العضوة: 1489104 , 3 years ago

@user-1603731 حبيبتي دعواتش بلسم ولكِ المثل و أضعاف عسى ما شر؟ هو صح ساعات تتجمع كل المشاكل في مرة وتحسين مافي مخرج بس (ضاقت، فلما استحكمت حلقاتها فُرجت و كنت أظنها لا تفرجُ) اذا يريحش تفضفضين ف كلي آذان صاغية 🥹🌷 اهم شي ترتاحين، النفسية مهمة في الحمل 🌷 الله يطمن قلبش و يهدي بالش🤲🏻🕊️

العضوة: 1489104 , 3 years ago

@user-1626749 الله يقومش بالسلامة يارب اني اغلب الاشياء طلبتها اونلاين مافي وقت ولا طاقة للسوق ويا جهال الله يحفظهم والابو شغل من الصبح لليل بس ليي ما اخذت الا بيجامتين وغيارات داخليه استخدام مرة وحدة الله كريم و يسهلها اهم شي نولد بالسلامة و يقر عيوننا بشوفة عيالنا بخير وعافية تامين الخلقة بلا زيادة ولا نقصان

العضوة: 1626749 , 3 years ago

الله يسلمش حبيبتي اي والله تعب يالله هانت مابقى شي وتفرحينه بالبشارة

العضوة: 1474720 , 3 years ago

الحمدلله على جميل ما أعطى وعظيم ما وهب ابشركم بنات ولدت بالسلامة قبل يومين

العضوة: 1537686 , 3 years ago

الحمدالله على سلامتج قوليلنا قصة الولادة و في وين 😍

العضوة: 1126603 , 3 years ago

الحمدلله على السلامة 💕

العضوة: 1493581 , 3 years ago

الحمدالله ع السلامتكم بنات .. كنت متابعة بصمت قلت لما اتاكد من حملي بتكلم معاكم 🫣 الحمدالله اليوم تاكدت من حملي ومن جهاز المنزلي ، اذا ابي اروح المركز شنو اسوي بالضبط ؟ هل يعيدون لي التحليل من جديد او لازم اودي وياي التست او شنو علمونييي 🥺 ؟ وادعو ليي الله لا يخيبني 🥹❤️

العضوة: 1514188 , 3 years ago

الله يتمم ليش على خير 🌹عن نفسي حجزت موعد في مركز وحملت التست راويتهم اياه و طبعا عادوا التحليل عندهم و طلعت النتيجة دايركت فتحت الملف مرة وحدة

العضوة: 1126603 , 3 years ago

الحمدلله 💕 الله مايخيب عباده حبيبتي ، بالنسبة للمركز ماعرف نظامهم ولا مره سويت عندهم تحليل بس اتوقع مثل العيادات الخاصة تروحين لهم وتقولين لهم ابي تحليل الحمل وبيسألون كم يوم متاخرة الدورة ومايحتاج تاخذين وياش التست الله يتمم لش ع خير وتولدين بالسلامة يارب و يرزقني 🥹

العضوة: 1474720 , 3 years ago

الله يسلمش حبيبتي ولدت ف مستشفى العسكري.. كانت جدا تجربة ممتازة الحمدلله من ناحية العناية والاهتمام والنظافة.. بس ولادتي كانت متعسرة للأسف تعبت.. طاف موعد ولادتي سبوع ف كان لازم اولد بطلق صناعي الطلق الصناعي بعد ساعه ابتدا علي الطلق كل 7 دقايق بس مافي اي توسع تميت يومين عندي طلق والدكتورة كانت بين فترة والثانيه تحاول تسوي لي تحريض حق يصير توسع.. لما صار يوم ثاني وصل التوسع 3 سم فقط.. عطوني طلق صناعي ف الوريد وزاد الطلق والتوسع شوي شوي كان ما زال بطيء والطلق لا يحتمل بس كانوا جدا صبورين معاي ع الرغم كنت اترجاهم ابي عملية قيصرية من كثر الالم بس كانوا رافضين.. والجنين ما نزل الحوض الا وقت الولادة.. وايضا كانوا رافضين شق العجان بس انا طلبت منهم ان يسوون لي توسع لان ما كنت قادرة ادفع من التعب والحمدلله رب العالمين جبت احلى بنوتة بعد معاناة.. تجربتي تخوف ما بكملها وراكم ولادة بس اقدر اقول ف نفس الوقت انها تجربة ممتازة لان العناية والاهتمام فوق كل شي والدكاترة مستعدين حق اي ظرف طارئ

العضوة: 1537686 , 3 years ago

الحمدالله حبيبتي انها عدت و الله قر عينج بجوفت البنوتة .. كلها اجررر ان شاءالله

العضوة: 1537686 , 3 years ago

مبروك.. تروحين المركز الصحي يسون لج تحليل عشان يفتحون لج ملف عندهم

العضوة: 1534054 , 3 years ago

انا من الكويت جارتكم 🇰🇼 اخو دورة ١٣/فبراير بالاسبوع ٣٠

العضوة: 1126603 , 3 years ago

يا مرحبا بأهل الكويت 😍 الله يتمم ع خير حبيبتي وتقومين انتي و البيبي بالسلامة 💕

العضوة: 1603731 , 3 years ago

الله يتمم على خير اذا منزلي بخلونش تدخلين على دكتوره وتسوي تحليل اذا عندش تحليل دم من خاص تحملين الورقه بدخلونش على دكتوره تخبرينها عندش ورقة التحليل ودرايكت بتخلي يفتحون لش ملف في الرعايه بس طبعا الموعد مابكون الا عقب جم شهر اهم مواعيد المتابعه جذي مايتابعون من البدايه الله ييسر امورش