العضوة: 275918 , 6 years ago

شوق نطقت بصعوبة : فهد ؟؟... وش قالك !!.. نجلاء ابتسمت : كل شي بينكم ... لا تزعلين من فهد تراه كان يعاني .. ما تتخيلين شلون .. شوق بنظرة لهوفة انها تعرف عنه : يحز بخاطري انه كان يعاني بسبتي .. بس انا وش دراني بهذا .. كنت افهم كل شي بالمقلوب .. وكله بسبب تصرفاته .. نجلاء ابتسمت بحنان : سامحيه .. فهد تراه دووم كذا ولو انه ما يعجبني فيه بعض صفاته وتصرفاته .. وانتي يا شوق بتقدرين تغيرينه .. بس اصبري عليه .. شوق حست بفرررحة تشتعل فيها .. اقدر اغيره ؟؟... انا ؟؟؟ نجلاء : شوق انا ماحبيت اتدخل لما انخطبتي .. مع انه عز علي اخوي فهد .... تدرين ؟..عرفت لما جيت من جدة انك تعنين له .. وواجهته .. ما أنكر بالعكس اعترف وقال كلام ما توقعت انه بيوم بيطلع منه .. لما انخطبتي تضايقت انا قبله .. وفكرت انه مو من حقي اروح اقولك عن فهد .. لأن ممكن يكون هذا نصيبك وقلت خليك انتي تختارين بينهم ... بس فهد ماتحمل ودبر اللي دبره .. شوق اندهشت : كنتي تدرين ؟؟؟؟؟؟؟؟؟؟؟ نجلاء ابتسمت : ايه كنت ادري ... شوق استغربت .. اخو واخت غريبين !! شوق : وماحاولتي تمنعينه !! نجلاء ابتسمت بشقاوة : تبين الصدق لا ... لأني كنت أتمناك له من كل قلبي .. وفكرت انه من حق فهد يحاول محاولة اخيرة قبل لا تطيرين منه .. هو ما سوا شي غلط بالعكس تصرف تصرف سليم .. مجرد انه قال لأبوي ... وابوي بالنهاية اتخذ موقف حسب وجهة نظره ...

العضوة: 275918 , 6 years ago

شوق لمع الحزن بعيونها : تدرين نجلاء ؟؟... فكرته يوم تصرف هالتصرف كان يبي يقهرني بس ويحركني على حسب مزاجه ... ماكنت افهم السبب وقتها .. لأن لما قالت له ندى عن خطبتي لمشعل توقعت منه ردة فعل .. مدري ليش يمكن لأني كنت أتمنى انه يسوي أي شي ويمنع هالخطبة ... بس يوم قال انه ما يهمه .. انهرت .. وقبل الموافقة الرسمية بساعات راح وهدم كل شي ... وش كنتي تبيني افكر وقتها اكيد بسيء الظن فيه ... انه بس يبي يتحكم ويحرك حياتي حسب مزاجه .. نجلاء ضحكت وضمتها وهي تشوف حزنها : يا عمري والله كل هذا بخاطرك .. لا تتضايقين من فهد تراه هو كذا .. شخصيته كذا وتصرفاته ما تتغير ... افهميه يا شوق دايم افهميه ... هو بس يبيك تفهمينه .. تصرفاته عكس اللي بخاطره.. شوق ابتسمت وهي ضامتها : الحين صرت افهمه ... وكل شي نسيته ... تعودت دايم اني انسى الماضي .. حياتي اجبرتني انسى أي ماضي ... شلون لو كان فهد !! نجلاء ضحكت : يا عيني يا عيني ... وين فهد يسمع !... تصدقين بيطيييير .. اقتحمت ندى الغرفة عليهم .. فجأة !! ندى وهي ثايرة : يا سلام يا سلام ... اجتماعات سرية بينكم وانا مهمشيني .. طز فيني ... ! نجلاء ابتسمت : حيا الله حب حياتي .. القديم والجديد .. والرايح واللي جاي ... اقلطي .. ندى : تصرفين !!! نجلاء : ماني فاضيه لدلعك ترا .. ندى : تراني كشفتكم !!... عرفت وش تتكلمون عنه ! شوق انقلب لونها .. ونجلاء عفست ملامحها بحيرة .. نجلاء : وش سمعتي يالجاسوسة !!.. ندى تطالع شوق بنظرات حادة : كل شي !!!!!! شههههقت شوق ووجهها يتلون ... ندى : شوي شوي على عمرك لا تموتين

العضوة: 275918 , 6 years ago

علينا .. كذا يا شوقووووه كل هذا بقلبك ولا تقولين لي ..! شوق : وش... وش اقولك !! ندى تأشر على قلبها : اللي بقلبك يا الخنفسانة !! نجلاء : شوق خنفسانة !... ههههههههههههههههههه خوووش تشبيه !! ندى : القهر اني كل يوم ابيها تكشف لي وهي ولا هامها .. كني غريبة مو كني بنت عمها واخت الحبيب .. شوق دوروها خلاص ، ونجلاء ماتت ضحك .. نجلاء : ههههههههههههههههههههههههههههههههههههه ما يفوتك شي !! ندى : وزيادة على كذا تجي تقولك انتي .. وانا اللي معها اربع وعشرين على اربع وعشرين مو معبرتني .. شوق : وشش.. وش كنتي تبيني اقولك .. ندى : لا والله ... وانا اللي اقولك كل شي ... وانتي ولا شي ... نجلاء : شوي شوي عليها .. خلاص هذاك دريتي ... وش كنتي بتستفدين لو عرفتي .. ندى : بس كذا لقافة .. نجلاء : طيب سكري الباب لا يسمعك احد ندى سكرت الباب وسحبت الكرسي الهزاز مقابلهم ، وجلست عليه .. وهي تلوم شوق بنظراتها .. نجلاء : والحين قولي لي ... شلون عرفتي ؟؟؟ ندى : كنت شاكه من زمان وهالدبه اللي جنبك ما مليت عينها انا ..مو مفكره تقولي ... لما قريت الورقة !!.. تأكدت ظنوني ... نجلاء : أي ورقة ..؟ ندى : منى مرة جت تقولي عن ورقة كتبتها شوق وطاحت منها من غير لا تدري .. ورفضت تعطيني اياها ..وبعد يومين رحت لها الغرفة واخذتها منها بالغصب .. وقريتها .. نجلاء : اللقافة ما تتركينها ... طلعت ندى من جيبها ورقة سماوية ورفعتها قدام عيون شوق ... يعني تعرفينها ؟؟؟ شوق : وانا اقوول وينها ؟؟... اثرها عندك .. ندى : عند منى كانت مو عندي ..

العضوة: 275918 , 6 years ago

نجلاء : ههههههههههههه يا حليلك يا شوق والله وانفضحتي .. حتى منى عرفت .. ندى : لا منى ماعرفت ... لأن هالدبه من الحرص الزايد حتى اسم الحبيب ما كتبته .. منى ماتدري .. اما انا من قريتها فهمتها وتأكدت جميييييع شكوكي ... شوق منقهره : وانتي يا حمارة بس قاعدة تراقبيني ... رادار متحرك بالبيت ! ندى : ايه حركاتكم انتي وفهيدان ماتفووت علي .. خصوصا فهيد فاضح نفسه بنفسه ... نجلاء : ههههههههههههههههههههه شوق : يالجنية ! ندى : لو ما تبيني اراقبك لا تثيرين الشك فيني .. وقولي لي !! شوق : شي حبيته يكون بيني وبين نفسي .. هو لازم تعرفينه ؟؟؟؟ ندى : ايه لازم ... ولا نسيتي الاتفاق ان كل وحدة تصارح الثانية .. نسيتي ؟؟ شوق : لا مانسيته ... بس هذي حالة خاصة استثنائية !! نجلاء عشان تفض النزاع اللي ماله داعي .. نجلاء : اقوووول عن حركات الأطفال ... ها وش قررتوا هدية ؟؟.. كل وحدة تقترح شي ... ونختار الأنسب ! ندى بلا مبالاة : انا اقوووول باقة ورد ويخب عليه بعد .. ماله داعي العبالة .. نجلاء : ندى خلك جدية ولو مرة ... فيه وحدة تهدي اخوها باقة ورد بمناسبة التخرج .. اوكي لو كان انسان من بعيد ما عليه .. بس اخته !... فكري بشي افخم .. ندى : طيب انتوا اقترحوا .. انا ما في بالي شي غير الهدايا التقليدية اللي الكل يهديها .. نجلاء : قولي يالبومة انك ما تبين تتعبين نفسك حتى بالتفكير .. ندى : اوففففف تراني اكره كلمة بومة .. لا

العضوة: 275918 , 6 years ago

تعيدينها !! نجلاء تغايضها : كيفي ! سكتت ندى وصارت تهز بكرسيها قدام وورا وبيدها مبرد حق نجلاء .. تبرد اظافرها وهي تتدندن .. وشوق ونجلاء يتناقشون .. نجلاء كان في بالها عدة افكار حلوة لهدايا مختلفة ... طبعا حطوا على جنب اقتراح الساعة أو العطر كشي اساسي ... وفكروا بغيره .. وعلى هالحال .. نرجع لذاك المكان .. عند احمد وطلال .. الجوو كان هدوووء من طرف طلال وهو يسمع لمشكلة رفيقه .. واحمد منزل راسه ومندمج وهي يتكلم ويقص عليه كل شي .. احيانا ينفعل واحيانا يهدى .. وطلال ابد كان كل الهدووووء مرسوم على وجهه .. طلال : وبعدين ..؟؟ احمد تنهد : وبعدين يا طلال .. عقب ما عرفت بكل شي حسيت نفسي جد غبي .. كيف انها طول الوقت واضح بعيونها كل ما اشوفها استغرب تصرفاتها ... تقدر تقول كنت هالوقت مو فاهم او مافتحت عيوني زين .. بس بعد الدفتر .. فهمت كلل شي ... ما تتخيل شلون كانت حالتي وانا اقراه .. صدمة عمرري !! طلال هز راسه واحمد وكأنه يستعيد ذيك اللحظات .. رمى راسه ورا وهو مغمض ... فجأة سأله طلال سؤال : ومن متى وهي تحبك ..؟؟ رفع احمد راسه وناظره نظرة حزينة ندمانة : ... تخيل ... خمس سنين !... خمس سنين يا طلال تخيل وانا ولاني داري عنها ....!!... لا تسألني كيف .. لأني ما ادري ..

العضوة: 275918 , 6 years ago

طلال ابتسم ابتسامة خفيفة : وليش متضايق عاد الحين .. احمد : ليش متضايق ؟؟؟؟... اقولك البنت ظنت فيني ظنووون مدري شلون دخلت راسها ... وتحسبني كنت عارف بكل شي بس متجاهلها ... شلون تبيني احس وهي متخيلتني لي علاقات .. غرامية مثل ما قالت !.. شلون تبيني احس وهي متخيله اني كنت احب ولي علاقات .... طلال ساكت مخليه يتكلم .. احمد بحزن : لا واللي يحز فنفسي غير كذا ياطلال انها متوقعه ان غلاها بقلبي تغير ... مادرت انه هو وزاد .. طلال : تحبها ؟؟؟ احمد : احبها ؟؟... الا شكلي طايح على راسي هالمرة ... هالبنت متملكتني من زمان ياطلال بس توني انتبه... واظني تأخرت كثير .. صمت بينهم .. طلال ماسك كاس العصير بيده وعيونه بعيد ، واضح انه يفكر باللي سمعه ... شوي وتكلم .. طلال : طيب انت وش ناوي عليه ؟ احمد : وش تتوقع ناوي عليه ... خلاص البنت هذي خذت عقلي ... تدري قبل كم يوم دقيت على اساس بكلم خالتي بالموضوع ... بس اللي شفته منها خلاني اتراجع ... صرت اشوف انها مو طايقتني .. ماتبيني ... طلال ابتسم .. وبعدها ضحك : اقول ياحليلك وانت حالك معفوووس ... الا قولي ... قلت لي اسمها ندى ؟؟؟ احمد استغرب وهو يناظره : ... ما اذكر اني قلت اسمها ... شعرفك ... طلال : الجني !!... وش بيعرفني يعني ... انت اللي قلته ... احمد : والله ما اذكر اني قلته ... طلال قاصد يلف ويدور : لا تحلف .. انت قايله قبل شوي بعظمة لسانك .. احمد استسلم : ايه ندى ... بنت خالتي ... طلال بدا بأسئلته : وقلت لي انها تحبك من هي صغيرة ؟ احمد : ايه ... طلال : كم عمرها الحين ؟

العضوة: 275918 , 6 years ago

احمد قطب شوي : اظن ... عشرين سنة .. بهالحدود .. طلال : اها... احمد : ليش تسأل ؟؟؟ طلال : مجرد فضوووول ... الا قولي ... وش تدرس بالضبط ؟؟ احمد : اذا ما خانتني الذاكرة .. ادارة اعمال .. اقتصاد .. سكت طلال شوي ... واحمد انشغل بعصيره ... طلال : احمد .. احمد : ها.. طلال : متأكد انها ما تبيك ؟؟؟ احمد حاس ملامحه : لا مو متأكد ... بس اخر مواقفي معها يقول انها زعلانة او متضايقة .. وما أدري اذا هي مرة وحدة عافتني .. طلال ماقدر غير يضحك : ههههههههههههههههههههههههه .. لا ارحم نفسك ما عافتك .. احمد حاس حواجبه : يقالك الحين تبي تطيب خاطري .. اقووول قوم بس قوم ... يحلها ربك بعدين .. وقام ما عطى طلال فرصة يتكلم .. كل واحد شال شنطته وطلعوا لسيارتهم .. وهالمرة قرر احمد هو اللي يسوق وتبادلوا الأماكن .. وطوول طريق الرجعة وطلال ساكت .. واحمد يدندن ويحاول ينسي عمره ... التفت لطلال لقاه يدق باصبعه على فخذه وواضح عليه التفكير ... احمد : وين رحت يالأخو ..؟... ليكون للحين تفكر بمشكلتي ... طلال مجرد بس ابتسم .. احمد : خلاص انسى السالفة .. علي انا اللي بحلها .. طلال : تعز علي يا احمد تكون بهالحال .. احمد : انا رجال واتحمل لا تشغل نفسك .. ( وبسخرية يغايضه ) يقالك الحين بتلاقي حل .. اقوول الورطة كلها بعيدة عنك ما تقدر تسوي شي .. بس لا تحاول وتتفشل بعدين .. اخبرك ما تحب تنهزم بأي شي تسويه .. طلال طالعه بنظرة .. كلها تحدي ... ارعبت احمد جد بشكل مضحك ..

العضوة: 275918 , 6 years ago

طلال : تتحدى .... احمد : الله يسترررر .. طلال باصرار : تتحدى ... احمد : لا .... طلال : خايف تخسر كلمتك .. احمد : لا ... طلال : بعتبرها تحدي ... وبنشوف .. احمد : اقول خلك عاقل ... مارح تقدر تسوي شي .. طلال : بقولك بعدين ... اليوم انت شكلك تعبان .. بعدين بشرحلك .. احمد هز راسه ولا اهتم ولا عبره ... ولما وصلوا نزل احمد وطلال معه ... طلال : شكل في كلام عندك اكثر تبي تقوله ... احمد كان بيلف ويروح .. بس رجع : لحووووول ... ماعندي ماعندي .. لا تتخيل.. طلال : أتحداك .. احمد : خلاص عندي اف منك .. خلاص لما اشوفك ثاني مرة بقولك .. طلال ابتسم .. وراقبه وهو يدخل .. رجع لسيارته ومشى .. بعد يومين ليلة رمضان .. ندى واقفة بنص الصالة تنادي امها .. والعباية عليها وحالتها حالة ..

العضوة: 275918 , 6 years ago

ندى : يماه ترا بيأذن .. وبيسكرووون .. كيفكم عاد .. مافي رمضان بكرة .. ام فهد : اقووول اركدي .. ولا مرة وحدة انطقي بالبيت خليني اروح على راحتي .. ندى : هاهاهاه تروحون للسوبر ماركت من دوني ... احلللللللللللللللموا !! ام فهد : اعوذ بالله من شيطانك .. عارفتك وش تبين منه .. بكرة رمضان صيام مافي حلويات .. ندى : مالي شغل !... اتسحر عليهم ... ام فهد : لا تخليني احلف .. لا ... اعنبوك كل وقتك كاكاو .. ندى : يمممه .. نزل فهد عليهم ومن شاف ندى والازعاج اللي مسويته .. التفت لأمه .. فهد : من الحين ..هالادمية مهيب رايحة .. ندى : لا يا شيييييييييييخ ..!!... ما شاورتك .. فهد : اذا بتروح وفروا على نفسكم .. السواق موجود .. ام فهد : لا مابي السواق انا ... ابيك انت .. فهد : اجل ام الكاكاو ذي مهيب رايحة .. ندى : بروح ..

العضوة: 275918 , 6 years ago

فهد : قررت لا ... يبي يقهرها .. اما ندى ناظرته شوي بنظرات مكر .. أنا بعرف وش اللي يخليك توديني .. غصب من ورا هالخششم ! راحت عند الدرج ونادت : شوووووووووق ... شوي طلت شوق : خير ..!! ندى : تعالي وجيبي عبايتك معك ..! شوق : ليش ؟؟؟؟ ندى طنقررت : من غير ليييييييييييييييييش .. الحين الحين تعالي ... بسرررررررررعة شوق : اول ليش ؟ ندى : امي تقووول ناديها .. ( والتفتت لفهد وقامت ترفع حواجبها باستمرار يعني غصب عليك مو بالطيب ) فهد كان ماسك ضحكته .. بعد دقيقة نزلت شوق وهي تسكر عبايتها : يالملسووووونة !... شتبين ؟؟ ندى : تعالي مفاجأة .. مسكت يدها وراحت لهم : مو فرحانة مثلي لأن بكرة رمضان .. عاد بالنسبة لي السوبر ماركت ليلة رمضان شي مهمممم ومن شروووط حياتي .. شوق : أي شروط ..؟ فهد : يالله يالله عن البربرة ... قبل اذان العشا .. ندى : احلم اطلع منه قبل ساعتين .. فهد : نععم !.. لا من الحين اجل الزمي البيت وانطقي لما نرجع .. وماعطتهم رد .. مشت عنهم برا وسبقتهم للسيارة .. ام فهد بالاساس كانت تبي تشتري بعض الأغراض استعداد بهالمناسبة .. وندى تحلموون تفوتها ... وصلوا ونزلوا .. ام فهد مع فهد سبقوهم داخل .. اما ندى وقفت فجأة ووقفت شوق معها .. ندى : شوق شوفي شوفي ... شوق تتلفت يمين ويسار : وشو وشو ؟؟ ندى : شوفي هالسيارة ... مو كأنها سيارة احمد ؟ شوق تطالع اللي تأشر عليه : وانا شدراني ... ماعرفها ندى : شكلها هي ... حتى الميدالية اللي معلقها عالمراية نفسها .. ياويلي شكله جوا !!!! ناظرتها شوق بنفاذ صبر .. وبعدها جرتها من يدها ودخلوا ... ندى : شمعنى اليوم بالذات جا ؟؟ شوق : حلوة ذي ... ليلة رمضان كل الناس بالسوبر ماركات توقعي تشوفين أي احد .. وبعدين وينهم اختفوا وين راحوا ... ضيعناهم ..  حب من نوع اخر

العضوة: 275918 , 6 years ago

80 دخلوا شوق وهي تتلفت يمين وشمال بينما ندى راحت سحبت عربية للأغراض اللي ناوية عليها .. دفتها قدامها وشوق التفتت لها .. شوق : بععععععد ناوية تشقلين معك اغراض الدنيا ... خذي سلة يا ندى مافينا على خالتي وفهد تعرفينهم .. ندى ماعبرتها ومشت : ما عليك مني ... على حسابي لا تخافين .. مشوا شوي وشوق تقلب عيونها يمين ويسار تدور فهد بس مالقته .. اما ندى نست الدنيا وهي توقف عند رفوف الحلويات الطويلة .. شوق : اقوول تبين تجلسين لحالك هنا بكيفك .. انا بروح لهم يمكن خالتي تحتاجني .. ندى وهي تتفحص كيس شيبس وتقرا المكونات : مو محتاجتك فهد معها .. شوق : بروح ماعلي منك .. مشت وتركتها وهي تبحث بين الممرات الطويلة العريضة .. وتتحرك بصعوبة بهالزحمة .. رجال وحريم واطفال ... ههههههه جو رمضان غير .. اما ندى صدق بدت تتمشى بقسمها المفضل وتختار على مزاجها .. شوق صارت تمشي وتتلفت بس ماشافتهم ... الرجال كثير بس فهد ماله اثر .. وام فهد بصعوبة بتعرفها من بين كل هالحريم .. وين راحوا بهالسرعة اختفوا !!... وهي تمشي من بين الزحمة ، لفت نظرها ولد صغير واقف بنص وحدة من الممرات العريضة .. ويصيح .. وواضح عليه الخوف ... ابتسمت بحنية وهي تناظره .. ماتدري ليش ذكرها ب عمر مع ان الولد مبين اصغر ... يحبي له هالولد .. تخيلت لو عمر جاي معهم بيقلب السوبر ماركت عليهم ... بيراكض وبيختفي وبيجننهم ... بس هالولد غير ليش يصيح ..!! راحت له بهدوء ووقفت عنده وانحنت قريب منه ..

العضوة: 275918 , 6 years ago

شوق : حبيبي ليش تصيح ؟؟... الولد ودموعه على خده : أبي ماما... شوق : طيب وينها ماما ؟ هز الولد كتوفه وهو يتلفت بخوف ، ويفرك عيونه .. شوق : ماما وين كانت ؟ هز الولد كتوفه مرة ثانية .. شوق : ما شفتها وين راحت ؟؟ بس هز كتوفه ! ... وشوق احتارت وين توديه .. أكيد امه قالبه عليه الدنيا الحين .. ومايصير تتركه بهالزحمة .. مسكت يده وسحبته معها .. شوق : تعال ندور ماما ..! مشت شوي الا الولد رجع يصيح بس بصوت عالي خرع شوق .. الولد : أبي ماما ... ماما ... الناس القريبين منها صاروا يتلفتون لهم وشوق تورطت ..!... شوق : خلاص حبيبي بنلاقي ماما بس لا تصيح ..... مافي فايدة الولد مستمر عالبكي والصراخ باسم " ماما "... ومعد عرفت شوق شلون تتصرف ... شوق : وش اسمك حبيبي .. الولد : ............ شوق : اسمك الكامل وشو ؟؟؟ الولد : فهد......... شوق ابتسمت : فهد وشو ؟؟... اسم بابا ايش ؟؟ الولد : ........... شوق ... لا حول : فهد ... الولد : نعم ..... شوق : تعرف اسم بابا ؟ الولد يفرك عيونه : ............. وهي تنعطف طالعة من وحدة من الأسياب .. وقفت تتلفت يمكن أحد يلاحظ الولد معها ويجي ... بس محد جا ... ظلت واقفة محتارة ، مع هالزحمة صعب بتلاقي أهله ... مرت عشر دقايق وهي واقفة والولد واقف معها .. حاولت تسأله مرة ثانية عن اسم ابوه بس مافي نتيجة ... فجأة سمعت صوت وراها .. - تدورين عني ؟؟؟ ابتسمت لأنها عرفت الصوت .. ويوم التفتت له شافته مبتسم بس اختفت الابتسامة يوم لاحظ وجود الولد الغريب معها .. فهد : وش قصته ؟؟؟ شوق وهي تناظر الولد بعطف : ضايع ما ندري وين اهله ...

العضوة: 275918 , 6 years ago

فهد : افا ... وين امه عنه ؟ شوق : علمي علمك ... فهد قرب من الولد وجلس بمستواه وهو مبتسم : وين ماما حبيبي ... هز الولد كتوفه بحيرة ... فهد : مع مين جاي ؟ وباصرار هز كتوفه ... احتار فهد وحاس ملامحه وهو يرفع عيونه لشوق ... وشوق نفس الحالة ماتدري شلون التصرف الصحيح ... فهد : وين لقيتيه ؟؟ شوق : لقيته واقف لحاله .. ضايع مع الزحمة .. بس امه مابينت .. واقفة هنا لي عشر دقايق ولحد لاحظه !! مد فهد يديه وشال الولد .. وباسه على خده .. فهد : لا تصيح حبيبي الحين نوديك لماما ... ومشى وهو شايله .. ابتسمت شوق ومشت وراه .. وهو يمشي ويسولف مع الولد عشان يلهيه .. طول الوقت تتبسم وهي تسمع سوالفه .. صدق سوالف بزر !... ببراعة قدر فهد ينسي الولد خوفه وصار يسأله .. فهد : جاي مع مين ؟؟ الولد : مع ماما .. واخوي .. فهد : وش اسمك طيب ؟؟ الولد : فهد.....

العضوة: 275918 , 6 years ago

فهد ابتسم بمرح وهو شايله : أحلللللللللللى ... انا بعد اسمي فهد ... الولد ابتسم .. فهد : خلاص انت صديقي .. اوكي ؟؟ الولد هز راسه موافقة .. وشوق وراهم تضحك ... سمعها فهد ولف لها وهو يمشي : شي يضحك ؟؟؟؟ شوق : شوف قدامك لا ت........ وما أمداها تكمل كلامها ، شهقت وهي تشوف فهد يصدم بأحد .. كانت بنت يفووووح منها العطر ووالميك أب كامل مع اللثمة ... البنت بدللللع ونعوومة بالغة : اوووه اش هذا ... سوووري ماشف......... فهد عدل الولد بيده وهو يضحك له وكمل طريقه وكأن البنت جدار ... تدرون شوق بهاللحظة كبر بعينها .. لحقته وهي ميتة ضحك لدرجة البنت سمعت ضحكها ... البنت : اش هالوقاحة !!...

العضوة: 275918 , 6 years ago

ومازال فهد يمشي وشوق تمشي وراه وبينهم مسافة ... معقولة للان محد تنبه لضياع الولد .. شوق تعبت ووقفت عن المشي .. وفهد استمر يمشي وهو يتلفت .. ويأشر للولد بعدة أشخاص اذا كان يعرفهم ... بس ... ماحصلوا أحد ... شوي سمعت شوق صوت من وراها ينادي بقلق : فهد ... التفتت شوق للخلف ومعها التفت فهد ... شافت شاب جاي مسرع تجاوزها لما وصل لفهد الواقف ينتظره ... الشاب معصب : فهد وينك وين رحت ؟؟ الولد زعلان وعيونه تهدد بالدموع من جديد : انتوا لحتوا عني ... الشباب : ماتفهم كم مرة قلت لك خلك وراي ... شوق واقفة مكانها تراقب من بعيد .. ماحست الا بحرمة جاية تمشي وهي تتلفت بقلق وتتحرك بتوتر ... حست ان لها علاقة .. وهي تمر من قدامها نادتها : يا خالة ... وقفت الحرمة وناظرتها ..