ريتا:يااا اديش متنا رعبة هل اكام يوم و قعدنا على اعصابنا و انطبل الخبر بكل البناية ثريا:صحي ماا عرفتو كنياتن ؟ رامي:اي طبعا ثريا:شو كنياتن ؟ رامي:واحد من بيت الاحمد و واحد الابراهيم و التاني موسى اطلعت بريتا،كانت مسندة حالا على الخزانة و رجعت اطلعت برامي ثريا:بسام من بيت مين؟ رامي:ما بعرف لانو ما كنا نسمين الا بالكنيات بس ،يلا انا رايح ما بطول سلام طلع رامي من الغرفة و اجت ريتا لتطلع وراه ثريا:تعي ما تروحي ،ما تعملي حالك ما سمعتي ريتا:تشابه اسماء ثريا:تشابه اسماء حسام الاحمد و بسام الاحمد تشابه اسماء هيدا اخوه لحسام و بيشبهو كمان ريتا:لا اهلو لحسام عالم كتير ..... ثريا:ريتا خلص .... ريتا (تبكي):شو دخلو باخوه ثريا:شكلك بتعرفي ريتا:مبارح لعرفت و اتصلت بحسام و علقت معو و تركنا ...ارتحتي هلأ ....ما هيدا يلي بدك اياه ثريا:اي لو من زمان عملتي هيك ما كنا وصلنا لهون ريتا:شو دخلني انا؟!!!حسام غير اخوه و اصلا كل اهليتو غيرو لبسام تركتا لثريا و فتت على غرفتي لكمل بكا و ندب على حظي و مصير علاقة حب ما عم تكمل بهيك ظروف،مسكت موبايلي و شفت حسام عم يدقلي ،فصلت بوجهو و بعتلو رسالة ريتا:خلص ما بقا ترجع ادقلي كل شي بيناتنا انتهى ،انت ما بتناسبني و لا باي شكل ،ما مستعدة ابقى مع واحد اخوه عامل عصابة سرقة و خطف