💃💃💃هزي_بخصرك_هزي💃💃💃 هل تعلم انو هالاغنية قادرة تجمع كل نسوان الصالة على (البست) الذي لا يتجاوز ٣امتار👌😂 بتلاقي هالبقعة الصغيرة من الارض بتتجمع عليها؟؟ السمرا والشقرا الطويلة والقصيرة السمينة والرفيعة الحلوة والشنيعة موبس هيك ! بتقدر تجمع كمان !! المتزاعلين والمتخانقين الارامل والمطلقين الختايرة والمكحكحين المتكايدين والمقهورين بمجرد سماع موسيقا هالاغنية الكل بيترك من ايدو كلشي ، حتى طاسة البوظة يلي كانت كل وقتها تراقب ايمت رح يجي دورها ،،،وتكون راسمة بنظرها على اكبر طاسة وقاعدة تدعي تكون من حصتها ،،، تصوروا تركتها 😎✌ هون بتبلش الغنية يلي بتقول؟؟؟ ((ي ام التوب البني والله مجننني )) بتنظ اول شي هديك يلي لابسة بني ونافشة ريشاتها وكءنها رح تتوج ملكة (( والتوب الاسوادي نارك وكادي)) بتأشر على حالا انو تعو شوفوني لابسة اسود ، بتدلع ، وبتتمايع ،، طالعة شبه الفقمة ، اصلا هية لابسة الاسود كرمال ينحفها شوي (( والتوب النيلي بس طلي مقابيلي )) هون ام النيلي بترقص بدلال وخفة دم ، بس لابقلا الضرسانة 😍 بنجي لآخر وحدة (( يما التوب الزهري حيرني بأمري )) عما تتمختر بثقة عرفانة حالا حلوة ، عاملة منافس وَيَا ارض شتدي 😏 بعدين بصير هدوء مؤقت لجمع كل الطاقات بالجسم مشان اهم مقطع بالاغنية ((( هزي بخصرك هزي هزي هزي بخصرك هزي ، سهم بقلبي غزي غزي سهم بقلبي غزي ))) هون بتلاقي النسوان منظرهون بشخخ ضحك 😂😂 كلو عما يهز كلو عما يرج وكءنك مشغل عليهون خفاقة البيض 😂😂 هزي_خصيرك_هزي اذابتسبوني رح بطل احيلكون قصة غنية. (( جنوا نطوا 😂😂 بقلمي الهزّيز😂 😊 تابعوني بصفحتي سرادات ام اللول كلو عم يهز 💃