حابه فضفض واحكي يلي بخاطري حابه كتير احمل رجعتلي اللهفة كانو اول مرا رغم انو عم نمنع طبيعي بس كل شهر بتأمل الله يبعتلي هل هدية ويختارلي مايخيرني ما تقولو عني مجنونة بس انا حابه بس مو قادرة اخد القرار بس افكر بعمق بالموضوع برجع بتذكر تعب الحمل والولاده والطلق ومشاكل صارت معي بالمشيمه واول فترة بعد الولادة مع سهر طول الليل بكى و ومغص البيبي وغير قصة تانيه صارت معي كتير بشعه مابحب اتذكر هديك الفتره ابداً اقسم بالله شفت ايام سودة وبشعه كتير مارح فوت بالتفاصيل بس ما تهنيت ببنتي بهداك الوقت وماصار عندي حليب فورا نشف صدري كانت ابشع فتره بكل شي وهلا صارت بنتي عمرها سنتين وتلت اشهر وانا رجعت حياتي طبيعيه الحمدلله بس بحس ولد بتعب كتير وبضل اركد وراها مابلحق بقول كيف لو صارو تنين بخاف ماكون قدها بنفس الوقت ماني حابه اترك فرق اكتر من تلت سنين بين الولدين وانا بغربه بنتي لحالا بشفق عليها كتير بتنبسط بس تشوف ولاد لدرجة بتركد بالشارع تحكي معهن قلولي شو اعمل ولله ما عارفه قلبي كتير ملهوف ع الحمل وبيبي وبنفس الوقت بفكر بالتعب وكلو طلع قرار البيبي التاني اصعب من الاول بكتير كيف اتخذتو هل قرار ؟؟ ساعدوني وانصحوني اذا عندكن نصيحة