مرحبا صبايا انا حامل بالشهر الرابع ببدايته اول شي مافي حدا من اهلي قريب عليي وأصلا هنن زتوني وما سألو عليي ابدا امي خاصمتني لانو اجيت على بلد زوجي وسكنا فيها وتركت اهلي واجيت مع زوجي يعني اكيد مارح اخرب بيتي مشان امي ترضا واخواتي الشباب هنن اكبر مني وبالأصل مافي مودة بيننا ابداااا من وقت كنت بنت دائماً مشاكل ويضربوني ضرب مبرح وامي تشوف وتسكت بالعكس تكون مبسوطة عندي اخت واخ اصغر مني بعانو من نفس الظلم يلي عانيته انا من قبل وامي منعتنا حتى نحكي مع بعض بتقول عني كان عندي بنت وقبرتا(( يعني ماتت)) ابي شخص ما بعرف شو اوصفه بورجينا اديش هو حنون بس هو بحياتو ما سأل عليي او على اخواتي يلي اصغر مني ولا هموا امرنا او حياتنا كان همهن الوحيد لأمي وابي الطريقة يلي يكسرو فيها قلبنا ويحطمونا بيتحمايي ماقصرو بواجبي أصلا من قبل ما اتعرف عليهن كانو يعملولي مشاكل خالاتي فكرتهن بحبوني بس طلعو عم يشفقو عليي بسبب حالتي السيئة عماتي أصلا مابيعرفو شي عني ولا بعرف شي عنهن ومن وقت ما كنت صغيرة اكرهن من قلبي لانو كانو يضربوني ماعندي اي صديقات بحياتي بحس كل حدا حوليي بدو يشفق عليي بس مو اكتر او يشمت فيني منجد انا تعبت كتير حتى زوجي وقت شاف معاملة اهلي السيئة ماعاد يهمه امري يعني لو قلتله مخنوقة ملانة دايق خلقي بقلي مو فاضي عندي شغل او هيك حجج ماحدا عم يحس بمعاناتي عنجد انا كتير وحيدة ياريت تنصحوني شو اعمل حتى احسن كمل حياتي بدون الحالة السيئة او اتخلص منها