#صفقة_شرف_بقلم_هلاغرابلي
الجزء الاول:
نرمين :الو ..
هبة:كيفك نرمين ؟
نرمين: ..لحمدلله ....ماشي الحال انت كيفك؟
هبه:تمام مشتاقتلك ،شبو صوتك ،فيه شي،شكلك علقانة مع فادي ؟
نرمين:...لا ...ايه قليلي انت وين غاطة ؟
هبة:كالعادة ،جامعة و حضور و دروس و مية قصة
نرمين:مري لعندي بكرا بعد ما تخلصي دوام
هبة:ايه انا متصلة فيكي كرماال هيك
نرمين:طيب ناطرتك ...
انفتح الباب فجأة و طل بصوتو الجرش
فادي:مع مين عم تحكي؟
نرمين:مع رفيقتي هبه ،يلا هبه ماشي باي
حطيت الموبايل تحت المخدة و سندت ضهري على ضهر التخت و هو بعدو واقف
نرمين:بدك شي ؟
فات على الغرفة هو و عم يشغل سيجارة ،قعد على الكرسي و نفخ دخنة السيجارة بوجهي
فادي:ما في شي ،هاي رفيقتك هبه ما عاجبتني كتير
نرمين:شو يلي ما عجبك فيا؟
العضوة: 275918 , منذ 4 سنوات
نرمين:ايه و انت شو قلتلو؟ جمال:قلتلو بفكر و بردلك خبر ،شو رايك؟ نرمين:اكيد وافق بدون تفكير اذا بدو يتحسن وضعنا جماال:ايه قلي بيتحسن كتير و بوقت قصير تسطح على التخت و بلش يدخن و شرد نرمين:رح فوت حطلك اكل جمال:لا ما الي نفس،ما بدي هلأ ،تعي لجنبي شوي قربت و قعدت جنبو حضن وجهي بين ايديه،ابتسمت بنعومة جمال:سيرين... نرمين:يا روح و عيون و قلب سيرين كنت بتمنى انو اسمع اسمي من جمال و لو مرة وحدة و لو بالغلط ،كان كلما ما يناديني باسم سيرين حس كأنو الدنيا زتتني من السما للارض لارض الواقع ،فكرت بكتير احيان اني صارح جمال بالحقيقة و قلو انو انا ما مرتك بس كنت خايفة كتير ما من ردة فعلو و بس ،كنت خايفة انو ما يكون بحبني ،بحب نرمين ،الانسانة يلي حبتو بصدق و مستعدة تخسر كل شي و تكسب قلبو جمال: انت بتعرفي انو انا بتمناكن انت و يزن تعيشو احسن عيشة و اكبر احلامي انو ما خلي شي ناقصكن و بعرف انك صبرتي علي كتير و انك تعبانة معي و صدقيني انا تعبانة اكتر منك وصرت مستعد اعمل اي شي ليتحسن حالنا شوي ... نرمين:شو مناسبة هالحكي هلأ،يعني اذا ما مرتاح لشغل حمادة خلص بلاه جمال:لا لا مرتاح .....العضوة: 275918 , منذ 4 سنوات
نرمين:جمال حبيبي وجودك بحياتي بينسيني كل هالتعب و حبك الي بيغنيني عن مال الدنيا ،صدقني المال ما هو السعادة ،هو وسيلة لنعيش السعادة ، انا رح ضل حبك و حبي ما رح يتغير الك لا انت و فقير و لا حتى لو بتصير اغنى واحد بالعالم جمال:بس ما انت يلي كنت دائما تنقي و تقولي لو كنا اغنيا رح نكون اسعد اتنين بالعالم ،انت يلي كنت تربطي السعادة بالمال نرمين:صح كنت هيك بس انا بعد عملية يزن تغيرت ،ما لاحظت اني تغيرت جمال:صح تغيرتي نرمين:عرفت انو الصحة و الحب هن السعادة ما المال ،ما تحمل حالك اكتر من طاقتك انا سعيدة معك ،شايف هاللمسة الحنونة من ايديك انا ما ببيعا بمال الدنيا قرصني من خدي ،ضحكت بعفوية ،كنت صادقة بكل كلمة عم احكيا لجمال ،كنت مستحيل بدل جماال بكنوز الدنيا ،الرجال الحنون و الطيب يلي متل جمال هو كنزي الحقيقي يلي خلى الدنيا تضحكلي من جديد رغم بساطة كل شي معنوي قدملي اياه . (كان جمال خايف من فكرة شغلو الجديد مع حمادة و هو بيعرف تماما شو طبيعة الشغل بس اضطر يكذب على سيرين(نرمين)حتى ما تعدلو عن هالفكرة ،التقى تاني يوم بحمادة يلي عرفو على فاديالعضوة: 275918 , منذ 4 سنوات
حمادة:هادا صهري و انا واثق منو فادي:طيب لاني انا بوثق فيك رح اقبل هالمرة بأنو ندخل حدا جديد بس تحسبا لكل شي،شوف شو ناقصو و اعطيه حمادة:هو ساكن ببيت صغير و مهرهر و بحارة شعبية ،رح نعطيه بيت كبير و بمنطقة كويسة و هيك منكون ضمناه اكتر و حب الشغل اكتر فادي:ايه كتير منيح حمادة:ايمت النقلة الجاية ؟ فادي:شايفك متحمس كتير،السجن ما غيرك ! حمادة:متل ما فتت متل ما طلعت يا معلم فادي:انطر مني خبر بالتوقيت بعد ما حكي الجماعة بالطرف التاني و انتو كونو جاهزين حمادة:جاهزين و بالنسبة لخفر السواحل؟ فادي:اشتريتن ما تخاف و ما حدا رح يخطر على بالو يفتح السمك و يشوف شو بقلبو حمادة:بيعجبني ذكائك )العضوة: 275918 , منذ 4 سنوات
_____سيرين_____ فادي:هادا ما صوت موبايلك يلي عم يرن سيرين:اه مسكت الموبايل و كان المتصل عمتي ربا فادي:مين؟ سيرين: عمتي ربا فتت على الغرفة انا و عم افتح الخط ربا:كيفك يا روحي؟ سيرين:لحمدلله كيفك انت عمتي ربا:مشتاقتلك كتير و عندي الك خبر حلو سيرين:شو؟ ربا:انا جاي بعد اسبوع عالبلد سيرين: عالبلد ..لهون يعني ! ربا:ايه عمك ابو فراس عندو شغل و انا نازلة معو لعندك بدي شوفك ،اشتقتلك كتير سيرين:... ..و انا اشتقتلك كتير عمتي ...اهلا و سهلا فيكي اتصلت بنرمين بسرعة؛بعد خمس مرات لردت سيرين:انت وينك من كل عشر مرات لتردي مرةالعضوة: 275918 , منذ 4 سنوات
نرمين:ايه مشغولة هالفترة سيرين:خير انشالله بشو مشغولة؟ نرمين:عم انقل لبيت جديد ... سيرين:شو بييت جديد؟من وين البيت الجديد؟ نرمين:جمال ترك شغلو و بلش بشغل جديد و الله فتحا عليه و استأجرنا بيت جديد سيرين:كيف هيك بصير بين يوم و ليلة و ليش ما خبرتيني نرمين:لانو صارت فجأة و التهيت ،ما لحقت سيرين:ها ،كيف شكل البيت ،اكام غرفة ،صوريلي اياه بسرعة نرمين:طيب طيب كنت رح جن وقت بعتتلي نيرمين الصور ،االبيت يلي منحلم فيه طول عمرنا انا و جمال نسكن فيه ،و كيف جماال قدر يستأجر هيك بيت ،شعلت الغيرة بقلبي ،رجعت اتصلت بنرمين سيرين:بدي قلك عمتك جاي هاليومين نرمين:عمتي ربا!العضوة: 275918 , منذ 4 سنوات
سيرين:ايه ما اشتقتيلا ؟ نرمين:ايه اشتقتلا ،سافرت من وقت تزوجت على الامارات ،كنت صغيرة كتير و من وقتا ما رجعت شفتا ابدا سيرين:معناها ارجعي لبيتك و انا بدي ارجع لبيتي بدي شوف ابني اشتقتلو كتير الي شهور ما شفتوو نرمين:لا لا شو ارجع ...نحن اتفقنا سنة شبك و بعدين شو صار معك انت لهلأ سيرين:ما صار شي ،ما فيه شي لهلأ ،كل شي ماشي متل ما بدك بس ما في حمل لهلأ ،نرمين انا ما بقا قادرة اتحمل فراق ابني عم دوب متل الشمعة على بعادو نرمين:سيرين ..ما بقدر ارجع....من الاخر لا هلأ و لا بعدين .. سيرين:شوو..ما هيك اتفقنا .. نرمين: انا حامل سيرين:انت شو ؟ انت شو ؟ نرمين:سيرين انا حامل سيرين:حامل من مين ...من جمال نرمين:ايه سيرين:انت وحدة حيوانة و كذابة و ضحكتي علي و انا رح دفعك التمن غالي و رح افضحك ،رح فوت هلأ احكي لفادي كل شي نرمين:ما رح يصدقك سيرين:شو مفكرتيني غبية كتير ،انا مسجلتلك كل مكالماتك على هيدا الموبايل و هلأ رح فوت سمعو اياه نرمين:سيرين اهدي شوي و افهميني انا مبسوطة هون و انت مبسوطة بمحلك ،خلي كل شي على حالو سيرين:مين قلك اني انا مبسوطة ،انا ما مبسوطة ابدا ؛فادي رجال ما بينعاش معو ،اسمعي معك يومين لتحطي عقلك براسك و ترجعي لمحلك الحقيقي نرمين:قلتلك ما بقدر انا حامل ،انا بالشهر التالت و كنت ناوية اليوم خبر جمال بحملي سيرين:ما دخلني؛ارجعي قليلو لفادي انك حامل منو و هيك بتكوني عملتي يلي بدك اياه و بعدين على اساس انت ما بتجيبي اولاد ولا كنت عم تضحكي علي بدك تسرقيلي بيتي و زوجي و ابني يا كهينة ،معك يومين بس فهمانة و الا رح اخرب الدنيا على راسك يا نرمين و رح دفعك التمن غالي فات فادي فجأة علي انا و عم اتخانق مع نرمين ،سكرت الخط بوجه نرمين و التفتت لفادي انا و عم ارجف و مخطوف لوني من شوفتو ......العضوة: 275918 , منذ 4 سنوات
الجزء الاخير: فادي:شبك...مع مين عم تحكي سيرين:ما مع حدا ...ما مع حدا مشيت لانسحب و اطلع من برا الغرفة،مسكني فادي من ايدي سيرين(تبكي):اتركني ..ما ناقصتك انت التاني فادي:انا التاني ...ليش مين الاولاني؟ ! سيرين:...انا تعبانة فادي:بعلمي كنت عم تحكي مع عمتك ،علقتي معا سيرين:ايه ايه ،كانت عمتي واعدتني تجي لعندي هالاسبوع و هلأ متصلة تعتذر انو ما رح تقدر تجي لهيك انزعجت و علقت معا و بس بعدين قالتلي خلص رح اجي يوم الاحد و انحلت المشكلة فادي:القصة ما حرزانة كل هالقد سيرين:لا حرذانة كتير ،انا بحاجة حدا جنبي ،تعبت من الوحدة ،حاسة حالي لحالي بهالدنيا ،انت طول نهارك بالشغل فادي:طب روحي غيري جو عند اهلي سيرين:خلص هديت ،ما فيني شي تركتو و فتت على الحمام ،بكيت كتير ما كنت عارفة ليش عم ابكي بالضبط على خبر حمل نرمين من جمال او نقلتا على بيت جديد او لانو حسيت حالي خسرت كل شي بالوقت يلي هي ربحت كل شي فيه ،حسيت حالي مخنوقة و حيطان هالبيت عم تكبس على نفسي ،ما كنت مصدقة ايمت يطلع النهار حتى اتحرك و اتصرف فورا و لحق رجع شو خسرتو ، تاني يوم رحت على بيتي و لقيتو فاضي و عرفت انو نرمين نقلت على البيت الجديد ،اتصلت فيا كتير و كان يعطيني خارج التغطية ؛قفلت موبايلا او كسرت الشريحة ما بعرف ،الشي الوحيد يلي بعرفو انو نرمين عم تهرب مني و ما عاد بهما شي ،اخر احتماال كنت بفكر اعملو اني صارح فادي او جماال بالحقيقة لانو بعرف اني رح ورط حالي كمان ،لهيك لجأت للشخص يلي حسيت انو ممكنالعضوة: 275918 , منذ 4 سنوات
يساعدني ليرجع كل واحد فينا لمكانو الحقيقي ،رحت لعند حمادة ،دقيت على باب بيتو ما حدا فتحلي الباب ،قعدت على الدرج ساعة حتى اجا ،اول ما شافني تفاجئ حتى قربت عليه و لفيتو سيرين:لحمدلله على سلامتك حمادة:.... سيرين:اانا سيرين ..انا اختك حمادة:انا هلأ من شوي كنت عندك بس ما ك.. سيرين:بعرف ،هاي قصة طويلة فوت لاحكيلك اياها حكتلو كل شي لحمادة بدون ما كذب بحرف واحد حمادة:انت مجنونة سيرين:بعرف بس كنت مضطرة بس انت كمان مجنون اكتر مني لانك رجعت تشتغل بنفس الشغلة يلي انحبست عشانا سنين حمادة:مضطر كمان بس عنجد.ما عم صدق الشبه يلي بينك و بينا ،يعني مستحيل كان يخطر على بالي انو هاي المرة ما اختي ،بعدين انت كيف بتعملي هيك بتعيشي مع رجال بالحرام سيرين:حمادة انت اخر واحد بتحكي عن الحرام ،انا هلأ بدي اياك تساعدني،انا بدي ارجع لزوجي و ابني و بيتي و طلع هالدخيلة السراقة من حياتي حمادة:يعني هلأ نرمين بتكون مرتو لفادي ؟ سيرين:ايه و انا بعرف انو فيه شغل بينك و بينو حمادة:كيف عرفتي ؟ سيرين:بالصدفة،المهم شو بدنا نعمل هلأ ؟العضوة: 275918 , منذ 4 سنوات
حمادة :انا بحكيا لنرمين بس لحظة انا شو بدو يأكدلي انك انت سيرين ،ولله ما عاد عرفت شي سيرين:بعلامة القتلة يلي اكلناها انا و انت من امك يوم يلي قطفنا كل شجرة الحجة ابو احمد الجوافة و اكلناها كلها و بعدين اخدتنا امك بالليل عند الدكتور لانو صار معنا امساك حمادة:صح صح .... سيرين:نرمين خبرتني انو جمال بلش شغل جديد و نقل على بيت تاني بس ما عرفت العنوان و ما رح تعطيني اياه ابدا و قفلت خطا على الاخر حتى ما لاحقا ،لهيك جيت لعندك اذا بتقدر توصل لجمال و تعرف العنوان و تعملن زيارة و تخبرا انك عرفت كل شي حمادة:اممم شغل شو ....ما خبرتك عنو؟ سيرين:لا ما قلتلي هالحيوانة ،ما حكينا كام كلمة و علقنا مع بعض حمادة:طيب انا بتصرف ______نرمين _____ بيت جديد و رجال حنون و ابني جاي عالطريق و حياة جديدة و سعيدة كنت مستحيل اترك كل هالشي ببساطة و امشي و ارجع لحياة الذل و النكد مع فادي ،كنت شايفة انو هالحياة من حقي و كنت مستعدة صير شرسة و قوية لدافع عنا بس تفاجأت بزيارة حمادة لعندي و ما كان موجود جمال و لا حتى يزن ،مسكني من ايدي بقوة حمادة:فيكي تضحكي على كل العالم بس علي لأ،انا عرفت من اللحظة الاولى انك ما سيرين،كيف استقبلتيني و تلبكتي و كأنك ما عرفتيني ، ما تروحي حالك على الهاوية اكتر و انسحبي بسلامتك احسنلك نرمين:سيرين باعتك اكيد حمادة:ما مهم،المهم تتركي و تمشي ،انت بتعرفيه لفادي اكتر مني و من اي حدا ؛لو شك مجرد الشك شو بيعمل ؛بيقتلك بدم باردالعضوة: 275918 , منذ 4 سنوات
نرمين:و بيقتل اختك كمان؟ حمادة:اختي ما مرتو و ما خانتو و ما عاشت مع رجال تاني و حبلت منو ،انت الخسرانة الوحيدة بهالصفقة نرمين:و اختك خسرانة كمان ،وقت يعرف جمال بالحقيقة رح يقتلا كمان ،انا و اختك بنفس الهوى سوا حمادة:جمال ما بيقدر يقتل عصفور حتى يقتل انسان ،اكتر شي بعملو هو انو بطلقا بس ،جمال ما متل فادي ،بعتقد عاشرتي الاتنين و صرتي بتعرفي منيح نرمين (تبكي):بس انا حبيتو لجمال و ببطني ولد منو ،كيف بدك اياني اتركو ،ما بقدر حمادة:بعد بكرا جهزي حالك لتنهو هالمهزلة انت و اياها ،رح يكون الكل مشغول و بهالوقت انتو بتبدلو طلع حمادة من عندي و انا رجعت ابكي ،كل هالحلم الحلو يلي كنت عم عيشو اجا الوقت ليخلص و لارجع فيق على كابوس ،ودعت جمال باخر ليلة الي معو ،كنت عم ابكي من جوا و عم اتأملو و اتأمل كل الذكريات الحلوة يلي قضيتا معو و خبرني انو بكرا عندو سفر بالبحر جمال:رح اشتقلك كتير نرمين: و انا رح اشتقلك كتير ،فوق ما بتتصور ؛جمال انا بحبك كتير لفيتو و بكيت جمال:سيرين شبك نرمين:ما بقا تناديلي سيرين ،قلي حبيبتي و بس جمال:طيب يا حبيبتي ليش عم تبكي كأنو رايح ما بقا راجع ،قلبك ناقزك من هالسفرة يعني نرمين:لا بس حاسة حالي رح اشتقلك كتير ،ما بعرف ليش جمال:ما بطول ،كلن اسبوع و برجع و رح شوفك ناطرتيني و تعمليلي احلى سهرة نرمين(تبكي): بدي اسالك سؤال جاوبني بصراحة جمال:تفضلي نرمين:انت مين حبيت اكتر سيرين يلي من قبل عملية يزن ولا سيرين يلي بعد جمال:شو هالسؤال الغريب نرمين:جاوبني جمال:انا بحب سيرين قبل و بعد ،بحب سيرين بكل اشكالا حطيت ايدي على تمو نرمين:خلص ما تكمل كان ابشع ليلة بحياتي اخر ليلة الي بحضن جمال ،تاني يوم التقيت بسيرين بدون ما نحكي اي كلمة مع بعض ،كنا عم نزاور بعض بس ،كنت بكرها كتير و حسيت بكرها الي ، اعطتني الموبايل و تيابا و رجعت كل وحدة فينا لحياتا ؛التقيت بفادي المسا على العشا ،كان قاعد سارح بفكرو و انا قاعدة و شاردة ،بعد.كام يوم قررت خبرو بخبر حملي ،كان واقف على البرندا عم يشرب قهوة و مزاجو هادي نرمين:فادي،انا بدي خبرك شي فادي:تفضليالعضوة: 275918 , منذ 4 سنوات
نرمين:انا حامل اطلع فيني و فتح عيونو على الاخر كأنو قلتلو خبر مفجع فادي:حامل ؟كيف يعني حامل ؟ نرمين:يعني حامل ،كأنك ما انبسطت اني طلعت حامل رجع التفت علي و قرب علي بعصبية و مسكني من ايدي و لزقني بباب البرندا فادي:فهميني كيف حامل فهميني نرمين:يعني كل الدكاترة قالو انو انا مستحيل جيب ولد بس ما فيه شي مستحيل عالله فادي:احكي من مين حامل؟ نرمين:شو من مين ! نزلت راسي نرمين:من زوجي طبعا ،منك طبعا فادي:كيف مني يعني و انا اصلا.... ،مفكرتيني غبي و بتضحكي علي بكلمتين مسكني من ايدي و فوتني على الصالون و زتني على الكرسي فادي:من مين حامل ؟احكي من مين حامل ؟ نرمين(تصرخ):منك ...منك فادي:كذابة انت وحدة كذابة و خاينة فات بنوبة غضب شديد ؛صار يسبني بابشع الالفاظ و خبط راسو بالحيط و بعدين دخلني على الغرفة و قفل الباب علي ،كان تصرف فادي غريب كتير ،هو يلي كان مستعد يطلقني كرمال احمل و بس حملت اتهمني بالخيانة ،تاني يوم الصبح فتح الباب و فات متل التور الهايج ،فيقني من النوم متل السجينة المعتقلة و هو حامل بايدو اوراق فادي:قومي لشوف احكيلي من مين حامل انت نرمين:فادي شبك ،انت يلي كنت بدك اطلقني كرمال احمل و بس حملت هيك عم تعمل زت الاوراق بوجهي على التخت فادي:افهمي يا غبية انا ما بجيب اولاد ،كل هدول تحاليل بتقول انا ما بجيب اولادالعضوة: 275918 , منذ 4 سنوات
مسك ورقة منن و قربا على وجهي فادي :اقرأي .. رحت عند كذا دكتور ... عملت مية تحليل و الكل قلي مستحيل جيب ولد انا عقيم انا صفر ،قليلي من وين بدك تحبلي نرمين:انت شو !و كل هالسنين مفهمني انو انا يلي ما بجيب اولاد و العطل مني و انت كامل و ما فيك شي و قضيت كل هالسنين عم حس حالي ناقصة لك حتى حسستني بعقدة الذنب اتجاهك انك اخدني و صابر علي ،طب شو هدول كل الدكاترة يلي كنت روح لعندن و يقلولي العطل مني ،هدول انت متفق معن و اشتريتن بالمصاري فادي:انا كل شي بشتريه بالمصاري حتى انت اشتريتك بالمصاري ،ما تتهربي من سؤالي،مع مين خنتيني ،مين هو؟ نرمين:ما حدا ،ما حدا فادي:انا اذا قتلتك ما حدا رح يسأل عنك ،لك فيني اقتلك بقضية شرف و ما حدا بحاسبني طلع المسدس و حطو براسي فادي:مين هو...احكي مين هو ...احكي قبل ما فرغ المخزن براسك نرمين:طيب طيب رح احكي بس قيم هالمسدس و بعدو عن راسي قام وقف و هو عم يلهت فادي:احكي نرمين:انا ما مرتك انا ما نرمين فادي:نعم ،عم تبلشي تتخوتي علي،احكي مزبوط نرمين:رح احكي حكتلو كل القصة لفادي و احتفظت ببعض التفاصيل و بالحدث الاخير الي و بقيت مصرة انو انا سيرين و هديك نرمين ،كنت خايفة يقتلني اذا عرف انو انا نرمين و انا يلي عشت مع رجال تاني كل هالشهور و حبلت منو نرمين:بعرف ما رح تصدقني الا لتشوف بعينك ،رح اعطيك هيدا العنوان و روح لهنيك و بتشوف مرتك مع صبي صغير ،هيدا الصبي بكون ابني يزن و المرة يلي معو شعرا بني بتكون مرتك نرمين قفل الباب علي و طلع متل المجنونالعضوة: 275918 , منذ 4 سنوات
______سيرين______ اول ما رجعت على حياتي القديمة ،كنت مشتاقتلو ليزن كتير ،قضيت اول كام ليلة انا و عم نام جنبو و احكيلو قصص و العب انا و اياه و عوض الايام يلي فاتتني انا و بعيدة عنو حتى اجا اليوم يلي فاجئني يزن و سألني سؤال ما توقعت يسألني اياه بحياتي يزن :ماما ليش تركتيني و رحتي ؟ سيرين:يزن !حبيبي ما تركتك و ما رحت محل يزن:امبلا هديك خالتو يلي بتشبهك كنت بعرف انو ما انت سيرين:يزن ...(تبكي)يا روحي يعني كنت بتعرف لفيتو لصدري سيرين: يمكن هلأ اذا حكتلك ما رح تفهم ليش انا عملت هيك ،بس اكيد رح تفهمني بس تكبر ،انت اغلى شي بحياتي ،قوم يلا غسل وجهك مشان نفطر احلى فطور سوا..يلا بطل قمت غسلت وجهي و غيرت تيابي و فتت اعمل قهوة و حط فطور ،وقت اندق الباب علي بهمجية ؛اول ما فتحتو ،اندفش الباب و طلع بوجهي فادي ،وجهو و عيونو متل الدم و عم يكز على اسنانو و عم يرجف ،كانت كل ملامحو عم تقول انو عرف الحقيقة و القصة انكشفت و جاي لينتقم مني و انا هلأ انتهيت على الاخر ، ،هربت منو على الغرفة التانية ،بس لحقني و مسكني من ايدي فادي:تعي لهون تعي اجا ابني يزن من جوا هو و عم ينشف وجهو ،اطلع فيني و بفادي ،شاف الخوف بعيوني و انا لاول مرة بعرف الرعب و الخوف بحياتي ،ارتعب من هيئة فادي و كيف ماسكني و رجع لورا ، انتبه عليه فادي ، تركني و اجا ليقرب لعندو و كأنو لقاه فريسة سهلة ليعاقبني فيه و ينتقم مني ،وقفت بوجهو انا و فاتحة ايدي سيرين:ابني لأ ،انا مستعدة لكل شي الا ابني ما دخلو بكل هالقصة فادي:انت مين؟ سيرين:انا سيرين فادي:اديش دفعتلك نرمين لتقبلي تكوني رخيصة هالقد ...قولي بأديش بعتي حالك ؟ سيرين: دفعتلي حياة ابني و ما عندي اغلى منو فادي:مشي معي سيرين: رح روح معك بس لحظة قربت لعند يزن و قرفصت لعندو سيرين:حبيبي ماما انا رايحة مشوار صغير .. فادي:ما رح ترجعي التفتت لعندو و خبيت دمعتي سيرين:يمكن ما ارجع بس بدي تعرف انو انا عملت كل هالشي كرمالك انت بس لاني بحبك كتير و ما بحب حدا قدك ،دير بالك على حالك ،بكرا بتكبر و بتفهم كل شي قربت لفيتو انا و عم ابكي؛قرب فادي و حط ايدو على كتفي فادي:يلاالعضوة: 275918 , منذ 4 سنوات
نزلني من البيت و طلعني بسيارتو غصب عني حتى وصلنا للبيت ،فتح باب غرفة مقفل و زتني جوا ؛شفت نرمين قاعدة على التخت و عم تبكي سيرين:حكتيلو كل شي ،ارتحتي هلأ فات و قفل الباب وراه فادي:مين سيرين ؟ سيرين:انا نرمين:انا سيرين:كذابة ،انا سيرين نرمين:عم تكذب انا سيرين طلع مسدس بكاتم صوت من جيبتو و ضرب رصاصة بالحيط فادي(يصرخ):مين فيكن سيرين ؟ سيرين:انا يلي عشت معك كل هالشهور على اني مرتك و هي يلي عاشت مع زوجي و حبلت منو و الولد يلي ببطنا دليل على هاالشي فادي:انتو الاتنين بتستاهلو القتل ،انتو الاتنين خاينينالعضوة: 275918 , منذ 4 سنوات
سيرين(تبكي):انا كنت مضطرة ،كان ابني بدو يعمل عملية و ما معي تكلفتا و اجت مرتك عرضت علي تتكفل بالعملية مقابل انو اخد محلا و احبل منك بس ما صار متل ما كنا متفقين و هي يلي نقدت الاتفاقية و طلعت حامل من زوجي حط فادي ايدو على راسو و وجهو احمر كتير ،حسيتو رح يوقع بارضو و ينجلط ،بس انا كان همي انفد بحالي و مستعدة احكي اي شي لينقذ حياتي و ارجع سالمة لابني سيرين:بدك دليل تاني،انا يلي بشتغل بالصوف و مرتك ما بتعرف ،جيب الصنارة و اعطيا تشتغل و تأكد بنفسك اطلعت على نرمين ،كانت عم تبكي نرمين:انا نرمين انا هي ايه ،انت يلي دفشتني لاعمل هيك ،كنت بدك اطلقني و تزتني لمرة ابي ترجعني خدامة الها ،ما قلتلي معك شهرين اذا ما حبلتي رح رجعك لعند مرة ابوكي ،كنت مستعدة اعمل اي شي بس ما ارجع لهنيك فادي:من ايمت و انا عايش مغفل ؟ سيرين:من وقت رجعت من اخر سفرة الك ،انا يلي استقبلتك فادي:انتو اخوات؟ نرمين:لا