#صفقة_شرف_بقلم_هلاغرابلي
الجزء الاول:
نرمين :الو ..
هبة:كيفك نرمين ؟
نرمين: ..لحمدلله ....ماشي الحال انت كيفك؟
هبه:تمام مشتاقتلك ،شبو صوتك ،فيه شي،شكلك علقانة مع فادي ؟
نرمين:...لا ...ايه قليلي انت وين غاطة ؟
هبة:كالعادة ،جامعة و حضور و دروس و مية قصة
نرمين:مري لعندي بكرا بعد ما تخلصي دوام
هبة:ايه انا متصلة فيكي كرماال هيك
نرمين:طيب ناطرتك ...
انفتح الباب فجأة و طل بصوتو الجرش
فادي:مع مين عم تحكي؟
نرمين:مع رفيقتي هبه ،يلا هبه ماشي باي
حطيت الموبايل تحت المخدة و سندت ضهري على ضهر التخت و هو بعدو واقف
نرمين:بدك شي ؟
فات على الغرفة هو و عم يشغل سيجارة ،قعد على الكرسي و نفخ دخنة السيجارة بوجهي
فادي:ما في شي ،هاي رفيقتك هبه ما عاجبتني كتير
نرمين:شو يلي ما عجبك فيا؟
العضوة: 275918 , منذ 4 سنوات
سيرين:هلأ اذا بدك تواجهها بهالحكي رح تنكر و تقلك اني انا كذابة فادي:ها فقت تاني يوم و شفت فادي تاركلي مصاري لمرة ابي ،عديتن انا و مبسوطة من جوا ،مبلغ كتير كبير ما بساوي مدخول جمال بالسنة كلها،لو بدي اصرف منو كل الشهر ما بيخلص ،لغيت فكرتي بطلاق نرمين من فادي بعد ما شفت هالمبلغ و نفسي ضعفت و طمعي و شراهتي على المصاري زادت و اعتبرتا فرصة و بدي اغتنما و جمع مبلغ مرتب استفاد منو بعد ما ارجع لحياتي مع جمال و يزن و بلش حياة جديدة قب فيا على وجه الدنيا ،خطط و افكار كتير كنت لازم العبن صح لحقق المشاريع و احلام يقظة يلي تخيلتا بهديك اللحظة ،اتصلت فيه فورا فادي:نعم؟ سيرين:متصلة لاتشكرك على المصاري يلي حطتلي ااياهن لمرة ابي ،بس انا عم فكر ما اعطيا اياهن فادي:ليش؟ سيرين:بعدين بتبطل تستقبلني بعد ما اطلقني فادي:و هيدا المطلوب، بدي تصفي بالشارع سيرين:بتعرف انت شو ناقصك ؟ فادي:انا ما ناقصني شي سيرين:ناقصك تحترم مرتك حتى يكون ما في منك ،بس انا رح علمك كيف تحترمني و تعرف كيف تحكي معي فادي:لتصيري متل العالم و الناس بحترمك الله يحرمني منك سسيرين:يلا باي فادي:لحظة قبل ما تسكري ،حضري حالك اليوم معزومة عنا اختي سهى و رفيقتا على الغدا سيرين:اهلا و سهلا ،معناها رح خبر شاديةالعضوة: 275918 , منذ 4 سنوات
فادي:خبرتا طبعا و قلتلا تعملي صفرة مرتبة من الاخر لانو الضيفة غالية كتير و حلوة كتير سيرين:ايه سهى ما في منا فادي:فهمتيني غلط ،انا قصدي رفيقتا لسهى ،سارة سيرين:يا مية اهلا و سهلا بسهى و رفيقتا سكرت الخط انا و عم اتأفأف سيرين:ما اغباه ،انو بدو اياني غار عليه ،ما رح يطلعلك معي ابدا شلت من المصاري اكتر من نصن و خبيتن الي ،و فتت على المطبخ ، شفت شادية ملهية بالطبخ كرمال العزيمة لهيك تركتا و فتت على غرفتي لشوف شو بدي البس بهالمناسبة ،وقع اختياري على فستان ابيض مشكوك ،كان شكلو عرايسي كتير ،شلتو من الخزانة و رميتو على التخت و بلشت جهز حالي ، لحتى اجا موعد الغدا ،طلعت من غرفتي ،اول ما شافتني شادية ابتسمت شادية:مدام طالعة كتير حلوة اليوم سيرين:عيونك الحلوين يا شادية؛وين وصلتي؟ شادية:خلصت كل شي و الطاولة صارت جاهزة ؛بانتظار الضيوف ،هاي اجا سيد فادي سيرين:خليكي هون انا رايحة استقبلو طلعت من المطبخ انا و عم طق بكعب الكندرة سيرين:اهلين حبيبي قربت لعندو لشلحو الجاكيت سيرين:يعطيك العافية حبيبي اطلع فيني هو و عم يزم شفايفو فادي:الله يعافيكي ،شو يلي لابستيه هيك ،شو رايحة على عرس سيرين:لا بس انت قلتلي الضيفة غالية على قلبك و ما حبيت استقبلا كيف ما كان ،قيمة الك ،وين ضيوفك؟ فادي:على الطريق رن جرس البيت ،رحت لافتح ،مسكني من ايدي و سحبني لوراه فادي :انا بفتح سيرين:متل ما بدك فتح الباب بابتسامة عريضة ما شفتا من قبل على وجهو فادي:لك يا مية اهلا و سهلا ،زارتنا السعادة ،تفضلوالعضوة: 275918 , منذ 4 سنوات
اول ما وقع نظري على سارة تفاجأت بشكلها لانو توقعتا تكون حلوة كتير بس كانت اقل من عادية؛استقبلتا بحرارة مبالغ فيا لغيظ فادي ،قرب فادي و سحبلا الكرسي لتقعد على طاولة الاكل من جهتو سهى:يا سلام الاكل باينتو طيب كتير،اول ما شفتو جعت فورا هههههه سارة:هيدا طبخك مدام نرمين سيرين:لا هيدا طبخ شادية فادي:مرتي ما بتعرف تطبخ ابدا .... سيرين:و لا حتى فادي بخليني اطبخ ،يخليلي اياه يا رب ،كتير مدللني ،انا بحسد حالي عليه اطلع فيني متفاجئ سارة:الله يخليكن لبعض سيرين:الله يسلمك ؛فعلا يعني ما بوجهو لفادي بس انا محظوظة كتير اني انا مرتو و اي وحدة بمحلي رح تشكر ربا على هالنعمة ، حبيبي فادي اسكبلا لسارة شو بدا ،ما بدك مين يقلك سارة:لا ،شكرا الك، بسكب لحالي فادي:لا بسكبلك بعيوني انسة سارةالعضوة: 275918 , منذ 4 سنوات
سيرين:ايه توصى فيا و انت سهى انت من اهل البيت ما بدك عزومة سهى:لا بحط لحالي ،انا بحب الكبة و التبولة اطلعت بسارة انا و عم اسكب صحني سيرين:مشالله عليكي ،يعني سمعت انك حلوة بس ما توقعت هالقد ،الله يحميكي سارة:شكرا الك،هيدا من لطفك سيرين:شو بتشتغلي حضرتك؟ سارة:مهندسة ديكور سيرين:برافو ،حلو كتير ،صحي فادي شو رايك نغير بديكور البيت ؟ فادي:ولله اذا على ذوق سارة ،اكيد رح يطلع حلو سيرين:انا لهيك قلتلك ،عندك صور لشغلك؟العضوة: 275918 , منذ 4 سنوات
سارة:ايه عندي ؛هلأ بفرجيكي سيرين:ايه يا ريت ،حبيت الفكرة كتير بعد ما خلصنا غدا و انتقلنا على قسم القعدة ،فتحت سارة موبايلا لتفرجينا شغلا سيرين:فادي تعا اقعد جنبا لسارة و خليا تفرجيك شغلا حسيت كل عصب بفادي عم يولع نار ،كان مخطط لشي و تفاجئ بشي تاني ،بعد ما خلصت قعدتن و قامو ليروحو سيرين:كتير انبسطنا فيكن و تشرفت فيكي انسة سارة سارة:انا يلي الي الشرف؛بتفوتي على القلب فورا سيرين:يخليلي عينك ،معك سيارة؟ سارة:لا ولله سيرين:فادي بوصلك سهى:يلا انا بوصلا على طريقي فادي:لا اختي انت طريقك غير طريقا ،انا بوصلا ،لك هاي سارة هاي نزلو كلن و انا فتت على المطبخ ساعد.شادية ،بعد نص ساعة رجع فادي،فات على البيت هو و مستنفر و بدو يقاتل دبان وجهو ،ناداني بصوتو الخشن فادي:نيرمين...تعي لهون رحت انا و عم خبي ضحكتي سيرين:ايه فادي:انت مين قلك انو بدي غير ديكور البيت؟ سيرين:كان اقتراح بس فادي:و انت من ايمت بتقترحي و بتدخلي بهيك شي؟ سيرين:انا تشجعت وقت شفت في قبول منك اتجاه سارة قعد على الكنباية و حط رجل على رجل هو و عم يحاول يسترخي فادي:من ناحية القبول،فيه قبول كتير ،سارة انسانة فهمانة و طموحة و بنت عز و اهلا شبعانين و الف شاب بيتمناها تكون مرتو غير عنك تماما سيرين:فعلا و انا حسيت هيك ،شو رايك زوجك اياها و تجبلك الولد يلي ما قدرت انا جبلك اياه فادي:ايه و هو هيك بس لطلقك و زتك بالشارع بالاول سيرين:اوف لييش عصبت شو حكينا معك فادي:و كيف بتحرجيني قداما و بتقليلي وصلا سيرين:بدي قلك كلمتين من الاخر،هاي الحركات يلي عملتا هلأ ،بتعملا مع وحدة عمرا 17 سنة ،بتمرق عليا بس انا ما بتمرق علي و لانو ما زبط يلي ببالك جاي تعصب و تتفشش فيني ،شو بدك هلأ؟ قرب لعندي و انا بقيت واقفة بمحلي فادي:بدي اعرف شو صايرلك ،لك ما عم اقدرلك ،كل كلمة بتردي عليا بعشرة ،لك حتى الطلاق ما بقا خفتي منو ،انا بدي ترجعي نيرمين الهادية .. سيرين:قصدك الهبلة الغبية ...فادي انا فعلا متغيرة ، لانو ما بقا بدي تهيني و تسبني و تعاملني على اني دون منك او جارية عندك ،ببساطة عاملني منيح وبرواق و على اني شريكة حياتك ؛و رح تشوفني انسانة تانية او رح يضل هيك الوضع بينااتنا ،حرب و قتالالعضوة: 275918 , منذ 4 سنوات
كتفت ايدي و هزيت برجلي سيرين:انت اختار ؟ مسكني من ايدي فادي:فوتي لنحكي جوا سيرين:لوين لجوا؟ فادي:لجوا هون تاني يوم ااتصلت بسمية لتجي لعندي سمية:بس هدول اعطاكي ...ليش هيك منقصن للنص! سيرين: لانو متدايق بشغلو هالفترة بس رح يعوضلك اياهن الشهر الجاي بس اهم شي انك لا تروحي لعندو و لا تتصلي فيه لانو حلف يمين طلاق علي اذا بشوفك قدامو و بتحرجيه قدام زباينو ليطلقني و يرجعني لعنكن لهيك سمية شو بدك تعي لعندي و انا بطلب منو بطريقتي رجع فادي المسا و قعد يتفرج على الاخبار بالتلفزيون ،كان رايق كتير لهيك بلشت الحديث معو سيرين:اجت اخدت المصاري و دعتلك كتير ويا لطيف شو مدحت فيك كتير جلس قعدتو باتجاهي و ابتسم وحسيت بحجم راسو عم يكبر ،ما غريب ابدا على طابع برج الاسد ،خبيت ضحكتي فادي:ايه و شو قاالت كمان؟ سيرين:بعتتلك سلامات و قالتلي انو لولاك كانت تبهدلت هالشهر و انو عم تطلع من بيت و تفوت ببيت و تحكي عنك و عن شهامتك و جمايلك معا فادي:ها ..مشان تشوفي زوجك اديش كريم و الناس بتحلف بحياتو سيرين:اممم شايفة ،انا ما بنكر انو انت ما في رجال بكرمك و اي وحدة كان ممكن تتمنى تكون محلي بس ... فادي:بس شو ؟ سيرين:لا خليني ساكتة احسن لانو ما رح يعجبك شو بدي احكي فادي:ايه احكي قمت و قعدت جنبو سيرين:ما بدي احكي ،هلأ بتعصب،و انا ما بدا اياك تعصب ،المهم انا بكرا بدي انزل على السوق فادي:ايه روحي تاتي يوم نزلت على السوق و اشتريت كام قطعة من المول و بعدين رحت على المحل يلي بشتري منو صوف كالعادة و التقيت بالشاب صالح يلي ببيعني الصوف؛اول ما شافني ما عرفني سيرين:انا سيرينالعضوة: 275918 , منذ 4 سنوات
صالح:ولله ما عرفتك متغيرة سيرين:ايه مغيرة لون شعري بس، انا مستعجلة ،بدي اطلب منك طلب صالح:تفضلي فتحت جزداني و ا اعطيتو الفواتير سيرين:بدي تغيرلي الارقام يلي موجودين هون ،يعني نفس المشتريات بس غير اسعار صالح:انا ..شو عرفني بهيك شي سيرين:صالح ..خلصتك بقا اطلع من هالابواب ...ما كنت تزورولو اوراق لحمادة صالح:ايه كنت بس هلأ بطلت بعد ما انحبس حمادة ،خفت سيرين:انت و انا منعرف انو حمادة ما انحبس كرمال هالموضوع صالح:عم تزوريه ؟ سيرين:لا ،زرتو من كام سنة و ما بقا رجعت رحت لعندو صالح:عم يقولو في عفو قريب و بجوز يشملو و يطلع سيرين:انشالله ،المهم انو وقت يطلع ما يرجع للقصص القديمة صالح:بظن تربى سيرين:طيب صالح على كل حال ، هدول ما بخوفو ،شي شخصي ،رح انطرك هون يلا ما طول صالح:هلأ؟ سيرين:ايه هلأ لانو مستعجلة و كتبتلك بهالورقة قائمة بالاسعار الجديدة ،و ما رح انساك صالح:طيب اخد الاوراق و دقق فين صالح:سنتر مول !هدول الك ؟ سيرين:لا طبعا ،من وين لاشتري من سنتر مول يا حسرة و بهالارقام ،هدول خدمة لرفيقتي صالح:طيب سيرين:صالح ما تقول لحدا انك شفتني او مريت عليك اوك صالح:متل ما بدك سيرين:و حطلي كام مكب صوف و صنارة بعد ما اخدت الفواتير المزورة بارقارم عالية و اعطيتن لفادي ،اطلع فين نظرة سريعة فادي:اوف ، هيك صايرة الاسعار هلأ! سيرين:طبعا،المبلغ يلي اعطيتني اياه صار يا دوب عم يكفيني ؛يا دوب اشتريت كام قطعة و رجعت و انحرجت كتير صراحة لانو بعد ما اخترت كام قطعة و قستن ،اضطريت رجعن لانو ما معي حقن فادي:طيبالعضوة: 275918 , منذ 4 سنوات
رجع اعطاني مبلغ تاني لكمل اغراضي،بعد ما خلصت تسوق ،قلتلو لابو العز ياخدني على محلو ،و اول ما وصلت تفاجأت بريما قاعدة عندو و عم تشرب فنجان قهوة ،اول ما شافتني تلبكت و انا فتت هادية و عم ابتسم ريما:كنت بالسوق و مريت على فادي اشتري كام غرض سيرين:بس ما شايفتك شارية شي ريما:ما عجبني شي،يلا فادي دايما على القهوة ،انا لازم امشي بعد ما طلعت من المحل لحقتا و نادتلا سيرين:لحظة شوي ريما:ايه شو بدك ؟ مسكتا من ايدا بعصبية و اطلعت فيا بزورة سيرين:اسمعي وليه علي منيح ،هالحركات تاعيتك كلها فاهمتا ،عاجنتا و خابزتا ... ريما :حركات شو!و شيلي ايدك عني هيك سيرين:هن كلمتين ما في غيرن ،بعدي عن فادي و الا و حياة يلي خلقك لافضحك فضيحة قدام كل خلق الله و اخربلك بيتك و طلقك من زوجك و زوجو عروس على كيف كيفي ريما:هههههه بدك اطلقيني ،ايه حبيبتي ديري بالك انت يلي تطلقي ،فادي عندو سبب قوي ليطلقك اما هاشم لا سيرين:و مين قلك انو العيب فيني ،يا غبية فتحي مخك منيح لو العيب فيني لتزوج علي من اول سنة،لهيك التهي بحالك و كفي بلاكي عني و الا بدك تشوفي شي ما بيعجبك ،انت مانك قدي ،انا وقت الجد بيطلع كل حليب النور عندي و ببهدلك بهدلة تسوى حياتك ،بقا احترمي حالكالعضوة: 275918 , منذ 4 سنوات
جيت لاتركا مصدومة من طريقة كلامي معا و امشي بعدين فتلت وجهي سيرين:اه ...صح نسيت ... و انت ما من النوع يلي بيعجب فادي ،فادي بقول عنك غليظة و مايعة كتير و بتضحكي على طول بلا سبب حتى مسميكي حرباية ،سلام يا حرباية تركتا و رجعت على محل فادي فادي:ايه شو سبب زيارتك المفاجأة؟اول مرة بتعمليا سيرين:اشتقتلك ما بصير يعني فادي:بصير بس ما حبيتا و ما تعيديا لانو المحل فيه رجال داخلة و طالعة سيرين:ايه تكرم عينك فادي: ،شو كان بدك من ريما حتى لحقتيا؟ سيرين:ولاشي حكي نسوان ،هلأ ما بدك تشربني فنجان قهوة قبل ما ارجع عالبيت فادي:منشربك _____نرمين_____ ما قدرت اوفي بوعدي لسيرين انو ابقى بعيدة عن جمال يلي كنت كل يوم عن يوم عم شوف فيه شي حلو يشدني و يجذبني الو ،طريقة كلامو و احترامو االي و حتى اهتمامو براحتي رغم قلة ماديتو و حتى الطريقة يلي بيلمسني فيا و بحسسني اني انا انثى كاملة و ما ناقصني شي ،كانت مختلفة كتير عن فادي المتسلط المتعجرف يلي ما شفت معو لمسة حنونة ،صارت علاقتي مع جمال متل اي اتنين متزوجين او بالاحرى متل اتنين عشقانين ،اعطيتو كل شي فيه حب مخبى بقلبي ،حسيت حالي معو متل الوردة يلي عم ترجع تتفتح بعد ما كانت دبلانة حتى نسيت تماما انو انا نرمين و حتى وقت تتصل سيرين كنت اتجاهل مكالماتا و رسائلها حتى ما اتذكر انا مين بكون لانو حبيت حياتها بكل مساوئها و محاسنها ،و حبيت جمال كتير متل اول حب بحياة اي بنت ،الايام يلي يغيب فيا على البيت اشتقلو كتير و اشتاق لريحتو و لاهتمامو فيني ،لقيت عندو كل شي كان ناقصني بحياتي مع فادي ، و هوعوضني عن كل حرمان بالمشاعر و الحنان يلي عشتو و وصلت لمرحلة نسيت انو انا عاقر او اني بحاجة لولد او ليش انا موجودة هون ،كان بدي انسى و عيش مع جمال و يزن و استمتع بكل لحظة و بكل دقيقة معن حتى اجت هديك اللحظة و تحققت المعجزة يلي غيرت حياتي و خلتني متمسكة بجمال اكتر و اكتر و مستحيل فاوض مع سيرين عليه ،انا حامل ....يتبعالعضوة: 275918 , منذ 4 سنوات
الجزء السادس: _____سيرين_____ رغم الترف و الغنى يلي كانو موجودين بحياة نرمين بس ما كنت سعيدة ،كان اشتياقي لابني يزن طاغي على ملامحي بالحزن و الكآبة و شاغل كل تفكيري وسط معاركي و حروبي مع فادي لاثبت وجودي و كرامتي معو و عدم استلامي الو و تقبلي للاهانة و كل محاولاتو بأنو يخسرني ثقتي بحالي كانت فاشلة ،كنت قوية و صامدة متل الجبل بوجهو ،بس رغم كل هالشي صرت بعرف شو نقطة ضعفو و عم اشتغل عليا ،لهيك كانت حياتي معو متأرجحة بين الحرب و السلام رغم انو بالاجمال كانت علاقتي معو عم تتحسسن للافضل ،صار يحترمني اكتر و يحسب حساب لكل كلمة سيئة تطلع منو لانو صار بيعرف انو ما رح تمرق مرور الكرام ، لمرة كنا قاعدين و سهرانين مع بعض ،انا قاعدة عم اشتغل بلوزة صوف ليزن و هو عم يشتغل باوراق فادي: هلأ انت من ايمت بتعرفي تشتغلي بالصنارة! ،ما بحياتي شفتك عم تشتغلي هيك شي سيرين:انا بعرف من زمان بس تركت الشغل بعد ما تزوجت و هلأ عالملل رجعت اشتغل و اتسلى فادي:شو عم تعملي؟ سيرين:بلوزة فادي:لمين؟،كأنو صغيرة سيرين:ايه ،كنت على اساس اعملا الك بس طلعت صغيرة كتير ،لتخلص بجوز اعطيا لحدا من اولاد اخواتك و برجع بعملك وحدة الك فادي:طب قومي قبل ما انسى جيبيلي من للخزنة اوراق للبضاعة الجديدة بدي دقق فين قبل ما رد خبر للزلمة سيرين:طيبالعضوة: 275918 , منذ 4 سنوات
رحت على غرفة المكتب ،كانت الخزنة مقفلة بكلمة مرور ،رجعت لعند فادي اخدت كلمة المرور و رجعت فتحت الخزنة ،كانت الخزنة رفين و بالرفين كانو فيه اوراق ،شلتن كلن و حطيتن فوق بعض و قبل ما سكر الخزنة ،لفت نظري مسدس ،شلتو من الخزنة انا و خايفة ،كان وزنو تقيل كتير ،اخدتو هو و الاوراق لعند فادي ،سلطت المسدس عليه من اول ما فتت انا و عم اضحك سيرين:ارفع ايديك فادي:شيليه من ايدك ؛ليش جايبتيه لهون سيرين:جبتو لاسالك عنو بشو بيلزمك السلاح ،مين بدك تقتل فيه ؟ فادي:انت ..بدي اقتلك فيه سيرين:بالله ! فادي:الاحتياط واجب ما بيعرف الواحد.شو بصير معو ،يفوت حرامي على بيتو مثلا ؛خلص رجعيه لمحلو و بلا هالمزح التقيل سيرين:مليان الا فاضي؟ فادي:مليان سيرين:ييييه بخوف ،رح رجعو رجعت المسدس لمحلو و رجعت لعند فادي ،كان غرقان بالاوراق ،قعدت جنبو و صرت قلب بالاوراق حتى وقعت عيني على ورقة غريبة ،سحبتا و جيت لاقرأها ،انتبه علي فادي و سحب مني الورقة بعصبية و اطلع فيا بنظرة سريعة فادي(بتوتر):هاي شو جابا لايدك سيرين:هاي كانت بالخزنة مع الاوراق فادي:ما تكذبي هاي ما كانت مع الاوراق سيرين:كانت بالرف الفوقاني ..شبك عصبت ..شو فيها ليش فادي:ما فيا شي مسك الورقة و شغل القداحة و حرقا حتى صارت رماد سيرين:ليش هيك عملت ؟شوفيا هالورقة حتى حرقتا قبل ما اقراها فادي:قلتلك ما فيا شي سكتت بدون ما اصر على فادي يلي كان تصرفو غريب كتير اتجاه هالورقة يلي انحرقت قبل ما اعرف السر الموجود فيا _____نرمين_____ كنت قاعدة عم درس يزن ،وقت اندق باب البيت ، فمت فتحتو و طلع بوجهي شاب ثلاثيني اسمراني طويل و نحيف ،اول ما شفتو رديت الباب بسرعة و وقفت وراه نرمين:مين؟العضوة: 275918 , منذ 4 سنوات
حمادة:سيرين،شبك ما عرفتيني انا حمادة نرمين:حمادة !مين حمادة ! اشتغل مخي فورا لراجع كل ملاحظات سيرين ما لقيت اي معلومة خبرتني عنا بخصوص شخص اسمو حمادة حمادة:سيرين شبك فتحت الباب و ابتسمت نرمين:اهلين حمادة قرب لعندي و لفني و شدني لصدرو هو و عم يشم ريحتي ،و انا توترت كتير لانو ما بعرفو و ما بعرف شو الصلة يلي بتجمعو مع سيرين حتى لفني بهالطريقة ،بعد عني هو و عم يطلع بيزن حمادة:كبران يا حلو قرب لعندو حملو و باسو و قعدو بحضنو و انا كنت بعدني واقفة عند الباب متلبكة و محتارة و يلي وترني اكتر انو حتى يزن كان مستغرب فيه و كانو ما بيعرفو حمادة:شو صار عمرك؟ يزن:7 سنين حمادة : عم تطلع فيني مستغرب ،معك حق ، انا اسمي حمادة ؛بكون خالك اطلع فيني هو و عم يبتسم حمادة: ما في كلمة لحمدلله على السلامة نرمين:لحمدلله على السلامة ،رح اعمل قهوة و برجعلك فتت على المطبخ و اتصلت بسيرين فورا و سألتا عنو سيرين:حمادة طلع ؟ هو عندك؟ نرمين:ايه عندي ،هيدا اخوكي ؟ليش ما حكتيلي عنو ابدا؟ سيرين:لانو كان محبوس و ما رح يطلع قبل 5 سنين لسا نرمين:كيف بتصرف معو؟ سيرين:عادي ،متل اخوكي ،ياالله عنجد فرحتيني بهالخبرية نرمين:بس انا ما فرحت،ما ناقصني توتر جديد بعد ما تأقلمت شوي سيرين:هلأ روحي قعدي معو و اساليه شو ناوي يعمل بعد ما طلع من الحبس و ما تتوتري ضيفتو فنجان القهوة و قعدت قبالو و هو عم يلعب يزن حمادة:وينو جماال؟العضوة: 275918 , منذ 4 سنوات
نرمين:بالبحر حمادة:كيف شغلو ؟ما تحسن؟ نرمين:لا هيدا هو ...ايه شو ناوي تعمل هلأ بعد ما طلعت من الحبس؟ حمادة:ما بعرف ...سيرين اذا ناقصك اي شي قليلي ...انا معي.. نرمين:لا لحمداالله جمال صح وضعو على قدو بس ما منقص علينا بشي ،مستورة لحمدلله حمادة: ما تخافي ما رح يعرف جماال بحال اخدتي .. نرمين:لا ما بدي و بعدين اذا عرف يعني وين المشكلة حمادة:انت بتعرفي بالفترة الاخيرة علاقتي بجمال توترت بعد ما عرف انا ليش انحبست و ما بعرف شو ردة فعلو اذا عرف انو انا عندك هلأ نرمين:اممممم...جمال قلبو طيب ما تاكل هم حمادة:طيب ماشي انا رح امشي هلأ و هاي رقمي بحال احتجتي شي او بدك تشوفيني حكيني نرمين:ايه انشالله طلع من البيت و انا اتنهدت بارتياح ____سيرين_____ رجعت دقتلي نرمين بس ما قدرت رد عليا بسبب وجود فادي ،كنا قاعدين عم نتغدى وقت اجاه مكالمة فادي:قصدك على حمادة ...ايه بعرف طلع عفو ....منيح كتير.. قام من عن الطاولة و بعد عني للغرفة التانية حتى ما اسمع مكالمتو بس انا لحقتو بعد ما سمعت اسم حمادة فادي :.. .ماشي شوفو و قلو يحكيني بس ما يجي لعندي ما بدي جيب شبهات علي عرفت انو اخي حمادة هو يلي عم يحكي عنو بس ما عرفت شو الصلة يلي بتجمع فادي بحمادة ، بعد ما نهى مكالمتو و رجع عالطاولة ،ما قدرت ابقى ساكتة سيرين:مين هيدا حمادة يلي طلع؟ فادي:شغل ترك الملعقة من ايدو فادي:و انت من ايمت بتدخلي و بتسألي بشغلي سيرين:ابدا ،بس فضول فادي:ايه خففيه لهل الفضول بشي ما بخصك سيرين: امممالعضوة: 275918 , منذ 4 سنوات
التقيت بنرمين بعد الحاح مني اني بدي شوفا و شوف يزن ،قعدنا بحديقة عامة ،كل واحد فينا على الجهة المعاكسة للكرسي و انا لابسة نظارات و حاطة شال على راسي و يزن قبالنا عم يلعب ،كان نفسي روح لعندو و لفو و بوسو و شم ريحتو بس اكتفيت بالنظر عليه من بعيد و نرمين نبهتني من اني اتصرف اي تصرف طايش يخرب كل شي و يحط يزن بحيرة سيرين:بدي تعرفيلي شو علاقة فادي بحمادة ؟ نرمين:فادي و حمادة ؟ سيرين:ايه ،في شغل بيناتن و حسب توقعاتي زوجك ما بشتغل نظامي نرمين:كيف يعني؟ سيرين:حمادة اخي انحبس بتهمة تهريب مخدرات،معناها فادي كمان بيشتغل بهالشي و اصلا يمكن هو الراس الكبير و هيدا كل شغلو بالتجارة بالادوات المنزلية و الالعاب مجرد تغطية لشغلو الاساسي حتى انا استغربت من مدخولو العالي مقارنة بشغلو نرمين:معقول ! سيرين:ايه معقول ،و انا شفت مسدس بخزنتو ... نرمين:مسدس!العضوة: 275918 , منذ 4 سنوات
سيرين:كمان ما بتعرفي بالمسدس ...انت كيف لكن كنت عايشة معو كل هالسنين و كأنو ما عشتي .. نرمين:فادي ما بخلي حدا يطلع على شغلو او اي شي بخصو سيرين:بس هو مخبي شي كبير عنك و ما بدو اياكي تعرفيه ،ما قصدي عن شغلو ،قصدي شي تاني نرمين:شي متل شو ؟ سيرين:ما بعرف هلأ بس اكيد رح اعرف مع الوقت ،كيفك انت و جمال ،لهلأ كل واحد فيكن بغرفة مو هيك نرمين(بتوتر):طبعا طبعا ،انا وعدتك مستحيل يصير شي بيناتنا و بعدين جمال ما من النوع يلي بيعجبني سيرين:ولا انا فادي من النوع يلي بيعجبني ،انسان متسلط و نمرود كتير و بضل معصب نرمين: سيرين انا ..انا بدي شوية مصاري ،انت حكتيلي عن وضع جمال بس ما توقعت يعني هيك و انا متعودة .. سيرين:ما معي مصاري ابدا لو معي كنت اعطيتك ،يا دوب قدرت اشتري كام لعبة ليزن ،فادي عم يعطيني عالقد و انت بتعرفي كل شي عندو مفوتر ،يلا انا لازم امشي ما بدي اتاخر ،ديري بالك على يزن كتير و على دراستو ______نرمين____ بعد ما مشيت سيرين بهداك اليوم ،اشرت بأيدي ليزن ليجي لعندي نرمين:يلا حاج لعب ،صار لازم نرجع على البيت يزن:راحت امي؟ اول ما حكى هالجملة؛نفض بدني نرمين:شو حكيت؟ يزن: ولاشي ..ما حكيت شي نرمين:احكي ما تخاف يزن:عندي بالمدرسة اخين توأم بشبهو بعض كتير ما حدا بيقدر يميز بيناتن بس انا الوحيد يلي بقدر نرمين:ايه؟شو مناسبة هالحكي؟ يزن:هيك طلع براسي احكي كنت طول الطريق انا و عم فكر بحكي يزن و كنت خايفة اذا حس اني انا ما امو ،وصلت على البيت و التقيت بجمال على الباب نرمين:اهلين حبيبي جمال:وين كنتو؟ نرمين:بالحديقة جمال:ايه منيح بتغيرو جو فتحت الباب و فتت غيرت تيابي ،لحقني جمال و حسيتو متلبك نرمين:فيه شي؟ جمال:اليوم كان عندي حمادة نرمين:ايه؟ جماال: و عرض علي شغل جديد معو ،قلي شغل بدخل دهب نرمين:شو الشغل؟ جمال:بالسمك كمان بس هالمرة سمك متلج منجيبو من تركيا و منبيعو هون و منربح فيه كتير نرمين:بس حمادة ما بشتغل بالسمك ،يعني منعرف شو بشتغل جمال:ايه بس هلأ تاب و معو شوية مصاري بدو يشغلن بشغلة حلال ترجع عليه بمردود منيح و اقترح علي هالمشروع