العضوة: 275918 , 6 years ago

فهد مستغرب من ردة فعلها : منهي بعد ؟!.. ندى : شوق بعد فيه غيرها .. عطيتها فرصة انها ترفض ترجع لنا .. فهد : ليش ؟!.. ندى بعصبية رفعت عينها له : تخيييل .. كلمت ابوي وقالت مابي ارجع لكم .. تخيل .. استغلت فرصة انها تكون بعيدة عشان تقرر انها ماترجع .. وعشان تثبت الكلام بالفعل .. فهد يحرك يده عن راسه بعلامة الجنون : استجنيتي انتي .. من وين جبتي هالكلام ؟!.. ندى : انا كنت عند ابوي لما كلمها .. فهد بترقب : وابوي وش قال ؟!.. ندى بقهر : لا وتدري .. حطت العلة فينا حنا .. وانها مضايقتنا عشان كذا قالت فرصة انها تبتعد .. وما أدري بعد اذا قالت لأبوي ان حنا مضايقينها .. فهد مو قادر يصدق اللي يسمعه : صاحية انتي ؟!.. ندى : صاحية ونص اقولك سمعت كل اللي صار بينها وبين ابوي .. وابوي قرر انه يخليها هناك فترة اكثر يمكن ترتاح وتغير قرارها .. بس انا ابدا ما ظن انها بتغيره .. فهد حس انه اذا قعد اكثر وسمع لأخته بينجن : اقول اقول .. انا بطلع لغرفتي .. سوالفك تضيق الواحد .. اوف !!.. تركها ورقى وهي مستغربة منه .. هذا جزاي بعد اني اقوله كل اللي صار .. اقلب وجهك مو كفو احد بقولك شي ..!!.. دخل فهد الغرفة وهو حاس انه مكتوم .. يحس انه ضايع الحين بين رغبته انه يشوفها واصراره انه يشيلها من ذهنه .. ولأنه مصمم على تنفيذ الرغبة الثانية لقا نفسه يرفع الجوال ويتصل على شذى .. اللي ردت من أول دقة بصوت مو مصدق ملهووووف .. شذى : هلا بحياتي كلها اللي مالي غنى عنه ..

العضوة: 275918 , 6 years ago

فهد ضحك : ههههههههه هلا ياعمري .. شذى : ماصدق والله ماصدق .. وين هالصوت وهالحرارة بكلامك .. ( وتحول كلامها لنبرة الزعل ) .. بصراحة حبيبي انا شايلة بخاطري عليك .. لي فترة ادق عليك وترد علي بكل برود .. مدري شصاير لك وقتها .. ممكن تقولي ؟!.. فهد وبصوته فيه الحنية : مايهون علي زعلك حبيبتي .. مجرد فترة وعدت لا تشيلين بخاطرك ... شذى بنعومة : يعني اضمن انك بتم فهد اللي انا اعرفه على طول ..؟! فهد يؤيدها بنعومة ساحرة : على طول عمري .. على طوول .. بتم فهد اللي انتي تعرفينه وتبينه بعد .. شذى : الله يخليك لشذى حبيبتك .. فهد : ههههههههه .. ويخليني لك .. عندي لك مفاجاة عمري .. بتفرحك .. شذى : جد ؟!.. اكيد بتعجبني دامها منك .. فهد : انا رتبت لي موعد انا وياك .. شرايك ؟!.. شذى ماصدقت وبان على صوتها : من جدك ؟!.. اكيد اكيد موافقة .. تتوقع اني برفض وهي امنيتي الاولى والاخيرة .. طبعا موافقة عمري .. قولي بس متى ؟!.. فهد : شرايك بالأسبوع الجاي .. اكون رتبت اموري وانني بعد .. شذى : اوووكي موافقة .. وانا عندي احد اغلى من فهد اسخر له كلللل وقتي .. فهد : ههههههه .. عمري انتي .. شذى بحماس : من الحين رح استعد للموعد .. رح اكوون مفاجأة لك .. فهد بتأييد : طبعا .. انا متأكد .. وهل يخفى القمر ..!! شذى والحيا بصوتها : هههههههههه .. تسلم حبيبي .. فهد : يالله حياتي انا اتصلت بس اشوف اخبارك واقولك عن الموعد .. بنوم تامريني بشي عمري .. شذى بنعومة : نووم العوووووافي يارب فهد : تصبحين على خير شذى : وانتا من اهله ..

العضوة: 275918 , 6 years ago

----- بالجامعة في بداية الصباح .. نوال ونوف جالسين من غير شوق اللي مفتقدينها طبعا .. نوف كانت ساكتة ولا تتكلم ولا تناقش وتفكر بحالها وكل اللي صار لها .. صارت مو طايقة أي شي بسبة هالانسان " بدر ".. لدرجة انها تجادلت ويا امها اليوم الصبح على روحتها للجامعة .. ماكان لها نفس تقابل احد او تدرس و تسوي أي شي .. لكن ام احمد اللي تصرفت معها ولا كأن شي صاير بينهم ومنعتها من الغياب .. نوف راحت مكرهه وتخلفت عن المحاضرة وخلت نوال تتخلف معها بعد ..

العضوة: 275918 , 6 years ago

نوال بملل : اقولك انتي .. مغيبتنا عن المحاضرة بس عشان تجلسين ساكتة .. قولي شي تكلمي ترا زهقققت .. نوف بدون نفس : نوال بليز ترا مالي خلق انطق بولا حرف .. خليني كذا .. نوال : مخليتني اجي معك عشان نتم ساكتين .. نوف : خلاص نوال اذا تبين تروحين روحي .. مابي اجبرك لأني مارح اتكلم .. نوال تلطف الجو : لا لا عاد كلش ولا نوووف .. نوف التزمت الصمت وهي تسرح بعبوس يغطي كامل وجهها .. ونوال من الملل طلعت جوالها قعدت تلعب .. ومادرت الا بظل قدامها يوقف وصوت بنت ينفخ بحدة .. - هييي انتي .. رفعت نوال راسها عن الجوال وشافت اريج واقفة قبالها ويدها على خصرها ومروى جنبها .. نوال بعد اهتمام رجعت عيونها للجوال : خير ان شالله .. أي أوامر ..؟! اريج تنافخ بحدة اكبر : حطي عينك بعيني لما اكلمك .. ،

العضوة: 275918 , 6 years ago

نوال ببرود : اسمعك ماله داعي اشوفك .. تبين شي ؟!.. اريج وهي تلتفت لنوف وترجع عيونها لنوال : وين البنت الثالثة معكم ؟!.. نوال بنبرة باردة : من تقصدين ؟!.. اريج : اظن اسمها شوق اذا ماغلطت .. نوال : شتبين بها ؟!.. اريج : لما اسألك تجاوبيني .. نوال وعيونها مافارقت الجوال : ما أدري عنها .. روحي دوريها بنفسك .. اريج وهي توجه اصبعها بوجه نوال : ترا بتندمين انتي .. تراك مو قدي .. نوال ماردت : ......... تدخلت نوف لما حست بالصداع يزيد عليها من هالبنت اللي بس تنافخ : قالت لك ماتعرف عنها شي .. حلي عنا عاد .. اريج هزت راسها بتحدي : طيب .. مصيري بشوفها .. ولما تشوفونها قولوا لها الانسة أريج سألت عنك .. نوال : شتبين بها ..؟! قاطعتها اريج بصوت حاد : مالك شغل انتي .. قولي لها وبس .. راحوا عنهم ونوال بان بعيونها القلق والتفتت لنوف اللي رجعت لسرحانها وعبوسها زاد .. نوال بقلق : الله يستر .. نوف بعد اهتمام : ليش ؟!.. نوال : ما أدري مواقفهم مع شوق زادت وشوق الله يهديها ماتقصر الشر .. من يكلمونها ويغلطون ترد عليهم .. لو كانت ساكتة كان احسن لها ولنا .. نوف ببرود تهز كتفها : وش بيسوون يعني .. مايقدرون يسوون شي .. نوال : بس هالأشكال تخوف .. الله يستر بس .. رن جوال نوف بهاللحظة اللي كان عالطاولة قبال نوال .. نوف تجاهلته ولا ردت ونوال لفت لها مستغربة .. نوال : نوف جوالك .. نوف : بكيفه ..!! نوال احتارت نوف اليوم ابدا موطبيعية : طيب ردي يمكن شي مهم .. نوف : ردي انتي .. خذت نوال الجوال من عالطاولة وشافت الاسم " أكرهه " .. قطبت نوال وردت .. نوال : الو .. وطبعا كان بدر .. ومن غير بدر تكرهه نوف : صباح الخير .. نوال : صباح النور .. بدر ماعرف الصوت ومتاكد انه جوال نوف : مو هذا جوال نوف .. نوال : الا هذا جوالها .. بدر : وينها عندك ؟!.. نوال : ايه لحظة .. ( والتفتت لنوف ) .. نوووف .. واحد يبيك .. نوف عفست وجهها .. وجا في بالها انه اكيد اخوها احمد .. من يكون غيره يعني يدق علي بهالوقت .. نوف : نعم ..!!

العضوة: 464700 , 6 years ago

@user-275918 كملي معك متابعه

العضوة: 464700 , 6 years ago

@user-275918 كملي انا ع اعصابي

العضوة: 275918 , 6 years ago

  حب من نوع اخر   الجزء 41 i رن جوال نوف بهاللحظة اللي كان عالطاولة قبال نوال .. نوف تجاهلته ولا ردت ونوال لفت لها مستغربة .. نوال : نوف جوالك .. نوف : بكيفه ..!! نوال احتارت نوف اليوم ابدا موطبيعية : طيب ردي يمكن شي مهم .. نوف : ردي انتي .. خذت نوال الجوال من عالطاولة وشافت الاسم " أكرهه " .. قطبت نوال وردت .. نوال : الو .. وطبعا كان بدر .. ومن غير بدر تكرهه نوف : صباح الخير .. نوال : صباح النور .. بدر ماعرف الصوت ومتاكد انه جوال نوف : مو هذا جوال نوف .. نوال : الا هذا جوالها .. بدر : وينها عندك ؟!.. نوال : ايه لحظة .. ( والتفتت لنوف ) .. نوووف .. واحد يبيك .. نوف عفست وجهها .. وجا في بالها انه اكيد اخوها احمد .. من يكون غيره يعني يدق علي بهالوقت .. نوف : نعم ..!! بدر : قبل ما تقفلين انتظري واسمعيني .. نوف وبنبرتها الاحتقار : هذا انت ؟!.. ( ورفعت راسها لنوال بغضب ) .. يالزفتة ليش ماقلتي لي انه هو .. نوال خافت : وانا شدراني .. ؟!!.. نوف رجعت لبدر : نعم .. انا مو قلت لك لا تحاول تدق .. ماتفهم انت ولا ماتفهم .. بدر وه يتنهد بطولة بال : انا بقولك كلمتين وبس .. واتمنى تسمعينها بعدين سوي اللي تبين لو تقفلين الخط .. نوف : اسمعني .. انا عارفة وش تبي .. فلا تذل نفسك عالفاضي .. بالعكس هي تبي تذله وتهينه مثل ما سوا معها قبل .. خلها يحس بنيراني اللي في جوفي .. هي كانت مقررة انها تقفل بوجهه لما يدق مرة ثانية .. بس هالمرة لأن فيها اذلال له قررت تذله بكل كلمة وبكل حرف .. قررت تخليه مايسوى تراب .. بدر بصوت هادي حزين : مضطر اذل نفسي .. ولعيونها بذل نفسي .. كان يقصدها بس هي ما فهمت وعصبت اكثر من كلامه لما سمعته يجيب طاري " عيونها " .. نوف : اجل .. خل عيونها تنفعك .. وترجع لك اللي مأخوذ منك .. بدر بنبرة هادية غير المعتاد : طيب تعرفين منهي هذي اللي بذل نفسي لعيونها .. نوف : ماتهمني من تكون .. واسمع .. ابيك تبتعد عني وتختفي عن حياتي ولا تحتك .. ( وصرت على اسنانها بغضب ) .. خلني اعيش بسلام كفاية ..

العضوة: 275918 , 6 years ago

بدر تحولت نبرته للجد بعد ما يأس منها ومن قلبها العنيد تجاهه : اوكي تامرين امر .. اذا تبيني اختفي من حياتك بختفي بس عطيني اللي اخذتيه .. نوف : لو تروح للمريخ .. تسمع للمريخ .. مارح ارجع لك اللي تبيه .. بدر : نوف اقصري الشر .. نوف : الحين تبيني اقصر الشر .. وليش ما قصرته انت من البداية .. لا عيوني تحمل اللي بيجيك .. بدر يتنهد ويستغفر الله : ......... اللهم طولك يارووووح .. وبعدين معك .. نوف : بأحلامك يابدر .. لا تحلم ترجع لك .. بدر بنبرة حازمة جدددا : نوووووف .. لا تحديني اسوي شي ما يرضيك .. نوف بسخرية ملت نبرتها : وش بتسوي يعني اكثر من اللي سويته .. تراني بايعتها .. وخلاص صار كل شي منك عادي اتقبله .. بدر بعصبية وقلبه يحترق بنار الغرام : يعني لمتى بنتم كذا .. ( يقصد بكلامه قلبه المفتوووون فيها ) .. نوف مافهمت قصده : بنتم كذا ؟!!.. انتا اللي بتم كذا اما انا عادي وعلى فكرة .. عمري مارح اندم عاللي سويته لأنك تستاهله .. بدر تحولت نبرته للهدووء بشكل مفاجئ : تدرين عن شي ؟!.. نوف استغربت من هالتحول السريع بصوته : وشو ؟!.. بدر نطق ببيت شعر صنم نوف وجمدها : المشكلة لا صرت بين اختيارين .. مستقبلك ولا حبيب توده .. نوف تعطل المخ عندها عن التفكير : ........... بدر : اتمنى تفهمينها عاد .. مع السلامة ..

العضوة: 275918 , 6 years ago

سكر عنها مباشرة .. وهي ظلت ثواني حاطة الجوال على اذنها وجامدة .. البيت يتردد في ذهنها باستمرار ومن الدلاخه صارت مثل الرموز والطلاسم مو فاهمه منها شي .. نوال استغربت من جمودها اللي طول : هيييي ليش ساكتة .. سكرت نوف الجوال ورجعت تجمد بدون ولا حركة .. بعد لحظة رفعت راسها بسرعة وهي تنفضه بخفة تحاول تبعد شي مشوش عليها التفكير .. نوال ارتاعت من حركاتها : بسم الله ... هيي شفيك ؟!! نوف عادت البيت ببطء وصوت خافت : المشكلة لا صرت بين اختيارين .. مستقبلك ولا حبيب توده .. نوال ما سمعتها زين او ظنت انها تتوهم اللي سمعته : نعم ؟!.. نوف رفعت راسها لها بغباء : شفهمتي منها هذي .. نوال بعد صمت وهي تناظر فيها مو فاهمه اللي يصير : عادي .. بيت شعر عادي .. شفيه .. نوف بترقب تسأل : يعني مافهمتي منها شي .. نوال بعفوية : عادي .. نوف : يعني لو احد قالها لك .. مارح تفهمين منها شي ؟!!.. نوال ردت على سؤالها بسؤال اخر : انتي فهمتي منها شي ..؟! نوف ببراءة : .. لا .. نوال : تراه كلام شعر عادي الكل يقوله ..

العضوة: 275918 , 6 years ago

يعني مو شرط كل من قاله يقصد به شي معين .. ( ورجعت تذكرت شي ) .. وبعدين تعالي ليش تسألين الحين .. احد قالها لك ؟!.. نوف هزت راسها بالايجاب وهي تأشر عالجوال بدلاخه : ايه .. الحمار قالها لي .. نوال فتحت فمها بعدم استيعاب : هاه .. الحمار ؟!.. أي حمار ؟!!.. نوف عصبت من غبائها : اوف منك .. ماتعرفين يعني منهو الحمار .. الدونكي .. الحمار .. فيه احد مايعرف منهو الحمار .. نوال بسخرية : لا والله يالفهيييمة .. لا فهمت الحين ما شالله عليك تعرفيني بالحمار .. وش شايفتني يالدلخه حماره ماعرف منهو الحمار ..؟!! نوف الحين تفتح مخها ورجع يشتغل ويحلل لها اللي سمعته .. ولما فهمت شهقت وروعت نوال معها .. نوف : الحمار يبي يستدرجني .. نوال بدلاخه : هاه ؟!!.. نوف بعصبية : الحقييييييير النذل الجبان يبي يخدعني .. يبي يستغل عواطفي عشان ياخذ اللي يبيه .. نوال احتارت : حمار ونذل وجبان ومدري ايش .. من تقصدين ؟!.. نوف وعيونها تلمع بالغضب الحاقد : هين .. هين اوريه .. والله ما اخليه يستغل قلبي هالنذل .. رجعت خذت جوالها وكتبت له مسج " العب غيرها يالجبان .. ترا كل شي مكشوووف .. ولا تحاول تستغل قلبي لأني مارح اسمح لك .. هذي اساليب الأنذال يالنذل .. اقوولها للمرة المليون .. تراني اكرررهك من كل قلبي ولا تحاول تستغل عواطفي مرة ثانية .. يالنذل " .. ضغطت على زر الارسال وهي تصر على اسنانها بغضب .. يعني يمثل علي الحب .. من متى اصلا اللي يكره يحب بغمضة عين .. يبيني اصدقه ببيت شعر .. بأحلامه ..!!.. لو يسوي اللي يسوي .. خله يحس بحرارة قلبي اللي حسيت بها بسببه .. كانت نوف صامتة وعيونها الغاضبة تزيد شرر بكل ثانية تمر .. معرفتها ان بدر يمثل عليها المحبة خلتها تستحقره اكثر من ماهي مستحقرته .. الا صنفتها من سابع المستحيلات انها تصير .. وهي بعد .. خذت على نفسها عهد انها لا يمكن تفتح قلبها له او تحن عليه وترجع له اللي اخذته .. بس ياترا .. هل هي قد هالتحدي .. وهالعهد .. ؟!!.. وهل بيظل قلبها دوم من الحجر تجاه هالانسان بالذات .. لكننا دوم نقول .. القدر مفاجات وصعاب وأحيانا سعادة .. واحيانا تعاسة .. حياتنا محصورة بين هالمصطلحين .. سعادة وتعاسة .. حياة نوف بتكون ايش من بين هذي .. لا سيما وهي تقترب من اكتشاف الحقيقة المخفية ..

العضوة: 275918 , 6 years ago

----- دخلت ندى البيت راجعة من الجامعة شافت ابوها جالس بالصالة مع امها يسولفون بسالفة .. وسكتوا اول ما شافوها داخله .. فسخت عبياتها بفوضوية من التعب .. وقلة النوم مبينة بوجهها .. من بعد المكالمة الأخيرة مع شوق من قبل كم وهي مو مرتاحة .. رمت نفسها على وحدة من الكنبات وهي تتنهد .. ابو فهد لما شافها مبرطمة مثل عادتها بالفترة الأخيرة ابتسم : مساءك عسسسسل .. لفت له عيونها بسخرية من نفسها : أي عسسسل .. الا قل شاهي مر .. بدووون سكر .. ابو فهد ضحك : ههههههههههههه .. ليش عاد .. ندى حاولت تتمسك بالأمل الأخير برجعة شوق وخصوصا بعد الكلام الفظ اللي طلع منها .. الامل الأخير هو ابوها .. ماتقدر تفكر انها بتخسر شوق وهي ماصدقت وجود احد يشاركها حياتها بعد اختها نجلاء .. ندى : يبه .. ماقلت لي متى بترجع شوق ؟!.. ابو فهد ابتسم لها : توني انا وامك نتكلم عنها .. ندى لفت لأمها : وش تقولون .. لا يكون ناوين على شي .. ام فهد ضحكت لبنتها : ناوين علي شي ؟!!.. مثل ايش يعني ؟!.. ندى : مدري عنكم .. بس ترا انا زهقت لحالي .. ابيها ترجع .. ابو فهد بابتسامة حانية : بكلمها ان شالله اليوم او بكرة .. واروح اجيبها .. ندى ماصدقت عمرها من الفرحة : ايه يبه يالييت.. لها اسبوع الحين تقريبا غايبة .. بس.... ( وسكتت لما تذكرت رغبة بنت عمها ) .. بس يبه لا تنسى اللي قلت لك عنه .. يعني ياليت تكلمها بهداوة .. وتقنعها ترجع .. ابو فهد يهز راسه بيأس من بنته اللي رافضة انها تقتنع : انا كم مرة قلت لك انها بترجع لا تخافين .. مصيرها بترجع .. ..

العضوة: 275918 , 6 years ago

في الشرقية وفي هذاك البيت المتوسط الحجم الكبييير بقلوب اصحابه .. مرت الأيام على شوق وهي تفكر بحالها .. كانت لازم تطلع من البيت كل يوم مع خالتها وترفه عن نفسها وطبعا هديل معها .. لكن اللي فالقلب بالقلب .. هديل اليوم من الصبح جالسة عندها وسواليف ما تنتهي .. تخلق سالفة من لاشي .. ماترتاح لو كانت ساكتة .. اللسان لازم يشتغل .. وشوق لحظات تبتسم ولجظات تضحك من قلبها على كلامها واسلوبها .. شوق : ههههههههه .. خلاص عورني بطني من الصبح وانا اضحك .. هديل : أيه اضحكي .. ( وتغيرت نبرتها ) .. خلاش شوق انسي اللي صار .. ولا تضيقين صدرك .. الحياة قدامك .. وان شاللع ربي بيعوضك بالسعادة اللي مو لاقيتها الحين .. انتي بس توكلي على الله .. ابتسمت شوق بشوية حزن : ان شالله .. انا عارفة ان ربي مارح ينساني .. لكن لازم افكر بحل ..لي كم يوم ادور حل لمشكلتي .. هديل مبتسمة : مافي مشكلة عشان يصير لها حل .. انتي بتقعدين عندنا .. بيتنا مفتوح لك دايما .. ولا نسيتي امي اللي معتبرتك بنتها .. مو انا يا حسرة .. احيانا اعتقد انك انتي بنتها مو انا .. شوق فكرت .. اليوم تستحملوني بكرة تملون .. طول عمري يتم عالة عاللي حولي .. شوق ضحكت مجاملة : لا عاد وش دعوة .. ههههههههههه .. مو لهالدرجة .. لا عاد تقولين الا خالتي ايمان ..

العضوة: 275918 , 6 years ago

هديل بنظرة خبث وجهتها لها : طيب شوق .. شرايك .. بأخوي ؟!!.. شوق وقفت عن الضحك وبلمت : اخوك ؟!.. من أي ناحية يعني ؟!.. هديل والخبث يزداد لمعان بعيونها : علينا ؟!.. علينا هالكلام .. انا عارفة انك فاهمه قصدي .. شوق بلمت : ها ..!!.. لا والله .. وش قصدك ؟!.. هديل : لا تستغبين .. شوق بتهديد : هديلووو .. ترا بكف الحين .. لا تلفين وتدورين .. قولي اللي عندك دايركت .. هديل وتغيرت نبرتها لما يشبه للسخرية : شوق بالله عليك .. ماحسيتي فيه للحين ..؟!!.. شوق بسذاجة : منهو ؟!.. هديل : اخووووي بعد منهو يعني ... شوق مو قادرة تربط او تفهم : احس فيه ؟!.. هديل : ايه .. لا تقولين انك مو حاسة فيه ترا بكفخك .. شوق ضاعت واحتارت ولا فهمت المقصد .. هي ماحست بشي : لا والله مو فاهمه قصدك .. اشرحي .. هديل بهدوء وبجدية : شوق .. مشعل يعزك كثير .. شوق بعد صمت : طيب !!.. وانا بعد اعزه .. هديل هزت راسها بنفاذ الصبر : لا .. يعزك فوق ماتتصورين .. ( وسكتت يعني افهميها ) .. قلبها فهم المعزى من خلال الصمت اللي حل بينهم : قصدك..... سكتت شوق والصدمة مبينة بعيونها .. توقعت كل شي الا هذا ..!!.. مشعل ؟!.. مشعل ماغيره ؟!!.. الصديق الوفي اللي قاسمني احزاني بفترة فقداني لأبوي وشاركني همومي وساعدني وشجعني بكلماته على النسيان والحياة بسعادة .. سكتت وهي تتذكر كل شي صار لها بالفترة الأخيرة .. كانت نظراته غريبة لها حتى اسلوبه بالكلام معها احيانا .. مانتبهت لكل هالأشياء وقتها ولا فهمتها .. اصلا ماكلفت نفسها تفهمه .. مشعل يحبني ؟!... أنا ؟!!

العضوة: 275918 , 6 years ago

ابتسمت بخاطرها .. كان فعلا صديق عزيز وغالي ومن الاشخاص اللي شاركتهم حياتي من الصغر .. واكن لها كل التقدير والاحترام .. يحمل الصفات اللي تتمناها كل بنت .. ومحظوظة اللي بتاخذه .. بس........ قطعت هديل تفكيرها : بالله عليك ماحسيتي .. انا حسيت فيه حتى بدون مايقول او يتكلم .. شوق : هديل .. اخوك عزيز وغالي على قلبي .. وساعدني كثير .. بس ما ادري وش تقصدين لما علمتيني انه في قلبه شي لي هديل قطبت : لا بس .. انا حبيت احطك بالصورة .. مع انه يقهرني احيانا الا اني رحمته .. ماتشوفين شلون شايل همك وخصوصا ان بيت عمك مايبونك......... ( مسكت نفسها من زلة لسانها وهي حاطة يدها على فمها بخوف ) تغير وجه شوق من الالم .. لكنها حاولت تبتسم : يعني لازم تذكريني .. هديل وهي تنزل يدها عن فمها بخوف : شوق .. والله اسفة ماكان قصدي.. شوق اتخذت من الابتسامة قناع : لا عادي .. شي واقع اصلا ما كذبتي .. هديل عشان تكفر عن غلطتها الفضيعه اقترحت اقتراح : شرايك نروح للراشد ..؟! شوق وبعيونها مبين التعب : لا شكرا .. أجليها .. حاسة بخمول وفيني النوم .. هديل : تونا الساعة تسع .. شوق وهي تنسدح وتتغطى : واذا .. هديل : والعشا .. شوق : مابي شكرا ..