العضوة: 275918 , 6 years ago

كل شي بهالوجود يضيق عليها وكل معنى للفرح إسود فعينها .. صارت الدنيا لون واحد .. الأسووود !.. عقب ما بدت تشوف الدنيا ألوان مرحة .. عقب ما حست بحياة جديدة تنبث داخلها من حبته .. تنطمس كل هالمعاني داخلها وتنصبغ بس بالأسووود .. حست بروحها بتطلع .. بدر !... بدر اللي كان يحبني .. واللي انا بديت احبه .. كذا تتغير حياته ويخسر عيونه .. اللي اشوفها الحين أحلى مافيه !... ليش عيونه ... ليش عيونه مو عيوني !!!!؟؟ ضميرها صار يقتلها بقسوة ومادرت الا بمشاعرها تقودها ناحية التلفون .. وتدق على رقم المستشفى ... بأصابع مرتجفة وعيون تسيل دموع أكثر من صدمتها بحادث بدر .. رد عليها الموظف وطلبت انه يحولها على غرفة بدر .. اللي بهالوقت كان عنده سلمان جالس .. بس مايتكلمون .. لأن بدر كان بحالة ماتسمح له يتكلم .. يفكر بحاله .. وبحياته .. الرباط اللي كان ماسك راسه وعيونه فكوه .. ولأول مرة من أسابيع قدر بدر يفتح عيونه !.. بس اللي طعن قلبه ان كل شي حوله كان ظلام بظلام .... سواد حالك !!... رفع يده يتحسس وجهه وعيونه .. وسالت دمعتين وهو يلمسهم ... مو قادر يشوف !.. مو قادر !!... سلمان كان يراقبه وعوره قلبه .. بس ماتكلم ولا علق .. سمع بدر فجأة يتكلم مع نفسه .. بدر : خسرتك الحين .. ومستغرب وش ممكن أخسر أكثر من اللي خسرته .. وش الفايدة الحين اني اطلع واعيش .. وانا الخسران من الأول .. من ضاع قلبي مني ( وهو يحط يده على قلبه ) .. وانا عارف اني خسران ... سلمان يحاول يسكته لأن بهالكلام يعذب نفسه اكثر : بدر..... بدر ولا كأنه سمعه : قلبي وعيوني خسرتهم ... وليتني خسرت روحي قبل .. سلمان : بدر !!!!!! رن التلفون بالغرفة .. والتفت بدر ناحية الرنين .. قام سلمان بيرد بس بدر حط يده عالسماعة قبل .. بدر بشوية حدة : خسرت عيوني صح ... بس ما اظن اني خسرت يديني ... سلمان رفع يدينه باستسلام ورجع للكرسي .. اما بدر رفع السماعة : نعم.... سمع صوت حس شهقات وبكي .. وماقدر يحدد صوت مين بالضبط .. بدر : ............... نوف بضعف : بدر ؟ بدر عرف هالصوت .. انتفضت روحه بس مارد ..

العضوة: 275918 , 6 years ago

نوف : الحم... الحمدلله عالسلامة ... ما تشوف شر ..!! بدر ابتسم بسخرية .. ماشوف شر ..!!... بدر : وهو فيه شر غير اللي انا فيه ! نوف تحاول تتماسك .. بس ماقدرت وهي تحس انه قاعد يأنبها .. نوف : .. انا ... اسفة ... بدر : اسفة ؟؟؟؟ نوف : .............. بدر بنبرة ساخرة : وعلى وشو قاعدة تعتذرين ؟.. نوف : ............. ( تصيح ) بدر : اعتذارك تأخر كثير .. ليش الحين ؟؟ نوف ندمت انها اتصلت .. كلامه ونبرته حسست نفسها انها حقيرة .. نوف وهي ترتجف : انا..... بدر قاطعها : ليش الحين .. عقب ما خسرت كل شي .. ذبلت الدنيا بعيني واظلمت .. الحين جاية تقولين اسفة .. نوف صارت تصيح بصوت عالي .. وحطت يدها على عينها وهي تواجه هالقساوة منه .. سمعها بدر ورجع قلبه يحن لها .. وينزف ألم .. بس ماقدر يسكت .. بدر : ليش متصله الحين ؟؟؟ نوف والكلمات ترتجف : بس ...ك.. كنت ابي اتحمد لك بالسلامة ... بدر : مافيني شي سالم من اليوم ورايح .. ومن الحين يانوف .. مهما كنتي .. توديني او تكرهيني .. ابيك ترتاحين اني مارح اوقف بطريقك .. ارتاحي ... انا خلاص بنت عم اسمها نوف معد صرت اعرفها .. بنسى كل شي يخصك .. يمكن ترتاحين .. واهم شي انا ارتاح ..

العضوة: 275918 , 6 years ago

ما تحملت نوف كلماته اللي مثل السكاكين الحادة .. سكرت السماعة بوجهه وانهارت .. اما بدر قذف بالسماعة في الأرض وهو يرمي راسه ورا ويتنفس بقهر .. سلمان كان مشدوه وهو يسمع كلامه .. وبصمت قام وشال التلفون من الأرض ورجعه مكانه .. سلمان : بدر ... ماكنك قسيت عليها ؟؟ بدر هز راسه وهو يتنهد : لازم هالقسوة .. خلاص ما أبي يكون بيني وبينها أي شي .. حتى ذكرياتي معها مابي يكون لها مكان ببالي .. كل اللي انتظره الحين هو موتي .. وافتك من هالحياة .. سلمان بصوت هادي : حرام عليك .. مايجوز هالكلام ابد .. بدر انفعل : وش كنت بتقوول لو كنت بمكاني .. مو بتكره الحياة واليوم اللي انولدت فيه .. هذي حالتي .. مستقبل وتلاشى وحياة مجهولة ..... قلي .. مو الموت أريح لك من هذا كله .. ها رد قول !! سلمان : انا طالع الحين .. مارح اجادلك .. بدر : ولا ترجع .. سلمان بلع الكلمة وراعى حالته .. تركه وراح وهو بدوره كله ألم .. من كان يتوقع بدر الشاب الطموح المرح صاحب الابتسامة العذبة الحلوة .. والضحكة الرنانة اللي ترسم البسمة عالغير .. يتحول لانسان يائس .. هجرته البسمة .. وفارقته الفرحة .. وصاحبته الدمعة والأحزان ..!!.... ما اقول الا ربي يعينك .. بنفس المساء .. وبعد صلاة المغرب .. وقف فهد سيارته قبال مبنى الشركة العالي .. ونزل وهو يعدل شماغه .. طلع لمكتب ابوه وهو بطريقه قابل بوجهه عدة موظفين يعرفونه وحياهم بابتسامة .. دخل عالسكرتير وسلم عليه .. فهد : حازم ابوي موجود ..؟؟ حازم : ايوه موجود .. تفضل .. دق فهد الباب ودخل .. له فترة ماجا للشركة وزياراته قليلة لها .. شاف ابوه جالس منكب يكتب باندماج ببعض الأوراق .. اغلب الموظفين يعرفون انه هالكرسي رح يكون له من بعد ابوه .. بس اللي يستغربونه قلة حضوره هنا .. اجل شلون بيمسك كل شي بعدين .. تقدرون تقولون فهد عارف انه بينكرف فحاول مايشغل باله بهالموضوع لما الوقت المناسب .. والسن المناسب .. سلم وهو يقرب : السلام عليكم .. عفس ابو فهد وجهه وعينه عالورق من هالصوت .. رفع راسه ورفع حواجبه بدهشة .. ابو فهد : فهد ؟... فهد : ايه فهد .. شايف شي غلط فيني ؟؟ ابو فهد : صاير شي ..؟ فهد : الله يهديك .. وش بيصير .. جاي اسلم ابو فهد بنظرة ماكرة : تسلم ؟؟.. ولا تبي شي ؟ فهد : كفشتني ..!

العضوة: 275918 , 6 years ago

ابو فهد : محتاج شي ؟؟ فهد : والله محتاج شورك .. ابو فهد : شوري ؟؟..... اجلس طيب ! جلس واستعد يتكلم : داري انك مشغول .. بس حبيت اكلمك هنا احسن من البيت .. ابو فهد رجع يكتب بالورق من غير لا يناظره : تكلم اسمعك .. فهد نزل راسه يلعب باصابعه : طالبك ماتردني .. ابو فهد وهو يكتب : منيب رادك .. بس اخلص تكلم .. فهد : يبه !... لو اقولك ابي اتزوج وش بتقول ؟؟ ابتسم ابو فهد وترك القلم ورفع له راسه : وش بقووول ؟!!!! فهد : ................ ابو فهد : بقولك ربي يوفقك ... فهد ابتسم ابتسامة وسيعة : وماودك تعرف منهي ؟ ابو فهد ناظره بنظرة محرجة : منهي ؟؟ فهد نزل عينه للورق بعيد عن عيون ابوه : اظنك عارفها .. ابو فهد : شووق ؟؟؟ فهد وقلبه يرقص : ومو غيرها ... ابو فهد : متأكد ؟؟ فهد : متأكد ... وجاي أطلبها منك اليووم .. ابو فهد ماقدر ضحك بصوت عالي وهو يتهادى عالمسند وراه .. خلى فهد غصب يتبسم له .. فهد : وش قولك ؟؟؟ ابو فهد : قولي ؟.... قولي اني رافض ! فهد تسمرت عينه على ابوه .. مستغرب ! : رافض ؟؟ ابو فهد : ههههههههههه شفيك ... رايي بتاخذه بعد ما تستقر بالشغل .. وتنهتي من الدراسة .. مو الحين .. فهد يحاول يستعطفه : يقوى قلبك يبه ترفض ولدك !! ابو فهد : هههههههههههههه لا تحاول .. فهد : عالأقل الراي المبدأي .. ابو فهد رفع حواجبه فوووق يعني لا تحاول .. فهد : هذا وانا جاي اطلب قربك .. تردني .. ابو فهد : ههههههههههههههه قربي ؟.. انتي قريب ما يحتاج .. قام فهد وهو راسم على وجهه علامات احباط مصطنعه عشان يستعطف ابوه .. استدار للباب وابوه ما تكلم .. فتح الباب وقبل لا يطلع .. ابو فهد : فهد ابوووي ! فهد : سم ..! ابو فهد : بقولك مبروك .. بس مهوب الحين .. مثل ما قلت لك ..

العضوة: 275918 , 6 years ago

فهد ابتسم وطلع .. أول ماركب سيارته وتحرك .. خطرت بباله فكرة غريبة .. مايدري ليش اشتاق ينفذها .. يمكن من شوقه اللي زاد لها .. رفع التلفون ودق عالبيت .. تعتمد عاللي بيرد عليه .. اذا كان محظوظ بيسمع صوتها واذا لا بيضطر يصبر .. ومن حظه السعيد .. جاه صوتها مثل هبة نسيم بعز الصيف .. ترد الروووووح ! شوق : الووو ... فهد : ................. شوق : الووووو !!! فهد : ............... شوق .. وش السالفة : مين معي ..؟ فهد : ............. شوق بدت تعصب : احد يرد .. بلا لعب بزران .. فهد متوقع لو بيكلمها بتتهرب منه بسرعة .. فاستمر على صمته .. وما يدري لوين بيوصل من هذا كله ..

العضوة: 275918 , 6 years ago

سمع صوت ندى يكلمها : مين اللي يدق ..؟ شوق معصبة : واحد من هالمبزرة ... قطيعة ! وطررررراخ سكرت السماعة بقوة خلته يكشر .. من متى وهي كبريت !!... رجع يدق .. جاه صوتها مرة ثانية : الووو ... فهد كاتم الضحكة : .............. شوق تنفخ : ليش ما تردوووووووون ياللي متصلين .. فهد .. مانيب : ............... شوق : وجع ! وقفلت السماعة .. طيب أوريك يا عيون فهد ... اتصل ثالث مرة .. وردت وهي ثايرة .. شوق : وعمى !! فهد : عمى ؟؟؟؟؟!!!!! شوق تلعثمت وهي تلقط بقايا وجهها : فهد ؟؟؟ فهد : هذا رقم بيتنا ولا انا غلطان .. شوق شبت ضوو : معليش سامحني .. بس فيه واحد مزعج كل شوي يدق ومايرد .. فهد : ومنهو هذا الواحد ؟ شوق : ماعرفه .. فهد : روقي عاد ترا ماتسوى تعصيبه .. شوق تحول وجهها لقطعة طماطم .. وابتسمت .. وبان على صوتها : طيب .. تبي شي ؟..

العضوة: 275918 , 6 years ago

فهد ابتسم بدوره : تبين شي وانا جاي ..؟؟ شوق : شي ؟.. لا شكرا .. فهد : وندى ؟ شوق : ندى .. تبين شي يجيبه فهد وهو جاي ندى : عطيني اياه عطيني .. وخطفت السماعه منها : فهوووودي ( بدلال ) فهد ضحك : هههههههه فهودي ؟... جديدة ذي ؟..... اطلبي .. ندى : يا حوووووبي لك ... أبي بيتزا تكفى .. فهد : الحين المغرب ؟؟؟ ندى : عاد انا ماتغديت زين .. وتوني اقول لشوق مشتهيه بيتزا .. لا تردني .. فهد : اوووووكي خلاص .. ندى : ياحليلك كنت قاطعه الأمل فيك .. فهد : اعووووذ بالله .. ندى : هههههههههه لا لا وربي امزح .. بس الحقني انقذي قبل لا اطيح ميتة عليكم من الجوع .. انقذني انقذني شوفني بمووووووووت ..

العضوة: 275918 , 6 years ago

وبحركة تمثيلية تطيح السماعه من يدها وتهوي بكل ثقلها على شوق الجالسة عالكنب وراها .. شوق اختنقت : واق !.. ابع....دي ... وه وه فعصتيني ... فهد يسمعهم ويضحك : ههههههههههههههه خبلة .. ( وسكر الخط ) ندى مستمرة بتمثيليتها ( يقالها فهد بيشوفها وبيعطف على حالها ) .. وتمت طايحة على شوق وراخية يدينها ورجلينها وشوق مخنووووووووووووقة .. شوق : يالدبه ... وخررررررررري ... ذبحتي..ني ... حطت يدها على خصر ندى ... ونغزة وحدة ! .... نطت ندى وهي تكركر ضحك ... شوق ماصدقت استعدلت وهي تهف بيدها على وجهها .. وندى تناقز بجنوون حولها من الضحك .. كلش ولا احد ينغزها بخصرها شوفوووا عاد وش اللي بيسكتها .. ندى : هههههههههههههههههههههههههههههههههههههههههههههههههه ههههههههههههههه شوق : تراها كلها نغزة ماقلنا نكتة .. ندى تناظرها وهي تضحك : هههههههههههههههههههههههههههههههههههههههههههههههههه شوق : هستيريا حادة ! ندى مسكت بطنها : هههههههههههههههههههههههههههههههههههههههههههههههههه ههههه شوق : ياربي لا تبلاني .. ندى راحت لها وجلست عندها ووجهها أحمرررر : هههههههههههههههههههههههههههههههههههههههههههههههههه ه ...

العضوة: 275918 , 6 years ago

شوق : حالة مستعصية .. ندى : هههههههههههههههههههههههههههههههههههههههههههههههههه هههههههههه شوق : مالها علاج ! بعد نص ساعة وصل فهد والبيتزا بيده .. وكيسة البيبسي باليد الثانية .. ندى كنها قطوة شمت الريحة قبل لا تدري وطارت له ... ندى : يا جعلك تسللللللللم ... عنك عنك لا تتعب .. خذت البيتزا عنه وركضت بها للطاولة .. وعصافير بطنها تعذبها .. فهد يناظرها وفيه الضحكة : يقطع بليسها اذا بغت تصير ذربه صارت .. انتبه ان شوق كانت جالسه عالكنبة وتضحك بهدوء .. عرف انها سمعته ابتسم لها .. وراح لندى ، اخذ قطعة بيتزا .. واكلها وهو يطلع لغرفته .. شوق قامت من مكانها والريحة فتحت شهيتها .. ماكانت جايعه بس الحين ميتة جوووع .. كانت ندى جالسة عالطاولة والكرسي تحت رجليها .. جلست معها وقعدوا ياكلون .. بعد عشر دقايق جوا البقية نايف ومنى ولقوا كرتون البيتزا ... فاضي !! نايف وهو يناظر ندى : واحنا مالنا شي .. ندى : ايه مالكم هذي وجبة خاصة فيني ... انتوا متغدين .. نايف : ياسلام .. واحنا ماناكل .. ندى : رح مع السواق واشتر لك .. بدل الوحدة ثنتين .. نايف بنظرة : استغفر الله .. كرتون كامل ماخليتي منه ولا شي ... حشى فرررامة انتي ؟!

العضوة: 275918 , 6 years ago

شوق جتها الضحكة وغصت بالقطعة اللي بيدها .. وندى : عمى اذكر الله قووول ما شالله ... تف تف تف اسم الله علي ! تركهم نايف وراح .. اما منى صبت لها بيبسي وجلست .. شوي حست شوق بصداع بسبب الزكام الخفيف اللي جاها .. طلعت فوق تاخذ بندول .. وهي جالسة بالغرفة رن الجوال باسم هديل !!... ابتسمت أكثر .. ياحبي لها ما تقدر تزعل !! بنفس الوقت نزل فهد من غرفته بعد ما بدل ملابسه بيطلع .. وهو نازل رن جرس البيت .. ندى قامت بترد من التلفون .. وفهد مرة وحدة بطلعته راح يشوف مين .. لما وصل للباب كان مبتسم من الأفكار اللي ترواده عنه وعن شوق .. أول ما فتح الباب .. تلاشى كل تعبير على وجهه .. والابتسامة اختفت وكأنها سراب ..!! فهد : مشعل ؟؟؟؟؟؟؟؟؟؟؟

العضوة: 275918 , 6 years ago

شوق ردت : اهلين .. هدوله .. هديل : هلا شوق .. قالتها بهدوء غير مرحها ورجتها المعتادة .. وحست شوق فيها متوترة .. شوق : شفيك ؟.. تعبانه .. هديل وصوتها يرتجف : لا .. شوق : اجل شفيك .. هديل : مدري بتسامحيني لو .... لو اقولك وش انا مسويه او لا .. شوق خافت نبرة هديل مو طبيعية ومو من عادتها تتكلم بهالطريقة .. شوق :قولي لا تخافين .. مارح أزعل .. سكتت هديل شوي تهدي نفسها .. هديل : شوق ... انا... كذبت على مشعل .. شوق : كذبتي ؟؟؟ ...شلون يعني ؟ هديل : شلون اقولك ... بتستحقريني لو تدرين ... بس صدقيني ماكان قصدي شر نيتي كانت طيبة .. شوق : فهميني طيب مو فاهمتك .. هديل : بقولك ... بس اوعديني قبل ما تعصبين .. شوق احتارت بس وعدتها : ...... وعد .. دخل فهد الصالة ووجهه مكفهر حده .. قال لندى ان فيه ضيف ورجع لداخل بالمجلس .. كان مشعل جالس وباين عليه التوتر والاستعجال .. مشعل : مشكور فهد مابي شي .. بس ابي الوالد بكلمه كلمتين وراجع للشرقية .. فهد عقد حواجبه ونفسه هو بدا يتوتر : تبي الوالد ؟... والله طالع بشغله .. بس انا موجود بوصل له الكلام اذا تبي .. مشعل : لا اسمح لي ابيه هو شخصيا .. فهد : اذا انت مستعجل مارح يوصل قبل ساعتين ... مشعل شاك فيهم .. ومايدري ليه مرت في باله اللحظات اللي قضوها في الشرقية مع شوق لما جا فهد ياخذها ... تذكر اللحظات اللي صارت بينهم وداهمه الشك .. بس لازال متعلق باللي قالته له هديل .. بأن شوق .. تحبه ... ولأنه مستعجل قرر يصارح فهد .. ويقوله كل اللي عنده .. مشعل : فهد.... بالغرفة فوووق .. وقفت شوق من غير شعور : وشووووووووووووو ؟؟؟؟ هديل غلبتها دمعتها : هذا اللي صار ... وربي ماكان قصدي أأذيك أو أأذيه .. شوق مصدومه صارت تتلفت وهي تتكلم : تدرين يا هديل شسويتي ..؟... تدرين وش معنى الكلام اللي قلتيه له ... كذبة كبيرة يا هديل كذبة ... حرام عليك .. هديل : لا تلوميني .. انا الحين مدري شلون اتصرف... والله اني ضايعه .. شوق : وماقلتي له الصدق !؟ هديل : لا .... ماقدرت ... ماقدرت .. شوق مسكت راسها بيدها وهي تتحرك بالغرفة بحيييرة فضيعة وكلام شوق جد صدمها .. ماتوقعت يطلع هالشي منها ... وياليتها قالت لي من قبل كان ممكن اقدر اتصرف واساعدها تعدل غلطتها .. بس .... الحين ..... هديل : شوق .... مشعل جاكم .... شوق وقفت عن الحركة وتصنمت نظراتها عالجدار .. شوق : هاه !!!..

العضوة: 275918 , 6 years ago

 بالغرفة فوووق .. وقفت شوق من غير شعور : وشووووووووووووو ؟؟؟؟ هديل غلبتها دمعتها : هذا اللي صار ... وربي ماكان قصدي أأذيك أو أأذيه .. شوق مصدومه صارت تتلفت وهي تتكلم : تدرين يا هديل شسويتي ..؟... تدرين وش معنى الكلام اللي قلتيه له ... كذبة كبيرة يا هديل كذبة ... حرام عليك .. هديل : لا تلوميني .. انا الحين مدري شلون اتصرف... والله اني ضايعه .. شوق : وماقلتي له الصدق !؟ هديل : لا .... ماقدرت ... ماقدرت .. شوق مسكت راسها بيدها وهي تتحرك بالغرفة بحيييرة فضيعة وكلام شوق جد صدمها .. ماتوقعت يطلع هالشي منها ... وياليتها قالت لي من قبل كان ممكن اقدر اتصرف واساعدها تعدل غلطتها .. بس .... الحين ..... هديل : شوق .... مشعل جاكم .... شوق وقفت عن الحركة وتصنمت نظراتها عالجدار .. شوق : هاه !!!.. هديل : شوق مشعل مقتنع انك تحبينه .. فجاي يبي عمك يكلمه .. شوق مو عارفه وش تقول : وانا وش اسوي الحييييين شلون اتصرف !! هديل : اسفة يا شوق انا كنت بقوله بس .. كل ماجيت ابي اكلمه ما اقدر .. والله ندمانه .. شوق : طيب تعرفيني ما اقدر اقوله .. كلميه انتي وقولي له .. هديل : مايرد علي .. شوق : شلون يعني .. ؟ هديل : مدري .. بالمجلس .. ثارت ثورة فهد وقام واقف : وش تقووووول ؟؟؟ مشعل وهو يهز رجله ويديه شابكهم : اللي سمعته .. انا ابي الوالد عشان اعرف الاسباب .. ومثل ما قلت لك من قبل .. انا احب شوق واتمناها مثل ماهي.... فهد قاطعه : لا تكمل ... الوالد هو صاحب الراي الأول والأخير ومو ملزوم يعطيك اسبابه .. البنت بنته وهو أدرى بمصلحتها .. مشعل تنرفز : مصلحتها ؟؟.. ليش يعني انا مو قد المسؤولية ولا واحد صايع داشر .. الحمدلله انا اعرف ربي والكل يشهد لي .. فهد : والنعم ... بس الوالد له اسبابه .. مشعل : ومادام البنت موافقة ليش يرفض .. فهد وهو يناظره بغرابة : ومن قالك ان البنت موافقة اصلا ؟؟؟

العضوة: 275918 , 6 years ago

مشعل رفع حواجبه باستغراب : ما يحتاج احد يقوول قلت لك انها تح..... فهد : لا تقعد تعيد لي كل شوي تحبني وتحبني .. احترم البيت اللي انت فيه.. البنت ماتحبك ... ومن قالك اصلا انها تحبك .. مشعل بدا يعصب : وانت شعرفك باللي بيني وبينها .. اظني بنتظر الوالد هو اللي بيعرف يرد .. فهد : انا مكانه وقلت لك .. البنت رافضتك .. ماتبيك .. مشعل وقف ومسك نفسه لا يخنقه : اظن انت مالك سلطة .. فهد : لا لي .. وبعدين بسألك ... انت سمعت البنت تقولك احبك .. ولا لمحت لك .. مشعل سكت يفكر .. هو صح ما قالت له كل الخبر جاه من هديل .. بس كبرياء فيه ما رد عليه مشعل : فهد اسمح لي مالك حق تسأل هالسؤال ... ولو سمحت ناد لي شوق بسألها اذا موافقة او لا .. فهد انتبه على عمره وتوه يلاحظ ان الجو كان متوتر ومشحوون بينهم .. حاول يهدى عشان يهدي الجو .. بس شوفة هالمشعل يجيب التوتر .. فهد بهداوة : البنت مو موافقة يعني ليش بنكذب .. والوالد عطى الوالدة ( ام مشعل ) الاسباب واكيد تعرفها .. مشعل : انا ابي اسأل شوق بنفسي ... فهد : مارح تستفيد شي ... مشعل : لو سمحت .. فهد رفع يديه باستسلام : اوكي على راحتك ... بتسمع منها الخبر بنفسك ... شوق فوق سكرت من هديل وهي مرتبكه حدها ماتدري وش تسوي .. طلعت ونزلت تحت .. مادرت الا فهد يطلع من المجلس ووجهه متغير .. عطاها نظرة حادة مثل برودة الجليد .. نغزها قلبها وهالنظرة تخترقها .. الله يستر !!.. يارب انا مو مصدقه يرضى ماببيه يشك بشي .. وقفت مكانها متوترة وخايفة من السبب اللي خلاه على هالهيئة .. سمعت صوته يناديها .. فهد : شوق تعالي .. شوق اشرت لنفسها : انا ؟؟؟ ليه ؟ فهد بضيق : تعالي من غير اسأله .. شوق ماقدرت تتحرك : ليه ؟؟؟ فهد : مشعل هنا ..يبي يسألك .. 

العضوة: 275918 , 6 years ago

هذا اللي مخوفها .. عرفت شوق مباشرة وش يبي .. دخل فهد المجلس وبعدها بدقيقة سمع مشعل صوتها عند الباب .. وهي متوترة واعصابها تلفانه : هلا مشعل .. اخبارك ؟؟ مشعل ابتسم : بخير الله يسلمك .. اخبارك انتي ؟؟ شوق : الحمدلله .. سكت مشعل شوي .. وشوق تدعي على هديل اللي حطتها بهالموقف .. وش بتقول ماتبي تجرحه ماتبي تأذيه .. فهد كان جالس حاط رجل على رجل ويهز .. والضيق واضح بعيونه .. وده يخنق هالمشعل ... مشعل بعد صمت : شوق انتي موافقة علي ؟؟؟ شوق تجمد لسانها وهي تلوووم هديل ألف مليووون مرة .. الله يقطع بليسك وش اقوله الحين ... أمنيتها بهاللحظة انها تركض للصالة وتهرب .. ويقول اللي يقوله .. والمشكلة بعد ان فهد جنبه .. يعني ترضي هذا ولا هذا !!... كلهم غالين ... مرت دقيقة وشوق ساكته .. وفهد نفسه توتر من صمتها لدرجة للحين متوقع انها بتوافق وتفكيرها كله بسبب خالتها .. اللي لامته عشانها .. بلحظة ضعف تسلل الشك فيها انها ممكن تخونه وتضري رغابت غيرها على رغباتها.. وخصوصا بعد ما اعترف لها بكل شي ... وزادت عصبيته .. بس مسك اعصابه ينتظر منها الرد على سؤال مشعل ..! مشعل بترقب : شوق ؟؟؟ شوق بخوف : ليش تسألني .. اسأل عمي ... مشعل : انا ابي اسألك انتي .. موافقة او لا ... اذا موافقة صدقيني محد رح يوقف بوجهي .. فهد حس بكلامه تحدي .. وسكت لا يلكمه ... وشوق ماتدري وش تقول .. هي كانت تبي الموافقة .. بس الحين كل شي تغير .. بس شلون تفهمه .. مشعل وصبره بدا ينفذ : شوق ... بسرعه موافقه او لا ... فهد عصب : وبعدين معك ...؟ مشعل عطاه طاف وعينه عالباب وظل شوق عالارض : ها شوق ... عارف انك موافقة بس قوليها .. شوق تهز يدينها متورطه .. وينها هديل خلها تحل هالمشكلة بنفسها مو توهقني انا .. مشعل : شوق ؟... ليش ساكته من ايش خايفه .. قام فهد وهو مطنقر : مهيب خايفة .. شوق خلاص ارجعي .. مشعل : لا ترجعين قبل لا تجاوبين .. شوق بنبرة خوف : مشعل ! كان يناظر فهد بغضب .. انتبه لها والتفت : هلا .. شوق وهي تتعلق ببقايا الشجاعة داخلها : اسمح لي ما اقدر اقولك شي .. انا رايي من راي عمي واذا تبي تعرف رايي روح اسأل هديل خلها تعلمك .. اذا قالت لك الصدق وقتها بتعرف اذا انا موافقة او لا .. مشعل استغرب : هديل ؟؟؟؟؟ شوق : ايه هديل .. انا بحالة ما اقدر اقولك شي .. لكن هديل تقدر توضح لك كل شي .. مشعل : شوق انتي مجبورة على شي .. علميني ؟؟

العضوة: 275918 , 6 years ago

فهد حس انه تجاوز حده وتوه بيتكلم.. بس شوق تكلمت .. شوق : لا مو مجبورة .. مثل ماقلت .. اسأل هديل .. لازم تنهي هالكذبة مايصير يعيش بوهم وسراب .. لازم يعرف الحقيقة .. شوق برجاء : مشعل ... الله يخليك .. سامح هديل .. مشعل مافهم كلامها بس .. فقد الأمل انه يعرف منها .. وثارت أسئلته حول هديل .. معقولة هديل عارفه رايها ولا قالت لي .. تجددت الروح داخله وبدا يعذرها .. فعلا شكله احرجها يوم يجي بهالطريقة ويسألها .. كان لازم يفكر قبل لا يقدم على هالخطوة .. بس جنونه اجبره ، والجواب عند هديل بيسمعه .. اذا شوق بنفسها رفضت تقوله .. مشعل وهو يهم بالوقوف : شوق .. انا اسف عالاحراج ... اسف يا فهد .. شوق وهي مكسورة الخاطر عليه : مسموح .. وهو يستأذن : انا ماشي الحين .. تصبحون على خير .. راحت شوق بعيد عن طريقه وراقبته وهو يطلع .. والحرقة تلعب بقلبها .. حرام عليك يا هديل ليش كذا !!!!؟ رجعت للصالة وهي مكتئبة وتراجع كل اللي قالته ... طلعت فوق ودقت على هديل وهي ودها تذبحها .. هديل : هلا .. شوق بغضب : ولا مسهلا .. تدرين انك حمارة ومتهورة .. ورطتيني حسيت نفسي بايخة .. هديل مكتئبة اكثر : شوق حتى انا شكلي مارح انوم الليل لشهور .. ما تخيلت ممكن اوصل مشعل بنفسي لهالحد .. شوق بحزن : لو كنت تعرفين بس حجم اللي سويتيه قبل لا تسوينه .. وانا ماتخيلت بيوم اني ممكن اضره لازم تقولين له الحقيقة يا مجنونة مو تستمرين كذا .. انا قلت له خل هديل تفهمك وهو ظن انك عارفه رايي بالموضوع مادرا اني اقصد كذبك عليه .. ولا تكلميني قبل لا تصلحين غلطتك .. وسكرت بوجهها وهي متنرفزة .. جد هديل تصرفاتها احيانا ترفع ضغط الواحد وتخليه يكره عمره .. طلع فهد من المجلس والهواجس ماخذته .. حتى هو نفسه مافهم كلامها اللي قالته قبل شوي .. بس مرده بيعرف .. ومارح ينتظر حتى يعرف لازم ياخذ الخطوة الأولى .. الشي اللي مطمنه من ناحية مشعل انه تذكر كلام شوق بغرفة عمر ذيك الليلة .. عمره مارح ينسى الكلمات اللي سمعها واللي كشفت لها طبيعة العلاقة بينهم .. شوق ماتحبه وتعتبره اخ مثل ماهو واضح .. بس للحين مو فاهم ليش مشعل قال " شوق تحبني " ... فيه سبب مو كذا من الباب للطاقة !