العضوة: 275918 , 6 years ago

نجلاء ماتحركت من مكانها : مابيك تأكد هالشي لأني عارفته ومتأكده منه ... بس اللي مو فاهمته انك تتمشكل معها الفتره الأخيرة حسب ماقالت لي ندى .. فهد : .............. نجلاء : ممكن تعلمني السبب ... فهد : ............... نجلاء : ... فهد ... فهد رفع يده يسكتها بدون لا يواجهها : نجلاء لا تسألين .. هذي يخصني انا لحالي مالك شغل فيه .. نجلاء : لا انت اخوي ويهمني اللي مضايقك .. انت متضايق من شي ... وش اللي حصل بالشرقية خلاك متضايق ناحية شوق .. لف لها يطالعها مستغرب من اسلوبها .. وكأنها متأكدة ان اللي مضايقه هو بسبب شي صار بالشرقية ...

العضوة: 275918 , 6 years ago

فهد : شعرفك انه بسبب شي حصل بالشرقية ..؟!!.. نجلاء ابتسمت بنعومة : كل شي واضح .. اللي عرفته من رجعة شوق من الشرقية وانت متغير .. فهد عطاها ظهره وهو يفكر .... وبعد لحظة زفر زفره طووويله من اعماق اعماقه .. فهد بكل ثبات : ايه يا نجلاء ...... انا احب شوق ... ومجنووون فيها .. ولف لها يطالعها مباشرة بعينها .. ونظرته كلها تصميم .. وكأنه ارتاح لما أعلن عن هالكلمه بصوت عالي ومسموع .. نجلاء ابتسمت له بنعومة أحرجت فهد وخلته يصد عنها ..

العضوة: 275918 , 6 years ago

نجلاء : من شفتك اليوم وانا حاسه .. وتأكدت لما رجعت بالليل .. نظراتك كاشفتك ياخوي .. ابتسم فهد بسخرية وطالعها بطرف عينه : شلووون وبنت عمك مو حاسه بشي .. صرت أشك ان هالبنت كتله من جليد .. يا إنها غبية أو انها غبية ... اذا نظراتي تفضحني ليش هي مو حاسه !!!!!!! نجلاء ابتسمت وقربت منه وطالعته بعيونه .. وياه شكثر شافت بعيونه معاني ... عيونه قاعده تفيض عن اللي بداخله .. نجلاء : شلون تبيها تحس .. وانت معاملتك معها عكس كل اللي بقلبك .. فهد ابتعد عن نظراتها المتفحصه وهو يتأووه .. يعني ماتدرين .. ان معاملتي معها تعذبني قبل لا تعذبها .. ونجلاء تمت ساكته بمكانها وهي تراقبه يتحرك ويده على خصره .. واليد الثانية تتحرك بكل انحاء

العضوة: 275918 , 6 years ago

وجهه .. اللي يبين توتره وضيقه .. فهد : شلون تبيني اتعامل معها بدون لا تفضحني عيوني ... مضطر والله اني اعاملها بهالشكل .. مابيها تعرف .. نجلاء احتارت : اجل وش تبي منها .. اذا انت تحبها خلها تدري ... ومن يدري يمكن هي بعد تحبك .. بس انت مو معطيها أي فرصة .. فهد لف لها بسرعة متوتر وأثرت فيه كلمتها .. بس تذكر مشعل : لالا يا نجلاء ... انا فاهم كل شي .. بنت عمك تبي ولد خالتها .. عشان كذا انا مفضل اني ابتعد عنها ولا أبيها تعرف ..

العضوة: 275918 , 6 years ago

نجلاء رفعت حواجبها باستغراب : تبي ولد خالتها .... شلون هالشي يا فهد .. كلامك مو راضي يدخل مزاجي .. فهد ابتسم : لازم يدخل مزاجك .. مو انتي تقولين وش اللي صار بالشرقية .... وهذا اللي صار بالشرقية يا ست نجلاء وخلاني اكبت كل شي بداخلي .. نجلاء ما قدرت تستوعب : شلون ما فهمت !!!! فهد : يا بنت الناس لما رحت هناك .. مشعل بنفسه قالي .. هو يبي البنت والبنت بعد تبيه .... بذاك اليوم فتحت عيوني على اشياء كثيرة .. تعرفين شوق عايشه معهم من صغرها وعلاقتها مع مشعل اقوى .. اخته توصل له كل شي عن شوق .. وطبعا ما رح يغيب عنك هالشي ... قاطعته نجلاء : وشوق ؟!! فهد طالعها بحيرة : شفيها شوق ؟!! نجلاء : وش قالت ؟!! فهد : ما سألتها ... كل شي واضح بعيونها يا نجلاء ماله داعي .. مكالماتها مع بيت خالتها .. وكلامها عنهم .. كل شي باين ماله داعي السؤال ... ماقدرت نجلاء تقول شي أكثر وهي تشوف اخوها ينسدح على السرير ويغمض عيونها .. كلامه داخل مزاجها ومادخل بنفس الوقت .. هي اليوم لاحظت على شوق شي غريب ناحية فهد .. نظرتها لفهد غريبة .. بس يمكن وقتها توهمت .. مو بكل مرة بيصدق ظنها .. وزيادة على كذا فرحتها لما خبرتهم ان بيت خالتها بيجون .. فرحتها غريبة ..!!.... لالالا .. عادي فرحانة ببيت خالتها جايين من بعيد عشانها .. ليش ماتفرح ... بس .... في حلقه ناقصه بالموضوع !!!!! انتبهت لفهد يكلمها وهو مغمض : خلاص ارتحت وعرفت اللي تبين .. الحين ياليت تطلعين لأني تعبان حدي !!.. وابي انوووم ... تصبحين على خير ابتسمت نجلاء وهي تمشي للباب : وانت من اهله بس لا تضيق خلقك ... وبكرة لا تنسى .. تنهد فهد وهي تسكر الباب .. يعني لازم تذكريني .. انا ذاكر وما نسيت ... كان فهد يحس بالضيق وبكرة يحسه يوووم مارح يعدي على خير ... ليش مايدري !!... قلبه ناغزه .. والنوم يحسه بدا يهرب من جفونه .. لكنه مسك نفسه عن التفكير وسيطر على بقايا النوم بجفونه لما نام

العضوة: 275918 , 6 years ago

  حب من نوع اخر   الجزء 63 i صباح جديد .. بارد نوعا ما عقب مطر الليلة الفايتة .. بالجامعة كالعادة شوق جالسه مع نوال وجميلة .. الا نوف اللي ماحضرت .. جميلة باستغراب وللأسى : اظنها تعبانه شوي .. ولد عمها بالمستشفى بغيبوبة وهي اظنها تعبانه .. جميلة : ياعمري عليها ... الله يعينهم ... بس انا ادق عليها ماترد !! شوق : نوف انا عرفتها اذا كانت متضايقه ماتحب تكلم احد .. جميلة بزعل : بس انا مو أي احد .. شوق : ههههههههههه حتى ندى احيانا وهي الأقرب لها ماترد عليها بعض الاحيان .. نوال اللي كانت تقرا بكتاب قدامها : ومتى رح تحضر ... مايصير صارت تغيب كثير هالبنت !! شوق وهي تتذكر بأسى : الله يعينهم .. مصيبتهم مو هينه .. جميله بدت تتضايق من الجلوس .. وعشان تمحي جو الكابة اللي خيم عليهم فجأة وقفت : قوموا خلونا نمشي .. الجو حلو خلونا نتحرك .. مادامنا فاضين الحين .. شوق ماعارضت شالت اغراضها وعلقت شنطتها ذات الحزام الطويل على كتفها بشكل مايل .. ونوال قامت معهم وعيونها مافارقت الكتاب .. وتحركوا يتنشطون .. وهم يمشون التفتت جميلة لورا وين ماكانت نوال تمشي خلفهم : شفيك انتي اليوم صايره دافوره بزيادة ... نوال بدون ماتشوفها : ابي اعوض الامتحان قريب .. والامتحان الفايت تعرفين درجتي كانت زفففت .. صدت جميلة عنها وصارت تسولف مع شوق .. وهي تمشي شافت داخل المساحة الخضرا المزروعة مجموعة طيور غريبة .. بالأحرى كانوا هدهد .. ضحكت وصرخت ومثل الأطفال راحت تركض لهم .. ضحكت شوق ولحقتها ، اما نوال طالعتهم لحظة ونزلت عيونها للكتاب وهي تهز راسها باستخفاف ...... طفولة متأخرة !!! شوق : هههههههههههههههههههه خسارة طاروا !!

العضوة: 275918 , 6 years ago

جميلة : وين نوف كانت تتمنى تمسك واحد منهم !؟! وصلت نوال : الحمدلله .. انهبلتوا تلاحقون طيووور .. مارح تقدرون تمسكونها لا تحاولون ... شوق : ألوانها كانت حلوة ... أسود على أصفر على برتقالي على ....... يجننون .. نوال : اقول اعقلوا لا تخلونا مضحكه .. بتضحكون عليكم العالم .. شوق : هههههههههههههههه وسعي صدرك ماعليك من احد .. جميلة انتبهت لواحد ثاني وقامت تأشر بحماس : شوفوا شوفوا .. في واحد هناك وراحت تركض له ... شوق وهي تراقبها : لأن الجو تغير بديتي تشوفينهم ... ( وفجأة صرخت وهي مبققه عيونها ) نوال انتفضت نوال مرتاعة : وشو ياحمارة ؟!!! شوق وهي تصرخ وتنحاش ناحية جميلة : وراك ضفدع ... ماصدقت نوال وبدت تصرخ صرخات حادة مرعوبه وهي تتلفت حولينها ولحقت شوق الميته من الضحك .. شوق : ههههههههههههههههههه .. يالمخففففففففففه!

العضوة: 275918 , 6 years ago

نوال عصبت لما لاحظت ان الكل يطالعها : ياحماره .. كان اليوم غير لشوق .. الجو معطيها حيوية ونشاط زايد ، غير خالتها اللي بتجي اليوم .. هناك بجهة بعيدة كانت مها جالسه على وحدة من الكراسي ويدها تحت خدها من الملل .. كانت تراقب اللي رايح واللي جاي لحالها والحين انتبهت لشوق من بعيد وصوت ضحكها مع صديقاتها واضح ومسموع .. كانت تطالعها بنظرات كره ومقت .. لأنها اعتبرتها السبب ببعد اللي تحبه عنها .. رغم انها عافت فهد عقب اللي سواه فيها ذاك اليوم يوم زارتهم ... كرهته لأنه اهانها عند شوق .. وكل ماتذكرت هالذكرى تحس بالقهر اكثر واكثر .. - مراحب مهاوي .. التفتت عن شوق للبنت اللي قعدت جنبها : هلا بدووور .. حطت بدور شنطتها واغراضها عالطاولة وهي تلهث من التعب : اخ تعبت ... اليوم مضغوط عندي .. كله كتب وملازم .. مها : عندك شي بعد هالساعة ولا خلاص .. بدور : لا انا خلصت .. وانتي ؟!! مها : وانا بعد .. وزين انك خلصتي احسن ما اقعد لحالي .. بدور ابتسمت : وانا من لي غيرك ... مها تأففت وهي ترجع تطالع شوق : بدور انا بموت من القهر ... من ذاك اليوم وانا مقهوووورة ..

العضوة: 275918 , 6 years ago

بدور عبست بضيق : للحين انتي تفكرين باللي صار مع فهد .. خلاص يا مها بما انك معد تبينه انسيه وانسي شوق .. لا تضيقين نفسك عشانها .. مها : لكن كرامتي انجرحت ذاك اليوم .. بدور : بس انتي اللي غلطتي وقتها لا تنكرين .. لفت مها وهي معصبه وعيونها تتطاير بالشرر ... وبدور تداركت كلامها : خلاص خلاص انتي ما غلطتي هي الغلطانه .. رجعت مها تسكت وهي تتمتم وعيونها الحاقده على شوق وضحكاتها ... وبدور تذكرت شي وطالعت ساعتها : مهاوي تعالي معي .. بعرفك على شله بتنسين نفسك معاهم ... وبتنسين كل ضيقك ... وبتنسين فهد وشوق وطوايفهم .. مها بدون نفس : مالي خلق يا بدور ... خليني لكن بدور مصرة وما اهتمت ، وقامت وهي تسحبها .. بدور : لا قوووومي ... بنات فللللللله بتنسين نفسك من الوناسة ... وانا كلمتهم عنك ووعدتهم اني اعرفهم عليك .. مها بسخرية : وانتي من متى تعرفينهم ... ماقد قلتي لي عنهم ؟!!

العضوة: 275918 , 6 years ago

بدور : انا ماعرفهم كلهم .. اعرف وحدة منهم وهي عرفتني عليهم .. وجلست معهم جلسة ذاك اليوم فللللللله ... كلمتهم عنك وقالوا لازم يتعرفون عليك .. مها : وتعرفين وينهم طيب ؟!... الجامعه كبيرة ماعندي استعداد اقعد ادور معك ندورهم .. بدور بحماس : لالالا ... مكانهم واحد مايتغير ... انتي تعالي ومارح تخسرين شي .. قامت مها مستسلمه ومشت معها ... ومروا جنب الناحية اللي فيها شوق وجميلة ونوال .. وكانوا وقتها جالسين عالعشب عقب الركض والضحك .. نوال انتبهت : شوق مو هذي مها بنت جيرانكم ؟!! التفتت شوق وراها وشافتها .. عطتها مها نظرة تحقيرية وصدت عنها ... رجعت لنوال باستغراب : هالبنت عمري مارح افهمها ... مرات تتبسم بوجهك .. ومرات تناظرك بطريقة كنك ماكله حلالها ولا ذابحه اهلها ...

العضوة: 275918 , 6 years ago

لازالت بدور ماسكه يد مها وتسحبها معها بحماس .. لين وصلوا لشارع خمسه وصارت تدور على الشله بين زحمة البنات .. مها : مو تقولين تعرفين وينهم؟!!.. بدور : الا بس تعرفين هالمكان دوم مزحوووم ... ايوه ايوه شوفيها مروى ... لمحت مها بين الازعاج والضجيج بنت جالسه بين جلسة بنات تأشر لهم وهي مبتسمة .. قربوا منهم وبدور تسلم : صباح الخير .. مروى : اهلين صباح النور ... البقية : صباح الانوار ... وفسحوا مكان لهم .. بدور جلست جنب مروى ومها جلست جنب أريج .. بدور : بنات هذي مها اللي كلمتكم عنها ... اعز صديقاتي وما استغني عنها مهما كان .. ابتسمت مها بنعومة لهم وبدوا البنات يسلمون عليها ويسألون عن أحوالها .. وهي ترد عليهم بابتسامة .. بدور : مها هذي مروى صديقتي بعد .. وهي اللي عرفتني على هالشله الحلوة .. مروى : اهلين وسهلين ... من الحين مها دامك صديقة بدور بتكون جلساتكم دايم معنا ... مها وهي تبتسم : ان شالله .. أريج : تفضلوا عاد الفطور اليوم على حسابي وزين لحقتوا على شي قبل لا تقضي عليه رانيا الدبا ..

العضوة: 275918 , 6 years ago

شهقت رانيا : دبا بعينك ... ولا ما ملت عينك هالرشاقه .. أريج : امحق .. اذا هذي رشاقه انا مابيها .. رانيا بغرور : غيرانه .. رهف : أريج انتي شعلييييييييك ؟!... مادام هذا يعجب ماجد لا تحلمين رانيا تغيره ... رانيا بكل زهو : ايه دام حبيبي ماجد يبي كذا مالك شغللل ... أريج : يا ذا الماجد اللي أزعجتينا فيه .. من زينه ومن زين ملحه ... تراك كرهتيني فيه من كثر ماتطرينه .. رانيا : كيفي يا ناس .. بدور باستغراب التفتت لمروى : منهو ماجد ؟!.. مروى : هذا خوي رانيا ... بس الظاهر رانيا نفسها بدت تطفش منه .. رانيا : عين الحسووووووود فيها عوود ... جعله بالعذال ... والله لو يسمعكم ماجد بيذبحني انا مو انتوا... عاد هو شكاك لدرجة فضيعة .. اريج : هههههههههههههه لا وبعد شكاك .. لا والله كملت .. هزت بدور راسها بتفهم وصارت تضحك وتشاركهم سوالفهم .. اما مها ظلت ساكته وتسمع لهم ولمغامراتهم الغرامية .. كانت تستمتع بالحكايا وبنفس الوقت تحس انه هذا مو مكانها ... أثناء السوالف سألت مروى ..

العضوة: 275918 , 6 years ago

مروى : وينها شذى مو من عوايدها تتأخر ؟!!.. اريج وهي تطالع ساعتها : الحين تلقينها جايه ... شذى مسكينه من طلعت مع فهد وروحها ضايعه .. البنت شوي وتنجن ... رهف : ههههههههههههه .. الحب ومايسوي .. طلت عليهم شذى مبتسمة : مرحبا بنات.... قالتها بهدوء وردوا عليها البنات وهي باين عليها سرحانه .. جلست جنب اريج من الجهة الثانية .. اريج : اهلييين بحبيبة قلبي ... شذى بابتسامة ناعمة تزيد حلا وجهها : هلا فيك .. اريج وهي تأشر على مها : شذى هذي مها صديقة بدور ... فرد جديد بالشلة .. رفعت شذى عينها لمها بابتسامة تحييها لكن سرعان ماخبت وهي تطلع جوالها من شنطتها .. اريج : شفيك .... خلي الجوال الحين وافطري .. شذى دقت رقم وحطت الجوال باذنها : لحظة شوي ...

العضوة: 275918 , 6 years ago

اريج عرفت من تدق عليه ... وسحبت الجوال منها وقفلت الاتصال ... وطالعتها شذى بحمق لكن اريج باستها على خدها بسرعه تراضيها .. اريج : هههههههههه انا اعرف بتدقين على فهد .. بس يكفي خليك مرة ثقيلة عشان مايعوووفك يا حبيبتي ... شذى برطمت بطفولة : مايقدر يعووووفني اصلا ... ان عافني ذبحته .. مروى : هههههههههههههههه ياويلي عالحب ... ولا روميو وجولييت ... شذى وهي تسحب الجوال : جييييييييبي الجوال ... خليني أكلمه لي كم يوم ماسمعت صوته ... ماقدرت انوم امس من كثر ما افكر .. ما اقدر انوم من غير ما اسمع صوته ...

العضوة: 275918 , 6 years ago

ورجعت دقت .. وظلت تنتظر رد وهي تضرب بأصابعها عالطاولة وكل البنات سكتوا يراقبونها ... بس خاب أملها ونزلته : مايرد علي .... مدري شفيه ... اريج : اكيد انه مشغول .. مو انتي تقولين لي انه بالجامعه وان هذا اخر كورس له ... خلاص اكيد انه مشغول ... شذى بقلق : ادري ... بس له مدة ما كلمني ومطنش مسجاتي ... وامس اتصلت عليه .. رد علي واحد مدري شقصته .. يقول ان جوال فهد ناسيه عنده .. اريج : اجل يمكن للحين ما وصله الجوال .. شذى سكتت تفكر بضيق .. ورجعت الجوال داخل شنطتها وهي تقرر انها لما ترجع البيت بتتصل فيه ... ومها كانت تراقب وتسمع وهي مستغربه .. وش هالشله الغريبه ؟!... كل وحدة عندها خوي تخاويه .. وحبيب تحبه !!!؟؟... يعني نفس طقة بدور .. التفتت لبدور شافتها مندمجة بالسواليف .. بدور تقدر تدخل معهم بالكلام لأن عندها كلام تقوله ومغامرات غرامية .. بس انا احس نفسي ضايعه بينهم ... خلني ساكته احسن لي ... فاجأتها اريج بسؤالها : وانتي مها مالك خوي ؟!!.. مها ارتاعت وارتبكت : ها ... انا ... لا ... رانيا طالعتها باستغراب وأحرجتها : معقوووولة .. حتى انتي ... أجل انتي نفس اريج ...