اني زوجي من نوع يتزعل المهم قبل ٣ اسابيع حتى ماعرف ع شنو زعل المهم بعدها ثكل وماكو لا سالفه كلام ضحكة شي رسمي جداً حاولت احجي ويا كال اني مطايقج بعدها راح نام بلصاله عفته ..ف قبل شوية يحجي ويا امه يكوللها لو عدها كرامة متضل هنا وماانطيها الاطفال يعني ديسمعني مستعد اقتلها وافوت سجن وماانطيها اطفال واحنه اذا مو هسه بعدين نطلق، بعدها ضجت وانقهرت كتله انت مو رجال انت ذكر ف ضربني كتله ي ذكر والحيوان ذكر لو رجال مترفع ايدك ع مره ….. اني والدي بلمستشفى جان يخابره ويحجي المشكلة كلامه مو صح ويحلف معقولة الخلل بيه لو هيج يتهيئ له هيج مدافتهم … ١-يكوله تعوف الاطفال عليه وصخين وجوعانين وتفوت تتحمم للساعتين اني مستحيل اسويها !! صح افوت اتحمم بس اكون مشبعتهم ومنضفتهم ٢- مرات ابني يتعبني وانادي ميجي اني اكله تعال او اجيك اضربك يعني بس كلام هو يكول لا انتي تكولين اخبلك يعني تقصديني ويحلف ٣- هو الاربعاء كلي روحي لهذا المكان جيبي اوراق ف جانو مسكرين جبتهم الخميس يكول لا اني كتلج لاربعاء وانتي تعرفين مفتحين وشلون تطلعين ومتكولين الي