بالبداية قبل سنه من الحمل رحت لطبيبة قلت دكتوره ابي افك العزل واحمل ابي فيتامينات قالت لي انسدحي افصحك وشافتني وهزئتني قالت مستحيل تحملين طبيعي سوي فحص الاورام وواضح عندك قرحة بالرحم😭 وواضح عندك هرمون الحليب استخدمي حبوب منع الحمل ٣ شهور وفعلا استخدمة الحبوب وشردت ماعاد رجعت لها الله يسامحها وقررنا ان نفك العزل واستخدمت الغسول القلوي من راسي بدون وصفة المهم عدت كم شهر وفي وحده من الشهور قبل الدورة بتسعة ايام حسيت بتعب وغثيان ولكن بنفس اليوم بنتي استفرغت فقلت اكيد عدوى واستمر معي الغثيان قبل الدوره بيومين نزل افراز بني شفاف جدا واستمر يوم ونص قلت مستحيل حمل واضح بداية الدوره وقبل الدوره بيوم رحت حللت رقمي كان ١٦٥ وقالي شات جي بي تي مبروك حامل وحللت مليون تحليل منزلي مافي الا خط واحد واتوتررت التحليل الرخيص ابو ٩ ريال كان خط واحد سادة والتحليل اللي غطاه ملون فيه خط بس مرره خفيف مالكم بالطويلة وحجزت عند استشاريه نساء قالت عيدي التحليل عدته بعد ٣ ايام كان 450 وعدته بعد ٤٨ وطلع ١٧٠٠ قالت لي الدكتوره ممتازه النتيجة مبروك طبعا هنا انا انهبلت لان عندي كسل غدة وحللت ذي الايام يمكن ٧ مرات وكل مختبر نتيجة غير هلوست دكتوة النساء تقول لاتغيرين جرعتك ممكن الجرعة الزايده تضر الجنين ويضمر وطيران حجزت عند اسشتاري غدد قالي عيدي التحليل بالبرج ولا بمستشفى كبير عشان نتيجتهم اضمن وارجعيلي كان اسبوع كله توتر واوفر شديتها عاد لسى انتظر اسمع النبض دعواتكم حبيت اكتب تجربتي لكم