بقول قصتي ولي واجع قلبي انا متزوجه من ٧ سنين . وقبل سنه وكم شهر، اعترفلي زوجي انه خطب وحده.. (لسبب خاص) انصدمت وماصدقت، المهم. كانت فترة الملكة سنه كامله.. وهالسنه ماحسيت بشي وماكأنه خاطب، لأنه طول الوقت معانا، المهم قبل شهرين كان زواجه وانا سبحان الله حسيت وعرفت في نفس الليلة ،وماكلمني طبعا لأنه عارف اني حزعل اكيد.. المهم ومرت الايام الثقييييلة على قلبي . وصار يروحلها يوم بالاسبوع او يومين فقط وباقي الايام معنا،وكل مره يقولي عذر انه غاب من البيت، مره يقول بالدوام حتاخر ومره يقول عندي شغل كثير مارح اقدر اجي.. المهم كنت في حالة صدمة ومو مستوعبة. توه قبل كم اسبوع صار يوم هنا ويوم هناك. وصرت ما اسأله وينك.. وهو ما اعترفلي للآن.. انا عارفة كل شي بس ما ابغاه يقولها لي. لأني حنقهرررررر اذا طلعت منه. وطبعا انا على اساس ماني عارفة شي .. المهم يابنات اليوم الي يكون عندها تصيبني حالة غريبة و غصة ووجع في قلبي. احس اني مخنوووقة واقعد اصارخ واضرب حالي 😪😪 مو مصدقة انو زوجي الي كان حقي انا بس، نايم فاللحظة هذي مع وحدة غيري .. اقسم بالله شعور صععععببببب . وطبعا ذاك اليوم اقعد مواصلة ومن التعب انام فجأه. وفي اليوم الثاني ارجع طبيعية كأنه ماصار شي . ويلا يتكرر نفس الشعور فاليوم حقها.. الزبدة من الموضوع ذا كله كيف اتخلص من هذا الشعور ؟؟ هل رح اعيش طول عمري كذا في عذاب؟ دعواتكم لي الله يجبرني ويقويني