الجزء الاول # غزل : وبعدين بس مشت خطوتين البنت زحلئت و وقعت عالأرض وانا متت ضحك عليها وقلتلها بتستاهلي هههههههههههههههه
هههههههههههههه … هههههههههههههههه
غزل : احم احم .. شبكن ليه هيك عم تطلعو علي ؟
قانته : اختي حبيبتي مو حاسة انك كتير غليظة انتي وحكياتك ؟ يعني بنت تخانئتي معا وبعدين وقعت وين الهضامة بهل قصة ؟
غزل : تضرسي ايه ؟ الحق علي جيت زورك بالشغل وسلم عليكي ما بتستاهلي
تطلعت فيها قانته بنظره معناها اسكتي ..
غزل بصوت واطي : طيب سكتت ..
صارت تلف عالكرسي الجلد الي قاعده عليه ورا مكتب اختها .. ضلت تلف فيه وتلعب بعدين دائ خلئها
غزل : وين الحمامات ؟ بدي روح عالحمام قومي معي
ضلت قانتة عم تقلب بالأوراق وما اعطت غزل اي اهتمام ..
غزل : لك عم احكي معك قومي بقى
قانتة:لك يا غزل الله يرضى عليكي فوق راسي شغل كوامايات خلص روحي لحالك
غزل : ياربي ما بعرف وينهن .. دارين قومي معي انتي ؟
دارين كانت عم تشتغل عالكومبيوتر : معليه حبيبتي ما تواخذيني كتير مكركبة
غزل : منى؟
العضوة: 799516 , منذ 3 سنوات
من النوم قانتة : غزل غزل غزل غزل : ايه ايييييييييييييييييه قانتة : قومي غزل : لك شو بدك ؟ قانتة : جبت عنوان جاد .. وبدي تقليلي بسرعه شو بدنا نعمل لأن اليوم صارت مشكله عنا بالمكتب والتمو الموظفين علينا قامت غزل وهي عم تفرك عيونا : ليش شو صار؟ قانتة : منى و دارين علقو ببعضن مشان جاد .. حرقتلي قلبي منى .. كانت عم تبكي وتقول لدارين مشان الله ما عم اتحمل شوفكن سوا … ودارين عم تقلها ما دخلك وما بسمحلك تدخلي وبعدا عليت اصواتهن غزل : العمى قانتة : ايه والله وانا قلبي عم يفور ويغلي من قهري ، لازم نحل الموضوع غزل : طيب وين عنوانو ؟ وساكن لحالو ؟ قانتة : قبل ما قلك وين .. شو بدك تعملي ؟ غزل : خليني روح اشرب مي واجي فهمك سحبتها قانتة من كنزتها : اقعدي محلك .. هي مي اشربي يلا واحكيلي غزل : طيب طيب .. انا كنت بدي نكتب ورقة ونزتها تحت باب بيتو ونكتب عليها ( ابعد عن دارين مشان ما يوجعك راسك .. المرسل فاعل خير ) قانتة : ايه لأ شربت غزل المي : كيف بالله مو فكرة خطيرة ؟ قانتة : اووووووه .. بتجنن قامت غزل وفتحت الخزانة وطلعت منها كيس : وشوفي شو جبت قانتة : شو هي ؟ غزل : ملاية سودا .. وكفوف سود .. وجرابات لونهن اسود .. مشان روح حط الورقة تحت بابو قانتة : تضربي انتي والي صغرت عقلها وسمعت حكيك .. عنجد الولد بضلو ولد وقامت قانته لتغير تيابها غزل : لك شبك شو في ؟ قانتة : اختي جنيتي انتي شي ؟ .. يعني من عقلك رح يخاف ويترك دارين ؟ وبلكي عرف مين الي عم يبعتلو غزل : لك من وين رح يعرف ما بيعرف .. بعدين منكتبلو تهديدات قانتة تطلعت بغزل بعصبية : يمكن انا اعطيتك وش زياده عن اللزوم .. هالموضوع ما عاد بتدخلي فيه فهمانة ؟ انا رح اتصرف غزل : بس !! قانتة : لا بس ولا شي .. انا فايته عالحمام وبس اطلاع ما عاد تناقشيني بشي وطلعت قانتة من الغرفةالعضوة: 799516 , منذ 3 سنوات
@user-783861العضوة: 799516 , منذ 3 سنوات
قعدت غزل عالتخت : اوووف والله انها فكرة منيحه ليش هيك انتي و بالصدفة انتبهت انو في ورقة صغيرة واقعه بالأرض غزل باستغراب : شو هي ؟ قامت وفتحت الورقة ولقت مكتوب فيها عنوان ( الحي والشارع ورقم البناية ورقم الشقه ) غزل : هاد اكيد عنوان جاد .. ركضت كتبتو على ورقة تانية وخبتها و رجعت الورقة الأصلية لمحلها .. غزل : اصلاً اختي من يوم يومها جدبة .. ازا لهلأ صار عمرها 30 وما عرفت تدبر حالها بعريس بدها تعرف تحل هيك مشكلة كبيرة !! انا لازم اتدخــــــــــل و حل الموضوع قبل ما يكبر ..العضوة: 799516 , منذ 3 سنوات
الجزء الثالث مرق النهار بهدوء و غزل سكرت الموضوع تماماً .. وتاني نهار حطت التياب السودا بشنتتها .. وطلعت من البيت .. و اخدت تكسي على العنوان الي معها وبس وصلت لهنيك وقفت بمدخل البناية ولبست الملاية السودا والكفوف والجرابات و صارت كلها سودا .. طلعت عالدرج .. حطت الورقة وكانت كاتبة فيها ( ازا ما بتبعد عند دارين رح يجيك وجع راس المرسل فاعل خير ) حطتها عند الباب ونزلت بسرعه وهي مرعوبة و وقفت تكسي وراحت عالجامعة .. فاتت على حمامات الجماعة وشلحت الاسود وحطتهن بالشنته وكملت دوامها بس كانت خايفة كتير ومتوترة .. رجعت عالبيت و صارت تنطر وقت رجعت قانتة لتجس نبض شو صار بالمكتب .. هيك لوقت ما رجعت قانتة عالبيت و تصرفت عادي وبهدوء وضلت غزل عم تحوص وتروح وتجي لتفهم ازا صاير شي بس ما في شي جديد غزل عم تفكر : معقول ما شاف الورقه !! مرق تاني نهار و ما عرفت شو بدا تعمل…و ضلت ناجرة تسمع اخبار جديدة من قانتة انو دارين و جاد انفصلو!! بس بدل هيك اجت بهداك النهار قانته و معها اخبار سيئة.. قانتة: منى قدمت استقالتها… غزل: شوووووو قانتة: و دارين قدمت على اجازة اسبوعية بدون راتب… مو هون المصيبةالعضوة: 799516 , منذ 3 سنوات
غزل: ليه في مصايب اكتر من هيك؟! قانته: ايه… احزري ليش اخدت الاجازة؟ غزل: ليش؟ قانتة: بدها تطلع رحلة تخيم هي و جاد!!! غزل: وليييييي… راحت البنت من بين ايدينا قانتة: لك خلص حاج تنقي والله راسي رح ينفجر مخنوئة كتيرررر غزل: لك اختي عم تبكي؟ قانتة: لا ما عم ابكي غزل: امبلى عم تبكي!! قانتة: زعلانه على رفئاتي كتير… دارين كانت تحب ابن خالها و رح يخطبو… تركتو و دمرت حياتها و لحقت جاد و هلأ الله اعلم شو رح يعمل فيها للبنت… و لفت حالها بالغطا و نامت عالجهة التانية.. قربت منها غزل و حطت ايدها على كتف اختها.. : طولي بالك.. تاني نهار الصبح اخدت غزل التياب السودا و كتبت رسالة ( انا بدي نبهك انو دارين بتخونك مع ابن خالها و بتجبو الو لهيك ابعد عنها… المرسل فاعل خير) … و راحت متل المره الماضيه لبست الملايه و الكفوف و طلعت عالطابق التالت و حطت الظرف تحت باب شقة جاد.. كانت بدها تنزل بس سمعت صوت حدا طالع عالدرج غزل: ولي وين بدي روح!! ركضت و طلعت عالطابق الرابع و وقفت على جنب… جاد عم يحكي عالجوال: ايه حبيبتي لولو… دخيل البك انا شو بيلبئلك الزهر…. الصور الي بعتيلي ياهن بيشلووووو..العضوة: 799516 , منذ 3 سنوات
لحظة استني… خليكي معي شوي… لمح جاد الظرف الي عند الباب… نزل على رجليه و مسكو جاد: حياتي بحكي معك بعد شوي… باي يا البي… سكر الخط و قرب الظرف لانفو و شمو: نفس ريحة العطر فتح الظرف و قرأ الي فيه و صار يضحك.. غزل: ليش عم يضحك هاد؟؟؟؟ … وقف جاد و فتح باب البيت و بعدا فات و سكر وراه.. غزل: لازم انزل بسرعه نزلت عالدرج و هي عم ترجف… وقفت قدام شقة جاد شوي و بعدين كملت لتنزل و فجأة انفتح الباب غزل: ولييييي ولي ولي ولي جاد: وقفي مكاااانك من رعبتها تفركشت بالملاية الي لابستها و وقعت عن الدرج.. نزل جاد و مسكها وهي عم تعيط جاد: خلص اسكتي لشوف غزل: اتركني عم ئلك اتركنيييي… يا عااااالم يا نااااس الحئوووونييييي حط ايدو على تمها جاد: تعي لشوف شغلي معك…العضوة: 799516 , منذ 3 سنوات
@لؤلؤة في محارةالعضوة: 799516 , منذ 3 سنوات
شو كملالعضوة: 799516 , منذ 3 سنوات
حملها و هي عم تحاول تفلت من بين ايديه و عم تحاول تصرخ بس حجمها الصغير ما ساعدها لتخلص حالها.. فوتها عالبيت و رماها جوا و قفل الباب غزل: لك شو بدك مني طلعني من هوووون جاد: ارفعي عن وشك لشوف غزل وهي عم تبكي : لك شو مفكر حالك انت طلعني طلعنننيييييي جاد: انتي فاعل الخير لكن؟ غزل: والله مو انا.. ليك طلعني من هون فوراً جاد: انتي ريم؟ هدى؟ روز؟ سيما؟ توته؟ انو وحده منهن؟ غزل: لك شو بعرفني مين هدول جاد: رح عد للتلاته… ازا ما بترفعي عن وشك لاعرف مين انتي…ما بتتخلي شو رح اعمل فيكي.. غزل: أ… أ… أ… واحد… تنين… تلاته… #يتبعالعضوة: 799516 , منذ 3 سنوات
@user-743708العضوة: 743708 , منذ 3 سنوات
رفعالعضوة: 799516 , منذ 3 سنوات
غزل : خلص خلص جاد : شو ؟ غزل : انت ما بتعرف مين انا ولا انا بعرفكـ اصلاً جاد : بالله جد ؟ غزل : لك والله عم بحكي الحقيقة مشان الله خليني اطلع رح يوقف قلبي من الرعبة وبوعدك ما عاد اتدخل بحياتك افتحلي الباب ركضت غزل عالباب .. حط جاد ايدو عالقفل : ارجعي لمكانك لشوف غزل : لك يا اخي يا ابن الحلال بعتزر .. انا اسفه .. انا حمارة .. لك انا جدبة الله ياخدني ويريح اهلي مني خليني اطلع ببوس ايدك جاد استغرب كتير من طريقة حكيها و كيف مرعوبة .. يعني الي بيعمل عملتها بدو ما يكون قليل او جبان و فجأة اجاه اتصال ورد عليه جاد : شو بدك ؟ لا مو جاي عالبيت .. ولا توجعيلي راسي .. ايه قولي لأبي مو خايف بس ما عاد تسمعيني صوتك ايه ايه متل ما عم ئلك فهمانة ؟ .. لا ما بدي شوف اخواني بنوب .. الله معك ..الله معك يلا خلصينا سكر الخط وهو متدايئ .. جاد : انتي اديه عمرك ؟ غزل : 18 جاد : شو ؟؟! لك انتي طفلة شو هالتصرفات الي عم تعمليها هي !! غزل : ايه والله معك حق .. انا طفلة .. وغلطت وخلص يلا خليني اطلع الله يوفئك جاد : طيب ازا انا ما بعرفك وانتي ما بتعرفيني ليش هيك عملتي ؟ غزل : انا ما بعرفك الك بس انا بعرف دارين .. و انا حاولت ساعدها بس ما عاد اتدخل لو سمحت خليني روح بطريقي جاد : ليش حاولتي تساعديها ؟ وكيف عم تساعديها وانتي هلأ تاركيتلي رسالة انو هي عم تخوني يعني انتي هيك عم تأذيها انتي عم تشتغلي كل هاد الشي من راسك ولا كيف ؟العضوة: 799516 , منذ 3 سنوات
غزل : ليك بدي ئلك شغله .. الي كتبتلك ياه بالرسالة مو كزب .. كلو مزبوط دارين كانت رح تنخطب لأبن خالها وكانو يحبو بعض كتير بس انت نزعت علاقتهن جاد : انا ما دخلني هي الي بتحبني غزل : طيب اتروك البنت بحالها ما في داعي مشان تحس برجولتك تعذب كل بنت بتحبك وبتتعلق فيك جاد : عفواً ؟؟؟؟؟؟ غزل : انا ما بعرفك شخصياً بس انا بعرف كتير شغلات بشعه عنك .. انت واحد ما عندك مشاعر وبتستغل حب اي بنت الك لتتسلى فيها و فوق هيك انت .. كانت غزل بدها تقول انها بتعرف انو مدمن مخدرات بس خافت يعمللها شي جاد : انا شو ؟ غزل تلبكت : انت .. انت .. انت يعني ما بتحكي مع امك باحترام .. مو الي دئتلك هلأ امك ؟ لك كيف بتحكي معا هيك جاد : ايه بس هي مو امي غزل : لكن جاد : هي مرت ابي غزل : حتى ولو جاد باستغراب : حتى ولو ؟ لف ضهرو عالجهة التانيه ورفع البلوزة عن ضهرو غزل خافت كتير وغمضت عيونا : لك شو بدك تعمممل ما جاوبها .. رفعت عيونا واتطلعت عليه .. كان كاشف عن ضهرو و عليه اثار حرق مرعبة غزل : شو هاد !!العضوة: 799516 , منذ 3 سنوات
نزل جاد الكنزة و ابتسم : هي مرت ابي الي بدك احترمها غزل : افتحلي الباب جاد : طيب … تفضلي فتحلها الباب وطلعت بسرعه ونزلت من عالدرج وسمعت صوت جاد جاد : انا رح اتروك دارين .. اصلاً مو عاجبيتني كتير .. ههههههه ضلت مكملة طريقها وهي حاسة حرارتها مرتفعه كتير وخايفه .. وقفت تكسي وطلعت فيا وهي عم تطلع وراها للتأكد انو جاد مو لاحقها وصلت عالبيت شلحت الملايه تحت درج البناية وطلعت عالسريع وفاتت وركضت على غرفتها غمضت عيونها وصارت تتزكر منظر الحروق على ظهر جاد .. فاتت قانتة و كانت راجعة من دوامها و عم تغني ومبسوطة : كيفك غزوله غزل : _ _ _ قانتة : مستحيل تسدئي شو صار اليوم .. جاد قطع كرت لدارين ههههههههه رفعت غزل الغطا عن وشها : كيف ؟ قانتة : والله متل ما عم ئلك .. قال ما بقدر يروح معا بالرحلة و مشغول كتير غزل : والله هي اخبار حلوة قانتة : اخبار حلوة وبس ؟ .. فوراً بشرت منى وفرحت كتير يا حرام .. عالأقل هلأ ما بخاف انو يعمللها شي غزل : حتى لو راحت معو ما بظن انو يعمللها شي قانتة : كيف ؟العضوة: 743708 , منذ 3 سنوات
@user-799516 زعلتي 😂😂😂