العضوة: 275918 , 6 years ago

حب من نوع اخر الجزء 86 i نرجع عن نوف .. المترقبه بخوف .. بهالوقت كانوا جالسين بغرفة فرح مع سهى وحنان ودلال .. فرح تركتهم لأن امها نادتها ... والساعة الحين تشير ل12.30 .. وهي ميتتتة من التعب .. منسدحه على سرير فرح وتسمع لسوالف البنات .. وشوي شوي بدت عينها تسكر .. كانت تقاوم وبكل مرة تسكر عيونها تفتحهم بالغصب ..يمكن خبر الرد يوصل بأي لحظة ماتبي تنام ... لكن.. بعد دقايق... خسرت كل مقاومتها وانسدلت رموشها على عيونها بكل هدووووء . وما تدري كم الفترة اللي نامتها يوم حست بأحد يهزها بقوة . - نوف نوف نوف ..!! تحركت بتعب وهمهمت.. تحسب نفسها بغرفتها... ورجع الصوت ينادي اسمها باستمرار وبطريقة ازعجتها ... فتحت عيونها بصعوبة .. كانت حمرررا من التعب . شافت سهى وحنان فوق راسها ... قلبت عيونها بتعب بينهم ...سهى كانت ملامحها غريبة ...وحنان وجهها يلمع بالدموع ..... دموووووع ؟؟؟؟؟ فزت نوف رغم انها دايخه دايخه... فركت عيونها وبتعب : وش فيه ؟؟؟؟؟ حنان وهي تغالب عبرتها : وصلنا الرد ..!!... قبل شوي ... نوف ماعرفت .. دموع حنان .. هي دموع حزن ولا دموع شي ثاني ... حالها التعبان ماخلاها تعرف تفكر... نوف : كم الساعه الحين ؟؟ سهى : 2 الا ربع ... نوف : 2 ؟؟؟؟؟؟؟؟... يعني نامت اكثر من ساعة ... نوف بخوف : وصلت التقارير ؟؟؟؟ سهى ابتسمت ودموعها تلمع : ايه... حنان والعبرة بصوتها : .......يقوولوون فيه امل ؟؟..... تصدقين ؟؟ نوف تلعثمت وهي مو مصدقه : ي... يعني .... يعني شلون ؟ سهى ابتسمت بفرح : يعني بيسافر ... وان شالله كل خييييير. نوف فهت وهي تسمع ... حقيقة او خيال ... واقع او حلم ..؟؟؟...... تدافعت كل الكلمات في ذهنها.. تبي تقول شي لكن وقتها صابها الشلل بلسانها حنان بتردد وشي من الخوف : ... بس.......... نوف بخوف : ب .....بس ايش؟ حنان : بس ...... فيه احتمال النجاح والفشل تعدلت نوف بجلستها ونزلت رجليها عن السرير والنوم كله طار ... فيه امل ؟؟؟؟.... فيه امل تسمعوووووووون!!! وهي مو قادره تشيل نفسها : وفرح ودلال وينهم ؟؟؟ حنان والفررررحة بعيونها : توه ابوي منادينا قبل شوي .. طلعنا نشوف وش السالفة ...وقال لنا .....على طوول جينا انا وسهى نقووووولك ... فرح ودلال عند امي وابوي برا .

العضوة: 275918 , 6 years ago

وقفت نوف وطلعت من الغرفة بلهفه ، وراحت للصالة العلوية .. شافت عمها ضام كفوفه لوجهه .. ويمسح عليه ويرفع عيونه للسما ويحمد ربه .. وام بدر بحضن بنتها فرح تصيح وفرح تصيح معها .. ودلال جنبهم ماسكه يد امها وتقطر دموووع ... نوف وقفت مكانها وهي تشوف منظرهم... ترتجف ... تنتفض ...وش كثر أثر فيها هالمنظر...غلاة بدر واضحة وحبهم له أكبر من الوصف ... كيف هي ماحبته الا متأخرة... ليش ما حست انه غالي الا متأخرة... كانوا بيخسرونه والسبب الأكبر كان هي ...كانت سبب في همومه الكبيرة اللي أثرت عليه بشكل كبير....أنا اسفة سامحووووني ... سامحني يا بدر ... سامحني ارجوووك... بهالوقت بالضبط .. هناك بعيد بعيد .. عند بدر .. الحبيب اليائس.. النوووم مجافيه والتعب مصاحبه.. والراحه معاندته.. فعلا حالته المؤلمة الهموم النفسية بتقضي عليييه خلاص معد هو قادر يتحمل اكثر... واقترراح سلمان انه يمتحن نوف ملكت كل عقله مع انه رافضها ... بس هذي نوف !... تعرفون وش معنى انها نوف !... هذي قلبه وروحه وكله ... ما يقدر ينساها لو مهما سوت فيه.. مهما طعنته مهما قست مهما جفت ... تظل نوف.. قلبه اللي ينبض ! من حسن حظه ان سلمان قرر يبات عنده هالليلة ، ولا كان الوحشة والوحدة بتقتله.. قام جالس بكل تعب.. وبصوووت ثقيل تعبان نادى سلمان .. النايم بالسرير الثاني قريب منه بدر : سلمانوووو قوم .. سلمان : .............. بدر : سلمان .. حس بسلمان يتحرك بضيق : هاه بدور تكفى خلني انام .. بدر : قم أبيك .. سلمان وهو يغطي راسه باللحاف : شعندك ؟؟ بدر بضيقه ما بعدها ضيقه : ياخي قوووووووووم ماتسمع ..!! رمى سلمان الغطا عنه وقام جالس وهو بينفجر : اووووووففف منك ..ها اخلص علي قل وش عندك.. بدر : نوف!

العضوة: 275918 , 6 years ago

سلمان مسك راسه ورمى بروحه عالوسادات مرة ثانية : ياررربي ارحمني .. والحل مع هذا الحين !!!!.... بدر ارحمني الله يخليك بدر والعبرة تخنقه .. مثل طفل صغير : والله .. مو بكيفي ...قلبي هذا مو بيدي .. لا تعصب عاد ! سلمان فجأة قام يضحك وهو منسدح ... وبدر استغرب بدر : سلمانوو عاد مو وقته ..!! سلمان : بدر كم عمرك ؟؟ بدر استغغغررب : عمري ؟؟ سلمان : ايه .. كم ؟؟ بدر : وش دخلك بعمري .. سلمان : انسى انسى ... قلي وش تبي ؟؟ بدر رجع يفكر بكلام سلمان عن الفكرة " المجنونة بنظره ".. وابتسم بسخرية على نفسه .. من جدي اقتنعت بهالفكرة المجنونة .. بدر : تدري عاد .. انت اللي انسى اللي بقوله لك .. رجع بيحط راسه عالوسادة بس سلمان بسرعة قام له ومسكه : لالالالالا .. لا يا حبيبي .. مصحيني بلاش... قلي وش عندك؟ بدر : ولا شي ... اصلا انا غبي يوم اني فكرت بكلامك.. سلمان ما صدددددق : والله ؟؟؟؟؟؟؟؟؟... فكرت باللي قلته لك ... اقتعنت بكلامي اخيرا ؟ تنهد بدر بحيرة .. لو عليه بيقتنع وبكل سهولة ... بس اللي شافه من نوف مو شوية ... وهالاختبار اكيد بيفشل ... ويخاف ينصدم منها للمرة المليوون .. بعدها صدق بيمووت ومارح يبقى منه حتى قلب ينبض... شلون لو خاب ظنه وظن سلمان وصار العكس ...معد هو قادر يتحمل أذية منها لو كانت بسيطة... سنين عاناها .. وكل الصبر اللي كان صابره تلاشى .. ماله قدرة .. ماعنده استعداد يتقبل جرح اكثر من الجروح اللي فيه... بدر ودمعه تتبلور في عينه الشفافه .. السودا سواد الليل : مدري سلمان ...مدري...اخ .... ابيها بكل جوارحي بس خايف منها ...خايف.... هي ما حبتني من اول عشان تحبني الحين ... ليش قاعد اتفاءل وانا عارف ردها ...هالاختبار مامنه فايدة ...ماقبلتني وانا صاحي تقبلني الحين بعاهتي وبلوتي.. سلمان هز راسه وربت على كتفه يواسيه ..لاسيما ان دموعه ماخذه مجراها على خده.. سلمان : هون عليك يا بدر .. توكل على الله وجرب .. وبعدين بالنهاية هذي بنت عمك .. اكيد ماهي دنيئة لهالدرجة ..مادامها عارفه انك تحبها وتموت عليها .. اهم شي انت لا تفقد الأمل ..لك سنين طويلة وانت تحاول تكسبها .. الحين بس بتتراجع ؟؟

العضوة: 275918 , 6 years ago

بدر : تراجعت من كثر ما شفت منها .. سلمان ابتسم وربت عليه : اذكر ربك ...وحط راسك وارقد .. والصباح رباح تقدر تكلم الوالد.. بدر : اخاف اصحى بكرة واكون شلت كل هالفكرة من بالي ..قلبي كله طعون ماني متحمل طعنة وحدة اكثر.. حط راسه عالوسادة وغمض عيونه ، اللي فقدهم ...فقد جزء من روحه ..فقد الشي اللي كان فيه يقدر يناظر كل البراءة اللي سلبت قلبه وروحه .. كل الروح الحلوة المتمثله بنووف.. سلمان بعد حط راسه وهو مبتسم .. عالأقل بدا يتقبل الفكرة ... وبكرة لازم يتخذ اول خطوة بهالاختبار عشان يرتاح ويريح نفسه .. الصبح الساعه عشر .. صحى سلمان ، والتفت لسرير بدر مالقاه !.. طلع من الغرفة ونزل يدوره .. لقاه واقف برا عند الباب وكوب قهوة ساخن يدخن بيده .. والسكووووووووون كان حاله ... كان يفكر .. واضح عليه التفكير العميق ...

العضوة: 275918 , 6 years ago

سلمان : صباح الخير ... بدر وهو يرفع الكوب ويرشف منه : صباح النور سلمان : متى صحيت ؟ بدر : من كم ساعه ! سلمان استغرب : يعني ما نمت من تكلمنا بالليل ؟؟؟ بدر : الا ... اظن كلها ساعه او ساعتين .. ما استغرقت بالنوم ...افكر بالبلوى الثانية اللي تبي تطيحني فيها انت ! ضحك سلمان : ههههههههههههه أي بلوى ... انا ابي اطيحك ببلوى !!.. الحين الحل اللي عطيتك اياه عشان ترتاح تسميه بلوى ؟ بدر : ايه بلوى .. لأن احتمال فشله كبير...وانت تعرف طبيعة مشاعر نوف ناحيتي ...مال للحب بقلبها أي مكان .. سلمان : طيب بسألك ... وش تفسر بكاها كل ماشافتك .. واعتذاراتها لك بكل مرة تكلمت فيها معها ... ماله هالشي معنى لك ؟؟؟ بدر ابتسم ابتسامة جانبية ساخرة : وش معناها ؟؟؟... تظنه حب ؟؟؟ لا حبيبي ريح بالك ... ردة فعلها طبيعية ... كاسر خاطرها أنا لدرجة ما تقدر تحبس دموعها كل ما شافتني ... سلمان : طيب ما قلت لي انت انها طلبت منك تحلف .. وتقول وش هي بالنسبة لك ؟؟؟.. وش معناه هذا ... تبي تتطمن على مكانها بقلبك .. بدر ضحك ساخر .. ضحكة مرررة بنفس الوقت : ... هذا هو الشي الوحيد اللي معورني ... هي ما تحبني ولا تبيني .. لكن من باب الغرور تبي تعرف عن مكانها بقلبي تغير او لا .. تبي تضمن اني بلحق وراها مثل اول ... بس كلامي معها كان قاطع .. صدمها .... الا بدر يا سلمان... الا بدر ... الا بدر هالانسان لايمكن يهمها بشي.. بدر قاعد يتكلم هالكلام .. والمر بنبرته .. وقاعد يجرح نفسه وهي ينطق بهالكلمات.. سلمان يحاول يوقفه : بس يا بدر هالكلام ماله داعي ... لا تفكر كثير وتوكل على ربك .. سو اللي تبيه انت ولا عليك من نوف ولا غير نوف ... اهم شي اللي تبيه إنت .. بدر بكل الألم: ماقول غير الله يعيني ..صدق خايف من النتيجة..

العضوة: 275918 , 6 years ago

سمعوا وهم واقفين صوت هرن لسيارة جاية من بعيد .. بدر حاس حواجبه وهو يسمع حس السيارة تقرب .. اما سلمان ابتسم ...وسمعه بدر يتكلم سلمان : هذي سيارة الوالد .. بدر استغرب : ابووي ؟؟؟؟؟؟ سلمان نزل الدرجات للساحة المقابلة للفلة واللي وقفت فيها السيارة .. نزل ابو بدر ووجهه منووووور والابتسامة مضويه .. والفرحة تشع منه .. ابو بدر : سلمان ؟؟.. حياك الله .. سلمان : هلا عمي .. حب راسه وصافحه وسألوا عن الأحوال .. التفت ابو بدر لبدر اللي لازال واقف مكانه بصمت .. والتجهم كله على وجهه ...

العضوة: 275918 , 6 years ago

تبدلت نظرته للحنان وقرب من ولده وصوته يشيل كل الفرحة ابو بدر : ها بدر ابوووي كيف حالك ؟ بدر ببرود : بخير ... شخبارك انت يبه ؟ ابو بدر : انا بخير دامك بخييييير يا ولدي .. ومسك يد بدر يصافحه .. لكن ما قدرت ضمه بين يدينه وهو يصيح ... بدر طاح الكوب من يده وتكسر وهو ينتفض .. بدر : عسى ما شر يبه ؟؟ وش صاير ؟؟؟ ابو بدر ابتعد وهو يمسح وجهه بكفه : ما صار شي ياولدي ماصار شي ... بدر : اجل ليش جاي ؟.. ماقلت لكم لحد يجيني هنا .. ابو بدر : مشتاق لك يابوي بعد ما يصير اجي اشوفك !.. شخبارك عساك مرتاح هنا ؟ بدر ابتعد وتراجع ودخل داخل .. وابوه وراه وسلمان ... بدر : الحمدلله .. مرتاح هنا واذا جاي تقولي ارجع البيت تراني ماني راجع .. قلت لك من قبل .. ابو بدر ضحك : هههههههههههههههه صدقني اذا عرفت الخبر اللي جايبه لك .. بترجع البيت بدر بسخرية : مافي شي بيرجعني مهما كان .. ابو بدر طالع سلمان وابتسم .. ورجع لبدر اللي كان يمرر يدينه بشعره والفررررح يطفففح بعيونه : بدر تقاريرك وصلت من اوروبا .. وقفت يدين بدر بنص راسه .. ونزلهم بترقب : وصلت ؟؟؟؟؟ قرب سلمان من عمه وهو متوترررر حده : بشر عمي تكفى ؟؟ ابو بدر وهو يأشر على نفسه من فوووق لتحت : وحالتي هذي ما تبشركم بخير ؟؟؟؟؟؟ سلمان رفع حواجبه مو مصدق وقرب من عمه وهو فاتح ثمه : يعني................ ايجابية ؟؟ ابو بدر من فرحته ضحك .. نط سلمان عليه وضمه وهم يضحكون ويتحمد ربه ... اما بدر كان واقف على بعد خطوات منهم بكل صمت ...يسمع فرحتهم وساكت... يسمع ضحكهم وساكت ... ويسمعهم يتحمدون الله ويشكرونه وساكت.. وش يقوووووول ؟؟؟... فرح وما فرح ؟؟... حزن وماحزن ؟؟... قمة التناقض من المشاعر كانت دايره داخله.. ما حس الا بسلمان يضمه بشكل مفاجئ لدرجة بغوا يطيحون مع بعض... سلمان يضحك ويبارك له وهو ساكت... سلمان : ماقلت لك ربك معك مهوب ناسيك ..ههههههههههههه الحمدلله بدر : .................. ابو بدر : بدر ! وخر سلمان عن رفيقه وقرب ابو بدر وحضن ولده من جديد .. ودموع الفرح تهل ... بس بدر كأنه صنم بين يدين ابووه ..

العضوة: 275918 , 6 years ago

سلمان لاحظ هالشي .. بس ما علق .. تراجع ابو بدر وحط يدينه على كتوف بدر وربت عليه : احمد ربك واشكره .. لكل محنة وفرج .. بدر حرك شفايفه من غير صوت .. ولا حتى حماس .. ابو بدر : قلي متى تبي تسافر .. انا رتبت كل اوراقك .. بدر نطق اخيرا : اسافر ؟؟؟؟؟؟؟؟ ابو بدر استغرب : ايه تسافر ... العملية برا مو هنا .. بدر : اسف ! ابو بدر ما فهم .. وسلمان بعد قرب من بدر مستغرب .. ابو بدر : اسف ؟؟؟؟؟ بدر : ماني مسافر ... وعملية ماني مسوي .. ابو بدر شوي وينهار من جديد : وش هالكلام يا بدر الله يصلحك ... لازم تسافر وكل هالعنا والانتظار اللي انتظرناه وبالنهاية تقول مابي اسافر !! بدر بصرامة ونبرة لا تقبل للنقاش : سفر ؟؟؟... ماني مسافر ... وانا حر .. ابو بدر : بس يا بدر........... قاطعه : اسمحلي يبه ... المشكلة مشكلتي ... ريح بالك انت ... ولا تهتم .... الهم همي وانا بتحمله.. لكن سفر وعملية ماني مسويها... ابو بدر : ليش طيب؟؟ عطني سبب وانا ابووك !... احد يجيه الفرج من باب السما ويصد عنه ...ريحني يا بدر الله يريحك .. ماني مرتاح وانت على هالحال.. بدر : يبه !.. قلت لك لا تهتم ...وانا قلت لكم من الأول لا تهتمون لأن حالتي وانا راضي فيها.. سلمان كان يسمع بصمت وهو مستغرب من هالانسان كيف يفكررررر !!... بيبط كبدي بيفقع مرارتي ...ابو بدر وانطفى كل الفرح بوجهه .. وارتخت كتوفه بخيييييبة امل : الله يصلحك ويهديك.. بخليك الحين وانا اللي ظنيت انك بتفرح ... الله يهديك ويصلحك ... الله يصلحك .. لف عنهم ومشى للباب والأحباط واضح على مشيته ..بس بدر ناداه بدر : يبه ؟ ابو بدر : ........لبيه .. بدر : من اللي عرف بالخبر..؟ ابو بدر : الكل عرف ... اهلك كلهم وخواتك وحتى بنات عمك ماناموا الليل امس يتحرون الرد ..وصلنا امس بالليل..

العضوة: 275918 , 6 years ago

سكت بدر .. ولا علق .. ولا بين حتى تراجع بقرار رفضه .. من الخيبة اللي صابت ابو بدر طلع وتركهم .. وركب سيارته وتحرك .. مع انه كان ناوي يجلس مع ولده فترة اطول .. بس اللي سمعه من رفض بدر خلا الدنيا تضيق فيه من جديد . سمعوا صوت السيارة تبتعد عن الفلة ويختفي صوتها.. وسلمان من حرررته التفت لبدر وصرخ بقهر .. سلمان : مجنوووون انت ؟؟؟... واعي باللي قلته ؟ بدر بكل برود : ايه .. سلمان : ليش طيب ليييييييش مو حرام عليك ضيقت صدر ابوك وخيبت امله ..والله لو شفت وجهه غيرت رايك وقلت ان شالله يبه .. حرام عليك وهو اللي جاي هالمشوار الطويل عشانك بالنهاية تزيد الحرة بقلبه.. مو كافيه الهم اللي فيه عشانك .. بدر مسك راسه بين يدينه وهو يجلس : سلمان الله يخليك بس ! سلمان : شكلي والله انا اللي بروح واتركك... معد صرت فاهمك مع السلامة مد يده بياخذ شماغه من الكنبة .. بس قبل لا يطلع سمع بدر بدر : تبي تعرف ليش انا رافض ؟؟؟ سلمان صدق يبي يعرررف ..رجع له بهدووء : يا ليت تقولي قبل لا اقتلك .. بدر ابتسم ابتسامة خفيفة بشوية ألم .. لكن بسرعه اختفت .. ورفع راسه من يدينه : ابي خبر رفضي يوصل لنوف !! سلمان احتار : ونوف وش دخلها ؟؟؟ بدر : ابيها تقطع أي امل اني اتعالج ...ابي اشوف ترضى فيني مثل ما انا او لا ... سلمان فتح عيونه وفمه .. ماطرى على باله مثل هالطاري ابد ... يعني بدر بدا يصير جاد انه يمتحن نوف .. بدا يتقبل الفكرة أكثر من أول.. سلمان : ... هذا اللي في بالك ؟؟ بدر بألم : ايه ... مع اني حاس بنطعن منها ... سلمان : يعني راضي تسافر .. بدر : هالشي يعتمد على نوف ...!! سلمان احتار : ونوف بعد وش دخلها ؟؟ بدر تنهد : بعدين بتعرف ..

العضوة: 275918 , 6 years ago

نررروح لأحمد .. اللي ضايع مابين مشاعره ومابين حيرته .. احساسه بالذنب ناحية ندى يزيد بكل لحظة وبكل نظرة يتبادلونها .. كيف يفهمها كيف يبرر لها ... يعترف كان غبي وما كان معطيها أي بال في الماضي ولا أي اهتمام لتصرفاتها الغريبة ناحيته .. حاس بالعجز الفضيع .. بالضعف .. عمره ماحس بمثل هالاشياء .. كان يعتقد دايم انه يعرف يتصرف تجاه أي مشكلة تواجهه ... بس هذي ندى !! ندى ! اكتشف انها تعني له من زمان رغم التأخير .. كان دايم يهتم لها بس الحين عرف ان هالاهتمام ناحيتها من اول ، هو حب دفين ما تحرك داخله الا متأخرررررر جدا .. ويتمنى ان الأوان ما فات .. صار يسهر الليل ما ينام صابه أرق عمره ما صابه من قبل .. من اول يوم خطبة وهو ما يقدر يرتاح.. وخصوصا وهو يشوف تصرفات ندى ناحيته تدل على الرفض الصرييييييح .. صار يتوقع كلمة الرفض خلال يومين ... واه وش كثر تعبه التفكير .. حتى الهالات السودا بانت تحت عيونه من القللللق والخوف من الرفض .. لأنه اكتشف انه يبي هالبنت .. يبيها . اليوم دق عليه فهد وعزمه عالغدا .. بس لأنه متوتر وتعبان من قل النوم خلال اليومين اللي راحت ..ماكان له نفس بأي شي ... بس طلال دق عليه تلفون يبيه .. وطلب يشوفه .. وأصرر عليه فاضطر يطلع بسيارته ومر عليه .. وكان الوقت قريب الظهر.. طلال بعد ماركب السيارة : سلام يالمعرس !! احمد بألم : ....معرس ؟؟ طلال : هههههههههههه هونها وتهوون ... احمد : ماظن تهون اكثر من كذا ... ( ابتسم باحباط) ماظن فيه لا عرس ولا معرس ... شرايك بس اكنسل الخطوبة .. واخبر الوالدة تدور لي بنت من بعيد .. طلال فتح عيونه متفاجئ : صادق انت ؟؟؟؟ احمد : اتكلم بجد والله .... كان يحس بإحباط ثبت كل عزيمته .. مو عارف كيف يتصرف مو عارف كيف يرضي ندى ... ما دامه عارف ان الرد هو الرفض .. ليش يكمل؟ يكنسل كل شي حتى يوفر على نفسه ارهاق الانتظار .. وواضح ان مافيه امل من ندى عالموافقة .. احمد : ايه ... بديت افكر بشكل جدي كذا ... بنت خالتي شايله علي للحين .. مع اني والله العظيم اني ماقصدت اسبب لها كل اللي سببته ... حتى انا ياطلال والله دايم اسأل نفسي كيف ماحسيت فيها ولو مجرد احساس .. تعبت وانا افكر فيها ومابي اتعب اكثر لما اكتشف انها لازالت زعلانه برفضها ... انت تقول انها للحين تحبني بس ماظن هاللي بديته يكمل .....

العضوة: 275918 , 6 years ago

غمض عيونه ورماها عالمسند .. وطلال يطالع رفيقه بنظرات عطف ... غريبة على احمد يكون بهالحال عمري ما شفته كذا ... لهالدرجة هالبنت تملكته .. ابتسم : ماعليك احمد .... ( وبغموض ) تراني معك للحين لا تنسى .. احمد فتح عيونه وابتسم له : تجاملني! ... انت بعيد عن الموضوع من كل الجهات خلك بحالك ولا تشغل بالك .. طلال ابتسم له بصمت ... مادريت يا احمد انه اقرب للموضوع يمكن منك ... احمد : اقول طلوول فهد ولد خالتي طالبني اجي عنده اتغدا... وانا بعد اعزمك .. طلال : هههههههههههه يذكرني ؟؟ احمد : اكيد يذكرك سأل عنك كم مرة !! طلال : اووووكي مشينا .. تحركوا ناحية بيت ابو فهد .. وشوي التفت طلال على احمد .. طلال : احمد .. ترا انت ما سويت شي يثبت لها الشي اللي داخلك لها ... يمكن تكون خايفة من اللي صار لها يصير لها مرة ثانية .. احمد استغرب : ايه بس اول غير الحين ...اول ماكنت داري لكن الحين داري وعارف كل شي طلال : اقول يمكن ... سكت احمد شوي .. وكان مكشر حواجبه شوي ... وبعدها التفت لطلال بنظرة غريبة احمد : تراني مستغرب للحين ... فيه سالفة غريبة بالموضوع ... طلال كشر بدوره : سالفة وشو ؟؟؟ احمد : سالفتك معي انا وندى ... حاس في شي مو قادر اعرفه طلال باصطناع : معك انت وبنت خالتك !!؟... وانا وش دخلني في بنت خالتك انا لي دخل معك انت ... احمد : حاس انك تلف وتدوور !! طلال : يعني بكذب عليك يا احمد الله يهديك .. احمد : ما تكذب ... بس شي مخبيه عني الله اعلم وش هو ...!! طلال : لحووووول ... اوكي بخبي عليك شي مثل ايش ؟... ممكن تعلمني ..؟ سكت احمد وهي مغضن حواجبه .. باين عليه قاعد يفكر ..... فجأة سمع طلال طلال : احمد انا بس ابي اساعدك .. يعز علي تكون متضايق ... شوف نفسك تقل ما نمت من اسبوووع.. كل هذا عشان بنت خالتك ..؟. احمد بحزن : عمري ما كنت احب اكون بصورة مو زينة بنظرها ... لو اقوولك كيف كنت احرص على رضاها من صغرنا ... وحتى واحنا كبار .. بس ما دريت اني احبها .. الا متأخر وصلوا لبيت ابو فهد .. وقطعوا كلامهم ... نزل طلال من السيارة وهو يحلف بينه وبين نفسه انه مايقول لأحمد باللي كان بينه وبين ندى ... خوف عليهم ثنينهم .... ثنينهم يهمونه

العضوة: 275918 , 6 years ago

دق احمد على فهد ودقايق وانفتح باب البيت ، وطلع عليهم فهد مبتسم ابتسامة مافي أروع منهم .. فهد : هلا والله ... اول ماشافه احمد ابتسم : ههههههه هلا بالمعرس ... اعنبوك اكبر منك وبتعرس قبلي .. فهد قرب منه وسلم عليه : هههههههههههه اخوك مو قادر يصبر .. وبعدين انت وش هالتقليييد على طول ماعندك وقت .. احمد : ههههههههههه شفت شلون ما هدا لي بال من غير لا ألحق وراك .. تعرس إنت وانا لا ! ما يصير .. فهد : ههههههههههه هلا طلال .. طلال ابتسم عليهم وعلى شكلهم المضحك : ههههه هلا بك ... فهد : كيف الحال من زمان عنك ؟ طلال : الحمدلله بخير سلمك الله فهد : تفضلوووووووا ... احمد : ههههههههه ما ينفع عليك معرس على فكرة .. فهد وهو داخل التفت له : هههههه انقلع انت ووجهك .. دخل احمد المجلس وهو يضحك .. وكم غيرت الضحكة ملامح وجهه لأحلى .. وخفف من التعب اللي بادي عليه ... ندى اللي كانت تشتغل بالمطبخ هي وشوق ، بعد ماعرفوا ان فيه احد بيجي لفهد بالمجلس يتغدا معه .. بس من غير ما يعرفوون مين هو !!؟ ندى من الاحباط اللي صايبها حطت حرتها بالشغل لدرجة شوق نفسها استغربت من حماسها المبالغ فيه وذرابتها الزايدة عن اللزوم وعن غير المعتاد ... وعن المعروف عنها .. كل دقيقة تمر تحس باحباط وخيبة ... لأنها اكتشفت انها قاعدة تخون نفسها بنفسها .. مشاعرها قاعده تخونها ... أحمد ما زال يعني لها ويعني لها الكثير ... بس غطت نفسها بغطاء من البرود وافتعال النسيان ... ليش انا ضعيفة لهالدرجة .. ماقدرت انسى انسان عذبني معه ببروده وعدم اهتمامه فيني ... ليش انا ضعيفة ليش ليش ليش ؟؟؟؟؟ - ندى !

العضوة: 275918 , 6 years ago

جاها صوت حنون قريب منها .. كانت شوق واقفة قريب منها وتناظر وجهها بقلق .. لأن ندى كانت ماسكة صينية " الباشاميل " ودمعه نزلت منها وطاحت بالأرض من غير لا تدري .. رفعت وجهها لشوق وابتسمت تطمنها : لا لا .. مافيني شي .. وابتعدت عنها بسرعه ، وطلعت من المطبخ تودي الصينية ... وقفت في الصالة شوي وحطت الصينية على اقرب طاولة لها .. خذت لها منادليل تمسح فيها دموعها ... كيف تنساه وهي حبته بكللللللللل صدق الدنيا ... خلاص يا ندى خلاص ... مهما كنتي تبينه .. قدركم مو مع بعض !! مدت يدها تاخذ الصينية من جديد ومشت خطوتين الا فهد طالع بوجهها . ابتسمت على خفيف وهي تعطيها اياه حتى تخفي كل شي غريب بملامحها .. ورجعت للمطبخ .. بس هالمرة جلست هناك عالكرسي واحباطها يزيد ويزيد ...... بكرة خلاص بيكون ردها النهائي وهي للحين مو مستقرة .. لا نفسيا ولا عاطفيا ... بعد فترة دخلت امها المطبخ لقت ندى جالسه لحالها وشوق قد طلعت ... شافتها سرحانه وابتسمت ام فهد : ندى .... ندى رفعت عينها بانتباه : همممم هلا يمه ..سمي ام فهد : احمد ولد خالتك جا ؟؟؟؟؟؟؟؟ ندى استغررربت ... لا يكون هو اللي بالمجلس : ......احمد ؟؟؟؟ ام فهد : ايه ... اخوك قالي ان احمد بيجي يتغدا عنده .. ندى صارت تتلعثم لسبب غير واضح بالنسبة لها : م... مدري .... انا مادريت انه احمد ... ماقالي فهد منهو !!؟... بس اظنه قال انه اثنين مو واحد .. ام فهد : زين قلتي لي .. على بالي احمد بس .. ( ابتسمت ) ... الله يتمم هالنصيب والله هالولد مدري وش اقول عنه ... وابتسمت لبنتها بحنان وطلعت ... اما ندى نكست راسها مرة ثانية ... وكلام نجلاء لها اخر مرة يرجع لها بالحرف الواحد مثل شريط مسجل ..!! انا ما اقدر اخذ واحد خذاني لمجرد مشاعر شفقة واحساس بالذنب ... حتى اني ما شفت منه شي واحد يثبت لي .. أو عالاقل يطمني انه........ انه ...........انه........... يحبني !!

العضوة: 275918 , 6 years ago

حب من نوع اخر الجزء 87 i بعد فترة دخلت امها المطبخ لقت ندى جالسه لحالها وشوق قد طلعت ... شافتها سرحانه وابتسمت ام فهد : ندى .... ندى رفعت عينها بانتباه : همممم هلا يمه ..سمي ام فهد : احمد ولد خالتك جا ؟؟؟؟؟؟؟؟ ندى استغررربت ... لا يكون هو اللي بالمجلس : ......احمد ؟؟؟؟ ام فهد : ايه ... اخوك قالي ان احمد بيجي يتغدا عنده .. ندى صارت تتلعثم لسبب غير واضح بالنسبة لها : م... مدري .... انا مادريت انه احمد ... ماقالي فهد منهو !!؟... بس اظنه قال انه اثنين مو واحد .. ام فهد : زين قلتي لي .. على بالي احمد بس .. ( ابتسمت ) ... الله يتمم هالنصيب والله هالولد مدري وش اقول عنه ... وابتسمت لبنتها بحنان وطلعت ... اما ندى نكست راسها مرة ثانية ... وكلام نجلاء لها اخر مرة يرجع لها بالحرف الواحد مثل شريط مسجل ..!! انا ما اقدر اخذ واحد خذاني لمجرد مشاعر شفقة واحساس بالذنب ... حتى اني ما شفت منه شي واحد يثبت لي .. أو عالاقل يطمني انه........ انه ...........انه........... يحبني !! بعد الغدا .. والضحك اللي ضحكه احمد مع فهد وطلال والتعليقات بينهم .. قدر يتناسى ولو شوي الضياع اللي كان عايشه .. والتوتر وعقدة الذنب اللي ملاحقته .. بس تفكيره بالتراجع وفكرة فسخ الخطوبة لازالت تلح داخله ..ما يدري يمكن لأنه بدا يعتقد انه ماله حق يقدم على هالخطوة مب بعد كل اللي صار، يمكن تسمونه جبن منه !..بس هو شاف من ندى اشياء خلته يتيقن وش بتكون حقيقة الرد ..!!..وخوفه من كلمة " لا "..خلته يفكر بجدية انه هو اللي ينسحب ولا ينجرح من انسانة على وشك انه ترفض ... هالفكرة خلال دقايق وجيزة تملكت كل عقله .. ومرة وحدة ولأنه خايف من نوايا ندى .. وعارف قصدها من تأخرها عليه .. قرر اول ما يرجع البيت يكلم الوالدة تفسخ الخطبة ... ويكتب نهاية حبه مع ندى اللي للأسف اكتشفه متأخر .. ومتأخر جدا .. بتنكتب النهاية بكل حزن وكابة .. بحبر بالغ السواد . فهد كان طالع عنهم يجيب الشاهي ... واحمد جالس وحال وجهه وملامحه الكئيبة تحكي عن افكاره .. طلال لاحظ وجه رفيقه .. واستغرب الضحكة اللي كان عليه قبل دقايق انقلبت واختفت وجا مكانها حزن غريب ... خاف طلال لا يكووون يفكر باللي قاله صدق ؟!!! طلال : احمد !.. احمد بملل : هلا..

العضوة: 275918 , 6 years ago

حاول طلال يحمسه : اقول شرايك تروح لخالتك وتستعجلها بالرد !! رد بضيق : من صدقك انت اروح لها واقولها خلصونا وردوا ... وش بتقول عني مطفوووووق !! طلال : هههههههههههه خل بنت خالتك تحس انك بديت تمل .. وانت ما شالله مو غريب عنها تعرفك وتعرفها ماله داعي كل هالوقت . احمد وهو يبتسم بحزن : يعني ماتدري ... حركة مقصودة منها هالتأخير... فاهمها انا .. طلال : وش قصدك ؟؟ احمد : يعني ما فهمت ... ندى بس تبي توترلي اعصابي ... لكن تدري ...انا اللي بقطع هالتوتر بنفسي وبوفر عليها كل التعب ... انا اللي بفسخ هالخطبة وأوفر عليها وعلى نفسي.. وقام واقف بدخلة فهد وهو شايل صينية الشاهي .. فهد : على وييييين ناوي ؟؟.. اقول انثبر وانطق مكانك .. احمد : ههههه تذكرت شغله لازم اسويها فهد : علينا !!... هههههههه اشرب لك لو بياله وبعدها رح للي تبيه .. احمد : لالا ... ههههه ضروري يا فهد والله .. فهد حط الصينية عالطاولة وقرب من ولد خالته وهو يتأمل بوجهه : شفيك حمود .. تعبان ؟؟ احمد : تقدر تقول .. يالله سلام طلع من المجلس بسرعة ..خلا طلال يناديه ويلحق وراه طلال : تععال يالأخو ... ناسي اني جاي وياك ... فهد : ههههههههههههههههه لا تخاف ماني ماكلك .. ما أعض تراني .. اجلس وبوصلك للي تبيه طلال وهو طالع التفت وراه : ههههههههههههههههه تسلم .. وطلع ورا احمد ... : حموووووود !!