ﻗﺼﻪ ﺣﻘﻴﻘﻴﻪ ﻟﻔﺘﺎﺓ ﻣﺘﺤﺮﺭﻩ ﻳﻨﻬﻰ ﻋﻠﻴﻬﺎ ﺍﺑﻦ ﻋﻤﻬﺎ ﻟﻴﻤﻨﻌﻬﺎ ﻣﻦ ﺍﻟﺰﻭﺍﺝ ﻣﻦ ﺣﺒﻴﺒﻬﺎ .. ﻳﺎ ﺗﺮﻯ ﻛﻴﻒ ﺳﺘﺘﺼﺮﻑ .. ﻭﻛﻴﻒ ﺳﺘﺨﻠﺺ ﻧﻔﺴﻬﺎ ﻣﻦ ﻫﺬﻩ ﺍﻟﻮﺭﻃﻪ ﻓــــــﻲ ﻧﻬﻮﺓ ﺣﺎﺭﺙ ﺍﻟﻨﻬﻮﻩ .. ﻫﻲ ﻋﺎﺩﻩ ﻋﺸﺎﺋﺮﻳﻪ ﻋﺮﺍﻗﻴﻪ .. ﺗﺘﻴﺢ ﻟﻠﺮﺟﻞ ﻣﻨﻊ ﺑﻨﺖ ﻋﻤﻪ ﻣﻦ ﺍﻟﺰﻭﺍﺝ ﻃﻮﺍﻝ ﺍﻟﺤﻴﺎﺓ ﻭﺍﻥ ﻛﺎﻥ ﻻ ﻳﺮﻳﺪ ﺍﻟﺰﻭﺍﺝ ﻣﻨﻬﺎ .. ﺍﺣﻴﺎﻧﺎ ﻳﺪﺧﻞ ﺍﻟﺤﺐ ﻗﻠﺒﻚ .. ﺑﺪﻭﻥ ﺍﻥ ﺗﻌﻠﻢ ﺑﻮﺟﻮﺩﻩ .. ﻫﻜﺬﺍ ﻳﺪﺧﻞ ﺑﺪﻭﻥ ﺍﺳﺘﺄﺫﺍﻥ ﺍﻭ ﺗﻔﻜﻴﺮ .. ﺳﻬﻼ ﺟﺪﺍ .. ﻳﺨﺘﺮﻕ ﻗﻠﺒﻚ .. ﻣﻦ ﻧﻀﺮﻩ .. ﻣﻦ ﻛﻠﻤﻪ .. ﻣﻦ ﻣﻮﻗﻒ .. ﻓـ ﺗﻘﻒ ﺣﺎﺋﺮﺍ .. ﻣﺎﺫﺍ ﺍﻓﻌﻞ .. ﻭﻫﻞ ﺍﻟﻤﻌﺸﻮﻕ ﺳﻴﺘﻘﺒﻞ ﻫﺬﺍ ﺍﻟﺤﺐ ﻭﻳﻘﺪﺭﻩ .. ﺍﻥ ﻛﺎﻥ ﺗﻘﺒﻠﻨﻲ .. ﻓﻚ ﺧﻴﺮﺍ .. ﻭﺍﻥ ﻛﺎﻥ ﻻ .. ﻭﺍﻱ ﻻ ﻓﻲ ﻗﺎﻣﻮﺳﻲ !!.. .. ﺍﻧــﺎ ﺣﺎﺭﺙ .. " ﺍﻧﺎ ﺍﺭﺩﺕ ﺷﻲﺀ ﻓﻤﺄﺧﺬﻩ ﺍﻛﻴﺪ .. ﺍﻧﺎ ﺍﺑﻦ ﺍﻟﻤﺠﻠﺲ ﻭﺍﻟﺪﻳﻮﺍﻥ .. ﺍﻧﺎ ﺍﺑﻦ ﺩﻟﺔ ﻭﺍﻟﻔﻨﺠﺎﻥ .. ﺍﻧﺎ ﺍﺑﻦ ﺍﻟﻨﻬﺮ .. ﺍﻧﺎ ﺍﺑﻦ ﺩﺟﻠﻪ .. ﺍﻧﺎ ﺍﺑﻦ ﺍﻟﻔﺮﺍﺕ .. ﺍﻧﺎ ﺍﺑﻦ ﺗﻠﻚ ﺍﻻﺭﺽ ﺍﻟﻄﻴﺒﻪ .. ﺍﻧﺎ ﺍﺑﻦ ﺍﻟﻌﺮﺍﻕ .. ﺍﻧﺎ ﺍﺑﻦ ﺫﻱ ﻗﺎﺭ .. ﺍﻧﺎ ﺣﺎﺭﺙ .. ﺣﺎﺭﺙ ﻣﺤﻤﺪ ﺳﺪﺧﺎﻥ .. ﻣﻦ ﻣﻮﺍﻟﻴﺪ ..1975 ﻣﻦ ﺍﻫﺎﻟﻲ ﺍﻟﻨﺎﺻﺮﻳﻪ .. ﻋﻤﻠﻲ ﺷﺮﻃﻲ .. ﻣﻼﺯﻡ ﺍﻭﻝ .. ﻣﻼﺯﻡ ﺍﻭﻝ ﻓﻲ ﺯﻣﻦ ﺍﻟﻨﻈﺎﻡ ﺍﻟﺴﺎﺑﻖ .. ﻭﻗﺖ ﺍﻟﻠﻲ ﻛﺎﻥ ﺍﻟﺸﺮﻃﻲ ﻟﻮ ﻣﺮ .. ﺍﻟﻜﻞ ﺗﺎﺧﺬﻫﺎ ﺍﻟﺮﻫﺒﻪ .. ﺍﺣﺪﺛﻜﻢ ﻋﻦ ﻧﻔﺴﻲ .. ﺍﻧﻲ ﺍﻟﻮﺣﻴﺪ ﻻﺑﻮﻱ .. ﻋﻨﺪﻱ 8 ﺧﻮﺍﺕ .. ﻣﺎ ﺷﺎﻟﻠﻪ ﻫﻬﻬﻪ .. 3 ﺧﻮﺍﺕ ﺍﻛﺒﺮ ﻣﻨﻲ .. ﻭﺍﻧﻲ ﺑﻌﺪﻫﻢ ﺍﺑﻮﻱ ﺟﺒﻴﺮ ﺍﻫﻠﻪ .. ﻭﺟﺎﻥ ﻳﺘﻤﻨﻰ ﺍﻟﻮﻟﺪ .. ﻭﻣﻦ ﺻﺮﺕ ﻋﻨﺪﻩ ﺑﻌﺪ ﺍﻝ 3 ﺑﻨﺎﺕ .. ﺻﺮﺕ ﺍﻧﻲ ﺍﻻﻭﻝ ﻭﺍﻟﺨﻴﺮ ﻋﻨﺪﻩ .. ﻛﻠﻤﺘﻲ ﻣﺎ ﺗﻨﺰﻝ ﺍﻟﻜﺎﻉ .. ﻭﺍﻣﺮﻱ ﻣﻄﺎﻉ ﻋﻞ ﺍﻟﺠﺒﻴﺮ ﻭﺍﻟﺼﻐﻴﺮ ﻣﻦ ﻛﺪ ﻣﺎ ﺟﺎﻥ ﻳﺤﺒﻨﻲ .. ﺟﺎﻥ ﻳﺎﺧﺬﻧﻲ ﻭﻳﺎﻩ ﺑﻜﻞ ﻣﺠﻠﺲ ﺍﻭ ﺩﻳﻮﺍﻥ .. ﻭﻣﺮﺍﺕ ﻣﻦ ﻳﺘﻌﻘﺪ ﺍﻟﺤﻜﻢ .. ﺟﺎﻥ ﺍﺑﻮﻱ .. ﻳﻜﻠﻲ ﺣﻠﻬﺎ ﻳﺒﻮﻱ .. ﻭﻳﺨﻴﺮﻧﻲ ﺧﻴﺎﺭﻳﻦ .. ﻣﻨﻮ ﺍﻻﺻﺢ .. ﻭﺟﻨﺖ ﺍﻻﺧﺘﺎﺭﻩ ﻳﻤﺸﻲ .. ﻟﺬﻟﻚ ﺍﻟﻌﺸﺎﺋﺮ ﻭﺍﻟﺸﻴﻮﺥ ﻛﻠﻬﺎ ﻋﺮﻓﺘﻨﻲ ﻭﺍﺑﻮﻱ ﺯﺭﻉ ﺍﻟﻲ ﻫﻴﺒﻪ ﺑﻌﻴﻮﻥ ﺍﻟﻨﺎﺱ ﻣﻦ ﺍﻧﻪ ﻭﺻﻐﻴﺮ .. ﺟﻨﺖ ﺍﺩﺭﺱ ﻭﺟﺎﻥ ﻣﻮﻓﺮﻟﻲ ﺷﻨﻮ ﺍﺣﺘﺎﺝ .. ﺧﻼﻑ ﺧﻮﺍﺗﻲ ﺍﻟﻠﻲ ﺧﻠﺼﻮ ﺍﻟﺴﺎﺩﺱ ﻭﻛﻌﺪﻥ .. ﻣﻤﻨﻮﻉ ﺍﻟﺪﺭﺍﺳﻪ ﻋﺪﻧﻪ ﻟﻠﺒﻨﻴﻪ .. ﻋﻴﺐ .. ﻳﻜﻔﻴﻬﺎ ﺗﺘﻌﻠﻢ ﻗﺮﺍﻳﻪ ﻭﻛﺘﺎﺑﻪ .. ﺷﻮﻱ ﺧﻞ ﺍﺳﻮﻟﻔﻠﻜﻢ ﻋﻠﻰ ﺟﺪﻱ ﻭﺍﻋﻤﺎﻣﻲ ﺟﺪﻱ ﺟﺎﻥ ﻣﻮ ﺷﻴﺦ ﻭﺍﻧﻤﺎ ﺟﺒﻴﺮ ﻋﻤﺎﻣﻪ .. ﻛﻠﻤﺘﻪ ﻣﺴﻤﻮﻋﻪ .. ﻭﺍﻟﻨﺎﺱ ﺗﺮﻳﺪ ﺧﺎﻃﺮﻩ .. ﻭﻳﻦ ﻣﻴﺮﻭﺡ ﻳﻨﻄﻮﻩ ﻣﺮﻩ ﻣﺘﺰﻭﺝ 7 ﻧﺴﻮﺍﻥ .. ﺭﺍﺡ ﺗﻜﻮﻟﻮﻥ ﺣﺮﺍﻡ .. ﻻ .. 3 ﻳﻌﺘﺒﺮﻭﻫﻦ ﻫﺪﺍﻳﻪ ﻭﻫﺒﺎﺕ .. ﻭ 4 ﻫﻮﻩ ﻣﺘﺰﻭﺟﻬﻢ .. ﺍﺗﺰﻭﺝ ﺍﻻﻭﻟﻰ .. ﺧﻠﻔﺖ ﻣﻨﻪ 6 ﺑﻨﺎﺕ .. ﺭﺟﻊ ﺗﺰﻭﺝ ﺍﻟﺜﺎﻧﻴﻪ .. ﺍﻟﻠﻲ ﻫﻴﻪ ﺣﺒﻮﺑﺘﻲ .. ﺍﻡ ﺍﺑﻮﻱ .. ﺧﻠﻔﺖ ﻟﺠﺪﻱ 4 ﻭﻟﺪ .. ﺍﻛﺒﺮﻫﻢ ﺍﺑﻮﻱ ﻣﻦ ﺑﻌﺪﻫﺎ ﺍﻧﻄﻮﻩ ﻣﺮﻩ ﻫﺪﻳﻪ .. ﺑﺲ ﻣﺎ ﻃﻮﻟﺖ ﻭﻣﺎﺗﺖ ﺑﺎﻟﻮﻻﺩﻩ .. ﺟﺎﺑﺖ ﺑﻨﻴﻪ .. ﻭﻣﺎﺗﺖ .. ﺭﺑﺘﻬﺎ ﺣﺒﻮﺑﺘﻲ .. ﻣﻦ ﺑﻌﺪﻫﺎ .. ﻫﻢ ﺍﻧﻄﻮﻩ ﻫﺪﻳﻪ ﺍﺗﺰﻭﺟﻬﺎ .. ﻭﺑﻘﺖ ﻋﻨﺪﻩ ﺑﺲ ﻣﺘﺨﻠﻒ .. ﻣﻦ ﺑﻌﺪﻫﺎ .. ﻧﺰﻝ ﻟﻠﻮﻻﻳﻪ .. ﻟﺒﻐﺪﺍﺩ .. ﺍﻧﻌﺠﺐ ﺑﻤﺮﻩ .. ﻣﺎﺕ ﻋﻠﻴﻬﺎ .. ﻳﺴﻮﻟﻔﻮﻧﻪ ﻋﻠﻴﻬﺎ .. ﺷﺎﻳﻠﻪ ﺣﺴﻦ .. ﺗﻜﺘﻞ 🔹🔸🥇🔹🔸 ﻣﺎﺭ ﻫﻮﻩ ﻭﺑﺎﻗﻲ ﻳﺒﺎﻭﻋﻠﻬﺎ ﻭﻫﻴﻪ ﺗﺒﺎﻭﻋﻠﻪ .. ﺻﺎﻳﺮ ﺍﻻﻋﺠﺎﺏ ﺑﻴﻨﺎﺗﻬﻢ .. ﻳﺴﻮﻟﻔﻮﻧﻪ ﻋﻠﻴﻪ .. ﺑﻘﻰ ﺑﺎﻟﻮﻻﻳﻪ ﻋﻠﻤﻮﺩﻫﺎ ﺷﻬﺮﻳﻦ .. ﻟﺤﺪ ﻣﺎ ﺍﺧﺬ ﻋﻤﺎﻣﻪ ﻭﺷﻴﻮﺥ ﻭﺭﺍﺡ ﺍﺗﺰﻭﺟﻬﺎ .. ﺭﻏﻢ ﻫﻴﻪ ﻣﻦ ﻏﻴﺮ ﻃﺎﺋﻔﻪ .. ﻭﺍﺑﻮ ﺟﺪﻱ ﺟﺎﻥ ﺭﺍﻓﺾ ﻳﺘﺰﻭﺝ ﻣﻦ ﺍﻟﻮﻻﻳﻪ ﺑﺲ ﺟﺪﻱ ﻭﻋﺸﻚ ﺍﻻ ﻳﺎﺧﺬﻫﺎ .. ﻛﻮﻟﻮ ﺍﺧﺬﻫﺎ .. ﻛﺎﻣﻦ ﺍﻟﻨﺴﻮﺍﻥ ﻳﻤﻮﺗﻦ ﻣﻨﻬﺎ .. ﻫﻴﻪ ﺑﻨﺖ ﻭﻻﻳﻪ ﻭﺗﻠﺒﺲ ﻣﺪﻟﻊ ﺑﺬﺍﻙ ﺍﻟﻮﻛﺖ ﻭﻣﺎ ﺗﻠﺒﺲ ﺍﻟﺸﻴﻠﻪ ‏( ﺍﻟﺤﺠﺎﺏ ‏) ﺑﺲ ﺍﻟﻌﺒﺎﻳﻪ .. ﺻﺎﺭﻥ ﺍﻟﻨﺴﻮﺍﻥ ﺍﻣﺎﻟﺦ ﻣﻦ ﻭﺭﺍﻫﺎ .. ﻳﻐﺎﺭﻥ ﻣﻨﻬﺎ ﻭﺟﺪﻱ ﻣﺎ ﻳﺮﻓﻀﻠﻬﺎ ﻃﻠﺐ ﺣﺒﻠﺖ ﻣﻨﻪ ﻭﺟﺎﺑﺖ ﻋﻤﻲ ﻳﺎﺳﻴﻦ .. ﺟﺎﻥ ﻫﺬﺍ ﺍﻟﻨﻔﺲ ﻋﻨﺪ ﺟﺪﻱ ﻻﻥ ﻳﺤﺐ ﺍﻣﻪ .. ﻟﻜﻦ ﻓﺪ ﻳﻮﻡ .. ﺩﺧﻞ ﺟﺪﻱ .. ﻭﻳﺎﻩ ﻣﺮﻩ ﻫﺪﻳﻪ .. ﻋﺎﺩ ﻣﺮﺗﻪ ﺍﻡ ﺍﻟﻮﻻﻳﻪ ﺗﺨﺒﻠﺖ ﺷﻠﻮﻥ ﺗﺘﺰﻭﺝ ﻋﻠﻴﻪ ﺍﻻ ﺗﺮﺟﻌﻬﺎ .. ﻭﻫﻮﻩ ﺭﻓﺾ .. ﻻﻥ ﻋﻴﺐ ﻋﺰﻟﻤﻪ ﻳﺮﺟﻊ ﺍﻟﻤﺮﻩ ﺑﻌﺪ ﻣﺎ ﺍﺧﺬﻫﺎ .. ﻭﺟﺪﻱ ﺟﺒﻴﺮ ﻋﻤﺎﻡ .. ﺣﺎﻭﻝ ﻭﻳﺎﻫﺎ .. ﻛﺎﻟﻬﺎ ﻣﺎ ﺍﺩﻧﺎﻟﻬﺎ .. ﻣﺎﻛﻮ ﺍﻻ ﺗﺮﺟﻌﻬﺎ .. ﻋﺎﺩ ﺟﺪﻱ ﻋﺎﻧﺪ ﻭﻛﺎﻟﻬﺎ ﺍﻟﻤﺮﻩ ﻣﺎ ﺗﻤﺸﻲ ﭼﻠﻤﺘﻬﺎ ﻋﻠﺰﻟﻤﻪ ﻭﺍﻧﻲ ﻗﺮﺭﺕ ﻭﺍﺧﺬﺗﻬﺎ ﺣﺒﻮﺑﺘﻲ ﺑﻨﺖ ﺍﻟﻮﻻﻳﻪ ﺷﻠﻮﻥ ﺗﻘﺒﻞ .. ﻟﻤﺖ ﻏﺮﺍﺿﻬﺎ .. ﻭﻛﺎﻟﺘﻠﻪ ﺗﺤﺮﻡ ﻋﻠﻴﻪ ﻋﻴﺸﺘﻚ ﺑﻌﺪ .. ﺣﺎﻭﻝ ﻭﻳﺎﻩ ﺭﺍﺩ .. ﻣﺎﻛﻮ ﻗﻔﻠﺖ .. ﺭﺟﻌﺖ ﻻﻫﻠﻬﺎ .. ﻭﻃﻠﺒﺖ ﺍﻟﻄﻼﻕ .. ﻭﺩﻭ ﺯﻟﻢ ﻭﺷﻴﻮﺥ ﻳﺮﺟﻌﻮﻫﺎ ﻣﺎﻗﺒﻠﺖ ﺍﻻ ﺗﻄﻠﻚ .. ﻋﺎﺩ ﺟﺪﻱ ﻃﻠﻜﻬﺎ ﺑﺲ ﺭﺍﺩ ﺍﺑﻨﻪ ﻳﺎﺳﻴﻦ .. ﻛﺎﻟﺘﻠﻪ ﻣﺎﻛﻮ ﻣﺎ ﺍﻧﻄﻴﻜﻴﺎﻩ .. ﻫﺬﺍ ﺍﺑﻨﻲ .. ﺍﺣﻨﻪ ﺑﻌﺎﺩﺍﺗﻨﺎ ﻣﺎﻛﻮ ﻃﻔﻞ ﻳﻀﻞ ﻻﻣﻪ .. ﺧﺎﺻﻪ ﺍﺫﺍ ﻭﻟﺪ ﻣﺮﺟﻌﻪ ﻟﻌﻤﺎﻣﻪ .. ﺻﺎﺭﺕ ﻛﻮﺍﻡ ﻭﻳﻪ ﺍﻫﻠﻬﺎ .. ﺍﻟﻰ ﺍﻥ ﺍﺩﺧﻞ ﺑﻴﻬﺎ ﺍﻟﻘﺎﻧﻮﻥ .. ﺳﻜﺘﻨﺎ .. ﺑﻌﺪ ﻣﺎ ﻛﺘﺒﺖ ﺗﻌﻬﺪ .. ﻟﻮ ﺗﺰﻭﺟﺖ ﻳﻨﺴﺤﺐ ﺍﻟﻄﻔﻞ ﻣﻨﻬﺎ .. ﻫﻴﻪ ﺑﻘﺖ ﻛﻞ ﺍﻟﺴﻨﻴﻦ ﻣﻤﺘﺰﻭﺟﻪ ﻓﻲ ﺳﺒﻴﻞ ﻻ ﺗﺘﺮﻙ ﺍﺑﻨﻬﺎ ﻣﻦ ﺑﻌﺪﻫﺎ ﺟﺪﻱ ﻫﻢ ﺍﺗﺰﻭﺝ .. ﻭﺻﺎﺭﻭ ﻋﻤﺎﻡ ﻋﻨﺪﻱ ﺧﻴﺮ ﻣﻦ ﺍﻟﻠﻪ .. ﻳﺴﺪﻭﻥ ﻋﻴﻦ ﺍﻟﺸﻤﺲ .. ﺟﺒﻴﺮﻫﻢ ﺍﺑﻮﻱ ﻣﻦ ﺷﺒﻴﺖ .. ﻭﺑﻴﻨﺖ ﻣﻼﻣﺢ ﺭﺟﻮﻟﺘﻲ .. ﺻﺮﺕ ﺍﻣﺸﻲ ﻭﻳﻪ ﺍﺑﻮﻱ ﺑﻜﻞ ﻗﻀﻴﻪ .. ﺭﻏﻢ ﺩﺭﺍﺳﺘﻲ .. ﺍﻧﻲ ﻃﻮﻳﻞ .. ﻃﻮﻟﻲ ﻳﺘﺮﺍﻭﺡ ﺑﻴﻦ ..185-182 ﻭﺻﺪﺭﻱ ﻋﺮﻳﺾ ﻭﺻﻮﺗﻲ ﺧﺸﻦ .. ﺷﻠﻮﻥ ﻣﻴﻜﻮﻟﻮﻥ ﺻﻮﺕ ﺟﻬﻮﺭﻱ .. ﺣﻨﺠﺮﺗﻲ ﻋﺎﻟﻴﻪ .. .. ﻭﺍﻟﺒﺲ ﺷﻤﺎﻍ .. ﻣﺎ ﺍﺗﻌﻜﻞ ﻣﻦ ﻣﺎﺕ ﺍﺑﻮﻱ .. ﺍﻧﻄﻮﻧﻲ ﺍﻟﻌﻜﺎﻝ ﻭﺍﺧﺬﺕ ﻣﻜﺎﻥ ﺍﺑﻮﻱ .. ﺍﻟﻲ ﻛﻠﻤﺘﻲ ﺑﻴﻦ ﻋﻤﺎﻣﻲ .. ﺭﻏﻢ ﺻﻐﺮ ﺳﻨﻲ .. ﻳﺴﺘﺸﺎﺭﻭﻧﻲ ﺗﺨﺮﺟﺖ ﻣﻦ ﻛﻠﻴﺔ ﺍﻟﺸﺮﻃﻪ .. ﻭﺻﺮﺕ ﻣﻼﺯﻡ ﺍﻭﻝ .. ﺯﺍﺩﺕ ﻫﻴﺒﺘﻲ .. ﺟﺎﻧﻮ ﻳﻨﻄﻮﻧﻲ ﻧﺴﻮﺍﻥ ﻫﻮﺍﺍﺍﺍﻱ ﺑﺲ ﺍﻧﻪ ﻣﺎ ﺍﺭﻳﺪ .. ﺣﻴﻞ ﺍﻛﺮﻩ ﺍﻟﻨﺴﻮﺍﻥ .. ﻣﻦ ﻛﺪ ﻣﺎ ﻋﺪﻧﻪ ﻧﺴﻮﺍﻥ .. ﻭﻣﺸﺎﻛﻞ ﺧﻮﺍﺗﻲ .. ﻳﻮﻣﻴﻪ ﻭﺣﺪﻩ ﺯﻋﻼﻧﻪ .. ﻟﻮ ﺭﺟﻠﻬﺎ ﻛﺎﺗﻠﻬﺎ ﻭﺍﻫﺪ ﻋﻠﻴﻪ ﻣﻠﻴﺖ ﺷﻲ ﺍﺳﻤﻪ ﻧﺴﻮﺍﻥ .. ﻭﺍﺫﺍ ﺭﺩﺕ ﺣﺎﺟﺘﻲ ﻛﺮﺟﻞ .. ﺍﻟﻒ ﻣﺮﻩ ﺗﺠﻲ ﺗﺸﻤﺮ ﺭﻭﺣﻬﺎ ﻛﺪﺍﻣﻲ .. ﻟﺬﻟﻚ ﻣﺎ ﺍﺣﺘﺎﺝ ﺍﻟﻤﺮﻩ ﺑﺤﻴﺎﺗﻲ ﺭﻏﻢ ﺍﻟﺤﺎﺡ ﺍﻟﻮﻟﺪﻩ .. ﻭﺗﺮﻳﺪ ﺗﺸﻮﻑ ﺟﻬﺎﻟﻲ ﺍﻧﻲ ﺭﺍﻓﺾ .. ﺟﻨﺖ ﺍﺷﺘﻐﻞ ﺑﻤﺮﻛﺰ .. ﻭﺍﻧﻲ ﺍﻵﻣﺮ ﺟﺎﻥ ﺍﻟﻲ ﻭﺣﺪﻩ ﺻﺪﻳﻘﻪ .. ﻫﻴﻪ ﻋﺎﻫﺮﻩ .. ﺑﺲ ﺍﻧﻪ ﺍﺣﺐ ﺳﻮﺍﻟﻔﻬﺎ .. ﺟﺎﻧﺖ ﺗﺠﻲ ﻣﻴﺘﻪ ﻋﻠﻴﻪ ﻭﺗﺘﻮﺳﻞ 🔸🔹🥇🔸🔹 ﻭﺑﻴﻮﻡ ﺍﻟﺨﻔﺎﺭﻩ .. ﺗﺒﺎﺕ ﻭﻳﺎﻱ .. ﻫﻬﻬﻬﻪ ﻃﺒﻌﺎ ﺳﻮﺍﻟﻔﻬﺎ .. ﺣﻠﻮﻩ .. ﻣﻮ ﺍﺣﺒﻬﺎ ﺑﺲ ﺍﺗﻮﻧﺲ ﻋﻠﻴﻬﺎ .. ﺍﺳﻤﻬﺎ ﺣﻨﺎﻥ .. ﺣﺎﺭﺙ .. ﻫﺎ ﺣﻨﺎﻥ .. ﺍﻟﻴﻮﻡ ﺑﻴﻨﺘﻲ ﺣﻨﺎﻥ .. ﻟﻴﺶ ﺍﻛﺪﺭ ﺍﻏﻴﺐ ﻋﻦ ﺣﺮﻭﺛﻲ ﺣﺎﺭﺙ .. ﺑﺪﻳﻨﻪ ﺑﺎﻟﺪﻟﻊ .. ﺣﻨﺎﻥ .. ﻳﻤﻌﻮﺩ ﺍﺣﺒﻚ ﻭﻛﺎﺗﻠﻪ ﺭﻭﺣﻲ ﻋﻠﻴﻚ .. ﻳﻌﻨﻲ ﺍﻟﺸﺮﻃﻪ ﻣﺎﻟﺘﻚ ﻭﺣﺘﻲ ﺍﻟﻀﺒﺎﻁ ﺍﻟﻜﺒﺎﺭ ﻳﺠﻮﻥ ﺍﻟﻨﻪ ﻟﻠﺒﻴﺖ ﻳﺘﻮﻧﺴﻮﻥ .. ﻭﺍﻧﺘﻪ ﻣﺘﺠﻲ ﻋﻮﺩ ﻟﻴﺶ ﺣﺎﺭﺙ .. ﺑﻌﻴﻨﻲ ﺍﺟﻲ .. ﺑﺲ ﻟﻮ ﺍﺟﻴﺖ ﺍﺭﻳﺪ ﻏﻴﺮﺝ ﻭﻏﻤﺰﺗﻠﻬﺎ ﺣﻨﺎﻥ .. ﻻ ﻻ ﻋﻴﻨﻲ ﻻ .. ﺍﺑﻘﻰ ﻫﻨﺎ .. ﻫﺎﻱ ﺯﻛﻴﻪ ﻟﻮ ﺷﺎﻓﺘﻚ .. ﺗﻜﺘﻠﻨﻲ ﻭﺗﺎﺧﺬﻙ .. ﺣﺎﺭﺙ .. ﻫﻬﻬﻬﻬﻬﻬﻬﻪ .. ﻻ ﺑﺲ ﺗﺮﻩ ﺑﻨﻔﺴﻲ ﺍﺟﻴﻜﻢ ﺣﻨﺎﻥ .. ﺍﻱ ﺗﻌﺎﻝ ﺑﺲ ﻣﻮ ﻭﻳﻪ ﺍﻟﺸﻠﻪ .. ﻻ ﻧﺎﺧﺬ ﻏﺮﻓﻪ ﻭﻋﻮﺩ ﺍﺭﻛﺼﻠﻚ ﻭﺣﺪﻱ .. ﺣﺎﺭﺙ .. ﻫﻬﻬﻬﻬﻪ ﺍﻧﺸﺎﻟﻠﻪ ﻳﻢ ﺍﻟﻌﻴﻮﻥ ﺍﻟﺤﻠﻮﻩ .. ﺣﻨﺎﻥ .. ﺍﺭﻭﺡ ﻋﻮﺩ ﺍﺗﺎﻧﻴﻚ ﻣﻮ ﻣﺘﺠﻲ ﺗﺮﻩ ﺍﺯﻋﻞ 😉 ﺣﺎﺭﺙ .. ﺧﺎﻳﺒﻪ ﻭﺯﻋﻠﺘﻬﻢ ... ﺣﻨﺎﻥ .. ﺑﺎﺍﺍﻱ ﺣﻴﺎﺗﻲ .. ﻭﺑﺴﺘﻪ ﺑﺨﺪﻩ .. ﺗﺠﻴﻨﻲ ﻣـ ℳO ــﻮ ﺣﺎﺭﺙ .. ﺍﻧﺸﺎﻟﻠﻪ .. ﺣﻨﺎﻥ .. ﻭﻋﺪ ﺣﺎﺭﺙ .. ﺩﺭﻭﺣﻲ ﻛﻠﺖ ﺍﻧﺸﺎﻟﻠﻪ .. ﻭﺍﻋﺪﺗﻬﺎ .. ﺑﺲ ﺍﺟﺎﻧﻲ ﺧﺒﺮ ﺍﻟﻴﻮﻡ ﻋﻨﺪﻱ ﺧﻔﺎﺭﻩ .. ﻭﻣﺮﺍﺡ ﻧﻨﺰﻝ ﻟﺬﻟﻚ ﺑﻘﻴﺖ ﺣﻨﺎﻥ ﻋﺒﺎﻟﻬﺎ ﺍﺭﻭﺣﻠﻬﻢ .. ﻫﻤﻪ ﻋﺒﺎﺭﻩ ﻋﻦ ﺑﻴﺖ ﻫﻮﻯ .. ﻳﻌﻨﻲ ﺩﻙ ﻭﺭﻛﺺ ﻭﻋﻬﺮ .. ﻭﺍﻧﻲ ﻣﻮ ﻛﻞ ﺍﻻﺣﻴﺎﻥ ﺍﺭﻭﺡ ﻻﻥ ﻳﺸﺮﺑﻮﻥ .. ﻭﺍﻟﺪﻱ ﻣﺮﻩ ﺷﺎﻓﺘﻲ ﺳﻜﺮﺍﻥ ﻭﺯﻋﻞ ﻋﻠﻴﻪ ﺣﻴﻞ .. ﻭﻛﺎﻝ ﻟﻮ ﺳﻜﺮﺕ ﻣﺮﻩ ﺛﺎﻧﻴﻪ ﺍﻧﻲ ﺍﺗﺒﺮﻩ ﻣﻨﻚ ﺣﺘﻰ ﻟﻮ ﺟﻨﺖ ﺑﻜﺒﺮﻱ ﻓﺘﺮﻛﺖ ﺍﻟﺸﺮﺏ ﺍﺑﺪ ﻣﺎ ﺍﺗﻘﺮﺑﻠﻪ ﻭﻻ ﺍﻣﺴﻪ .. ﺣﺘﻰ ﻻ ﺍﺯﻋﻞ ﻭﺍﻟﺪﻱ ﺑﻜﺒﺮﻩ .. ﺑﻘﻴﺖ ﻟﻞ 10 ﻭﻧﺺ .. ﺍﺷﺘﻐﻞ .. ﺍﺟﺘﻨﻪ ﺍﻟﺮﻭﺍﺗﺐ .. ﺍﺧﺬﺕ ﺭﺍﺗﺒﻲ .. ﺩﺧﻠﺖ ﻋﻠﻴﻪ ﻭﺣﺪﻩ .. ﻛﺎﻟﺖ ﻟﻮ ﺑﺘﺖ ﻋﻨﺪﻙ ﺍﻟﻲ ﺣﺼﻪ ﻣﻦ ﺭﺍﺗﺒﻚ .. ﺿﺤﻜﺖ ﻛﺘﻠﻬﺎ ﺍﻱ ﺍﻟﺞ .. ﺍﺟﺖ ﺧﻠﺼﺖ ﺍﻟﻠﻴﻠﻪ ﻳﻤﻲ .. ﺍﻟﺼﺒﺢ ﺍﺟﺘﻨﻲ ﺣﻨﺎﻥ ﻋﻴﻮﻧﻬﺎ ﺩﻡ .. ﺷﻠﻮﻥ ﺑﺘﺖ ﻳﻢ ﺫﻳﺞ ﻛﺘﻠﻬﺎ ﻭﺷﻤﺪﺭﻳﺞ .. ﻛﺎﻟﺖ ﺍﺟﺘﻲ ﺍﻟﻜﻠﺒﻪ ﻛﻠﺘﻠﻲ .. ﻛﺘﻠﻬﺎ ﺍﻱ ﻭﺍﻟﻤﻄﻠﻮﺏ .. ﻛﺎﻟﺖ ﺍﻧﺘﻪ ﺑﺲ ﺍﻟﻲ .. ﺿﺤﻜﺖ ﻛﺘﻠﻬﺎ ﺻﺪﻙ .. ﺑﻘﺖ ﺗﺒﺠﻲ ﻭﺗﻜﻠﻲ ﺍﻧﻪ ﺍﺣﺒﻚ ﻻ ﺗﻌﻮﻓﻨﻲ .. ﻛﺘﻠﻬﺎ ﺷﺘﺮﺩﻳﻦ ﻣﻨﻲ .. ﻣﺘﻮﻗﻌﻪ ﻣﻨﻲ ﺍﺣﺒﺞ ﻟﻮ ﺷﻨﻮ ﻛﺎﻟﺖ ﻻ ﻣﺎ ﻣﺘﻮﻗﻌﻪ ﻣﻨﻚ ﺣﺐ ﺑﺲ ﺍﺫﺍ ﺗﺮﻳﺪ .. ﻻ ﺗﺨﺘﺎﺭ ﻏﻴﺮﻱ .. ﻛﺘﻠﻬﺎ ﺍﻧﺸﺎﻟﻠﻪ ﺭﻭﺣﻲ ﻫﺴﻪ .. ﻣﻮﺣﺘﻰ ﺳﻤﻌﺘﻲ ﺻﺎﺭﺕ ﺯﻓﺖ ﻣﻦ ﻛﺪ ﻣﺎ ﺍﻃﺒﻦ ﻋﻠﻴﻪ .. ﺭﺍﺣﺖ ﻭﺍﻧﻲ ﻛﻤﺖ ﺍﺷﺘﻐﻞ .. ﻟﻠﻀﻬﺮ ﻛﻤﻠﺖ ﻭﺭﺟﻌﺖ ﻟﻠﺒﻴﺖ ﺑﻴﺖ ﺍﺑﻮﻱ ﺟﺒﻴﺮ ﻛﻠﺶ ﺑﺲ ﻋﺒﺎﺭﻩ ﻋﻦ ﻧﺴﻮﺍﻥ .. ﺑﺲ ﺍﻧﻲ ﺯﻟﻤﻪ ﺑﺎﻟﺒﻴﺖ .. ﻭﺍﺑﻦ ﺍﺧﺘﻲ ﺍﻻﺭﻣﻠﻪ .. ﺑﺲ ﺯﻏﻴﺮ ﺧﻮﺍﺗﻲ ..8 ﺭﺟﺎﺀ ﺍﻟﺠﺒﻴﺮﻩ .. ﻣﺘﺰﻭﺟﻪ ﻭﺍﺣﺒﻬﺎ ﻭﺍﺣﺘﺮﻣﻬﺎ ﻭﺍﻟﺮﺃﻱ ﺍﺧﺬﻩ ﻣﻨﻬﺎ ﺍﺑﺘﺴﺎﻡ ﺍﺧﺘﻲ ﺍﻻﺭﻣﻠﻪ .. ﺯﻭﺟﻬﺎ ﻛﺘﻠﻮﻩ ﻻﻥ ﺟﺎﻥ ﻳﺪﻭﺭ ﺳﻴﺎﺳﻪ .. ﺍﺣﻼﻡ ﺍﺧﺘﻲ ﻫﻢ ﻣﺘﺰﻭﺟﻪ .. ﺑﺲ ﺑﻨﻔﺲ ﺍﻟﻔﺮﻉ ﻣﺎﻟﺘﻨﻪ 🔹🔸🥇🔹🔸 ﺍﻛﻠﻬﺎ ﻭﺷﺮﺑﻬﺎ ﻳﻤﻨﻪ ﻫﻴﻪ ﻭﺟﻬﺎﻟﻬﺎ .. ﺑﺲ ﻧﻮﻣﺘﻬﺎ ﻫﻨﺎﻙ ﺍﺑﻴﺖ ﺭﺟﻠﻬﺎ .. ﻫﻬﻬﻬﻬﻪ ﻣﺼﻴﺒﻪ ﺍﻧﻲ ﺑﻌﺪ ﺍﺣﻼﻡ .. ﺭﺳﺎﻟﻪ ﺍﺧﺘﻲ ﻭﺭﺍﻱ ﻣﻄﻠﻘﻪ .. ﻭﻋﺪﻫﺎ ﺛﻨﻴﻦ ﺑﻨﺎﺕ ﻭﺧﻮﺍﺗﻲ ﺍﻟﺒﺎﻗﻴﺎﺕ ﻫﻨﺎﺀ ﻭﺟﻤﻴﻠﻪ .. ﻣﻤﺘﺰﻭﺟﺎﺕ ﺣﻴﻞ ﺍﺣﺐ ﺧﻮﺍﺗﻲ .. ﻭﺍﻧﻐﺚ ﻟﻮ ﻭﺍﺣﺪ ﻣﺴﻬﻦ ﺑﻜﻠﻤﻪ .. ﺭﺟﻞ ﺍﺧﺘﻲ ﺭﺳﺎﻟﻪ .. ﺟﺎﻥ ﻳﻀﺮﺑﻬﺎ ﻭﺍﻧﻲ ﻣﺎ ﺍﺩﺭﻱ ﻭﺑﻴﻮﻡ ﺍﻟﺪﺭﻳﺖ ﺿﺎﺭﺑﻬﺎ .. ﺍﺧﺬﺕ ﺳﻼﺣﻲ ﻭﺭﺣﺖ ﻋﻠﻴﻪ .. ﻭﻛﻔﻮ ﺑﻮﺟﻬﻲ ﻭﻣﺎ ﻛﺘﻠﺘﻪ .. ﺑﺲ ﺑﺮﺷﺎﺷﺘﻲ .. ﺿﺮﺑﺘﻪ ﻋﻠﻰ ﺭﺍﺳﻪ ﺧﻠﻴﺖ ﺍﻟﺪﻡ ﺑﻄﻮﻟﻪ ﻭﺷﺤﺪﻩ ﺍﻟﻴﻄﻠﻊ ﻭﺭﺍﻩ .. ﺍﻟﻌﺸﺎﻳﺮ ﻛﻠﻬﺎ ﻭﺭﺍﻱ .. ﻭﺍﻟﻘﺎﻧﻮﻥ ﺑﻀﻬﺮﻱ .. ﻓﻤﺎ ﻛﺪﺭﻭ ﻳﺤﺠﻮﻥ ﻭﻳﺎﻱ ﻣﺮﻩ ﺟﺎﻥ ﻋﻨﺪﻱ ﻭﺍﺟﺐ ﺍﺑﻐﺪﺍﺩ .. ﺍﺑﻐﺪﺍﺩ ﻣﺎ ﻋﺪﻧﻪ ﺍﻗﺎﺭﺏ ﻏﻴﺮ ﺑﻴﺖ ﻋﻤﻲ ﻳﺎﺳﻴﻦ .. ﺧﻮﺵ ﺭﺟﺎﻝ ﻭﺍﺳﺘﺎﺫ ﺟﺎﻣﻌﻲ .. ﻟﻜﻦ ﺑﻌﻴﺪ ﻋﻨﻪ ﻭﻋﻦ ﻋﻤﺎﻣﻲ .. ﻣﺎ ﺍﻟﻪ ﺍﺧﺘﻼﻁ ﺑﻴﻨﺎ .. ﺑﺲ ﺑﻔﻮﺍﺗﺤﻨﺎ .. ﺍﻭ ﺑﻔﺼﻮﻟﻨﻪ ﻧﺨﺒﺮﻩ .. ﻣﺮﺍﺕ ﻳﺠﻲ ﻭﻣﺮﺍﺕ ﻻ .. ﻭﺍﺧﺬ ﻃﺒﻴﻌﺔ ﺍﻫﻞ ﺑﻐﺪﺍﺩ .. ﻣﺮﺍﺑﻲ ﻣﺜﻠﻨﻪ ﻋﻠﻰ ﺩﻟﺔ ﻭﺩﻳﻮﺍﻥ