#غباء_بالفطره
#بقلمي_امل_احمد_سلوم.
#المقدمه
مو مشكلة ازا كنت غبي ..المهم تعرف وين تستثمر غبائك ..ولما تفكر تتفالح وتعمل فلهوي وشاطر بتتأكد ساعتها انو حتى العشرة بالمية يلي بتستخدمهن م̷ـــِْن عقلك مابينفعو غير لشغلة وحدة .. واللي هي تقعد تفكر كيف بدك. اتطلع حالك م̷ـــِْن دوامة المشاكل يلي حطك غبائك فيها ...
برجع بنوه هي القصه اقتباس من الفيلم المصري اذكياء ولكن اغبياء
العضوة: 275918 , منذ 4 سنوات
انتو بقى الطالبات يلي ساكنين هون شافيره: اي، ،، بس ماقلتي مين حضرتك تجاهلتها المره ووجهت كلامها لعلوان هلأ بتخليهم يلموا قشهم ويطلعوا من الفيلا عم تفهم سندس: نعم نعم مين اللي يطلع من الفيلا يابعدي قدر: مين انتي اصلا شافيره: مين هي عم علوان علوان: هي ناديا خانوم خالتو لصاحب الفيلا وشريكته تبلموا،البنات وبلشوا يطلعوا ببعض وفجأه فاتو عوض وعطا وهنه بيجرو اجريهم ورمو حالهم على اول مقعد عوض: سعيده يابنات، ،، بشوف عنا ضيوف عطا: شششبكم امبلمين ناديا (بصراخ) علوان بسرعه طالعهم من الفيلا قبل مابلغ الشرطه عطا: شرطه! !! ليكي ياخانوم نحنا صح مو نحنا بس خليني فهمك بسرعه ادخل عوض ليسكت عطا لشو الشرطه ياخانوم ومين حضرتك ناديا: انا صاحبة الفيلا وانتو ساكنين ببيتي بدون ازني بقا بتطلعوا بالزوق ولا اتصل بالشرطه ريح عطا قعدته وحط رجل على رجل اي طططلبي الشرطه ششششو ناطره ياشسمك عوض: نحنا لاسرقنا ولا سكنا غصب عنكم واعتقد الناطور تبعك بيعرف هالشي عطا: رووووحي بلغي الشششرطه ششو ناطره بببسس لاتتتنسي تقليلهم انك كنتي مأجريتهااا للاعمال الحرام ناديا: انتي شو عم تخبصي ولي عطا: اييييه حراااام وبدك تستغلي برائتنا لنواياكي الوووسسخه ناديا: يخرب بيتك من حالك، ، لك انووو نوايا وانو برائه لك اساسا مين ضحكان عليكي ومفهمك انك انثى وانتي شبه ياسين باقوش عطا ( وقف ورفع اصبعه) عندددددك. انا انثى اكتررر مننننك وليكي اجريي بيلمعوا اي نعم في شوية تنبيز بس عالقليله محافظه عجمالي وانوثتي مو متلك شبه بوز الاخس كرش من قدام ومدري شو من ورى وخدود مترهله وعيون بارزه لك حتى شفايفك شبه جاط العدس الحمضان وانفك معكوف متل عكاز جدي ماقدرو البنات يكتموا ضحكتهم وظلوا ساكتين ليتابعوا عطا وهو فارش ايديه وعم يردح لناديا ناديا: لااا انتي زودتيها كتيررر انا رح اعرف شغلي معكالعضوة: 275918 , منذ 4 سنوات
عطا: وينك ياختياره ازا بتقربي مني لادب الصوت وقول جايه تعتدي عليي والكل رح يصدقني عوض: بيكفي يا اختي الضاهر الخانوم مو شايفه حدا قدامها وانتي ياخانوم اللي عطاكي يعطينا بالراحه علينا، ،،، يعني ازا قلعتينا هلأ وين بدنا نروح بحالنا اه بدك نصفى بالشارع لأن حضرتك مو شايفه حدا قدامك ناديا: هالشي مابيهمني، ،،، روحوا لجهنم الحمره المهم مابدي شوف ولا كلبه هون عطا: هيييي نحنا كلااااب اي والله لامسح بشيبتك المصبوغه الاراضي وهجموا عليها عطا وعوض وبلشوا يضربوا فيها وعلى وين بيجعك عطا: كلاب قلتيلي اي رح وريكي الكلاب شو ممكن تساوي وعضها عضه خلاها تنط ماتحط ناديا: اااااخ يابنت العضاضه على صوت الصريخ طلوا ازهار وشيرين وجود ووقفوا مصدومين من يلي بيصير سندس: شهيره، ، بهيره خلص بكفي عطا: لا مابيكفي خليها تعرف ان الله حق شافيره: خلص بهيره الخانوم معها حق وهاد بيتها ومن حكم بماله ماظلم عوض: ووين نروح بحالنا نبات بالصقاق لحتى هيه تنبسط شافيره: الله مابينسى حدا، ،، يالله يابنات كل وحده تروح تضب اغراضها لنخلي الفيلا شيرين: بس ياشافيره نحنا، ،، شافيره: شو سمعتي شيرين خلص خلونا نمشيالعضوة: 275918 , منذ 4 سنوات
بلشوا البنات ينسحبوا وهنه راسمين الحزن على وجوهم وعطا وعوض بيطلعوا ببعض بقهر عطا ( نزل لعند اجرين ناديا) مشان الله ياخانوم لاتطردي البنات عوض: ازا بدك يانا نمشي انا واختي رح نمشي بس البنات مالهم ذنب مشان الله خليهم ونحنا رح نطلع عطا: وازا مشان العضه خلص عضيني بس لااطالعي البنات بترجاكي بتحزن ناديا عليهم وتنزل ترفع عطا وتوقفه ناديا: مع انكم قللتوا ادب معي بس انا رح اعمل ب اصلي واسمحلكم تبقوا هون نطوا عوض وعطا وبلشوا يمجقوا بناديا عوض: كتر خخيرك ياخانوم موووواه عطا: الله يكرم اصلك اللهي ربي يكملك بفساتينك رجعوا البنات والتموا بالصاله وهنه مبسوطين شيرين: بجد شكرا الك جود: مارح ننسالك هالمعروف ابدا ناديا: خلص خلص فهمت يالله كل وحده على غرفتها وانت علوان جهزلي غرفتي بدي ارتاح للمسا لاني مسافره الساعه تسعه انصدمت شافيره واتزكرت موعدها مع حمدي وبسرعه تحركت لعند ناديا شافيره: ممكن احكي معك على انفراد ياخانوم ناديا: شو لسه بدك خلص سمحتلكم تبقوا بالفيلا بس لنهاية الفصل شافيره( بهمس) بصراحه بدي اطلب منك خدمه شخصيه واتلفتت عالبنات ليخلوهم وحدهم ناديا: اي شو بدك شافيره: بصراحه انا اليوم عازمه خطيبي عالعشا وهي اول مره بعملها والله وهو فاهم انه هالبيت لعمي ناديا: شو امرتي كيف يعني بيتك شافيره: مجرد حكي ياخانوم لحتى مايفكر اني طمعانه فيه ناديا: وشو المطلوب مني شافيره: ازا بتقدري يعني قصدي انه اعرفك عليه على اساس انك عمتي ليعرف انه عندي عيله فيها شخصيات اكابريه متل حضرتك حكت ناديه دقنها بتفكير وبعدا حطت ايدها عكتف شافيره وشرعت بالحكي ناديا: ليكي مع اني مو فاضيه ل لعب المراهقين هاد بس تكرمي رح اعمل حالي عمتك قدام خطيبك بس مافيي ظل اكتر من خمس دقايق شافيره: كتررر خيرك كتيررر منيح ناديا: هلأ بدي روح ارتاح بغرفتي ياريت ما اسمع صوت شافيره: حاضر 🤫 *╚══════ღღ══════╝العضوة: 275918 , منذ 4 سنوات
فات عطا عالمطبخ واتفاجأ بكمية ورق العنب يلي لازم يلفها ويطبخها قبل الساعه تمنيه حك باروكته بتفكير وبلش يقظم اضافره عطا: شو هالعلقه هي شمعنا عوض عليه السلطه والشوربه وانا عليي ورق العنب ليش اساسا بعرف لف ورق عنب ،،، عصب راسه وجاب صينيه وحطها عالارض وجاب الورقات والرز وقعد وبلش يحط بكل ورقه كومة رز ويكورها ب ايده ويزتها بالحله عطا: والله وطلع لف ورق العنب سهل ليش النسوان بيعملوا منه قصه كان عطا منسجم وهو بيكور ورقات العنب وبيزتها بالطنجره لحتى سمع صوت شهقه من وراه @rwayate ازهار: هيييي ييي عليكي يابهيره شو هاد يلي عاملتيه عطا (ابتسم ببلاهه) شوفة عينك بلف ورق عنب ازهار: لك موو هيك بيلتف ورق العنب بعدين ليش مو حاطه بهارات ولحمه عالرز عطا: ليش هو البهارات واللحمه مابتنحط بقاع الطنجره ازهار: بعدي هيك بعدي لك يبعتلك حمى فوق تعبك اي عطا: ايييه وليش بدفشي ع اساس بتعرفي تلفي ورق عنب كلك على بعضك شقفة شيف فاشل تلفتت ازهار على عطا واحمرو عيونها وحملت السكين ورفعتها بوجهو ازهار: مين الشيف الفاشل ولي عطا: عوض قصدي ،، شهيره شيف فاشل ازهار: ايوا هيك انعدلي وهلأ تعي لعلمك كيف بينلف ورق العنب بس بالاول خليني اعدل عالحشوه عطا (زم شفايفه وحط ايديه عخصره ): اي يختي عدلي قالو عنك الشيف بوراك بلشت ازهار تعدل عالحشوه واتضيف التوابل اللازمه الها وبعدا قعدت بحد عطا وفردت عشر ورقات عالصينيه ازهار: ليكي بهيره اطلعي عحركة ايدي واتعلمي كيف بيلتف ورق العنب كانت ايدين ازهار بتتحرك بسرعه وهي بتلف الورقات بدقه واحتراف وعيون عطا مو ملحقين عليها عطا: يبعتلك قتلك حولتيني لك هدي شوااااي لفي شواااي شوااااي ازهار: شو بدك بهيره عطا: عم قلك شواااي شواااي لك ماعم لحق عليكي يخزي العين ازهار (تبسمت) ليكي اول شي بتفردي الورقه هيك عطا: هيكالعضوة: 275918 , منذ 4 سنوات
ازهار: ايوه، ،، وبعدا بتاخدي شوية رز وبتحطيهم بقلب الورقه متل هيك عطا: هيك ازهار: برافوا عليكي وهلأ يتمسكي الورقه من هون وبعدا من هون وبتعملي هيك وهيك وهه طلعت عنا ملفوفه ومبرومه عطا: اه ازهار: يالله جربي مسك عطا الورقه وحاول يلفها من هون ومن هون مامشي الحال آخر شي رجع كورها وزتها بالطنجره عطا: هيك 🙂 ازهار: لااا مو هيك رح اتجننيني انتي قلتلك هيك وبتعملي هيك شو صعبه عطا: ايييييه عملت متلك بس ماعم تنبرم معي شو اعمل يعني ازهار: ماتعملي شي انتي حره بس تلقي وعدك من البنات المسا، ،، سلام وقفت ازهار قبال التلاجه وتناولت تفاحه وسكرتها ولقيت عطا بوجهها وعامل هيك 🙂 ازهار: شو بدك بهيره عطا (اخد منها التفاحه) عم فكر بشغله ازهار: شو هيه عطا: هلأ انتي مو شيف وبتدرسي فن الطبخ ازهار: اي امبلا عطا: خطرلي شي مابعرف كيف بس خايف قلك وتزعلي ازهار: هففففف احكي بهيره شو بدك عطا: افرضي حالك مقدمه لمسابقة لف ورق عنب وقدامك هي الكميه ومعك من الوقت نص ساعه لتلفيهم ياترى بتقدري ازهار ( بثقه)طبعا عطا: اشك بهالشي ازهار. : شو قلتي عطا: لللااا تزعلي ياشسمك ببسسس يعني مممسسستحيل تقدري تلفي هيك كميه بنص ساعه عصبت ازهار وشمرت عن زنودها وبعدت عطا من قدامها وقعدت قدام الصينيه ازهار: ولي بهيره وقتيلي عالساعه نص ساعه بالتمام عطا: اي ماشي بس نص ساعه ودقيقه رح اعتبرك خسرانه ازهار: موافقه بلشت ازهار تلف بالورقات بسرعه كبيره بينما عطا قعد عالكرسي مقابيلها ورفع اجريه عالطاوله وهو بياكل بالتفاحه وبيطلع بالساعه عطا: يالله عجلي اسرع من هيك مرق تلت ساعه ازهار: اي رح خلص اسكتي لاتوتريني وبعد نص ساعه الا دقيقهالعضوة: 275918 , منذ 4 سنوات
ازهار: وهي آخر حبه خلللصت عطا ( فز من مكانه) شوفي اجا ابي ازهار: هههههه لا بس خلصت لف الورقات قبل ماتخلص النص ساعه عطا: برافوا عليكي بس ماظنيت تكسبي المسابقه ازهار: بالله شو وليش بقى عطا: يعني بيصير تلفي ورق عنب بدون ماتحفري الكوسيات وتحشيهم 🙃 ازهار (احمر وجهها من العصبيه) عطيني هالحفاره وعيرلي نص ساعه تانيه عطا: ربع ساعه مافي غيرها لسه عندي متسابقات غيرك ازهار: 😓 اما بالطابق العلوي كانت جود عم تمشط غرفتها روحه جيه وهي بتفرك ايديها بتوتر مشت ناح الشباك وزاحت الستاره بهدوء ولمحت يزن بعدو عم يحوم حوالين الفيلا جود. (بخوف) ولي على امتي هاد بعدو هون شو ساوي هلأ كيف اخلص من هالمصيبه ياربي 😭 وعند عطا وازهار، ،،،، عطا: مابكي شي ماشي حالك بس ليش حطيتهم بطنجرة الضغط ازهار: لحتى يستووا منيح ويهلطوا عطا: واديش بدهم وقت ازهار (اطلعت بساعتها) ركبتهم من شي نص ساعه يعني كمان عشر دقايق بطفي عليهم عطا: لك اسسسمعي ازهار: شو في عطا: لك كأنو صوت سندس وقدر طالع ازهار: عادي هنه هيك دايما شو الجديد عطا: لك ممابيصير ياشسمك روووحي شوفي شبهم ازهار: اي بس كفي الطبخه استني شوي عطا: لك خلللص انا بكفيها روحي ازهار: بالله شو ع اساس عملتي شي تركت عطا وطلعت من المطبخ عطا ( حط المنشفه ع كتفه واطلع بالساعه) لكان مين يلي طفا الغاز يا فالحه اساسا مابتعرفوا تساوو شي بهالبيت بلش يشم بالريحه وهو مغمض عيونو عطا: ممممممم شي نااااهي تسلم اديكي يابهوره *╚══════ღღ══════╝العضوة: 275918 , منذ 4 سنوات
رجعت جود تتطلع من ورى ستارتها وشافت يزن بعدو واقف وساند ظهرو عالحيط واول مالمحها لوحلا ب ايدو واشرلا عالساعه جود: لاااا هاد جن عالخالص شو يعني ناوي يفضحني بين البنات، ، انا بفرجيه رفعت شعرها كعكه ولبست ب اجرها. ونزلت تتسلحب لتحت كان عوض عم يمسح الارضيه ورفع حالو ومسح جبينه وحط ايدو ورى ضهرو عوض: يبعتلوا حمى شغل البيت والله نهد حيلي انحنى ليتناول سطل المي ولمح حدا ركض لبرات الفيلا عوض: مين في هون! ! اطلع شمال ويمين وطلع لبرا ليشوف ازا في حدا بس كان المكان هادي ورجع فات لجوا ،،،، بينما طلت جود براسها من بين الشجرات وهي حاطه ايدها ع صدرها جود: هوووف نفدت، ،، منيح ماشافتتي شهيره ولا كانت جرستني تابعت مشيها وفضلت تطلع من الباب الخلفي للفيلا لحتى مايشوفها علوان واول ماشافت يزن حست بقلبها رجف بين ضلوعها لكنها استجمعت قوتها ومشيت لعندو يزن: بشوف ماقدرتي تصبري للساعه تمنيه جود: انت شو اللي بدك ياه يزن يزن (قرب منها وابتسم بشر) بدي اذلك بدي تمن السنتين يلي ضاعوا من عمري بالحبس بسببك جود: ليك يزن ازا كنت مفكر انك بهالحركات فيك تخوفني بتكون غلطان انت بتعرف انه مالي علاقه بسجنتك واللي صار معك من ايدك يزن: ياستي اعتبريني برمي بلاي عليكي شو رح تعملي ،،، رح تصرخي وتلمي عليي الخلق ، ،، اصرخي لشوف جود : حرام عليك انت شو بدك مني قرب منها وهمس بصوت اشبه للفحيح يزن : بدي ياكي... وهلأ جود : انت واحد حقير ومو متربي يزن : انتي لسه ماشفتي شي من حقارتي ياحلوه... مشي معي من سكات بلاش اشرشحك دفشته عنها بقوه وصرخت فيهالعضوة: 275918 , منذ 4 سنوات
جود : مارح اتحرك... حل عني بقى انفعل يزن ورفع ايدو لتنزل على خدها وقبل ماتهوي لقي قبضه مسكته بقوه... التفتت ورا وشاف يزن وشافت شهيره وبسرعه ركضت وتخبت وراها عوض : عاملي حالك رجال وجاي تفرد عضلاتك على بنت يا ابو ربع شنب يزن : مين انتي ولي عوض : كسارة راسك بعون الله يزن : ههههه شكلي رح اتسلى وانا بمسح سباطي بوجهك يلي شبه الزومبي عوض : ازا طلع ب ايدك لاتقصر مد يزن ايدو عخصرو وسحب موس كباس وبلش يلوح فيه قدام عوض يزن : شبك ياحلوه قربي لشوف جود : مشان الله شهيره خلينا نهرب عوض : ارجعي انتي عالبيت جود جود : بس عوض : شوو سمعتي بلش يزن يلوح بالموس قدام عوض ويحاول يغزو وعوض يتفادى ضرباته وعيونه بتراقب يخوف جود اللي بعدت عنهم وحاولت تهرب لكن يزن كان صاحيلها ورمى عليها الموس يزن : مارح تنفدي مني عوض (صرخ) جوووووود هديت ملامح عوض وهو شايف الموس استقر بجذع الشجره وجود قدرت تهرب للفيلا التفت بغضب ناح يزن وشافه مشمع الخيط وعم يركض لبعيد.... اخيرا اخد نفسه براحه وحرك اجريه بسرعه ولحق جود لجوا عوض : جوووود جووود استني كانت جود مرعوبه وعم تركض لجوات الفيلا لحتى مسكلا عوض ايدها وسحبها لعندو عوض : خلص خلصت والندل هرب جود (بتبكي) لك شووو بدو مني هالحقير انا كنت مرتاحه وهو بالسجن عوض : اهدي وفهميني شو صاير معك قعدو عوض وجود بالجنينه وكانت جود لساتها عم تبكي وترجف.. قرب منها عوض ومسكلا ايديها ليهديها عوض : خلصنا جود بدك اتظلي تبكي مشان واحد مابيسوى جود : المشكله انه مابيسوى ياشهيره ومعيشني برعب عوض : شو مشكلتك معه جود : بدو يتجوزني بالغصب ماكان يفهم اني مابحبه ومستحيل اطلع بخلقته.. لك شهيره هاد واحد رد سجون... وبيقضى ايامه بالسجن اكتر من برا عوض : وليش ماشكيتي عليهالعضوة: 275918 , منذ 4 سنوات
نزلت جود راسها بحزن وغمضت عيونها جود : لانه بيكون ابن عمي عوض : ابن عمك!!! وهيك بيعمل معك!!؛ جود : والمصيبه لا ابي ولاعمي شايفينه على غلط وازا صار مره وازعجني بيحكوا معلش مسكين يزن مو عارف شو يعمل ليرضي جود ،،،، لك اوقات بشوف نظرة اللوم بعيونهم واني السبب بهمالة يزن وزعرنته عوض : طيب انتي مافي حدا بحياتك... جود (هزت راسها بالايجاب) كنت حب شخص.....انس ابن جيرانا بس خلص عوض : شو يلي خلص جود : حتى انس ماسلم من يزن واكتر من مره يلم الزعران يلي عشاكلته ويضربوه لحتى اجا يوم وانطعن انس بخاصرته ولولا ستر الله كان راح فيها عوض : لهيك تركك جود : ماتركني.... انا يلي بعدت عنه لاني خايفه يصيرله شي من تحت راسي غمرت وجهها بين ايديها وانفجرت بالبكي جود : كلشي بيصير ضدي انا تعبت والله تعبت كان عوض متعاطف مع جود وحاسس بوجعها رفع ايدو ومسد عشعرها بحنيه بينما جود غمرت حالها بحضنه جود ::انا تعبانه ياشهيره تعبانه كتير نفسي اعيش متل بنات جيلي نفسي حب وانحب واختار شريك حياتي بنفسي مو متل ماهنه بدهمالعضوة: 275918 , منذ 4 سنوات
عوض : مو دايما بيحصل الانسان عالشي يلي بيتمناه ،،،، عندك انا وبهيره مثلا صار عمرنا هلأ 24 سنه ولساتنا بسنه اولى جامعه جود (رفعت راسها وسألت بذهول) انتي وبهيره بالجامعه!! عوض : ايه ليش مستغربه ولا لأنه مو حلوين خجلت جود ورجعت خصلات شعرها لورى جود : مين حكا انكو مو حلوين بالعكس انتو حلوين من برا ومن جوا بس ماقلتيلي ليش مخبيين انكم بالجامعه وليش لحد هلأ ماكملتو عوض : نحنا مو مخبيين بس فيكي تحكي ماحدا سألنا او يمكن ماحدا هامه شهيره وبهيره ليسألو عنن اما ليش لهلأ مو مكملين جامعه فبكل بساطه لانه ابي وابو بهيره كان همهم بالاول يلموا مصاري ليفكوا الرهن تبع جدي وكنا نساعدهم وبس تحسن الحال قررنا نجي عالشام لنكفي تعليمنا... الغرض من كلامي جود انه ازا كنتي رايده شي وحاببتيه واتأخر عليكي فهالشي يمكن يكون من صالحك وربك رايدلك شي احسن ماهيك جود : ونعم بالله اكيد... عنجد انتي وبهيره كتير طيبين والله يعطيكم على قد نيتكم عوض : اجمعين يارب... وهلأ شرفي فوتي لجوا جود : خايفه يزن يرجع هو هددني ازا ماطلعتله الساعه تمنيه رح يجي لهون عوض : اي ويجي اهلا وسهلا فيه جود : شووو عوض : ههههه يابنتي هيك شكيلات بيكونو عاملين متل البالون منفوخين هوا ومع اول شكه بيفرقعوا وهاد يزن يلي خايفه منه شغل حكي لابيقدم ولا بيأخر جود : وافرضي اجا عوض : قومي ولي شو مو معبيه عينك انا عم قلك اطمني.... يالله لجوا بدي شوف بهيره شو خبصت بالاكل *╚══════ღღ══════╝العضوة: 275918 , منذ 4 سنوات
كان عطا عم يدندن وهو بيجهز بالصحون والكاسات ويصفهم بالصينيه فات عليه عوض وهو عم يشمشم الريحه متل كلب الاثر عوض : ولييييه وليييه لك الريحه بتاخد العقل تلفت عطا وحط ايدو ع خصرو عطا : انت وينك لهلأ نسيان عندك شغل وبعدك ماساويت لا سلطه ولا شوربه عوض : ع اساس انت خلصت يا حيلتها عطا : احممم يعني مو شامم الريحه عوض : ليش انت يلي طبخت ؟؟ عطا (نفش ريشه) اي يكاان واليوم رح دوقكم ورق عنب بعمركم مارح تنسوه كان عوض فاتح تمه وامبلم لك كيف قدر يلف الورقات ويطبخهم... ليش هو عطا بيعرف يقلي بيضه ابتسم عوض ابتسامه ثعلب وقرب من عطا ولفه تحت باطه ومسكه من دقنه عوض : لك تسلم الايدين يلي تبلت وحشت ولفت وطبخت... ولا عطا ايدي عراسك والنبي كباسك مين ساعدك بورق العنب عطا (تنكرز) شو قصدك يعني انا مابعرف اطبخ عوض : لااا ولو انت احسن واحد بيطبخ بس يعني كيف لحقت مين ساعدك بحياة بيك خبرنيالعضوة: 275918 , منذ 4 سنوات
عطا : سد نيعك اي ممماحدا ساعدني واساسا ازهار مافاتت عالمطبخ عوض : 🙂 عطا : صحيح بتقلك شافيره في ضيوف جايين اليوم عالعشا بقى اتوصى بالسلطات وماتنسى التبوله وبابا غنوج... يالله عوافي ياشابه شد عطا ع فستانه وصار يتقصع بمشيته وطلع من المطبخ تارك غوض عم يغلي من الغيض وعيونه مسلطين عالبقدونس والخيار والبندوره عوض : شو هاد بابا فنوج ومبلوله... من وين بيجيبوا هالاسامي 😫 شافت أزهار عطا طالع م̷ـــِْن المطبخ ونادتو: بهييرة .. التفت عطا: اي زوزو ... أزهار: شو صار معك .. طفيتي تحت الطنجرة متل ماحكيتلك عطا بكل ثقة: طبعا .. اصلا طلعو الورقات بشهو .. يسلملي ايديكي زوزو 😍 ازهار: يسلم ايديكي .. والمقبلات خلصتيون؟ عطا: يي شو نسيتي انو المقبلات على شهيره ..يعليكي .. انا رايحه غير وغسل وعدل عمكياجي 😌 مشي عطا وهو بيتغنج بمشيتو وضلت ازهار صافنه فِيَھ .. رجعت التفتت ودخلت عالمطبخ وشافت عوض حاطط الخضره كلها عالأرض ومتربع جمبن وصافن فيهم وهو حاطط ايديه عخدودو ..😂 قعدت ازهار جمبو وسألتو: شبك شهيره ؟؟ عوض: عم ،،،، ساوي ،،،شو كان اسامي الأكلات ماعم بتزكر 😭 أزهار: تبولة وبابا غنوج عوض: ايوه هدول مفتوله وماما فنوش مو عرفانه كيف اعملون 😭 ازهار: تعالي علمك عوض ابتسم وتوسعو عيونو؛ :ڵـڱ ازهار .. هلأ ياترى ازا حطيناكي بمنافسه مع منال العالم مين بيغلب؟ ازهار: شوف على هالحكي ..اكيد انا 😌 عوض : شو مفكرة حالك الشيف بوراك ازهار: ليكون مو عاجبتك انا 😒 عوض: لٱ عسلامتك بس اثبتيلي انك بتقدي تغلبيها 😏العضوة: 275918 , منذ 4 سنوات
ازهار بتحدي: اي بثبتلك .. بعدي هيك لشووف .. عوض: وشو رح تعملي؟ ازهار: رح ورجيكي الشغل عأصولو ..بتشارطي اني بنص ساعة بعمل التبوله وبابا غنوج والشوربه كمان عوض: بشك بهالموضوع 🙄 ازهار: هلأ بتشوفي ..عيريلي الساعة لقلك قعدت ازهار تشتغل وعوض قاعد عالكرسي وهو حامل موزة وعم ياكلها وهو مبسوط 😂 *╚══════ღღ══════╝ اما ناديا بتكون حايسه بغرفتها وبتفرك ايديها بقهر ناديا : هيك لكن ياحمدي ،، بتقلي الشغل لفوق راسك وانت عاملي الفيلا ملجأ لبنات الجامعه ،،، ان ماوريتك مابيكون اسمي ناديا بتتحرك بجسمها وبتتناول جزدانها وبتسحب جوالها وفورا بتطلب حمدي ناديا : كيفو ابن اختي حمدي : اهلين خالتي ناديا : شو يامنزوم لهلأ مافضيت اديش صرلي بقلك تعال لعندي وجيب معك الملفات حمدي : اووووه اسف خالتي بس الشغل. ،،، الشغل لفوق راسي وماعم افضى ناديا : ايوه الشغل قلتلي ،،، لكن خلص لاتجي انا رح اجي ومنه بشق عالفيلا اكيد الناطور مهملها وماعم ينظفها حمدي : لا لا لاا شششو تجي عالفيلا اكيد هلأ كلها تراب وغبره خلص انا بكرا رح اجي لعندك وعد ناديا : اكيد ولا متل كل مره حمدي : اكيد خالتي اكيد ناديا : ايه لشوف يا ابن اختي بتسكر الخط وهي بتزفر بضيق ناديا : غبره وتراب ياقليل التربايه انا بفرجيك شو رح اعمل فيك ياحمدي الزفت *╚══════ღღ══════╝ #يتبعالعضوة: 275918 , منذ 4 سنوات
#غباء_بالفطره #الجزء_الخامس #بقلمي_امل_احمد_سلوم *╚══════ღღ══════╝ كانت التحضيرات بالفيلا على قدم وساق وشافيره عايشه دور ست البيت وبتعطي اوامرها لعطا وعوض شافيره : شهيره حطي المفرش المورد عوض : امرك شافيره : وانتي بهيره جيبي ورد من الجنينه وبدلي هالوردات الدبلانه اوام قربت سندس وسندت ضهرها عالحيط وكتفت ايديها سندس : لك قدر ملاحظه انها شافيره مزوديتها بسي حمدي تبعها قدر : اي والله... لا وعامله من شهيره وبهيره خادمات عندها سندس : بس بدي افهم ليش ماعزمت عطا وعوض بشو حمدي افندي احسن منن قدر : فعلا... كيف راحت هي عن بالي سندس : معك رقم عوض قدر : لا اساسا عوض مابيحمل موبايل سندس : هفففف وعطا كمان قدر : والحل سندس : مابعرف بس بحد الوضع اوفر ولايطاق كانو عطا وعوض بيتراكضوا بالفيلا ولمحوا قدر وسندس اخدين جانب ومو عاجبهم شي قرب عطا وداعب الورده بحد انف سندس عطا : شبك سندس لشو مبزمه سندس : مافي شي عوض : لك شبكم صبايا قدر : انا وسندس مزعوجين لانه الست شافيره مو شايفه حدا غير حمدي عوض : ههههههه شو يعني اكيد بدها تبيض معه وش سندس : وليش ماعزمت عوض وعطا عطا : اي والله ليش ماعزمتهم قدر : بس لو اعرف عنوانهم كنت هلأ رحت وعزمتهم عطا : لك لاتروحي اساسا نحنا بنكون عوض : احممممم هههههه شبكم يابنات خلص فضوها سيره وخيرها بغيرها خلونا اليوم مبسوطين بحمتشي قدر : اي انبسطوا انتو انا طالعه لغرفتي سندس : خديني معك قدر عطا : لوين رايحن طيب وشسمن وعطا وعوض مارح تعزموهم طلعوا البنات وكان عطا بعدو واقف ومو مستوعب شي لحتى اكل طياره عقفاه عطا : ااخخ شششبك ولا عوض : انا بس بدي افهم امك وقت حبلت فيك عشو اتوحمت اكيد ع تيس عصب عطا ورمى الوردات من ايدو وحط جبينه عجبين عوضالعضوة: 275918 , منذ 4 سنوات
عطا : ولشوو الغلط عوض : لانك قديش عطا : لك لااا تسسسب عوض : لاسيدي بدي سب... لكن فهمني شلون عطا وعوض بدهم يجوا لهون عطا : عادي يافالح ليكو حمدي رح يجيي لهون شو فيها ولا عطا وعوض حقهم ناقص عوض (ضرب كف بكف) امنت بربي على هالنهااار يا ابني افهم حمدي هو حمدي بس ازا عطا وعوض بيجوا لهون بدهم يجوا ع اساس انهم عطا وعوض ولا شهيره وبهيره عطا : اه.... عوض : اي وعصاااا تعلم عجنابك منيح فهمت... قوم لم الودات وخلينا نكفي شغل خلصني راح عوض وظل عطا واقف مكانه وبيحك باروكته بدون فهم عطا : اي وشو فيها يعني بدهم يستعروا من شهيره وبهيره قدام عطا وعوض *╚══════ღღ══════╝ ضب حمدي جوالو بجيبتو وهو واقف عند باب الڤيلا ورن الجرس .. فتحت شافيره وهي مبتسمة .. حمدي مدلا باقة ورد: يسعدلي مساكي شافيره : اهلا وسهلا حمدي ..˚يسـّـّّـّلمٌوٌ ايديك ..لَيــِْـِْش. معزب حالك حمدي: ولو اقل منـِْهــِْا .. شافيره اخدت الوردات: تفضل . دخل حمدي وسلم عالصبايا وقعد .. اما بالمطبخ ... ازهار: وهيي خلصت. شو رأيك؟ عوض: ياعيني عليكي .. والله انك بتتقلي بدهب. . والله حتى منال العالم مابيطلعلا معك ازهار: مشان تعرفي .. يلا لشوف جهزي الصحون وخلينا ننقلها عالصفرة ... جهزو الصفرة واجتمعو الكل عليها .. حمدي: ياعيني شو هاد كلو .. شافيره : انشالله يعجبك طبخي .. وجهو كلهم نظرهم على شافيره واتطلعو فيها هيك 🙂 وبس انتبهتلهم شافيره حاولت تدارك الموضوع وحكت. . ؛:اااااا ي يالا حمدي تفضل افعد ..مابدك عزيمة .. اعتبر البيت بيتك .. حمدي: اه ..اي طبعا .. رح اعتبرو بيتي وزود 😏 شافيره : يي .. شلون راح عن بالي ... حبيبتي بهيرة ممكن تطلعي وتندهي لعمتي م̷ـــِْن فوق «وغمزتا » عطا: اه .. عمتك؟ ؟؟؟اي اي عمتك ههه تكرمي حمدي:عمتك! !