4 years ago
  • المرحلة الأولى ( اول 3 اشهر)
كيفكم بنات يارب بخير..انا أجهضت مرتين وعملت ٣ عمليات بالرحم اعاذكم الله. وازلت حاجز رحمي طوله ٢ سم تقريبا وحاليا الحمدلله حصل حمل بعد حوالي ٥ شهور من اخر عملية..دعواتكم يابنات انا نفسي في طفل..وبقالي كتير..وتعبت جدا من العمليات والاجهاض 😔 سؤالي هنا...ممكن تخمنو معايا جنس الجنين ؟ الاسبوع ١١..انا حاسة أنها بنوتة..رايكم ايه؟..جزاكم الله خير وحفظ حملكن و رزقكم الخير من وسع اللهم آمين.

35 تعليقات

العضوة: 1276963 , 4 years ago

انا كمان حصلي اجهاض وعملت ازاله حاجز وحامل 9اسابيع ممكن تقوليلي اي اعراض الحمل عشان بينزل عليا افرازات بنيه وخايفه اوي وادعولي يكمل علي خير 😢

العضوة: 1301622 , 4 years ago

@user-1276963 حبيبتي الله يقومك بالسلامه...انا عارفة قد ايه ده صعب...الله يعيننا علي الالم النفسي والجسدي ويرزقنا بالذرية الصالحة.. حقيقي انا برده بيحصل معايا الافرازات دي...وقبل أزال الحاجز حصل معايا برده وحصلي نزيف شديد جدا استمر معايا اسابيع طويلة وعرفت انها كانت حاجة اسمها subchorionic hematoma/hemorrhage اختصارها SCH و اتعرضت لتاني مرة اجهاض صامت في الاسبوع ١٧ لكن كل ده كان قبل عملية إزالة الحاجز... حاليا فيه افرازات برده لكن مش نزيف حاد زي الاول. انصحك يا اختي تتابعي مع الدكتور/ة مرة كل أسبوعين لازم يعمل كشف علي طول عنق الرحم..

العضوة: 1276963 , 4 years ago

يعني انتي برضو بينزلك افرازات بني

العضوة: 1276963 , 4 years ago

وهل بتاخدي كلكسان وعملتي ربط ولا لا طمنيني ربنا يجبر خاطرك ويقومك بالسلامه وحملتي بعد ازاله الحاجز بقد اي انا حملت تاني شهر على طول وخايفه اكون اتسرعت والافرازات البني دي مخوفاني اوي

العضوة: 1301622 , 4 years ago

@user-1276963 ايوه يابنتي.. لكن افرازات فاتحة الوانها مختلفة ..لكن قبل العملية لما كنت حامل مان نزيف احمر شديد وساعات متقطع ..وللاسف انتهي باجهاض صامت .. الدكتورة بتقولي لما بيكون فيه افرازات لازم متابعة مستمرة عشان لاقدر الله لو لاحظت قصر عنق الرحم بيفكرو يعملو ربط...عشان كده تابعي دايما معاهم كشف كل اسبوعين متنسيش....كل اسبوعين مش اكتر من كده لحد ما الحمل يوصل للاسبوع ال ٢٥ يارب إن شاء الله...ساعتها ممكن نطمن شوية..

العضوة: 1265103 , 4 years ago

بترجاكم بنات شوفولي جنس الجنين

العضوة: 1276963 , 4 years ago

انا بينزل افرازات بني بس مش طول اليوم كل كام ساعه كده لما بمسح بالمنديل بس لما بكشف النبض والجنين كويس والاحمال اللي فاتت كانت كده برضو وبعدين كان النبض بيقف

العضوة: 1301622 , 4 years ago

بصي يا حببتي ..الدكتورة قالتلي اخد اسبرين ١٠٠ مجم يوميا ..قالت مش هنبدا ب كلكسان عشان قوي وهنجرب الأسبرين وربك يستر ويكون كافي.. بالنسبة حصل حمل امتي...بعد ٤ شهور من العملية ...بصراحة كنت خايفة بعدها وقررت اصبر كذا شهر...بس متخافيش يا حببتي...العادي أن الرحم بيخف بسرعة..هدي اعصابك ..انتي مش لوحدك 💚

العضوة: 1276963 , 4 years ago

ربنا يكملك علي خير يارب

العضوة: 1301622 , 4 years ago

@user-1265103 معلش والله مش قادرة استوضح خالص...انتي في الاسبوع الكام؟

العضوة: 1301622 , 4 years ago

@user-1276963 بصي حببتي ابعتيلي اي وسيلة تانية للتواصل معاكي عشان فيه كلام كتير عايزة ابعته ومش عارفة ابعت رسايل علي الخاص هنا..

العضوة: 1276963 , 4 years ago

ابعتلك رقم واتس بس همسحه بعد ماتخديه علي طول

العضوة: 1301622 , 4 years ago

@user-1276963 تمام يا بنتي ابعتي وامسحي علطول

العضوة: 1301622 , 4 years ago

@user-1276963 تمام امسحيه وهضيفك 😘