13 يوليو هو تاريخ آخر دورة حقيقي عندي، بس أنا كنت مفكرة إن آخر دورة كانت 10/ أغسطس 🤦🏻‍♀️ من فترة شهرين وأنا أعاني من غثيان وثقل بالمعدة، فأنا عشان اللولب موجود استبعدت فكرة الحمل تماما وفكرت جسمي صار يعمل أعراض مقرفة قبل موعدها 🥲 موعد 10 أغسطس كنت مفكره آخر دورة هنا بسبب النزيف اللي نزل وقتها استمر لأربع أيام كان متواصل لكن أخف من الدورة، فأنا فكرت في مشكلة وظيفية رحت أتابع رحت للدكتور وهو ما عرف عن الحمل يومها وأنا طبعًا آخر شيء ممكن أفكر فيه هو الحمل! 😭 قال إن اللولب النحاسي المفروض ما يتجاوز 5 سنوات، وأنا كان صار له تقريبًا 5 سنوات ونصف، فشاله وقال أرجع بعد شهر نحط واحد جديد. وبعدها زاد الغثيان، وصدري كبر وصار أثقل شوي… والوسواس لعب فيني لعب 😭😂 وأنا أصلًا مقتنعة 100% إني مستحيل أكون حامل… لأنه في شهر 8 بعد إزالة اللولب ما كان بيني وبين زوجي أي حاجة نهائيًا حتى تسليم ما سلمنا على بعض 🫡 تمامًا عشان ما يحصل حمل. المفاجأة بقى: طلعت حامل على اللولب من قبل ما أشيله بفترة! 😭 والدم اللي نزل في شهر 8 ما كان دورة طبيعية مثل ما كنت فاكرة. الدكتور عمل لي سونار مهبلي، وقال إن عمر الجنين تقريبًا 7–8 أسابيع، وطلب أرجع له بعد 3 أسابيع عشان يحدد العمر بدقة أكبر. يعني أنا طول الوقت أفسر الغثيان وثقل المعدة وكبر الصدر على إنهم أعراض دورة… ما توقعت أبدا😭 حتى كنت اتكلم مع الذكاء الاصطناعي قلت راح اجيب تحليل قال ما تجيبي انتي مش حامل ولو جبتي علشان تطمئني فتمام جبت التحليل طلع خطين واضحين لأ مستحيل صدمة وبكاء وحسيت انه عقاب استغفر الله رحت اعمل تحليل دم برضو طلع ايجابي سبحان الله… قدر الله نافذ، والحمد لله على كل حال ❤️ فأنا شهرين ماعرفت عن الحمل ما كنت اخذ فوليك اسيد اليوم اول مره اخد فوليك اسيد من بداية الحمل والله يستر