العضوة: 275918 , منذ 4 سنوات

هي يلي شعراتا ملزقين تلزيق بجبهتا من الصالة والشوب😆 والتانية كل يلي براسا 4 شعرات 2 مسشورين و 2 هروا بموسم المكدوس 😆 قدر : ههههههه يبعتلك الهنا يابهيره كملي كملي كان عوض قاعد وحاطط ايدو على خدو ومبتسم لا اراديا مع انه بيعرف انه عطا عم يخاتلها بس الظاهر عجبه الموضوع 😂 عطا : وياوووويلي وقت قال عيونا ولوووو...كلو صار يأشر ع عيونو هديك يلي عيونا متل الفاره والتانية يلي عليها جوز عيون بتهبل هبل ، زاد عندا هرمون شوفة الحال وماعاد تتهدا 😐 قلب عوض عن الكرسي وهو ماسك بطنه من الضحك وفات بالحاله

العضوة: 275918 , منذ 4 سنوات

عوض : ااااخ لك زكرتيني يابهيره كان يوم مابينتسى بالاخص وقت قال قلبا ولوووو وعقلاتا ولوووو كلو قلب ملاك وبراءه ويالطيف وصار يأشروا على قلبهن بكل لطافة وحركات يابو الملاك البريء أبو قلب طيب قوي😆 وهي قلبا مخزون احتياطي للعقارب والحيايا والسحالي والحربايات😆 عطا :بس عينكم تشوف وقت قال ولو لو ولوووو لو لو لو لو لولو لوووووووو هووون الكارثه والرعبه💔 ،حسيت صار زلزال😐 صعود جلوس تشوبر وجنون الله وكيلكن💔😂 منظرهن بمووووووت ضحك تقول محطوطين بخلاط ومكبوسين كبس عوض : واحلا شي لما خلصت الغنيه وكل حيه قصدي كل بنت رجعت لمطرحها وعلى اساس الرقص هد حيلها وشعورها المفرط بجمال عيونا ولووو وشعراتا ولووو بعد مسيطر عليها وهي ماشيه وبتقلب بعيونها وبتزيح بشعراتا يلي لزقوا بجبينها من العرق 😂

العضوة: 275918 , منذ 4 سنوات

شافيره : ههههههههههههه الله عليكم شو حكايتكم حلوه ازهار : ههه اي والله ضحكت من قلبي سندس : ع سيرة المواقف لو تعرفوا اليوم شو صار مع عطا عطا : احممممم اي يووووه لك تأخر الوقت يالله يابنات كل وحده لغرفتها لحتى نروق الصاله قبل ما اننام جود : انا فعلا نعست تصبحوا على خير قدر : وانا كمان شافيره : يالله كل وحده لغرفتها طلعوا الصبايا لغرفهم لياخد عطا نفسه براحه عطا : ولي نفدت عوض : لك شو صاير معك اليوم عطا : ششششي مممابيخصك قوم جيب البزر لنتسلى شوي بيكون حمدي ماسك المقشه والجاورف وعم ينظف وعطا وعوض قاعدين قدام التلفزيون وعم ياكلو بزر ويتفتفوا هون وهون عوض : زكاتك ياحمتشي نظف من هون حمدي : حاضر عطا : وبطريقك امسح الشاي يلي انكب عالطاوله حمدي : امرك عوض : ولي بهيره حطي عقناة الافلام هلأ رح يعرضوا فيلم عادل امام عطا : بالله شو مابدي بدي اتفرج على ذا شسمو فويس تعصب عوض وقام من مكانه ووقع صحن البزر عالارض عوض : عم قلك حطي ع قناة الافلام وليه عطا قام ورفع اجرو عن الطاوله وكب ابريق الشاي ووقع الكاسات وحط جبينه عجبين عوض @rwayate عطا : وانا عم قول بدي احظر ذا ذا ذا فووويس شو رأيك ياشرنه عوض :مافي شرنه غيرك يا ام شعر عيره عطا : احترمي حالك وليه يلي الشيطان ضحك عليكي وفهمك انك مره عوض : لك انا مره غصبن عنك يا ام نص حماله فاضيه عطا : وليييه لاااتخلييني اعطيكي كفين بلعك فردة حلقك حمدي : خلص ياجماعه روقوا مو مستاهله عطا : قولتك ياشسمك احسن شي روح لغرفتي وحط عوجهي ماسك خيار بالازن 👽 عوض : وانا هاد موعد نومتي هااااه يالله تصبح على خير ياحمتشي 🥱 بيتركوه وبيروحوا لغرفتهم ليطلع بالصاله يلي انقلبت فوق تحت وبيبلش يكنس حمدي : الله لايوفقكم انكسر ضهري بيطلع حواليه وماببشوف حدا وبيرفع طرف السجاده وبيدحش الزباله تحتا عطا : شششايفتك هه ،،، رجاع كنس منيح حمدي

العضوة: 275918 , منذ 4 سنوات

*╚══════ღღ══════╝ تاني نهار كانو عطا وعوض قاعدين بغرفتهم وعم يدرسوا وقدامهم كاسات الشاي وصحن فيه معجنات ونقرشات عوض : ياااه وين الواحد يلاقي خدامه مريحه متل هيك عطا : اي والله اهم شي ارتحت من الغسيل والشسمن الكلسات عوض : ههههه خليه يشتغل يشطف ويجلي و خلينا نعرف نركز بالدراسه شوي الامتحانات عالابواب عطا : طيب شو رح يصير بعد ما يتصالحوا عوض (عض عالقلم) اخخخخ هدول مالازم يتصالحوا بنوب عطا : بس حمدي ناطر منا خبر وصرلنا اسبوع بنحرث عليه عوض : اسمع شو رح قلك ونفذه بالحرف 🎶🎶 وبغرفة شافيره 🎶🎶 عوض : شو شافيره مابدك تباركي لبهيره شافيره : على شو عوض : حمتشي خطبا اليوم شافيره (بصدمه) شووو ،، مستحيل ،، وايمت عوض : شبك انجلقتي الرجال حابب يستقر ويتزوج ويكون عيله وبهيره موافقه عطا : اه ،،، نفسي من زمان ببنت الحلال عوض : احمممم عطا : نفسي من زمان ب ابن الحلال قامت شافيره من مكانها وهي ماعم تقدر تستوعب الشي اللي سمعته شافيره : مبروك عطا : مرسي ياشسمك وعقبالك تركتهم وطلعت لبرا بينما عطا وعوض ضربوا كف بكف عوض : اشطه يامعلم عطا : هلأ رح تولع صح كان حمدي يادوب مخلص لم الزباله وقاعد عالدرج وحاطط راسه بين ايديه لحتى سمع صوت شافيره انت هون حمدي (رفع راسه وابتسم) شافيره ،،،، اخيرا اجيتي شافيره : اي طبعا لازم اجي وهنيك وقدملك هديه كمان ... مبروك يابتاع بهيره وبسرعه رفعت الفازه وطبشتها براسه حمدي : يالهوي عغيرة النسوان 🤕 *╚══════ღღ══════╝

العضوة: 275918 , منذ 4 سنوات

وبعد يومين بيكون عطا عم يندب حظه وهو ماسك الكلسات وعم يفرك فيهم عطا : يافرحه ماتمت اخدها الغراب وطار ،،، خدي يا اوختشي هدول صاروا جاهزيين للنشر عوض : اموت واعرف حمدي وين انهفا صرله يومين ماله اثر عطا : ياخوفي يكونو تصالحوا ياكسفتك يابهيره عوض : لا مابعتقد اكيد في شي مخليه يغط والمسا كان عطا بيدرس بالحديقه وشافته شافيره وشعلت النار بقلبها شافيره : كيفك يابهيره عطا : منيحه الحمدلله شافيره : وايمت العرس عطا : انو عرس شافيره : عرسك انتي وحمدي ابتسم عطا ببلاهه بعد ماتأكد انهم مو متصالحين وبسرعه رسم ع وجهه الحزن وصار يبكي عطا : اه اهئ اهئ اهئ ياحوستك يابهيره يابختك البني يابهيره شافيره : شبك شو صرلك عطا : الندل تركني ،،، تركني وعكتفي تلات ولاد شافيره : انو ولاد ؟؟ عطا : شسمو يلي كنت رح خلفهن منه شافيره : لك انتي شو عم تحكي ،،، حمدي تركك يعني عطا : ايه 😭 شافيره : وشو السبب عطا : مهوي خطب شهيره 😭 شافيره : شوووو 😮 كان حمدي ملحوش بفرشته ومرضان ومو دريان بكل الطبخه وفجأه انفتح الباب وفاتت شافيره حمدي : شافيره ،،،، شافيره : اي شافيره ،،، حمدي : كنت عارف اني مارح هون عليكي شافيره : شبك حمدي : مريض صرلي يومين مو قادر قوم من فرشتي شافيره : وماحدا اجا لعندك حمدي : لا ،،، يعني لو متت ماكنتو رح تعرفوا شافيره : بعيد الشر عنك مد حمدي ايدو ومسكلا ايدها وباسها حمدي : يعني سامحتيني كانت شافيره ع وشك تستجيب اله وفجأه تزكرت كلام عطا وعقدت حواجبها وسحبت ايدها وحطتها ع خصرها شافيره : وخطيبتك ليش ما اجت تشق عليك حمدي : مين خطيبتي!!

العضوة: 275918 , منذ 4 سنوات

شافيره : بهيره حمدي : هاد وقت مزحك هلأ شافيره : لاتحاول تنكر بهيره بنفسها اجت لعندي وخبرتني انكن انخطبتوا حمدي : لك شو عم تحكي انتي شافيره : عن ازنك بلا ما اطب خطيبتك وتلاقيني عندك حمدي : استني ياشافيره ،،، شافيره شافيره طبعا كلكم عارفين الشياطين يلي صارت تنط قدام حمدي وهو شايف نفسه مغفل وشهيره وبهيره قدرو يخدعوه واكيد مارح يسكت *╚══════ღღ══════╝ من بعد ماراحوا البنات عالجامعه تسحبوا عطا وعوض لبرات الفيلا ومشيوا بسرعه ليلحقوا الباص وفجأه سمعوا بحدهم فرام سياره شحط بقوه ونزل حمدي وعيونه بتقدح شرر عطا (بلع ريقه) ولي عوض : اكلنا شباشب يا ابن عمي تقدم منهم حمدي وهو بيفرك ايديه ببعض حمدي : اعتقد في موضوع مهم لازم نساويه مع بعض وفورا يا انسات عطا : انا ماخصني بشي هي شهيره عوض : يبعتلك حمى وليه عم تتبلي عليي حمدي : ملحقين عالخناق شرفوا معي عوض : ياساتر شو في هناك اول مافتل حمدي وجهوا فركوها عوض وعطا واجريهم تضرب بظهورهم لحتى تعربشوا بالباص حمدي : لوين راييحن اي والله لاحسب الله ماخلقك انتي وياها وبسرعه ركب سيارته ولحقهم لحتى شافهم نزلوا من الباص فتح باب سيارته ورجع سكرها بهدوء وهو شايف المكان يلي فاتو عليه حمدي : اي رح انطركم لتطلعوا شو فيي ورايي غيركم اليوم شعل سيجارته واستند عكرسيه وظل ناطر طلعة شهيره وبهيره وهون كانت صدمته

العضوة: 275918 , منذ 4 سنوات

انجلقوا عيونو وهو شايف عطا وعوض طالعين من المحل يلي فاتوا عليه شهيره وبهيره حمدي : عطا وعوض شو عم يعملوا هون!!! بس ما يكون اللي بفكر فيه صحيح!!!!! ظل حمدي ناطر طلعة عوض وعطا من الجامعه وبعد مامر الوقت طلعوا وتوجهوا عالنوفتيه يلي بيبدلوا فيه تيابهم وماكانو عارفين انه في عيون بتراقبهم من بعيد كان حمدي قاعد بسيارته شوي لحتى شاف شهيره وبهيره طلعوا من المحل وتوجهوا عالفيلا حمدي (بصدمه)... اوووبا هيك لكن عم تتقابلوا بالسر وجادبينها على سندس وقدر اي مو على عيني تاني نهار وبنفس الموعد كان حمدي عم يراقب شهيره وبهيره من لما طلعوا من الفيلا وبرفقته قدر وسندس سندس : نحنا ليش جينا هون قدر : انا ماعم افهم لشو بدك توصل استاز حمدي حمدي : طولوا بالكم شوي وشوفوا بعيونكم الست شهيره والست بهيره شو جايين يعملوا هون وبمين عم يتقابلوا من وراكم اطلعوا سندس وقدر ببعضهم بعدم فهم ورجعوا يراقبوا لحتى شافوا شهيره وبهيره فاتو عالمحل وبعد دقايق طلعوا عطا وعوض 😹 سندس (حطت ايدها عتمها وشهقت) هييييييييي 😳 قدر : يانهاار بني 😱 وبالجامعه بيكونوا عطا وعوض قاعدين بيفطروا بالكافتيريا وناطرين سندس وقدر عوض : وين الصبايا مالهم بالعاده ماييجوا يفطروا معنا عطا : ازكر الشسموا بينط ليكن اجوا التفت عوض وراه وشاف سندس وقدر جايين عليهم وعيونهم بتقدح شرر عطا : ليش متأخره سندس وين كنتي اه مسكت سندس راس عطا ودحشته بصحن الفول اللي قدامه سندس : اخرس ياتبع بهيره عوض : شووو هاد انتي جنيتي قدر : اخرس ياتبع شهيره ومسكت الصحن التاني وكسرته ع راسه عوض : ااااخ يامجنونه

العضوة: 275918 , منذ 4 سنوات

قدر : ليش انتو لسه شفتوا جنان وبلشت تصرخ... الحقووووونا ياعالم سندس : هدول الجوز عم يتحرشوا فيناااا انصدموا عطا وعوض وصاروا يطلعوا ببعض بخوف وهنه شايفين شباب الجامعه التموا حواليهم وكل واحد منهم قد الحيط عطا : لك ايمت فتحي وقتاده اجوا عالجامعه عوض : شو نعمل هلأ لك عطا عطا : شششو بدك ياني اعمل تلتين المراجل الهريبه يافكيييييك بلشوا يركضوا والكنادر والصحون وراهم لحتى طلعوا من الجامعه كرفته 😂✌️ ظلوا يركضوا ويركضوا لحتى حسوا حالهم بعدو عن الجامعه عطا (قعد عالرصيف) ولي على هالعلقه لك اكلت ضرب اااخ ياجنابي عوض : لك هنه ليش عملوا وليش حكولنا ياتبع شهيره وبهيره عطا (ببلاهه) انت غشيم عن النسوان وغيرتهم عوض : قوم مشي معي لنروح نبدل تيابنا ونرجع عالفيلا عطا : ع اساس فيي حيل امشي وبالفيلا كانت قدر واقفه قدام الشباك وناطره جيت شهيره وبهيره سندس : شو ما بينوا قدر : لسه سندس (بقهر) اكيد بيكونوا هلأ مع عوض وعطا اااخ ياقهري كل هالشي يطلع منن شافيره : لك صارت الساعه وحده وينهم لهلأ رجعت قدر التفتت من الشباك ولمحت شهيره وبهيره فايتين عالفيلا قدر : ليكن وصلوا كل وحده تاخد مكانها تخبوا البنات واول مافاتو عطا وعوض طلعلوا عليهم متل انكر ونكير عطا : ربي الله ومحمد رسولي والاسلام ديني

العضوة: 275918 , منذ 4 سنوات

عوض : شو في شبكم قدر : شو ست شهيره مصاحبه عوض ومخبيه كنتي احكي لافرحلك عوض : اه 😟 سندس : وانتي ست بهيره مالقيتي الا عطا لتحبيه شافيره : ماكفاكي حمدي ياخانم بدك اتكوشي عكل الرجال عطا : 😨 بلشوا عطا وعوض يتراجعوا لورى لحتى لزقوا بالحيط والبنات يتقدموا منهم وهنه حاملين مضارب التنس والمقشات عطا : صصصلوا عالنبي يارجال سندس : اييه رح نصلي ع روحكم ياكلبات تعي لهون ولييه عطا : ااااخ وليييييي قدر : لك مالقيتي الا عوووض ياحيوانه خدي هي عوض : مششششان الله ااااخ بكفي يابوووليسسس ياشرطه يا امن كان حمدي بيطلع فيهم من بعيد وبيضحك بشماته وفجأه انتبه على باروكة عطا تحركت من مكانها وعطا بدل مايحمي حاله من الضربات كان حاطط ايدو عراسه ليثبت الباروكه زم شفايفه بتعجب ورجع اتخبى ،،،،

العضوة: 275918 , منذ 4 سنوات

اما عوض وعطا بعد ما اكلوا نصيبهم من البنات هربوا لغرفتهم وسكروا الباب سندس : حاجتهم يابنات شافيره : لك اكلوا علقه مارح ينسوها لولد ولدهم قدر : لسه ما اشتفى قلبي بدي فوت نتفهم لخطافات الرجال هدول شافيره : هلأ هدول اكلو نصيبهم الدور والباقي عالخونه يلي مقضيينها كزب وتمثيل سندس : اي والله والله لاطلع بروحوا هالخاين قدر : مشوا يابنات خلونا نروح لغرفتي ونحط خطه لنربي فيها جوز هالحفرتليه اما بالغرفه عند عطا وعوض بيرمي عوض الباروكه وهو بيتحسس راسه عوض : علقتين بيوم واحد لك ااااخ عطا : انا بالصبح مضروبا وبعد الضهر معدوما اناا بهالوقت بيقرب حمدي عالهسي وبيحط ادنه عالباب وبيصير يتسمع عليهم عوض : لك هدول كيف كشفونا عطا : ششششو بعرفني بس شو بدك بالحكي طلع عندن عضلات مو عنا لك حاسس جسمي مفرتك فرتكه وراسي مجعلك جعلكه ومفاصلي كل مفصل بقرنه ااااخ عوض : الضاهر بيفكرو انه انا وياك على علاقه بشهيره وبهيره عطا : وهنه من كل عقلهم نحنا بدنا نطلع لجوز الغفر هدول عوض : عن مين بتحكي عطا : عن هدول شهيره وبهيره يبعتلن مية عله بسببهم اكلة كتله حشك ولبك عوض : قوم من قدامي وروح خود حمام دافي واتركني افكر بحل لهي المصيبه بسرعه بيبعد حمدي عن الباب وبيطلع لبرات الفيلا وببفوت عطا عالحمام وبينزل تحت الدوش وبيبلش يغني عطا : كسروني يما اه ياعظمي ،،، بهدولني يما اه ياكلي بيوقف حمدي تحت شباك الحمام وهو متردد وبعدين بيحزم امره وبيتناول السلم وبيحطه عند الشباك وبيطلع وبيمد راسه ليشوف بهيره يلي اول ماشافها صابته صدمه ثلاثية الابعاد وبيظل مبحلق عيونه وفاتح تمه على وسعه حمدي : يخرب بيتك من حالك....لك شووو هاااد.... عطاااااا. ،،،،؟؟؟؟؟!!!!!!! *╚══════ღღ══════╝ #يتبع

العضوة: 275918 , منذ 4 سنوات

#غباء_بالفطره #الجزء_السابع_والاخير #بقلمي_امل_احمد_سلوم *╚══════ღღ══════╝ لما تكون مفكر حالك الدنجوان الذكي اللي مقطع قلوب العذارى واللي مابتفوتك فايته ولا اكله بايته.. وفجأه تحس حدا كب عليك سطل مي بارده ويعرفك قديش كنت غبي ومغفل عن فرط احساسك بالسذاجه والاستغباء لذاتك بهداك الوقت وياترى رح تقدر تسكت ولا لكل فعل ردة فعل والبادي اظلم هاد كان شعور حمدي وهو بعدو متنح عند الشباك وفاتح تمه للهوا وعيونه ع شوي رح تطلع من مكانها وهو شايف بهيره بقدرة قادر تحولت لعطا اي نعم ماكان الاختلاف كيير ،، بس حمدي ماكان مصدق انه جوز الهبايل هدول يقدرو يضحكوا عليه ويستغفلوا الكل كل هالوقت بدون ماحدا يكشفهم حمدي : يخرب بيتك من حالك ،،، لك شووو هااااد ،،، عطاااا،،، !!! نزل حمدي كرفته عن السلم وهو بعدو مو قادر يستوعب الشي اللي شافه وركض عالفيلا وشاف شافيره واقفه عالتراس وبسرعه راح لعندها حمدي : شافيره ،، شاافيره زمت شافيره شفايفها وعطته ضهرها وهي مكتفه ايديها شافيره : شو بدك حمدي مو اتفقنا ماتهوب ناح الفيلا حمدي : مو وقته هالحكي انا لازم قلك شي كتير خطير

العضوة: 275918 , منذ 4 سنوات

شافيره : كزبه جديده ولا خطيبه جديده حمدي : لا هي ولا هي انتي لازم تسمعيني شافيره : انا مو مستعده اسمع كزبك وزيفك عن ازنك حركت اجريها وفاتت لجوات الفيلا وسكرت الباب بس حمدي حط ايدو ودفع الباب وفات ومسكلا ايدها وسحبها لجوات المكتب شافيره : تروووك ايدي انت جنيت حمدي : انتي بتعرفي مين شهيره وبهيره شافيره : شو قصدك حمدي : لاتحاولي تخبي شافيره انا عرفت كلشي شافيره : انا فعلا ماعم افهم عليك شبهم شهيره وبهيره حمدي : رح قلك شبهم هاد ياستي....... طلع عطا من الحمام ولمح سندس قاعده بالصاله وهي متوتره وعم تقظم اظافرها قرب منها وهو بيلوح برباط الروب وبيتقصع عطا : كيفك ياشسمك سندس : ،،،،،، عطا : شبك ماعم تردي القط اكل السانك سندس : روحي من قدامي بهيره قبل ما ابتلي فيكي عطا (ضرب عصدرو) يوووه وشو عملت انا كل هاد لانه عطا حبني الي طيب شو اعمل ازا الشسموا الهوا غلاب سندس : الهوا غلاب لكن ،،، اي تعي لهون ياكلبه ياخطافة الرجال عطا : لك ششششو صرلك ياشسمك طططولي بالك وبسرعه تفادا فردة بابوج سندس واندحش بغرفته شافيره : شوووووو شهيره وبهيره هنه عطا وعوض انت متأكد ياحمدي 😱 حمدي : انا شفتو لعطا بعيوني يلي رح ياكلا الدود قعدت شافيره عالكرسي وهي مصدومه ومو مستوعبه الشي يلي سمعته حمدي : انا رايح لعندهم فورا لافضحهم وقلعهم من الفيلا شافيره : استنى ياحمدي حمدي (التفت عليها) لشو استنى لتكوني بدك تخليهم ساكنين هون بعد اللي عرفتيه شافيره : اتركني انا اتصرف ،،، *╚══════ღღ══════╝ طلعوا عوض وعطا من غرفتهم وشافو الصبايا لابسات ومتشيكات عالآخر .. عوض: وين العزم ياحلوات؟ قدر: مالك علاقة انتي شهيرة خليكي بحالك 😒 عطا: ڵـهٍ ڵـهٍ لَيــِْـِْش. هيك بتحاكي اختشي .. سندس: ياريت ماتدخلي انتي بهيرة عطا: عراحتك يختشي. شايفتيني كتير قاتلة حالي عليكي 😏

العضوة: 275918 , منذ 4 سنوات

اتنكرزت سندس وطلعت مع الصبايا برا الڤيلا وضلو عطا وعوض لحالهم .. عوض: هدول عنجد زعلانين عطا: ويزعلو ..(بلش يسبل بعيونو ويحكي بدلع ) كأنو عنجد انا بدي اطلع عواحد متل عطا. .اسلا طموحي أكبر م̷ـــِْن هيك. .غير بحمتشي مابرضى 😌 وبلش يتشخلع بمشيتو 😂 عوض ضرب كفوفو ببعض :عليه العوض ومنو العوض .. شكلا بهيرة سيطرت عليه ..😂 بما انو الصبايا ماكانو بالڤيلا عوض وعطا هالمرة اخدو راحتهم عالآخر واتفرعو ..كانو لابسين شورتات وفانيلات وفردو الاكل ع طاولة السفره وبلشوا ياكلوا .. عوض: م̷ـــِْن ايمتا ما اخدت راحتي هيك عطا: انشالله بينهفو عطول لَـگِنْ 😂 عوض: ولا عطا لَيــِْـِْش. بتحكي عليهم عطا: اخت مراقي انت..بدي احكي يلي يدي اياه .. عوض: ينعن اللي فلتك وربط الجحش. .اي عطا: شو قصدك ولاا ..لتكون عم تسب عأبي عوض: اللي فِيَھ شوكة بتنغزو ..😂 وقفو عطا وعوض وحطو جبينن عبعض .. عطا: اسحب گلّمّتگُ احسن ما اخبطك كف هرلك سنانك عوض: اي جرب بركي امسكك وارميك م̷ـــِْن اسطوح الڤيلا كانو بيتناقرو متل عوايدهن لما سمعو صوت عم يحكي: لَـگِنْ الحكي كان صحيح وطلعتو انتو يلي عم تكزبو توسعت عيونهم واتطلعو لجنبن ليشوفو كل البنات واقفات وعم يطلعو فيهم بعيون بتقدح شررر ..😂 عطا بلع ريقو :امكنو انفضحنا يختشي عوض :يلهوي عالفضيحة سندس: شو ماعندكون تبرير انتو التنين؟ عطا: هوهوهوه اننننننتتتتة يععيعيعبعنيييي سنسنسنسدددددسسسسس عوض: اخرس انت خليني اعرف افهمهم .. يابنات نحنا كنا .. قاطعتو قدر بحدة: ولسا بدك تبررر ياحيواان عطا: مو انتو طلبتو تبرير. وهي رح نبرر..برر عوض لشوف عوض: يعني .. نقل عوض نظرو عالبنات يلي كانو رح ياكلوهم اكل بعيونهم م̷ـــِْن العصبية والتفت وهرب عوض: سمووعليكوووم عطا: •اللّـہ̣̥ يااخدك وين رحت وتركتني اما البنات هجمو عليهم بالشناتي وبلشو خبط فيهم لحتى طلعو عوض وعطا هريبة م̷ـــِْن الڤيلا 😂 كانو ماشيين بالشارع بالشورتات والڤانيلات وعم يشوطو كل حجر بيجي بطريقهن.. عوض: وبعدين .. وين نروح بحالنا ڵـڱ عطا عطا: والله مانا عارف ... ڵـڱ حتى سندس ما عطتني عذر عوض: خلينا نحكي بالعقل عطا. نحنا خدعناهم كمان وكان حقهن اللي عملو معنا. .😞

العضوة: 275918 , منذ 4 سنوات

قعدو تنيناتهم عالرصيف وهنن مهمومين عطا: ڵـڱ حتى مصاري مامعنا.. انا جوعان .. 😭 عوض: طول بالك عطا .. رجعو للشحططة والشنططة تنيناتهم .. وماعرفو وين ممكن يروحو .. وقفو وضلو يمشو لحتا بدون وعي وصلو عالمقبرة يلي نامو فيها ليلة .. اتطلعو ببعض واخدو نفس ودخلو عليها بدون مايحكو ووصلو عند نفس القبر يلي نامو عندو المرة الماضية .. عوض: السلام عليكم حجي ..كيفك .. عطا: مشان •اللّـہ̣̥ ماتآخزنا يمكن قطعنا عليك خلوة او لعبة شدة مع المرحومين بس متطر تستقبلنا الليلة لأنو ماعنا مكان نروح ننام فِيَھ ..😢 قعدو عوض وعطا واتسطحو كل واحد بقرنة ..بالرغم م̷ـــِْن البهدلة يلي اكلوها ..والشي يلي كانو يعملو البنات فيهم الا انهم مابيوم زعلو منهم او حقدو عليهم .. عطا بقلبه : ياترى شو عم تعملي هلأ ياسندس عوض بقلبه : سامحيني قدر سامحيني ياقدري *╚══════ღღ══════╝ احياناً بنحس بكسرة القلب لما يخذلنا حدا بنحبه وحطينا كل ثقتنا فيه ،،،، بس كمان لو اطلعنا للامور من جانب تاني ممكن تختلف الرؤيا وتختلف معها نظرتنا وممكن كمان نحس بالزنب لتسرعنا بحكمنا يلي لو تروينا شوي كنا ممكن نشوف كتير نواحي ايجابيه ،،، وهاد يلي صار مع الصبايا ياترى شو صار ،،خلونا نشوف سوى ونتابع قصتنا بعد ما اجتمعوا الصبايا ع وجبة العشا كانت كل وحده منهم حاطه عيونها بصحنها وبتقلب بالاكل بمعلقتها وكأنهم فاقدين شي عزيز عليهم سندس : ليش هيك صار قدر : ماعم صدق انن عطا وعوض يطلع منهم كل هالشي ازهار : بس بتعرفوا شو انا كتير مفتقديتهم شيرين : وانا كمان جود : حاسه البيت ماعاد فيه روح من بعد ماراحوا 😭 شافيره : شبك انتي وياها شهيره وبهيره ققصدي عطا وعوض خانو ثقتنا فيهم واستغفلونا سندس : يمكن انجبروا يعملوا هيك وماكان بنيتهم شي مو منيح قدر : فعلا وانا من رأي سندس شافيره : فضوها سيره عطا وعوض غلطوا ولازم يتحملو نتيجة غلطهم بيطلعوا سندس وقدر ببعض وهنه حاسين بقلوبهم عم تنفطر وفجأه بيرن جرس الباب ازهار : معقول رجعوا!!! شيرين : انا رح افتح

العضوة: 275918 , منذ 4 سنوات

قامت شيرين تركض عالباب وعيون الكل وراها كانو متوقعين يلاقوا عطا وعوض راجعين بس خاب املهم وقت انفتح الباب وطلت نهى نهى : مفاااااااااجأه كيفككككم يابنااااات شيرين : لك اهلييين ياضرسانه هيك بتروحي وبتقولي عدولي نهى : اي بكرى بتتجوزي وبتعرفي انك بعد الجيزه مابتعودي تموني عالهدمه يالي لابستيها ،،، شيرين : ههههه قولتك بلا من هالشغله اساسا فاتت نهى والتموا الكل حواليها سندس : لك والله الك وحشه نهى ازهار : رافعه راسنا بالمطبخ ولا جوزك المسكين مقضيها عالنواشف والاندومي نهى : ههههه حيلكم عليي خلوني اخد نفس ورح جاوب عكل اسألتكم ،،، واطلعت حواليها بتعجب نهى : صحيح وينن شهيره وبهيره كتيررر مشتاقه الهم غابت الضحكه عن وجوه البنات وصاروا يطلعوا ببعض لترجع نهى تسأل بقلق نهى : خير ياجماعه شبكم انخطف لونكم شهيره وبهيره صرلن شي لاسمح الله شافيره : قصدك عطا وعوض نهى : لا انا عم بسأل عن شهيره وبهيره شو خص عطا وعوض تنهدت شافيره وحطت ايدها ع كتف نهى شافيره : اقعدي لخبرك كلشي صار *╚══════ღღ══════╝ كانو شاردين وكل واحد بدنيا لما سمعو صوت ضحك بنت وصهصلة .. نبزو راسهن تنيناتهن واتطلعو ببعض .. عطا: العما سامع متل ما انا سامع؟ عوض: اي ..يمكن الحجي عندو حدا عطا: ياشقي مين فِيَھ عندك؟