#صفقة_شرف_بقلم_هلاغرابلي
الجزء الاول:
نرمين :الو ..
هبة:كيفك نرمين ؟
نرمين: ..لحمدلله ....ماشي الحال انت كيفك؟
هبه:تمام مشتاقتلك ،شبو صوتك ،فيه شي،شكلك علقانة مع فادي ؟
نرمين:...لا ...ايه قليلي انت وين غاطة ؟
هبة:كالعادة ،جامعة و حضور و دروس و مية قصة
نرمين:مري لعندي بكرا بعد ما تخلصي دوام
هبة:ايه انا متصلة فيكي كرماال هيك
نرمين:طيب ناطرتك ...
انفتح الباب فجأة و طل بصوتو الجرش
فادي:مع مين عم تحكي؟
نرمين:مع رفيقتي هبه ،يلا هبه ماشي باي
حطيت الموبايل تحت المخدة و سندت ضهري على ضهر التخت و هو بعدو واقف
نرمين:بدك شي ؟
فات على الغرفة هو و عم يشغل سيجارة ،قعد على الكرسي و نفخ دخنة السيجارة بوجهي
فادي:ما في شي ،هاي رفيقتك هبه ما عاجبتني كتير
نرمين:شو يلي ما عجبك فيا؟
العضوة: 275918 , منذ 4 سنوات
سيرين:ما هلأ لغير نهار ، بدي فوت اتحمم و نام لانو اليوم كان تعب …. فادي: فوتي تحممي و البسيه ، انا عندي شوية شغل برا ؛معك ساعة بس و رح ارجع شوفك لابستيه طلع و سكر االباب ، كانت اللحظة الجاية هي ابشع لحظة مرتقبة داخل حياة نرمين ، اتصلت بنرمين انا و منهارة سيرين:انا بدي خبر زوجك الحقيقة ،بدي قلو انا ما مرتك ،ما فيني كمل بهاللعبة ..ما بقدر ...هالشي فوق طاقتي ،انا ما بقدر اعمل هيك شي نرمين:يلا خبريه ، بتعرفي شو بتكون ردة فعلو ؟ ، رح يقتلني و رح يقتلك ، فادي مجنون ،اذا بدك نموت نحن الاتنين خبريه يلا سيرين: .... نرمين:اغصبي حالك بس لتحبلي و بعدين خلص .. منقدر نرجع نبدل كل فترة يعني ،و بعدين سيرين ما كل شاردة و واردة ادقيلي ،هاي انا عم اتصرف لحالي بدون ما ارجعلك بكل شغلة سكرت الخط بوجهها و فتت على الحمام غسلت وجهي بعدين تحممت و لبست الفستان ،وقفت على المرية رفعت راسي لاطلع على حالي انا و خجلانة من حاالي، حسيت نفسي انسانة رخيصة اني قبلت بكل هالقصة يلي كنت داىما عم اقنع حالي اني تصرف كل هالشي كرمال ابني ،التفتت على فوتة فادي من الباب و هو عم يزم شفايفو و كأنو ما عجبو فادي:ماشي حالو سيرين:و انا هيك حكيت؛الفستان ما حلو و ما عجبني ،رح فوت اشلحو فادي:شبك شبك طولي بالك ، صاير صبرك قليل و ما بينحكى معك كلمتين تركتو عم يحكي و فتت على الحمام،لحقني و فتح الباب ،كنت مقفلتو من عندي فادي:نرمين شو هالحركات ،افتحي الباب سيرين:ثواني بس لغير تيابي فادي:انا ما طلبت منك تغيرين ،افتحي الباب و اطلعي فتحت الباب انا و حاملة الفستان بايدي ،حطيتو بايدو سيرين:شكرا على الهدية بكل الاحوال فادي:اه،هيك صار الحكي هلا جاب مقص من الدرج و صار يقصو لقطع صغيرةالعضوة: 275918 , منذ 4 سنوات
فادي:ما الحق عليكي ،الحق علي انا يلي عم عاملك بشر و جايبلك معي هدية ، بدي سوي منك بني ادمة بس ما عم يمشي الحال.. سيرين:عفوا؟شو هالحكي هيدا ؟ بني ادمة؟ليش انا شو بالله فادي:انت حيوانة و .. سيرين:التزم حدودك و احكي معي متل العالم و الناس فادي: تعي علميني كيف بيحكو سيرين:اذا اضطر الامر،بجي و بعلمك كيف بيحكو فادي:....لحظة ....عيدي شو حكيتي .... سيرين:ايه بعيد ،ما خايفة منك ،قلتلك اذا بدك بجي و بعلمك كيف بيحكو قرب بعصبية و ضربني كف فادي:و انا بجي و بزبطلك لسانك وقفت مصدومة من قوة الكف ، وهو عم ينفض من العصبية ،ما قدرت رد بكلمة ، كل يلي عملتو انواخدت الموبايل و المخدة و طلعت من الغرفة و نمت بالغرفة التانية ،بعد ليلة عصيبة مرت ببيت نرمين،فقت ما لقيت فادي بالبيت ،مر النهار انا و متدايقة من ليلة البارحة ،على فترة الغدا رجع فادي على البيت ،اول ما سمعت الباب عم ينفتح ،رحت على الغرفة التانية و قعدت فيا حتى ما شوفو ؛بعد.دقايق قصيرة دخلت لعندي شادية شادية:اطلعي اتغدي معو سيرين:يتغدى لحالو و بس يطلع من البيت خبريني شادية: شو يعني بقلو هلأ؟ سيرين:قليلو ما بدا تتغدى معك ...بهالبساطة شادية:حاضرالعضوة: 275918 , منذ 4 سنوات
_______نرمين_______ رجعنا من المشفى على البيت ،مر اول اسبوع و انا عم نام مع يزن بالغرفة لحالنا و عم اتفادى اي فرصة ليختلي جمال فيني او ان فوت معو بنقاش طويل ،كانت اجوبتي مختصرة كتير معو ،كانت حياة سيرين هادية كتير بدون اي مناوشات او اي محاولة لخلق مشكلة من جمال يلي كان مسالم و رايق و متفهم لابعد الحدود ،المنغص الوحيد يلي كان حاضر بشكل ملحوظ و مؤسف هو الفقر و القلة ،كان صعب علي اتقبل اول فترة انو كل شي غير متوفر من اكل و شرب و لبس و حتى شغل البيت و الطبخ صار من المهات الصعبة يلي انا من زمان ودعتا و تعودت على اسلوب حياة الرفاهية و الراحة ،بعد اسبوعين بلشت الامور تتأزم ،كنت نايمة بالغرفة وقت حسيت على حدا عم يفيقني ،شفت جماال واقف فوق راسي و عم يبتسم نرمين:خير !فيه شي؟ جمال:تعالي نرمين:لوين؟ جمال:لبرا نرمين:انا نعسانة كتير و بدي نام جمال:سيرين لايمت يعني ،قومي يلا ،انا مشتقلك كتير نرمين: نحن حكينا بهالموضوع من قبل ،يعني ..ما قبل سنة رفع الحرام عني و حملني بين ايديه غصب عني ، احمر وجهي كتير و دق قلبي بسرعة و تلبكت ؛اول مرة حدا هيك بعمل معي نرمين:نزلني اذا بتريد ..عم قلك نزلني جمال:وطي صوتك بتفيقي الولد هلأ نزلني على الصوفاية و قرب عليي انا و عم بعدو بايدي حتى قمت بسرعة نرمين: مستحيل هالشي يصير مستحيل جمال:هلأ صدقتي اني طلقتك ،انا كنت عم سايرك مشيت بخطوات سريعة لارجع على غرفتي ،سحبني لعندو و حبسني بين ايديهالعضوة: 275918 , منذ 4 سنوات
جمال:الي 3 ايام بالبحر ،ما اشتقتيلي ،شو صايرلك ، ما هاي سيرين يلي بعرفا نرمين:انا ...انا تعبانة اعصابي من عملية يزن جمال:طيب تفهمتك بس لايمت يعني ،كمان نحن لازم نجيب اخت االو،بدو يضل وحيد الولد نرمين:نعم! ... انا بدي فوت نام ،تصبح على خير جمال:هيك هلأ؛ماشي يا سيرين ماشي ،اعملي و كتري ،انا ما زوجك و الي عليكي حقوق سكتت و فتت و سكرت باب الغرفة انا و عم اتحسس دقات قلبي و حرارة وجهي ،فقت تاني يوم انا و عم حط فطور لجماال قبل ما يطلع على شغلو ،كان مكشر و ساكت على غير العادة حتى عم يتفادى يطلع فيني ،كانت ردة فعلو على تصرفي معو مبارح هادية كتير لدرجة خلتني اشرد شوي بحياتي مع فادي و لو انا تصرفت معو بالطريقة شو كان عمل ،حتى حسيت على جمال واقف وراي و عم يحط الصحون بقاع المجلى ، خبطت ايدو بجسمي عن قصد ؛و انا نفضت لورا،اطلع فيني متفاجئالعضوة: 275918 , منذ 4 سنوات
جمال: عم تحسسيني كاني رجال غريب عنك ،لا زوجك و لا انت مرتي نرمين:لا كنت شاردة بس جمال: انا رايح لعند الشباب ،بدك جبلك شي معي من السوق نرمين:لا سلامتك جمال:رح جيب تقلي سمك على الغدا نرمين:اقلي سمك!.. طيب ماشي جمال:و رح مر كمان شوف مدرستو ليزن نرمين:ايه لازم سكرت الباب انا و عم اتنهدالعضوة: 275918 , منذ 4 سنوات
نرمين:كيف بقلو سمك ...يالله شو عرفني انا بعد ما رجع جمال من مشوارو اخد الغاز الصغير و سبقني عالبلكون و انا لحقتو بالسمك جمال:هاتي انا بقليه عنك ...هادا اسمو دلال ولا لا؟ نرمين (مبتسمة):امبلا يسلم ايديك التفت لعندي و هو عم يبتسم جمال:خليه يبين بس وقفت جنبو اتفرج عليه جمال:كأنو ما عاد شفتك عم تشتغلي بالصنارة و الشك نرمين:ايه ،موقفة هلأ ،عم اهتم بيزن جمال:يزن صار منيح لحمدلله و هاي رح يرجع لمدرستو كمان ،شافتني اليوم ام محمد و سألتني عنك ،ليش ما عم تروحي لعند ا صبحية نرمين:مين ام محمد؟ ....الجارة.اه اه بكرا بروح بعد ما خلص قلي السمك و نحن عم نتغدى ؛ قرب ايدو لعند تمي هو و ماسك لقمةالعضوة: 275918 , منذ 4 سنوات
جمال:افتحي تمك ،كلي هاللقمة مني خجلت كتير بس كنت مبسوطة من جوا ،شعور عم يخلق من جديد جوا قلبي ،فتحت تمي و اكلت اللقمة انا و عم ابتسم جمال:دخيل جمالك رن جرس البيت ،قام فتح الباب و طلعت بوجهو بنت صغيرة جمال:اهلين بميرال الحلوة ميرال:وين خالتو سيرين؟ جمال:فوتي ،عم نتغدى ميرال:لا بدي روح بس بتقلا ماما بس تبدألا بالحبكة اطلع فيني جمال و انا بلعت اللقمة بصعوبة جمال:طب فوتي اقعدي لتخلص غدا و تغسل ايديا ما توقعت انحط بهيك موقف محرج ابدا و انا ما بعرف بشغل الصنارة ابدا ،ماطلت كتير بالاكل انا و عم فكر كيف بدي طلع حاالي من هالموقف ،قام جمال الصفرة على المطبخ و انا قمت غسلت ايدي و رجعت لعند ميرال ،اعطتني الصنارة و بقيت واقفة عم اطلع بمكب الصوف و الصنارة حتى رجع جمال من المطبخ جمال:سيرين شبك ...البنت الها وقت ناطرة كنت بدي قلو ما بعرف بس رجعت اخدت نفس نرمين: ميرال انا هلأ عندي شغل بدي فوت اجلي و .. جمال:خلص انا بجلي عنك ،انت اقعدي اعمليلا الحبكة نرمين:لا انا بجلي ...خلص خلص روحي انت هلأ و انا بس خلص شغل بجي لعنكن و بشرب قهوة و بعملا اياها لامك سكرت الباب وراها انا و عم اتنهد و التفتت شفت جمال واقف مستغرب جمال:ليش زحلطيا للبنت نرمين:زحلطتا!اه ..لك ولله راسي عم يجعني و ما ع بالي اشتغلا هلأ ،خلص لبعدين ،انا فايتة اجلي سحبني من ايدي جمال : تعالي بدي احكي معك كلمتين نرمين:جمال اتركني ،اذا بتريد جمال:ما على كيفكهالمرة سحبني غصب عني للغرفة و قفل الباب _____سيرين_____ اول ما وصلو خبر اني انا رفضت اتغدى معو ،كنت قاعدة مروقة و عم اشرب قهوة ،سمعت صوت تكسير صحون برا ،فتحت الباب و طلعت ،شفتو عم يمسك الصحون و يخبطا بالحيط و تنزل مية شقفة،ركضت لعندي شادية شادية:بسرعة الحقي...اجتو النوبةالعضوة: 275918 , منذ 4 سنوات
حلوه وطويله بدها وقت لتنزل كاملهالعضوة: 477598 , منذ 4 سنوات
كملي🥺العضوة: 275918 , منذ 4 سنوات
الجزء الخامس: سيرين:نوبة شو ؟ شادية:الله يخليكي تصرفي ،ولله رجلي عم يتكو ببعض من الخوف سيرين:و شو دخلني انا ! اطلعت عليه ب لامبالاة و رجعت فتت على الغرفة ،بعد ثواني فات علي متل الاعصار ، وجهو احمر و عم يلهت فادي:و مروقة كمان كسر كل شي فيه ازاز بالغرفة حتى المرية كسرا و انا قاعدة و عم اشرب فنجان قهوة ،هالشي استفزو كتير فادي: انت وحدة بلا ذوق و ما بتستحي على دمك بس ما فيكي دم يا بنت الكلاب ... قمت وقفت بعصبية اول ما قلي يا بنت الكلاب مع انو ما انا المقصودة بهالمسبة ،بس ما قدرت ابقى قاعدة و عم مثل هدوء مصطنع و اتقبل اهانة و مسبة كرمال ابقى بصورة نرمين ،المرة الهادية يلي بتسمع مسبتا بدانا و بتبقى ساكتة و راضخة الو سيرين:لهون و بس ... فشرت تحكي معي بهالطريقة ..انت مين مفكر حالك اصلا حتى تحكي معي هيك ،ما بسمحلك تهيني ابدا تركت الغرفة و طلعت ،لحقني كالعادة ليصعد المشاكل هو و عم يصرخ بصوت عالي ،شفت شادية واقفة بالزاوية و خايفة و عم ترجف ،اطلعت فيا و عليت صوتي سيرين:شبك انت التانية ،من شو خايفة ،ما في شي بخوف ،انا ما خايفة منو ؛يلي بدو اياه يعملو ،عندو مية حيط يضرب راسو فيه حسيت على ايدو بشعري ،دفشتو عني بقوة ،ضربني كف ،رجعت ضربتو كف تاني و ركضت حول طاولة الاكل ،لحقني متل المجنون فادي:انا عم تضربيني ! ولله لربيكي ولله لاقتلك يا ....يا ...العضوة: 275918 , منذ 4 سنوات
وقف كل واحد فينا بجهة ،و الفاصل بيناتنا طاولة الاكل الطويلة شادية:طولو بالكن ...هلا الجيران بتطلع على اصواتكن سيرين:انا ما بعرف كيف مرتك عايشة معك و متحملتك ،لك انت ما بتنحسب على الرجال ،عم تتقاوى على مرة ضعيفة و يتيمة ،انت واحد بلا شرف و بلا اخلاق حسيت كل الدم يلي بجسمو طلع على راسو بعد ما انتبهت انا شو هذيت بالحكي ،ما ركز على الكلمات على قد.ما ركز على تشكيكي برجولتو و كانو ضربت على الوتر الحساس ،مسك الكرسي و زتو علي ،وطيت جسمي لاتفادى الضربة و اول ما قمت مسكت الفازة على الطاولة و رميتا عليه و تابعت ركض على الغرفة و قفلت الباب علي ،اتصلت بنرمين و انا عم ارجف ،فصلت الخط بوجهي ،رجعت اتصلت فيا و بعتلا رسالة (ردي ضروري،الوضع خربان) بعد.دقايق قصيرة اتصلت فيني نرمين:شوفي؟ سيرين:شوفي !لك هادا مجنون نظامي ،انت ما قلتيلي هيك ،نحن ما اتفقنا هيك نرمين:اهدي و فهميني شو يلي صار؟ سيرين:لك اصلا شو يلي ما صار،ضربني كف و زت علي كرسي و غير كلام الشوارع يلي عم يسمعني اياه ،هادا واحد ما بيسوى و ما بينعاش معو ،انا ما بقدر تابع هيك نرمين:يالله اجتو النوبة سيرين:لسا التانية بتقلي نوبة !نوبة شو؟ نرمين: لك ليش وصلتيه لهل المرحلة ؟شو عملتي حتى عصبتيه سيرين:ولاشي؛يعني شي تافه،اسمعي التكسير جن على الاخر ،رح يكسر البيت علينا نرمين:طيب طيب روقي شوي و اامتصي غضبو ... سيرين:امتص! تعي ارجعي لزوجك انت بتعرفي كيف تتعاملي معو بس انا لا ،اصلا ما متعودة على هالجو المكهرب نرمين:نحن ما اتفقنا هيك سيرين:بس ما كنت متوقعة هيك يكون بهالعصبية و الاخلاق نرمين:انا مضطرة سكر باي سيرين: الو ...الو ...نرمين ....شو بلاني انا هالبلوة سمعت صوت دعساتو متل الوحش الكاسر جاي على الغرفة ،خبط على الباب بايديه الاتنين فادي:انا بدي طلقك و اشلحك من رجلي ،خليكي ترجعي تشطفي ادراج للعالم متل الخدامة بعد ما انا اخدتك و عملتك بني ادمة و لبستك لبس بحياتك ما كنت تحلمي تلبسيه يا شرشوحة ،لك انا شبعتك و شبعت عيلتك يا جوعانة سيرين(تتنهد ): اووف طلقني طلقنيالعضوة: 275918 , منذ 4 سنوات
فادي:رح طلقك و حياة عينك و رح طلعك من هالبيت متل ما جيتي بلا شي سيرين:طيب يلا سرع بالطلاق كمان لانو انا ما حابة كمل بهالقصة بقا ،خلينا نخلص ، عيشة بتقرف معك فادي:افتحي الباب سيرين:ما رح افتحو و يكون بعلمك اي شي بتعملو معي رح ردلك اياه متلو و زيادة حبتين متل هلأ مثلا فادي:انت بدك اعادة ضبط من اول و جديد ؛مين عم يقويكي علي ،مين مخربلك عقلك سيرين:ما حدا ،ما في مرة بتقبل تنهان و تسكت ؛احترمني بحترمك ...وين فنجان القهوة طيرو هالمجنون .. فادي:يا نرمين رح ندمك على كل كلمة حكتيا و رح ندمك على الكف و على زتة الفازة ،رح تدفعي التمن غالي كتير سيرين: طيب ،اذا كان معي بدفع و اذا ما معي بقسطلك اياهن فادي:عم تتمسخري سيرين:ايه خبط على الباب خبطة قوية فادي:انا بفرجيكي ما ارتحت و اخدت نفس الا بعد ما سمعت خطواتو عم يبعد عن الباب ،تاتي يوم ما طلعت من الغرفة الا لتأكدت انو طلع من البيت ،طلعت لقيت كل شي مرتب و نظيف و كانو ما صار كل يلي صار قبل ب ليلة ،اول ما عم غسل وجهي رن جرس البيت ،فتحت شادية الباب و اجت لعندي شادية:مرة ابوكي . سيرين:مين مرة ابي (نرمين: مرة ابي بتجي لعندي كل اول الشهر بتاخد الراتب يلي مخصصلا اياه فادي لتصرف فيه على حالا ،على كل حال فادي رح يعطيكي كل اول الشهر مبلغ مرتب ،بتقسميه بالنص تماما و بتعطي نص لمرة ابي و النص التاني هيدا الك لتنزلي فيه على المولات و تشتري شو ناقصك من تياب و مكياج بس كل شي مفوتر لا تنسي )العضوة: 275918 , منذ 4 سنوات
سيرين:..اه اه...فوتيا شادية:هي بالصالون سيرين:طيب..شادية انت ايمت جيتي ؟ شادية :من ساعة سيرين:شفتيه لفادي يعني ؟ شادية:اي طبعا لكن مين فتحلي الباب سيرين:كيف معصب ؟ شادية:كان مكشر كتير و ما رايق حتى ما شرب قهوتو سيرين:طيب ترك شي مصاري كرمال هاي المرة يلي برا شادية:مين ...قصدك سمية ..لا ما ترك شي غيرت تيابي و طلعت لكمل التمثيلية ،سلمت على مرة ابوا لنرمين و قعدت اشرب قهوة انا و اياها و اسمع حكيا عن بناتا و تحصيلن العلمي و انجازاتن و كمية العرسان يلي عم يطلبون كل يوم و كل ساعة و عن مرضا و الادوية يلي بتحتاجن كل شهر و مصروف البيت و الخ . ..استأذنتا واتصلت بفادي سيرين:صباح الخير فادي:شو بدك ،اذا متصلة تعتذري ،اعتذارك مرفوض... سيرين:ايه طول بالك ،انا ما متصلة كرمال هيك و انا ما بعتذر من حدا غلط بحقي فادي:شو بدك لكن ؟ سيرين:،عندي مرة ابي ،ليش ما تاركلي مصاري الا ،ما بتعرف يعني هلا موعد زيارتا و القبض فادي:قليلا ما الها عندي شي و البضاعة يلي اعطتني اياها مضروبة و بدي ردلا اياها عن قريب سيرين:بضاعة شو ؟؟...اه ...طيب بالناقص ...هلأ بقلا ..سلام سكرت الخط بوجهو قبل ما هو يسكر و طلعت لعند سمية سيرين:قال فادي ما معو يعطيكي هالشهر لا تواخذيه ،بعوضك الشهر الجاي سمية:شو!ليش؟ سيرين:هيك حكى سمية:يييي و الديون و المصاريف يلي علي مين بوفين ،انا رايحة لعندو سيرين:يوووه ،شكلك ما بتسمعي ؛قلتلك ما معو يعطيكي؛ارجعي على بيتك انت هلأ و بس يرجع من شغلو ،انا برجع بحكيه مرة تانية كرمالك و بقلو يزدلك اياهن كمانالعضوة: 275918 , منذ 4 سنوات
سمية :ايه الله يخليكي،اعطيناه صبية متل الوردة ،معقول ينسانا هيك سيرين:خلص انا بحكيه ،يلا الله معك،لاتواخذيني عندي مشوار ضروري شربت قهوتا و طلعت هي عم تترجاني كرمال حكي فادي ، اتصلت بنرمين ما ردت علي ، مع انو بعرف انو جمال بكون هلأ بشغلو و ما في شي شاغلها حتى ما ترد ،زتيت الموبايل من ايدي انا و عم هز رجلي سيرين:ماشي يا ست نرمين ما تردي على راحتك ،انا بعرف كيف طلع حالي من هالقصة ما كان قدامي غير مخرج واحد ،حط نرمين تحت الامر الواقع لارجع كمل حياتي باقل خسائر ممكنة ،بعد ما اجا فادي و اتعشى و ارتاح ،و انا مقفلة علي غرفتي ،اتصلت فيه فادي:شو بنفس البيت و بتتصلي فيني سيرين:ايه بدي احكي معك بموضوع ،يعني حل بيرضي الطرفين فادي:تفضلي سيرين:لا ما هون طبعا،بدي شوفك فادي:وين بتحبي تشوفيني ... بالصالون ولا بغرفة النوم ولا بالبلكون سيرين:لا بمحل عام ،بخاف تعمل متل مبارح فادي:لا اطلعي عليكي الامان،حاليا مروق سيرين:شو الضمان ؟ فادي:الضمان انو انا بدي حاسبك على مبارح بس ما اليوم ،عم حضرلك اياها مفاجأة سيرين:ايوا ...حلو ...انا بحب المفاجات بس ما رح تلحق فادي:اوف ليش ...معك مرض و بدك تموتي عن قريب انشالله سيرين: جمعا انشالله فادي :اخدة رياحتك ،تفضلي سيرين:يلا فتحت باب الغرفة و طلعت ،سكرت الخط ،شفتو قاعد عم يشرب قهوة و عم يشتغل على اللابتوب ،قعدت بعيد عنو ،قام وقف ،وقفت بسرعة و استعديت للركض فادي:هههههههه ،شبك خفتي تناول باكيت الدخان و رجع قعد محلو ؛رجعت قعدت فادي:ايييه ،شو الموضوع ؟العضوة: 275918 , منذ 4 سنوات
سيرين:انا بدي اطلق فادي :تطلقي؟ سيرين:ايه ،انت قلت مبارح بدك اطلقني و انا بدي هالشي اكتر منك فادي :ايه و بعدين ؟ سيرين:بعدين انت بتتزوج و بتجيب اولاد و انا برجع لعند مرة ابي . فادي:على شطف الادراج ! سيرين:هيدا القسم بقا شي بخصني ،بشطف ادراج بشتغل بالبيوت او بتوظف شي وظيفة مثلا فادي:وظيفة ؟على الشهادات يلي معك مثلا سيرين:ما كل الوظايف بدا شهادات ،انت ما تاكل همي فادي: انت بتعرفي انا اذا طلقتك ،انت ما بقا بتسوي شي سيرين: انا بسوى فيك و بلاك ، برجع بتزوج مرة تانية ،ما ناقصني شي ؛جمال و عندي ... فادي:اي و الحشى سيرين:على هااللسان ..... اخلاق و عندي .. فادي:ايه كتير ...كملي كملي ..و حسب و نسب و مال و جاه ...كاملة مكملة سيرين:ما في حدا كامل ،انا عاجبني حالي هيك و بعرف انو في حدا رح يحبني و يقدرني و حتى لو فقير ،المهم يحترم ال.. فادي: يحترم المرأة و يقدس الحياة الزوجية سيرين:تماما،لهيك امشي باوراق الطلاق و ما بدي شي منك ابدا لا متأخر و لا متقدم فادي:مين قال انو بدي اعطيكي ليرة سيرين:انا ما بدي فادي:مفكرة مرة ابوكي رح تستقبلك سيرين:ايه رح تستقبلني ، هي قالتلي اخر مرة وقت اجت و ما اعطيتا مصاري ،انو بدا طلقني منك و تزوجني لواحد اغنى منك فادي:هي هيك حكت؟ سيرين:ايه قال لانو ما بقا عم تستفاد منك بولا ليرة ...يلا الحكي يلي بدي احكيه حكيتو و خلصت تصبح ع خير فادي:لحظة .. سيرين:نعم! فادي:انا بكل الاحوال كنت رح طلقك لانو ما بتجيبي اولاد ..عاقر و ما مستفاد منك شي و لا حتى انت و عيلتك من مستواي بس هاالشي انا بقررو ايمت و وين ما انت سيرين:طيب انا بالانتظار فادي:و مرة ابوكي لتجي لعندي الها حساب معي عهالحكي