#رحلة_نرجس
#الجزء_الاول
-جميلة:اديش حكم عليكي القاضي صحي? .. مؤبد مو?
وطت راسها نرجس وحطت ايديها ع بطنها الكبيرة اللي مخبة بقلبا طفل صغير -نرجس:ايييه مؤبد الله لا يوفقووو
-جميلة:الله يصلحك انتي التانية كنتي بلغي عنووو مو تقتليه
اتسطحت نرجس ع التخت وتطلعت بالسقف -نرجس:لكككك اخخخ ياجميلةة ال اللي بيعرف بيعرف واللي مابيعرف بقول كف عدس والله لو قدرت وقتا اشرب من دموو ماقصرت لا والله بسس مابعرف كيف هيك صار لك انا ضربتوو بس ماقتلتوو ولا حرقتوو
-جميلة: اووف طب لكن هيك وضعك احسن حامل رح تولدي بالسجن ويطلع الولد خريج سجون
-نرجس:لاا لا مارح يطلع هيك حبييبي وعدني اطلع من هون قبل ما اولد هوة لسا عم يشتغل بقضيتي ومااا يأس
-جميلة: اي لنشوف شو ح يجي منو قومي كلي شي اصلا هالولد كيف رح يجي منيح اذا مابتاكلي شي قومي قومي
قامت نرجس تجلست ونزلت رجليها من ع التخت وحطيت ايدها ع بطنها الكبيرة وتطلعت فيها وبتسمت ابتسامة وصارت تحكي بهمس : ياترى اللي بهالبطيخة الكبيرة هي صبي ام بنت شو مشتهية اعرف بس شو ماكان وحياة هالروح اللي ببطني مارح خليه يعيش معي بهالسجن البئرف هاد فؤاد رح يطالعنا من هون رح نعيش برا مارح خليك تتعزب متل امك ياروحي
وقفت ع رجليها حست بمغص قوي كتييير حست بطنها هبطت فجأة وبقوة لتحت مسكت بطنها وصارت تصرخ :اخخخخ بطنييي ولييي جميلةةةة جميلةةة رناااا اخخخخ
التمو النسوان اللي معها بالسجن وصارو يحاولو سندوهاا -جميلة:رناااا هيي عم تتطلللق
-رنا:شووو يعنيي شووو نعمل .. لكك ياحراااااس لككك حدا يرد وينكوووون
-نرجس:رح مووووت ياربيي اخخخخ
اجو الحراس -الحرس:شبكون شو عم يصير هوووون
-جميلة :نررجس عم تولد الله يوفقك سيدي لحقوهااا -نرجس:ياااابطني ياربي دخيلككك الله لا يوفقك يا جهاااد الكلب الله لا يرحمكك
ولتها المركز كلو فيهاا
#يتبع
العضوة: 275918 , منذ 4 سنوات
-نرجس:الو -امجد:الووو نرجس!! ! هي انتي -نرجس:اا ايي -امجد:نرجس شبو صوتك فيكي شي?? ابوكي وينو ليش انتي اللي رديتي -نرجس:با..با .. (حطت ايدها ع تمها وصارت تبكي) -امجد: الووو نرجسس وينك شبكي -نرجس( عم تبكي بقوة وبصوت عالي) :ابي مات ابيي ماااات -امجد: .... شوووووو شوو ماتت كيف مااات نرجس وينوووو نرجسس سكرت نرجس الخط واعدت ب ارضها حست حالها انهارت ع الاخر :اخخخخ يا ابي ليش تركتني ياريت انا اللي ميتةةةة ياريت انا المدعوسةةةة ياااالللهه😭😭😭 وصلت نرجس ع البيت و اعدت بالارض البيت فاضي مافي حدا حست حالها بعتمة كبيرة صارت تطلع ع الحيطان اللي معباية صورها هي وابوها كان هالميلاد اسوء ميلاد بعمرها كلووو زتت علبة الموسيقا ع الارض وصارت اتصرخ انفتحت علبة الموسيقا وطلعت النغمة وتنين عم يرقصو اعدت قبالها وصارت تبكي (هلق فهمت ليش كنت تغني دايما بعدك ع بالي من حرقة قلبكك من شوقك ل اميي اللي صار بسببي ارجااع مالي حدا ) شافت جوال ابوها شبع رسايل ع قد مابعت امجد بس ماقدرت ترد ماتحملت تحكيلو شي 👇صار العصر و دقلا الدكتور فراس وقلا انو لازم يدفنو جثة ابوها وهي لازم يكونها موجودة اجا ع للبيت و اخدها كانت لابسة اسود ب اسود وحتى عيونها صار تحتون سواد بخوف كانت متل اللعبة بلا روح كانت عم تشوف كيف عم يدفنوه وهي جمدانة ودموعها بس اللي عم يتحركو كانت عم تتذكر كل اللي ايام اللي مرت فيا معو مافي يوم تركا زعلانة ماكان يتركا ولا ثانية الحالا خلصو الدفن ورجعا فراس ع بيتا وبالطريق - فراس:بنتي انا حكيت مع الضابط مشان المحكمة بكرا انا بعرف مابدك تروحي بس ال اجباري هاد القانون او لازم حدا يتبناكي وتسكني عندو انتي بنت حلوة بينخاف عليكي #يتبعالعضوة: 275918 , منذ 4 سنوات
#رحلة_نرجس #الجزء_العاشر -نرجس: لااا لا انا بدي ضل ببيتي -فراس:بس الضابط حكا انو .. -نرجس:اناا مارح روح ع مطررح ماني رايحة ع الميتم ابي لسا معيي هو جواتي هو ماتركني هو وعدني بهالشي ماقدر فراس يحكي ولا كلمة وصلها و راح فاتت ع البيت ضلت تبكي وغامرة تياب ابوها لنامت فاقت بنص الليل جوعانة فركت عيونا وقامت تدور ع ابوها اتذكرت الحادثة وصارت تصفن بالحيطان فتحت الخزانة اللي فيها غراض ابوها لمحت ع الرف صندوق خشب وقفت ع روس اصابيعا لتوصلو ماقدرت .. راحت جابت كرسي و وقفت عليه واخدت الصندوق صارت تهزو لتسمع شو بقلبو بس ماطلع غير صوت خربشة صغيرة -نرجس:ييي شو بقلبو اول مرة بشوف هالصندوق نزلت من ع الكرسي وحاولت تفتح الصندوق ماقدرت كان مقفول جابت سكين وحاولت ماقدرت صارت تحاول اكتر جرحت اصبعتها -نرجس:اخخخ اصبعتي باباااا😭 حطت اصبعتا بتما وتذكرت انو ابوها مو موجود ليركض ويمسك اصبعتا ويبوسا ويداويها وقفت وغطت اصبعتا بمحرمة ضبت الغرفة و مسكت علبة الموسيقا وفتحتا وضلت عم تصفن بالنغمة لنامت ودموعها ع خدها فاقت الصبح ع صوت دقت الباب -نرجس:مييين?? -مجهول:انا احمد بعتوني لعطيكي دعوة المحكمة اليوم فتحت الباب نرجس كان شب اسمراني وطويل شوي اخدت منو الدعوة وطلب منها اتوقع انها استلمتها منو وراح دقت نرجس لدكتور فراس وحكتلو انها استلمت الدعوة ورح تكون ع 11 الضهر -فراس:بهالسرعة؟! ع الاقل يقولو بعد يومين الدعوة -نرجس:مابعرف -فراس:يمكن لان حالتك خاصة وتحت سن القانون ولحالك -نرجس: ممم -فراس:رح خلي المحامي يجي معنا انتي جهزي حالكالعضوة: 275918 , منذ 4 سنوات
جهزت حالها نرجس وكان الوقت عم يمشي متل السلحفة صار الموعد وراحو كان امر المحكمة انو يتم تحويل نرجس ع دار الايتام لوقت مايجي حدا يقربها ياخدها او تبلغ سن القانون بتتخرج منها حاول المحامي يدبرها بس ماقدر هيك القانون ب المانيا طلبو منها تجهز حالها لتروح تاني يوم ع دار الايتام و البيت اللي كان ب اسم فؤاد والسيارة اتحولو ع اسم نرجس وحكولا بتقدر تستلمون بعد ماتبلغ سن القانون طبعا كلشي صار بكفة و ورطةالميتم كانت لحالا غصة ع قلب نرجس رجعت ع البيت يئسانة ع الاخر كانت عم تتمنى الموت بكل ثانية فجأة رن جوال ابوها وكان المتصل امجد اللي ماهدي اتصال من وقت ماحكاها وخبرتو بالحادث ردت نرجس وصارت تبكي حكت كلشي صار ل امجد وانو رح يحولوها ع دار الايتام -امجد: .... حاسس حالي رح افجر هووووف انا لازم اطلع ورجعك ع تركيا خلص انتي لازم تعرفي كلشي -نرجس:بس بابا ماكان بحب تركيا وحكالي انو شو ماصار مو لازم نرجع انا مابدي ارجع بدي ضل هون هون قبر ابي 👇👇العضوة: 275918 , منذ 4 سنوات
امجد: .... نرجس في صندوق بخزانة ابوكي الله يرحمو -نرجس:اي مزبوط بس مقفول مالقيتلو قفل - امجد: هوووف كمااان ليش قافلو الله يسامحك يا فؤاد -نرجس: لشو هالصندوق انت بتعرف شو بقلبو عمو?? - امجد:بقلبو ماضيكي كلو نرجس بعد ماتفتحيه خبريني و وقتا قرري اذا بتحبي تضلي ب المانيا او ترجعي ع تركيا -نرجس: ..... بس الصندوق ماعم ينفتح - امجد:دوري ع القفل وخدي قرارك وانا جاهز انتي متل بنتي -نرجس:تسلم عمي .. عم تبكي? - امجد:والله حاسس قلبي احترق هووف خلص عمو سكري بحكيكي لشوي اذا صار شي دقيلي سكر امجد وفضول نرجس بلش يكبر لتفتح الصندوق قامت ضبضبت غراضها وكلشي مهم الها حطتو بشنتة واخدت صورتها هي وابوها والصندوق وعلبة الموسيقا تاني يوم اجت السيارة و اخدت نرجس ع الميتم كان الميتمالعضوة: 275918 , منذ 4 سنوات
# تاني يوم اجت السيارة و اخدت نرجس ع الميتم كان الميتم ابشع شي اتعرفت عليه بحياتا كان الموت ارحم منو كان في بنات ماتفهم لهجتون وناس بتترف بقيت بالميتم سنة و9 أشهر ونص كانو اسوء ايام بكل حياتا حاولت تهرب كتييير بس ماندرن ماكانت تمر ليلة الا ما كانت تنام فيها عم تبكي اشتاقت ل ابوها لرفقاتا لكلشي كان بحياتا كانت تضل حاطة صورتها مع ابوها بجيبها كان حارس الميتم رجال كبير بالعمر كانو يخافو منو كل الولاد كان نفسيتو حقيرة كتييير كان يطلع ع نرجس نظرات مازابطة وكانت تتجاهلها بليلة من الليالي اعدت نرجس كالعادة تحت شباك غرفتها بالميتم وفتحت علبة الموسيقا وصارت تغني -نرجس:لايمت رح ضل هون؟ هوووف لازم اهرب بكفيي قامت وحطت صندوق ابوها اللي ماقدرت تفتحو كل هالمدة خبتو بالشنتة وحطت صورتها هي وابوها كمان وكم غرض الها ومصاري جمعتون من شغل الميتم الخياطة والتنظيف والمونة #يتبعالعضوة: 485467 , منذ 4 سنوات
كمليها زكاتك💐العضوة: 275918 , منذ 4 سنوات
#الجزء_11 ماحست الا صوت شي وقع برا حطت شننتها ع ضهرها و مشيت شوي شوي لتشوف شو عم بصير برا فتحت باب الغرفة ومدت راسها مالقت حدا ضمت علبة الموسيقا ع صدرها وطلعت لبرا قجأة اندق باب الميتم اتلفتت حواليها مالقت حدا ئوت ئلبها ومشيت لناحية الباب وفتحتو -نرجس:عمو!!! هاد انت -الحارس:هه ايي انا ياقطةة ههههه شو بدك تهربي متل كل مرة؟؟ اتطلعت فيه بخوف كانت ريحتو دخان كتيير وشربان وعم يتطلع فيها متل ذئب جوعان شايف قبالو فريستو -الحارس:تعي (صار يسعل سند حالو ع الباب) سنديني قربت نرجس لعندو لتسندو كمشها من خصرها وقرب عليها حاولت تبعدو عنها بس ماقدرت دفشتو بقوة وصرخت وقع الحارس وماعاد صحي لانو شربان كتيير حطت نرجس ايديها ع تمها وصارت تبكي فجأة سمعت صوت حدا عم يقول مين براا خافت نرجس كتير اتطلعت ع باب حديقة الميتم اللي كانت هي المخرج منو شافت هالشي فرصة لتتحرر من هالسجن ضمت علبة الموسيقا ع صدرها وركضت بقوة للمخرج كانت حفيانة ولابسة روب نوم طويل كانت عم تركض ب اسرع ماعندها بدون ماتتلفت وراهاا حست حالها طير وهرب من ئفصوو ضلت عم تركض لوصلت لعامود كهربا سندت حالها عليه لتقدر تاخد نفس رفعت راسها وتطلعت حواليها كانت الطرق فاضيةةة مابقلبا الا الناس الفاصل مخون ع الاخر والشربانين وقفت عطشانة اتطلعت قبالها لقت كفتريا صغيرة فاتت ع ئلبها كان فيها شب هو اللي عم يقدم المشروبات لناس وقت شافها اتطلع عليها من تحت لفوق بنظرة شفقة -الشب:اتفضلي؟ +نرجس: ممكن تعطيني كاسة مي عطشانة كتيير -الشب:بس؟ +نرجس:أي لو سمحت راح جبلا كاسة مي فيها تلت تلجات وعطاها ياها اتطلعت فيه نرجس وحكتلو :انا مو معي مصاري حقها بس معي هي سوارة ب ايدي هية قاطعها الشب وقلا: مافي داعي مانك اول متسولة بتجي لهون فيكي تشربي مي وتروحيالعضوة: 275918 , منذ 4 سنوات
حكا هالكم كلمة اللي كانو متل السم ع قلب نرجس اتطلعت فيه وعيونا تعبو دموع وصرخت فيه:انا موووو متسولة افهمت خلي المي لحضرتك حطت الكاسة ع طاولة وطلعت لبرا اعدت بالرصيف وصارت تبكي صارت تحكي لحالها (يالله شووو عملت لك ليش هربت لك حتى موبايلي ما اخدتوو معييي لكك ليش صرخت عليه لك رح مووت عطش ياربييي) ماحست الا صوت دعسات وراها التفت بخوف كان شبين اتطلعوا فيها وضحكو و بأيدون مي عطاها واحد منون الكاسة بدون مايحكي مسحت ادموعها نرجس واخدتها وشربت اعد كل واحد منون حدها ع طرف وضحكو ضحكة صفراوية رجعتلو الكاسة للشب اللي عطاها ياها وقالتلو شكرا -الشب:ولوو معقول اترك هيك جمال يضل زعلان -الشب التاني:شو ياحلوة مضيعة طريقك؟ حط ايده ع كتفها وقامت نرجس دغري اتطلعت فيون بخوف وقفو وحكالا اول شب خلصنا ماتحاولي تهربي قومي ورتاحي عنا ياشقرةالعضوة: 275918 , منذ 4 سنوات
#الجزء_12 ركضت نرجس ولحقوها ماعرفت لوين عم تركض كانت بس بدها تنجي حالها من الورطات المتتالية اللي عم توقع فيها لوصلت ع مفرئ دخلت ع قلبو وصارت تركض وهنن وراها وصلت ع الميناء كان في شب اعد بالارض وصافن بالبحر و وجهو كدمات زرق وايديه مجروحين ركضت لعندو نرجس وئرفصت ومسكتو من كنزتو اتطلع فيها بكل برود و عئد حواجبو -نرجس(عم تبكي):ساعدنيي بترجااك ساعدنيييي الله يوفقكك الله يوفقك هدول عم يلحقوني بترجاك اجو الشبين وقلا واحد منون :شووو ياشقرة بكفيي تعيي محد رح يساعدك هاد الشب اللي عم تطلبي مساعدتوو سكران اكتر منا هو بدو مين يساعدو شوفي كيف شكلو هههههههههههه مسكها من ايدها ليوقفها مسكت هي بكتف الشب اللي كان عم يتطلع فيهن بدون مايحكي -نرجس:ساعدنيي بترجااك بترجااك وقعت علبة الموسيقا من ايدها والشبين مسكوها ماحسو الا حدا مسكون من شعرون ودج روسون ببعض وقلب عليهن متل التور الهااااايج بعدت عنون نرجس ومسكت بعلبة الموسيقا وحطت ايدها ع تمها وصارت تبكي والشب عم يركض فيهن ويصرخ ويبكي ما اقدرو يفكو من ايديه الا بصعوبة حتى نرجس خافت منو كيف تحول هيك هربو الشبين وركضو ب اسرع ماعندون رجع الشب لمطرحو بالارض وسند حالو ع العامود وصار يبكي قربت نرجس شوي شوي لعندو وهي خايفة ومصدومة اتطلع فيها شب وقلا:ضمينيالعضوة: 275918 , منذ 4 سنوات
انصدمت نرجس من طلبوا وقفت جمدانة كترو دموعو ع خدو اكتر ونزلو ع دقنو البنية ورجع قلا :ضميني بترجاكي بس ضمة وحدة .... بترجاكي وبدون ماتوعى ع حالا نرجس قربت عليه وغمرتو وهي مصدومة ضمها بقوة وصار يبكي اكتر واكتر وهي ما قدرت تنطق ب أي كلمة حست قلبها عم ينبض بالثانية الف نبضة بعد 4 دقايق بعدها عنو و وقف وطالع من جيبو مصاري وبدون مايتطلع فيها مسك ايدها وقلا :خدي هدول روحي ع فندق قريب من هون وحجزي غرفة ل3 ايام وهدول فوقون لتاكلي مسح وجهو و دار ضهرو ونرجس مصدومة ركضت لعندو وقالتلو :بسس لو سمحت انا ما _الشب:باين عليكي انو مالك بيت لو الك ماكنتي بهالوقت هون خدي هدول و روحي و اوعك اذا رجعتي شفتي وجهي تطلعي فيي نظرة انك بتعرفيني وتذكريني بهاليوم ماشي؟ هزت راسها نرجس ودار ضهرو وحكتلو شكرا الك ما عطا أي ردة فعل وكفى مشيتو وطلع بسيارتو مشيت نرجس وهي عم تفكر (مين هالشب ... ياترى مين هيك عامل فيه حتى وجهو مزرق وتمو عم يطلع منو دم ....اول مرة بشوف شب منهار كل هالقد ... اوووف ليش هيك قلبي عم يدق كتيير حاسستو رح يطلع مني لك وين روح بحالي انا) #يتبعالعضوة: 275918 , منذ 4 سنوات
الجزء_13 بقيت عم تمشي لوصلت ع فندق قديم صغير فاتت شافت ختيار -الختيار: اتفضلي بشو اخدمك؟ -نرجس:بدي احجز غرفة ل 3 ايام اذا ممكن -الختيار:طيب تكرمي شو الاسم؟ -نرجس: سمر باولو -الختيار: حجز مع اكل؟؟ -نرجس:لا اتطلع فيها الختيار بشفقة وقلا ع كلا اول يوم الاكل مجاني -نرجس:شكرا الك -الختيار ضحك ضحكة صفراية وقلا:وهي مفتاح الغرفة رقم 25 بالطابق التاني بالصدر هزت براسها نرجس وطلعت فاتت ع الغرفة وشالت شننتها من ع ضهرها و زتت حالها ع تخت (هووووف وين رح اهرب هلق حتى اسمي زيفتوو لك بكرا الشرطة رح تدور عليي وين بدي رووح هوووووف) قامت نرجس وتحممت و غيرت تيابها و زتت حالها ع التخت وضمت المخدة و صفنت بعلبة الموسيقا طالعت الطوق المفتاح من رئبتها وفتحت علبة الموسيقا وضلت عم تصفن فيها وتبكي لنامت فاقت تاني يوم ع دقة الباب خافت كتير قربت ع الباب شوي شوي وقالت ميين؟؟ -غريب:الفطور يا انسة فتحت الباب نرجس وفات الشب وحط الاكل ع طاولة وندار و قلا:هدول الاكل من المعلم ابو عامر وبقلك أي شي بدك ياه دقي ع رقم الفندق هادالعضوة: 275918 , منذ 4 سنوات
عطاها الكرت وهي مصدومة -نرجس:مين ابو عامر؟؟...هاد الختيار اللي .. قاطعها وقلا الشب:أي بالزبط (غمزها الشب وضحك) يلا عن اذنك طلع لبرا وهي حست حالها مو مرتاحة ولا متطمنة بالمرةة حست رح توقع بورطة جديدة اجت لتهرب بس كانت جوعانة بدها تاكل ماقاومت الفطور واكلت فيها ومافيها لشبعت فرحت كتيير قامت جهزت حالها لتنزل ونزلت وشافت ابو عامر -نرجس:صباح الخير ابو عامر:صباح النور بنتي (وقت سمعت كلمة "بنتي" حست قلبها برد وظلمتو) ابو عامر:كيف صرتي؟؟ -نرجس:الحمد لله عمو شكرا ع الاكل -ابو عامر:ولو هاد واجبي أي شي بدك ياه قليلي -نرجس:مممم بدي شغل -ابو عامر:شغل؟؟متل شو -نرجس:أي شي اقدر عيش حالي منو -ابو عامر:بسيطة اشتغلي هون -نرجس: هون؟؟ -ابو عامر:أي هون بدنا سكرتيرة للحجز فيكي تكوني هون -نرجس:عنجد ؟؟ عنجد مو عرفانة كيف اتشكرك -ابو عامر: ههه أي بلشي شغل من هلق وخلي منصور يشرحلك منيح -نرجس:مين هاد ابو عامر: الشب اللي عطاكي الفطور .. ليكيه ..يامنصووور تعا لشوف تعا -منصور:أي معلم؟ ابو عامر:خود سكرتيرتنا الجديدة (غمزو) وعلمها الشغل مشان المسا -منصور(ببسمة صفراوية):أي تكرم معلم ... تعالي معي اخد منصور نرجس وشرحلا الشغل قلا خليكي ورا هالطاولة و الغرف الفاضية معلق مفاتيحون ع الحيط وراكي و حكالا مبلغ كل حجز وغرفة ....اتطمنت نرجس وفرحت كتيير وبقيت ع شغلها طول اليوم حتى المغرب شافت سيارة شرطة ع الباب خافت كتير وتخبت تحت الطاولة دخل الشرطي وعيونو بكل مطرح بالفندقالعضوة: 275918 , منذ 4 سنوات
-منصور:اتفضل معلم بشو بخدمك؟؟ -الشرطي:عم ندور ع بنت يتيمة هربانة من دار الميتم -ابو عامر:هربانة؟؟؟؟ -الشرطي:أي -منصور:شو اسمها -الشرطي:نرجس اغا -ابو عامر:ما مر علينا حدا بهالاسم -الشرطي:ما مرت ولا بنت لهون امبارح ورجيني دفتر الحجز -ابو عامر:منصور هات الدفتر (غمزو) راح منصور شق ورقة الحجز اللي مكتوب فيها حجز الجديد تبع مبارح وبعدها عطاه الدفتر مسكو الشرطي وصار يدور بس مالقا شي ابو عامر:وقت رح تجي بنت رح نخبرك عليها اكيد عطيني رقمك -الشرطي:أي تستر ع شي يعتبر جريمة... اتفضل الرقم طلع الشرطي والضحكة ملت وجه ابو عامر ومنصور ... قرب ابو عامر ع طاولة اللي كانت متخبية تحتا نرجس ونئر عليها اربع نئرات وقلا :نرجس اغا اطلعي راح الشرطي طلعت و وجها احمر من الخجل لانها كذبت ب اسمها عليه -ابو عامر:يتيمة وهربانة؟ وطت راسها نرجس بدون ماتحكي شي -ابو عامر:اليوم بتضبي غراضك وبتطلعي من هون دغريي نرجس(مصدومة):شوو ليششش -ابو عامر:صعب قلك اطلعي وبسس روحي ضبضبي غراضك غابت الشمس روحيي وهي مصاريكي روحي -نرجس:بس انا .. ابو عامر: رووحي وبسسسس طلعت نرجس دغري وهي خايفة -منصور:لك معلم شوووو عملت انت قلت للرجال انو طلبيتو جهزت اذا اجا بعد شوي وما اخدها رح يقتلنااااا -ابو عامر:مابقدر ... جمالا صعب ينأذى والبنت يتيمة -منصور:لكككك واذا يتيمةةة هالشي احسن الناا... هلق صرت حنون؟؟؟ -ابو عامر:رح ندبر غيرا خلص -منصور مارح نلحقق .. هوف بعد عشر دقايق صفت سيارة كبيرة قبال الفندق ونزل منها رجال مسلحين وزلمة اسمر طويل نص شعرو شايب وبتمو سيجار فات ع الفندق ونصدم منصور و ابو عامر وقت شافوه #يتبعالعضوة: 275918 , منذ 4 سنوات
#الجزء_14 -ابو عامر:معلم قاسم!!!!!! مبكر اليوم لسا ماصارت الساعة 11 -قاسم(حط رجلو ع الكرسي و ايدو ع راس الكرسي وشال نضاراتو وقلو):بلا لعي عندي كم شغلة جبلي البنت خلصني بهالوقت نزلت نرجس من ع الدرج وسمعت صواتن وقفت ع جنب وهي ماسكة شننتها وخبت حالها -ابو عامر:البنت .... البنت طلعت تئضي غرض هلق بتجي نرجس بقلبها :انو بنت مين هااد -قاسم:اممممم انت هيك ماعاد يمشي الحال معك وقف قاسم منيح وطالع مسدسو وحطو براس ابو عامر وقت شافتون نرجس جمدت -قاسم:وينهاااا؟؟ -ابو عامر: ..... (شاف نرجس كيف واقفة وخايفة وعيونا الخضر عم يلمعو من الخوف اشرلا بعيونو تهرب) -قاسم:مارح تحكي؟ منصور لمح نرجس ودغري عطا ردة فعل وقال :معلم ليكهااا ليكهااا نرجس جمدت ب ارضها قرب عليها منصور وشدها لتمشي معو اتطلع عليها قاسم من تحت لفوق وكأن عم ياكلها بعيونو مسك ابو عامر من قميصو وشدو لعندو وقلو :عرفا تنئشا هالمرة (دفش ابو عامر عنو وقرب من نرجس) -نرجس:شو بدكن مني!!! -قاسم:اللي متلك بضاعتنا ياروحيالعضوة: 275918 , منذ 4 سنوات
اتطلعت نرجس بخوف كبير فيه وبعدها اتطلعت ع ابو عامر وصرخت فيه:انا عتبرتكك متل ابي بعتنييي؟؟؟؟ قربت ع ابو عامر وهي عم تبكي وصارت تضربو ع صدرو -نرجس:كلكووون كلاااب كلكووون مسكها قاسم من كتفها وشدا لعندو -قاسم (حط اصبعتو قريب من شفاف نرجس وقلا):هس ياحلوة واهدي وامشي احسن ما اقتلك ب ارضك امشي دفشتو عنها نرجس وحكت:اقتلنيي مووو خايفةة افهمت اقتلنيييي -قاسم:هههههه اطلعتي قطة بس برية متوحشة .... شيلوها عجبتني قربو شبين عليها ومسكوها بقوة وشالوها وهي تصرخ وتبكي ندمت ع الساعة اللي طلعت منها من الميتم ماكانت مفكرة الدنيي وحشية كل هالقد بدون حدا يسندها ويدافع عنها حطوها بالسيارة وغراضها وعلبتها الموسيقا وكلشي الها ضل ع باب الفندق طول الطريق كانت مربطة وعم تبكي لوصلت لبيت مابتعرف وين شالوها وفوتها ع قلبو كان عبارة عن بيت صغير بمنطقة مقطوعة ومليان فيه بنات منون من عمرها ومنن اكبر -قاسم:سمية(المسؤولة عن البنات) جهزي هالحلوة وجهزي معها لمية و حنان وديمة معك ساعة واذا ماجهزت صيحيلي لبسها انا طلع لبرا وقفل الباب عليهن اعدت نرجس بأرضها وصارت تضرب بحالا وتصرخ وتبكيي -سمية:هاد البكة مارح يفيدك شغلي عقلك وقومي يلا -حنان:ههههه والله هالمرة جاب بنت شقفةة -ديمة:اتركوها لتهدا -سمية:و اديش بدها تهدا شهر متل كل وحدة بتجيني ااه؟؟؟ قومي خلصينيييي قامت نرجس معها وهي جمدانة وهي مستسلمة حست كلشي صار كان ب ايدها هية بس 👇👇 #رحلة_نرجس