العضوة: 275918 , 6 years ago

نزلت نوف تحت والشنطه معها وقررت ماتفكها الا لما ترجع الشهادات لبدر .. إما اليوم أو لما يرجعون للرياض .. راحت وانضمت للبنات اللي طلعوا برا يستغلون كل ثانية بهالجو اللي ما يتفوت ..!! شوق رفعت راسها لفوق تطالع السما : تدرون ؟!!.. السما مغيمة وهذا اللي محلي الجو أكثر .. فرح تطالع بدورها لفوق : خلاص الشتا دخل والجو بدا يبرد .. يعني توقعي المطر بأي وقت .. ندى وهي تبتسم : الله لو تمطر ؟!!.. من زمان عن المطر .. له وقت طويل ما نزل .. حنان : اما أنا ما ودي انه ينزل ... تعرفون اذا نزل بيخرب علينا الوناسة وبننطق جوا .. شوق : في هذي صدقتي .. فرح ابتسمت وخطرت على بالها فكرة : ماعلينا اللي يكتبه الله فيه الخير .. والحين خلونا نلعب .. شوق : عندك لعبة حلوه ؟!!.. فرح : عندي لعبة قديمه .. مادري اذا تذكرونها .. لعبة " بوبي " .. ندى ضحكت : هههههههههههههه .. يوووووه من وين طلعتبها .. فرح وهي تضحك : مالي شغل غصب عليكم بتلعبونها .. قريب بتزوج وبروح وأبي أختم هالايام بلحظات حلوة .. وكل شي فخاطري ابيكم تسوونه.. ندى وهي تحط يدها على راسها : اوكيه ولا يهمك على راسنا من فوق .. فرح ابتسمت بوناسه وقربت من ندى وشبكت ذراعها بذراعها : وانتي معي طبعا .. وصلت دلال بهاللحظة تركض لما شافت تجمعهم ووقفت بالنص بينهم ويدها على خصرها : ما شالله ما شالله بتلعبون ولا تقولون لي ..؟!!

العضوة: 275918 , 6 years ago

حنان بسرعة راحت ومسكت شوق : وشوق معي طبعا .. بهاللحظة سهى ضحكت : وانا من معي ؟!! دلال مالقت لها خيار : انا !!!.. طالعوا كلهم نوف اللي بقت وحيدة من غير شريكة .. طالعتهم لحظة وابتسمت لأن كان كل فكرها بمكان بعيد .. فرح وهي تحس بخيبة أمل عشانها : وانتي نوف ؟!!.. نوف تراجعت وجلست على مقعد خشبي قريب : لا انا مابي ألعب .. تعرفوني شوي تعبانة وأخاف أركض معكم ويرجع لي الصداع وانا ما صدقت يروح .. فرح ابتسمت بارتياح : ايه خلاص انتي الحكم .. ندى وهي تضحك وتطالع نوف وفاهمه سبب سرحانها وعدم رغبتها باللعب : هههههههه .. أي حكم !!.. اللعبة ماتحتاج لحكم .. نوف : خلاص لا تشيلون هم انا بقعد أتفرج عليكم .. استعدوا للعب والحماس وكل وحدة خذت شريكتها معها .. ونوف بما أنها الحكم سوت القرعه بينهم .. وطاحت القرعه على فرح وندى .. وبدوا شغل اللعب والصراخ .. وبعد دقايق نوف انسحبت عنهم بهدوء بدون ما يحسون .. وراحت للجهة المعاكسة اللي جالسين فيها الرجال .. وقفت عند زاوية الفلة وطلت بهدوء .. ودورت بعيونها عن بدر لعلها تلمحه .. وما شافت غير ابوها وعمها باسطين برا بساط وجالسين عليه .. واحمد وفهد واقفين بعيد عنهم ويتناقلون الكورة ما بينهم .. لكن للأسف ... بدر ماله أثر !!!! نزلت عينها للأرواق داخل شنطتها .. وصممت وأصرت بينها وبين نفسها أنها ترجعهم له مهما كانت الظروف ..!! ابتعدت عن المكان وخطر في بالها انها تروح ناحية مكان السيارات .. وفعلا مشت لحد هناك وهي ترجي انها تلقاه .. خمس سيارات كانوا هناك .. ومباشرة اتجهت عيونها لسيارة بدر .. شافت باب السواق الأمامي مفتوح .. ورجل شخص تتدلى منه وصوت الأغاني يردح داخل السيارة عالأخير .. بدر مافي غيره !!!.. كانت الأغنية اغنية حزينة لراشد الفارس .. اللي خلا نوف توقف مكانها وتنصت .. وخصوصا انها سمعت صوت بدر الخافت والمعذب يغني معه ..

العضوة: 275918 , 6 years ago

تحملني الخطا وتروح .. زعلان ولادري وين دارك .. وين دنياك كذا .. لك يوم أو يومين تعبان أنا طول العمر .. تعبان وياك تحملني الخطا.. أنا تعبان .. تكفى حس فيني أمانة .. لا تعلق قلبي وياك اذا ناوي تضيع لي سنيني انا ضايع ترا .. فيك وبلياك تحملني الخطا دعيت الله .. في حبك يبتليني لاخر نفس .. فيني أنا أهواك تبيني بالنهاية .. أو ماتبيني أنا دنياي بايعها لدنياك تحملني الخطا خفق قلبها وترددت اذا تروح له أو ترجع مكان ماجت .. حاسبت نفسها للحظة الأخيرة وفكرت اذا اللي تسويه صح أو لا ..؟!!! اما بدر كان عايش بكلمات الأغنية وهو مستلقي عالكرسي وحاط ذراعه على عيونه .. ومو حاس ان حبيبته اللي يبيها قريب منه وورا السيارة وعلى بعد خطوات منه ..

العضوة: 275918 , 6 years ago

نوف تمت فترة واقفة بمكانها تحاسب روحها .. بالنهاية تغلبت العاطفة عندها على العقل وتقدمت بخطوات مترددة للسيارة .. لكن صوت سيارة جاية من بعيد والأصوات المرحة والملحنة للبوري حقها خلاها تتراجع وتركض ووتخبا عند زاوية الفلة .. شافت السيارة تقرب وتوقف قبال سيارة بدر .. وصوت الأغاني يتوقف فجأة .. وينزل بدر وهم مبتسم .. بدر : اهلا .. تو ما نور المكان .. ينزل الشخص الثاني من السيارة وهو يضحك : ها يا قلب امك عسى نمت زين ؟!!.. بدر وهو يصافحه ويغير صوته للنعومه : لا توصين حريص يا ماما نمت من بدري .. بس انتي ليش تأخرتي .. سلمان : ههههههههههههه .. المهم علومك ؟!!.. بدر اختفت ابتسامته المزيفة ، وتحولت لأسى بعيونه وتنهد تنهيدة تشيل أطنان من الأحزان : علومي ضايعة مني يا سلمان ولا اظن انها بترجع لي .. سلمان تضايق : بدر انا كم مرة قلت لك شل هالنبرة الحزينة من صوتك وعيش يومك ..!! بدر وقلبه يعاني مرارة الصد : ماجربت يا سلمان اللي جربته انا .. ولا كان رايك تغير .. مادام نوف ما تطيقني ولا تبيني فنا ضايع وحياتي ماتعني لي شي !!!.. ابد يا سلمان ابد .. ماتعني لي ..!! نوف خنقتها العبرة وهي تسمع كلماته ونبرته الحزينة !!.. وانعصر قلبها عصر لما حست نفسها بتختنق .. وضحت لها الحين معاناته .. وهي السبب بكل شي !!..

العضوة: 275918 , 6 years ago

كل ذرة شك بحب بدر لها اختفت لما سمعت كلماته .. وكان ودها تطلع له الحين وتقول له " انت غلطان .. انا ما اكرهك " .. بس مسكت عمرها وقاومت رغبتها المجنونة .. وجلست عالأرض ونكست راسها على ركبتها .. تعاني بدورها وتندم عاللي سوته بولد عمها .. اما بدر أخذ سلمان معه وراحوا ناحية الرجال .. سلم سلمان على والد بدر وعمه .. وهم بدورهم رحبوا فيه أجمل ترحيب .. اما نوف رجعت للبنات وهي تحاول ترسم البسمة على شفاتها عشان محد يحس بشي .. لقتهم وقفوا لعب والمكان اللي كانوا فيه خالي .. استغربت ودخلت جوا .. حصلت امها ومرة عمها وخالتها .. نوف لأمها : يمه وين البنات ..؟!! ام احمد : مدري ما دخلوا .. برا بتلقينهم .. حصلتها فرصة انها تنفرد بنفسها شوي عشان تعيد ترتيب أوراقها وأفكارها .. طلعت فوق وقفلت هالمرة الباب على روحها .. عشان تضمن ان محد يزعجها ..

العضوة: 275918 , 6 years ago

في الخارج البنات بعد تعب الركض ضلوا يتمشون بالأنحاء .. وفرح تعرف ندى وشوق عالمكان .. مرا بأرض مزروعه بالنعناع وريحته الحلوة تفوح بالأرجاء .. تعدوه لما وصلوا لمكان توجد فيه ساقية الماء اللي على شكل عجلة .. وقفوا عندها يتفرجون وويتكلمون على انغام هدير الماء الجميل .. ندى وهي مبهوره : ماشالله فرح ؟! .. وش بقى ماسويتوا كل شي موجود هنا ؟!!.. فرح وهي مبتسمة وتراقب العجلة تدور وتشيل المويه معها : الحمدلله .. ابوي وعمي ماقصروا كل شي فخاطرنا وخاطرهم حطوه .. حنان وهي تضحك : عاد دلال كل يوم تطن وتزن الا تبي تسبح هنا !! شوق وهي تلف لدلال السرحانه مستغربه : ههههههههههه .. دلال وين تسبحين ؟!.. دلال ما انتبهت الا على اسمها ينذكر : ها .. تكلموني ؟!!.. فرح : دلال مجنونه تبي تسوي اشياء ماتخطر على بال عاقل ..

العضوة: 275918 , 6 years ago

كانوا يتوقعون من دلال انها ترد على اختها بحكم طبعها الناري ولسانها .. بس استغربوا صمتها وسرحانها .. فرح : دلال شفيك ؟!!.. دلال وهي تفكر ببدر : مافيني شي .. سمعوا صوت شباب قريب منهم : البنات اللي هنا يالله تغطوا احنا جايين ..!! كان صوت أحمد .. والبنات كلن وتغطى طبعا .. حسوا فيهم يقربون ويطلعون لهم .. احمد وفهد بس .. احمد : ماشالله الكل هنا .. واحنا وين نروح ؟!!.. سهى : وين تروحون ؟!.!.. المزرعه وش كبرها مالقيتوا الا تلحقونا لين هنا !!! احمد : هههههههههه .. لا بس هالأخ التنح اللي جنبي ( ويأشر على فهد ) .. يبي يشوف هالعجلة العجيبة ( يقصد الساقية ) .. فهد : مالتنح الا انت .. ما كأنك انت اللي أدوختني غصب تجي تشوفها .. احمد ابتسم ومسك ضحكته وراحوا من الجهة الثانية يتفرجون على الساقية .. الساقية محاطة بسياج من ثلاث جهات للحماية والجهة الرابعة متخذة كمجرى للماء .. يجري فيه ويسقي المنطقه حوله .. ظلوا البنات مستندين عالسياج ويتسامرون من جهة .. واحمد وفهد من الجهة الثانية المقابلة لهم ..

العضوة: 275918 , 6 years ago

ندى التزمت الصمت من طل احمد عليهم وظلت واقفة ومستندة بذراعينها على السياج الحديدي .. وتتأمل الموية لحظة .. وتطالع احمد لحظات .. الشي الوحيد اللي يخليها تطالعه باستغراب نظراته مابين فترة وفترة .. تحس بعيونه كلام كثير وده يقوله .. حست بشوق تخزها : ندى .. ماتحسين بشي غريب .. ندى عرفت وش تقصد بس سوت حالها مو فاهمه : لا مو حاسه .. كل شي أوكي .. شوق تقرب منها وتهمس بإذنها بشكل لاحظه أحمد : أحمد ..!! ندى وهي تتنهد بملل : وش فيه ؟!!.. شوق : يبي يقولك شي ..!!

العضوة: 275918 , 6 years ago

ندى لفت لها بقوة مستغربة ومعصبة : وش قلتي ؟!.. وانت وش عرفك ؟!!.. شوق نفسها ارتاعت من ردة فعلها وتراجعت : محد قالي .. بس حاسه .. من نظراته لك .. ندى سكتت ولا ردت .. ولفت لأحمد تشوفه لقته لا يزال يطالعها والكلام من عيونه يفيض .. كأنه يقوله أبي أكلمك .. بس ندى تجاهلت هالنداء الصامت ولفت لشوق : انا برجع للفله .. بتجين ؟!!.. شوق وهي مستغربه : لا .. انا بجلس .. ندى راحت عن المكان اللي يجمعهم وتوجهت ناحية الفله .. تحاول تمسك اعصابها قد ما تقدر .. ومليون فكرة وفكرة عنه تتزاحم في ذهنها .. في طريق رجعتها دق تلفونها .. ردت وهي تمشي من غير ما تشوف الرقم : هلا .. - مرحبا ندى ..!! وقفت ندى خطواتها وعبست من الصوت الرجولي .. شافت الشاشة وصدمها المتصل .. ورجعت التلفون بإذنها وهي مدهوشه : أحمد !!! احمد وهو شوي مرتبك : لي طلب واحد ؟!.. وياليت ما ترديني .. ندى ماعرفت ترد .. احمد بنفسه اتصل عليها .. وسمعت صوته من غير ماتطلب هي هالشي .. كانت هذي أمنيتها من زمان .. أيام ماكانت تبيه وتحبه .. أيام ماكانت تعيش له .. بس هالأمنية تأخرت انها تتحقق .. ليش الحين تصيرين .. ليش ما صرتي أيام ماكنت ابي هالشي وأموت عشانه ..!!!.. ندى بهدوء وهي نفسها مرتبكه من اتصاله الغريب : نعم امرني .. أحمد وهو ياخذ نفس عميق : ندى .. ممكن ؟!.. أنا ابي اشوفك .. ندى وكأن أحد كاب فوق راسها مويه بارده ماعرفت وش تقول : .............. احمد يبي يطمنها : لا تخافين ندى .. أنا بس أبي أتكلم معك .. أبي أنا وياك نتفاهم .. ندى تغير صوتها للهدوء والبرود : نتفاهم ؟!........ على إيش بالضبط ؟!!.. أحمد بنبرة كلها دفا وحنية : كل شي ..... على كل شي صار !!.. أبي افهم منك أشياء كثيرة انا مو فاهمها .. ندى نبرته الدافيه خلاها تتوتر : ............... أحمد : أنتظرك عند الخيول .. اكيد تعرفينها .. وسكر الخط .. وكأنه فرض عليها هالأمر بدون ما ينتظر جوابها .. نزلت التلفون عن اذنها وهي تفكر .. يبي يتفاهم معي ؟!!.. كل شي واضح وش نتفاهم عليه ؟!!!.. بشجاعه قررت تروح وتشوف وش يبي منها .. يمكن هاللقا هو اللي بيحط النقط عالحروف ..

العضوة: 275918 , 6 years ago

58 شوق ودلال لازالوا واقفين قريب من الساقية .. وكل وحدة منهم تمد يديها للموية وترش عالثانية وهم يضحكون بوناسة .. دلال وهي تحاول تتراجع : هههههههههههه شوق بس خلاص سبحتيني ..!!! شوق تضحك وتقرب منها وترش : هههههههههههههه .. انتي اللي بديتي انتي اللي تحملي ..!! فهد ماتحرك من مكانه يراقبهم وهو يبتسم وخاصة شوق اللي واضح انها متجاهلته ما تطالعه .. وما استغرب منها هالشي وخاصة بعد النقاش الحامي اللي دار بينهم بالسيارة .. طبعا احمد استأذن منه انه بيروح ويرجع وفهد ما اهتم وتم بمكانه يراقب ويتأمل اللي حوله .. أثناء ما شوق منغمسة مع دلال باللعب دق تلفونها بجيبها .. بسرعة مسحت يدينها المبلولة بملابسها وهي تضحك لدلال وطلعته .. ولما شافت الرقم ضحكت بصوت أعلى نبهت فهد عليها .. رفعت راسها لدلال : لحظة شوي بروح أكلم .. دلال بدون اهتمام تمد يدها للموية باستمتاع : بالطقاق أكبر همي .. ( وبخبث مقصود بنبرتها ) .. رووووحي روحي انا عارفه انه الحبيب .. هاهاهاهاي لا تلعبين هاللعبة انا عارفه .. شوق ضربتها بخفة وهي تضحك وراحت تركض بعيد عن المكان طلبا للهدوء .. اما فهد من سمع كلمة " الحبيب " توترت أعصابه .. وتبعها من غير محد يحس .. شوق لما وصلت لمكان مزروع في أشجار التوت بكثافة .. كشفت وجهها وردت وهي تضحك : ههههههههههه أهلين وسهلين ..!!! هديل بعصبية : ومرحبتين .. يالقاطعه .. شوق وهي تتصنع البراءة : ههههههههههه أي قاطعه انا ما اقطع احد .. هديل بسخرية : ايه مرة واضح ..!!... بالله متى اخر مرة كلمتينا .. أبي افهم انا انتظر منك تتصلين بس لما شفت مامنك فايده قلت اتصل انا واخذ الأجر ..!! شوق وهي تضحك : هههههههههه حرام عليك ترا والله كنتوا على بالي ومقرره أتصل عليكم أول ما أرجع الرياض .. هديل : ليه ؟!... وينك انتي الحين ؟!!.. شوق بمرح وهي تمشي بين الشجر وتلامس أوراقها : حزري فزري .. هديل : شوق ماحب حركات حزري فزري .. جاوبيني .. شوق : طالعين برا الرياض لمكان ما فيه أروع منه .. هديل : الله ..!!!.. تعالي خذيني معكم .. شوق : تعالي حياك ..!! هديل وهي تتنهد بحزن : مين اللي بيجيبني يا حسرة ؟!.. ومشعل حاله منقلب مدري شصاير له .. شوق بحيرة : مشعل ؟!!! هديل : ايه مشعل .. هو عندي أخو غيره ..!!! شوق قطبت بخوف : ليه س........ حست بالجوال ينسحب من يدها بشكل

العضوة: 275918 , 6 years ago

خاطف .. لفت للشخص اللي وراها مرتاعه لقته فهد حاط الجوال بإذنه يسمع .. شوق وهي تتخوصر باستنكار : مالك حق ..!! فهد ما اهتم لها وسكت يسمع : ............... هديل اختفى صوتها لأنها حست بشي صاير : أ.... الو ... شووق وينك .. فهد ابتسم وطالع بالشاشة .. ولما تأكد من الاسم رمى الجوال بخفة لها والتقطته وهي تطالعه متنرفزة ومو لاقيه جواب لتصرفه الغريب .. شوق : ممكن أفهم وش سويت بالضبط ...؟!! فهد وهو يرفع حواجبه وكأنه ما سوا شي : سويت الشي اللي يريحني ..!! شوق : وانت شدخلك فيني .. اذا تبي تسوي اللي يريحك سوه بعيد عني وتصرفك هذا بليز لا تعيده ثاني مرة .. ولفت عنه وهي ترجع الجوال بإذنها .. بس قبل لا تتكلم تكلم فهد : اذا شفت اني لازم أعيده بعيده بالوقت اللي يعجبني .. شوق بدون لا تلف له : انت مالك سلطة علي عشان تتصرف بهالشكل ..!! فهد وهو يدخل يديه بجيوب بنطلونه بكل ارتياح : ممكن وممكن لا ... بس لا تنسين اني فهد .. ومو فهد اللي مايوصل للي يبيه ......... وحتى لو كان هالشي أنتي يا بنت عمي ..!! حرك كلامه شي داخلها .. ولما لفت له عشان تطلب انه يوضح كلامه لقته اختفى .. تسمرت عينها عالمكان اللي كان واقف فيه وضاعت بمتاهات مالها أول من تالي .. هب نسيم بارد وقضها من سرحانها .. ورجعت للجوال وهي متوترة .. اما هديل انبح صوتها من كثر الصراخ : شوووووووووووووق وعمى يعمي العدو قولي امين .. ردي يامال ال........... قاطعتها شوق وهي مكشرة : هاه هاه معك وجع خفستي اذني من هالصراخ .. شفيك مافيك صبر .. اوف !!! هديل : أوف ؟!!!... اوف لك انتي .. وين ذلفتي ومن هذا اللي روعني ... ( وبصوت حالم ) .. لا تقولين فهد ؟!!.. قالت اسمه من باب المزح .. بس شوق مسكت ضحكتها : ايه هذا فهد .. هديل حست بغصة والكلمات اللي كانت بتطلع وقفت ببلعومها : ف.... فهد قولي والله ؟!!!.. شوق : مايحتاج أحلف لاني ما اكذب .. هديل : ومن وين طلع ؟!!.. شوق توترت لما تذكرت كلامه بس فهمت منه انه تحدي : والله علمي علمك .. حتى انا ارتعت .. المهم خلينا من فهد وماقلتي لي شفيه اخوك ..اقلقتيني .. هديل بنبرة مقصودة : يعني ماتدرين شفيه ؟!!.. شوق تتصنع الجهل : هاه ؟!... وانا وش يدريني ؟!!..

العضوة: 275918 , 6 years ago

هديل : انتي أعرف وحدة باللي فيه ... ومحد غيرك السبب .. لا تقولين انك نسيتي .. شوق وهي تتناسى بالعمد : مدري وش تقصدين انتي .. مو فاهمتك هديل : اها مو فاهمتني ... شوق انا اذكر اني قلت لك ان مشعل يحبك ويعزك .. ولا نسيتي هالشي بعد ؟!!! شوق بلعت ريقها ماعرفت ترد : .............. هديل : ردي علي لا تسكتين .. شوق : وش تبيني أقول .. وش تبيني أرد .. بصراحه اذكر هالشي ودوم أفكر فيه بس انا نفسي محتاره شلون أتصرف .. هديل بعفوية وتلقائية : حبيه ..!! شوق ما استوعبت : نعم ؟!!! هديل : يا اختي حبيه وفكينا .. الولد حالته حاله من جد .. شوق بكابة وهي تتذكر كيف حبت فهد : وهو الحب يا هديل يجي متى ما نبي .. صدقيني انا....... قاطعتها هديل بنبرة مختلفة : الا أقووول شكلي انا قمت أخذرف بالكلام واقوول شي المفروض ما ينقال .. عالعموم يا بنت بنت خالتي العزيزة انا داقه من توصية لأمي .. تقول كلميها وبشريها ان احنا بنجي الرياض قريب .. شوق استغربت نبرتها بس ما أخفت فرحتها : احلللللللفي ... ومتى ان شالله .. هديل : قريب .. بس مابعد حددنا يوم بالضبط .. شوق : ليش طيب وش المناسبة .. هديل بتلقائية نست نفسها : المناسبة الله يطول بعمرك .. ان أمي واحنا جايين عشان....... ( وقطعت كلامها بعد ما انتبهت لنفسها ) ... مو قلت لك انا قاعده اقول كلام ما ينقال ... كل شي بوقته حلو .. شوق ضربت برجلها في الأرض بقهر : قولي عاد لا تخليني على أعصابي ..!! هديل : سوووري فيه ناس موصيني ما أقولك الا بوقته ... والحين باي شوق تحاول تسحبها بالكلام : هديل هديل.. ( وتسكر الخط بوجهها ) .. طالعت الجوال بقهر .. اوف هديل احيانا عليها حركات تحرق أعصاب الواحد .. وش وراها نفسي أعرف ..

العضوة: 275918 , 6 years ago

راحت ندى للمكان اللي قال لها عليه .. كان بعيد شوي عن الفله لذا خذت وقت على ما وصلت له .. وقفت عند مدخل الاسطبل ويدها على قلبها من الخوف .. المكان داخل مظلم وماتسمع الا صهيل الخيول .. وهي بطبعها تخاف من الخيول ..!! وقفت عند المدخل تنتظر احمد .. لأنها توقعت انه مابعد وصل .. بس روعها لما سمعت صوته وراها .. احمد : مراحب ..!! ندى انتفضت وتراجعت وهي تلف له : ه ....... هلا ...!! احمد وهو يبتسم بنعومة : اسف روعتك ماكنت أقصد .. ندى تجاهلت ابتسامته ونزلت عينها تلقائي للشي اللي بيده .... كان دفترها الحبيب !!... اللي بيوم كانت تحرص عليه .. والحين صارت تكرهه .. احمد انتبه انها شافت الدفتر فتجاهل هالشي : وش الأحوال ؟!.. ان شالله مرتاحه هنا !! ندى وعيونها كل شوي تنزل للدفتر وتحس انه بيكلمها عنه : الحمدلله مرتاحه .. احمد : كنت متأكد انك مارح تخذليني وبتجين .. ندى بعدم اهتمام بمعنى كلامه : لا بس انا استغربت انك تطلبني .. عمرك ما سويتها ( وهي تطالعه بعيونه ).. وأستغرب الحين وش الكلام اللي تبي تقوله .. وش تبينا نتفاهم عليه ..!! احمد وهو يرفع الدفتر ويلوح به قبال وجهه بنظرة جادة : على هذا ..!! ندى وهي تحاول تكون هاديه : وش فيه هذا ؟!!!!.. احمد وهو يرفع حواجبه : كل اللي فيه وتقولين وش فيه ؟!!!.. ندى وهي تبتسم بسخرية : اذا انت عارف كل اللي فيه وحافظه بعد ليش تسألني ؟!!! احمد بنظرة كئيبة : لأني ماني فاهم !!.. ندى : وش اللي مو فاهمه .. ( وتحول صوتها للحزن فجأة ونزلت راسها للارض بحسرة ) كل كتاباتي بالدفتر واضحه معانيها مثل الشمس .... لا تقولي بعد انك ما تدري انك انت المقص..... قاطعها أحمد وهو يرفع يده يسكتها .. وبنعومة : لا يا ندى أنا أدري .. وصدقيني انا مادريت الا منه .. لو كنتي قلتي لي من قبل كان كل شي اختلف ..

العضوة: 275918 , 6 years ago

ندى وهي تقاوم عبرتها : شلون بيختلف !!... احمد غمض عيونه وهي يتنهد وتراجع وعطاها ظهره : بيختلف أكيد .. اعترف اني كنت غبي .. أحيانا كنت افكر فيك .. واحس انك لما تكلميني او تطالعيني فيه شي غريب .. لكن عمري مافكرته حب ... ( وسكت فترة يجمع روحه ونبضات قلبه الملخبطه ) .... ندى وهي تتكتف وتلف وجهها يمين عنه بقهر : اكيد مارح تفكره كذا ... لأنك تشوف غيري .. حست بوجهها يحمر من اللي قالته .. ماتدري هالجرأة من وين طلعت بس لحسن حظها انها مغطيه وجهها .. احمد لف لها بسرعة تجاوب مع كلامها الغريب : أشوف غيرك ..؟!!! ندى بقهر بدون لا تطالعه : ايه ..!! احمد تذكر كلماتها عن الخيانة : الا تعالي .. وش سالفة خيانة وما خيانة .. وعلاقات غرامية وكلام وخرابيط مالها اساس من الصحة .. وش هالكلام الغريب يابنت خالتي .. من وين جبتيه ؟!.. ندى وهي تتأفف وبدت تفقد أعصابها : انا قلت لك قبل ما جبته من احد .. شفته بعيوني الثنتين ..!! احمد وهو يحاول يكون هادي قد مايقدر عشان يفهم منها اللي يبيه : متى شفتيه ؟!.. ندى : لا تنكر هالشي يا أحمد .. احمد وهو يذكر الله : استغفر الله ياربي .. انا ما أنكرت شي بس أبي افهم متى صار ..!! ندى طالعته بعصبية لحظة .. وبخشونة وسرعة مدت يدها له : عطني الدفتر .. وانا أعلمك .. عطاها الدفتر وهو يتأملها تتصفحه وينتظرها تتكلم وتشفي غليله وتساؤلاته .. وصلت لصفحة معينة ومدت الدفتر له بذات الخشونة والعصبية : خذ .... اقرا وبتفهم ..!! احمد بحيرة أخذ الدفتر وقرا العنوان .. " وردة حمراء وخيانة " ... ماكمل قرايه للباقي لأنه عارف وش المكتوب .. رفع راسه لندى لما قرا العنوان : قريته .. بس مافهمته .. فهميني انتي خليني أفهم ولا ترا والله بنجن ..

العضوة: 275918 , 6 years ago

رفعت ندى عيونها له شافت بعيونه رجاء واضح .. وحب واضح ..!!.. لكنها تجاهلت هالمعاني كلها وهي تدمع ... بعد ايش يا احمد جاي تبيني ..!! ندى ودموعها تسابق كلماتها وصوتها مخنوق : تذكر يا أحمد الوردة الحمرا اللي عطيتك اياها لما جيت لنوف .. احمد سكت يطالعها .. وذكرياته تبحث عن ذاك اليوم : متى ؟!!.. ندى بصوت خافت وهي منزله راسها : ذاك اليوم لما جيت أزور نوف .. لما جيت ومعي بوكيه ورد .. احمد قاطعها لما لقى الذكرى اللي يبيها : اها .. تذكرت ... ندى وهي تحاول ما تنهار من ذكرى ذاك اليوم المشؤوم : بذاك اليوم ... حبيبتك اتصلت فيك .. وكلمتها قدامي .. احمد بلم وفاجئه كلامها .... حبيبتي ؟!!!.... أي حبيبة !!... ظل يطالع في ندى مو مصدق ان هذي بنت خالته .. بنت خالته الطيبة الحبوبة الرقيقة ... كذا تفكر فيه ..!!!!!!! ندى وهي تتوقع صمته هذا اعتراف بفعلته : تذكرت الحين ؟!!!... انت بكلامك ذاك اليوم هدمت كل الحب اللي اشيله لك طول سنين ..!!! احمد بهدوء غريب وهو يطالعها بثبات : أي حبيبة ؟!!.. ندى تطالعه بصمت وماتدري هل هو يقصد يلف ويدور عشان يبري نفسه ..!! احمد وهو يتذكر ذيك المكالمة بالذات : انا كنت أكلم حسين ..!! هالمرة ندى هاللي بملت وهي تشوفه .. واحمد لف عنها وغرق بالضحك بصوت عالي .. ندى بصدمه : م .... مين حسين ؟!! احمد وهو يضحك : هذا خويي انا وفهد ... ( ووقف عن الضحك وطالعها بجد ) .. واذا تبين أبرهن لك مستعد ..!! وما انتظر ردها طلع الجوال ودق على حسين وهو على السبيكر .. رد عليه مباشرة : أهلين حبيبي .. وينك حبيبتك مشتاقه لك ..؟!!! احمد وهو يطالع ندى وبصوته الضحكه : أهلين حبيبتي ... أحوالك ؟!!.. حسين : انا تمام .. وينك يا قلب حسونه انت .. ليش ما شفناك امس انت والحبيب الثاني فهوود .. احمد وعيونه على ندى اللي شلت الصدمه جوارحها : حبيبتي انا برا الرياض .. انا دقيت أخذ أخبارك وبسكر .. حسين بدلع : لا لا لا انا أبيك عندي الليلة .. نقضي الليل سوا .. احمد وهو يضحك : ههههههههههههه .. الله يخسك انت وكلامك .. الشرهه علي اللي أخذت حبيبة مثلك .. هههههههههه حسين انا اتصلت فيك بس عشان حبايب يسمعونك ويعرفون انهم غلطانين .. وان ظنهم فيني