العضوة: 275918 , منذ 4 سنوات

بالحرم الجامعي كانو شافيره وسندس وقدر قاعدين بالكافتيريا وعم يشربوا عصير قدر : باينته الاستاز حمدي كتير جنتل سندس : انا مافيي احكم عالناس من مضهرها او من اول موقف شافيره : لا سندس مابتفق معك الانسان بيبان معدنه من المواقف سندس : وانتي قلتيها من المواقف مو من اول موقف شافيره : اي انتي حره قدر : بدي روح جيب مي حدا بدو شي سندس : انا لا قدر : وانتي شافيره شافيره : سلامتك حبيبتي عم اشرب عصير فتلت قدر حالها بسرعه لتروح تجيب مي وفجأه صدمت بحدا قدر : لك فتح انت اعما عوض : وليييي كشكولي قدر : هاد يلي لفت انتباهك كشكولك بعدها عوض ومسك الكشكول يلي صار يسبح بالعصير واطلع فيها بعصبيه واول ما اجت عينه بيعنها انصدم وبلع ريقه عوض : ولي على هالعلقه عطا : خلينا نمشي قبل ماننكشف

العضوة: 275918 , منذ 4 سنوات

قدر : انا وين شايفتك قبل هالمره عوض (اشر عحاله ببلاهه) مين انا… مممابعرف عطا : بيخلق من الشبه اربعين ياشسمك سندس : وانت كمان وجهك مو غريب عليي صفرن عوض وعطا وحسوا حالهم انكشفوا عوض : هلأ كيف بدي جيب كشكول بدل يلي تبهدل بالعصير اه قدر : انا بعتزر منك ماكنت منتبهه .. انا اسمي قدر وهدول رفقاتي سندس وشافيره عوض (بقلبه) شكلها ماعرفتنا الحمدلله نفدنا انا عوض وهاد ابن عمي عطا شيفاره : ازا بتحبوا تفضلوا انظموا ل النا عطا : شكرا مابنقعد مع بنات شافيره : وازا قلتلك مشاني عطا : شبك ياشسمك قلتلك مافينا… يالله ياعوض عوض : اي طول بالك ابن العم عيب مانقبل عزومة الانسه

العضوة: 275918 , منذ 4 سنوات

شافيره : ههههه عزومة شو لا اخي هون كل نظام انجليزي كل واحد بيحاسب عن حاله عطا : ازا هيك طمنتيني ياشسمك وهي قعده قدر : وانت مارح تقعد معنا استاز عوض عوض : لا ولو بس ياريت تناديني عوض بدون اللقاب قدر : اي متل مابدك عوض 😁 ظلوا يحكوا ويضحكوا وبسرعه تعودوا على بعض او يمكن المعرفه السابقه فادتهم هالمره بعد دوام الجامعه وقفوا الكل عند البوابه قدر : عوض خود كشكولي انقل منه المحاضرات عوض : يسلمو انسه قدر سندس : خلونا نشوفكم هه عطا : مممعلوم يالله خاطركن سندس الله معكم راحوا عوض ورضا وظلوا البنات واقفين مكانهم سندس : شكلهم خام جدا قدر : بس طيبين كتير سندس اي والله فعلا هاااي تلفتوا الصبايا وشافوا حمدي واقف بسيارته قريب منهم ونزل منها حمدي : صدفه غريبه اكون مروح من الشركه بنفس موعد ترويحتكم شافيره : لا معلش هالمره رح ناخد تكسي مابدنا نتقل عليك حمدي : لا تقله ولاشي سبق وقلتلك السياره فاضيه وهيك هيك طريقنا واحد كانو عطا وعوض بعدهم قراب من البنات وشافوا حمدي بيحكي معهم عوض : الحق عطا في واحد بيعاكسهم عطا : مالنا دخل خلينا نممممشي عوض : عيب يارجل هدول جيرانا وين الشهامه تحرك عوض بسرعه ووقف قدام حمدي ورفع اصبعه بوجهه عوض : شو بدك منهم ولااا حمدي : روح من هون ياشاطر عوض : اسمااااع يابتحكي منيح يااما مابتعرف شو رح يصيرلك حمدي (شمر عن زنده) وشو رح يصرلي 🤨 عوض : وانا شو بعرفني شو رح يصيرلك 🏃‍♂️ شاف عطا الموضوع اتأزم مع عوض ودبت فيه النخوه وركض وضرب صدرو بصدر حمدي عطا : سمممماااع اناااا بسبسبسس عصب شسمو وجهي والكف حمدي : لا والله عطا : ولي عوووض خبيني 🏃‍♂️ ادخلو البنات بيناتهم وحكت شافيره ياجماعه انتو فاهمين الموضوع غلط.. السيد حمدي عرض يوصلنا بطريقه بسيارته بس عوض : هي حركات مكشوفه عطا : رجلنا ع شسمو رجلكم حمدي : اه .. اي ماعندي مشكله السياره فاضيه وتحت امركم عوض : السياره !!!! لك عطا رح نركب يالسياره عطا : اهلا وسهلا… اهلا وسهلا

العضوة: 275918 , منذ 4 سنوات

بلمح البصر كانو عطا وعوض جوات السياره حمدي (بضيق) الافنديه لوين رايحين عوض : انت شخصيا لوين رايح حمدي : عالهفا عوض : ايوا ونحنا هناك كمان حمدي : طيب بوصل الصبايا بعدين بوصلكم عطا : لا لا لااا ننننحنا كتيررر مناح هيك 😁 تلفت حمدي لورى وشاف عطا قاعد بالنص وفارش ايديه حوالين البنات واخد راحته عالآخر… شد عالمقود بقهر وشغل السياره عطا : سوق يالله وحياتك وعلى مهلك والنبي يسطا حمدي : 😡 ظل حمدي طول الطريق يزور عطا وهو عشوي رح يطق من قهرو واول ماوصلو نزلو الصبايا شافيره : شكرا استاز حمدي قدر : خلينا نشوفك استاز حمدي سندي : باي استاز حمدي عطا : مرسي استاز حمدي… بيباي 😂 عوض : لك عطااا بست عطا : شو عوض : لوين رايح عطا : مروح عوض (بلش يعض عشافه) لك مابينفع ممممم لك اخيرا دارت الشغله لعطا وانتبه انه مو بهيره عطا : اي ماشي يا انسات شسمو بنشوفكم بباي ركب عطا السياره ووصلهم حمدي لحد النوفتيه يلي راهنين بدلهم عنده عوض : شكرا استاز حمدي حمدي : لا العفو وازا بتحبوا بوصلكم كل يوم عطا : عنجد… لكن بكرا بنفس المكان والزمان وحياتك مو تتأخر… يالله بيباي حمدي : 🙁 🤣🤣🤣🤣🤣🤣🤣 وبالفيلا كان عطا نايم عالتخت وسارح بالسقف عطا : ولا عوض عوض : شو بدك عطا : مين يلي حكا انه في علاقه بين الحب والكازوزه عوض : مممم نوكلا عطا (تجلس وابتسم) لا… محسوبك عوض : ايوه وكيف اكتشفت هالشي ياعبقري زمانك عطا : شسمو اليوم ونحنا بالسياره سندس كانت لازقه فيي كتير وحسيت شسمو جسمي صار فيو تنميل متل الكازوزه عوض : ايوااااا عطا : لك مو هاد الحب ولاا عوض : الله اعلم

العضوة: 275918 , منذ 4 سنوات

عطا : لك مو هاد الحب ولاا عوض : الله اعلم اندق الباب فجأه ليفزو من مكانهم ويبلشوا يتراكضوا ويلبسوا البواريك جود : افتحي يابهيره عطا : يالله جيت جييت عطا (فتح الباب) نعم جود في شي جود : اي .. هاد المنيو تبع بكرا رح تطبخولنا كبه وباميه وزر… عطا (برم شفايفه) وبدكن كبه لبنيه ولا كبه بالصينيه جود : مممممم يالله منكم بركه… اي صحيح شافيره وقدر بدن ينزلو عالسوق يشترو اغراض الطبيخ بدكم شي !! عطا : اي بدي موس حلاقه زكاتك لاحلق دقني جود : نعم !!!!! عطا : اييييه قصدي موس احلق فيه القلم ابري فيه القلم جود : ههههه اوك رح قلهم يجيبولك برايه ياحلوه… . مشيت قدر وعطا بيطلع فيها هيك 😕 عطا : بدك ياني احلق دقني ببرايه وفتل وجهوا ليفوت جوا واتلقى ضربه بجرن الكبه عراسه من عوض عوض : يخررررب بيتك 😡 كانو قدر وشافيره طالعين من الفيلا ورايحين للسوق وفجاه سمعوا زامور سياره بحدهم اطلعوا بجنبهم وكان حمدي بسيارته الكشف قدر : اهلا استاز حمدي حمدي : شو هالصدفه الحلوه هي شافيره : كترانه صدفك هه حمدي : اي يمكن لانه حظي حلو تفضلوا لوصلكم عالسوق شافيره : وشو عرفك انه رايحين عالسوق حمدي : اه… . لانكم فعلا رايحين عالسوق شيفاره : بصراحه الطباخ بالفيلا تبع عمو تعبان وقلت بروح انا عالسوق عواضه ومنه بغير جو حمدي : عااال فرصه اوصلكم بدون عوض وعطا تفضلوا اركبوا فتحت شيفاره الباب لتركب ولمحت خيال سبقها ونط جوات السياره عطا : هاااااي عوض : هالووووو حمدي : 😥

العضوة: 275918 , منذ 4 سنوات

شافيره : ههههه انتو ليش لحقتونا يابنات شهيره : ابدا داق خلقنا وقلنا بنجي معكم نشم هوا بهالسياره الحلوه… صحيح ماعرفتونا شافيره : هاد الاستاز حمدي… . استاز حمدي هدول شهيره وبهيره ساكنين معي بالفيلا حمدي : اهلا وسهلا… بالعوانس ققصدي الاوانس… بصراحه كرم كبير من حضرتك يا انسه شافيره انك تسكني كل هالمجموعه بالفيلا تبع عمك. بهيره : الفيلا تبع مين يختي شيفاره : عمي… الفيلا تبعت عني (وعضت. عشفايفها) شهيره : بصراحه عمها صاحب الفيلا كتيررر تيب يااستاز حمتشي عطا (قرب من حمدي وهمسله) بيني وبينك صاحب الفيلا اكبر مغفل وشسمو حماار دعس حمدي فرام قوي فجأه لتضرب بهيره بالقزاز وترجع مطرحها حمدي : انااا اسف يا انسه مابعرف شو صرلي وين بتحبوا وصلكم بهيره : ع الحسبه شافيره : احممم وصلنا عالمول ازا سمحت طبعا استمر الحال متل هيك مع حمدي الصبح بيلاقي بوجهو عوض وعطا والمسا شهيره وبهيره 😂 *╚══════ღღ══════ المسا على طاولة مليانة نقرشات وأكلات حطت سندس جاط بوشار كبير ونطت عالكنبة قدام الشاشة ونادت.. :يااابنااات القعدة جهزت والفلم خمس دقايق ببلش .. اجتمعو البنات والتفو حوالين الشاشة شي عالأرض وشي عالكنبايات .. اما عطا وعوض كانو نازلين عالدرج وهنن لابسين بجامات وحدة حمرا ووحدة صفرة 😂 عطا: ياعيني شو هالسفرة الحلوة .. 🤤😍 التفتو كل البنات عليهم وحكت شافيره ..:تعالو سهرو معنا بهيرة وشهيرة .. عوض: اي نحنا يلي بنجي ..يالااا اوختشي بهيرة 😁 قربو عوض وعطا وقعدو عالكنبة بين البنات وعطول عطا حمل جاط البوشار .. :ياسلام بوشااار ..شو بحببب البوشار .. وبلش يغرف وياكل سندس: صحة بهيرة .. بس وفري شوي لسا مابلش الفلم 😅

العضوة: 275918 , منذ 4 سنوات

عوض: لَيــِْـِْش. فلم شو حابين تحطو؟ عطا: انا بحب افلام عادل امام ..حطولنا لعاادل امام عوض: لااا بدي فلم لعبد الحليم انا بموت عليه 😍 اتضحكو عليهم البنات وضلو ساكتين لبينما بلش الفلم ... كانو قاعدين وبتابعو والخطة ماكانت يتابعو ابدا افلام رعب 😂 وعيونكون مَآتشُوٌفْ الا النور. كان عطا كل مابيطلع موقف مرعب يصرخ اما عوض وقف ونط م̷ـــِْن عالكنبة واتخبا وراهم متل ولاد الصغار 😂 نهى : لكك شبك شهيرة عوض: لكلكلكككك بخوووف الفلم😭 عطا: اي وال وال والله بخبخبخووف 😭 شافيرا: خلص خلص. هي طفينا. هههههه وهنه مرعوبين ومنكمشين عحالهم بيبان طرف بطاتهم وبتنتبه عليهم قدر .. قدر: ئي .. شو بهيرة وانتي شهيرة شو هالأشجار المزهرة يلي ناتعيهم 😂 عطا: أشجار مزهرة؟ ؟!!!! رفعت شافيرا طرف بجامة عطا وشهقت ..:يييييييي شووو هاااد ... ڵـڱ انتو عشو مسمين حالكون بنات .. عوض: والله ماعم بفهم 🙁 سندس: كنو بحياتكم مو ناتفين وللا بعمركون تعرفتو عشي اسمو شمعة او سكر او حتى جيم 😂 اتطلعو عوض وعطا ببعض هيك 🙂 أزهار: طالعين متل الغوريلات يلي بالغابات الاستوائية 😂 اما البنات فصلو ضحك عليهم 😂 وفجأة انقطعت الكهربا ونطو الكل م̷ـــِْن الرعبة .. قدر برعبة: وليييي لَيــِْـِْش. انقطعت الكهربا 😱 ازهار: طوطوطولو بالكون صبايا بجوز فصلت الساعة لأنو الها بالعادة ..😥 حملو جوالاتهم وبلشو يضوو فيهم ... جود: معناتا روحي رفعي القاطع .. ازهار: بالله شووو .. شايفتيني مجنونة لأنزل عالقبو هلأ 🙂 سندس: يا •اللّـہ̣̥ ..ياريت فِيَھ عنا رجال بالبيت 😭 ردو عطا وعوض: ياريت 😭 قدر؛ :انا رح رن على عم علوان بركي يجي يوصلها .. رنت عليه بس علوان كان بسابع نومة 😂 سندس: شو صار معك؟ قدر: ماعم برد ..😥 عطا: ليكون ..ليكون اجا القاتل ويصير فينا متل الفلم ..بالاول بيقتلو الحارس بعدين اهل البيت 😱 شافيره: هههه •اللّـہ̣̥ عليكي يابهيرة شو خيالك وسيع ..انا رح رن لـ حمدي لحتا يجي سندس: هلأ بدنا ننطر حمدي تبعك لحتا يجينا .. امري لالله انا بنزل عالقبو .. بس بدي حدا يجي معي .. وفجأة تراجعو كلن لورا ليضل عطا بوجها ..😂 سندس: والله مافي مـڼـڱ انَــْتي بهورة 😍 يلا تعالي عطا: انااا ايمت حكيت بدي اجي 😩 سندس مسكت ايدو وسحبتو معها وسمع عوض بيحكيلو: •اللّـہ̣̥ معك يختشي ..ديري بالك بهورة 😂

العضوة: 275918 , منذ 4 سنوات

وصلو سندس وعطا عالقبو وبلشو ينزلو بالعتمة .. وهونازل عالدرج عطا ورجليه بترجف وبتضرب ببعض اتفركش واتدحكل عالدرج مع سندس .. 😂 سندس: ااخ يبعتلك حما يابهيرة كسرتيلي ضلاعي عطا: اسفة اسفة والله انعما عئلبي 😶 رجعت سندس وقفت وضوت بجوالها لحتا لقت الساعة .. سندس: لقيتا .. رح ارفع القاطع .. 😃 عطا: اي رفعي يختي يستور عاوختك اما فوق كان عوض واقف بين البنات ومو عرفان مين حاضن م̷ـــِْنهم م̷ـــِْن رعبتو 😂 قربت سندس وحاولت توصل للساعة بس كانت بعيدة عطا: شو صار معك ياشسمك؟ سندس: اولا اسمي سندس ..تانيا الساعة عالية كتير ما عم بقدر اوصلا ..ليكي بهيرة انتي اطول مِڼـّي يمكن توصليلا .. عطا: لٱ مابقدر عنجد عالية .. شو رأيك تحمليني لحتا ارفعو .. سندس: اه ..اي يلا .. وقفت سندس ورا عطا ولفتو م̷ـــِْن خصرو وحاولت ترفعو ..اما عطا كان لسا مخشب ووفاتح عيونو عالاخر وسندس حاضنتو م̷ـــِْن ورا وبتحاول ترفعو .. 😂 عطا: ليكي بعد التفكير .. خليني انا ارفعك .. انتي اخف سندس: منيح حكيتي ..ماشالله عنك تقيلة انتي 😅 وقفت سندس قدامو وحست بايديه مسكوها م̷ـــِْن خصرها وانصدمت لما رفعها مرة وحده لفوق بدون حتى مايشتكي م̷ـــِْن وزنها .. عطا: شو ناطرة سوسو ..يلا سندس: اي يلااا ها. .. رفعتو .. ضوت الكهربا ونزلها عطا لتحت وهي بعدا متفاجأة .. عطا: شبك؟ سندس: بالله بهورة انتي عاملة دورة رفع اثقال شي 😂 عطا: هههه لٱ لَيــِْـِْش. سندس: ماشالله انتي قوية متل الرجال 😅 ابتسم عطا بخجل وحك الباروكة تبعو ...:•اللّـہ̣̥ يجبر بخاطرك ☺️ اما فوق بعد ما ضوت الكهربا انبسطو الصبايا ورجعت الرياحة عندن ..اما عوض كان واقف وجمدان مكانو وقدر بعدا حاضنتو م̷ـــِْن الرعبة .. عوض طبطبلا عكتفها : قـ قدر اجت الكهربا

العضوة: 275918 , منذ 4 سنوات

فتحت عيونها واتطلعت فِيَھ ..:يي منيح اللي اجت. شو بخاف م̷ـــِْن العتمة بعدت عنو ورجعت قعدت عالكنبة ..اما هوة ضل يطلع فيها واتنهد وابتسم متل الهبلان 😂 اما بالقبو .. كانو سندس وعطا عم يهمو ليطلعو لما لمحت سندس فارة مرت م̷ـــِْن بين رجليها وهي ارتعبت وصرخت وبلشت اتنطوط مكانها .. عطا: شبك؟ سندس: فارة فاارة .. وركضت لعند عطا وضمتو م̷ـــِْن الرعبة .. سندس: انااا خايفة 😭😭 عطا: انا خاايفة اكتر مـڼـڱ. . تعالي نطلع .. كانو ضامين بعض وعم يطلعو عالدرج .. وبنفس الوقت كان عطا حاسس بشعور اتسلل لجواتو م̷ـــِْن بعد هالموقف .. كان حاوي سندس عصدرو وقلبو م̷ـــِْن جوا مبسوط وعم ينط م̷ـــِْن الفرحة ❤️ عطا : اي والله هاد هو الشسمو الحب 😍 *╚══════ღღ══════ مرت الايام والوضع متل ماهو على عطا وعوض بالصبح طلاب جامعه وبعد الضهر ستات بيوت بهالفتره بلش عطا يحس شعور غريب ناح سندس بينما عوض كانت لنظرة عيون قدر وطأ خاص بقلبه بس ماكانت عندهم الجرأه يصارحوهم بشي اما حمتشي كان ناطر الفرصه المناسبه ليقدر يسحب وحده من البنات واستغل كزبة شيفاره لمصلحته ومو باقي عليه الا انه يقدر يختلي فيها بعيد عن عطا وعوض وشهيره وبهيره يلي صارو كابوس حياته ترقبوا الآتي…….. /////////////////////////////////////// بيوم كان باين انه نهار عادي كانت شافيره ماشيه لوحدها وعم تبعد بخطواتها عن الجامعه لحتى حست ع سياره وقفت حدها… فورا عرفت انه حمدي .. ابتسمت وفتلت وجهها شافيره : بعرف… صدفه غريبه تكون مارق من هون بنفس موعد طلعتي من الجامعه… بس وينك هالمره مارح صدق حمدي : مممممم ليش هلقد انا مكشوف شافيره : ايه حمدي : طيب شرفي لوصلك بدون صدف شافيره : ازا هيك اوك ههههه حمدي : لكن وين سندس وقدر شافيره : عندن محاضرات وانا حسيت بتعب قلت برجع عالبيت حمدي : ايوااا لكن رح اسمح لنفسي اعزمك ع فنجان قهوه شو قلتي شافيره : المنيحه مابدها سؤال ركبت شافيره ولمحت من بعيد عوض وعطا عم يركضوا لعندهم شافيره : لحظه حمدي عوض وعطا جايين

العضوة: 275918 , منذ 4 سنوات

اما حمدي ماسمع منها وحط عالاول ودعس بنزين وانطلق بسرعه عطا : انت ياشسمك معلللم عوض : رايحين وحدكم تيري ميري بسيطه ياحمدي الزفت كانت شافيره بتطلع لورى وحزنانه عليهم شافيره : حرام عليك ارجعلهم حمدي : حرام عليكي انتي… ليش ماعم تحسي فيي… شافيره : ليش شو عملت انا حمدي : الصبح عطا وعوض والمسا شهيره وبهيره والله كتير… والمصيبه فيهم شبه من بعض شافيره : حرام والله انهم مساكين حمدي : وانا يعني مو مسكين شافيره : ليش شبك انت حمدي : يعني مابتعرفي شافيره : هئ حمدي : حطي عينك بعيني شافيره : هه 👁👁 حمدي : عيونك بتقلي انك تكزبي وبتعرفي شو اللي جواتي خجلت شافيره وزاحت نظرها عن حمدي وهي بتعض ع شفايفها وبتزيح خصلات شعرها وحاسه بدقات قلبها عم تزيد وانفاسها بتتضارب بين ضلوعها وقررت تجمع بين حبها واعجابها لتحصل على شب جنتل وبين شغفها وطموحها لتوصل للعز والجاه وفجأه لمعوا عيونها وشهقت شافيره : لك صحيييييح حمدي : شو شافيره : لازم اتصل على ماما كتير ضروري… نزلني عند اي مكتب اتصالات ازا سمحت لاني بدي احكي مكالمه خارجيه حمدي : ولايهمك هلأ بنروح على مكتبي فيه خط دولي شافيره (بمكر) .. اوك يالله #يـــــتــــبــــع

العضوة: 275918 , منذ 4 سنوات

#غباء_بالفطره #الجزء_الثالث #بقلمي_امل_احمد_سلوم *╚══════ღღ══════ العلاقات يلي بتبلش غلط بتنتهي بسرعه وحتى لو كان جواتنا في مشاعر حب وراحه لكن الحب بعمرو ما اجتمع مع المصالح الشخصيه ووقت نكتشف الحقيقه مافينا نلوم عاللي خانونا لانه نحنا مافرقنا عنهم بشي ومشينا ورى مصالحنا وهاد كان حال حمدي مع شافيره .. رغم انه حس ب انجذاب ناحها لكنه من داخله كانت نواياه سيئه واعتبرها متل اي وحده قدر يضحك عليها ويوقعها بشباكه وماكان حال شافيره احسن منه لأنها شافت بحمدي فارس الاحلام الكامل من جمال وعز وقررت توقعه بحبها لتنشل حالها وشبابها من مقبرة الفقر…… .. خلونا نشوف شو رح يصير… *╚══════ღღ══════ كانت شافيره قاعده بمكتب حمدي ولافه اجر ع اجر وهي بتجول بحجر عينها ع كل ركن بالمكتب من اثاث وتصميم وديكورات حلمت انها تصير المديره وتقعد ورى هالمكتب بعد ماتصير حرم السيد حمدي صاحب اكبر شركة استيراد وتصدير وتصير الامره الناهيه شافيره… شافيره طالعها من سلسلة افكارها واحلامها صوت حمدي للمره التانيه وهو بينبأها لشرودها شافيره: اي حمدي معك حمدي : متأكده انك معي من لما وصلنا وانتي شارده شافيره : بعتزر منك كنت عم فكر ب اهلي حمدي : وليش تتعبي حالك بالتفكير تفضلي التلفون واحكي مع امك واطمني عنهم شافيره : مرسي كتير حمدي سبلت بعيونها وهي بتتناول سماعة التلفون وبسرعه طلبت الرقم لحتى ماينتبه انها طلبت رقم محلي وحطت السماعه على دانها واستنت الرد شافيره : هالووو مام كيفك يا البي ام شافيره : اهلين ياروحي كيفك طمنيني عنك المصروف وصلك شافيره : ابدا مام مو محتاجه شي بس ياريت تحكي لبابي يوصيلي ع طباخ جديد لانه الطباخ ماعاد اجا ام شافيره : طباخ شو يا امي !! ابو شافيره من حدها… يمكن جاي عبالها شي طبخه من تحت دياتك. ام شافيره : اي على عيني امي رح جهزلك صفرطاس اكل وابعته مع سليم ابن خالتك شافيره : اي المواصلات مامي المواصلات كتير تاعبيني ياريت تبعتولي السياره الزيتوني ام شافيره : زتون شو

العضوة: 275918 , منذ 4 سنوات

ابو شافيره : يابنت الحلال اكيد جاي عبالها زيتون ام شافيره : اي حااااضر رح ابعتلك صفيحة زيتون شافيره : لا لا بلاش السواق انا رح سوق الصفيحه بنفسي… قصدي السياره… يالله لازم سكر بوسيلي بابي ام شافيره : الله معك ياروحي انتبهي عحالك نزلت شافيره سماعة التلفون ووقفت ومشت ناح الشباك وهي راسمه الحزن على وجهها تقدم منها حمدي وفتلها عليه حمدي : شبك .. شافيره : كتير اشتقت لبابي ومامي وجو البيت حمدي : معلش انتي كمان بعدتي عنهم مشان تدرسي وتنجحي وتفرحيهم ماهيك. هزت راسها بالايجاب وابتسمت حمدي : شو رأيك نروح نتغدا بشي مطعم. شافيره : مابدي عطلك حمدي : لاعطله ولاشي وياستي اعتبري اليوم كله انا تحت امرك لوجه الفجر شافيره : هههه لا شو وجه الفجر… ازا صارت الساعه 11 وماكنت بالفيلا علوان مابيدخلني قصدي عمي بيزعل مني حمدي : خلص معناها بنتغدا وبنروح نسهر بشي مكان ظريف وبرجعك عالبيت… شافيره : ممممم موافقه *╚══════ღღ══════ اما بالفيلا كان عطا عم يمسح الارضيه بالطابق التاني وسمع نهى بتحكي بالتلفون وكان واضح عليها الضيق والانفعال… حط الممسحه من ايدو وزحف ع ايديه ورجليه وصار يتسمع عليها نهى :امي مشان الله بعدين معك يعني ليه هيك بتعملي؟؟ ام نهى: هاد اللي عندي......وبلا ما توجعي راسي اللي عندي حكيتو

العضوة: 275918 , منذ 4 سنوات

نهى :افففففف امي بعدين يعني كل يوم عهالسيرة قلتلك انا ما بدي اتجوز وبدي كمل دراستي يعني هوا الجواز بالغصب؟😠 ام نهى :شوفي ولي نهى انا خليتك عراحتك كتير بعدين معك يعني صار عمرك 25 سنة ولا عم ترضي تتزوجي .... وبعدين عن اي دراسه بتحكي يابعدي وانتي صرلك بالجامعه سنين وايام وماكنتي تفلحي… يا بنت انا بدي اتطمن عليكي عايشة حياتك عكيفك.. خايفه يكون معمولك. شي عمل ولا حدا رابطك لحتى ماتتجوزي؟ نهى : امي حبيبتي بس هالمرة بوعدك خليني عيد هالسنه وازا نجحت او لا رح اسمع كلامك ام نهى :ما حزرتي ويوم الخميس اول ماتخلصي دوام الجامعه بتاخدي اول سرفيس وبوجهك عالبيت لتستقبلي عريسك فهمتي نهى : حاضر امي رح اجي ام نهى : مو بس بدك تجي رح بتلاقي العريس عنا و بتستقبليه... نهى :ماشي امي بس مو يعني استقبلو يعني وافقت عليه... ام. نهى :خلص ماشي بس ما تفضحيني مع رفيقتي هاد ابنها لام وسيم صاحبيتي يلي بالكويت جاية تعيش هون وبدها تجوز ابنها وسيم دكتور اسنان ورح يفتح عيادة هون و يستقر لهيك بتحكي بأدب وما تبهدليني متل كل مرة. نهى : طييييب امي متل مابدك اعتقيني بقى مشان الله سكرت الخط وغمرت راسها بين ايديها وبعدا حست عحدا حط ايدو ع كتفها… رفعت راسها وابتسمت نهى : هاد انتي بهيره عطا : لاتواخزيني كنت مارقه من هون بالصدفه وسمعتك عم تحكي مع امك. نهى (غابت ضحكتها ) بدها ياني اتزوج بأي طريقه وكأني حمل تقيل ع قلبها ويا اما بتجوز او بكون مسحوره وفيي شي مس حزن عطا عليها وقعد بحدها عالدرج وسألها بجديه عطا : انتي ليش مممابدك شسمو تتجوزي نهى : بيحكوا عني بنت طايشة عايشة حياتها وانا يمكن كون فعلا هيك ما بحب قرب لجنس ادم ابدا بحضر افلام هندية كتير ومتأثرة بالدراما التركية بدي واحد متل شخصية يلي بمسلسل (سنوات الضياع) وواحد متل ارجون الهندي. وواحد شبه بوراك التركي..... احلامي كتير عالية مفكرة حالي شي نجمة بنجوم السما وكل ما يجي عريس بعمل مقالب فيه يا اما بصير اصرخ يا اما بحول عيوني وبنكش شعراتي يا اما بصير اقرط بالحكي كتير حركات بتخلي العريس ما يرجع

العضوة: 275918 , منذ 4 سنوات

عطا : وهالشي صح برأيك تنهدت نهى ونكست راسها بالارض ولفت اديها بين اجريها نهى : بعرف اني مو فالحه بالدراسه واساسا الدراسه كلا مو ببالي يعني لو درست او لا هالشي مابيفرق معي بس… .. عطا : بس شو نهى : ولاشي بهيره انا بدي روح لغرفتي وقفت نهى لتروح لغرفتها ومسكها عطا من ايدها عطا : انتي بتبتبحبيه صح نهى : لمين !! عطا : لشسمو للشب يلي كان يحوم حوالين الفيلا نهى ( بتوتر ) انووو شب انتييي شو عم تحكي اكيد لاااا عطا : اي لا مممو صح انتي بتحييه وعم ترفضي العرسان مشانه انا شششفتك كزا مممره بتلوحيله مممن الشسمو الشباك رجعت نهى تتنهد بس هالمره تنهيدة الم وقهر وبدون ماتحس غمرت راسها ع صدر عطا وانفجرت بالبكي نهى : بعمري ماحبيت غيرو يابهيره… انا وليث بنحب بعض من لما كنت بالصف العاشر عطا : طيب ليش مايتقدملك وتتزوجوا ولا عاجبه الحال يلي انتو فيه ويظل يلاحقك متل المراهقين نهى : اهلي مارح يوافقوا وبالاخص مع جية عريس الغفله السيد وسيم عطا : وليشششش لحتى مايوافقوا نهى : لانه فقير عطا : الفقر مو عيب ابدا ياما ناس معهم مممصاري لكنهم بلا اخلاق نهى (مسحت دمعتها بإنكسار) فهمي هالكلام لامي وابي عطا : اي رح فهمهم ورح تتجوزي شسمو ليث نهى : انتي شو عم تحكي كيف رح يصير هيك اهلي مارح يوافقوا ابتسم عطا ونفش ريشاته ودق ع صدرو

العضوة: 275918 , منذ 4 سنوات

عطا : اتركي هالموضوع علييي مابيجيبها الا نسوانها 😉 وهلأ تتتعي لنشششوف الاوباش يلي تحت ليش صوووتهم طالع نهى : يالله *╚══════ღღ══════ كانت شافيره طايره من الفرح وهي بين ايدين حمدي وماحست ع الوقت حمدي : مبسوطه شافيره : كتيررر حمدي : مابتتخيلي شو بيصير فيي وقت شوفك شافيره… شافيره : شو بيصير فيك مسكلا ايدها وحطها قريب من قلبه وتنفس بهدوء حمدي : اسألي قلبي وهو بيقلك شافيره (بخجل ) ششو بدو يقلي حمدي : اني بحبك ومو قادر اتحمل بعدك سكتت شافيره وهي مسلطه عيونها وكل حواسها مع حمدي يلي بدور نزل ع شفايفها لينقض عليهم وفجأه دقت الساعه 11 شافيره : وليييي الساعه 11 حمدي : وتكون الف خليكي معي شافيره : معلش حمدي غير مره لازم ارجع عالفيلا… عمي ازا عرف رح يطين عيشتي فلتت حالها من بين ايديه وحملت شنتتها وطلعت تركض لبرا حمدي : ايه شو عليه اتحججي بعمك قد مابدك مصيرك توقعي *╚══════ღღ══════