العضوة: 1485075 , 3 years ago

اني عندي اهم من هذا كله ، مرضعه و حليب صناعي 😫😫😫😫 لانه ذلوني ذل السلمانيه عشان الحليب و اني والده قيصريه ومافيني حليب مايجي الا عقب ٤ الى ٥ ايام و من البدايه مايصير اكل ، بس اشرب سوائل ف شلون بجي الحليب 🫠 ، ف اتصلت الفجر ل اختي وقلت لها الحين الحين تجيبين ليي حليب و مرضعه و جابت ليي و عطيت ولدي ، لانه كان ٢٤ ساعه يصيح و اني ماقدرت انام و جرح العمليه نعل قفدي من الالم ماقدرت انام ، و حتى المسكن ذلوني عليه 🤣، مرتين اقوم و اروح ليهم عند الاستقبال اقول لهم الحين الحين تعطوني حليب و مسكن والا مابمشي و يعطوني غصباً عنهم ، بس تعرفون قومه اللي مسويه قيصريه مو سهله ، بالغصب اقوم من السرير و اتمشى ، واني بعد ظهري متعور فيني ، يعني الحاله كسيفه 🫠🫠

العضوة: 1126603 , 3 years ago

ويي .. انا مرتين ولدت عندهم طبيعي واخذ وياي حليب ومرضعة بس ما احتاجهم لان ياخذون البيبي عندهم و يعطونه من عندهم 😂

العضوة: 1603731 , 3 years ago

هم السلمانيه زيران كل واحد وحظه ومزاج واخلاق الستاف ، فعلا الواحد لازم ياخذ احتياطه يحمل وياه حليب بس غربال الخوف يعطونه هم نوع واحنا نوع غير ويلا رقع بعدين خربطة بطن الياهل

العضوة: 1485075 , 3 years ago

صح كلامش ب ولادتي الاولى ينحطون عالجرح و يبرى ، قمت اني اطق ليهم الجرس عشان يجيبون بنتي حق اشوفها. لانه كله عندهم بس هالمره مأساه 😭🤣 فالتين ولدي عليي و اخدوه بس اول يوم دلعوني وبعدين ذلوني ذل ، وكان جناح 408 , الله لايخليكم فيه 🫠 والله اني عطيته من عندي صناعي و هم من عندهم بعد و يستخدمون حليب (نان ) لانه جت ممرضه بحرينيه و عطتني غرشه كامل جديده ومكتوب عليها نان وقالت ليي لاتقولين لاحد عطيتش و لايجوفونها عندش لانه ممنوع 🫠

العضوة: 1187675 , 3 years ago

بنات منو تعرف تسويلي بشارة مولود فخمة لان ولادتي قربت

العضوة: 1474720 , 3 years ago

انا سويت عند وحدة ف انستقرام سعرها حلو فيديو وصورة ولوقو ب 5 دينار.. فيه كذا وحدة عجبني شغلهم اذا تبين خبريني احط انستقرامهم

العضوة: 1474720 , 3 years ago

اول مرة بولد ف السلمانية واحس الموضوع رعب

العضوة: 1187675 , 3 years ago

حبيبتي ابيها مجانا

العضوة: 1474720 , 3 years ago

ماعرف والله.. بس اجوف هني البنات يصممون لبعض جوفي المواضيع اللي تخص التصاميم

العضوة: 1187675 , 3 years ago

كلمتهم ولا احد يرد تخيلي

العضوة: 1474720 , 3 years ago

بنرفع موضوعش ولا يهمش

العضوة: 1187675 , 3 years ago

ما فهمت عليج

العضوة: 1474720 , 3 years ago

سويت حق الموضوع اللي انتي منزلتنه رفع حق يشوفونه البنات ويساعدونش

العضوة: 1187675 , 3 years ago

اي حبيبتي ما تقصرين والله كلمت واجد ولا ردم اخر شي قلت يمكن اسوي من مصممات التيك توك او انستقرام

العضوة: 1126603 , 3 years ago

الله يسهل عليش حبيبتي 💕 عاد السلمانية مو كل وقت دفشين انا تجربتي وياهم ف الولادة الحمدلله تمام .. بس عاد وقت المتابعة كلش مو اوكي لاني كنت اتابع في الفاتح و كل زحمة وناس واجد يعني كنت عادي اخذ من 6 الى 7 ساعات انتظر دوري تخيلي انا اروح من 7 الصبح اطلع 1 ونص ولا 2 الظهر ،، بس الحمدلله عدت وصارت من الذكريات 🤍😂