كالعاده .. رائد عم يقلب محطات التلفيزون و انا قاعده قبالو كأني حيط من هالحيطان .. امشي قدامو من هون .. قلو عجبك علي الفستان الجديد من هون .. ما في اي ردة فعل .. لوقت ما طلعت اغنية نانسي عجرم بوشو
حط الجهاز من ايدو .. و خرج عن صمتو .. ويا ريتو ضل مخروس وما حكى هالكلمتين الي بيهزو البدن
رائد : يا عمي ولك هي النسوااااااااااااااان .. هي النسواااان .. جيم و خلقة حلوة .. وغنج ودلع .. انا بس بدي افهم ليش ما في حوالينا هيك نسوان ؟ .. يعني من هالنمرة هي
ضليت ساكته و ما رديت عليه وعملت حالي ما سمعت اصلاً ..
خلصت غنية بطيخه عجرم وطلعت اغنية مايا دياب
ورجع غرد وسمعني صوتو الحلو
رائد : ولي على طولي شو هالجسم ؟ متل الباربي دخيل الله ..
قمت من مكاني لفوت على غرفتي وانا حاسة ضغطي ارتفع من حكيو ..
العضوة: 378864 , منذ 4 سنوات
البنات : ماشي امي غادة : يلا روحو على غرفتكن الله يرضى عليكن راحو البنات و ضليت ناطرة رائد ليرجع مشان اتفاهم انا وياه .. وصفي حساباتي معو بس ضلو يومين غايب .. عرفت انو قاعد عند امو غادة : ايه بسيطة .. مرجوعك لعندي .. بس صار شي برا حساباتي كلها .. شي خلاني فوت بدوامة ما عاد عرفت اطلع منها بنفس النهار طلعت اصوات ميرنا وجوزها ... والموضوع ما كان جديد .. لهيك ما حدا من الجيران تدخل .. مع انها كانت تركض على الشبابيك وتصرخ وهو يصرخ ويقلها تعي لهون والله محدا رح يخلصك من ايدي كانت كل ما تصرخ صرخه حس غليلي عم ينشفى منها .. بس ما توقعت توصل المواصيل لابعد ما توقعت بعد ساعتين من الصريخ والكل عم يتفرح من الشبابيك .. اختفت اصواتهن عالخالص غادة : ان شاء الله ينخفى حسك يا خرابت البيوت يا فلتانة .. بعد دقايق .. طلع ابو وائل من شقتو وصار يصرخ ( نظفت شرفي .. قتلتها .. نظفتتتت شرفيييييييييي اشهدو علي يا عالم ) كلماتو ما كانت واضحة بالنسبة الي .. قربت من الباب لفهمت شو عم يحكي ... و كان رح يوقف قلبي .. بلش صوت صريخ نسوان البناية يطلع ما قدرت امنع حالي افتح الباب .. شقيت الباب شوي .. و كان ابو وائل ماسك سكينة وعم يصرخ .. نظفت شرفي وتيابو كلها دم .. بس شفت المنظر .. وقعت بالأرض وما قدرت امسك دموعيالعضوة: 378864 , منذ 4 سنوات
بالأرض وما قدرت امسك دموعي ركضو الرجال ومسكوه وصارو يصرخو اتصلو بالشرطة اتصلو بالشرطة .. وفات رجال عالشقة جوا وبعدين طلع عم يضرب كف بالتاني .. قال للكل ( مشوه وشها و دابحها عالخالص ... دمها صفي بالأرض ) ( دبحها المجنون) ( وشها مو مبين مشوها المخلوقة) و انا سمعت الحكي و جسمي صار ينفض نفض... #يتبعالعضوة: 349433 , منذ 4 سنوات
كمليالعضوة: 422722 , منذ 4 سنوات
كملي❤العضوة: 378864 , منذ 4 سنوات
#زوجي_ليس_رجل_بقلم_مال_الشام الجزء التاسع ( قبل الاخير) بدون ادراك قفلت الباب وضليت طق المفتاح الف طقة وسكرت الساقط وركضت على بناتي الي كانو عم يبكو لانهن سمعو الأصوات وسمعو صوت صريخ وبكي برا ركضت عليهن وسكرتلهن ادانهن وشديتهن لضحني .. كنت بحاجتهن اكتر ما هن بحاجتي ..انا الي كنت متخبيه بحضنه ما هن .. بعدين سمعنا سيارات الشرطة .. وطلعو لفوق واخدو ابو وائل وهو يصرخ ويقول نظفت شرفيييييي اشهدو علي نظفت شرفي وانا كنت عم سكر ادان بناتي وصرت صرخ ( لا لا .. لا تقتلها مشان الله لا تقتلها لا لا ) هيك ضليت لنشف دمي ودق باب بيتي .. وهدي الوضع برا .. اتطلعت عالباب وكان جسمي عم يرجف رائد : غادة افتحي .. افتحي الباب بناتي : بابا ... بابا ... ركضو فتحولو الباب .. واول مره بشوفو بهل منظر هاد كان وشو اسووووووووووووووود ... اسوووووووووووووووود ... ضم رائد البنات وقلهن ما تخافو بابا انا هون .. رائد : غادة قومي ضبي غراضك رح نروح على بيت اهلي ما قدرت جاوبو رائد : غادة قومي مشان البنات .. البناية كلها شرطة .. قومي نضل كم يوم عندهن ليهدا الوضع قمت وقلتلو ما بدي اخود شي بس طلعني من هون .. رائد : طيب انا برجع بعدين بجيب اي شي معتازينو .. يلا امشو حطيت على حالي غطى الصلاة ونزلنا من البناية ونحنا عم نحاول نغطي عيون البنات وبنتي الصغيرة بين ايدي .. نزلنا لتحت وطلعت البنات بالسيارة و فتحنا صندوق السيارة مشان يحط فيه رائد عرباية بنتي فتح الصندوق و حطها .. كان عم يسكروالعضوة: 378864 , منذ 4 سنوات
فتح الصندوق و حطها .. كان عم يسكرو ونزلو جثة ميرنا .. على سرير ابيض .. ومغطيه بشرشف ابيض .. مرقت قدام عيوني والشرطة معبين المكان كان الشرشف الأبيض كلو دم .. منطقة وشها كانت كلها دم .. ومنطقة بطنها كلها دم .. ما مسكت حالي وصرت ارررررجف و ابكي غادة : مشان الله خدوها من قدامي .. مشان الله مشان الله خدوها من قدامي لك خدوهاااااااااااا خدوهااااااااااااااااااااا وصرت صرخ .. ركض رائد ضمني .. وما بعرف ليش شميت ريحتها علقانه فيه ودفشتو عني رائد : طيب خلص هاتي البنت اطلعي بالسيارة يلا دفشني طلعني بالسيارة و مشينا .. تطلعت لورا .. وانا عم راقبهن وهن يطلعوها بسيارة الأسعاف وما قدرت شيل عيوني يتبعالعضوة: 378864 , منذ 4 سنوات
#زوجي_ليس_رجل_بقلم_مال_الشام الجزء العاشر ( هاد مو الاخير) ضلينا ببيت حماي شهر كامل .. كنت مو طايقه شوفو لرائد والكل كان ملاحظ بس كانو يقولو صدمه نفسيه بعد الموقف الي عشتو كنت واقفه عم اعمل عشا وفات رائد وراي ولني من خصري .. غادة : بعد عني هلأ بتجي امك رائد : لك اشتئتلك كتير .. غادة : لك رائد بعد عني رائد : ما صار لازم نرجع على بيتنا ؟ التفتت عليه وقلتلو ما عندك مشكلة ترجع ؟ رائد : ليش ليكون عندي مشكلة ؟ غادة : قصدي بعد مقتل ميرنا الك نفس تفوتها ؟ رائد : شو قصدك ؟ رجعت التفتت عالجهة التانية وكملت تقطيع السلطة غادة : ما قصدي شي حبيبي شبك قلب وشك ألوان ؟ .. قصدي انو جريمة قتل والكل تأثر عادي يعني رائد : لا حياتي ما بينزعل عليها وحده فلتانه هي على نار جهنم كرفته كلماتو استفزتني كتييييييييييييير ... خلت الدم يفور بجسمي .. تزكرت وش ميرنا لما كانت عندي وقالتلي انا بخون جوزي مع واحد (بحبو ) وجوزي قاسي وهو السبب كملت تقطيع و جرحت اصبعي بس دموعي بلشو ينزلو وما اهتميت للدم الي عم ينزف رائد : بعدين خاينة الله لا يردها .. بكرا ابو وائل بتحكملو المحكمة قضية شرف وبدفع كفالة وبيطلع عاديالعضوة: 378864 , منذ 4 سنوات
عادي التفتت عليه والسكين بأيدي و حطيتها على بطنو غادة : وانت شو ؟ وانت شووو اه ؟ رائد ارتعب وبعد عني : لك شبك شو صرلك قربت منو وخليت السكينة على بطنو غادة : هون طعنها لميرنا صح ؟ .. طيب قلي هلأ ازا انا بقتلك ما خرج يزبطولي ياها ونلفلف السيرة قضية شرف ؟ شو يعني لاني مرا ما بطلعلي نظف شرفي ؟ ... خاينه مو ؟ فلتانه ما ؟ كم مره نمت معها ؟ يا ترى انقتلت بسببك ؟ .. طيب ما كان لازم تكون معها هلأ ؟ .. شو رأيك تروح لعندا ؟ رائد : غادة بلا جنان شو عم تخبصي .. ما كانو دموعي ينقطعو وهو يبعد وانا قرب منو حتى لزق بالحيط غادة : صوتها علقان براسي .. يا ترى هي بتستاهل الي صار فيها ولا كان لازم انت تكون محلها ؟ طيب انا شو عملتلك فهمني ؟ انا شو عملتلك لتموتني ؟ ... هي خاينة وفلتانة وبتستاهل .. لك وانا وانا واناااااااااااااا شووووووووووووو ؟ رائد : غادة .. غادة .. اهدي .. بس خليني فهمك طيب .. خلينا نتفاهم و بدون ما انتبه مسك ايدي الي فيها السكينة و ضغط على معصم ايدي بقوة وصرخت من الوجع ووقعت السكينة من ايدي حط ايدي ورا ضهري و قرب مني و نفسو كان متل الجمر عم يمر على جسمي .. #يتبعالعضوة: 115755 , منذ 4 سنوات
@user-378864 ❤❤العضوة: 378864 , منذ 4 سنوات
#زوجي_ليس_رجل_بقلم_مال_الشام الجزء الحادي عشر ( الاخير) رائد : ايه انا كنت خونك .. بس يعني ما الك حق تزعلي .. هلأ ميرنا مرا وانتي مرا ؟ غادة : حقير رائد : يا غادة يا حبيبتي لك يا ام ولادي .. خلص المخلوقه راحت لرحمة ربها .. ضروري نحنا ننزع حياتنا ؟ و فاتت حماتي بهاد الوقت .. تركني رائد وطلعت من المطبخ عم ابكي ضبيت شوية اغراض و اخدت بناتي وطلعت عالشقة ... بعد نص ساعه لحقنا رائد وفتحتلو البنات غادة : ماما فوتو على غرفتكن وخدو اختكن لاعبوها .. راحو البنات على غرفتهن رائد : شو نويتي تحطي عقلك راسك ؟ غادة : ايه والله نويت .. الحقني لغرفة النوم رائد : هههههههههه مباشرة ؟ مشيت وتجاهلت سخافتو .. فات عالغرفة وشلح قميصو غادة : ايه البس البس رائد : شو ؟ غادة : ليك لئلك .. بدك تطلئني رائد : يعني ما عقلتي ؟ غادة : لا وحياتك عقلت وبدك تطلقني ورجلك فوق رقبتك وتعطيني كامل حقوقي رائد : عشم ابليس بالجنة غادة : مصر ؟ رائد : ايه وما عندي غير هالحكي .. مشيت وقعدت على كرسي جنب التخت ومسكت الريمود كنترول ( جهاز التلفيزون ) وحطيت رجل على رجل غادة : لك وانا طالعه بالبناية سمعت انو ابو وائل انحكمت قضيتو قضية شرف وطالع هاليومين قعد رائد عالتخت وطلع سيجارة وشغلها : ايه قلتلك هالحكي غادة : طيب .. يا ترى منقدر نعزمو يتغدا عنا ويتفرج على هالفيلم الظريف ؟ كبست عالجهاز واشتغل التلفيزن ... وقعت السيجارة من ايدو لرائد وهو عم يبحلق بالتلفيزونالعضوة: 378864 , منذ 4 سنوات
بالتلفيزون رائد : الله لا يوفقك شو هاد ؟ غادة : قرفت مو ؟ وانا كمان قرفت .. هاد فيديو الك انت وميرنا عصافير الحب يا البي .. دخلك رائد .. هلأ ازا دبحك ابو وائل بعتبرولو ياها كمان قضية شرف؟ ركض وائل عالتلفيزون وطلع الشريط و صار يكسرو لصار مية شقفة وهجم علي ومسكني من شعري رائد : شكلي انا الي بدي ادبحك وقول انو كنتي تشتغلي متل ميرنا يا كلبة غادة : لا لا لا .. خليك عاقل ما حلو تتصرف هيك .. بعد عني رائد : ما انكسرتي يعني ؟ في وحده عاقلة بتحط كاميرا بغرفة نومها .. وين حاطيتها اشرتلو بأصبعي لفوق الخزانة .. وقف عالتخت ومد ايدو حتى لقاها .. سحبها ورماها بالأرض ( هي الكاميرا الي طلعت جبتها قبل ما اطلع من البيت .. و جبت معها دليل استخدام وركبتها بالغرفة و اول ما رجعت تفقدت التسجيلات ولقيت فيديو لرائد وميرنا ) غادة : طبعا ما رح صور حالي .. الكاميرا بس صورتك انت والمرحومة رائد : وهي كسرنا الفيديو تبعي انا والمرحومة غادة : ليك رائد .. رح تطلقني .. وتدفعلي المقدم والمأخر الي ما شفت منو شي و تتنازل عن هالشقه هي باسمي و ترجعلي دهبي الي بعتو ... وتتنازلي عن السيارة و إلا رائد : وإلا شو ؟؟العضوة: 115755 , منذ 4 سنوات
رفعالعضوة: 378864 , منذ 4 سنوات
رائد : وإلا شو ؟؟ غادة : و إلا الشريط بيوصل لأيدين ابو وائل اول شي .. بعدين لمدير شركتك تاني شي بعدين لاهلك بعدين لاهلي بعدين احتمال نشوفو بأخبار الجزيرة او العربية ( سبب مقتل سيدة على يدين زوجها بعد ان خانته مع عشيقها ) شو رأيك ؟ رائد : هههههههههه بس الشريط صار مية شقفة ؟ غادة : شايف هالمية شقفة ؟ .. في قدهن مية نسخه .. بس طلعت حضرتك من البيت نزلت نسخت عنو نسخ ووزعتهن عند رفقاتي واهلي وامنتهن عليهن وازا ما بتعمل متل ما بدي .. والله ما رح اتردد ثانية انو نفذ الي ببالي .. قعد رائد على ركبتو و عروق ايديه صارت واضحه وانفاسو تسارعت .. سكت ربع ساعه بعدين قلي : طيب غادة : طيب شو ؟ رائد : رح نفذ كل شروطك بس بتسلميني كل النسخ غادة : لتسلمني كل شي طلبتو بتستلمهن .. رائد : طيب .. وهي اول شرط .. انتي طالق غادة : الله لا يسامحك على كل شي عملتو فيني طلعت من البيت واخدت بناتي معي .. وبعد اسبوع بعتلي رائد كل حقوقي وبعدين التقينا بالمحكمة و تنازلي عن كل شي طلبتو و بس طلعنا سلمتو كل النسخ .. لان فعلياً ما كان عندي افضح ميرنا .. بكفيها فضيحتها الي عاشت بعد موتها بعد سنتين تقدم لخطبتي حازم ( شب كان بالحارة كنت معجبة فيه و انا صغيرة بس هو تجوز و سافر و انا كمان تجوزت) .. لان تطلق هو ومرتو وما اتفقو .. وكان يعرف اني معجبة فيه عن طريق اختو جمانةالعضوة: 448197 , منذ 4 سنوات
روعه كمليالعضوة: 378864 , منذ 4 سنوات
يعرف اني معجبة فيه عن طريق اختو جمانة اول اربع مرات رفضت .. وخامس مره قعدت تناقشت مع بناتي و وافقو على قراري .. تزوجت انا و حازم وبعت كل املاكي وسافرنا .. عملت حساب خاص فيني بالبنك و نفضت حالي نفض بين جيمات و صالونات و حمامات ساونا وحمامات مغربية و حازم طاير عقلو فيني لان كان شايف نجوم الظهر مع مرتو حازم : غادة .. هلأ انتي ليش تطلقتي انتي و جوزك ؟ غادة : كم مره سألتني و قلتلك ما مهم تعرف ؟ حازم : ازا الي خاطر عندك قليلي غادة : مممم .. طيب ... بصراحة لانو ما كان رجال .. هاد الجواب بكفي ؟ حازم : هههههههه بكفي و زيادة حطيت راسي على صدرو وحسيت بالأمان غادة : شو غدانا اليوم ؟ حازم : سمك .. جاي عبالي سمك غادة : لكن قوم جهز البنات لنطلع حازم : حبيبتي هداك كان مو رجال بس انا رجال .. قومي لشوف ما ضل الا احبل عنك غادة : هههههههههه اي مو غلط حبيبي شو ما بستاهل حازم : والله شكلي انا كمان رح تطلقيني لاني مو رجال ... قايم جهز البنات قام حازم وانا عم اضحك غادة : حبيبي ما تنسى تحط مكياج هههههههههههه حازم : طولي بالك راجعلك يا ام لسان غادة : هههههههه الله يخليلي ياك .. يا سيد الرجال #تمت