العضوة: 1537686 , 3 years ago

قبل كان سهل الموضوع بس احين الإجراءات تغيرت و مايصير اتوقع ... بس سألي احد مختص فذي الموضوع احسن لج

العضوة: 1514133 , 3 years ago

يارب يصير عاد مابي اتعذب ولا اتفاجئ بكاست مو زين يوم رحت عندهم مره في رمضان وحده يايه تولد مسكينه ويصرخون عليها الهنود ويعاملونها بخياس و وحده بحرينيه وياهم تقولها بس لاتصارخين تألمي وانتي ساكته عورتي راسي🥲🥲 المسكينه ولدت والمعنويات صفر منهم

العضوة: 1514133 , 3 years ago

وفوق هاي حطو لي مغذي وخلوني بروحي واهوه خلص من زمان دمي نشف من كثر ما طلع انادي واطق الجرس محد معطيني ويه في رمضان هاي توه

العضوة: 1514133 , 3 years ago

وعقب مده ياتني وحده وسحبت المغذي من ايدي بسرعه وفوقه كان تقريبا ٥ لزقات و وايد عورني والدم تطفر

العضوة: 1538069 , 3 years ago

ايي كل شفت تجوفين اخلاق ستاف غير يا اما ناس مهتمين يا اما ناس اخلاقهم زفت ومعامله ازفت .. تدرين وقت ولادتي في السلمانيه في حالتي يايين يسالوني عادي تروحين في الاسعاف المحرق تولدين ! يقولون ماعندهم حاضنات للبيبي في السلمانيه! قلت لهم اي شي بس فكوني.. بعدين الظاهر تواصلو ويا المحرق ومارضو ياخذوني ههههه

العضوة: 1514133 , 3 years ago

الحمدالله والشكر النفسيه في الخشم حتى يوم يصيدني الالتهاب رحت لهم عقب اذان الفجر في رمضان مخليني في حجره التصنيف بس جذي وهم قاعدين فيها ابي يعطوني مال تحليل البول واهوه يمهم مو راضين تقولي هاي بريك الكوفي مالنا نخلص اول عقب نعطيج

العضوة: 1514188 , 3 years ago

ان شاء الله نحصل ممرضات حنونين و مهتمين و نحصل غرف فيها بس 2 🤣 ما امبي غرفة 4 اشخاص و الي في حجرة تكون بحرينية اقدر اسولف وياها ،🤣🤣 اما الغرفة الخاصة طلبتها مرتين و لا احصلها اترخص و هي ما عطوني اياها و حصلت ممرضات حنونين و ممرضات باردين و ماليهم خلق الشغل , الله يسهل علينا يارب و نولد بسلامة كلنا 🤲🌷💜

العضوة: 1514133 , 3 years ago

اي والله عاد اهم شي احد تسولفين وياه😂😂😂😂 تهونين على روحج القعده هناك بس اهوه جم يوم المفروض يقعدون هناك يعني عقب الولاده؟

العضوة: 1514188 , 3 years ago

في عملية خلوني 5 ايام اما الولادة الطبيعية ثاني يوم صبح طلعوني بس جم مفروض ما ادري على وضعش يقررون

العضوة: 1514133 , 3 years ago

بسالكم عقب الولاده بشكثر تسوون الاستقبال؟ يعني 10 ايام جذي اوكي تكون؟ يعني تكونين مرتاحه شوي والبيبي بينت شوي ملامحه ومرتبه كل شي والنفسيه احسن احس اوكي هالمده لو اكثر بعد؟

العضوة: 1514188 , 3 years ago

اني ما احدد وقت الاستقبال من اول يوم اولد فيه الاهل يبدأون زيارة سواء كنت في المستشفى او البيت كل شخص يجي في وقت و اليوم اللي يناسبه ، بس هدا الحمل افكر احدد يوم بعد يومين ولادة حلو بس 10 ايام احسه واجد بس طبعا هدا قرارش و جوفي باقي البنات ،💜🌷

العضوة: 1514133 , 3 years ago

اي الي من عقب يومين وجذي يكونون الاهل القراب مني عدل لكن الباقي لا صراحه خلهم ايون عقب مو حلو الضغط جذي ماتدرين تفترين للاهل ولا الاصدقاء ولا الناس الي من صوب الام وماتعرفينهم😂😂

العضوة: 1485075 , 3 years ago

سلام عليكم اني في الاسبوع ٢٩ الله يسهل للجميع و تولدون بالسلامه يارب 💕

العضوة: 1514133 , 3 years ago

الله يهونها عليج ويسهلها يارب وتقومين بالسلامه يعني اي شهر وصلتي الحين؟

العضوة: 1485075 , 3 years ago

خبركم عتيق الحين يعطون وقت الولاده شي مثل الاكسجين مخدر ، يخفف الالم عدل ، و يعطونش ابره بعد تخلي الالم يروح بس مو. في الظهر الابره والتلفون يخلونه عندكم