ابني عمره 8 شهور ومطلع اسنان فوق وتحت ماشاءالله
قبل اسبوع وانا برضع فيه عضني وسببلي جرحين عميقاااات جدا بالحلمة من تحت 😣
صارت الرضاعه عندي بتشل واسنانو الفوق بعلمو عالحلمه بقضيها بالعياط وانا برضع فيه وبتشنج بتتلف اعصابي 😔
وكل ما يرضع الجروح بتفتح وكانها اسنانو بتدخل جوا الجروح😣 بلشت بالعلاج وحكتلي الدكتوره بدي وقت لحتى اشفى وتلتئم الجروح يعني تقريبا عشر ايام
وانا لو 100 يوم ما رح اشفى ولا تلتئم الجروح لما لسه في رضاعه مستمره ما رح استفيد من العلاج بس بتعذب
علما انه ابني معتمد على الرضاعه الطبيعيه فقط ومن ثدي واحد لانه التاني نشف سبحان الله 😭
ف بعد تفكير اخدت قرار الفطام😭😭😭😭
فطام مفاجئ لابني حبيب قلبي وروحي😭
ما في حل غير هيك الله اعلم بوضعي
والله فكرة الفطام بحد ذاتها صعبه ف كيف فجأه هي الصله الاقرب الي بتربطني بابني صعبه عليي وعليه حبيب عمري😭
والله فكرت بكل الحلول وحاولت اشفطلو المهم يضل يوخد حليبي مع انو صعبببببب جدا يقبل الببرونات جبتلو خمس انواع ولاشي يزبط 💔
لما حاولت اشفط روحي طلعت من حلقي 😭 الرضاعه اهون من الشفط بكتير
الجروح بتتمزع اكتر واكتر وبتتوسع💔😔
جربت درع الحلمة ورفضها تماما صار يشيلها
لهيك قلت خلص بدي انهي هالعذاب انا حرفيا بموت🥺
الدكتورة حكتلي لحتى تجبري حالك عالفطام وكل ما تشفقي عليه بدك ترضعيه بحياتك ما رح تتحسني وتشفي وغير عذابك بالوجع
خدي دوا الفطام تنشيف الحليب على يومين
وفعلا اخدتو وباقيلي حبة منه وبخلصو
اليوم انا بالتحجير والوجع 😭
بدي اخلص من موضوع الفطام ويهدى صدري لحتى اعرف اعالج الجروح المفتوحة😞
انا آلامي بتهون عليي
بس كل وجعي ابني😭 لا بعرف يوكل اكل ولا يرضع الصناعي لانه كان كل اعتمادو عالطبيعي وما بعرف يمص بالببرونات مع اني كنت احاول معه قبل احطلو مي او عصير ليعرف يمص ويشفط بس بقضيها يعض عليها💔
الليله ابني صحي عالفجر بالعاده بصحى برضع وبضل نايم
اول مره بصحى وما بقدر احملو يشم ريحتي ويرضع😭 لاول ليله ما برضع مني😭😭😭 قلبي بتقططططع
صار يعيييييييط يعييييط كتيييير والدتي الله يحفظها نامت جنبو مش انا وراحت عطول تعملو حليب ويضل يعيط وانا مش قادره المسو بس شايفتو من بعيد وبتعذب عليه وبحاول احكي معه يسمع صوتي لحتى ما يخاف ويستفقدني😭😭 عطوووول راسي صار يوجعني صدعت عليه
اجت امي اخدتو من عندي لغير غرفه تحاول مع بالحليب
المشكله لو بقبل الصناعي وبعرف للببرونه اهون الموضوع عليي😭
والله قد ما جربنا طرق صرنا نعطيه الحليب بالسرنجه😣
المهم معدتو ما تضل فاضيه
ونحف حبيب قلب امه😭😔💔
اااخ يا وجعي حبيبي يا ماما
امي تهديني تحكيلي انتي التهي بحالك وما تقلقي عليه خليه عليي وكلنا حواليكي
اولها صعبه عليه بعدين بتعود
الله يهونها ويسهلها عليك يا حبيبي ياربي وقف مع ابني وكون المعين اله اهديه للاكل والحليب الصناعي وساعدو يعرف للببرونه يا حبيبي يا الله😔
يارب نتخطى هالازمه والايام الصعبة يا روح الماما💔🥺
خواتي بعرف طولت عليكم بس بدي منكم تدعولي الي ولابني الله يساعدنا ويهون علينا هالايام وتريحوني بكلامكم الحلو💞
العضوة: 1959780 , 1 year ago
@user-1824001 ولله يقلبي هي عم احلفلك عندي الثديين لتنين نشقو ويطلع دم وبلش يطلع قيح كمان وقفت يوم وماسخيت فيو رجعتو وبعدين صرت علمو مايعض والحمدلله تعلم وماعاد يعضني لاكن انتي فطمتي خالص صح يلا الله يكون بعونك يارب ويصبرك وابنك الله يهدي ويصلحو وياكل ان شاء الله يوم عن يوم بياكل باذن اللهالعضوة: 1623846 , 1 year ago
وانا متلك والله كنت كل مارضعو يعضني ويصير الدم يسيل من صدري وثاني يوم الاقي الحلمة ملتهبة ومقيحا صرت ادهن كريمات لتشققات الثدي تخف يرجع على الرجاعة يفتح الجرح لدرجة مرة صرت اعصرلو الحليب بكاسة واعطيه لانو ماكان يقبل القنينة ويقرف منها بس مافطمتو هلق صار عمرو سنة وخمسة اشهر ومالي عارفة كيف بدي افطمو ولا قادرة اسيطر عليه عم يفضل الرضاعة على الاكل وهو لحالو بطلع صدري وبيرضع وبيرجع بضبو 😄والله الشغلة مطولة معي بالفطام.