اهلا بنات كيفكم .. انا حصلت البارح مشكله بيني وبين زوجي وسببها تافه بس هو حاب يكبرها .. انا عندي طفلين وحامل بالثالث الله يرزق كل من يتمنى البدايه زوجي له فتره طويييله لما يجلس معنا بس على الجوال من سنابشات الى تيكتوك وهذا وضعه حتى على الاكل يتابع مايقدر يبعد عينه ابدا ولما اطلب منه يجلس معنا قال اسولف في ايش ؟؟ ولما اسولف معه يناظر فيني وفي الجوال يعني بسرعه قفلي السالفه بكمل متابعه تعبت ،وانا اطفالي مع بعض نسولف نصحك وناكل وتحدث مشاكل بسيطه من الاطفال يكب الاكل وانظف يحوس وارتب وزوجي لامبااااله تعبت منه فوق انه مايسولف مايعطي حياه في البيت مافيه معاونه مساعده ،،ولما اروح المطبخ يلحقني طفلي الصغير واسكر الباب مابي يدخل معاي ويبكي عند الباب وزوجي والله العظيم بالصاله مافكر ياخذه وجلست اربع دقايق وبعدها طلعت لطفلي قلت لزوجي بكل هدوء امانه ماتسمع يبكي قال لا احسبك عنده قلت طيب ونادى الطفل وراحت له وانا دخلت اكمل شغلي ومقهورره منه جماد ، المهم دخلت المطبخ ابكي ودخل علي يهاوشني وبعده قلت جوالك هذا يارب يحترق لان وجودك بالبيت مثل عدمك فوق الحكره اللي عايشينها الا اني انا جليسة الاطفال وطباخه ومربيه وعامله منزل واراعي الحمل ومش مهتم انت ومد يده على وجهي ومسكه ويصارخ علي ونزلت يده وتهاوشنا ولأول مره اعلي صوتي واصارخ عليه لانه مسكني مع رقبتي وفتحت الخزانه وطلعت السكين ووجهتها عليه ،، لاتقولون ليش سويتي كذا بس انفجججرررت ،، قلت الله ياخذ الساعه اللي عرفتني عليك وتزوجتك،، هو خاف وفكني وطلع وانا انهرت بكي ارجفف واشهق واكمل شغل حسبي الله عليه ،، وبعدها خرج ،، انا في منطقه بعيده عن اهلي قرابة الف كيلو بيننا ،، حالتنا الماديه سيئه ومن سوء الى اسوء ،، لما اقول اشتغل مع اخوك او ادخل اوبر كريم او ادخل سوق الخضار يرفض ،، يبي احد يعطيه خمسين الف على شان يبدا يشتغل لنا الان عشر سنوات متزوجين الحال بالبدايه مو مثل الحين ،، ناقصني اشياء كثير في حياتي يمر شتاء وصيف وملابسي هي ملابسي ما اشتري رأفه بحالنا المهم المطبخ واطفالي ، المناسبات تركتها بسبب كذا ،، القطات في حفلات اهلي ما ادخلها او اخوي يدفع عني وهو مايعرف،، يجيني مبالغ من اهلي واحولها له مع الراتب يمشي حالنا لنهاية الشهر يرفض ثم يوافق واشياء كثييير ماذكرتها ،؟وفوق هذا كله يقول انتي سبب فقري حسبي الله ونعم الوكيل ، انصفوني احتاج حل لان طفح الكيل