العضوة: 275918 , 6 years ago

ندى بحذر بنبرتها : اقوول نوف ... للحين انتي تكرهين بدر ؟!!.. نوف تلاشى صمتها الغريب وحل مكانه لهجة حادة : لا تذكرين اسمه قدامي .. ندى ارتاعت وخافت : طيب .. طيب .. بس سؤال جاوبيني عليه .. نوف رجعت العبرة وغطت على صوتها ، وأفكارها عن بدر رجعت تثور بذهنها بعد ما احتاجت وقت عشان تخمدها : ما أدري ما ادري .. نفسي اعرف يا ندى .. معد صرت أفهم نفسي ..!! ولا افهمه هو بعد .. احسه ناوي على شي بس ما أدري اذا احساسي صدق ولا كذب .. ندى حاولت تهديها وقررت توضح لها بشكل غير مباشر : لا تشيلين هم نوف .. وفكري شوي ترا بدر مهما سوا يضل ولد عمك ومستحيل يكن لك الكره اللي انتي تفكرينه .. فكري صح وفتحي عيونك زين وبتعرفين كل شي بنفسك .. نوف انرسمت علامة استفهام عملاقة بوجهها : وش قصدك ؟!.. ما فهمت ..!! ندى ابتسمت وبصوتها الحنان : مابي افهمك انا يا نوف ابيك تفهمين بنفسك عشان تقتنعين .. شيلي من قلبك الكره وصدقيني بتشوفين كل شي واضح قدامك .. نوف زاد الصداع عليها لأنها حست ان ندى تقصد معاني كثيرة بكلامها وهي مافهمتها : قولي لي انتي .. انتي تعرفين شي عن بدر انا ما عرفه ..!! ندى : وش بعرف يعني .. انتي بنت عمه وانتي المفروض اللي تفهمينه مو انا اللي افهمك .. نوف : ندى لا تزيدين فوق همي هم قولي لي وريحيني .. ندى : لو قلت لك مارح تصدقيني .. لكن انتي اعرفي هالشي بنفسك .. يالله باي اشوفك قريب .. وسكرت الخط بسرعة .. هي عطت نوف الحين أول الخيط وان شالله قريب بتعرف اللي انا اقصده

العضوة: 275918 , 6 years ago

  حب من نوع اخر   الجزء 53 i أثناء الغروب .. وبعد غفوات متقطعة من النوم .. نوف تتقلب بضيق وهي مو قادره تنوم براحه .. تسمع أصوات الكل يوصلها من البلكون .. اصوات ضحك ولعب ووناسة .. اما هي مو حاسة بأي شي من هالأحاسيس .. تبي تفرح بس مو قادره .. تبي تضحك بس مو قادره .. لما زادت اصواتهم وضحكاتهم حست بالفضول انها تعرف وش يسوون وليش كل هالضحك الواصل لاخر الدنيا .. قامت من السرير وطلعت للبكلون ، وطلت عليهم .. شافت مثل ما توقعت بالضبط .. البسمة على شفات الكل والضحكة ما توقف منهم .. بدر كان ماسك بيده حبل مربوط برقبة بقرة ويجرها لحد الفلة .. والبنات يهربون مبتعدين عنها ويقفون بعيد وهم يضحكون .. فرح تصارخ لبدر : هههههههههههههه .. بدر ليش جبتها رجعها لمكانها .. يممممممه والله تروووع .. بدر وهو يحط يده على ظهر البقرة ويبتسم للبنات : هذي خويتي اللي كلمتكم عنها .. شرايكم فيها .. دلال ميتة ضحك : قبيححححححة دور لك احلى منها .. ( وتمسك انفها بأصابعها ) .. حرام عليك يابدر والله ريحتها كريهه رجعها بتخيس الفلة علينا .. بدرعناد فيهم وبكلامهم ، انحنى على البقرة وطبع بوسة على جبينها .. والبنات من شافوا المنظر علت أصواتهم بالقرف والاستنكار .. البنات وهم يغضون بصرهم عن المشهد : ياع ..!!!!!!! بدر رفع راسه بسخرية : شعليكم انتوا بقرتي وعاجبتني .. نوف وهي تراقب المشهد ، من غير شعور ضحكت ومسكت فمها بيدها وهي تشوف بدر .. كانت أول مرة تبتسم طول هاليوم اللي مر عليها .. طلع احمد من الفله وتفاجأ لما شاف البقرة القابعة قبال الباب .. وطالع بدر بصدمة ، وبدر يشوفه باستخفاف .. احمد منقرف : تكفى رجعها لا تخليها هنا .. وانا اقول وش هالريحه اللي واصله لنا لداخل .. بدر بعباطة : شفيها ريحتها ؟!!!.. عطر شانيل شانس ..!!! البنات صرخوا باستنكار وهم يتقرفون ويضحكون بنفس الوقت .. فرح : بدر تشبه العطر بريحة هالكريهه .. ( وتأشر عالبقرة بقرف ) .. نوف كانت تضحك فوق ومحد منتبه لها .. والله حلو يعرف بالعطورات !!!.. كان بدر لافت نظرها .. لبسه كان لبس الكاوبوي ( cowboy ).. وطبعا مع قبعة الكاوبوي الخاصة اللي عطته انطباع خاص وهيئة بعيدة عن هيئته الأولى .. هاللبس شراه من الخارج لما كان برا ، وجت الفرصة انه يلبسه اليوم .. ومايحتاج اقولكم وش قد كان شكله جذاب بهاللبس .. وكأنه فعلا رجل كاوبوي ..

العضوة: 275918 , 6 years ago

أول ماظهر على اهله بهاللبس ابدوا اعجابهم واستعجابهم .. ودلال لحظتها ماصدقت راحت له وضمته .. دلال بحضنه : ياويلي .. مو ناقصك غير تدخل بوحدة من أفلام الهوليوود ..!!!.. نوف وهي تتأمله من فوق تملكها احساس برغبة انها تشوفه بالخيل .. هذا الشي اللي نقصه خيل أسود وتكتمل الصورة ..!!! وكأن حنان قرت اللي بخاطرها وتكلمت : اقوول بدر .. نصيحة مني رجع هالبقرة واذا تبي تجينا تعال بخيل أحسن .. دلال ايدت : ايه صدق روح وتعال بحصان .. ياي ماقدر أتخيل شكلك .. بدر عفس وجهه ونزل راسه يتأمل نفسه وملابسه .. هل أنا فعلا شكلي كاوبوي لهالدرجة ..!!!.. بدر ما كان يشوف نفسه كاوبوي ويحسبهم يبالغون فكان يجاريهم .. بس الحين بدا يقتنع .. بدر لف لأحمد بيسأل : اقول احمد .. انا خبري كان عندنا خيلين اثنين بس .. للحين موجودين ؟!... احمد : ايه اظن .. ما سمعت انهم باعوها او شي .. بتلقاهم بمكانهم .. بدر ابتسم للبنات وهو يلف ويجر البقرة معه : احم احم .. انتظروا الفارس الكاوبوي بدر .. فرح باستغراب نادته : تعال .. اخاف تطيح وتتكسر علينا .. لك وقت طويييييييييل ماركبت الخيل .. بدر بنظرة واثقة : لا تشيلين هم .. just wait.. غاب بدر عن عينهم وابتعد والبقرة معه .. وظلوا ينتظرون الفارس ( على قولته ) يظهر لهم .. اما نوف ماتدري ليش تحمست تشوفه وكانت أكثرهم لهفة انها تشوفه بهيئته الجديدة بالخيل ... بدل البقرة !!!!!!.. بيكون فيه فرق اكيد بين بدر اللي يجر البقرة خلفه .. وبدر الراكب على ظهر الخيل ..!!.. بيكون فيه فرق مثير !!!

العضوة: 275918 , 6 years ago

على حسب علمها كان بدر يركب الخيل هنا لما كان عمره 14 او 15 سنة وبعدها انقطع .. يعني بيفقد مهارته .. بس مبين عليه الثقة بنفسه وهو يتكلم قبل شوي .. بنبرة واحد معتاد وواثق من اللي بيسويه ..!!! غربت الشمس تماما وحل الليل وطلعت النجوم ، وانفتحت الانوار حول الفلة وبدر للحين مارجع !!.. والكل يعلق ويتخيل وينتظر ظهوره .. احمد رجع داخل وهو يضحك .. وهو عارف سبب تأخره ..!!! وبقوا البنات برا ينتظرونه .. مرت نص ساعة والفارس للحين ماشرف .. وبدوا يخافون عليه لايكون صار له شي .. ومرت الدقايق دقيقة ورا دقيقة وزاد خوفهم من تأخره .. ودلال التفتت عالبنات والقلق بعيونها .. دلال : شفيه تأخر ليكون صار له شي وتعور !!!.. فرح رفعت جوالها بتتصل : بتصل فيه بشوف ..

العضوة: 275918 , 6 years ago

واتصلت .. ونوف الواقفه بمكانها وتسمع لكل كلامهم ، تسلل القلق لقلبها من غير شعور .. وما انتبهت لنفسها ان اللي بدت تقلق عليه الحين يصير عدوها .. عيونها تطالع فرح اللي ظلت تمشي رايحة وراجعة والجوال باذنها تتنتظر رد .. وخاب ظنها لما نزلت الجوال والتفتت للبنات : ما يرد .. حنان : طيب نروح هناك نشوف .. فرح وهي تفكر : ما أدري المكان بعيد ننتظر شوي يمكن يجي .. وانتظروا دقيقتين ، وبعدها دلال معد طاقت الانتظار وقامت واقفة بعد ماجلست من التعب : انا بروح اقول لأبوي .. اكيد صاير له شي .. وما انتظرت احد يعارض ولفت تهرول لداخل .. لكنها وقفت عالباب لما سمعت صوت غريب والتفتت للخلف والبنات التفتوا معها .. ونوف سمعت هالصوت ورفعت عيونها لبعيد تشوف .. تكرر الصوت البعيد وهو يقرب بالتدريج .. صوت صهيل الخيل وصوت عدوه السريع عالأرض .. البنات ضحكوا لما شافوا الفارس بدر راكب على ظهره والبسمة على شفاته .. ونوف بتلقائية تنهدت بارتياح .. وصل لهم وبمهارة فائقة وقف الخيل بحركة اللجام في يده وبطريقة فارس بارع .. وبحركة مسرحية خلع قبعته وحياهم بها ورجعها على راسه ..

العضوة: 275918 , 6 years ago

خواته وسهى طالعوه بعدم تصديق .. وكأن بدر ماترك الفروسية لسنين بحياته .. حنان : بدوووور .. لا اله الا الله للحين تعرف للخيول .. وكأنك ماتركتها لسنين !!!.. بدر بخيلاء : ومن قالك اني تركتها اصلا .. دلال : اجل شلون لك زمان ما جيت هنا .. بدر مثل الإلهام حل عليه وحس بشعور داخلي ان نوف قريبة منه وتراقبه .. رفع عينه بعفوية مصطنعة للشرفة فوق : انا مانقطعت عنها لما كنت برا .. دخلت بنادي فروسية مخصووص عشانه .. نوف لما شافت عيونه ترتفع لها تراجعت وجلست عالأرض ، مع ان الظلام حل بس خافت من نظراته الغريبة اللي تقول انه قادر يشوفها .. فرح بدهشة : والحين توك تقوول !!.. ليش ماقلت لنا من قبل !!!.. بدر حس بنوف ، وبعدم اهتمام رد على فرح وقلبه طار فوق لها : ماكان فيه فرصة وشفت انه ماله داعي اقوول .. ( ونزل عينه لهم وابتسم ) .. يالله شرايكم الحين وكأني كسبت التحدي .. حنان : ايه والله عيني عليك باردة .. احسن من بقرتك الكريهه .. فرح بعد ماتذكرت : ايه تعال ليش تاخرت خليتنا على اعصابنا والله حسبناك تعورت ولا صار لك شي .. انا شكيت انه مقلب منك تبي نخاف عليك .. بس حسيت جد صار لك شي ..!!! ضحك بدر وانتبه لدلال تقرب منه : بدر .. ودي اركبه .. ودي اجربه ولو مرة .. بدر ابتسم بحنية ومد لها يده : ابشري .. عطيني يدك .. مدت دلال يدها له بكل حماس ، وبدر بسهولة قدر يرفعها ، وجلسها أمامه .. فرح بسخرية : دلووول ترا بتطيحين وتتكسرين .. بدر وهو يلف بالخيل ويمشي بعيد عنهم : لا تخافين عليها دامها معي .. دلال تودع البنات بيدها وهي تضحك : يالله اشوووووفكم بعدين .. هههههههههههههههه .. ( وتلف لبدر وبصوت مسموع ) .. بدر خلني اقهرهم .. وابتعدوا وسمعوا معه ضحكة بدر على كلام اخته .. فرح لفت لحنان وسهى : خلونا ندخل نصلي .. اكيد بيتأخرون دام دلال هاللي معه .. دخلوا داخل ..اما نوف سمعت كلامهم ولما حست بسكون المكان وقفت بهدوء وطلت .. مالقت احد .. فرجعت للغرفة تصلي وهي تفكر بنظرة بدر الغريبة اللي عمرها ماشافتها .. بدر تغير عليها بشكل كبير أكل قلبها من الحيرة !! وبعد ما خلصت من الصلاة دخلت عليها سهى مبتسمة : البنات يبونك نوف وامي ومرة عمي يسألون عنك .. تعالي يكفي جلسه بالغرفة .. نوف رجعت السجادة مكانها وراحت انسدحت بالسرير : مابي انا قلت بجلس هنا لما نرجع للرياض .. سهى : بالله يعني !!!.. بتحبسين نفسك بالغرفة يومين .. بتملين ..

العضوة: 275918 , 6 years ago

نوف غمضت عيونها وسكتت .. وسمعت سهى صوت امها تناديها وتنادي نوف .. ولفت لاختها : نوووف امي تنادينا .. نوف تأففت وسهى راحت جرتها من يدها لما وقفتها .. سهى وهي تسحبها : تعالي الحين وخلي عنك العناد .. نزلوا تحت وام احمد لما شافت نوف ابتسمت لها بحنان : ها يمه شخبار راسك ؟!.. نوف راحت وجلست جنب امها : الحمدلله أحسن .. ولو انه كل فترة يرجع يعورني .. بس احسن من الظهر اليوم ام احمد : محتاجه لبندول اجيب لك.. نوف وهي تهز راسها نفي : لا مابي مايحتاج .. فرح لفت لسهى وحنان : تعالوا نطلع .. الليل بهالمكان خيالي .. قمر ونجووم وبس ..!! نوف ابتسمت وفتحت عيونها : وين ندى بنت خالتي تسمعك .. سبحان الله انتي وهي نفس الطينه !!.. ليل وقمر ونجوووم .. وليالي شاعريه ..!!! وضحكت بسخرية ورجعت غمضت عيونها تسترخي .. فرح ابتسمت وتنهدت : اخ متى يوم زواجي عشان اروح اعيش مع اللي اختارني واللي رضا به قلبي .. نوف ابتسمت بسخرية : نصيحة يا بنت عمي لا تستعجلين عالزواج .. تراه كله شهر عسل وباقي حياتك معه بصل .. لا تتفائلين بشي مستحيل .. فرح قربت منها وهي تتبختر بمشيتها وكانت تقصد تقول الكلام اللي انقال لأن نوف كان اخر اهتماماتها الزواج والحب .. فرح : يكفي انه يحبك واختارك انتي من بد كل الخلق عشان يكمل حياته معك .. هذا بحد ذاته يكفي .. نوف سكتت ولا ردت وظلت مغمضة عيونها .. فرح : وبعدين انا الحين أعتبر متزوجة وكلها اسبوعين ونص ويجي يوم الزواج واروح معه ..

العضوة: 275918 , 6 years ago

نوف عشان تقفل الموضوع السخيف بالنسبة لها : الله يوفقك ... فرح شوي تذكرت ندى بعد ما انذكر اسمها ولفت لمرة عمها : خالتي سارة .. ام احمد : هلا .. فرح : اممم .. ياليتكم عزمتوا ندى وشوق وخالتي ام فهد والكل .. ام احمد : والله ما أدري .. ماجا على بالي لأني توقعت انكم تبونها عائلية .. تدخلت ام بدر : وش دعوة هم بعد من الأهل .. ومعهم أكيد بتحلا الجلسه .. فرح : ايه والله ياليت تكلمينهم ويجون عالأقل بكرة .. هالطلعة معهم ما تتفوت .. واخر ايامي بالمزرعة قبل ما أتزوج .. ابي يكونون كل اللي احبهم موجودين قبل الزواج .. ضحكت ام احمد : ههههههههههه .. ان شالله .. أدق عليها وأقولها .. وخذت جوال بنتها سهى واتصلت على بيت اختها وردت عليها ندى .. ندى : ياهلا .. ام احمد : اهلين ندى .. اخباركم ؟! ندى : هلا خالتي احنا الحمدلله .. ها شخبار المزرعة ان شالله مستانسين .. ام احمد ضحكت لان صوت ندى مبين عليها الحسافة : ههههههههههه الحمدلله ما نقصنا الا انتوا .. كأنك متحسفه لأنك مو موجودة .. ندى : تبين الصراحة خالتوو ايه من قالت لي نوف وانا ودي اروح .. تعرفيني ما اقدر اكتم اللي بقلبي .. ام احمد : يا بعد عمري وحنا بعد نبيكم .. وكل البنات وام بدر مصرين انكم تجون .. ندى : متى ؟!.. ام احمد : يبونكم بكره من بدري .. بنجلس يوم ثاني هنا .. ندى : انا عن نفسي ما عندي أي مانع .. بس ما أدري عن أمي .. ام احمد : عطيني اياها اكلمها اذا هي عندك .. ندى : ان شالله .. نادت ندى أمها ، وبعدها طلعت فوق لغرفة شوق بس مالقت احد .. راحت لغرفتها يمكن شوق تكون هناك بس حتى غرفتها خالية .. ..

العضوة: 275918 , 6 years ago

فجأة سمعت صوت ضحك عمر من غرفته الخاصة .. راحت له ودخلت غرفته الطفولية اللي كانت مليانه صور عالجدران ودمى وعرايس بكل مكان بالأرض .. عمر كان منبطح عالأرض وبيده قلم تلوين أزرق وشوق جنبه .. ندى وهي تتقدم لهم : شوقووه يالبزر وش جالسه تسوين ؟!.. شوق تلون مع عمر وبدون ماترفع راسها : اللي تشوفينه .. ندى تضحك بسخرية : خلي عنك التلوين هذا للبزران واكبري شوي .. شوق مطنشه كلامها : اذا التلوين للبزران أجل انا مابي اكبر .. عمر ترك اللي بيده ورفع راسه لأخته : خليها تلون معي .. انا أبيها تلون معي .. ندى بعد ماعرفت ان شوق ماهي متحركه من مكانها جلست عالأرض وتربعت ، وسحبت لها وحدة من دمى الأرانب الموجودة حولها وحطتها بحضنها واستعدت تسولف وتقول اللي عندها : تدرين .. يمكن نروح للبنات بالمزرعة بكره .. شوق رفعت عينها لها : أي بنات ؟!!.. ندى : نوف وسهى وبنات عمهم .. اتمنى من امي توافق .. شوق : طيب مو ممكن نزعجهم .. يعني هم وبيت عمهم احنا وش دخلنا ..!!!؟ ندى : خالتي قبل شوي اتصلت وقالت انهم يعزمونا بكره .. اخ يا شوق انا متأكدة انك لما تشوفين هالمزرعة بتحبينها .. وخاصة اذا كنتي هناك مع بنات وناس تحبينهم .. شوق مطت شفايفها بحيرة وهزت كتفها ورجعت للتلوين مع عمر : يمكن .. لكن انا يكفيني اعيش هنا لأنه هنا بعد في ناس أحبهم .. تقصد فهد بكلامها .. واللي مر طيفه على خاطرها فجأة لاحساسها ان الحب يتأصل داخلها لحظة بلحظة تمر .. ندى ابتسمت بخبث وشقاوة : أيه أكيد أنا ... انا عارفه انه انا اللي ناس تحبينهم .. مافي غيري .. شوق تستخف فيها : لا مو انتي .. اللي يسمعك يقول انك انتي الوحيده بهالبيت .. ندى تهز راسها وهي تقر : مع ذلك انا متاكدة اني المقصودة .. شوق تضحك باستخاف وهي منزلة راسها تلون : مشكلة الثقة !!!!.. ندى بثقة عمياء بنفسها : مايحتاج تبينين حبك لي أكثر.. انا عارفه انك تستحين تقولين اللي بقلبك ناحيتي .. مع ذلك انا فاهمه انك تحبيني وتموووتين علي بعد .. شوق + عمر : يعععععععععع ..!!! ندى فتحت عيونها وطالعتهم باستغراب !!!!!!!!!!!!!!!

العضوة: 275918 , 6 years ago

شوق ضحكت ولفت لعمر : ههههههههههههه .. حتى عمر حبيبي فاهمني .. عمر يلوح بيده في وجه ندى ويأشر عليها : انتي وعه وسوق حلوة .. ( ويقلب يده بفلسفة بريئة ) .. وسلون الوعه تحب الحلوة ؟!!.. ( ويلتفت لشوق ) .. وسلون ؟!!.. " وشلون " شوق تهز راسها وتلتفت لندى المقهوووره : ايه صح وشلون يا ندى ؟!!.. ندى من قهرها رمت الأرنب اللي بحضنها بوجه شوق وقامت طلعت من الغرفة .. وشوق تضحك وعمر معها .. ندى وهي رايحه لغرفتها سمعت امها تناديها من تحت ، وطلت من فوق : نعم يمه !؟! ام فهد : ترا بنروح بكره من بدري .. ندى بفرحة : وين ؟!.. ام فهد : يعني ماتدرين .. خالتك قالت لك ولزمت علي .. ندى : ياحبي لها خالتي .. اموووووت فيها .. رجعت لغرفة عمر عند شوق : اوكي شوقوو استعدي بكرة بنرووح ..

العضوة: 275918 , 6 years ago

شوق هزت راسها ومندمجة مع عمر ومو معطيتها وجه : اوخي .. ( اوكي ) رجعت ندى لغرفتها ومن فرط حماسها بدت تستعد وتحدد وش بتلبس ، وش بتاخذ معها من الحين .. اما شوق كانت تلون مع عمر وفكرها سارح لأبعد مدى وأبعد عالم .. ومو مركزة باللي جالسه تسويه .. لدرجة انها خلطت ودمجت ألوان غير متناسبة ابدا مع بعض .. وبدون ماتحس صارت تكتب بكل أرجاء الصفحة حرف ال F .. وتتفنن بكتابته .. وأثناء اندماجها باللي تسويه انتبهت على شهقة عمر .. عمر وهو يطالع صفحة شوق : سوووووق .. حقتك وعه مو حلوه !!!! انتبهت شوق لنفسها وتأملت حروف ال F والألوان الغير متناسقة وتمتمت : وع يا عمر من اللي سوا هذا كله ..!!!! عمر طالعها بنظرة وكأنه يقولها يعني تستغبيني : انتي .. شوق ضحكت على نفسها لما شافت نظراته : انا ؟!!!... عمر عصب وسحب الدفتر .. لأن شوق شوهت صفحة من صفحات كتابه الجميل اللي يحبه ويموت فيه .. عمر : ما تعلفين ..!! " تعرفين "

العضوة: 275918 , 6 years ago

شوق ابتسمت وهي مستغربة من نفسها : انا اسفة بس حسبتها حلوه .. مادريت انها مو معجبتك .. تبي تصرف عالموضوع وتجيب أي عذر .. بس عمر بين عليه الملل وطفش من التلوين .. وبدا يتأمل الحروف وأشر عليها : وث هذي ؟!!!.. شوق ابتسمت وهي خاطرها تكمل كتابة الأسم : حرف ال F .. عمر رجع يعصب : وليث تكتبينها هنا .. هذا حق ألوان بث .. شوق : طيب اسفة ما أكررها .. كان ودها فعلا تكتب بقية الأحرف h .. a .. وبعدها d .. بس اذا سوتها عمر بيذبحها .. ورجعت لسرحانها ثاني مرة تفكر باللي صار بينها وبين فهد اليوم العصر .. والكلام اللي قاله كان فيه شي غريب ما فهمته .. وش قصده بكلامه " الحب بالشرقية " !!!!.. هل كان يمزح ولا كان جاد !!!.. ماحست بعمر اللي قام يبحث عن شريط كرتون يسليه واختار له " حكاية لعبة " .. ودخله بالفيديو وشغله .. بس بعد لحظة رجع يطلع الشريط ويقذفه بالأرض بقوة لما تكسر ، وروع شوق معه .. شوق : عمر ليش كذا !!!!.. عمر بعصبية طالعها : ما يشتغل .. خربان .. احثثثثثثثثثثثثثثثن .. شوق : مايصلح كذا ترميه حتى لو ماكان يشتغل .. قلي يمكن أقدر اصلحه .. عمر : ما تقدلين .. فهد ما علف .. شوق : فهد ؟!! عمر برطم وتكتف بزعل : ايه فهد قالي بثتلي واحد ثاني لك .. بث كذاب .. شوق : طيب اختار لك أي شريط ثاني غير هذا .. عمر هز راسه نفي بعناد : لا مابي .. ابي حكاية لععععععبة..

العضوة: 275918 , 6 years ago

شوق وهي ماسكه ضحكتها : وش اسمها ؟!!.. عمر : حكاية لععععععععبة .. شوق : هههههههههههههههه .. ليش عاد لععععععععععععبة ؟!!! عمر وهو مبرطم : بث .. شوق : طيب حبيبي في عندك أشرطة فيديو كثييييييرة حلوة .. اختار غيرها .. عمر : لا مابي .. شوق بملل فكت الرباط اللي كان يضم شعرها وانسدحت عالأرض وغمضت عيونها وتركته بحاله ، وضمت الأرنب اللي كانت ندى ضامته .. وعمر ظل يحوس بأشرطته بس ما لقى شي يرضي غروره وذوقه بالوقت الحالي .. وبعد مدة سمع صوت فهد يناديه وطار من الفرحة لأنه حس ان اللي يبيه وصل .. شوق ظلت مكانها ومغمضة عيونها وهي

العضوة: 275918 , 6 years ago

تسمع فهد ينادي : عمر رح لفهد يناديك .. وما أمدى عمر يتحرك الا الباب ينفتح ويدخل فهد : عمر حبيبي .. بسرعة شوق قامت واعتدلت جالسه ورفعت شعرها ، وعمر طار لأخوه وبعيونه الفضول : نعععم .. فهد كان يطالع شوق اللي ماكانت معطيته بال ولافه عنه ، نزل عينه لعمر مبتسم : جبت لك اللي تبي .. عمر بابتسامة وسيعة : حكاية لععععععععبة !!؟!! فهد وهو يهز راسه : هههههههههه ايه حكاية لعععععععبة .. نفسي افهم وش سر ال ععععععع عندك ؟!!!.. عمر اخذ الكيس بسرعة ومباشرة دخل الشريط بالفيديو وشغله .. وجلس جنب شوق .. شوي والتفت لفهد اللي لازال واقف مكانه ..

العضوة: 275918 , 6 years ago

عمر : فهد .. تعال ثوووف معي فهد : لا انا بطلع اجلس شوف على راحتك .. ما أعجبه عمر الكلام وراح لفهد وسحبه معه بالغصب : لا تعال مععععي ... جلس عمر وفهد جنبه مجبوور .. وشوق من الجهه الثانية .. كل لحظة كان عمر يضحك عاللي يشوفه وفهد يجاريه بالضحك مع انها مشاهد عادية جدا .. بس عمر كان عاجبه وجود فهد وشوق معه .. اما شوق ما كانت تضحك لأنها أغلب الوقت سرحانه وتتأمل فهد بين اللحظة والثانية .. وتفكر بالكلام اللي قاله لها .. واخيرا لما حست انه بينتبه لنظراتها قررت تطلع .. قامت واقفة وانتبه لها عمر .. عمر : لا تلوحين .. شوق : خلاص انت اجلس شوف مع فهد انا بروح انام .. فهد : بدري ..!! شوق : بدري من عمرك .. بس نعسانه .. فهد : لاحقين عالنوم اجلسي مع عمر لا تكسرين بخاطره .. شوق : انت معه الحين ولا يعني انت ما تكفي ..