العضوة: 275918 , 6 years ago

 i  107حب من نوع اخر   فوق بغرفة فهد ... كان فهد واقف عند اخته .. ونجلاء ماسكة الورقة بيد ترتجف ودموووع تنزل بغزارة السيول ،.. ولدها وراها عالسرير يسولف مع نفسه .. وصوته يختلط مع صوت شهقات امه المكتومة .. ثنت الورقة وغطت عيونها بديها .. بعد عمري يا سعود !!... فقدتك صح لكن روحك دايم معي ... صورتك مارح تفارقني .. فهد ابتسم وهو يشوف اخته تبكي .. وهالبكا كان يريحها،، هالرسالة عالجت ألمها انها فارقته من غير لا تشوفه .. من غير لا يقول لها وش كثر هي بالنسبة له ... فهد : ...ان شالله ماكون غلطت يوم عطيتك اياها الحين.. نجلاء بابتسامة وسط الدموع : لا ماغلطت ياخوي... بالعكس كنت أتمنى هالشي... كنت اظن اني فقدت كل شي يوم راح فجأة.. كنت متضايقة لأني حتى ما ودعته ... بس هالرسالة... أحلى وداع... صحيح يعور لكن الحمدلله انه تذكرني وتذكر يترك لي شي... فهد : والحين مثل ما قال ،،.. حياتك كلها لعبدالعزيز ،.. ربيه علميه وش كثر كان ابوه عظيم وش كثر كان رجال الكل يحترمه.. نجلاء بابتسامة رائعة :... تسلم يا فهد ،.. الحين اقدر أربي عبدالعزيز وأنا مرتاحة ... أوعدك ما تشوف دموعي بعد اليوم ... أنا اذا بضحك بضحك عشان سعود وولدي.. وسعود بدعي ربي كل يوم أشوفه بالاخرة... بدعيه كل يوم ،،.. اما الحين حياتي كلها لعبدالعزيز... بخليه سعود .. بخليه ابوه وهذا وعد مني .. فهد ابتسم لها ابتسامة أخوية حلوة .. بادلته نجلاء بأحلى منها .. ما نساها سعود ، ما نساها وهالرسالة كانت الدليل ،.. ومادامه قال لها ما نساها وهارسالة عندها الحين.. فهي مرتاحة .. قرب فهد من عبدالعزيز .. وشاله وهو يضحك له .. لفت نجلاء بنص جسمها ورا وهي تضحك : .. بعد عمري فيه النوم شوف كيف يفرك عيونه.. فهد : ..... عبدالعزيز بن سعود... بيصير رجال شي.!

العضوة: 275918 , 6 years ago

نجلاء : وانا احس بكذا... نسخة من ابوه بالشكل وان شالله بيكون مثله اذا كبر... خذت وعد على نفسي أخليه يدخل العسكرية مثل ابوه ... أبيه يكون ابوه ،،.. فهد : ... الله يصلحه ،.. مادامه عندك صدقيني مافي خوف عليه.. قامت نجلاء وخذت ولدها .. وطلعت لغرفتها نومته بسريره وبعد ما رضعته ونام ... تمددت عالسرير وفتحت الرسالة من جديد.. تملا عينها من الحروف .. وتحس بروح سعود فيها .. ابتسمت وهي تقرا أول كلمتين : " دنيتي كلها نجلاء ،،.. هالرسالة تقدرين تقولين عليها وصية ، وصية مني .. من زوجك اللي كان يشوفك دنيته وحتى جنته ،،... ما عطيتك هالرسالة الا اني حاس بكل اللي يصير لي... كنت عارف انك متضايقة ليش اني تركتك بالرياض وسافرت من غيرك ،.. لكن ظروفي تحكم وحياتي ماعاد صرت ضامنها ،.. الناس صارت تهددني بحياتي وبحياتك .. وحتى حياة عبدالعزيز.. مابغيت شي يصير لك وله ،.. ذاك اليوم ، كنت أحسه الوداع الأخير ، حسيت انها المرة الأخيرة اللي نجتمع فيها ،.. كنت أحس اني بموت قريب ،.. ما بغيتك تكونين جنبي...تركتك عشان تهتمين بعبدالعزيز لو صار لي شي.. كنت خايف عليه وعليك ، كانوا ممكن يحطون العين عليكم لو ما سمعت للي يبونه ،... نجلاء حبيبتي ، سامحيني اذا كنت قاسي باللي سويته ،.. كنتي حياتي وحبيبتي .. صحيح غبت عنك ،.. لكني تركت لك هدية !... هدية !.. هي أغلى هدية ممكن أقدمها لك .. هي الهدية الوحيدة اللي تقدر تعبر عن اللي بقلبي لك ... هديتي لك هي .. عبدالعزيز... من سمعت انك شايلته داخلك صار روح أغلى من روحي... قدمت لك الأغلى ،،وياليت تهتمين فيه وتديرين بالك عليه ،، مابي حزن ولا دموع ،.. تعرفيني أكره دموعك ما حب اشوف وجهك الا مبتسم يضحك ... ريحيني الله يريحك دنيا واخره.. ريحيني وخليني اعرف اني تركتك وانتي مبتسمة .. اذكريني بالخير ، اذكريني دايم بضحكة ... هذي وصيتي لك حياتي ،، حبيبك ونور عينك .. سعود "

العضوة: 275918 , 6 years ago

ضمت الرسالة وهي تقاوم دموعها ما تنزل ،، ماتدري يا سعود وش كثير هالرسالة ريحتني ،،.. وصيتك على راسي وعشانك وعشان عبدالعزيز ،.. بكمل بضحكة ، بذكرك دايم بضحكة ،.. وهالهدية بتكون سعادتي وفرحتي الحين .. زحفت على السرير للجهة الثانية ناحية سرير وليدها النايم .. طلت عليه بابتسامة حنونة ،،.. تمتمت بصوت هامس : صحيح كان الفراق يعور !!.. لكن سعود دايم يحسب حسابه لمثل هاللحظات ،،.. ما تركني الا وهو متأكد انه مطمني .. وانا الحين .. متطمنة يا عزوز متطمنة ... كانت هالليلة بالذات ،، نقطة تحول لحياة ومشاعر الابطال في بيت ابو فهد .. وخصوصا لنجلاء ، وفهد وشوق ،، نجلاء ووصلتها الرسالة اللي كانت السبب الاكبر انها تبدا حياتها بضحكة وابتسامة مع عبدالعزيز ..

العضوة: 275918 , 6 years ago

بعد ساعات ، بمنتصف الليل الساعة 1 ونص كل البيت هدأ الا غرفة شوق ،، كانت مليانة صخب بسبب عمر وسواليفه وازعاجه ..استعدت شوق للنوم ، بس عمر كان عندها ومزعجها مسبب له قلق .. فكت شعرها ولبست بجامة النوم.. وقبل لا تتمدد عالسرير .. شوق : عمر يلله انقلع على غرفتك عمر : مابي سوق أبي أنام معك شوق : عمر انا تعبانة يلله رح لغرفتك ..كل البيت نام روح نام يلله .. عمر : مافيني نوم .. ابي معك مسكته من يده وطلعته برا الغرفة .. ومسكت الباب : روح نام يلله .. تصبح على خير.. سكرت الباب بوجهه وهو واقف برا منقهر !... انفتح باب وراه .. - عمر ! التفت ورا .. وابتسم رمت شوق بجسمها عالسرير وارتخت تدريجيا.. مادرت الا بابها يندق عليها .. اففففففف أكيد عمير هين بروح أدفنه بسريره .. قامت بقهر وفتحت الباب بقوة لدرجة طير خصل من شعرها ... وبغمضة عين تقلبت ملامح وجهها للحمرة : ...فهد ؟؟؟ فهد وهو مستند بيد وحدة عالجدار بابتسامة ناعسة : ... ما قدرت أنام ! خفق قلبها لما سمعت كلمته ،، وكأنه يشكي لها .. نزلت نظرها تحت تدور عمر.. تلفتت يمين وشمال ما شافته.. فهد بابتسامة هادية تناسب هالليل :... عمر قلعته على غرفته.. شوق بعدم اقتناع : يعني مو هو اللي أرسلك لي عشان اسوي اللي يبيه .. فهد : لا مو عشانه ... جيت عشاني وعشانك ... قلت لك مو قادر انام. شوق : وليش ما قدرت ؟ فهد بصووت خذاها لبعييييد : تعبت من حالنا مو قادر انوم الا لما نتصافى .. فكرت تكون هالليلة تعويض عن ليلة الملكة .. مشتاق لك يا شوق مشتاق اتكلم معك.. حست بالدم حار بعروقها ،، ومن غير لا يشاورها مد يده ومسك يدها : تعالي معي .. ما عارضت مشت معه ويده تضغط على يدها ،،.. تمشي معه وقلبها يدق،،.. من كلمته أحلام ليلة الملكة رجعت تصحى من جديد .. كانت منحرجة موت لأنها طالعه معه ببجامة النوم .. بس فهد قال لها يحبها بكل حالاتها ،، أصلا فهد كان بعد ببجامة النوم فحالهم كان من بعض .. وصلوا للحديقة وكان الجو ساحر .. برودة خفيفة وهبوب نسيم ملا المكان بعطر الورد ..

العضوة: 275918 , 6 years ago

فهد يوم وصل لف لها : برد ؟؟ ابتسمت له بنعومة : لا ... جلس بمكانه ليلة الملكة وترك لها الخيار تختار مكانها ،،.. شوق بحرج : جنبك ؟؟ فهد ابتسم : اللي يريحك .. اذا زعلانة مني للحين ، مو مجبورة تجلسين جنبي.. ما علقت عليه بس راحت وجلست جنبه ووجهها استحال لحمرة الفراولة !... ضحك ضحكة خفيفة : ... يعني مو زعلانة ؟؟ شوق بحزن : .. مليت من الزعل ؟؟ فهد : اسف اذا كنت بارد طول الشهرين ... بس انتي جننتيني .. حاولت اكلمك بس كنت عنيدة .. ومن حقك! شوق : .....قلت لك.. كنت أتمنى نتراضى لكن مو بطريقة باردة .. كنت أبي اشوف فهد غير ، غير كل مرة اشوفه فيها.. يحبها ميت فيها وكل كلمة تطلع منها تزيده حب :... اذا تبيني أتغير بتغير .. شوق : كنت ماخذه على نفسي وعد اني احاول اغيرك وكنت عارفه انها بتصير اصعب مهمة بحياتي .. بس خلاص انا حبيتك مثل ما انت وبرضى فيك مثل ما انت .. يطالع بعيونها مباشرة ومافي شي ماخذه غير عيونها .. نزلت عيونها عنه تناظر بالطاولة : .... هو صحيح .. انك... فهد : اني ايش ؟؟ شوق : صحيح كنت صدق بتعترف لي عن كل شي... صحيح ما كنت تبيني اعرف من غيرك ؟؟ كان مواجهها لكنه الحين استعدل بجلسته وواجه الطاولة : ... ايه صحيح.....( سكت شوي).. تذكرين ليلة الملكة.. وتذكرين حالتي الصعبة ذاك اليوم وشلون تقدر تنسى ليلة ارتباطها معه : أكيد اذكر..

العضوة: 275918 , 6 years ago

فهد : ... كنت عايش بصراع ذيك الليلة ،، كنت ناوي أقول لك كل شي وقتها.... لكني تراجعت باللحظة الاخيرة ..تراجعت عارفه ليش ؟.. سكت شوي لكنه رجع يصد لها بنظرات هادية تسحر : ... مابغيت اخرب ذيك الفرحة ... ليلة الملكة ليلة مميزة لي ولك ،.. وماكنت ابي اخربها خصوصا عليك،، كنتي تهميني ولأنك تهميني بغيتها تستمر بفرحها عليك... لا يمكن انسى عيونك واللي فيها ذاك اليوم ..عشان كذا تراجعت وقررت أأجلها... ( بحزن ).. لكن فيه اللي سبقني وقالك.. شوق ساكتة مو قادرة تقول شي أو وجودها معه الحين وبهالليلة القمرة مخليها ساكتة ،، مافي كلمات تعبر فيها,.. يكفيها وجودها معه .. سمعته يقول وهو ينحني للأرض ويلتقط عود يابس : ..بس مع كل هذا... كنت عاذرك وعاذر كل اللي سويتيه فيني ...بس اللي ما حبيته منك وقتها انك......... سكت يتنهد وشوق التفتت له بعيوون تنتظره يكمل .. فهد : .... تمنيت منك توقفين وتواجهيني .. ماكنت اتمنى منك الهروب وبس... كنت ابيك تواجهيني تسأليني مو تهربين وتدمرين حياتي وحياتك بهالطريقة

العضوة: 275918 , 6 years ago

حست باللوم في نبرته .. حست انها اتعبته واتعبت نفسها بالهروب ،.. عورتها كلماته ونبرته المؤثرة ، ورفعت اصبعها بسرعة تمسح الدمعة قبل لا يشوفها ... لكنه لاحظ حركتها التفت لها ورمى العود من يده .. مسك يدها باهتمام وشافت دموع الندم بعيونها .. فهد بحنية : انا اللي مفروض أندم مو إنتي... شوق بعبرة غطى على صوتها : كنت... كنت متوقعه ان ..ان كل شي واضح بعد ليش أسأل وأواجه ... كذا كنت افكر لأنهم أجبروني أفكر بهالطريقة.... يمكن كنت غلطان بس اللي طمني مكاني بقلبك .. الشي الي جرحني أكثر شي اني توقعتك تخادع عورته الكلمة : أخادع؟؟؟؟؟؟.... أخادع الناس كلها بس ما أخادعك انتي يا شوق.. بغيتك تكونين لي وكنت بنجن يوم حسيت انك مارح تصيرين من نصيبي... بعد هذا كله تفكرين اني كنت اخادع لومه خلاها ترفع عينها له وتهمس من بين الدموع : ..انا اسفة .. حطت راسها على كتفه باحتياج ،.. وهذي اللحظة الرضا اللي كانت تبيها .. حتى فهد ما قدر يمنع نفسه لمها لصدره بكل قوة وحنية .. وهو يقول : انا اللي اسف..

العضوة: 275918 , 6 years ago

×××××××××××××××××××× شهر اخر مر .. وشوق وفهد يعيشون أحلى ايامهم مع بعض ،، وندى الانسانة الرومنسية مستمعة برومنسية شركيها أحمد ،،،.. نجلاء تزداد حب لولدها ورسالة سعود كانت مصدر تنفيس لها كل ما فكرت فيه ...

العضوة: 275918 , 6 years ago

تحددت موعد الزواج لكل منهم ،،.. زواج منفرد لكل واحد فيهم ،، بداية الشهر الجاي يكون زواج ندى وبعده بأسبوعين يكون زواج شوق وفهد .. وكل زواج يهدد يغطي عالزواج الثاني... كانوا عارفين .. ان موسم الأفراح وهالأشهر الجاية بتكون قمة السعادة والفرح بحياتهم ،،، تعددت مواعيد ندى مع أحمد ،، اللي كل يوم عن يوم يزيد تعلق بندى بشكل مو طبيعي ،، ليش صارت الهوى اللي يتنفسه .. منها اكتشف احاسيس واشياء حلوة عن نفسها ،، منها بدا يحس بطعم ثاني للحياة.. سلمها عقله وقلبه وهي مثله غرقته بأحاسيسها الحلوة وحبها الطافح بعيونها... لكن ؟!.. فيه وحدة للحين ماعرفنا مصيرها ؟.. ومصير مجنونها ؟.. البدر قرب يكتمل ،.. وقرب موعد رجوعه،، ونوف للحين تعاني السهر والتعب وشعور الاهمال المتعب !!! نوف لازالت تنتظر أي اتصال ،، أي لمحة أمل انه باقي في قلبه ذرة حب لها ،،،.. أسوء ايامها عاشتها بهالفترة ،، الأسوء انك تعيش واحساس انك منبوذ من حبيبك يسكنك .. اكتمل استعدادها وجهزت اغراضها وكل اللي كان عليها انها تنتظر بدر .. يرجع ... كل يوم تأمل نفسها انه بكرة بيرجع لكن طول سفره .. أكثر من خمس شهور فقدت صورته واشتاقت لصوته ..

العضوة: 275918 , 6 years ago

صباح يوم الخميس الكل مجتمع على سفرة الفطور ماعدا شوق ،، اللي كل ليلة تضطر تسهر احلى السهرات مع حبيبها فهد ،،.. معه عاشت أحلى الايام ومعه بدت من الصفر ..!! فهد : وينها ام فيصل ؟؟؟؟ ندى ضحكت : ههههههههههههه ام فيصل نايمة بعد عمري... انت من بديت تسهرها كل يوم ما شافت منك خير.. فهد : خلك مع أبو الرومنسية احمد لا تقربين لنا.. ندى : الله يحفظه ابو الرومنسية .. كلها شهر وافتك من النقرة معك كل يوم .. ام فهد : انتوا من تجلسون مع بعض دري وش يصير لكم ما تستحون تقولون هالحكي ..

العضوة: 275918 , 6 years ago

ندى بدلال : يمممه زوووجي من حقي .. ام فهد : ايه عاد مو بذا الطريقة ،،.. ندى : يمه مو انتي تعلميني ان الحرمة لازم تحب زوجها.. ( يوم شافت نظرات امها ضحكت) هههههههههههههههههه نجلاء : يمه عادي ،،.. هالجيل كله كلامهم كذا !.. فهد وهو يقوم : ...انا ماني ماكل من غير أم فيصل ! نجلاء : ههههههههههه انت من الحين سميته فيصل ؟؟ شاورها ياخي يمكن ما يعجبها الاسم .. فهد :.. ما تدرين انا وياها واحد ،، وتفكيرنا واحد .. نجلاء : يا عيني عالحب يا عيني .. رفع الملعقة بيضربها بها وهو يضحك .. تركها من يده وطلع الصالة شاف عمر جالس عند عبدالعزيز يلاعبه ،، التفت لنجلاء وراه : .. أشوف عمر هالايام ما يبتعد عن عزووز.. نجلاء : ايه قلبي عليه خلاه صديقه .. فهد وهو يضحك : هههههههههههههه عز الله راح الولد فيها دام عمر هالأهبل مخاويه نجلاء بغرور : ولدي هو اللي بيربي عمير عالثقل والرجولة بعدين... هذا ولد سعود مو حيا الله شيخ الرجال .. تركهم وهو يضحك وطلع فوق لغرفة شوق ،،.. دقه بهدووء وفتحه ،،.. شافها نايمة هناك مثل الوردة مثل الملاك !.. دخل وهو يبتسم وسكر الباب وراه بهدووء عشان ما تحس .. قرب منها وشافها نايمة على جنبها وضامه المخدة .. جلس على طرف السرير وناداها برقة : شوق ..!

العضوة: 275918 , 6 years ago

مسك يدها وبعدها تحركت وفتحت عيونها بهدوء .. قطبت بالبداية لكنها يوم تأكدت انه هو سحبت الغطا وغطت نفسها بالكامل .. من تحت الغطا : ... شلون دخلت ؟؟؟؟؟؟؟؟؟؟ ضحك : من الباب يعني من وين ... من الشبابيك ؟؟ شوق : من سمح لك تدخل غرفتي ؟؟؟ فهد بضحكة وسخرية : .. مادريت انه ممنوع! شوق : ليش جاي الحين ؟؟ فهد : جاي أصحي زوجتي.. شوق حتى راسها ما طلع .. وبارتباك : كم الساعة ؟؟ فهد : عشر الصبح .. شوق : طيب اطلع وبلحقك !! فهد : وش دعوى مو غريب وخري الغطا .. شوق : ..لا.. أستحي... فهد وده يموت ضحك .. كان شكلها مرة مضحك وهي تتكلم من تحت الغطا ومو راضيه حتى تطلع عيونها... عاندها وما قام .. وشوق شوي وتختنق : فهد اطلع بختنق .. فهد : ماني طالع.. انا ماسويت شي ... ودي أنزل معك نفطر سوى.. شوق : وانا ما قلت لا... قام واقف وهو مبتسم .. ويوم حست انه قام من السرير فتحت الغطا وطلعت بحذر بس راسها.. وش كثر كان شكلها برئ وعفوي بهاليئة الفوضوية اللي كانت عليها .. خصل من شعرها حول وجهها ووجهها أحمر من الارتباك ..

العضوة: 275918 , 6 years ago

فهد وبضحكة حلوة : صباح الورد .. على أحلى وردة بحياتي.. حمررررررت : .. انت جاي تبهذلني على ذا الصبح !! وقامت قاعدة وهي مغطيه جسمها ما عدا راسها وشعرها المشعث الحلووو .. فهد : بنتظرك برا .. قايلهم اني بنزل وياك .. حمررررت من جديد : هم دارين انك عندي بالغرفة ؟؟؟؟؟؟؟؟؟؟؟؟؟؟ فهد : ايه دارين مو زوجتي ... شوق : ايه بس بدري على هالحركات.. فهد بحاجب مرفوع : لا مو بدري يا عمري... كلها شهر ونكون.......... ( وهو يضم كل سبابة جنب الثانية ) .. شوق قاطعته بوجه أحمر : طيب عرفنا ..كل يوم بتقولي كذا..

العضوة: 275918 , 6 years ago

فهد تنهد بقوة : وش اسوي اعد الايام... شوق : وانت ما شالله عليك ما تحتاج تعد اختصرت الطريق... لو سمحت برا بلبس وبغير وبطلع لك .. "..تحرك للباب وقبل لا يفتحه وقف والتفت لها ،.. حسته بيقول شي يحرجها لأنها قرت هالشي بعيونه... ما عطته فرصة.. مسكت المخدة الصغيرة جنبها ورجمتها عليه وهو ميت ضحك على احراجها اللي يقلبها حلوة .. مسك المخدة قبل لا تصيبه .. ، فتح الباب وهو يضحك وطلع والمخدة معه ... بعد ما لبست وخلصت ،، طلعت وشافته جالس بالصالة العلوية يلعب مخدتها ، يرميها بالهوا كل شوي ،، يوم شافها ترك المخدة وقام لها.. فهد : صباح الخير ! ماردت عليه للحين منحرجة من وجوده بذيك الطريقة بغرفتها .. شوق : تراك قلتها لي قبل شوي ! فهد : بس للحين ما رديتي علي وانا ما رح اتنازل عن كلمة صباح الخير ولو يوم .. شوق :... أي خير وانت مسبب لي احراجات من صباح الله ! فهد : هههههههههههه مالي شغل "صباح الخير" حق من حقوقي.. شوق قررت تعانده وتهبل فيه شوي .. وكل اللي قالته : ...يلله ننزل تأخرنا.. نزلوا مع بعض تحت ، واضطر هالمرة يتنازل عن هالحق .. ويهدي اللعب ويخفف من جنونه .. شوق : ...يلله ننزل تأخرنا.. نزلوا مع بعض تحت .. وكانوا على السفرة ندى ونجلاء ونايف ومنى .. جلست شوق بمكانها المعتاد جنب نايف ،،.. مادرت الا فهد يغير مكانه ويجي عن نايف : نيوووف قوم بدل !

العضوة: 275918 , 6 years ago

نايف وهو ياكل : وين اروح ؟ فهد : قم اقولك لأقلبك انت والكرسي.. نايف وهو يوقف ويشيل كوبه معه :... حشا ماني مغازلها لا تخاف!!.. جلس فهد وهو يضحك ،، وشوق تناظره مستغربة غمز لها وبدا ياكل ... لفت شوق لنجلاء وهمست لها : أنا اذا انجنيت فهو منه ! نجلاء : ههههههههههههههههههههه يا مالك بالجنوون دامك طحتي في يدينه .. لفت شوق لندى المستانسة على غير عادتها اليوم : ندى شكلك طايرة اليوم ؟؟؟ ندى بفرح ولهفة : ... اليوم واعدني احمد ياخذني عالعشا !... شوق باستغراب : توكم رايحين عشا قبل يومين ..