مرحبا بنات انا متزوجة لي ٤ سنوات زوجي مدخن وقبلت عشان ابوي مدخن ومابدر منه شيء يسيء لنا او يضايقنا على العكس مع زوجي انصدمت وماتوقعت ان التدخين ممكن يوصل لهالمرحلة، والله يابنات اني بهذي السنوات بس اختبره واراقبه لاني شاكه انه يشرب شيء غير الدخان ولانه بيتوتي عجزت اعرف السبب مايطلع ولايروح ولايجي بس يظهر لي كأنه سكران حرفيا في بعض الليالي!!! لين بديت اراقب مراقبة مكثفة واللي لاحظته مجرد مايوصل باكت ونص الى باكتين يضرب حهازه العصبي ويصير مايتوازن بمشيته ونظراته وكأنه دايخ وشارب مسكر 💔 المشكلة في هذي الحالة تصير كل مشاكلنا يصير يتلفظ وقاسي ومزعج ومؤذي ما اطيقه اما في بداية اليوم وهو لسى مادخن كثير يتصرف طبيعي ويكون عادي ورايق وغير مؤذي قريت عن تسمم النيكوتين مادري هو السبب او لا الي هو لما يكون فيه جرعة زايدة يتأثر الشخص وشبه يغيب وعيه هل واجهتوا مثلي؟ ماحسيتوا المدخن من كثرة التدخين يغيب وعيه بس مو كليا لا شي بسيط تحسيه مو صاحي؟؟ تعبني التفكير وتعبتني العيشه معه وصارحته كثير وتهاوشنا على هذي المشكله كثير ياليته يدخن ويبقى وعيه معه احيانا احس اني جالسة مع شخص سكران اللهم عافهم جميعا ولا تبلانا عجزت اصبر يارب تصبرني وتعصمه عنه وتكفيه شره وكل مدخن💔💔