العضوة: 275918 , 6 years ago

عطتها اريج كف ثاني تبي تصحيها هزتها مرة ومرتين وثلاث وهي الثانية شوي وتنجن !! اريج : عن الهبال رانيا وش صار بينك وبينه وليش؟؟.. اكيد انجنيتي قولي انك تكذبين .. مسحت رانيا دموعها بسرعة وضحكت على نفسها : هههههههه انا غبية .. غبية وعدني عقب كل ذا المدة انه يتزوجني... طلعت معه مثل كل مرة ،،.. لكن هالمرة ما كنت أدري انه ناويها علي!!.. انا غبية أمنت له نفسي مادريت من الأول انه واحد من هالذيابة !!.. اريج صارت يديها ترتجف وهي تسمع .. همست بحرررة : ح..حامل يا رانيا؟؟... حامل؟؟؟؟ رانيا والذنب ياكلها : ... ما اكتفى باللي سواه ... صور كل شي بشريط فيديو ومهددني ينشره لو...لو ما...... اريج بلعت ريقها .. وشذى مسكتها مرعوبة وهزتها : ... لو ما... وشووو؟؟؟؟؟؟؟؟؟؟؟؟ رانيا وهي تصييييييييح وتنهار أكثر من أول : صوركم كلكم عنده الحين... صور الحفلة كلها عنده..... ×××××××××××××××× دخل فهد للبيت راجع من الشغل .. دخل وشاف كل اهله جالسين بالصالة.. بدون ما يحس بنفسه وب شوووق عارم عيونه صارت تتخيل طيف شوق جالس معهم وهي ناظره بابتسامة عذبة مثل عادتها الأخيرة ... تخيلها جالسه بينهم بعيونها كل الحب.. لكن،، مكانها فارغ الحين محد قادر يملاه غيرها ... قرب منهم وطيفها ما فارقه ،.. ابتسم وهو يشوف نظرات ندى ونجلاء له... واستغربوا وهم يشوفونه مبتسم... يبي يريحم بابتسامة ويطمنهم ان شوق ان شالله راجعه.. راجعه ولا يمكن يخليها تروح منه.. متمسك فيها لاخر رمق بالحياة !!.. ندى : وأخيرا شفناك مبتسم !!... طمنتنا ياخي !! فهد : وانتي اصلا من وشو خايفة !! ندى : ياخي ما دامك رحت للشرقية ليش ما جبتها معك هاه!؟ فهد : قلت أخليها عند خالتها كم يوم قبل لا ترتبط معي نهائي.. بعدها مهيب قادرة تروح هناك وتجي على كيفها.. ندى : .. ايه والله صادق !.. تجلس هناك لما تشبع عشان بعدين ما يصير له عذر تروح ... بترتبط فيك بعد من اللي بيوديها ويجيبها

العضوة: 275918 , 6 years ago

فهد فهمها وعشان يقهرها : .. انا اللي بوديها.... عيوني لها ندى بنظرة : انت بالموت ترضى توديني مشوار واحد... فهد ضحك يسخر منها بعمد : .. وش جاب ل جاب ؟؟ ندى بنارية : وش قصدك؟؟؟ فهد : ما دريتي وشو الفرق بين .. الأرض والسما ( وهو يأشر فوق وتحت )والمسافة بينهم ... هذا فرقك عنها ندى احتررقت وشبت : فهييييييدان لا تقهرررررني... عندي زوج ترا يسواك ويسوى رومنسيتك المعفنة .. رح تعلم منه رح تعلم الذوق والاخلاق والرومنسية.... مسكينة يا بنت عمي !! انتبهت لكلامها ولفت لقت ابوها يطالعها وهو يضحك وامها تناظرها نظرات .. تقول استححي يا بنت شوي.. أما نجلاء تسمع بصمت وهي مبتسمة على اختها ،، لكن جواها حزن .. قلق... كل فكرها عند الانسان اللي ملكها...

العضوة: 275918 , 6 years ago

يوم لاحظت ندى نظرات امها وضحك ابوها ،، حطت يدها على فمها تمسك لسانها.. لكن من شافت نظرات فهد المستفزة انفجرت فيه وكملت اللي بتقوله : رووووووح له وتعلم منه أصول الرومنسية .. روح له واسأله عني وهو بيعلمك وش هو قدري.. وش قيمتي مو مثلك يا بارد !!!! غرق بالضحك وهي طفت نارها يوم قالت اللي قالته ... جلس جنبها عالكنبة وهو يضحك .. وهمس عشان محد يسمعه : ..اجل تبيني اودي زوجتي لمطاعم وشموع و موسيقى عشان ينقال عني رومنسي ؟! ندى بصوت واطي : أجل !! وش تحسب !!... روح تعلم لك شي .. لا تاخذ البنت وانت بارد بهالشكل... البنت محتاجه لازم تفهمها .. لازم تدري انها بتظل معك باقي حياتها.. عوضها ياخي خل عنك هالبرووود .. ابتسم بنعومة لكلامها.. وهي استغربت ابتسامته الغريبة .. فهد : ان شالله يا اختي .. يا محامي الدفاع عنها !.. من عيوني بسوي لها كل اللي اقدر عليه.. ولو تبي حياتي فداها.. ابتسمت ندى : ايه خلك كذا... طلع الرومنسية اللي عندك دللها دلعها ترا ما أرضى أنا اخذ واحد رومنسي وهي لا... أبيك تكون قدها أبيك تكون الأنسب لها ،.. هي تموووت فيك وياما قالت لي انها بتقدر تغيرك ..بس انت ساعدها لا تتعبها .. اذا تبي تتعب وتبهذل احد تعبني نرفزني بس هي لا تراني ما ارضى ابتسم بلهفة داخلية وهو يسمع عنها :... لو تدرين يا ندى بس... لو تدرين ... انقلبت نظرته لحزن عميق وهو يصد عيونه لأبعد نقطة بالصالة .. ندى حنت على هالنظرة بلا شعور : ايش؟؟.. شفيك فهد ؟ فهد : نادم على كل شي.. كل شي اذيتها فيه... كنت غبي.. مو فاهم اللي يدور حولي.. ندى : .. ماله داعي هالكلام الحين... خلاص صارت لك وش تبي اكثر من كذا ! فهد : .. عاشقها يا ندى.. أنا عاشقها ... ابتسمت : ... ما كذبت يوم قالت انها بتقدر تغيرك... جابت راسك يا ولد !! ( كركرت ضحك ) ابتسم معها وقام واقف ..استأذن وترك الصالة ،،،،

العضوة: 275918 , 6 years ago

بهالوقت كانت شوق فاتحة النافذة وجالسة على كرسي عندها ، ومددة رجولها على طاولة صغيرة قدامها.. بيدها الجوال تتصفح رسايل فهد الأخيرة .. وش كثر تحس باحساسه موجودة فيها ... كل ماجت تبتسم تجيها العبرة مع كل حرف.. تضحك وتستانس ولا،،.. تبكي دمووع !!.. وهي تقرا اخر رسالة منها .. ولع نور الجوال برسالة جديدة .. فتحتها بسرعة وبلهفة وكنها عارفه المرسل : أبيك في كلمة لو هي خطا تغفر لي الزله وردتك ظامي وان عز وصلك فاقطع حبالي أحبك ذا ترى أول كلامي واخره كله ولكن وش يضر اليوم لو تدري عن احوالي وخذ ما جاز لك من هالحكي واللي تبي خله انا لا قلت ما في خاطري والله ما بالي ظلال العاشق جروحه ومن ما يتبعه ظله أمانة يا شعاع الشمس لا تغضب من ظلالي وتقدر تطوي الدرب البعيد وتقدر تفله ولكن صعب تمنع في الهوى صبري وترحالي وتقدر تغمد السيف الرهيف وتقدر تسله ولكن عند خلاق البرية علم الأجالي متى عمرك سمعت بعاشق قد مات من غله هذاك الحاسد وراعي الهوى تتلفه الأمالي حبيبي من يعزك في الهوى ما تقدر تذله ترى قربك يزيدك بالغلا وان عفتني غالي ابتسمت بحززن وهي تطالع في الحرووف ... هذا فهد ؟؟.. هذا ولد عمي ؟؟ ..غمضت عيونها وهي تضم الجوال والحرووف... تبي كل الحروف تنحفر بقلبها ما تبيها تضيع... أعيفك!!!؟؟... حاولت ... حاولت لكن ما قدرت .. ولا أبي أقدر... مابي أعوفك مابي أخسر روحي مابي اخسر الفرحة بحياتي... وانت فرحتي ! دخلت هديل اللي عرفت بكل شي صار ، بعد ما قالت لها شوق وش المشكلة من أولها لاخرها .. قفلت الجوال بهدوء والتفتت تبتسم بهدوء وحزن تشوف وش عندها : هلا هديل !! هديل : شفيك مبتسمة !!.. شوق : أبد... حرام ابتسم .. هديل : لا والله يختي بالعكس ابتسمي... احد قال لا تبتسمين شوق ضحكت ضحكة خفيفة : طفاقة طول عمرك .. يا انسة طفاقة هديل : ... انسة هدوول لو سمحتي... بسألك....... وش قررتي ؟؟ شوق طالعت بشاشة الجوال.. وفتحت من جديد صندوق الوارد : ... للحين... محتارة....

العضوة: 275918 , 6 years ago

هديل : لا تقولين محتارة ..قولي ابي.. وش اللي رادك المفروض اللي مثلك الحين عايشة أحلى ايام عمرها.. خطيبها يحبها وهي تحبه .. أيام ما تتفوت ... المفروض اللي مثلك تتمسك فيه وما تخليه أبد.. اخاف كل ما تطول المدة هو يمل ويتركك من نفسه .. رفعت شوق راسها بسرعة تناظرها بخووووف ..وبصدمة : ..يمل ؟؟؟.. هديل : ما ادري .. بس اقولك ... يعني مشعل مثلا اذا زعلني بشي وما عاد كلمته .. يحاول يرضيني واحيانا يجلس اسبوع يحاول يراضيني .. انا اذا عاندت وما رضيت بالنهاية تدرين وش يسوي !!؟؟؟!! شوق وهي عارفه الجواب : وش يسوي ؟؟ هديل : يتركني ويقولي لي..رضيتي اهلا وسهلا ما رضيتي طقي راسك بالجدران ... اللي علي وسويته ... لكن مو ذنبي انك تعاندين ... شوق ناظرت بسرعة في الرسالة ... يمل؟؟.. فهد يمل... هالانسان المغرور المعتز بنفسه.. ممكن تجي لحظة يمل فيها من زعلي..ويتركني..!!!!!.... انتي عرفتيه يا شوق مو سهل عليه يذل نفسه لأحد ،،..نفسه عزيزة عليه يا شوق !!!..بس... هو يحبني !!... خوووفتها هالفكرة وبقهر رفعت راسها لهديل معصبة : تعرفيييييين تربكين الواحد وتخوفينه ... قولي شي زين ولا لا تقولين خلك ساكتة أحسسسسن هديل خافت : وش دخلني وش سويييييت !!! شوق : الحين هذا وقته تربكيني بمثل هالكلام !!! هديل ابتسمت بخبث : اها يعني ما تبينه يتركك !!...صح !! ماردت وصارت تضغط بالجوال تبي تلهى .. هديل : ..شوفي بقولك رايي،، انا لو مكانك وعندي واحد مثل فهد يحبني ويعزني... ليش اهتم بماضيه وهو صار لي خلاص... أهم شي حاضري معه مو من حقي أحاسبه على الماضي.. طالعتها شوق وهي تتذكر كلام شذى... رجع يأثر عليها مرة ثانية : ...أنا ما أحاسبه على ماضيه يا هديل !!.. أنا أحاسبه على الماضي اللي يبي يدخله في حاضره رغم انه صار لي ..! هديل : انتي قلتي انه اسمها شذى !! شوق بقهر وجرح : ايه .. الله لا يسامحها !! جرحتني وهي تنطق اسمه .. ما تصدقين وش كثر كرهتها وهي تردد بلسانها اسم فهد ! هديل : خلك منها ..حسابها على ربها اما انتي خلك في مشكلتك معه ! شوق : انا الحين احاول الاقي نهاية للي صار... مو قادرة ارجع له بهالسهولة ...

العضوة: 275918 , 6 years ago

هديل : طيب ليش!.. مو هو قالك انها ما يحبها ولا يبيها وكل الكلام اللي قالته كذب... بالعكس حلو منه انه اعترف ما انكر.. انا لو مكانك بركض له وباخذه بالأحضان ( حمر وجه شوق .. أما هديل استرسلت ) وبقوله كبرت بعيني يوم انك بديت بالصراحة ... وانتي عارفه فيه رجال كثير صدقيني يبدون مع زوجاتهم بدون ما يقولون لهم شي عن الماضي... ومقتنعين انه مو من حق الزوجة تحاسب على ماضي وانتهى .. شوق ساكتة وهي مقتنعة بهالكلام .. لكن يكفي ان البنت اللي جرحتها كانت تعرف فهد واستخدمت اسمه عشان تجرح فيها تجريح قاسي..!!... هديل : تبين شووري ؟؟؟ شوق ابتسمت لهالبنت اللي يوم تصير مطفوقة.. ويوم رزينة وكلامها كله حكمة : قولي اللي عندك يا حكيمة زمانك ! هديل : انا لو مكانك .. برجع له وأول شي بسويه .. تدرين وشو ؟؟ شوق وهي مستعدة تزنطها .. لأنها عارفه من هالنبرة تطلع بلاوي .. مأثرة فيها الأفلام بشكل غريب شوق : وشو ؟؟؟؟ هديل ابتسمت : باخذه بالاحضان وبسأله .. أنا وشو بالنسبة لك ؟؟؟؟؟ وضحكت ضحك وهي تشوف شوق توقف بتلحقها .. كانت متحفزة من البداية لهالكلمة !! ..

العضوة: 275918 , 6 years ago

شوق : انتي لو تتركين عنك هالافلام كان انتي بخير !! هديل : ههههههههههههههه بس عيونك تقوووول ودك تسوينها !!... شوق : هديييييييييللللللللو ... فاصخه الحيا يا حمارة .. هديل : ماتبين فهد خليه لي يا اختي...حرام يروح بعيد..اذا مو لك انا باخذه .. شوق بغيرررة فووورت دمها : لا تجييييييييييييين لزووووووووووجي !!! هديل وهي تنحاش برا الغرفة تضحك : ههههههههههههههههههههههه .. أمانة ما تبينه قولي لي ..ههههههههههههههههههههههههههههههههههههههههههه وقفت شوق بنص الغرفة ووجها احمر من العصبية والحرج والقهر وكل شي ... لو تموووووووووووووووتين ما أخليه لك ... ماني مخليته لأحد .. لا لك ولا لأحد !! وأنا بصفي حسابي معه بطريقتي الخاصة .. ماني معطيته الفرصة حتى يمل.. ،، وان زعلت من حقي .. راحت لجوالها ومسكته بكل تصميم ..وكلام هديل هو اللي يسيطر عليها ويحركها الحين . بزعل بس بعد بظل قريبة منه ... ماني مخليه لأي أحد يقرب منه ... وان مل يمل وانا قريبة مو بعيدة .. ××× كان فهد توه طالع من الحمام متحمم .. المنشفة على راسه المبلل ولابس بدله عادية ،، برمودا اسود وبلوزة كت بدون كم سماوية ... وهو يمشط شعره دق تلفونه من وراه والموجود عالسرير ... راح هناك وهو يمسح وجهه الرطب من شعره .. أول ماشاف اسمها.... يزين الشاشة ويجيب ريحة عطرها لين عنده... ابتسم بحب وعيونه تلمع من حروف اسمها .. رد بنبرة حانية جدا : ..يا لبيه ! وش كثر تحب صوته .... بس ليش ما تقدر تتناساه؟ ردت بهدووء ورسمية زايدة : مسالخير ! فهد : مسالنوووووور... هلا بهالصوت ! شوق رفعت حاجب .. وبدوون مقدمات : ... فهد أبي أرجع ! فهد ابتسم من خاطره... يعني فهمته أخيرا : .. يعني رضيتي علينا ؟!! شوق بكبرياء : لا

العضوة: 275918 , 6 years ago

راحت البسمة ..وبتكشيرة حيرة : ..لا ؟ شوق : .... انا ابي ارجع وبس... مو عشانك .. عشان شي بخاطري !! تكذبين على نفسك.. كل رجعتك عشانه وعشان ما تخسرينه .. ضحكت على نفسها ،، هي ما جت هنا الا عشان هو اللي يخسرها ... لكن الحين هي اللي قامت تخاف تخسره ... وش هالدوامة الغريبة يا شووق !!! فهد : طيب ممكن اعرف وش هاللي بخاطرك تبين ترجعين علشانه ؟؟ شوق : .. مو شغلك ! فهد ابتسم : .. أموت عالدلع والله ! شوق انقهرت .. يابرودة أعصابك يا شيخ : ... مو دلع ! فهد : ههههههههه طيب ولا تزعلين .. مو دلع !.. سميه اللي تبين ! شوق قررت تسأله .. وبغرور الأنثى اللي تبي تعرف قدرها : فهد.... إنت تبيني أرجع ؟؟؟؟ ابتسم وقدرت تسمع ضحكته الحلوة .. قلبها رهيف على طول دق له .. وبإحساس كبير نادرا ما يظهره : ... من كل قلبي.. لو ما ترجعين انا بموت !.. بندفن بتفتت لو ظليتي بعيدة !! حياتي معك صارت واقع مفروض علي... ما أقدر أغيره راضي فيه وأبيه !! دمعت عيونها .. لو دارية ان البعد بيخليه كذا كله احساس وحنية كان من زمان ابتعدت.. سكتت تعيش بحلاوة هالكلمات صمت عميق مو قادرة تنطق ماتبي أي شي ينتشلها من اللي هي فيه .. يوم تأخرت ما ردت.. نطق بهلفة كبيييييرة وصلت لها : .. حياتي.. أنا اسف والله كل شي صار مو بإرادتي... كنت واعد نفسي أعترف أصارح ما بغيت اكذب عليك بغيت أبدا صح.. ما بغته يطول كلام ما تبي تحن له وتقوله .. " حبيبي "... قاطعته بجفاء : طيب بعدين نتكلم مو الحين.. المهم انا أبي ارجع .. ولو ماتبي تجيني ترا عادي أبركها ساعة بجلس عند خالتي . فهد تنهد من نبرتها الجافة ... عمري ما تخيلتك جافة كنت اشوفك دايم احساس ومحبة : ... طيب من عيوني... متى تبين ؟؟.... اليوم ؟؟ شوق ما بغت تبين له انها مستعجلة : ..لا بكرة ! فهد : خلاص تامرين أمر ... بكرة عالعصر أكون عندك .. تبين شي ثاني ؟؟ شوق : لا ... فهد : ... اطلبي،.. روحي وحياتي لك ..! شوق بقوة : قلت لك لاأ ... إف! توقعت منه يعصب بس ضحك : ههههههههه أحلى إف..!! والله رايق يضحك ما كأن شي صاير ولا كأنه متضايق ومهتم .. ما كأنه فهد اللي جاني قبل يومين والهم والحزن بعيووونه !.. الحين يضحك !!.. ليش يعني يضحك لأنه ضامن أرجع له ..! شوق : يلله بسكر .. فهد : .. براحتك... بس لحظة ؟ شوق : نعم ؟

العضوة: 275918 , 6 years ago

فهد ابتسم : ماتبين تقولين لي كلمة حلوة.. شوق : ........( صمت )......... وانت شايف نفسك يعني تستاهل كلمة حلوة ؟ فهد : انتي مو شايفة اني استاهل ... عشان حبيبك طيب.. سكتت،،، وهو تخيل شكلها .. يمكن حمقانة على خجلانة .. ضحك يخفي الألم بقلبه والحزن على فراقها .. ضحك وهو يتخيل وجهها هاللحظة ،، ليتها قدامه يملا عيونه منها ... يبيها تضحك ما ضحكت .. معاندة !! شوق بهدووء ونبرة جامدة :... قولي وش الكلمة الحلوة اللي تستاهلها... مافي كلمة وحدة تستاهلها .. فهد عوره كلامها وسكت .. ما يبي يجادلها خلها تفرغ كل غيضها فيه .. بيتحمل عشانها خلوها تجرح الى بكرة : ............... ما فهمت صمته : ... أنا بسكر .. ساكت : ................. تبيه يرد يقولها شي : ....فهد ؟ فهد بهدوء : ... معك... شوق : بسكر ..!! فهد : سكري مو ماسكك... انا مابي اسكر شوق تجاهلت كلامه : ... بكفيك! سكرت من غير لا تقول مع السلامة... تنهد وهو يرمي جواله عالسرير... ومرر يديه الثنتين على شعره المبلل ... وش يسوي معها .. حتى وهي زعلانة مجننته !!... يحمد ربه ان المشكلة ما تعدت لأكثر من كذا.. يحمده لأنها ما فكرت بجنوون وطلبت الشي اللي هو أكيد مارح يقدر ينفذه... يحمده لأنها للحين ما طلبت الانفصال..كان عارف ان الأمور كان ممكن توصل لهالدرجة.... وهو يشيل المنشفة على كتفه تذكر كلمتها .. " انا ابي ارجع وبس... مو عشانك ..عشان شي بخاطري" .. وش هالشي؟؟ لا يكون جاية بتنهي كل شي؟! أقلقته هالفكرة .. بس لا يمكن يخليها،،.. بيتعلق فيها لأخر لحظة ومارح يخليها لأحد غيره.. زوجته صارت وبتظل زوجته لاخر يوم بحياته..!

العضوة: 275918 , 6 years ago

بعد ساعتين رجعت هديل عند شوق وشافتها تجهز نفسها وتستعد !!.. استغربت هديل : شوق وش عندك ؟؟ ابتسمت شوق : برجع للرياض يا هديل ..!.. ابتسمت هديل ،، أخيرا فكرت صح وشالت عنها الافكار المجنونة : .. ومين بياخذك ؟؟؟ شوق : .... فهد !... من غيره!... هديل : .. ههههههههه الزوج الحبيب... هههههههه يختي شكلك ما تبينه .. خليه لي ناظرتها شوق بنظرة : ... تراني متزوجته وبعدين عيب هالكلام هديلووووه !! هديل : .. ياربي عالغييييييييييرة !! مسكت شوق الجوال بتحذفها فيها .. وهديل ركضت برا تنحاش .. وصارت تطل براسها بس وهي تضحك هديل : انت زعلانة منه ... لكن انا لو مكانك مارح أزعل منه لو وششششششششششش ما سوى !! شوق طفشت : اففففففف منك شفيك انتي ما تفهمين .. ( كان مشعل توه طالع من غرفته لاحظ هديل واقفة عند باب شوق وتطل براسها جوا .. وسمع صوت شوق )... مارح أتركه لا لك ولا لغيرك.... وانا المفروض رجعت من زمان بدل لا اسمع ثرثرتك المزعجة واللي ما منها فايدة .. تعرفين تفووورين الدم يلله برا.. مشعل وقف مكانه مستغرب... خير وش السالفة !!... نادى على هديل : هديل !! تيبست هديل وشوق صنمت وهي ماسكة بلوزة بيدها .. تبادلوا النظرات بتوتر وهديل خافت لا يكون عرف بشي.. وقتها أكيد بيخرب ..!!! شوق بارتباك وهي تتذكر اخر كلماته لها : ... اخوك؟.. يناديك !! ابتسمت هديل تخفي ارتباكها : .. أدري..!!...( لفت ورا له ) .. نعم مشعل ؟! مشعل : و ش عندكم صوتكم واصل للسما ؟ هديل : أبد... نسولف ! مشعل : شخبارها شوق الحين؟؟؟ شوق سمعته حاست حواجبها .. وهديل ردت : زينة .. صارت أحسن !! مشعل بقوة وهو يعلي صوته عشان شوق تسمعه : قلتي لها اللي قلت لك عليه ..!!! هذا وووقتتتته الله يهديك .. ردت بهدوء : هذا وقته يا مشعل !! .. لا ما قلت لها... شوق بسبست لها .. التفتت هديل لها : وشو اللي يبيك تقولينه !! أشرت لها هديل تنتظر .. ورجعت لأخوها :... خلاص لا تخاف كل شي بينحل ..بس انت لا تشيل هم ..

العضوة: 275918 , 6 years ago

ودخلت الغرفة بهدوء وسكرت الباب وشوق تناظرها مستغربة ..، .. مشعل نزل تحت واللي ناويه للحين بتحقرص في قلبه مارح يرتاح الا لما ينفذه ،،..حصل أمه وجلس معها شوي .. شوق : ما قلتي لي اخوك وش يقصد ؟؟.. هديل : ما يقصد شي .. ماعليك منه هذا اهبل !! شوق : هديلوووه اخوك صاير مو طبيعي هاليومين .. صرت أخاف منه ، وش الشي اللي يبيك تقولينه لي وما قلتيه !! هديل : يوووووه يا شوق ما عليك منه.. خلك في مشكلتك الحين لا تهتمين .... ( راحت وفتحت الباب وطلت تبي تتأكد انه راح .. لفت لشوق ) يلله تعالي نطلع اكيد راح !! تعالي نجلس مع امي اكيد لحالها تحت!! ابتسمت شوق وحصلتها فرصة تقول لخالتها كل شي ،،..وتقول لها قرارها بالرجوع ...أكيد بتفتخر فيها اكيد بتفرح لها... هديل : تعالي نفكر ونخطط لزواجك.. عشان تاخذين نصايحي لليلة العمر ..( بغرور) شوق ببرود : قلت لك ما تأكد شي... خليني ارجع للرياض وبعدين يصير خير.. سفهتها هديل وقررت تطفرها .. طلعت من الغرفة وشوق معها وهي مقررة تاخذ التشجيع من خالتها على هالخطووة .. وهم بالطريق بدت هديل تحارش شوق وترمي عليها كلمة من هنا ومن هناك .. لين وصلت لاسم فهد خلاص شوق طفرت منها،،،،، ركضت هديل منحاشة تضحك وشوق ثايرة وراها ... تحت مشعل وايمان جالسين .. سمعوا الصجة والأصوات الجاية من فوق .. قربت الاصوات لهم ،،..وبعدت مرة ثانية .. وكأنهم وصلوا للمطبخ ... يسمعون صراخ هديل الخايفة ولوووم شوق المعصبة !! بالمطبخ .. هديل تترجى : ياربي خلاص توووبة ما عاد اقول شي .. ترا مو لايقه عليك العصبية ..

العضوة: 275918 , 6 years ago

شوق : ترا عطيتك وجه بزيادة كل ما اقول عقلت وثقلت .. تزيدين .. هديل : هههههههههههه طيب خلاص.. اسمع صوت امي تعالي اكيد هي بالصالة لحالها .. خلاص ترا بتعصب من صراخك !! شوق : صراخي ولا صراخك !!!! صوت ايمان من الصالة : هديييييييييييييل وش عندكم ليش ما تهجدون؟؟!! هديل وهي تلهث وشوق ماسكتها : يمممه هذي شوق .. شوق : لا خالتي هذي هديل مو انا .. هديل : هههههههههههههههههههه... يذكرنا بحالنا واحنا صغار.. ( تتهزا على حالهم ) لا مو انا .... شوق اللي كانت معصبة حدها ... غصب ضحكت وراحت التكشيرة من وجهها ... هديل : ههههههههههههه يا حبي لنا للحين ما تغيرنا .. تركتها شوق وسمعوا ايمان من جدييييييييييييييد : وش فيييييكم ليش كل هالصراخ والحووسة !!! هديل ابتسمت وبصووت عالي وهي مو متوقعه ان مشعل موجود : لا أبد يمه بس شوووق تسألني وش تسوي بزواجها لأن بكرة بترجع للرياض وتبي مساعدتي .. تعرفين يمه ذوقي رفيع والكل يشاورني ..

العضوة: 275918 , 6 years ago

ايمان ضحكت على اسلوب بنتها ..أما مشعل وقف مفجووووع من اللي سمعه،،.. بترجع!!بترجع!!... هو قالي انها بترجع بعد اسبوع وانا قلت لا مستحييييل ترجع !!... بعصبية وهو ناسي نفسه وفاقد اعصابه صرررخ ينادي اخته بصوت هز الجدران : هدييييييييييييييييييييل!!! امه طالعته مرتاعه .. أما شوق مسكت بذراع هديل وهديل صنمت مرتاعه ... هذا للحين هنا !!!!!!!!!!!!! شوق بخوف : شفيه اخوك !!!!! هديل برعب منصدمة من وجوده بالصالة : .. نع.... نعم مشعل !!!! مشعل وكل اللي همه ان شوق تسمع : ... قولي لها رجعة للرياض وله مافيه !!.. شوق بلمت مفجوعة منصدمة مرتاعة !!.. أما هديل ناظرت وجهها والربكة بعيونها .. مشعل : شوووووق تعالي أبي أكلمك !! شوق تسمرت مكانها ما تحركت وهي تسمع صوته المخيف وحاله الغريب ،،.. أول مرة بحياتها تسمع صوت مشعل بهالشكل ،.. وعصبيته توصل لهالحد!!! ناداها بعصبية أكبر وايمان منخرسه من حال ولدها اللي انقلب بلحظة : شووووووووووووووووق أكلمك أنا مو حمار !!! هديل سحبتها معها وشوق تعلقت بذراعها من غير لا تتحرك..مصدووومة مو مستوعبة الموقف اللي هي فيه !!.. ومع مين ؟!.. مع مشعل !!!!!!! هديل وهي تشد على يدها : تعالي لا تخافين قولي له انك بترجعين فهميه انك مو له !!... خليه يفهم يستوعب.. شوق بخووف والدمعة بعيونها : لا مابي..... ( بصياح ) .. شفيه مشعل ليش معصب ليش يصارخ!؟! هديل بهم من حال اخوها : ... ما يبيك ترجعين .. وهو قالي اقولك انه مارح يخلي احد يقرب منك.. مارح يخليك تتركينا يبيك تظلين هنا ..! شوق بعيون طفولية وخوووف يجتاحها : ...ليش يقول كذا ؟!! هديل اعترفت : مشعل شاف فهد لما جا .. زين منه ما ذبحه لأن شكله يومها كان يخوف

العضوة: 275918 , 6 years ago

شوق بنبرة ضعف : ليش كل ذا ؟!!... انا ما كنت مهمة ،،.. والحين أصير سبب شقا اثنين !!... مين اراضي يا هديل مين اراضي.. ولد عمي ولا ولد خالتي !!!؟؟ بكت بمكانها وصوت صياحها وصل لإيمان ومشعل.. هديل حاولت تهديها لكن شوق تزيد ما تخف... جلستها هديل عالكرسي الموجود وشوق كل اللي بيدها تبكي ... جت ايمان بسرعة تشوف وش فيها.. قربت منها وحضنتها تهديها .. ايمان : شفيك يمه شفيك ؟؟؟.. وش صاير توك تضحكين ؟! شوق : خالتي مين أراضي؟؟.... مين؟.. وش اسوي اقسم حالي نصين يعني !!،،.. ايمان مستغربة : ..ليش يمه وش فيك !!.. أحد ضايقك بشي.. ؟! شوق :.. انا اللي جبت لنفسي كل شي يا خالتي... احبكم كلكم ومشعل اخوووي مابي أضايقه مابي ازعجه بشي.. لكن.... لكن... الى هنا وخلاص مو قادرة اتحمل عقدة الذنب.. قولوا له ما كنت ابي اجرحه ما كنت اظن اني بيوم بأذيه .. مشعل اخووووووي الكبير اخوي الحنون اللي اخذ بنصايحه دايم لا يزعل مني يا خالتي... لا يبهذل روحه عشاني انا ما استاهل كل هذا ... ايمان : بس يمه... لا تشيلين هم .. شوق وهي تحط راسها على كتف خالتها : .. حتى لو ما خذت الانسان اللي أبيه.. مابي اخذ اخوي.. مابي أظلمه يا خالتي ! ايمان بدت تهديها وهديل واقفة بصمت ، كلام شوق اخرسها خلاص جفت الكلمات وانتهت ،،... لمحت ظلال واقفه عند باب المطبخ !!. مشعل كان واقف هناك يسمع لكل شي... حس بدموعه بعيونه وهو يسمع صوتها المبحوح من التعب ،،،.. انهد كل حيله عقب ما سمع هالكلمات تطلع منها !!.. اقطع الأمل يا مشعل !! اقطعه !!... أخ أكبر ،.. أحيانا أجمل من أنك تكون حبيب!!.. لا تضغط عليها وانت عارف حالتها !!.. ترك مكانه ورجع للصالة وهي يبتسم بسخرية على روحه ، ودمعتين تسيل على وجهه بهدوووء ... وقف بنص الصالة وهو يسمع كلمات أمه الحنون تهدي في شوق التعبانة .!!... وسمع كلماتها من جديد.. شوق : والله ما كنت ابي كل هذا يصير... هو اخووي يا ناس هو اخوووي ،.. اخوي اللي ما اقدر استغني عنه .. أخوي اللي احبه واشوفه قدوتي... خالتي قولوا له انا ما استاهل... ايمان : بس يا عمري هدي ... وكل شي بينحل ان شالله .. انت هدي .. مشعل طلع وترك الصالة .. أول ما طلع برا وانغلق الباب وراه ، اختفت أصواتهم بالجو المكتوووم وراه... رفع راسه يناظر السما الصافية والقمر المنور !!... خلاص انتهى كل شي... وهي بلسانها حطمت كل شي !! ..

العضوة: 275918 , 6 years ago

في بيت ابو فهد .. نجلاء بغرفتها ما عاد عرفت تعيش ،، ماعاد عرفت ترتاح .. سعود له مدة طويلة لا حس ولا خبر... واخر مرة كانت رسالة منه قبل أسبوع ،، لا وبرقم ثاني غير رقمه اللي تعرفه !!.. رسالة يطمنها فيها على روحه !!.. لها يومين تحاول تتصل على الرقم القديم لكن كل ما تتصل تلقاه مغلق ،... وحاولت تتصل من الرقم اللي جت منه الرسالة .. لكن مافي رد ... واللي كان مقلقها طوول الفترة اللي راحت وداعه الغريب لها ذاك اليوم ... وداع عيشها بقلق الى هذي اللحظة ! أكثر من ثلاث اسابيع... وهو ما غير يعتمد على الرسايل ،،.. فهمت انه مشغول بس بعد يعطيها شوي من وقته !!... لا أنا لازم ارجع لجدة مهما كان ... يرضى ما يرضى مو مشكلتي،، اليووم بخلي فهد يوديني !! من أمس بالليل وهي تتصل ..وللحين ما حصلت رد... خوفها يزيد يوم عن يووم ومافي شي يقدر يطمنها للحين. حست بحركة في بطنها وحطت يدها عليه وهي تبتسم.. لكن ابتسامة خووف .... مرت ساعتين وحركة بطنها ما خفت.. أتعبتها وخلتها تتمدد عالسرير...صارت في شهرها السابع الحين ...لها فترة طويلة في بيت اهلها وسعود للحين ما طلب رجوعها للبيت.. غمضت عيونها وفتحتهم .. شافت ساعة الجوال تشير للساعة 9 بالليل... وقت رجوع سعووود من شغله.... وبما أنه ما رد على جواله قالت اتصل على رقم البيت يمكن يكون موجود ويرد... اتصلت وهي كلها أمل تسمع لصوته.... لكن رنينه استمر لدقيقة كاملة من غير لا تسمع رد بالطرف الثاني ... سألت نفسها "شفيه؟".. ودقت من جديد... وكل مرة تعيد من جديد !!....عادت الاتصال عدة مرات وكأنه صار بينها وبينه تحدي... صممت مارح أنزل التلفون الا لما أسمع صوته... وظلت ويا عنادها تعيد الاتصال كل مرة!.. لين صارت الساعة عشر ،، بس اصرارها أقوى ما ملت !!.... استمرت بعناد