بأحاول اختصر عشان مايطول مره الموضوع لكن كثير اشيا مهمه مايصير اتجاهلها وبما ان في بنات طلبوني اكتب عنايتي بالنفاس بأحاول اكتب كل شي بالمختصر المفيد💋 اول نفاس كنت مااهتم للكلام اللي ينقال خصوصا من الحريم الكبار😓💔وماكنت اسوي بنصايحهم وندممممت اشد الندم اول نصيحة: اللبس الطويل الداااافي حتى لو الجو حار ماتلبسي شي مو طويل (سواء الملابس الداخليه او الخارجيه كل شي يكون طويل)✨ راسك: لااازم تلبسي شال ع راسك وتغطي اذونك 👂🏼وهالشي ماكنت اسويه ابد ابد ودخل الهوا براسي من اول اسبوعين وعانيت عانيت بشكل مو طبيعي😭💔 كنت احس بثقل يموت براسي خصوصا لما اكون واقفه واجي اجلس احس بحجاره ف راسي تسحبه لتحت وهذا يدل ان دخل براسي هوا ف لازم تغطي راسك والافضل تدهني بزيت زيتون اذونك ورقبتك لو حابه تطلعي مكان فيه هوا او تفتحي شباك ✨زيت الزيتون سحر بالنسبه لي✨ النصيحه الثانيه: الاكل الاكل كل ساعتين او ثلاث تاكلي شي عشان كمان رحمك مايصير فيه هوا💔 وهالشي صار لي لاني كنت مالي نفس بالاكل ومااكل زين ف صار بكثرة يطلع من المهبل صوووت وهوا😓💔 (( بنقطة الاكل في شي مهم)) اللي هو **الاعشااااب** نفاسي الاول كنت مو متقبله الاكل عشان اتقبل الاعشاب ف رفضت احط اعشاب مع الاكل او الحليب وهالشي خلاني اندم كثير لاني لما خلصت نفاس وللأسف ماشفت نفسي زي مااشوف اخواتي وباقي معارفي يطلعوا عرايس من نفاسهم🥲💔 وانا طلعت للاسف مليانه هوا واصوات ونحيفه بشكل وجسمي مافي اي نظاره ولا وجهي ((يعني ذبلانه بما تعنيه الكلمه)) 💔غير الهوا والاصوات اللي تطلع من المهبل وكانت محرجه وتعبت منها بس حاولت اعالج الموضوع بوقت الدوره والحمدلله قدرت اسيطر بس مو بشكل كلي الشي الوحيد اللي سمعت له وسويته اني اربط بطني من اول ماطلعت من كشك الولاده حطيت زيت زيتون وربطت بشماغ وماتركته الا اخر يوم بالاربعين والحمدلله✨❤️هالشي خلاني ماكأني حملت ولا ولدت وبطني رجع لازق بظهري كمان عنايتي بالجرح تبع شق العجان ماكانت تمام وعانيت التهابات وتسلخات وانفكت الغرزه كمان ومشاكل 〰〰〰〰〰〰〰〰〰〰 نجي لنفاسي الثاني 😍💖 اللي نويت فيه وخططت له من بدري وطبعا كان من ضمن دعواتي لما ادعي ربي يسهل ولادتي انو يسهل نفاسي كمان❤️ اول شي طلبت من وحده خبيرة بالاعشاب كورس كامل للنفاس كان من ضمنه اعشاب تخص العشرين يوم الاولى وكنت احط منها ملعقه ع الاكل وع الحليب مرتين باليوم طول العشرين ✨ كنت قد مااقدر اغصب نفسي واكل كل شوي لو لقمتين بس انتبه من الجوع """⭕️لان الجوووع عدو المرأه ف النفاس والدوره"""⭕️ وكوب حلبه يوميا العشرين الاولى بس بعد عشرين يوم ماينفع لانها تسبب مويات العشرين يوم الاخيره تكونين مجهزه لك من بدري تمر معجون بحب الرشاد ولو حابه تضيفي سمن✨ كل ماحسيتي بجوع تاكلي منه واعشاب تخص العشرين الاخيره كمان احطها ع اكلي مرتين باليوم ومتقبله طعمها الحمدلله لاني قررت مااتركها بالنسبه لي كنت والده بالصيف بس مع ذلك مااااتركت الشال ملازمني ع راسي الحمدلله 💖 ولبسي مو ثقيل مره بس طويل اهم شي وانتبه من الهوا والبرد✨ 〰 وبما ان فترة النفاس صعب فيها العنايه من خلطات وكلام بس كنت اكتفي اني ارطب يديني ورجولي بكريم قوي الترطيب مثل ((الجلوسيد)) 💖〰 بالنسبه للبسي وقت الضيوف كنت طالبه ملابس من شي ان كشخه طويله واهم شي يكون فيها ازرار او سحاب من الامام عشان الرضاعه وكمان عندهم شالات اطلب منها لكل لبس شال مناسب ف كنت انيقه🤭💕 حتى بنفاسي 〰〰بالنسبه للخياطه: كنت اغسل بموية فقققققط ومرتين باليوم اغسل بمطهر بيتادين الاخضر طبعا اخففه بمويه وانشف المنطقه زيييين وقبلها اكون مجهزه ع النار زيت زيتون مع عشبه تسمى(خواجوا) عند العطارين موجوده تطبخ الى مايصير لون الزيت احمر بعدها احطه بعلبه قزاز ف دولاب الحمام وانتو بكرامه✨ مرتين باليوم امسح فيه المنطقه عشان ماتجف وينفك الجرح وعشان يبرى بدري🥺 〰والبطن زي ماحكيت ينربط بشماغ او قماش وكتبت عنه موضوع خاص😍✨ هنا احلف لكم والله الذي لا إله الا هو انو فررررق فرق بين نفاسي الاول والثاني بالثاني طلعت عروس عروس كمان البياض اللي كنت فيه والنظاره ماكنت متوقعتها😍✨ولا تخيلت انو ممكن الاعشاب تسوي كذا ((بعدها فهمت انو اذا نظف رحمك تتزين بشرتك)) سواء تصبغاات او حبوب او او … اروح لو اهتميتي وقت الدوره ونظفتي رحمك بالنسبه لجسمي وقوته ماشا الله لا اله الا الله ماكنت زي اي وحده نفاس كنت نشيطه واسوي كل اشغالي بنفسي ولا احس بتعب الولاده وعظامي قويه ماشا الله✨💕 اما عن الصوت والهوا اللي كانت تطلع مني مااشفتها بالنفاس الحمدلله 💕 وتمارين كيجل ساعدتني كثير بعد الله ف تضييق المنطقه اللي ابغى اوصله لكم حبيباتي💕 من ايام الحمل قرروا وخططوا لنفاسكم❤️ لا تعيشونه انه فتره كئيبه زي ماسويت اول نفاس💔 ثاني نفاس كنت اطلع اتمشى بعد ماخلصت اسبوعين😄اهم شي كنت اسويه كنت اتدهن بزيت زيتون واهم شي اذوني والبس لبس زين وجوارب واروح مكان بس مايكون الهوا قوي وانبسطي وعيشي احلى نفاس ويارب يكون موضوع خفيف مليء بالفوائد يارب💖🤭واحبكم مره يالطيفين