العضوة: 275918 , 6 years ago

تقفل الخط بوجهها !!.. صدق احترت سحب احمد منها التلفون قبل لا تشوف الاسم .. طالعت فيه بقهههر وغضب فضييييييع... نوف : ان ما كسرت راسها على هالحركة ماكون نوف نزلت من السيارة والنار تشتعل بعيونها.. دخلت داخل وهي تتنفس بغييييض دخل احمد وراها : واخيرا ما بغيتي نوف : احمدووو رح جب زوجتك قبل لا اذبحها... وتركته وهي تتحرطم ،.. لكن الدموع رجعت تتناثر يوم استوعبت المكان اللي دخلته... غصب عنها صارت تتلفت حولها ببطء وتتمعن بكل شي موجود بهالمكان الكريييييه بالنسبة لها... احمد ابتسم : تراها فوق لو تبينها رجع لها الضعف وعيونها تحوم بزوايا المكان ، وحل مكان الغضب الحزن والكابة ... وينك يا بدر؟؟ ليش تاركني للحين ؟؟؟.. غطت وجهها بيدينها وقرب منها احمد بس وخرت عنه : ابعد عني... لو تحبني ماجبتني لهالمكان غصب عني.. ابعد.. احمد : بس عاد ... والله جبتك لهنا وانا مجبور سألته بقهر : وش اللي جابرك..... ؟؟؟؟؟؟ دزته عن طريقها وصعدت فوق وهي تمسح وجهها عشان تنادي على ندى.. حالتها النفسية الصعبة ما خلتها تفكر صح ، وان وجود ندى بهالمكان مستحيل !!.. لكنها كنت تعتدق كل ذا بتخطيط منها ومن أحمد ،، تحسب انها بذا الحركة بتقدر تونسها وتوسع صدرها ويطلعونها من اللي هي فيه... انا مالي علاج غير بدر!!! نادت عليها وصوتها كله راح انبح من كثر ما شهقت .. اول ما وصلت للدور الثاني نادت بصوت ضعيف مبحوح .. وحيلها كله منهد من التعب ..تبي بس حضن تسند كل تعبها عليه : ندوش !... ندوش يالله بنرجع .. وينك ؟ ما وصلها رد ولا حتى صوت.. طلت عالدور السفلي تنادي احمد : احمد ... وينها ندى ؟؟؟ حتى احمد ما رد عليها .. ومعد صار له حس ... دخلت أقرب غرفة نوم لها واللي تعتبر أكبر غرفة نوم بالبيت كله وهي الرئيسية ... أول ما طاحت عينها عالاشياء المرتبة داخل الغرفة استغربت ... غرفة نوم مرتبة ترتيييب حديث وطقم السرير كان جديييد وحرير بعد ، والأثاث واضح عليه جديد العهد .. عقدت حواجبها والاسئلة تزيد عليها... معقولة ندى واحمد سووها... نادت : ندى... ندى... سمعت صوت محرك سيارة وراحت بسرعة للشباك وطلت ... وخافت وهي تشوف سيارة احمد تتحرك وتبعد .. صرخت تناديه والعالم حولها يدووور : أحمد .. وين رايح ؟؟؟؟؟؟؟

العضوة: 275918 , 6 years ago

المجنون راح وتركها .. بتنهار لو بقت هنا دقيقة وحدة . سمعت من وراها صوت مفتاح وباب يتقفل.. التفتت مفزووعة !!! شافت واحد طوويييل لابس بدله سودا ومعطيها ظهره ومستند براسه عالباب بهيئة كأنها حزينة . طاح قلبها من مكانه .. حست انه بيغمى عليها من اللي هي فيه.. حست بالموت في كل أطرافها ... واللي رجع الحياة لكيانها انها سمعته يضحك وهو واقف على نفس الهيئة ... ويتكلم : عمرك ما تتركين اسلوبك...كل ها الصراخ عشان ما تبين تجين لي ؟؟؟؟ هالصوووت خلا رجولها ترتجف .. ودموعها تطيح بسررعة فضيعة ... شافته يستقيم بوقفته ويلتفت لها ببطء وابتسامته تسبق نظراته ... بصدمة نطقت : .....بدر؟؟؟؟؟؟؟؟؟ ابتعد بدر عن الباب وتقدم ناحيتها لين وقف بنص الغرفة .. اما هي من شافته يتحرك تراجعت وهي تناظره من فوق لتحت.. وترجع لعيونه اللي تتأملها بكل حب... قرب منها ببطء وهو يتكلم برررقة مؤثرة : حالفه ما تجين هنا؟؟ عشان بدر يا نوف ؟؟؟ هزت نوف راسها موافقة ودموعها تهل... بدر : بس بدر هذا هو رجع سليم معافى ولا فيه شر.......... وحشتيني من سمعت هالكلمة نزلت راسها والكلام يخونها ..قرب منها بس هي بعدت عنه وهي تعطيه ظهرها نوف : بس نوف ما تستاهل بدر... ما تستاهل بدر بدر : نوف تدرين وش كثر تمنيت هاللحظة.. التفتي... لي زمن ما شفتك.. واشتقت لنوف الصغيرة التفتت له وعيونها اللي تعذبه غرقانه : ليش ما قلت لي بدر : وش اقول؟؟؟ نوف وتنفسها يزيد والهوا حولها يختفي : ... ليش عذبتني ؟؟ لاحظ انها صدق تعبانة والمكياج الخفيف اللي حاطته ما غطى على وجهها التعبان .. واضح عليها الارهاق وكأنها ما نامت.. قرب لها ونوف كل خطوة يخطوها تفقد دقة من دقات قلبها .. بتطيح الحين مو حاسة بالأرض تحتها .. مو حاسه بروحها ... صار قبالها ،،.. بدت ترتجف وهي تشوف عيونه الحلوة تناظرها... كانت متيبسة والشي الوحيد اللي يتحرك كان دموعها.. نوف :.. تش.. تشوفني ؟؟؟؟؟؟ بدر : ما تصدقين عيوني ؟؟ رجعت لها الذكريات وحاولت تبعد لكنه مسك كتوفها وبحنان كانت تحلم تشوفه منه : وش اللي مضايقك الحين .. نوف تصيح مثل الطفلة : احس الدنيا كلها تلعب علي وإن اللي انا فيه الحين لعبة مو صدق .. بدر ولد عمي اللي اعرفه قالي لا تحلمين ارجع لك كيف اصدق انه واقف قدامي الحين.. كيف يابدر انا انجنيت مادرت الا براسها على كتفه ويدينه تلمها بكل قوة.. شكثر انتظرت

العضوة: 275918 , 6 years ago

هاللحظة تجي.. وضغطت بيدها على صدره ودموعها تهل،، بدر ماكان بالسهولة انه يتركها .. انتظرها وهذي هي زوجته ووصلت لحضنه مافي قوة بالعالم بتخليه يتركها .. كان يهمس بألم وهو يسمع صوت بكاها : سامحيني ... سامحيني من التعب اللي هي فيه والدموع الغزيرة.. هذا غير انفاسها المتسارعة ،، وكملت عليها هالمفاجأة اللي هي فوق احتمالها.. حست الدنيا تظلم بعيونها .. وشوي شوي فقدت احساسها بالكامل وهي بين يدينه.. كانت تحتاج الراحة من زمان لكن اليوم بدر بمفجأته هذي سلب كل قوة باقية لها .. ×× ××

العضوة: 275918 , 6 years ago

  حب من نوع اخر   الجزء 109 و الأخير i مرت الشهووور سريعة وكل الزواجات تمت .. ما عدا نوف وبدر اللي كانت نهايتهم مختلفة نوعا ما.. نوف بعد رجوع بدر كان كافيها ذا الشي وما تبي زواج ... بس هذا ما منع ان بدر يسوي لها حفلة زوارة كانت تضاهي حفلات الزواج ... كانت هالحفلة في قاعة كبيرة ملكية بفخامتها ... كانت من اروع الحفلات ونوف ما رح تنساها طول حياتها .. كان بدر مرتب لها هالحفلة من زمان تعويض عن الزواج ... ووعدها تكون اسطورية .. بعد زواج فهد وشوق بأربع شهور ،،.. ظلوا في البيت مثل ما هم لين يستعدون ينتقلون لبيت الزوجية وللأبد ... كان الصبح توه طالع وهالاثنين بغرفتهم نايمين ،، .. أو شوق كانت نايمة لكن فهد صاحي من وقف..متسند على كوعه وكل اللي يسويه يجلس يطالع بوجهها مثل ما تعود طول هالشهرين... شهرين مرت عليه من أحلى أيام عمره .. تبادلوا فيه الحب بكل سعادة ... تحركت شوق بهدوء وفتحت عيونها بهدوء ... وابتسمت له بنعاس ورفعت الغطا وتغطت بالكامل حتى راسها ما طلع ! فهد : ههههههههههههه هالحركات كانت اول .. شوق :... وانا كل ما قمت بشوفك مفتح وتناظرني ... نفسي يوم افتح عيوني الاقيك نايم واقعد اتفرج عليك فهد : ههههههههههه هذي عادة بتكون عندي لازم تتحملينها.... نزلي الغطا... شوق بقصد : .. لا... استحي ... فهد : هههههههههههههههههه قلنا هذاك اول .. شالت الغطا عن وجهها وهي تضحك .. وقامت من مكانها بس هو سحبها من يديها قبل لا توقف شوق : ها شو بدك ؟؟؟ فهد وهو يأشر على خده باصبعه : .. سلام الصبح .. شوق وهي تضحك : هههههههههههههههه ..

العضوة: 275918 , 6 years ago

انحنت عليه وعطته اللي يبيه بسرعة وقامت هرووولة للحمام تخاف يلحقها ،، مثل عادته ... أما هو جلس في مكانه يضحك عليها ... وهو منسدح جاه دق تلفووونه وشاف الرقم أحمد : يا هلا .. صباحك خير احمد : صباحك نور... اخبارك ؟؟ فهد : بخير ... وشفيك وش عندك أحد يدق الساعة تسع الصبح !.. احمد بضحكة فرح : هههههههههههههه مالت عليك صدق ما تستحي ... كنت بنتظر شوي بس ما قدرت .. فهد حس وراه خبر : وش عندك ؟؟؟؟؟ احمد : ... دقيت بس عشان أقهرك ... بصير أبووو قبلك !! فهد فزززز من مكانه جالس : لا عاد... تمزح!! احمد : هههههههههه لا ما أمزح ... فهد : لا تقول ندى حامل ؟؟؟ احمد : هههههههههه ايه نعم ... أحلى خبر ولا ؟؟؟ فهد : هههههههههه مبرووك أجل .. طلعت شوق من الحمام بعد ما سمعت اللي قاله ... سكر فهد وهو يضحك .. شوق مو مصدقه : كني سمعت ندى حامل؟؟؟؟ فهد بنظرة مبهمة لها : الا.. حامل.. شوق بفرحة : والله ؟؟؟؟... بدق عليها ببارك لها.... ..

العضوة: 275918 , 6 years ago

راحت للتلفون بسرعة وجلست على طرف السرير ودقت ... مادرت الا فهد يجي من وراها ويحط راسه على كتفها ووجهه جنب وجهها.. شوق : فهد مو وقتك الحين ابعد فهد : ماني مسوي شي كلمي .. هي تعرف انه بيقعد ومارح يسوي شي ،، بس سكونه ومراقبته لها توترها .. سفهته وسمعت صوت ندى من الجهة الثانية : هلا ندوووش !! ندى : هلا شوق... شوق : مبروووك صدق الخبر اللي سمعته ندى بابتسامة خوف : ايه صح ... شوق : هههههههههههه والله منتي سهلة .. مبروووك ! ندى : انا الحين ارتجف من الخووف .. شوق استغربت : ليش ؟؟ ندى بصوت فيه الصياح : اقولك حامل تسمعين والله اني ارتجف الحين ما ودي .. شوق ماتت ضحك : هههههههههههههههههههه حلوة ذي ما ودي ؟ ندى تصيح : مدري بس الحمل دايم يخوفني .. تدرين وش شعورك وانتي تشيلين روح داخلك !!.. شوق ماتت ضحك وفهد ضحك على ضحكها ..

العضوة: 275918 , 6 years ago

شوق : الناس يفرحون وانتي تخافين وتقولين ما ودي ! ندى بصياح : حتى أحمد مو فاهمني ..محد فاهمني .. اقوله خايفة وش تبوني اسوي اكيد بخاف شي أول مرة يصير لي.. شوق : طبيعي يمكن أول الفترة تخافيني لكن بعدها بتتعودين .. ندى : ياربي والله اني ارتجف .. شوق :هههههههههههههههههههههه اقول يا هبله باي اخوك جنبي بهذلني ندى تبتسم : اوكي .. عقب ما سكرت لفت لفهد : .. شفيك انت كل صباح لازم تبهذلني .. فهد بضحكة : لأني أموت فيك .. شوق : طيب قوم غير خلنا ننزل.. فهد : بدري خلينا شوي هنا.. شوق بدلع : فهد قووووووم تعبت منك والله !

العضوة: 275918 , 6 years ago

فهد بابتسامة : متى يجي دورنا يا شوق !! حمر وجهها وكأنها فهمت : دورنا في وشو ؟؟ فهد : انتي عارفه !... شوق بعصبية من الارتباك : والله انك رايق على ذا الصبح ..مو وقته خلنا ننزل نفطر أنا جوعانة .. جت بتقووم بس حست الأرض تميل بها رجعت تجلس بقوة ... فهد مسك كتفها بحنية : شفيك ؟؟؟ شوق وهو تنفض راسها : مو شي ... بس حسيت بدوخة .. ابتسم وقال في اذنها : الظاهر دورنا جا ..... شوق بسرعة : ما جا ولا شي .. الا انت تتوهم .. فهد بضحكة بصوته : وانتي وندى مثل بعض في كل شي... حتى في الحمل؟؟؟؟؟؟؟؟؟؟؟؟ حست بنار في وجهها قامت واقفة بسرعة وهي تقاوم دوختها المفاجئة : وإنت على طول خليتها حمل ؟؟؟... عن الكلام الفارغ لسا بدري على ذا الموضوع.. فهد : هههههههههههههه طيب على راحتك .. قام من مكانه غسل وجهه وغير ملابسه ،، وأول ما طلع من الحمام شافها جالسة على طرف السرير ماسكة راسها... حس ان الموضوع جدي... قرب منها : شفيك ؟.. مو طبيعية !! شوق بتوتر : لا مو شي... فهد : أكيد يا شوق ؟؟ شوق وهي تقوم ببطء وتوازن نفسها .. ابتسمت تطمنه : أكيد !! نزلوا مع بعض ،،.. حصلوا نجلاء لحالها جالسة .. فهد : ما شالله وانتي دايم أول وحدة صاحية ..

العضوة: 275918 , 6 years ago

نجلاء تبتسم : ... كله عشان عبدالعزيز حبيبي ... ( التفتت له ونادته ) .. عزوز تعال .. ابتسم لها .. ولأنه صار يحبي راح لها وهي يضحك ... جلس فهد يلاعبه وشوق في مكانها ساكتة وكل شوي تحط يدها على راسها .. مرت فترة ولاحظت نجلاء حالتها : شوق سلامات شفيك ؟؟ شوق : مو شي بس حاسه بصداع .. نجلاء : بس صداع !!! شوق : ايه بس.. فهد بنظرات محرجة لشوق : ودووووخة بعد ... حمر وجه شوق ونجلاء ضحكت : ههههههههههههه أجل ما يبي لها أكيد حامل !! فزت شوق تناظرها وفهد ابتسم لها : مو قلت لك !!... هذي نجلاء قالت ومحد يقدر يغلطها... شوق بحرج : وش حامل الله يهديك.. لا مو حامل .. نجلاء : هههههههههههههههههه يا حبي لكم ... انتي وندى !!.. توها اتصلت فيني بتصيح من الخوف .. فهد : قايله انا .. نجلاء : فهد ماوصيك ودها للدكتور اليوم وان شالله ظني في مكانه .. فهد بابتسامة وهو يطالع شوق : ابشري بعد شوي بوديها شوق بارتباك : شفيييييكم كأنكم خذتوا الموضوع جد ... مو حامل لسا بدري نجلاء : لا يا حبيبتي مهوب بدري... لكم أربع شهور متزوجين .. وين بدري!!!!!

العضوة: 275918 , 6 years ago

في بيت أحمد ... أحمد ميت ضحك وندى تصيح خوف وهي جالسة عالسرير.. ندى : شفيك مو حاس بخوفي !!... احمد : ههههههههههههه والله مدري وش المشكلة معك .. كل الحريم تحمل وتجيب عيال الا انت من وشو خايفة ، لا تخافين منتي ميتة ان شالله ندى بخوف : فال الله ولا فالك ... احمد بجد انا صح فرحانة بس الخوف داخلي.. احمد ابتسم : ولا تخافين عمري مادامي جنبك شيلي الخوف..

العضوة: 474389 , 6 years ago

شهالسخافه؟

العضوة: 275918 , 6 years ago

كلامه طمنها .. ويوم لاحظت دموع الخوف بعيونها قام لها وجلس جنبها وهي تطالعه بحب :...أحبك يا احمد وأحلى خبر ان شايله ولدك بس بعد انا صغيرة واخاف ابتسم وحط يده على خدها : ما ذبحتني الا هالرقة الزايدة وهالحساسية .. ولا تخافين تونا بدري... قدامك تسع شهور بكون جنبك فيها .. وهو جاس رن جواله الموجود بطاولة بعيدة .. قام له وشاف الرقم ابتسم من قلبه : هلا والله .. طلع من الغرفة وترك ندى ترتاح ... احمد : هلا طلووول ... اخبارك ؟ طلال : بخير دامك بخير... انت وش مسوي . احمد : عايشين ... اخبار الدراسة طلال : ماشية ..كلها ثلاث سنين وارجع من جديد احمد : ههههههه وانت على بالك ثلاث سنين سهلة ؟.. شد حيلك ترا مشتاقين لك .. طلال ابتسم : ان شالله ... أخبار عش الزوجية ان شالله حلوو مثل ما يقولون هههههههه احمد : ههههههههههههه لا الحمدلله مرتاح .. طلال : بصوتك فرحة غريبة وش السالفة ؟ احمد : ابد لا سالفة... بس الحبيبة حامل وانا طاير ؟؟

العضوة: 275918 , 6 years ago

طلال : لا عاد ..هههههههههههههههههههه مبروك عليك .. يا حليلك بتصير ابو احمد : ههههههههههه الله يكون فالعون .. حاس ان الشهور الجاية بتصير اصعب شهور .. طلال :هههههههههه الله يكون بعونك .. أجل ما دام كذا انا دقيت اسأل عليك... مابي أطول .. احمد : حياك الله ... رجع أحمد للغرفة لقى ندى متكورة على نفسها ونايمة من غير غطى ... انحنى فوق وباس راسها .. غطاها وطلع عنها.. بيكون جنبها وسندها مهما صار ،، تعود على رقتها وحساسيتها ،، .. وش الأحلى انك تحصل على ثمرة حبك بعد كل هالحب والهوى... بيعشقها.. بيعشق طيبها ودلالها ورقة قلبها لاخر يوم بحياته ..

العضوة: 275918 , 6 years ago

بعد كم يوم ،،، بالمزرعة هناك نوف وبدر قرروا يقضون السنة الأولى كاملة بهذاك المكان الجميل الطبيعي... قرروا يبعدون عن الناس ويعيشون هالسنة على طريقتهم بحبهم البرئ والعفوي .. عنادهم لبعض كان عفوي حلو .. ضحكهم مع بعض يصنع اجمل لحظاتهم... بعد الحفلة اللي سواها بدر لنوف وكانت الأروع... رجعوا هنا لمكان لقائهم .. لنقطة التقاء مشاعرهم المحمومة .. كانت نوف بالمطبخ تجهز الغدا... وتسمع صوت بدر يناديها وهو بالصالة بدر : يا نوووووووووووووووووف ارحميني تكفين تراني ميت جووووع نوف وهي تصارخ له من مكانها : طيب والله طيب وش اسوي انا مو الة اصبر شوي .. بدر : نوف وربي ان ما استعجلتي لأطلع اكل ورق الشجر... ارحميني يسويها مجنوون .. استعجلت نوف وشالت صحن السلطة وطلعت به .. شافته منسدح عالكنبة بالصالة ويلعب بتلفونه .. نوف : تعال كل من السلطة بدل روق الشجر اللي مزعجني فيه.. تعال سد جوعك فيه لين اجيب الباقي ضحك عليها وقام وجا لها... راحت ودقايق رجعت وبين يدينها الطبق الرئيسي .. حطته قدامه وهي تقول : بالهنا والعافية.. وهي تجلس بمكانها : حشا أسرع غدا بالعالم .. يلله تفضل.. ابتسم وبدا ياكل ... وهم يضحكون أثناء الغدا طرى على بالها اختها سهى : الا وش صار على سهى وسلمان ؟؟.. ما اتصل فيك ؟؟

العضوة: 275918 , 6 years ago

بدر : الا اتصل فيني الصبح اليوم ... شهر عسلهم مطول يبي لهم وقت عشان يرجعون .. نوف طرت على بالها فكرة كان من زمان ودها تنفذها : اقول بدور ! بدر : عيون بدور وروحه ! نوف : ودي... أركب خيل .. ابتسم : بس كذا !!.. نوف : ايه.. من زمان وفيني هالرغبة ... تذكر اخر مرة جينا فيها كلنا هنا... لما شفت دلال تركب معك صدقني اذا قلت لك اني كنت اتمنى أكون مكانها ... ترك الملعقة من يده برسعة وقام واقف : أجل تعالي... نوف : كمل غداك أول مو الحين .. اذا خلصت