العضوة: 275918 , منذ 4 سنوات

سيرين:نحن تعرفنا على بعض بالصدفة فادي:زوجك بيعرف بهالشي ؟ سيرين: ...لا .... ما خبرتو نرمين: جماال ما دخلو بشي ،هو متلك ما بيعرف بشي و ما حس بشي اطلع فيني فادي:انت اختو لحمادة؟ سيرين:ايه فادي:و حمادة معو خبر بكل هالشي؟ سيرين:لا نرمين:ايه معو خبر اطلعت بنرمين و زورتا لانو ورطت حمادة معنا سيرين:بس ما دخلو ،هيدا الغلط نحن منتحمل مسؤوليتو فادي:غلط!هادا بتسميه غلط سيرين:لا ما غلط ،سميه يلي بدك اياه رجعت خطوتين لورا و قعدت على الكرسي سيرين:انا كنت يئسانة وقتا ،عم شوف ابني عم يموت قدامي ،قد ما شرحتلك ما رح تفهم علي نرمين:انت كمان طمعتي بمصاري فادي ... سيرين(تبكي):ايه طمعت ،معك حق انا طمعت كمان و بستاهل كل شي فادي:كل وحدة فيكن رح تاخد عقابا المناسب ،راجعلكن طلع من الغرفة هو و ماسك موبايلو و بدو يحكي تلفون ،اجت نرمين لتعلق معي ؛اشرتلا بايدي على تمي لتسكت و اسمع مكالمة فادي فادي:بتتصل بالشرطة و بتخبر على شحنة مخدرات بدا توصل اليوم المسا و هلأ رح ابعتلك العنوان بالضبط ....اعمل متل ما عم قلك ....بعرف الي ...ما تسأل ليش... انا هيك بدي.. بعرف رح اخسر ...بعوضا مرة تانية ......بعرف حمادة و صهرو فيا .....انا ما في شي علي ...شو صار معك بالرسالة يلي بعتلك اياها من شوي عملت متل ما قلتلك ...ماشي دير بالك عليه وشوف شو بدو و جبلو ... انتبه ما بدي حدا يشوفو ابدا سيرين(بهمس):جمال و حمادة عم يشتغلو مع فادي؟ نرمين:لا ...يعني ما بعرف بس يلي بعرفو انو شغل جمال الجديد مع حمادة بالسمك سيرين:يالله هيدا جن على الاخر و عم يخرب كل شي اول ما فهمت نية فادي اتجاه جمال و حمادة ،قربت على نرمين و فهمتا شو لازم نعمل ، رجع فتح الباب ،كنت واقفة انا و اياها ورا الباب ،اول ما فات ،كنت ماسكة الكرسي و خبطتو على راسو و وقع على الارض و غاب عن الوعي و هربت انا و اياها نرمين:لحظة لاخد موبايلي كرمال جمال

العضوة: 275918 , منذ 4 سنوات

نزلنا من البيت و طول الطريق عم نتصل بجمال و حمادة لنبهن من يلي ناطرن بس يوصلو بس كان موبايلاتن خارج التغطية ، ،مرينا على بيتي لاخد يزن بس ما لقيتو بكل البيت ،كنت رح افقد عقلي من فكرة انو فادي يكون سبقني و بعت حدا و اخدو من البيت ،رجعنا نزلنا و طلعنا بالتكسي ،ما كنا عارفين لوين رايحين ،حتى اتصلت عمتا لنرمين فيا سيرين:بدك تشوفيا ؟ نرمين:ايه و رح اطلب منا تساعدنا سيرين:طيب ما عنا حل تاني اصلا ردت نرمين على عمتا و اتفقت نلتقي فيا بحديقة ،اول ما شافتا لفتا و صارت تبكي و تقلا اديش اشتاقتلا ،عمة نرمين كان وجهها بسيط و مألوف ،مرة بالخمسينات لابسة بشكل انيق كتير و مبينة انو مرتاحة بحياتا ربا:شبو وجهك حبيبتي ، ما عجبني صوتك اول ما حكتيني،حسيت فيه شي؛متقاتلة انت و فادي؟ نرمين:المشكلة اكبر من هيك و القصة طويلة و ما عندي وقت لاحكيلك اياها هلأ بس بدي تساعدينا ربا:ساعدكن ؟مين انتو ؟ التفتت نرمين لعندي و اشرتلي بايدا لقرب ،اطلعت فيني عمتا و حطت ايدا على تما متفاجئة نرمين:هيدي رفيقتي ،و نحن هربانين من فادي بدو يقتلنا ربا:ييييي ليش ؟شو عاملة؟احكيلي ...قلبي صار متل النار ..شو عاملين نرمين:قصة طويلة عمتي ،بحكيلك اياها عند اول فرصة ؛بس نحن لازم نختفي من الوجود هلأ سيرين:بدنا نوصل لجمال و حمادة بالاول و الا رح يتورطو و لازم اعرف وين ابني بالاول؛خايفة يكون مع فادي و يأذيه ربا:مين جمال و حمادة ؟ نرمين: سيرين نحن لازم نلاقي مطرح نتخبى فيه قبل ما يلاقينا فادي ،ما رح تكوني بتحبي جمال اكتر مني و خايفة عليه قدي بس نحن لازم ننفد بحالنا اول و اطمني حتى لو يزن مع فادي ما رح يأذي طفل ما الو ذنب ربا:اسمك سيرين كمان ؟ نرمين:عمتي الله يخليكي ساعدينا ربا:طيب طيب حكت عمتا لنرمين ربا مع زوجا و بعدين اخدتنا على بيت تاني ربا:هيدا البيت كان لاهلو لزوجي ،فيكن تقعدو فيه و ترتاحو و انت نرمين تعي شوي بدي احكي معك كلمتين _____نرمين _____ اخدتني عمتي على غرفة تانية لتفهم مني شو القصة،كنت خجلانة احكي الحقيقة و قول اني عملت صفقة مع سيرين على حساب شرفي و عفتي ،اكتفيت بالهروب من اسألتا و انو فادي عم يشك فيني اني عم خونو لهيك بدو يقتلني و انا خايفة منو ربا:انا رح احكي معو

العضوة: 275918 , منذ 4 سنوات

نرمين:لا لا عمتي انت ارتاحي و ما تدخلي ابدا ،بخاف يعرف محلي عن طريقك ،انا بدي اياه يهدى شوي لانو هو هلأ معصب كتير و بس يعصب ما بقا بشوف قدامو و بعدين انا بحكي معو ربا:طيب ،مين هاي؟ نرمين:قلتلك رفيقتي ربا:نرمين ...يمكن انت ما بتعرفي هالشي لانو ما صار عندي وقت لقلك و ما بعرف اذا خبرك ابوكي نرمين:شو؟ ربا:انت بتعرفي انو عندك اخت توأم؟ نرمين:اخت توأم؟ لا ما بعرف ،ما حدا قلي فتحت جزدانا و طالعت صورة بالاسود و الابيض لبنتين صغار بعمر السنة و اعطتني اياها نرمين: شو هالصورة؟ ربا: هيدي صورتك انت و اختك نرمين:هاي اول مرة بشوفا ربا:وقت تزوجت ،اخدتا معي و حتفظت فيا للذكرى ، شوفي ما احلاها نرمين:قصدك تقولي انو هيدي يلي برا اختي ربا:ايه زميت شفايفي و اعطيتا الصورة نرمين:مستحيل عمتي مستحيل ،هيدي كان عندا عيلة اب و ام بس متوفاين و عندا اخ اسمو حمادة ،ما تنغري بالشبه بيناتنا مجرد صدفة سبقتا و مشيت لافتح الباب و اطلع و انا عم فكر ربا:كمان الاسم مجرد صدفة التفتت لعندا نرمين:اختي كان اسما سيرين كمان؟ ربا:ايه نرمين:.... ربا:ليش حتى ما تكون اختك نفس الشكل و نفس الاسم ،اكيد ما كل هالشي صدفة كمان نرمين:بس انا وعيت على انو امي ماتت بالقصف يلي صار بالتمانينات ربا:ايه صح و سيرين كانت مع امك بالبيت ،لهيك فكرناها ماتت معا نرمين:و انا وين كنت ؟ ربا:كنت مع ابوكي،كنت سخنانة كتير بهديك الليلة و اخدك ابوكي على المشفى و بس رجع لقى البيت على الارض نرمين: و اكيد اختي ما رح تطلع عايشة من تحت الانقاض! ربا:ليش هيك عم تحكي ؟بجوز فعلا تكون هي و يمكن حدا اخدا ورباها و رجعتو اجتمعتو هلأ بعد ما كبرتو ،يالله ما احلاها هالصدفة ،رجعتو التقيتو و صرتو رفقة ، سبحان الله ما اكرمو... نرمين(تبكي):لا ...سيرين مستحيل تطلع اختي..انا ما بدي اياها تكون اختي ربا:نرمين حبيبتي لازم تكوني مبسوطة في حدا من عيلتك عايش ،اختك شق التوم عشتو بنفس البطن ، خلينا نتأكد و نسألا و نعرف كيف بعدا محافظة على اسما لهلأ ،لازم يكون فيه سر

العضوة: 275918 , منذ 4 سنوات

نرمين:لا عمتي الله يخليكي لا ، ما بدي تفتحي هالباب علي هلأ ،وضعي انا و سيرين سيئ ،نحن الاتنين اذينا بعض بما فيه الكفاية ربا:شو يلي صار ؟ نرمين:ما بقدر احكي اكتر من هيك هلأ ربا:طيب انا ما رح دايقك بأسئلتي اكتر من هيك و رح انطرك لتحكيلي انت و على راحتك ،انت بتعرفي اديش غالية على قلبي ،رح اتركك هلأ انت و اختك .... نرمين(بعصبية):ما تقولي اختي ربا:طيب رح اتركك انت و رفيقتك ترتاحي هلأ و ما تفتحو الباب لمين ما كان و بعدين رح نشوف كيف رح نحل الخلاف بينك و بين فادي ،البيت مليان ما ناقصو شي كنا على اساس نقعد فيه انا وعمك ابو فراس بس رح اقنعو نقعد بشي فندق نرمين:شكرا عمتي ، شكرا لكل شي قدمتيلي اياه ،انت الوحيدة يلي بحسك بتحبيني بلا مصلحة هي و طالعة قربت عمتي على سيرين و حضنتا بطريقة غريبة حتى سيرين تلبكت من معاملة عمتي اتجاها ،و انا كل شي كنت عم فكر فيه فادي و جمال و كل هالقصص نسيتا ،كل شي كنت عم فكر فيه هو سيرين و انو معقول تكون اختي ،بهديك الليلة اليتيمة و الوحيدة يلي بقينا فيا سوا ،كنت عم اطلع فيا ما على انو عدوة ،كنت عم شوفا متل اختي ،رجعت فتحت الحديث معي حتى نرجع نعلق على نفس القصة بس انا ما كان الي مزاج لاحكي بقصص ماضية نرمين:سيرين ما بدي اعلق معك هلأ،ما الي نفس

العضوة: 275918 , منذ 4 سنوات

سيرين:انت السبب ، انت يلي وصلتينا لهون ليش لتحكي لفادي،(تبكي) يا الله ابني ما بعرف وينو لهلأ و قلبي متل النار عليه نرمين:طولي بالك و بعدين حتى لو ما حكيت ،كان فادي رح يعرف كل شي بطريقتو و انا اختصرت الطريق ،المهم انت قلتي انو حمادة بكون اخوكي ؟ سيرين:ايه نرمين:اخوكي من امك و ابوكي ؟ سيرين: لا ، حمادة اخي بالرضاعة نرمين:كيف يعني؟ سيرين: انا اهلي ماتو بالحرب و اخدتني عيلة حمادة و ربوني عندن و بيني و بين حمادة كام شهر ، رضعت انا و اياه من امو لهيك طلعنا اخوات بالرضاعة نرمين:عنجد يعني انت ما بتعرفي ابوكي و امك الحقيقين؟ سيرين:لا ماتو قبل ما اعرفن بس يلي ربوني كانو مناح كتير معي ،ما حسسوني ابدا انو هن ما اهلي ابدا و امو لحمادة لحسن حظي ما عاد رجعت حبلت بولد تاني بعد حمادة لهيك ما كنت حسا انو تميز بيناتنا نرمين:طيب مين سماكي باسمك؟ سيرين:ما حدا ؛قالتلي امي ..يعني قصدي امو لحمادة انو وقت استلموني ،كان مكتوب على التياب يلي كنت لابستن اسمي و ضلو ينادوني فيه..يعني كنت بعرف كل شي ،ما عملو فيني متل الافلام بس كبرت تفاجأت انو هن ما اهلي الحقيقين،كانو صريحين زيادة معي و صدموني بالحقيقة اول ما وعيت ،اول شي استصعبت القصة بعدين تعودت نرمين:عنجد سيرين ....انا ما خطرلي ابدا اسألك عن هيك تفاصيل ابدا....يعني متل ما قالت عمتي ربا سيرين:شو قالت عمتك ربا؟ نرمين ؛انك .. انت.. بتكوني.. انفتح باب البرندا بالوقت يلي انا بدي خبر فيه سيرين انو هي بتكون اختي و طل فادي بجسمو الدفش و وجهو المكدر ،كنت لازم اعرف انو بهاللحظة لازم فادي يدخل و ينهي كل اللحظات الحلوة يلي ممكن عيشا بحياتي فادي:كنتو مفكرين تهربو مني بهالبساطة ،العقاب من جنس العمل

العضوة: 275918 , منذ 4 سنوات

____سيرين______ بدقايق قصيرة كان كل شي خالص ،نرمين على الارض و دما عم يسيل منا نهر و عم تلقط انفاسا الاخيرة ،ركضت لعندا انا و مفجوعة بالمنظر و عقلي طار من محلو سيرين:نرمين ..نرمين نرمين:انا ..كنت ...بدي ...قلك ..انك انت ..اختي ..سامحيني سيرين(تبكي):نرمين ..لك حامل ...كيف الك قلب تقتلا فادي:الشرطة جاي على الطريق قرب لعندي و مسك ايدي و حط المسدس فيا فادي:يزن رح يبقى معي بالحفظ و الصون لانو هلأ ما عاد الو لا اب و لا ام ،ابوه متورط بتهريب مخدرات و امو متورطة بجريمة قتل سيرين:نرمين نرمين اصحي ....(تبكي) ..يالله التفتت لعندو انا و عم ابكي سيرين: انا ما قتلتا...انت يلي قتلتا فادي:لا انت يلي قتلتيا بعد ما عرفتي خيانتا مع زوجك و حملا منو و اذا حكيتي غير هيك ،ابنك ما رح يبقى عايش ساعة وحدة ،و صرتي بتعرفيني هلأ منيح اذا بنفذ هالحكي الا لا ،رح يزورك محامي من طرفي و يفهمك شو تحكي بالضبط ... سيرين:عم تمسكني من الايد يلي بتوجعني ... فادي:انت بكل الاحوال ضحيتي بحالك كرمال ابنك ،كملي تضحيتك للاخر سمع صوت سيارات الشرطة و هرب فورا و تركني مع جثة نرمين الهامدة و المسدس بايدي و ايديي دم انا و مصدومة من كل شي صار و من كل شي سمعتو من نرمين ، و باللحظة يلي عرفت فيا انو نرمين هي اختي و الشخص الوحيد من عيلتي خسرتا للابد .. ما توقعت فادي يطلع مجرم و قاسي لهل الدرجة ،و ما توقعت لعبة و صفقة توصلنا لهون ،لانو ينحطو الكلبشات بايدي و انساق على السجن بجريمة انا ما ارتكبتا ،بصمات ايدي على المسدس و حمل نيرمين من جمال و تحاليل الDNA و ظهور فادي على انو هو الضحية و الرجال المسكين يلي بحب مرتو و تفاجئ بخيانتا و دلائل كتيرة اشتراها فادي ليثبت التهمة علي ،كل شي كان ضدي ،زارني المحامي ناصر يلي من طرف فادي بعد يومين سيرين:انا ما قتلتا ،ما قتلتا ناصر:انا لو بمحلو ،كنت رح اعمل نفس الشي ،الشي يلي عملتوه كتير كبير انت و اختك و برأيي هلأ لازم تدفعي التمن انت كمان ،انا قعدت انا و فادي و حكينا بكل شي و بكل التفاصيل ،يزن رح يبقى مع فادي ،رح يحطو بعيونو و يدير بالو عليه متل ابنو و اعز و خاصة انو فادي ما عندو اولاد ،يعني هاالشي من مصلحة ابنك ،هلأ منجي الك ،رح تعترفي بجريمتك ....

العضوة: 275918 , منذ 4 سنوات

سيرين:مستحيل ...مستحيل اعترف بشي ما عملتو ناصر:رح تعترفي ...رح تعترفي كالتالي : اجت اختي و عرضت علي مبلغ كبير مقابل انو اخد محلا و احبل من زوجا لانو كانت خايفة انو يطلقا و هي بالمقابل كانت رح تعيش محلي بس كنت متفقة انا و اياها انو ما رح يصير شي بينا و بين زوجي جمال بس بعد كام شهر تفاجأت انو هي يلي طلعت حامل من زوجي و كذبت علي بأنو ما في شي بيناتن ،طلبت منا تنزل الولد و ترجع لحياتا بس هي رفضت و طلبت مني اني اتركا بحالا بس انا ما قدرت ضل ساكتة ،طلبت منا اني شوفا بأي مكان و تحججت اني كرمال شوف ابني يزن و بعتتلي عنوان بيت عمتا ،اخدت المسدس من خزنة فادي لهددا فيه بس ،ما كنت ناوية اقتلا ، و رحت لشوفا بس ما كانت جايبة يزن معا و طلبت مني اني اطلع من حياتا و حياة ابني يزن ،فتت على اثر كلاما بحالة هستيرية و طالعت المسدس و قتلتا بدون ما فكر بعواقب جريمتي ،فكرت اخفي الجثة او اتركا و اهرب بس كانت الشرطة واصلة و ما لحقت اعمل شي ...... لهون بينتهي اعترافك و بالنسبة للجار يلي بلغ عن الجريمة رح يشهد انو شافكن من شباك بيتو انكن عم تعلقو و انو طالعتي المسدس و قتلتيا و بلغ عن الجريمة فورا ..و اذا انسألتي عن ابنك يزن رح تنكري معرفتك بمكانو لانو نرمين هي اخر وحدة كانت معو و هي الوحيدة يلي بتعرف محلو و ماتت و مات سرا معا ،رح يبلشو الامن بعملية بحث عنو بس ما رح يعرفو محلو ابدا ،لا هلأ و لا بعدين لانو ما عاد اسمو يزن ،المهم بالنسبة لقضية زوجك هاي لحال و ما تدخلي فيا و انت ما بتعرفي شي عنا ابدا ،هلأ القرار بيرجع الك انت قرري؟ سيرين(تبكي):.....اديش رح انحكم؟ ناص:....سلامة و حياة ابنك مقابل اعترافك كنت قدام خيارين و الاتنين متل العلقم و السم ،كنت محتارة بالقرار يلي لازم اخدو اعترف بجريمتي و عفن بالسجن او اقلب الطاولة على فادي و ضل مصرة انو هو يلي قتلا و اخسر ابني ،زارتني عمتي بالسجن هي و منهارة على خبر مقتل نرمين ربا: رح حطلك اشطر محامي بالبلد ،انت بنت اخي ،انت اختا لنرمين و رح ناخد بحقا سيرين:عمتي انا مقدرة كل شي ناوية تعمليه بس انا ما بدي شي ،انا خسرت اختي و زوجي و هلأ ما بدي اخسر ابني كمان ،فادي هو الطرف الاقوى هلأ ،كل الادلة لصالحو ،نحن خسرانين ربا:رح تخليه ينفد بجريمتو ،هو يلي لازم يكون محلك و يدفع التمن و يتخ بالحبس سيرين:عمتي بدي اطلب منك طلب اخير اعتبريه رجاء

العضوة: 275918 , منذ 4 سنوات

ربا:اطلبي سيرين:سافري ...ارجعي لمحل ما جيتي ربا:سيرين! سيرين:الله يخليكي سافري و انسيني و ما بقا ترجعي لهون ..خلص انا انتهيت بعد شهراجاني زائر على السجن ،تفاجئت وقت شفتو و لا اراديا ،فتت بحالة هستيرية و هجمت عليه بدي اقتلو ،مسك ايدي و حاول يهديني ،كان هادي كتير و متوازن نفسيا و واثق من حالو سيرين:انت يلي لازم تكون محلي ، وينو ابني وين اخدتو ،انا رح قول انك انت يلي خطفتو يوم الحادثة فادي:روقي شوي ...يزن كتير منيح ،عايش احسن من لما كان معك انت و نرمين ، كنتو عم تضحكو عليه و تلعبو فيه للولد سيرين:ما رح اسمح انو يعيش مع واحد مجرم و قاتل متلك فادي:انا ما مجرم ،اي رجال بمحلي كان رح يتصرف نفس الشي اذا عرف مرتو عم تخونو و حامل من غيرو و حتى انت يمكن كان زوجك قتلك لو عرف الحقيقة بالوقت المناسب ،يعني فيكي تقولي انا خدمتك بهالشغلة و انت عايشة لهلأ بفضلي سيرين:هاي ما عيشة ،و انا هون بسببك ، اسمع انا ما نرمين انا سيرين ،عشت معي كام شهر و صرت بتعرف شو يعني سيرين فادي:شو يعني؟ سيرين:يعني انا ما ضعيفة و ما ممكن اسكت عن حقي؛انا غلطت صح بحقك و بحق زوجي و بحق حالي كمان و مستعدة اتحمل مسؤولية غلطي بس ما بتحمل عقاب لجريمة انا ما عملتا ،طلعني من هون قبل ما افضحك و احكي عن شغلك بالمخدرات فادي:احكي مين رح يصدقك ،هون ما بياخدو بالحكي؛بدن دلائل ملموسة ،يعني حتى لو حكيتي انت و حمادة و جمال بهالشي ،ما حدا رح يصدقكن لانو ما فيه شي ممسوك علي و انتو يلي انلقطتو متلبسين بالجرم المشهود سيرين(تبكي):ليش ما قتلتني مع نرمين ؟ فادي:لانو بدي اياكي اضلي عايشة و تعاني انت و عم تشوفي ابنك عم يربى بعيد عنك و عن ابوه ،انا بدي عذبك من نقطة ضعفك سيرين:بس يلي عملتو مرتك معك اكتر من يلي عملتو انا بحقك و انت قتلتا و ريحتا و تركتني لحالي اتعذب و يحترق قلبي بابني فادي:لاني حبيتك الك سيرين:....شو بدك مني هلأ،ليش جاي لعندي ؟

العضوة: 275918 , منذ 4 سنوات

فادي:صراحة اشتقتلك و حبيت اطمن عليكي و شوف اذا ناقصك شي بالسجن سيرين:ليش شو فيك تخدمني،ليكون هون كمان في طبقات و مستويات و ايدك واصلة فادي:انا متل الاخطبوط ايدي واصلة لكل مكان ،و حتى هون فيكي تعيشي ملكة سيرين:بس بضل سجن ...شو عرفك بمحلنا هداك اليوم ؟ فادي:رحت على المطار و لحقتا لعمتك لانو خبرتيني انو رح توصل يوم الاحد و كنت عارف انو رح تلتقي بنرمين و راقبتا لحتى التقت فيكن و عرفت محلكن سيرين:انت شيطان فادي:بس قدامكن ،طلعت ملاك سيرين:جمال عرف ؟ فادي:طبعا ،زرت اخوكي قبل ما اجي لعندك و فهمت انو جمال فات بصدمة نفسية بعد ما عرف عمايلك انت و اختك ، ،المسكين ما تحمل ،ايه هالدنيا ما بترحم الضعيف و يا حرام من وين بدو يلقاها من مرتو يلي خانتو ولا من تهمتو الكبيرة سيرين:حمادة ما بزق بنص وجهك ،اه ولا صح هو ما بيعرف انك انت يلي بلغت عنو و عن جمال فادي:ما بيعرف و انت ما رح تخبريه ،وبدي تعرفي شغلة انا وقت بلعب لعبة بلعبا صح و ما بترك اي اثر وراي ،المهم انا جاي لاطمن انك ام مضحية و قبلتي تعترفي بجريمتك و تحافظي على حياة ابنك و مستقبلو ، رح ربيه و طلعو متل ما بدك و احسن ،رح درسو باحسن مدارس و فوتو احسن جامعة بالبلد ، ،شو قلتي؟ سيرين: .. .. قلت الله لا يسامحك و لا يوفقك ،اذا انا ما قدرت اخد حقي بايدي ،في الله بيناتنا و رح ياخد حقي منك و رح شوفك شي يوم هون واقف بمحلي فادي:اعطينا عمر

العضوة: 275918 , منذ 4 سنوات

طلع من عندي و انا منهارة ،بعد تفكير كتير ؛قررت اعترف بجريمة انا ما عملتا ما لانو فقدت الامل بأنو يكون فيه فرصة لاطلع من السجن ،لانو كنت خايفة على حياة ابني يلي بلشت كل القصة كرمالو ... انحكم علي بالسجن المؤبد ،و انحكم على جمال و حمادة بالمؤبد مع الاعمال الشاقة بتهمة تهريب المخدرات ،كانت الايام و السنين بالسجن بتشبه بعضا لدرجة ما بقا بتميز سنة من سنة او حتى بتعد اكام سنة راحت من عمرك ،التجاعيد و الشيب الشي الوحيد يلي بقلك انك عم تكبر بالعمر بس كنت من جوا مرتاحة اتجاه نفسي اني اخدت القرار الصحيح بعد ما وفى فادي بكل وعودو االي ،كان يزورني كل شهر و يفرجيني صور يزن و هو عم يلعب ،هو و عم يدرس و هو عم يسبح ، ،كان يزن عم يكبر شهر عن شهر و بكل صورو كان عم يبتسم ابتسامة ناعمة بس كانت لمعة عيونو مطفية و انا كنت عم انطفي من جوا و القهر عم ياكلني و العتمة عم تخيم على قلبي كلما بخبرني فادي اديش يزن عم يتعلق فيه متل ابوه و اديش العلاقة بيناتن عم تتحسن بشكل سريع سيرين: ما بيسألك عني فادي:طبعا ،حابة تشوفيه؟

العضوة: 275918 , منذ 4 سنوات

سيرين:ما بدي هو يلي يشوفني ،بهالشكل و بهالمطرح البشع ،ما بدي اياه يعرف هيك مكان بحياتو ابدا ،يمكن يصير يكرهني ...يمكن ما يفهم انا ليش عملت هيك ..بدي اياه يكبر بعيد عن هالجو ،ما بدي كون وصمة عار و نقطة سودا بحياتو ...بدي كون الماضي بس ..الماضي يلي لازم ينساه فادي:متل ما بدك ،عم ينقصك شي ؟ سيرين:لا ..كل شي منيح .. متوصين فيني منيح... ....عم تشوف حمادة ....و جمال ؟ فادي: لا ... كنت تحبيه لجمال ؟ سيرين:ما بعرف بس جمال بينحب بالرغم من انو ما عندو شي يعطيه غير الحب و الكلمة الحلوة ،تمنيت لو عندي عمرين لانحبس عنو و افديه بحالي لانو ما بيستحق يلي صار فيه و ما محلو هون ، لازم يكون برا ،على الاقلية كان بيجي بشوفني و بلومني او بيحتقرني او يمكن بسامحني ... فادي(بانفعال): حتى لو كان برا ،كنت رح اعمل المستحيل ليفوت عالحبس و تبقي انت بسجن و هو بسجن تاني و لا بحياتكن رح تلتقو و حتى لو اجتمعتو مستحيل ترجعي تكوني مرتو لانو هو بيكرهك كتير هلأ اكتر من ما بتتصوري سيرين:معو حق يكرهني قمت وقفت سيرين :خلصت موعد الزيارة رجع زارني فادي كتير،كل شهر كنت شوفو قاعد على الكرسي و ناطرني ورا قضبان الحديد ،اول ما يشوفني يبتسم فادي: اليوم عيد ميلادو ليزن،صار عمرو 13 سنة سيرين:اوووه ..اديش الي هون ..6 سنين ...العمر كلو حبيب قلبي فادي:رح مر هلأ اشتريلو هدية ،على بالو كتير بسكليتا ليسوقا بالمزرعة عند اهلي ،و لحمدلله اهلي بلشو يتعودو عليه هلأ بعد ما الكل كان نابذو و مستغربين وجودو بيناتنا ،بس هو بيعرف كيف يخلي الكل يحبو ،ذكي كتير ، بتخيل يمكن يطلع دكتور

العضوة: 275918 , منذ 4 سنوات

سيرين:او تاجر مخدرات مثلا ! فادي:لا ..سيرين انا وعدتك و قلتلك رح علمو و فوتو احسن جامعة ،مارح دخلو بهيك مجال ابدا،قولتك ممكن يسامحك بس يكبر؟ سيرين: ما بعرف بس ما رح يسامحك الك..فادي ...ما بقا تجي لهون ...روح تزوج و تابع حياتك فادي:اتزوج؟...مستحيل ..انا مرتاح هيك سيرين:اعمل يلي بدك اياه بس ما بقا تجي لهون فادي:ليش،ما بدك تسمعي اخبار يزن ؟ سيرين: ما بقا بدي شوفك فادي:بس انا بدي شوفك سيرين:هون انا بختار اذا بدي شوف الزائر او لا و هالشغلة ما فيك تتحكم فيا هون ،دير بالك عليه منيح قنت وقفت و بدي امشي

العضوة: 275918 , منذ 4 سنوات

فادي:سيرين ...سيرين لحظة ..بدي احكي شي قبل ما تروحي ....انا ..انا كل شهر بجي لعندك و بقول بدي احكي بس برجع بضعف و بتخوني شجاعتي ... انا ندمت وتسرعت .. ما تفكري اذا انت جوا و انا برا معناها انا مبسوط انا ابدا ... تكملة الجزء الاخير: سيرين:اعمل يلي بدك اياه بس ما بقا تجي لهون فادي:ليش،ما بدك تسمعي اخبار يزن ؟ سيرين: ما بقا بدي شوفك فادي:بس انا بدي شوفك سيرين:هون انا بختار اذا بدي شوف الزائر او لا و هالشغلة ما فيك تتحكم فيا هون ،دير بالك عليه منيح قنت وقفت و بدي امشي فادي:سيرين ...سيرين لحظة ..بدي احكي شي قبل ما تروحي ....انا ..انا كل شهر بجي لعندك و بقول بدي احكي بس برجع بضعف و بتخوني شجاعتي ... انا ندمت وتسرعت .. ما تفكري اذا انت جوا و انا برا معناها انا مبسوط انا ابدا ما مرتاح و ما بفرق عنك بشي انا عايش بسجن كمان سجن براسي هون ما بفارقني لحظة ...

العضوة: 275918 , منذ 4 سنوات

يمكن ببداية الامر حسيت حالي اني انتصرت اني قوي و ما حدا بيقدر يغدر فيني انغريت بحالي و بقدراتي و اني قدرت عاقبك على الشي يلي عملتيه بس عرفت انو انا عاقبت حالي ...انا ما كنت بحب نرمين و لا حبيتا بحياتي كانت نرمين بالنسبة الي مجرد ستار لاتخبى وراه حتى ما حدا يشوف النقص يلي فيني ..بس انت دخلتي حياتي و نزلتي هالستار ..يمكن استغربت التغيير يلي صار بس بعدين حبيتو كتير ..انت رجعتيلي التوازن يلي انا فقدتو من زمان من اول لحظة عرفت اني ما بجيب اولاد و بلشت حس بنقص برجولتي . انا حبيتك و وجعتك على قد حبي الك ، بعرف كل هالحكي متأخر و ما رح يغير من رأيك او حتى مشاعرك اتجاهي بس انا بدي توثقي فيني هالمرة و تعرفي اني يزن بأيادي امينة معي رح حاول عوضو عن حرمانو منك و يمكن ما قدر بس ما رح خليه ينساكي او يكرهك ،رح احرص انو بس تطلعي من هون رح يكون ناطرك هو و عيلتو ...و رح يجي يوم و نلتقي وجه لوجه من غير هالقضبان بس يمكن لوقتا بتكوني كرهتيني اكتر من هلأ تركتو و مشيت بالممر المعتم و انا متأكدة انو رح يجي يوم و اطلع من هون و رح شوف يزن ناطرني برا ،حامل بايدو بوكيه ورد و يقلي لحمدلله على السلامة ،رح يمسكني من ايدي و يعرفني على مرتو و اولادو ،رح يفهم و يقدر يلي عملتو و رح يسامحني و يفتخر فيني و رح كمل بقية حياتي معو ....يمكن الظالم بينتصر احيانا بس ما بدوم الظلم لانو كل شي الو نهاية و انا كنت شايفة نهاية فادي ، رح تكون على ايد يزن يلي عم يربيه و يكبرو هلأ رح يجي يوم و ينهيه بايدو . انتهت

العضوة: 488064 , منذ 4 سنوات

حلوا كتير وفيها عبرا