اسعد الله صباحكم سُكرات حابه أفضفض شوي طبعاً أنا أم لطفلين ولد عمره ٣ سنين لشهر ٢٩ /١٠ بيدخل بسنه الرابعه وبنت عمرها سنه ونص شهر طبعاً مادري منين أبدا أو وش أقول الي متابعتني منكم تعرف ان حملي الثالث الي هو حالياً بلغلط وكانو توئم واجهضت واحد وبقى واحد الحمدلله ع القضاء انهرت أكيد لان لسى طلعت من الولاده لسى م تنفست كويس كانت تجيني أفكار أتخلص من الحمل لأني جداً أصير بحاله نفسيه صعبه بكل حمل لي من الثلاث المرات المهم وخاصه ولادتي الثانيه الي هي ببنتي كان في شويه خلاف بيني وبين أهل زوجي ومرت علي أيام النفاس ومشاكل واجهاد بس الحمدلله طبيعي كل مشكله ولها حل ياربي لك الحمد وسوء الفهم يحصل فكل بيت الحين مدري احس ماني مستعده أولد ماني مستعده اسهر واتعب ولسى م نسيت تعبي الأول لسى فاهمين علي مدري كل م أتذكر ان الولاده قربت احس انهيار دموعي تنزل مع ان كانت جداً مسهله ولادتي فبنتي الي هي الولاده الثانيه م حسيت وكنت ع يقين تام ان ربي معي وراح يشفق فيني ويسهل لي لان كنت بفتره صعبه امر بعيد عن اهلي ومشاكل وكل ذا بس كان زوجي الله يحفظه السند الدايم لي بسألكم هل طبيعي شعوري ذا ولا أنا أبالغ؟للعلم اني م كلمت اي احد من زوجي واهلي احس كلام تافهه بنسبه لهم وبيقولون أنتي أم اثنين ومدري وش حابه اي حد منكم مرت بنفس الشعور تطمني عمري ٢٣ سنه وبحملي ذا عانيت كثير من اوجاع الظهر تعرفون لسى صحتي م رجعت تأخذ محلها ف منهاره ولا احكي لكم عن الارهاق وعدم النوم غير قليل بس ساعات واصحى وماعد اقدر انام أعطوني تجاربكم هل في احد مثلي ؟ أتمنى اني م طولت عليكم