العضوة: 275918 , 6 years ago

تتمنين شي بلحظة أو تخيلتيه يصير لك ،.. وانتي عارفه انه مستحيل يصير… لكنه فجأة يصير… هذا هو شعوري نوف حست بالغباء : تتكلمين طلاسم… وش تتكلمين عنه ؟؟ سهى ضحكت : ههههههههههههه .. بروح أجيب لي عصير تبين.. نوف حست بالفضول : قبل لا تروحين علميني وش عندك؟؟؟ سهى وهي تقوم واقفة بنشاط : دقايق وبقولك.. انا عطشانة ودك شي؟؟… نوف : أي شي… عشر دقايق ورجعت سهى وهي تدندن بسعادة غريبة ،، وبيديها كاسين عصير.. عطت نوف واحد ، وراحت تفتح التلفزيون، ونوف تنتظرها تتكلم : سهى ..! لفت سهى وهي تبتسم .وتقوول: وش شعورك وانتي متزوجة الحين ؟؟؟؟ نوف استغربت هالسؤال المفاجئ : شعوري ؟؟… والله وولد عمك مادري وين رايح .. أظن شعوري أقل من الفرح ابتسمت سهى : مصيره بيرجع.. ما قالك انه راح لشغل.. خلاص بيرجع .. نوف : طيب خلك من بدر الحين ؟.. انتي مو على عادتك اليوم.. في وجهك سالفة تبين تقولينها.. تنهدت سهى ورجعت للكنبة .. : تعرفين سلمان ؟؟؟ نوف : …سلمان ؟؟؟؟ سهى : ..رفيق بدر… نوف : اها… ذا اللي ما يفارق بدر ابد… دوم معه مثل ظله سهى : ههههههههههههه ايه … كلم ابوي ليلة ملكتك مع بدر … وخطب اختك نوف فهت : اختي ؟؟؟؟؟……( سكتت تبي تستوعب مين هالأخت ).. ( وبمفاجأة ).. إنتي؟؟؟؟؟؟؟؟؟؟؟؟؟ ضحكت سهى على ردة فعل اختها : ههههههههههههه ايه .. أنا … من غيري يعني .. نوف : من جدك ولا مزحة ؟ سهى : وش اللي يخليني أمزح بالله … ؟.. مو مصدقة ؟؟ نوف : لا بس وش جاب سلمان لك… وليش مختارك انتي ؟ سهى بغرور وثقة : عاجبته ومختارني … مثل ماهو عاجبني…! نوف استغربت من هالاعتراف اللي أول مرة تسمعه : ..عاجبك .. من متى وليش ما قلتي لي عنه انه عاجبك… وشلون عجبتيه وانتي ما تعرفينه ولاهو يعرفك…

العضوة: 275918 , 6 years ago

سهى وهي تقوم وتتنهد : … يقوولوون الحب من أول نظرة ! نوف بسخرية : شوفي ترا انا من الناس اللي ما يصدقون هالكلام .. قال ايش حب من أول نظرة..! تعالي اعترفي متى شفتيه واعجبك ومتى شافك واعجبتيه… سهى : ههههههههههههه شوي شوي … بس اتريق عليك… كل السالفة اني من شفته أول مرة وهو معجبني .. أحسه رجال مسؤول ومعتمد على نفسه وأخلاق .. وغير كذا واثق من نفسه .. نوف : وهو ؟؟ سهى : شفيه ؟؟ نوف : صار مرة وشافك ؟؟ سهى بحرج ظهر على وجهها .. بس ضحكت من ذكرى اللقاء الأول : هههههههههه تقدرين تقولين .. نوف ابتسمت على ملامح اختها ودها تضحك على شكلها بس مسكت نفسها .. لا يجيها شي على راسها : … وش قلتي لأبوي ؟؟ سهى : عطاني فترة مهلة … وانا بيني وبينك موافقة ..ما يتعوض هالرجال ومابي أخسره .. نوف ضحكت هاللحظة : هههههههههههههه كنك متعلقة فيه .. سهى : من حقي .. أقولك ما يتعوض ،ومو حرام يروح لغيري؟! ..طبعا مابي أخسره … نوف : هههههههههههههه تدرين عاد ..أحسه لايق لك ....ومتى ان شالله بيتم كل شي؟ سهى : قالي ابوي ان سلمان كلمه مبدأي لين يرجع من سفره مع بدر .. واذا رجع بيشوف الرد.. وعليها يا يتم كل شي ويصير رسمي،، أو لا….

العضوة: 275918 , 6 years ago

نوف سكتت لحظة .. وبعدها غرقت بالضحك من حالهم الغريب… سهى ما فهمت سر هالضحك العميق .. سهى : شفيك يا هبله ؟؟؟ نوف : هههههههههه اضحك على حالنا… سهى : شفينا !!... نوف : أنا وياك بحالة انتظار… لاثنين مسافرين ماندري متى بيرجعون … حالي وحالك وحدة … سهى قاطعتها بابتسامة : لا مو وحدة انا خطيبته … لكن انتي زوجة بدر…فيه فرق " زوجة بدر " .. محى كل اثار الضحك على وجه نوف .. وبضيق : على الأقل انتي تقدرين تتخلصين من حالة هالانتظار انك تنهين كل شي… لكن أنا خلاص انربطت في بدر مافي أي تراجع… وكل اللي أقدر اسويه اني أنتظر… شهور على قوله !!! سهى : يعني انتي لهالدرجة تبينه يرجع!!!! نوف بضيق : مادام مافي زواج ليش بيتركني كل هالمدة!!!.... ياخذني لبيته وننتهي من هالتعذيب البطئ … لو في زواج كان اقول أهون.. أسلي نفسي بالتجهيز للزواج ل وقت مايرجع … لكن اذا مافي شي من هالسوالف كل اللي اقدر اسويه انتظر.. الانتظار اصعب وكل اللي اقدر اسويه افكر وش ممكن يصير اكثر بعدين .. سهى ابتسمت : هونيها وتهوون… وخلي أمرك على ربك وكل شي بيهون ان شالله .. بهاللحظة.. راحت عيونهم للباب بعد ما سمعوا صوت المفاتيح من وراه .. عرفوا انه أحمد قبل لا يدخل عليهم .. طل عليهم وهو يدخل المفاتيح بجيبه .. وابتسم على وجودهم بالصالة.. وابتسم اكثر يوم شاف نوف معبسة …

العضوة: 275918 , 6 years ago

احمد : أخبار أم عليوي ؟؟؟؟؟ سهى ضحكت : هههههههههههههههه أم عليوي بخير.. تنتظر أخبار عن أبو عليوي … نوف ما كانت تدري انهم يقصدونها : مين ابو عليوي ؟؟؟؟؟؟؟؟؟؟؟؟؟ سهى : ههههههههههههههههههههههههههههه احمد : أبو عليوي هو زوج أم عليوي … نوف : لا يا شييييييييييخ صراحة حليتها ..ذكاءك خارق !!!... ومين هي ان شالله ام عليوي ؟؟..لا يكون أنا ؟؟؟؟؟؟؟ احمد : ههههههههههههههههههههه بالضبط… نوف : ومن اللي سمح لك تسمي ولدي عليوي !!!؟؟؟؟ احمد : هههههههه لا بس لايق عليكم .. نوف : خلينا عليوي لك ولزوجتك الهبلة .. احمد : افا مين الهبلة !! نوف : ام عليوي زوجتك !! احمد : هههههههههههههه يا ويلك منها.. قاطعتهم سهى : الا بدر ورفيقه ما جا عنهم اخبار… ما اتصلوا ؟؟؟؟؟ احمد ابتسم وطالع بنوف المكشرة بنظرة حانية : لا للحين… شغلهم ماخذ وقتهم.. نوف : وش هالشغل اللي ماخذ ولد عمك !! احمد مبتسم لها : شغل لازم يسويه .. ووقت ما يخلصه بيرجع أكيد

العضوة: 275918 , 6 years ago

قامت نوف طفشانة .. لاحظ احمد هالشي على وجهها : الا تعالي… بدل هالطفش اللي انتي فيه ليش ما تستعدين وتتجهزين لين يرجع بدر من السفر .. كانت نوف بتروح ، بس وقفت : أتجهز ؟؟….. (بطفش ) ولد عمك شكله مطوول ماله داعي اتجهز من الحين.. اذا كلمني وحدد موعد رجوعه ذيك الساعة بتجهز… وهي رايحة قامت تتحلطم بصوت مسموع : لو كان راجع للمزرعة الكريهة أهون من ذا السفرة اللي ما أدري من وين طلعت !!! احمد سمعها وابتسم : يعني لو كان راجع للمزرعة .. عادي ؟؟ نوف بضيق : حتى هالمزرعة قمت اكره طاريها .. كرهتها وكرهت أيامها اللي كنت فيها هناك احمد : افا… ليش كل ذا !!!!! طلعت نوف فوق من غير لا ترد عليه .. وش تقوله.. ذا المزرعة صارت تعتبرها مكان كريه بالنسبة لها عقب كل اللي صار… من حادث بدر… لقراره اللي قرر فيه انه يترك البيت ويروح هناك بعيد عن الناس كلها….!! صارت أكره بقعة في الوجود بالنسبة لها. ××××××××××××××

العضوة: 275918 , 6 years ago

في الشرقية.. كان الغدا محطوط على السفرة ولأن مشعل ماكان موجود هالوقت معهم ..اضطرت شوق تنزل تتغدا بطلب من خالتها.. دخلت الصالة لقت ايمان وهديل لحالهم جالسين حول السفرة .. ابتسمت ايمان يوم لاحظت وجهها المتحسن عن الأيام اللي راحت... يمكن قدوووم فهد وكلامه ريحها شوي أو عالأقل خفف عنها الحيرة والأسئلة اللي كانت عايشتها ردت لها شوق الابتسامة ..بابتسامة هادية ..وجلست مكانها من غير لا تقول كلمة .. أول ما جلست رفعت عينها للباب وكأنها خايفة لا يطل مشعل عليهم ،،..وخصوصا عقب اخر كلمات قالها لها… ماكانت تتمنى هالمشكلة توصله ..كانت تحاول تخليها بينها وبين نفسها.. رغم انها فكرت تصارح خالتها عقب ما يأست انها تاخذ القرار السليم من نفسها .. هديل لاحظت توترها وهمست لها : قلت لك مشعل مو موجود ومارح يجي الحين.. روقي وكلي ما صدقنا تنزلين .. شوق بتوتر :… صاير عصبي مرة وصرت أشك انه شاف فهد يوم جا … وانا اللي ما صدقت ان الامور كانت هادية بينهم .. الحين ترجع تثور وعشان مين .. عشاني !!.. ( بضيق وهم وسخرية على نفسها ) .. مادريت اني مهمة لهالدرجة..!!! هديل اللي كانت كاتمة كلام مشعل الأخير.. وما قالته لشوق عشان ما تضايقها أكثر : ما عليك منه .. ما شافه ولا شي… لا تشيلين همه..!!

العضوة: 275918 , 6 years ago

شوق بهمس وهي تطالع خالتها الغير منتبهه لهم : وشلون ما أشيل همه .. أنا غلطت يوم جيت حسيت اني رشيت الملح عالجرح .. جبت الضيق له ولنفسي.. هديل : عن الكلام الفاضي اقوول لا بالملعقة على راسك.. مشعل يعصب اليوم يهدى بكرة .. وصلهم صوت ايمان : اشوفكم تتساسرون من ساعة !!... الغدا برد ليش ما تاكلون… ( طالعت شوق ) .. شفيك شوق .. وشفيه مشعل ؟؟؟؟ شوق توترت : مافي شي خالتي .. بس هديل كانت تسولف .. ايمان :اسمع اسم مشعل ؟؟ شفيكم ؟؟ هديل هي الثانية توترت.. تقول لأمها عن مشعل وتنتهي أو تنتظر .. طالعت شوق اللي بدت تاكل بصمت.. أخاف تجيني تهزيئة منها. هديل : لا يمه مافي شي.. بس شوق تسأل عنه ليش ما جا يتغدى !! طالعتها شووق بنظرة نارية من هالجواب .. ودها تزنطها ما تعرف تقول كلمتين صح على بعضهم.. الحين خالتي بتحسبني مهتمة... ردت بسرعة : لا خالتي مو كذا!!... هديل هي........ ايمان قاطعتها : .. خلاص... كل وحدة فيكم الحين بترد عالثانية وتسوونها مشكلة ... هديل همست لها : هذا جزاتي اللي بغطي عليك !!..

العضوة: 275918 , 6 years ago

شوق : مشكلتك تبين تكحلينها تعمينها .. سكتت هديل معترفة ... احيانا تبي تحل أي مشكلة لكن بدل لا تحلها تزيدها بلة.. هديل : وش ذنبي اذا كانت نيتي أحل المشكلة .. شوق : عارفه نياتك لكن لسانك ذا هو اللي بيوديك بداهية.. هديل : وش اسوي يعني أقصه !!.. ايمان من جديد: الحين شفيكم ليش ما تتغدون..؟.. سكتووووا ورجعوا للصمت...وهديييل بدت تفكر وخايفة من قرار شوق... اللي كانت عايشة في حيرة ودوامة .. عقب اخر لقا بينها وبين فهد.. وهي ما تدري وين ترسي !!!

العضوة: 275918 , 6 years ago

-------------------- في الجامعة .. الضحك والسوالف والأصوات العالية هناك بهذاك المكان المعتاد .. يضحكون على حفلة الليلة الفايتة ويعلقون على بعض باللي صار ليلة أمس .. هالمرة كانت شذى معهم تضحك... كانت متطمنة لأن فهد لما الحين ما طلب منها شي ،،، كان اخر اتصال منه قبل يومين!!... يوم اتصل يطلب منها تشرح له كل شي ..!! ( طالعت مها المبتسمة ) .. وابتسمت عليها في سرها .. ،، قالت له كل شي خوف منه وحرص على نفسها لا يصير لها شي منه .. شاركت كل البنات الموجودين الضحك .. خلال الصخب والسوالف كانت رانيا مختفية غير موجودة معهم ! أريج : الحفلة الجاية عندي.. وأوعدكم انظم حفلة أحلى من حفلة مروى مروى بغرور : يمديك اصلا... كل البنات يقولون أحلى حفلة سويناها كانت حفلة أمس ..!!

العضوة: 275918 , 6 years ago

شذى : ولا تطاقون .. أنا اللي بسوي حفلة أحلى من الكل اريج : جتنا عاد الدلوعة... انتي خلك دايم ضيفة شرف ما نبي حفلاتك شذى : اريجوووه كني ما عجبتك.. ترا أنا ام الذوق بالحفلات اريج : لا من قال... بس ما نبي تعبك يا عمري شذى : مو لايق عليك التميلح ترا .. اريج : هههههههههههه مو لايق عليك الدلع الزايد شذى ترمش بغرور : غصب عليك.. مروى : وينها رانيا !!؟؟... اريج وهي تشوف الحلقة الكبيرة اللي جالسين فيها :.. ما شفتها ؟؟.. ماجت للحين؟؟

العضوة: 275918 , 6 years ago

شذى : حتى انا ما شفتها ؟ وينها أحد منكم شافها؟؟ رهف من الجهة المقابلة للحلقة : .. كانت معي اليوم بالمحاضرة .. مروى وهي تقوم : بروح اشوف وينها ( وتاخذ جوالها ) .. بشوف وش سالفتها ذي مب طبيعية من ايام !!! راحت مروى عنهم واريج بدت تسترجع ليلة أمس يوم ماكانوا بالحفلة... رانيا كانت غير طبيعية معهم .. تراقب بحذر والجوال كان بيدها وكل ما يسألونها ترتبك !! تذكرت وش صار أمس ...

العضوة: 275918 , 6 years ago

وهذي كانت الأحداث ! في بيت مروى.. كانت موسيقى الدي جي صاخبة والصالة تعج في بنات الشلة اللي كانوا أكثر من 10 بنات.. وكل وحدة لابسة لبس فاصخ يعني ماخذين راحتهم بزيادة... أريج كانت لابسة تنورة قصيرة فوق الركبة وبلوزة مفتوحة من ورا وربط حول الرقبة .. وشذى تشابهها في اللبس .. تنورة جينز قصيرة وتوب سيور... مروى كانت لابسة شوورت جينز وبلوزة كاشفة للبطن .. وعلى هذا النحووو،، كل الحاضرين مثل هالستايل... أما مها اللي كانت اخر الحاضرين.. وبعد جدال واسع مع أمها اللي كانت رافضة انها تحضر في البداية،... لكن مها عاندت واقنعتها الا تبي تروح ! حضرت وهي لابسة بنطلون برموودا جينز مع توب وفوقه جاكيت جينز مع نفس الطقم.. وهذا أقصى شي قدرت تلبسه .. لكن البنات أقنعوها تفلها ... وبالأخير خلعت الجاكيت الجينز وظلت بتوب ... اريج : وينها بدور ليش ما جت ؟؟؟ مها : ما ادري عنها .. ما كلمتني .. اتصلت فيها بس ما ردت! بهالوقت رانيا كانت واقفة بعيد لحالها وبيدها كاس العصير ،.. ما شاركتهم أي شي بهالحفلة .. وكل وقتها تراقبهم بحذر وكأنها مجبوورة تسوي اللي تسويه .. رقص وغنى وصراخ،،،... وكل وحدة منهم خذت لها رفيقة ترقص معها ،،.. ماكانوا حاسين باللي حواليهم ، وماكانوا حاسين بعدسة الكاميرا اللي تراقبهم وتراقب حركاتهم..! مرة العدسة على اريج وشذى اللي كانوا مع بعض... ومرة ثانية على مها ومروى ... وعلى البقية بالتوالي... وطول ما كانت رانيا تراقبهم كانت يدها ترتجف.. لكن مالها حيلة .. كل هذا عشان تنقذ نفسها ..!! لما قربت الحفلة تنتهي .. قربت أريج وشذى من رانيا اللي كانت بهالوقت جالسة عالكنبة وسرحانة..وجهها اسود وحالها غريب اريج : شفيك رانيا.. مو على بعضك ليش ما رقصتي ؟؟؟ رانيا باختناق : قايله لكم تعبانة من يومين وش تبون مني ؟؟.. ياناس تعبانة ماتفهمون تعبانة ..!! قامت واقفة بسرعة بتهرب ،.. بس مسكت راسها وهي حاسه بدووخة !!... ركضت للحمام بسرعة ويدها على فمها .. واريج وشذى يشوفونها مستغربين !!!!!!!  حب من نوع اخر

العضوة: 275918 , 6 years ago

  حب من نوع اخر   الجزء 103 i رجعت أريج للواقع وصدت لشذى : رانيا من فترة وهي مو عاجبتني .. تقولين عندها سر وماتبي تقوله ..!! شذى من غير اهتمام : .. بكيفها ،.. تعبانة اليوم .. بكرة تطيب..!! اريج : بس انا من امس في الحفلة وقلبي ناغزني..!! شذى : لا تشيلين همها... متخانقه مع ماجد ومتضايقه.. بعد عشر دقايق جت مروى ترررركض ووجهها ما ينتفسر من اللي هي فيه ... وصلت عندهم وهي تلهث.. استندت عالطاولة بيدينها ووجهها غررريب خوف اريج ومعها شذى.. وباقي البنات.. اريج : مرووووى!!.شفيك روعتينا !..جاية تركضين شفيك!! مروى وعيونها يطفح منها الرعب والصدمة : ر...رانيا! اريج : ششفيها؟؟؟؟؟؟ مروى وهي مو عارفه ترتب كلامها : ...ورطتنا.... تقول.... بتترك الجامعة!!!! اريج انصدمت والبنات معها : ليش؟؟؟ شفيها وش صاير؟؟؟؟ مروى ودموعها بعيونها ويديها ترجف من الصدمة اللي سمعتها : روحوا كلموها شوفوها... قالت لي كلام انا مو مصدقته... رحنا فيها يا أريج رحنا فيها ... يا ويلي يا اريج يا ويلي مها انفجعت واريج طالعت شذى المصدومة وقامت واقفة : وينها ؟؟؟؟؟؟؟؟؟؟؟؟؟؟؟؟؟؟؟؟؟؟؟

العضوة: 275918 , 6 years ago

قاموا كلهم وبسرعة ركضوا ورا مروى للمكان اللي فيه رانيا.. دخلوا للمبنى وراحوا لوحدة من القاعات ، دخلت اريج وشذى وراها .. ومعهم مها اللي ضايعه ما تدري وش صاير... شافوا رانيا جالسة عالأرض ومسندة راسها عالجدار ودموعها على خدها... جلست اريج معصبة جنبها ونفخت : يالمجنونة وش مسوية انتي؟؟؟؟ فتحت رانيا عيونها وعطتها نظرة مقت.. عطت لكل البنات نفس النظرة .. نظرة كره واحتقار .. استعجبوا منها كلللهم اريج : خير وش هالنظرة !!.. شفيك رانيوه انا قايله وراك سالفة .. رانيا صاحت : وش تبون مني انتوا وش تبون ... عقب ما ضيعتوني وجريتوني معاكم جايين تسألون وش فيني .. اتركووني ابعدوا عني !! شذى : رانيوووه كلامك جديد... وش فيك وش صاير !!! انهارت رانيا وبدت تصرخ بكلام مو مفهوم من دموعها .. لدرجة راحت مروى وسكرت الباب عشان محد يسمعهم... رانيا : كله منكم .. كله منكم انتوا اللي وصلتوني لهالحد... ضيعتوووني وجريتوني هالطريق.. بس مثل ما انتوا السبب ضيعتوني .. انا بعد ضيعتكم..ضيعتكم كلكم !!!!!! اريج انفجعت من هالكلام وشذى مصنمة ومها حطت يدها على قلبها ووجهها صاير ابيض ... عطتها أريج كف حار لف وجهها للجهة الثانية.. رانيا أصلا كانت فاقدة الاحساس ، اللي صار لها أكبر من كذا بكثير... صارت تضحك بصوت عالي وبشكل جنوووني ... شذى قربت منها وهزتها وهي تصرخ : رانيووووه وش هالجنون وش قاعدة تقولين.... ..

العضوة: 275918 , 6 years ago

انقلب ضحك رانيا لبكي وصياح ونووح ... وصارت تردد بشكل مرير : انا غلطت.. أنا غلطت معه........ أنا حامل!!! تيبست يد اريج على ذراعها وجف ريقها من اللي سمعته !!..وشذى جت الصدمة على راسها قاسية .. مرووى مسكت راسها بيديها مفجوووعة من تكرار هالكلام .. رانيا : .. انا حامل من ماجد ... حامل منه... وهي تكرر هالكلمتين منهارة أريج صارت مثل الصنم حتى رمشها ما يتحرك ... الكل كان ساكت وصامت ما ينسمع غير صوت رانيا الجنوني منهار ..