العضوة: 275918 , منذ 4 سنوات

كانو الصبايا بالفيلا متجمعين بالصاله ومتوترين بسبب غياب شافيره جود : كتير طولت ازهار : فعلا كتير طولت ومالها بالعاده انا خايفه يكون صاير معها شي لاسمح الله سندس : انا ماعاد فيي اصبر اكتر خلونا نروح ندور عليها قدر : انتي جنيتي شي الساعه 11 ونص ونحنا بنات وماعنا رجال وين بدنا نروح بهالليل سندس : لكن شو العمل قدر : خلونا ننطر شوي تانيه وازا مابينت بنبلغ الشرطه كانو عطا وعوض قاعدين عالكنبه وبياكلو بوشار عوض : على فكره ياجماعه انا مابحب افتن بس اليوم شافيره بعد دوام الجامعه طلعت مع حمتشي بسيارته سندس : اكيد عطا وعوض كانو معهم عطا : لا يختي… حلقولهم واخدوها كعابي لحد هون قصدي لحد بيتهم قدر : ياحرااااام عوض : شو زعلتي عليهم سندس : هه اكيد زعلت مشان الاستاز عوض عوض : اشمعنى سندس : انتي هبله ولي ماتفهمي بقى ابتسم عوض واطلع بقدر وصارو عيونه هيك عوض : صحيح هالحكي قدر يعني انتي بتحبيه لعوض قدر ( بخجل ) .. اي .. بحبو

العضوة: 275918 , منذ 4 سنوات

نط عوض من مكانه ومسكلا ايديها التنتين عوض : ليش ماقلتيلي من اول انا كمان اول ماشفتك انتبه عطا انه صاحبه رح يضيعهم وبلش يسعل ورماه بحبة بوشار لادور الشغله اخيرا لعوض ويتجلس مكانه ويرجع شهيره 🤣 عوض : احمم انا من يوم ماشفتك وشفت عوض وانا بحكي انكن لابقين على بعض كتير نزلت سندس لمستواهم ولوت بوزها سندس : شو عاجبك ب ابو زنيط هاد عوض : 😥 عطا : هههههههه ابو زنيط 😂 ههو ففعلا اهبل متل ابببو شسمو هاد قدر : ابو زنيط ابو قردان برضوا عاجبني هه عوض : شاطره ياقدوره قدر : عالقليله احسن من سي عطا تبعك يلي شبه الجردونه المبلوله يختي عوض (قلب عضهرو) هههههههه جردون لابس فستان قصدي لابسه بدله 🤣🤣 قام عطا من مكانه ومسك سندس من ايدها وبعدها عنهم

العضوة: 275918 , منذ 4 سنوات

عطا : سسسندس يعني انتي وعطططا سندس : للا لا لااا انا مابعبرو يابهيره بس هوي يلي بيلاحقني من قرنه لقرنه وببيقلي انه جمالك مسح جمال الجامعه بمحايه عطا : لا ماحصل سندس : هيييي يعني انا كزابه عطا (ضرب ع صدرو) هيي ياندامتي سندس : طيب شو رأيك اليوم ظل ييكي قدامي ويقلي ارحميني انا لابشرب ولاباكل ولا بدرس ولابنام عطا : ياسلااااااام. سندس : بيقلي حبك تكلبش ب قلبي متل الكماشه عطا : اناااا… . اييييه قصدي هووه سندس : ايه وقع على بوزو ماعندو كرامه بنوووب عطا : نعم يختي احنا بدنا نخبص ولا شو سندس : شو عطا : هيهيهي ولاشي قامت شيرين من مكانها وهي بتضحك عليهم شيرين : اوعدنا يارب جود : مشي معي شيرين هدول مو لاقيين شغله اصلا هفففف ازهار : احسن شي روح شوفيلي طبخه اتسلى فيها نهى : خدوني معكم 🏃‍♂️♀ عبست سندس واطلعت بقدر بحزن ووجهت كلامها لعوض سندس : بصراحه قدر كتير صعبانه عليي تصوري ياشهيره انه مو حاسس فيها ولا بيعبرها ولا مره قلها كلمه حلوه قدر : حجر ماعندو قلب 😭 سندس : جبان عطا : حيواااان وقف عوض وحط جبينه ع جبين عطا

العضوة: 275918 , منذ 4 سنوات

عوض : انتي بتخرسي وبتسدي بوزك عطا : روحي اتخيبي وحده عديمة شسمو مشاعر عوض : خليت المشاعر لابوكي ابو النساوين عطا (شلح سباطه) وليييييه لاتجيبي سيرة ابي ع السانك بلا ما فجلك راسك بهالصرمايه عوض : اي جربي وشوفي بلكي عطيتك بوكس بلعتك لوزك والاذن الوسطى بهاللحظه سمعوا صوت الباب انفتح وكانت شافيره سندس : هه شافيره وصلت تعي معي بهيره لنروح نشوفها عطا : يالله ياروحي استغل عوض. الفرصه وقعد بحد قدر وبلش يلعب ب اصابعه عوض : قدر قدر : اي شهيره قليلي عوض : انتي بكرا اي ساعه رح تقابلي عوض قدر : الساعه عشره عوض : خليها الساعه 11 عشان عندي محاضره قدر : شو عوض : قققصدي عوض عوض اكيد عندو محاضره قدر : اها .. بس شو الفايده وهو مو حاسس فيي عوض : صدقيني بكرا غير واول مايشوفك رح يعترفلك بحبه قدر : عنجد شهيره عوض : اي يكاااان انا احساسي لااايخطئ *╚══════ღღ══════ بحرم الجامعه… كانت سندس قاعده عالدرجات وعطا واقف قبالها وبيلوح ب ايديه عطا : انا لاعارف اكل ولا اشرب ولا انام ولا ادرس سندس : ومن شو هاد عطا : منك انتي سندس : انا قرب منها وقعد ع ركبه ومسك ايديها عطا : جمالك ممممسح جمال الجامعه بمحايه سندس : اه عطا : حبك كلبش بقلبي متل ال… ال… الشسما هي لك شو كان اسما ياعطااا ايه السيبانه 😁 سندس : قصدك الكماشه عطا : ايواااا هي هيه صفت سندس بعيون عطا لثواني وهمست… عطا .. عطا : عيون شسمو عطا بدون مقدمات رفعت ايديها ومسكته من راسه وباسته من خده عطا : 😵 سندس : شبك عطا عطا : 🥴 سندس : عطا انت منيح وقف عطا وبلش يترنح بمشيته وهو مدروخ وبعدا وقع ع بوزو طب سندس : وليييي عطااا عطا : (رفع راسه) فعلا وقعت ع بوزي 😵 وبجهه تانيه كان عوض قاعد مع قدر وهو متلبك عوض : قققدر اانااا هههاااب قدر : شو !! عوض : انااا هههووب قدر : ماعم افهم عليك عوض : قدر انا بدي قلك شي حلو قدر : بجد عوض… احكي عوض : تاكلي هريسه قدر : 😮

العضوة: 275918 , منذ 4 سنوات

وعيوا تنيناتهم من النوم ع صوت المنبه وفزوا من اربعتن عوض : استني ياقدر انا بحبك عطا : لك بااااستني باااااستني اطلعوا ببعض وبلشوا يزورو بعضهن وحطوا روسهم متل الديوك. عوض : عم تحكي عني حمار ولا عطا : لكان انا شبه الجردونه المبلوله عوض : اي تعا لقلك علقوا ببعض وبلشوا يتضاربوا متل عادتهن 😂 *╚══════ღღ══════ كانت نهى واقفة بالمطبخ ومستندة عالمجلى وهي زعلانة ومقهورة .. نهى: ما بتجوزو الا عجثتي .. صبت القهوة وحملت الصينية وطلعت فيها عالصالة وهي عابسة .. وشافت امها بتغمزا لحتا تفرد خلقتها .. ابتسمت نهى ابتسامة مصطنعة ورجعت كشرت .. ام العريس: بسم •اللّـہ̣̥ ماشاء •اللّـہ̣̥ .. قمر مصور •اللّـہ̣̥ يحميها .. اتطلع العريس عليها وابتسم وكان شكلو عم ياكلها بعيونو اكل .. اما نهى قعدت بجنب امها وهي عم تطلع بوجه وسيم وهي شبه قرفانة منو ومن شكلو .. ومن وجهو اللي معبى حب ودقنو اللي ابدا مو زابطة. نهى بقلبها: العما ازا دكتور وهيك منظرو ..شو ترك للجاهل .. ايع عهالشكل كل حبة بوجهو بتطلع قد منخيرو .. 🤢 انتبهت عليها امها وعنظراتها للعريس ونكشتها .. :ڵـڱ لَيــِْـِْش. هيك بتطلعي بالزلمة؟ نهى همستلا: سلامتك امي ..بس بالله انتي گ انثى بتقبلي بتور متل هاد .. ماما ببوس ايدك طلعي عشكلو 😭 ام نهى: لَيــِْـِْش. شبو شكلو ..! اسم •اللّـہ̣̥ عليه نهى: ييييي، وسيم: خير خالة ..شكلا العروس مترددة؟ ام نهى: لٱ شو مترددة بس انت بتعرف خجل البنات بهيك مواقف ههههه يامية اهلا وسهلا زارتنا البركه كانو بيحكو وبيتفقو لما رن جرس الباب وبلش يخبط .. ام نهى: يو •مين بيخبط هيك عالباب .. نهى: رايحة شوف .. فتحت نهى الباب واتفاجأت بتنتين لابسات اسود ب اسود وحاطين عصبات ع روسهم .. ام نهى : مين امي نهى : مابعرف .. بس الهيئه ريه وسكينه 😁 فات عطا وزاح نهى بإيدو وهوة بيسوح وبينوح .. :وينوو هالحقير ..وينو هالخاااين .. لٱ وجاي بدو يخطب كمااان 😭 ام نهى: لَيــِْـِْش. مين انتي ومين سمحلك تفوتي هيك علـى بيتي؟ عطا: ڵـڱ شو يا افندي .. عملت عملتك فيني وهربت يا حقييير يامفتري .. •اللّـہ̣̥ ينتقم مـڼـڱ 😭 وسيم اشر عحالو: انا! !!؟؟

العضوة: 275918 , منذ 4 سنوات

عطا: اي انت يا حيوان .. ياعديم الوجدان .. اخدتني عظم ورميتني لحم ام وسيم: يوو شوف عهالحكي ..ڵـڱ انتي بتعرفي مين بكون ابني؟ عطا: اهئ اهئ اي بعرفو عز المعرفة .. «وعأساس انهار عطا عالأرض وبلش يبكي 😂» وركض عليه عوض ورفعو: قومي اختشي قومي .. والله لناخد حقك م̷ـــِْن هالكلب عطا : اااخ يا اختي انو حق بدي اخد وهوه جاي بكل عين وقحه وعم يخطب .. نسيان كوم اللحم يلي تاركهم بالبيت… لك من وين بدي طعميهم .. بدكن ياني انحرف ولا اشحد عالاشارات 😭 ابتسمت نهى وكتفت ايديها واستندت عالباب وبلشت تتفرج عالمسرحية😂 وسيم: انتو بتحكو عني؟ عطا: لَـگِنْ عن جارنا يابعدي .. اخيرا عطا وعوض انتبهو عوجه الشب وصفنو فِيَھ تنيناتهم .. همس عوض: ڵـڱ عطا مو هاد؟ عطا: لك ايييييي والله تبع اشارة المرور يلي بالمقبرة .. وسيم «بلع ريقو »:اي مـ مقبرة عطا ابتسم بهبل وحكا بدلع: المقبرة يامفتري .. يلي كنت بدك تموت فيها الاموات م̷ـــِْن الغيرة ..يعليك ام نهى : مقبرة! !؟؟ عوض: اي بالمقبرة وعلى عينك ياتاجر كان عم يحفر بين القبور وينبش بعظام الميتين عوض : اكيد هو اللي عامل العمل لبنتك ام نهى : فضايل قل هو الله احد حوالينا ولا علينا 😰 شلح عطا م̷ـــِْن رجلو وحمل الكندرة ورفعها بوجه وسيم ..😂 عطا: فاكر انكر وانكير؟ وسيم: .....😱 عطا: نحنا مندوبين عنن لنطلعلك روحك يابن الكاااالب وبلمح البصر كان وسيم هربان برة البيت هوة وامو وعطا وعوض لاحقينن بالكنادر .. ونهى فارطة ضحك عليهم ..😂 ام نهى: يي كش برة وبعيد ..ال مقبرة ال .. يلطيف .. يروح ينقلع ناقصني انا .. نهى: ما انا قلتلك بلاها .. عجبتك هالخجلة 😂

العضوة: 275918 , منذ 4 سنوات

كانت نهى بدهَا تسكر الباب لما طل عطا م̷ـــِْن الباب وحكا :اه صحيح نـًسّْيـت احكيلك خالة .. هي بنتك الهيئة معملا عمل والعياذ بالله نهى: 🙂 ام نهى: ييي شو هالحكي ..وكيف بين معك؟ عطا: مابدها تنين يحكو فيها .. مبين عليها يعليي عليها ام نهى بخوف: وكيف بدي فكو؟ عطا: مابينفك الا ازا اتجوزت م̷ـــِْن يلي بتحبو اما ازا ماتجوزتو خلال كم يوم وح تنشكم ام نهى ضربت عصدرا: يلطيييف عطا: ورح تنفلج نهى : 😳 ام نهى : 😰😰 عطا: ورح تعنس وتقعد بخلقتك ام نهى : 😱😱😵 عطا : ورح يجيها كساح وفالج مايعالج وتسمعي صوتها صياح ونياح ويجيكي غز رماح وفئر ودين وغضب والدين يامئمعة العينتين ام نهى : هااااا 😥 عطا: بقا زمبك عجنبك خالة ازا بدك تخسري بنتك وتخسري شبابك لٱ تجوزيها للشب يلي رح تحبو. سلبناها عليكون رجع عطا التفت وراح ونهى سكرت الباب وبعدا مصدومة .. وشافت امها ركضت لعندها وضمتها وهي عم تبكي نهى: شبك ماما 😢 ام نهى: كلشي الا آخسّـرگ .. مو بدك ليث ..والله مابتتجوزي الا ليث .. نهي بفرح: عنجد ماما. .•اللّـہ̣̥ لايحرمني مـڼـڱ 😭 عطا : قلتلك مابيجيبا الا نسوانها 😁 *╚══════ღღ══════ بهالوقت كانت شافيره عم تتسحب من بوابة الفيلا عالهسي واول ماصارت برا اسرعت بمشيتها لحتى وصلت لاول الشارع حركت حجر عينها وشافت حمدي ناطرها بالسياره وبسرعه توجهت لعندو وركبت معه شافيره : طولت عليك حمدي : طولتي كتير .. بس معلش كرمال هالعيون مستعد انطرك العمر كله شافيره (ابتسمت بغرور) وين بدك تاخدني حمدي : وين بتحبي تروحي شافيره : مممممم جاي عبالي ارقص وغني واتنطط شو رأيك نروح عشي ديسكو حمدي : اوك بنروح دور السياره ومشي فيها ليطل علوان من بين الشجرات وهو بيهز راسه بضيق علوان : قلتلك انتبهي يابنتي من الفار ليش مصره تفوتي لعش الدبابير برجليكي *╚══════ღღ══════ مر كم يوم ووصل للصبايا دعوة عرس نهى على ليث بعد ما نجحوا عطا وعوض يعيشوا امها بحالة رعب لدرجة انها صارت تشوفهم

العضوة: 275918 , منذ 4 سنوات

مر كم يوم ووصل للصبايا دعوة عرس نهى على ليث بعد ما نجحوا عطا وعوض يعيشوا امها بحالة رعب لدرجة انها صارت تشوفهم بمنامها وتصحى من النوم مرعوبه تزغرت وترجع تنام 🤣 سندس : شو مزوئه نهى باعته لكل وحده فستان لنحضر عرسها جود : اي ياهيك العرايس يابلا ازهار : عليم الله لو كل عروس وزعت مع كروت العرس فساتين سهره ماكان حدا اتجوز 🤣 جود : ههههه ورح تزيد نسبة العنوسه بلشوا الصبايا يقيسوا الفساتين وهنه مبسوطين بفوتت عطا وعوض يلي اول ماشافوا هالشوفه لفوا ليرجعوا مطرح ما اجو عطا : مع السلام عليكم 🏃‍♂️♀️ سندس : اي تعييي لهون انتي وياها جود : مابدكم تشوفوا نهى شو بعتتلكم عوض : شو بعتت فردت ازهار الفساتين قدامهم وهي بتضحك… هاا شو رأيكم عوض : وااو شو حلوين .. بس هاد مو ستايلنا ماهيك يابهيره عطا : لو سمحتي احكي عن حالك انا بعشق هيك شسموا ستايل عوض بقلبه : الله لايمسيك بخير قربت شافيره منهم وعيونها بتلمع وماسكه ب ايدها شي غريب وعم تمط فيه عطا : شششو هاد ياشسمك عوض : عم تشدي عضل شافيره : لااا عم جهز لعدلك انتي وياها عطا وعوض : 😥😰 اجتمعوا البنات عليهم وبلشوا يقربوا منهم وعطا وعوض يهربوا من قرنه لقرنه شافيره : امسكيها سندس قدر : لك جوود ثبتيها لاعرف مد السكر عرجليها عطا : وليييي لااا اااخ يامووو عوض : ااااخ الله لايوفقك يابهيره قدر. : هصصص مابدي اسمع صوتكم. شافيره : عاجبيتكم غابات الامزون يلي برجليكم واديكم لك العم علوان اجريه احلا منكن عطا : اااخخخ ليش العم علوان شو بيستخدم 😭😭😭 لك خفيييي ياشسمك رح موووت وبعد مرور اربع ساعات كانو عطا وعوض مسلوخين سلخ ومنتوفين نتف و عم يلمعوا من النظافه واجريهم واديهم انعم من الحرير عوض : يافضيحتك ياعوض منيح ماشافوا شعر صدري 😭 عطا : اااخ يانا يما… . اااخ كيف بيتحملوا البنات هيك وجع 😭😭 سكت عوض فجأه وضرب بعينه ع اجرين عطا ومد ايدو وصار يلمس فيهم ويعض عشفايفه عوض : لك شوو هاد يامزه شو هالبطات الملفوفه هي وقف عطا وشلح البروكه ونط فوق عوض عطا : انت مارح تزوق عدمك الا بس ابتلي فيك اي خووود عوض : لك شبك عم امزح معك ولييي ولييي… اموت فيكي وانتي شرسه عطا : اي هلأ ببددددي وريكي الشراسه ع اصولها *╚══════ღღ══════

العضوة: 275918 , منذ 4 سنوات

دخلو عطا وعوض عالصالة مع البنات وهنن لابسين هالفساتين ومزبطين حالهم عآخر طرز 😂 عوض: ڵـڱ يسلملي جمالو بهورة عطا: بالله شايفلي هالفستان شو طالع حلو عليي امانة مالابقلي 😂 عوض: انتشي اللي لابقلك يختشي ..يلا نفوت اول مادخلو عطا وعوض فتحو عيونن عالاخر وهنن شايفين أكتر م̷ـــِْن مية صبية كل وحدة احلا م̷ـــِْن التانية فيهم .. عوض صفر: اووووووويلي. ڵـڱ شوهااد .. حاس حالي صرت بالجنة 😍 عطا: هلأ لَيــِْـِْش. البنات مابتزبط حالها الا بالمناسبات؟ 🤔 عوض: باينة ..مشان ينخطبو ويلخمو النسوان يلي عندن شباب 😂 عطا: وينك يا أبـْيے وتشوف العز يلي ابنك فِيَھ 😍 اجت سندس م̷ـــِْن وراهن ومسكت عطا م̷ـــِْن ايدو وسحبتو .. عطا: شوفي سندس سندس: بدياكي بالحمام شوي وصلو عالحمام وحطت سندس جزدانها عجنب ووقفت عالمراية وعطا براقبها .. عطا: شو عم تعملي؟ سندس: عم زبط لبستي. حاسة الفستان ضيق .. مو هيك 😥 عطا: بالعكس بجنن عليكي 😍 سندس رفتو م̷ـــِْن عند الصدر ...:وكأنو صدري كتير طالع منو .. احمر وجه عطا وهو شايف سندس بترفع صدر الفستان ولف حالو وبلش يهوي بإيدو .. عطا: شوبت ولووو سندس: طب بهيرة تعالي رفعيلي السحاب وثبتيه بدبوس عم يضل ينزل 😭 بلع عطا ريقو والتفت لعندها وشافها رفعت شعرها ليبانو كتافها الناعمين .. كان السحاب بالفعل نازل وبد رفع .. مسكو ورفعو وشافها بتناولو دبوس ..اتناول الدبوس وبلش يشد مكان السحاب ..

العضوة: 275918 , منذ 4 سنوات

سندس: ااااخ وجعتيني عطا: اثبتي شوي رح اشكلو سندس: بس مو تغرزي فيني عطا: لااا خلص رح خلص .. ثبت عطا الدبوس والتفتت سندس واتفركشت وكانت بدها توقع لورا لما اتلقاها عطا وشدها لعندو .. بلش يطلع بعيونها .. وايديها مشبوكين بايديه .. كان قلبو بيخفق بقوة لدرجة حسو رح ينط م̷ـــِْن مكانو .. ❤️ ....:شو بيصير هون؟ التفت عطا وشاف شافيره وازهار عباب الحمام .. ومن رعبتو ترك ايد سندس لتفقد توازنها وتوقع 😂 عطا: ئي ..يعليي صرلك شي سوسو سندس :اخخ ڵـڱ شبك بهيرة كسرتيلي ضهري 😢 عطا: اسفة انا حبيبتشي .. شافيره : ماحكيتولنا شو كنتو بتعملو؟ سندس: كانَـَت بتعملي سحاب الفستان .. اي ما وصلت نهى؟ ازهار: ليكها عوصول .. اما برة كان عوض قاعد وحاطط ايدو عخدو .. بالرغم انو الساحة كانت معباية بنات اشكال الوان ..بس بعيونو كانت فِيَھ بنت وحدة .. كان بيتابع قدر بعيونو وكيف بترقص وكيف بتتمايل بخصرا .. عوض بقلبو: ياربي شو هالجمال كلو ..😍 وفجأة اتفركشت قدر وانكسر كعب سكربينتا ووقعت بنص الساحة 😂 اتوسعو عيون عوض وحكا بقلبو: يي صبتا بالعين للبنت .. وقف وركض لعندها ورفعها .. عوض: يعليي عليكي ..صرلك شي قدر

العضوة: 275918 , منذ 4 سنوات

قدر: انكسر كعب سكربينتي .. عوض :فداكي .. تعالي ارتاحي .. قعدو عوض وقدر عالطاولة وكان شكلا قدر بعدا محرجة م̷ـــِْن يلي صار معها .. عوض :خلص قدر مو محرزة تنزعي فرحتك مشان شقفة سكربينة كعبا انكسر قدر: ما انا بعرف حظي منيح 😭 عوض: طوليلي بالك وخدي كندرتي شلح عوض الكندرة وعطاها ياها قدر ضحكت: مو شايفة رجليكي بطول سفينة التايتانيك .. اديش نمرتك؟ عوض وبثقة: 42 😌 قدر: يااويلي شو 42 والله بتلبسني كلها ..خلص حبيبتي شهيرة خليلك اياها وانا هلأ بدبر حالي ☺️ أخيرا وصلت نهى وبلشو الصبايا يزغردو .. ورفقاتا هجمو عليها وبلشو يصرخو ويبوسوها ويباركولها ..😂 عطا: شكلا قامت الحرب 😂 عوض: والله هالبنات عليهم طقوس بدها حلم •اللّـہ̣̥ 😂 راحو عطا وعوض واندحشو بين البنات وباركو لنهى وبلش عطا يزقف ويزغرد .. عطا: اووويييهااااا عاللعلعي العلعيييي ..اوييهاااا ياسبايا تجمعي ..أويهااااا وعروستنا حلوة .. اويييهاااا ويلي مو عاجبو يقص لسانو وبلااا لعيييي ولللللليييييييييشششششش 😂 عوض: اويييهااا ياصحن تمرررر ...اويييهاااا وزعنا منو وحنينا واكلنا تمرررر .. اويهاااا واصلا عاروستنا حلوة ... اويييبها وكلكون قسما. بالله جعافر الا هيييه قمررررر وللللللييييييييششششش 😂 واشتغلت الاغاني وعطا وعوض نسيو حالهن وبلشو خلع بنص الساحة والصالة كلها كيفت عليهم 😂 ///// #يتبع 😁

العضوة: 275918 , منذ 4 سنوات

#غباء_بالفطره #الجزء_الرابع #بقلمي_امل_احمد_سلوم *╚══════ღღ══════╝ كانت فرحة عطا وعوض بزواج نهى من الشخص اللي بتحبه مابتنوصف وحسو انه هالبنات صاروا بشكل ما جزء منهم لتمشي من بعد هيك الايام وهنه اكتر قرب لبعض وبلشوا عطا وعوض يتأقلموا كونهم شهيره وبهيره واول ماادوس رجليهم عتبة الفيلا بينسوا انهم شباب لينخرطوا مع باقي الصبايا مابين مزح وجد وشغل ودراسه، ،،، وبيوم كانت جود راجعه من كليتها وماشيه عالهدا بحد الرصيف وهي ضامه كتبها لصدرها فجأه بتسمع صوت خشن بيناديها لتتلفت بخوف اول مايخترق الصوت مسامعها ،،،،، شو ياحلوه مفكره ازا جيتي للمدينه مارح اقدر اوصلك احساس بالرعب دب بقلب جود وهي مسلطه نظرها عالشخص الواقف قدامها لتهمس بخوف جود. : يزن. !! يزن. : اي يزن، ،، كيفك ست جود جود: انت شو بدك تفضل روح من هون مابيكفي اللي صار بسببك حكت جملتها وحركت اجريها لتتعداه وحست ب ايد قبضت ع زندها بقوه، ،،، غمضت عيونها وبلعت ريقها وهي بتحاول تفلت حالها منه جود: ازا سمحت يزن تركلي ايدي وبلا مشاكل يزن: لك روح قلبي المشاكل اصلا، ،، جود: مشان الله انت شو بدك مني يزن (ضحك بإستفزاز) ههههه شو بدي منك، ،، لتكوني نسيتي السنتين يلي قضيتهم بالسجن جود: انت انسجنت بسبب وساختك وزعرنتك انا مالي علاقه انت ليش ماعم تصدقني يزن: اي اي مصدقك لهيك بدي افتح معك صفحه جديده ونبلش من جديد جود: نحنا ماكان بينا صفحه قديمه لحتى نفتح صفحه جديده يزن وازا بتريد تركني بحالي وماعاد تتعرضلي والا رح يكون الي تصرف مايعجبك

العضوة: 275918 , منذ 4 سنوات

ارتخت ايد يزن القابضه عليها بقوه وحط ايديه بجيابه وبلش يفتل حواليها، ،،، بينما الخوف اتملك من جود بهديك اللحظه يزن: شي حلو، ،، والله كبرنا وصرنا نعرف نهدد جود: ايه كبرت وصرت قادره دافع عن حالي ووو ررح حطلك حد انت واي حدا بيفكر يزعجني، ، صرخت بإنهيار ودموعها بتنهمر من عيونها جود: الزواج مو بالزور مشان الله تفهم انا مابعمري حبيتك ولا بيوم رح حبك يزن: رح اتركك بس بشرط جود: ............. يزن: رح استناكي اليوم المسا هون، ،، الساعه تمنيه بالضبط وازا ماجيتي بدك ماتواخزيني رح اضطر زورك بغرفتك الحلوه ومنه بتعرف عالصبايا الحلوين يلي ساكنه معهم جود: انت واحد مجنون، ،، انسى يزن انسسسسى مشيت وتركته واقف يطلع فيه بلؤم ويلوح بالسلسه اللي بايدو يزن: الساعه تمنيه اوووعي تنسي ههههه *╚══════ღღ══════╝ اما بالجامعه كانو عوض وعطا متخبين ورى شجره وكل شوي ينبزو روسهم ليراقبوا الوضع عطا: شوو صار معك عوض: لساتهم واقفين عطا: ايووه لكن خليني ريح شوي واكل صاندويشتي رح موت من جوعي عوض: لك يحرق ديبك اتصرف متل الرجال رد عطا وتمه مليان اكل لك انا رجال غصبن عنك يا ابو رجلين منتوفه، ،، ازا كنت نسيت بزكرك عوض: ع اساس اجريك مو منتوفين عطا: فشرت ولا ليك كيف الشعر بلش ينبز مو متلك بعدك ناعم متل الحريمه عوض: ايه اليوم بخبر الصبايا انه في شجره مثمره بيناتنا وحان قطافها

العضوة: 275918 , منذ 4 سنوات

عطا: يييببعتلك اتلك اي والله ازا بتفتح تمك ررررح نتفلك حواجبلك فوق ماهنه منتوفين عوض: اي روووح التهي ولابتقلي بيضه، ،،، بس بتعرف شو نفسي اصورلك اجريك وابعتهم لابوك قولتك رح يعتقك وقف عطا ومسح تمه بقميصه وحط راسه براس عوض عطا: ولااااا لك كم مره قلتلك ممممماتجيب سسسيرة اابي اه عوض: اي لا سيدي بدي جيبها، ،، ابوك واحد نسونجي ومافي قطه بتمرق من تحت ايديه عطا ( مسك عوض من تيابه) لك اخررراااس بببلا ما خربطلك الواجهه تبعك عوض: وازا ماخرست شو بدك تعملي بهيره خانوم عطا: اي بدي احسب الله ماخلقك خد هي وهي وهه وهه بلشوا يتضاربوا ويتباكسوا متل عادتهم وفجأه وقفوا وهنه بيسمعوا صوت فرام السياره تحرك لبعيد عطا: ولي لك تركونا وراحوا عوض: الله لايعطيك عافيه كله منك ومن ابوك عطا: لكلكلكك لاتجيب سيرة ااابي عم قلك عوض: اخراااس ومشي لنلحقهم ولابدك نروح كعابي حملوا كتبهم وبلشوا يركضوا ورى سيارة حمدي وهنه بيصرخوا وبيلوحوا ب ايديهم لحتى غابت السياره عن نظرهم وقف عوض وهو بيلهث واطلع بعطا عوض: عجبك هيك انت وابوك عطا: وانا شووو دخلني انت الحمار عوض: انا حمار يا قديش اي تعا لهون عطا: تركني ياحيوان يامجرم الحقوووني عم يتحرشششش فيي *╚══════ღღ══════╝ بيكون حمدي عم يطلع بعطا وعوض من مرايته وهو مبتسم وبس يبعد بسيارته مسافه منيحه بيتنفس ب ارياحيه حمدي: شو وينهم عطا وعوض سندس: يمكن عندهم محاضرات لهيك ما اجو حمدي: يالله خيرها بغيرها مع اني تعودت

العضوة: 275918 , منذ 4 سنوات

عليهم كتير قدر: هنه فعلا طيبين ودمهم خفيف وانا مابتخيل نهاري بلاهم حمدي: وانتي شافيره شافيره: انا شو حمدي «بخبث» شو رأيك بعطا وعوض شافيره: متل رأي سندس وقدر، ،، يعني فيك تحكي بالجامعه مابحس بحلاوة نهاري الا بس شوف عطا وعوض وبالفيلا شهيره وبهيره سندس: اي صحيح جبتي لبهيره ورق عنب شافيره: اي لكن، ،، واكيد بتكون هلأ عم تلف الورقات حمدي : اووووه ورق عنب كتير بحبه بس مو من تحت ايدين جوز الغفر هدول شافيره: طيب شو رأيك تجي تتعشى معنا اليوم وبدوقك ورق عنب بعمرك مادقته ومن تحت دياتي طبعا حمدي: انا اللي بجي ،،، بس مابدي احرجكم شافيره: لا احراج ولاشي وبعدين خلينا نردلك شوي من جمايلك علينا حمدي: لاتحكي هيك انا بكون مبسوط وانتي معي قققصدي وانتو معي شافيره: معناته الساعه تمنيه ناطرتك انا والصبايا لنتعشى سوا بيوصلوا البنات وبينزلو من السياره وبيتوجهوا عالفيلا سندس: وينو العم علوان قدر: ماله بالعاده مايكون بمحرسه شافيره: لك شبك انتي وياها يمكن الزلمه عم يقضي حاجه شو هو مو بشر، ، مشوا معي لجوا بدي شوف بهيره ازا لفت الورقات سندس: مو ع اساس انتي تطبخي شافيره: بدك ياني اطبخ وانا عندي طباخه بالبيت سندس: بشو عم تفكري ولي ،،، اوعك تستغلي شهيره وبهيره مشان تبيني ستايل قدام حمدي شافيره: لا ولو بس رح اعقد معهم صفقه ومتأكده حيوافقوا فاتو البنات عالفيلا وهنه بيضحكوا واتفاجئوا بمره بعمر اربعين سنه قاعده عالكنبه ولافه اجر على اجر وعلوان واقف قدامها ومنكس راسه شافيره: اهلا شكلك نزيله جديده سندس: اكيد مو طالبه صح قدر: شو بتشتغلي وليش جايه لهون ازا مو طالبه وقفت المره ب اكابريه وفردت الهوايه وبلشت تهوي عحالها وهي بتطلع بالبنات من فوق لتحت