كالعاده .. رائد عم يقلب محطات التلفيزون و انا قاعده قبالو كأني حيط من هالحيطان .. امشي قدامو من هون .. قلو عجبك علي الفستان الجديد من هون .. ما في اي ردة فعل .. لوقت ما طلعت اغنية نانسي عجرم بوشو
حط الجهاز من ايدو .. و خرج عن صمتو .. ويا ريتو ضل مخروس وما حكى هالكلمتين الي بيهزو البدن
رائد : يا عمي ولك هي النسوااااااااااااااان .. هي النسواااان .. جيم و خلقة حلوة .. وغنج ودلع .. انا بس بدي افهم ليش ما في حوالينا هيك نسوان ؟ .. يعني من هالنمرة هي
ضليت ساكته و ما رديت عليه وعملت حالي ما سمعت اصلاً ..
خلصت غنية بطيخه عجرم وطلعت اغنية مايا دياب
ورجع غرد وسمعني صوتو الحلو
رائد : ولي على طولي شو هالجسم ؟ متل الباربي دخيل الله ..
قمت من مكاني لفوت على غرفتي وانا حاسة ضغطي ارتفع من حكيو ..
العضوة: 378864 , منذ 4 سنوات
عن ازنك ميرنا : ايه غير مره مع السلامة و فجأة سمعت صوت عطسة من جوا .. كانت عطسة رجولية !! رجعت خطوتين لورا : عندك حدا كأنو ؟ ميرنا صارت تتأتأ : انا ؟ لا .. ليش ؟ غادة : ما بعرف تهيألي انو سمعت صوت عطسة هههههههه جد انا ازا ما بشرب قهوة الصبح بصير اتخيل شغلات غريبة ميرنا : ههههههههههههه غادة : ههههههههههههه ميرنا : ههههههههههههه غادة : ههه .. يا لكن لروح انا ميرنا : ايه يلا غادة : ايه يلا باي ميرنا : باي غادة : باي ميرنا ابتسمت بمعنى يلا خلصينا : اوكي بااااااااااااااااي غادة : هههه سوري ما شربت قهوة ميرنا : عادي حياتي عادي غادة : باي ههههه طرقت الباب بوشي فوراً و انا بلش الفار يلعب بعبي... المرا مو مزبوطة... اكيدعندها حدا... فتت على بيتي و طرقت باب الشقه بقوة لتسمعو ميرنا... بعد نص ساعه رجعت فتحتو شوي شوي... ومشيت على روس اصابعي... و حطيت ادني على باب شقتها #يتبعالعضوة: 378864 , منذ 4 سنوات
#زوجي_ليس_رجل_بقلم_مال_الشام الجزء الخامس سمعت ضحكة ميرنا كانت تضحك متل الفلتانات غادة : ايوووه .. انا ماني غلطانة سمعت صوت عطسة من جوا ... يا عيب الشوووووم و رجعت عالبيت وقفلت الباب غادة : انو هالمخلوقه ما رح تتوب لتندبح ؟ العمى والله رح تجيب للبناية السمعة العاطلة صار عندي فضول شوف مين الرجال قليل الشرف الي عندها جوا .. تركت كل شي ووقفت ورا الباب لراقب من العين الساحرة غادة : يعني اخرتك تطلع وبدي شوفك وانا عم انطر رن موبايلي .. وكان بالمطبخ غادة : ايه ما رح روح رد لو تطبق السما على الأرض .. رح ضل هون رجع الموبايل يرن وما كان يهدا .. وصحيت بنتي من نومها وصارت تبكي وانا ايدي تربطو غادة : طيب رح اركض جيب الجوال وبنتي واجي بسرعه بالفعل ركضت ركض تناولت الجوال .. وتناولت بنتي .. ورجعت عالباب ورديت عالهاتف وكان رائد غادة : لك شو بدك ؟ رائد : ساعه لتردي ؟ غادة : مو فاضيتلك رائد : ليش شو وراكي ؟ غادة : عم راقب رائد : شو عم تراقبي؟العضوة: 378864 , منذ 4 سنوات
رائد : شو عم تراقبي؟ غادة : ميرنا عندها رجال بالبيت .. وانا عم راقب ليطلع واعرف مين هو سكت رائد شوي وما رد غادة : الو ؟ الو ؟ انقطلع الخط؟ رائد : لا لا معك ... مممم ليكي .. عنا عزيمة اليوم غادة : ييييييييييييي لا تقولها رائد : ايه والله غادة : اووووووووف ما الي نفس اطبخ جيب جاهز رائد : لا صعب .. امي الي جايه وبتعرفي ازا جبنا جاهز رح تعمللنا فضيحة غادة : معناها لازم فوت بلش طبخ رائد : ايه ياقلبي يلا فوتي غادة : يلا .. بعدين تزكرت انو ناطرة شوف مين الزلمة : لك لااااااااا ما فيني عم راقب رائد : حسبي الله ونعم الوكيل .. بلا صغرة عقل شو دخلنا نحنا يلا فوتي جهزي الأكل ما رح تلحقي غادة : ياربي .. طيب يلا رائد : صرتي بالمطبخ ؟ غادة : لك هلأ بروح رائد : لا هلا وانا عالخط قليلي كم جاجه في بالبراد لاعرف ازا لازمك او لا غادة : مو لازمني في تلاته رائد : تأكدي غادة : يييييي علينا طيب يلا خليك عالخط فتت عالمطبخ وفتحت التلاجه غادة : واحد تنين تلاته .. ارتحت ؟ رائد : وكم كيس بازيلا؟ غادة : واحد رائد : عندك لحمة ؟ غادة : لحظة .. ايه في ناعمة رائد ما عاد رد غادة : الو ؟ رائد ؟ غاب دقيقتين وهي تنده عليه وما رد .. بعدين فجأة جاوبها رائد : حبيبتي .. خلص غادة : شو خلص؟ رائد : وصلني رسالة امي ما عاد بدها تيجي .. يلا سلام و سكر الخط بوشي غادة: لك الو رائد....رائددددد!!!!!! #يتبعالعضوة: 378864 , منذ 4 سنوات
#زوجي_ليس_رجل_بقلم_مال_الشام غادة : ايه اريح .. هي تضل بعيده عني وكتر خيرها .. شو كان بدي انا ؟ نسيت !! ايه قهوة .. .. لك لا لا بدي راقب ركضت عالباب و رجعت عم راقب وبنتي على صدري .. وما كان حدا يطلع بنوب .. لوقت ما شفت جوزي والبنات بوشي غادة : يبعتلي حمى ما عملت اكل !! ولي فتحت الباب وانا عم اضحك متل الجدبه وقلهن كأنكن جيتو بكير ؟ بناتي : لا ماما هاد وقتنا رائد : شو عامله غدا ؟ غادة : غدا ؟ مو انت قلت رح تجيب جاهز ؟ رائد صفن فيني : لا ما قلت غادة : لك امبلى قلت .. بعد ما قلتلي امي ما رح تجي قلتلي خلص انا رح جيب جاهز لا تطبخي رائد : اوف اوف اوف .. قلتلك كل هالجملة ونسيتا ؟ غادة : يعني ما جبت غدا ؟ ييي علينا خلص ماما تعو حطلكن نواشف مشو معي هاد ابوكن خرفن الغريب انو رائد ما اعترض او عملي حفلة و اجا اكل معنا نواشف وفات نام وانا فتت وراه وصرت احكيلو شو صار معي من طقطق للسلام عليكم رائد : طيب بدي نام شوي .. غادة : هلأ الي ساعه بحكيلك وانت بتقلي بدك تنام ؟ ايه نام نوم الظالم عباده بالفعل تغطا ونام .. وانا قمت شلت تيابو لحطهن بالغسالة وعم دور بجياب التياب لاتاكد انو ما في مصاري او اوراق مهمة ولقيت في شعرة على تيابو !! شعرة طويلة ولونها اسود .. وانا لون شعري اشقر !! يعني هي مو شعرتي مليون بالمليون !! صفرنت وما عاد حملوني رجلي وصرت قلب القميص بين ايدي متل المجنونة وشمو .. وكان عليه كمان ريحة عطر ستاتيالعضوة: 378864 , منذ 4 سنوات
عطر ستاتي رجعت عالغرفة و سحبت الغطا من فوقو وقلتلو قوم هلأ فهمني من وين هي الشعره اجت على تيابك !! رائد : انو شعره ؟ حطيتها قدام عيونو وقلتلو هي؟؟؟؟؟؟؟؟؟؟؟ رائد : اكيد شعرة منك من وين يعني ؟ غادة : رائد .. اتطلع منيح انا الي قرون شي ؟ الي دنب حمار ؟ انت عم تخوني ؟ رائد : ييييييي علينا وعلى هالقصة عاد .. ازا طارت شعره وعلقت بتيابي بدي كون عم خونك ... وبعدين مع هالحياة معك صارت ما بتنطاف وقام فات عالحمام وانا واقفه عالباب وعم صرخ و اسألو وهو ما عم يرد علي طلع بعدو شوي بعدني عن طريقو وطلع من البيت .. وانا قعدت ودمعتي ما نشفتي وبناتي يبوسوني ويراضوني وانا عفاريت الدنيا عم تنط قدام وشي .. رجع رائد اخر الليل و بلش يراضيني ويتوددلي بس هالمرة غير كل مرة سهل اتحمل كل شي .. كل شي الا الخيانة .. عادي بتنبلع الخيانة .. بتنبلع قلة الاحترام كلو بينبلع .. الا مرا تانيه .. ضلينا اربع ايام متل الأغراب بالبيت .. ما كنت اطبخ ولا اغسل ولا رتب البيت ولا اعمل شي ولا جهز بناتي للمدرسة باليوم الرابع خطرلي شي .. يمكن كان جنان .. بس كان ضروري نفذو طلعت من بيتي مشوار صغير جبت كم غرض ضرورين ... و رجعت عالبيت فتت على غرفتي قعدت فكر وبعدا ضبيت شنتي ونظفت البيت وعملت غدا .. و جهزت بنتي الصغيرةالعضوة: 378864 , منذ 4 سنوات
جهزت بنتي الصغيرة و جبت ورقة بيضا كتبت عليها : ( يمكن انا ظلمتك .. بس حاسة نفسيتي كتير تعبانه هالفترة انا رح روح زيارة لعند بيت اهلي .. جيبلي البنات بكرا بعد المدرسة مع تيابهن لانو ما رح ارجع عالبيت لبعد اسبوع .. اختي جايه من دبي .. بلكي بترتاح نفسيتي بشوفتها .. الاكل عالطاولة .. سلام ) وحطيتها على المراية بغرفة النوم .. تطلعت عالبيت شوي .. وابتسمت .. غادة : لوين رح نوصل ؟ نزلت دمعتي ومسحتها .. وحملت الشنتاية بأيد وبنتي بأيد وطلعت من البيت وبقلبي غصة .. و عم اطبخ براسي طبخه #يتبعالعضوة: 349433 , منذ 4 سنوات
كمليهااالعضوة: 378864 , منذ 4 سنوات
في متابعة؟؟العضوة: 115755 , منذ 4 سنوات
@user-378864 يسالعضوة: 378864 , منذ 4 سنوات
#زوجي_ليس_رجل_بقلم_مال_الشام الجزء السايع رجعت على بيت اهلي وقلتلهن انو جايه زيارة لاستقبل اختي واقعد معها لانها فعلاً كانت رح تجي هاليومين من دبي فتت على غرفتي القديمة قبل ما اتجوز .. ابي حنون كتييييييييييييير و بموت علي انا واختي .. دوم بيقلنا انتو اغلى علي من كل اخواتكن الشباب .. ولما طلعت انا وياها وتجوزنا ما خلى امي تقلب غرفتنا لغرفة كراكيب وقلها طول ما انا عايش هالغرفة رح تضل متل ما هي كنت كل ما روح زيارة على بيت اهلي فوت نظفها وعزلها ورتبها من جديد فتحت الخزانة وتفرجت على تيابي لما كنت بنوته صغيرة .. اتدلل على ابي .. وزعلها لامي تؤبر البي واتناوق من الشباك على حازم ابن الجيران اول حب الي كان هههههه قعدت على التخت واخدت نفس غادة : شكلي راجعه لهون عن قريب .. جهزي حالك يا غرفتي الحلوة نيمت بنتي و بعدين فاتت امي و جايبه معها فنجانين قهوة غادة : امي امانة طلعي القهوة مو طايقه شم ريحتها امي : يوه من يوم يومك بتموتي عليها لك لتكوني وحمانه ؟ غادة : ههههه ضحكتيني .. لا بس خلص هيك قرفانه القهوة وريحتها وسيرتها كلها امي حطت الصينية عالطاولة واجت قعدت جنبي امي : انا ما حبيت احكي شي قدام ابوكي لان صحتو تعبانه ... بس انا امك .. حافظتك وباصمتك بصم .. متخانقة مع جوزك مو ؟ غادة : لا اميالعضوة: 349433 , منذ 4 سنوات
اكيد بتجننالعضوة: 378864 , منذ 4 سنوات
غادة : لا امي امي : اتخانقتو مشان الشقة ؟ الشقة هي قصتها قصة .. انا كنت معلمة .. معلمة رياضيات .. اول ما تخرجت توظفت الحمدلله كنت كتير متمكنة وكنت اعطي دروس خصوصي لكل المراحل والأعمار بعدين خطبني رائد وتجوزنا .. وبلش يقلي حطي قرشك على قرشي لنشتري شقة ونسجلها بأسمنا ريتو قرش الي يبلعو إلهي و اشترينا الشقة الي ساكين فيها .. كان الإتفاق انو يسجل نصها بأسمو ونصها بأسمي بس بين ليلة وضحاها اجا وقلي مبروك علينا الشقة حبيبي اشتريتها وانا فرحت متل الهبلة وبستو .. وبعدين عرفت انو سجلها باسمو ضليت اشتغل وسد القرض وسد ديون الأفندي وياخد الي بيضل من راتبي بعدين تعبت صار لازم اقعد فوق راس بناتي .. قام ابي الله يخليلي ياه اعطاني مصاري وقلي هي حصتك من الورثة خديها على عيني وانا عايش واعملي الي بدك فيها .. وطبعاً انا سددت قرضي فيها وبعدا قعدت بالبيت .. غادة : لا امي مو مشان الشقه امي : لكن شو ؟ غادة : مشان شوف اختي .. خلص بدي نام شوي هلأ امي : رح اتركك هلأ بس بكرا بدك تحكيلي غصبن عنك .. تصبحي على خيرالعضوة: 378864 , منذ 4 سنوات
.. تصبحي على خير تاني نهار ضليت اتهرب من امي .. والساعه تنتين دق باب بيت اهلي واجا رائد وجايبلي البنات مع اغراضهن !! انو العمى بقلبو عالقليلة يحاول يرجعني معو .. رائد : هي البنات عندك .. كل يوم رح مر الصبح اخدهن على مدرستهن غادة : بالله ؟ يعني ما بدك ترجعني معك مثلاً ؟ رائد : ليش انتي زعلانه يا البي ؟ غادة : يوه لا تؤبرني ليش انت بينزعل منك ؟ شدني من خدي وضحك بلئم : هههههه حبيبتي انتي حبيبتي مديت ايدي وشديتو من خدو : ه ه ه .. حبيبي انت حبيبي بعدين حكيت معو عادي وقلتلو انو انا رح ضل اسبوع واي شي بدي ياه من البيت رح احكي معو هو يجيبلي ياه واتفقنا على هالأساس .. وبعدين راح سكرت الباب و ركنت ضهري عليه وابتسمت : ماشي يا رائد .. ما بكون انا غادة بنتو لمنصور ازا ما بربيك كل عمرك بسيطة يا ابو بناتي ..العضوة: 378864 , منذ 4 سنوات
#زوجي_ليس_رجل_بقلم_مال_الشام الجزء الثامن كانت امي واقفه بالصالة وسمعتني امي : غادة تلبكت كتيررررررررر وما عرفت شو احكي امي : شو الي عم يصير هلأ بدي افهم حاولت اتهرب منها كتيرررررررررررررر وما قدرت .. اخر شي قلتلها رائد بدو صبي وانا كان قصدي بحكيي انو رح ربيه يعني رح خليه يشتاق لبناتو .. هي كل القصه .. تلفلف الموضوع كم يوم .. و اجت اختي من سفرها .. شالت عن البي نص همي .. بوقت كنت متوقعه فيه بنسبة 90% انو في مرا تانيه هلأ ببيتي ... على تختي .. ومع جوزي كانت شاعله نار واعاصير جواتي مو لان بحبو .. لأ فشر بس لان هي اهانة لكرامتي وانوثتي .. بس معليش .. كلو بحسابو .. و على مهل .. رح تستوي الطبخه مرق الأسبوع متل السم .. كنت الليل كلو ما نامو وانا اتخيل ميرنا بغرفتي .. اوقات اتخيلها لابسه شي من خزانتي اوقات اتخيل كيف صوت ضحكتها عم يرن بغرفتي يمكن سبع ايام متواصلات بدون مبالغه ما غمضت عيني هاد الشي كان واضح من الهالات السودا الي تحت عيوني و وشي الأصفر .. لوقت ما رنيت على رائد وقلتلو خلص الأسبوع تعال خدني .. اجا بالفعل .. واخدني عالبيت .. وطول الطريق ما حكيت معو ولا حرف وهو يسألني لوقت ما مل وبطل يحكي معي وصلنا وسبقتو عالشقه لفوق .. وفتت على غرفتي فوراً وقفلت الباب وراي .. وتأكدت بطريقتي ازا في مرا فاتت هالغرفة بعدي .. وشكي كان بمحلو .. ميرنا فايته لهون .. مو مره لأ مرتين .. صار رائد يدق عالباب ويقلي ليش قافله اشتقتلك غدوشتيالعضوة: 378864 , منذ 4 سنوات
غدوشتي وانا عم ببكي دم جوا وحابسه صوتي ... رائد : لك شبك ؟ لا يكون صارلك شي مبين عليكي انك مريضه غادة ؟ يا غادة افتحي الباب .. رح عد للتلاته ازا ما فتحتي رح اكسر الباب واحد ... تنين ... تلا... فتحت الباب غادة : شو بدك ؟ رائد : ليش قافلة الباب ؟ شبهن عيونك حمر ؟ سحبتو من ايدو وقفلت باب الغرفة رائد : هههههههههه ولك عيب وليه هلأ البنات بيشتلقو مو قادرة تصبري لليل ؟ غادة : ايه بلا علاك .. رائد : نعععممممممممممممممم؟ غادة : متل ما سمعت بلا علاك وحكي مصدي وما شفتو الا ضربني كف على وشي .. حسيت عيوني طلعو من محلهن قد مو قوي .. بس ما توجعت لان الوجع الي بقلبي خدرني وخلاني بلا احساس وفتح باب الغرفة وطلع ... ركضو عليه البنات وقالولو بدنا بوظا دفشهن وطلع من البيت شافوني البنات والدموع عم تشر من عيوني شر وركضو لعندي البنات : ماما شبك ليش عم تبكي ؟ غادة : ما في شي حبيباتي ما تخافو البنات : تخانئتي انتي وبابا مره تانيه ؟ مسحت دموعي وتطلعت فيهن بحب غادة : بناتي الحلوين صارو صبايا .. وهن بحبو امهن كتير صح ؟ تطلعو تنيناتهن ببعضو وبعدين جاوبوني : منحبك كتير غادة : طيب لكن لازم توثقو فيني .. ووين ما رحت تكونو معي انتو هلأ لازم تكونو رفيقاتي وتوفقو جنبي تمام ماما ؟ البنات : ماشي امي