العضوة: 275918 , 6 years ago

فهد : رجال ما ينخاف عليه .. ندى : والله بيمرض .. بزر بيطيح علينا .. عمر التفت لها بسرعة وعيونه تشع غضب : انا مب بذر .. تفهمين !! ندى : لا والله ما افهم ... بمكر سحب الخرطوم اللي معه وراح لهم يركض .. شوق وندى من شافوه جاي والموية بوجيهم انحاشوا يركضون .. شوق وندى : لا ا .. فهد من مكانه : ههههههههههههههههههههههههههههههههههه .. ندى تسبحت من ورا : لا فها اد الحقنا .. فهد : هههههههههههههههههه عمر .. شوق رمت شنطتها من يدها عشان ما تمتلي أغراضها موية وكملت ركض ورا ندى .. وكل وحدة منهم ماتعرف وين تولي .. ندى غيرت طريقها وراحت ناحية فهد تبي تحتمي عنده وعمر ترك شوق ولحق وراها .. بس فهد من شافها تقرب لف خرطومه لها بنذاله وغسلها بالكامل .. وقفت ندى وهي تشهق وكل واحد مستلمها من جهة .. فهد انتبه لشوق بعيد تمشي راجعه بتاخذ شنطتها .. ابتسم لها بحب بينه وبين نفسه ... وفكر نشوف من بيفلتك من يديني .. فهد : عمر .. عمر مطلع لسانه بشقاوة وهو يرش على ندى اللي تصرررررخ طول الوقت .. عمر : نعم .. أشر فهد بعيونه لوراه .. وعمر التفت شاف شوق تعدل الطرحة اللي كانت اطرافها تقطططر .. ابتسم عمر وفهمها .. فهد : عليك فيها .. لا تخليها .. عمر وهو يلف ويركض بسرررررررعة لشوق : طيب ..

العضوة: 275918 , 6 years ago

شوق كانت واقفة بسلام تعدل نفسها وتعصر أطراف عبايتها ..وماصدقت عمر يحل عنها .. أكثر شي ترطب هي الطرحة الملفوفة .. والبرد بدا يزيد عليها .. وهي مندمجة بالعصر حست بطشطشة الموية تقرب وضحكات عمر الخبيثة تقرب بسرعة ... التفتت بهدوء وببراءة .. و ... طششششششششششششش بوجهها ...

العضوة: 275918 , 6 years ago

فهد : ههههههههههههههههههههههههههههههه رجال اخو رجال ... ندى صرخت بأقوى ماعندها : فهد با اس ! اما شوق من ناحية كانت تصرخ وقربت من عمر وسحبت منه الخرطوم وهي مقهووووورة .. شوق : ياحمار ... عجبك الحين .. ( وهي تأشر على وجهها ) عمر : اثلا فهد هو اللي قالي .. شوق رفعت راسها شافت فهد ميت ضحك على ندى المسكينة .. نزلت عينها بخبث لعمر شوق : عمر تبي حلاو ... عمر ما صدددددق : أيه ! شوق : رح رش على فهد أول .. عمر ( تامرين أمر ) : طييييييييييييييب .. ورجع صاروخ لفهد ... وأول شي سواه حط الخرطوم مباشرة على وجهه !! .. اللي خلا فهد يندفع على ورا متفاجئ ويترك خرطومه من يده وهو يكح ..

العضوة: 275918 , 6 years ago

شوق .. تستاهل .. بس أحبببببببببببك .. فهد ماسك وجهه بيدينه وعمر ماقصر غسل شراعه .. يحاول يبعد .. يمين شمال بس مافي فايدة عمر متحكم ! فهد : كذا تخون يا عمر ..!!! عمر : سوووق تقووووول .. ههههههههههههههههههههه فهد ( تفداها عيوني ) : بس هذي خيانة .. ندى من قهرها مسكت الخرطوم الثاني ورفعته بوجهه : والله لأفضي موية الخزان كلها فيييييييييييك شوق واقفة مكانها بعيد وهي تراقبهم بفرح ..

العضوة: 275918 , 6 years ago

فهد انتفخ وبلع كل الموية : خلاص حلا هو ! شافت شوق عمها يطلع وعلى وجهه الاستغراب من كل هالصراخ والصجة .. اندهش وهو يشوفهم .. بس بعدها ضحك .. ابو فهد : صاحين انتوا ؟؟؟؟؟ فهد : يبه ساعدني .. ندى بقهر : خله شوف حالتي يبه حتى العباية غسلها علي ! عمر فجأة لف لأبوه يرش عليه .. ابو فهد انحاش داخل مرتاع .. بس رجع يطلع .. ابو فهد :عمر عيب يا بابا .. سكروا الموية اسرفتوها .. جا عمر بيرش عليه .. بس تفاجؤوا كلهم ان الموية وقفت ! .. التفتوا لشوق شافوها واقفة بزاوية الحديقة تسكر الحنفية

العضوة: 275918 , 6 years ago

الرئيسية .. ندى تصارخ لها : لييييييييييييييييييييييش سكرتيها ؟؟ شوق تتكلم من بعيد بصوت عالي عشان يسمعونها : خلاص كل واحد اخذ حقه .. اخاف يمرض .. والجو بارد .. ندى : اذا بيمرض خله يمرض .. واحنا بعد بنمرض بسبته .. فهد قدر يوقف متوازن .. وهو مبتسم .. " اخاف يمرض " .. والله حياتي كلها تفداك .. فك أزرار قميصه .. وخلعه وبدا يعصره .. شوق ماقدرت تشوفه صدت بخجل عنه وراحت داخل من باب المطبخ الخلفي .. ابو فهد : فهد صاحي .. ادخل لا يجيك شي نبلش بك .. ولا تقعد كذا عاري .. ادخل .. طلعت ام فهد تستطلع هالأصوات .. وشهقت وهي تشوف عيالها .. ..!

العضوة: 275918 , 6 years ago

ام فهد : عمييييير يا مال الصلاح .. من قالك تفصخ ملابسك ها ... لا والقدوة فهد بعد .. صاحي انت تبي اخوك يمرض .. فهد يضحك لهم وهو يعصر قميصه : والله انا سألته قلت استأذنت من ماما .. قال ايه .. ام فهد راحت بسرعة وسحبته : وانت تصدقه !؟... عز الله جاك التهاب .. تعال .. عمر يحاول يتملص : لا .. أبي العب .. شالته ودخلت داخل .. وندى ركضت تلحق شوق وهي ترتجف برررررررررد .. اما فهد علق القميص على كتفه ودخل داخل .. نجلاء كانت تنزل لما شافت شوق وندى جايين من المطبخ وحالتهم حالة .. تقول طالعين من البحر وخاصة ندى .. نجلاء : وش ذا ؟؟؟ كلهم كانوا يرتجفون .. تجاوزوها من غير لا يوقفون .. ندى : هذي فعايل اخوانك .. كل واحد أردى من الثاني ..

العضوة: 275918 , 6 years ago

شوق كملت طريقها ركض للغرفة عشان تشيل هالطرحة الرطبة عنها ويدينها فجأة ثلجت .. هي ماترطبت قد ماترطبت ندى بس الجو البارد زودها عليهم .. نجلاء : منهم ؟؟... نايف ولا عمر ... ندى : لا ذا ولا ذا .. وكجواب .. شافت نجلاء فهد يدخل وهو يقطر .. نجلاء : فهد ؟؟؟؟.. وش صاير اليوم فيكم .. فهد : ههههههههههه حفلة صغيرة .. ندى تركتهم وهي تتوعد فهد بنظراتها .. وطلعت فوق .. نجلاء : وانت مو ناوي تروح تغير لا يجيك مرض .. وربي ماشفت واحد مثلك مجنون ومتهور .. انقلع فوق غير .. فهد تحرك بيطلع : انشالله بنقلع .. راح عنها وقلبه ينبض فرح .. وحب .. وهوى ... شوق اليوم واضح ان الكلام اللي قاله لها امس أثر عليها .. وفاهمته .. بعد لعبهم المجنون .. طلعوا منها سالمين .. ماعدا شوق اللي بانت عليها خلال ساعتين أثار بداية الزكام .. رغم انها اقلهم اللي تعرضت للموية بس هي الوحيدة اللي تأثرت .. حتى عمر .. رجع يركض ويلعب من غير شر ..

العضوة: 275918 , 6 years ago

دخلت نوف البيت مبتسمة بمرررح .. كل ما مر يوم وقرب خروج بدر من المستشفى تزيد حيوية وتفاؤل .. بس شافت الصالة خالية والبيت هادي اختفت ابتسامتها واستغربت وينهم .. طلعت فوق ، غيرت وجلست على طرف السرير تقلب بجوالها .. وهي تحرك فيه طلعت لها مجموعة الرسايل اللي من بدر .. ومباشرة تذكرت ان نتيجة الفحص اليوم .. فزت واقفة وراحت لغرفة سهى .. بس ... مالقتها ! نزلت تحت وراحت للمطبخ وسألت الخدامة .. بس حتى الخدامة شكلها ماتدري عن شي .. رجعت للصالة محتارة .. وين سهى ... وين امي ؟؟... راحت للتلفون ودقت على امها .. بس ردت عليها سهى .. سهى : هلا .. نوف وقلبها يدق خوووووووف : وينكم ؟؟؟ سهى استغربت : شفيك ؟... هذانا جايين بالطريق ؟؟ نوف : وينكم ليش رايحين ومخليني ؟ سهى : وش نخليك كنا طالعين لمشوار وراجعين الحين .. ليش في شي ؟؟ نوف بلعت ريقها : لا مافي بس خفت .. على بالي صاير شي جديد .. سهى فهمتها : قصدك اللي في بالي ؟؟ نوف : ايه ... سهى : لسا مادرينا عن شي .. وبعدين ليش خايفة خلاص هذا احنا جايين نوف : يالله تعالوا والله خفت والبيت فاضي .. سهى : هههههههههههههههه سبحان مقلب القلووووووب .. نوف انقهرت ، سهى صايرة تعيد عليها هالعبارة دايم عشان تحرجها .. لا وياليتها تقولها بشويش الا تسمعها البيت كله .. نوف : ما تتوبين ! سهى : ومارح اتووووب .. نوف : ماصخه ! سهى : حطي عليها ملح .. نوف بسخرية : هيههههيييي .. كر كر كر أي بطني .. سهى : اخلصي تبين شي والا اقفل .. امي تقول لا تعطينها وجه خلاص وصلنا البيت نوف : اول .. ماعرفتوا عن النتيجة ؟.. سهى : لا .. نوف : اجل .. اقلبي وجهك .. وقفلت السماعة .. وراحت لغرفتها تبي تنوم ..يمكن النتيجة ماطلعت للحين عشان كذا ما وصلت لهم .. قررت تنوم الحين واذا صحت يكون خير .. يكون الخبر اليقين وصل

العضوة: 275918 , 6 years ago

  حب من نوع اخر   الجزء 77 و 78 i عقب الغدا في بيت ابو فهد .. اللحظة وصلت اخيرا .. خلاص بتكلم خالتها الحين .. خذت الجوال ونزلت تحت .. كان البيت تقريبا ساكن ، طلعت للحديقة عشان تاخذ راحتها أكثر .. وهي تمشي رن الجوال بيدها ومن دهشتها قرت اسم خالتها مكتوب بالشاشة .. فرحت فرحة غامرة ماتنوصف .. وردت بلهفه شوق : هلا بهالصوت .. ام مشعل : السلام عليكم .. شوق : وعليكم السلام .. غصب عنهم انخلقت لحظات صمت .. وشوق توترت .. ماتدري تبدا هي .. او تسمع وش بتقول .. ارضي علي .. بس اطلب رضاك وغيره ما أبي .. شوق : خالتي ... تدرين توني برفع الجوال بدق عليك .. وربي اللي فوق بس انتي سبقتيني .. ام مشعل : عارفة يا شوق .. عالعموم انا كنت بتصل من قبل .. بس كل مرة في شي يردني .. ومدري وش بقول لك .. شوق حست في صوتها الحزن .. وسكنتها طمأنينة غريبة لما عرفت ان خالتها ما نستها .. عقب ماظنت انها خلاص هجرتها .. شوق : ما يحتاج تقولين شي .. محتاجة بس رضاك .. ام مشعل سكتت شوي .. وشوق تترقب بحذر .. بس طالت فترة صمتها وشوق ماتحب سكوتها بهالشكل .. شوق : خالتي ... انتي زعلانة مني ؟ ام مشعل تنهدت : بالعكس .. زعلانة من نفسي .. حسيت نفسي انانية يوم اني تمنيتك تكونين جنبي ..

العضوة: 275918 , 6 years ago

شوق عورها قلبها وهي تسمع حس ايمان تخنقها الدمعة : لا يضيق صدرك .. وصدقيني كنت مستعدة ألبي لك اللي تبين بس.......... ( ماقدرت تكمل ) .. بس .. شكل مافي نصيب ... ام مشعل : ادري .. عمك قال لي كل شي ... اللي يحز في نفسي يا شوق انك ماصارحتيني .. من متى وانتي تخبين عني شي ... ها ؟... لا يكون شوق اللي اعرفها تغيرت ! شوق بسرعه : لا ... لا ابدا ماتغيرت هي نفسها .. بس خفت اذا قلت لك تزعلين .. عرفت انك متلهفه على اليوم اللي يجمعني بمشعل ... بس هذي كانت حياتي ومحتاجه افكر فيها .. والرفض ما يعني اني ما أبيكم .. بالعكس أبديكم عالدنيا كلها .. ام مشعل بنبرة حزن : صحيح كنت اتمناك لمشعل ... واذا ربي ما حققها يظل نصيب .. ما اقدر اوصف الراحة بقلب شوق .. بس لازالت تحس بحزن بصوت ايمان .. شوق بنعومة ورقة : خالتي .... احسك زعلانة .. وانا احساسي مايخيب وخصوصا معك .. ايمان ابتسمت : اكيد زعلانة .. أي احد بمكاني بيزعل بس مع الوقت بينسى .. وانتي تظلين شوق بنت الغالية فاتن .. شوق ضحكت بالغصب .. وهي ما تصدق كيف الأيام رجعت تبتسم لها ... قبل يوم كانت تظن انها خسرت خالتها وفهد .. بس الحين هي كاسبتهم كلهم ... وماتصدق شلون الأيام ضحكت لها .. ضحكت بسعادة وسمعتها ايمان .. اللي تبسمت بدورها .. ايمان : تضحكين ؟؟ مستانسه .. ضحكيني معك .. شوق : شلون ما اضحك وانتي راضيه علي .. ماتصدقين شلون كانت حالتي قبل كم يوم .. توقعتك خلاص ماتبيني زعلتي مني .. ماقدرت اتخيل اني خسرتك .. ايمان : يابعد عمري .. تظلين شوق الغالية .. شوي دار ببال شوق سؤال .. شوق : الا خالتي شخبار هديل .. ومشعل ؟.. هالمرة تنهدت ايمان بعمق حسست شوق ان حالهم سيئة مثل ماكانت تتخيل .. ايمان : هديل تعرفينها .. كم يوم وبترجع مثل ماهي .. شوق باهتمام : ومشعل ؟؟؟؟؟ ايمان : ومشعل ربي يعينه .. بس يتمنالك الخير ..

العضوة: 275918 , 6 years ago

شوق : اكيد ؟؟.. لا يكون زعلان .. ايمان عشان ماتضايقها : ابد مو زعلان .. الا يتمنالك كل خير .. شوق : الحمدلله ... سلميني عليهم .. ايمان : ان شالله .. قفلت شوق منها وهي فحالة غامرة من الراحة .. اما ايمان من حطت السماعه شافت هديل تنزل ركض من الدرج .. ايمان : شوق تسلم عليك .. هديل ولا كأنها سمعتها : يمه وين مشعل ؟؟؟... مو بغرفته ... ايمان استغربت : توه قبل ساعة راجع .. وين راح ؟ هديل : ما ادري .. ماشفتيه .. ايمان : لا .. انا قمت قبل شوي اصلي العصر .. ورجعت .. بتلقينه وين بيروح يعني .. هديل صفقت بيدينها بخووف : لا يكون راح !

العضوة: 275918 , 6 years ago

ايمان : وين يرووح ؟ هديل : للرياض ... ماسمعتيه امس وش يقوووول !!؟ ايمان حطت يدها على قلبها : مجنوووون ان كانه سواها .. رجعت تاخذ السماعة ودقت عليه .. مشعل : هلا يمه .. ايمان : مشعل وين انت ؟... توك داخل قدام عيوني وين رحت .. مشعل : ماشي للرياض يمه ... بعد وين رايح .. ايمان : مشعل صاحي انت ماقلت لك ماله داعي اللي تسويه .. تعوذ من ابليس وارجع .. مشعل : لا يمه اعذريني ... انا رايح اعرف الأسباب .. واظنها من حقي .. ايمان : يا حبيبي بتروح وش بتقول .. وانا مستعده ادور لك شوق غيرها .. مشعل تنهد وذكر الله : لا يمه .. انا مسكت الخط خلاص .. وبرجع بالليل ان شالله .. قربت هديل من امها وطلبت منها تكلمه .. هديل : مشعللللللللل .. تكفى ارجع .. ابي اقولك شي مشعل : اذا رجعت .. هديل : لا تكفى لازم تعرفه .. مشعل : هديل عارف حركاتك .. اذا تبين تقولينه قولي الحين .. هديل : لا ما يصييييير .. لازم انت قبالي عشان اقولك .. مشعل : خلاص اجل بالليل لما ارجع ... فمان الله .. وسكر عنهم .. وهديل نزلت السماعه من اذنها والدموع بعيونها .. ايمان : شفيك هديل ؟؟ هديل بلعت غصتها وهي ترجع السماعه بإحباط : مافي شي ... بس خايفه عليه المفروض مايروح ايمان وقلبها يحترق على ولدها : الله يهديه .. قبل المغرب بنص ساعة .. صحت نوف من النوم وهي مكتئئئئئئئئئبة ماتدري ليش !.. شافت الساعة جنبها لقتها 5.30 .. تضايقت اكثر ان ليش محد صحاها .. يعرفون انها ماتحب تنام لهالوقت .. ولا بيصيبها اكتئاب طول اليوم .. غسلت ولمت شعرها القصير كله ورفعته فووووق برباط مطاطي وطلعت .. وهي تنزل الدرج حست بالجو يزيد كابة عليها .. وصدمها وهي نازلة ابوها طالع الدرج وعيونه حمررر .. شكله شل لسانها وفاجأها لدرجة ماقدرت تقول " وش فيك " .. بعدت عن طريقه بصمت عشان يمر .. وراقبته وهو يطلع فوق وعيونها مفتوحة عالاخر .. مستغربة .. كملت طريقها لتحت وهي مرتاعه . دخلت الصالة وراحت نظراتها وين ماكانت سهى واقفة عند امها الحزينة !.. واحمد جالس معهم ومنزل راسه ومغطي وجهه بيدينه .. تفجرت بعيونها الحيرة وقلبها صار يركض .. قربت منهم بخطوات بطيئة خايفة وريقها ناشف .. وبصوت خافت .. نوف : و... وش في...كم ؟؟ سهى التفتت لها .. وبسرعة راحت لها وسحبتها من يدها وطلعتها فوق .. دخلتها غرفتها وسكرت الباب ونوف ماتدري وش السالفة ..

العضوة: 275918 , 6 years ago

نوف : وش فيكم ؟؟؟؟ سهى كانت مسنده راسها عالباب بشكل ارعب نوف اكثر .. نوف : سهى ناظريني !!... وش فيكم وش صاير ؟؟ سهى خذت نفس .. والتفتت وعيونها حمرا .. نوف قربت منها بسرعة الريح وهزتها : ورا ماتنطقين !... كلميني ... سهى حاولت تتكلم بس ماعرفت ترتب الكلام وبعثرت نظرها بعيد عنها ... نوف ضيقت عيونها وهي تبتعد عنها خطوة : بدر ؟؟... لا تقولين لي انه هو ... قولي لي أي احد ثاني .. بس لا تقولين انه بدر .. سهى هزت راسها بأسى وهي تناظر نوف بنظرات شفقة وحزن .. اما نوف صرخت مفجوعة وهي تمسكها مرة ثانية بقبضة اقوى .. نوف : لا تنكتين معي !... تكلمي انطقي ! سهى نزلت يدين نوف عنها ومسكتهم .. وقبل لا تتكلم شدت بقبضتها عليهم .. وحسست نوف بهول اللي بتقوله .. سهى : بقولك ... بس لا تنفعلين .. نوف ارتجفت يدينها وملامحها وكل شي فيها .. لحظات مرعبة بدت تمر فيها من جديد .. حاولت تسحب يدينها بس سهى ماسكتهم بقوة .. سهى : نوف ...... بدر صار ما يشوف ... عيونه راحت ! ... صرخت من غير شعور ودفت سهى بقوة عالباب : لاء .. تكذبين ! سهى بحزن : نوف اهدي ... وهالاشياء ماينكذب فيها .. بدر معد صار قادر يشوف .. انعمى .. نوف بقهر وحرقة سحبت سهى بقوة ورجعت تضربها بالباب : كذابة !.. سهى ودموعها بعيونها : ما اكذب .. نوف وتدفها عالباب ثالث مرة : لا .. تك.. ذبين .. لا تكذبين ... لا تمزحين معي .. لا تمزحين .. سهى وهي تكتم المها : نوف عورتيني .. بعدت نوف يدينها عنها وهي تنتفض .. قربت منها سهى بسرعة وضمتها .. نوف حاولت تبعد بس ما قدرت .. والحين بدت تصدق والدنيا درات فيها .. بدت تصيح بصوت عالي وسهى تضمها بقوة ... صدمة جديدة ما توقعتها !!... صدمة أقسى من الصدمات الأولى .. بدر صار ما يشووف !!.. خلاص !... يعني خلاص !!.. بدر مايشوف ...!!... ليش هالشي الوحيد اللي صار له ..

العضوة: 275918 , 6 years ago

نوف منهارة بحضنها : ليش لما كان بيرجع مثل ماكان جت هالصدمة بعد ... ليش يصير له اللي قاعد يصير ..!!.. شمعنى هو ليش مو انا !!؟... مو انا بعد أستاهل !!.. ليش هو اللي يتعاقب وانا لا .. انا بعد ابي اتعاقب مثل مايصير له .. هذا مو عدل مو عدل ... مايستاهل اللي قاعد يصير حرام ... يارب وين اروح شلون ارتاح من تعذيب الضمير .. سهى : نووووف خلاص مايسوى اللي تسوينه .. نوف : مايسوى ! شلون مايسووى .. قولي لي عيووون بدر ماتسوى !.. عيونه ماتسوى ! سهى : خلاص اذكري ربك .. هذا اللي صار مانقدر نسوي شي .. بعد ربع ساعة من الصياح قدرت سهى تجلس نوف عالسرير .. وصارت تصيح بهدوء.. بس حرارة دموعها وشكلها الحزين يحكوون وش قد معاناتها وحزنها العميق .. اثناء هدوئهم دق جوال نوف بمسج .. ماكان لها خلق تشوفه بس الجوال كان جنبها فخذته بحزن ، وهي تحاول تبحث بشكل يائس عن شي يسعدها بهاللحظة .. يمكن يكون بهالمسج خبر تكذيب اللي سمعته ... بس لما قرت اللي فيه طاح الجوال من يدها وانهارت مرة ثانية تصيح بقهر وعوار قلب ! سهى استغربت وخذت الجوال وقرته .. " أحقر انسانه بالوجود انتي .. عقب ماحرمتي اخوي من عيونه وش بتقولين بعد هذا كله .. الله يحرمك اعز شي عليك مثل ماحرمتي اخوي عيونه .. " مسج من دلال .. سهى حرقها قلبها وقهرتها هالكلمات .. مو كأن دلال زودتها وبس تحط اللوم كله على نوف .. قربت من اختها ومسحت على راسها تهديها .. بس نوف ماتسمع لأحد .. كلمات دلال زادتها هالمرة فووووق احتمالها .. سهى : نوف لا تهتمين .. مو انتي السبب كل شي بهالدنيا قضاء وقدر ومكتوب قبل لا تنولدين انتي وهو وانا ودلال وكل الناس .. محد له يد بشي .. بس انتي لا تخلين كلامها يأثر عليك .. نوف وهي تشاهق : وش دراك انتي ... كل شي بهالدنيا له سبب ... وانا سبب هذا كله ! سهى : ماينفع هالكلام الحين .. مو صحيح اللي تسوينه .. خلاص قوي قلبك .. بعد هالكلام تركتها وطلعت .. اما نوف ماهدت بالعكس زادت تأنيب .. شلون ما تستحقر نفسها وهي السبب بهالمصايب اللي توالت عليه .. على انسان ما فهمته الا متأخر ..