صبحتم بالخير يا بنات ، أنا إنسانه طيبه و كويسه و أسلوبي حلو و جميله والله العظيم كل الصفات الحلوه فيني إلا صفه وحده طفشني زوجي فيها و اهي " لساني 😂" اذا تزاعلت معه و رد علي ارجع ارد عليه ماقدر اسكت يقول كلمه انا ارد بجمله مع ان اوقات يكون هو الغلطان عشان كذا ما اتحمل اسمع و اسكت ولا اتكلم وداييييم يقول لي كل شي فيك زين إلا لسانك وقت الزعل لا تراددين خلك ساكته لين اهدا بعدين تعالي قولي الي تبينه بهدوء ما يحتاج ترادديني وترفعين صوتك وقت المشاكل اقوله هذا انت ترد وترفع صوتك يقول أنا رجال طبيعي صوتي عالي انتِ بنت و المشكله يا بنات والله اني بأوقات غير الزعل فرفوشه ودلوعه و انثى بس اتهاوش معه اصير جعفر كاني واحد من الشباب و دايم امي تقول لي لا تراددينه وقت المشاكل خليك ساكته وقومي عنه ولا تقولين كلمه لانه معصب كلمه منك كلمه منه تكبر المشكله و قد مره سمعت كلام امي و زعلني ما قلت ولا شي رحت غرفتي وفجاه نمت وصحيت عليه وهو جاي لي يعتذر و يضمني و جاب لي هديه و فعلاً مره مره نفعت الحركه لكن من يوم سويها مره وانا مو قادره اسويها مره ثانيه مادري كيف ذاك اليوم سكت ورحت نمت😁😂 بالله يا بنات وش الحل كيف وقت الزعل اسكت و أطنشه عشان يحس انه جالس يعصب على الفاضي أنا مو بس معه كذا حتى مع اهلي لما اعصب لساني ينفلت اعطوني حل سألتكم بالله ☹️