العضوة: 799516 , منذ 3 سنوات

ضحك بمسخرة وائل. هالحياة الوسخة احياناً بتجبرنا نتفاعل معها لنقدر نعيش أمل. بدي ياك تسامحني! وائل. على شو ما انتي الي لازم تسامحيني نزلت دمعة هاربة من عيوني مسحتا بطرف ايدي بسرعة أمل. على كل شي على الي عملتو والي ما عملتو بدي تسامحني على ذكرياتنا الحلوة الي ضلت معلقة طالعت شنتي وطلعت من الباب كنت عم جر خيبتي آلمي ذكرياتي الي كنت عم عيشا هون مسحت دموعي لما شفت حماتي واقفة ومتكتفة عند الباب ام وائل. خلص!! رايحة؟ هزيت راسي امل. اي مرت عمي رايحة ام وائل. يا ريت فيني امنعك! يمكن رح تستغربي من الي رح قولو لانو اول مرة بتسمعي بس انا الله ما طعمني بنت وكنتي متل بنتي عالزبط رح نشتقلك كتير قربت منها وضميتا أمل. كنت حاسة بهالشي مرت عمو وانا رح اشتقلكون كتير ديرو بالكون عحالكون وسلميلي ععمي ام وائل. الله معك أمل. سامحوني!

العضوة: 786580 , منذ 3 سنوات

كملي ..

العضوة: 799516 , منذ 3 سنوات

بعد شهر وصلو اوراق طلاقي كنت قاعدة قبال المراية وعم سرح شعري وعم بسأل حالي مين هي؟؟ ملامحي باهتة ،عيوني ذبلانين وشعري متقصف كنت وحدة تانية وحدة عم بتعد انفاسها بالدقيقة وبالثانية وكأنها عايشة وهي على قيد الموت كنت صلبة وهشة بنفس الوقت مسكت المقص وصرت قص شعري لحد ما وصل لعند رقبتي كان الشعر عم ينزل عالأرض بأنسياب وصوت احتكاك المقص مع الشعر عم يعمل صوت مزعج وقفت ورايي وصرخت هداك الصوت لين. وقفي شو عم تعملي قصيت آخر خصلة ووقعت عالأرض التفتت لعندا بأبتسامة باهتة أمل. متل مانك شايفة لين. لك ليش عملتي هيك لييش؟ صرت أضحك بهستيريا أمل. مو هو بيحبو بدي اتخلص من كل شي بيحبو سحبت المقص من ايدي وصارت تقص شعرها بنفس الطريقة أمل. لك انتي شو دخلك ليش عم تقصي شعرك دمعو عيونها وصارت تبكي لين. ما بدي أختلف عنك بشي حتى الوجع رح نتقاسمو بالنص ما رح أسمح لتوأمي تتوجع لحالها قعدت عالتخت وصارو دموعي يشرو من دون ما حس كنت مخنوقة كتير أمل. انا عملت شي كبير كتير ما بعرف ادا ربي رح يسامحني عليه ...وائل مستحيل يسامحني!!...#يتبع

العضوة: 799516 , منذ 3 سنوات

الجزء السادس دون ما حس كنت مخنوقة كتير أمل. انا عملت شي كبير كتير ما بعرف ادا ربي رح يسامحني عليه ...وائل مستحيل يسامحني!! التفتت لعندي بأستغراب لين. ششو عملتي أمل! أمل. انا بلغت عوائل حطت أيدا عتما وكتمت شهقتها لين. شششو؟!!!! صرت أبكي أمل. عم يدمر حالو كان يتعاطى كتير ويشرب لانو مفكر انو هو السبب بموت سعاد مشان انقذو بلغت عنو مكافحة المخدرات . حطيت ايدي ععيوني. انا والله ما بدي أأذي قربت مني ورجعت ضمتني لين. لا تخافي أمل انتي عملتي الصح مافي داعي للبكي لو ما عملتي هي كان ممكن يقتل حالو كتمت شهقاتي أمل. معقول ربي يسامحني ! معقول وائل واهلو ما يسامحوني ويدعو عليي لين انا هيك بكون ما صنت العشرة صح لين. انتي ما عملتي شي غلط بيكفي حاج تبكي وتلومي حالك يعني يموت احسن مسحت دمعوعي أمل. معك حق مزبوط احسن ما يصرلو شي هو لازم يتعالج من الإدمان ونحنا لازم نطلع من هالحارة لين. كيييف ؟! لوين بدنا نطلع

العضوة: 799516 , منذ 3 سنوات

أمل. عحارة جمب المدينة الي ساكن فيها ابو الملوك بلعت ريقها وصارت تحكي بتوتر لين. ششو!! ققصدي ليش بدنا ننتقل لهناك شديت عقبضة ايدي ورسمت ابتسامة كيد عوشي أمل. لحتى أنتقم لبنتي سعاد لين. معلش توضحي أكتر أمل. كل شي بوقتو حلو لين بس نصير هناك منعرف شو بدنا نتصرف لين. متأكدة انو الشي الي رح نعملو مو صح بس بالرغم من هيك انا معك يا توأمي .................................................................. أمل. وهيك مسكنا بأيدين بعض وبلشنا رحلة جديدة كان لازم نبلش من جديد لانو لو كملنا بهداك المكان كانت حياتنا مهمشة مشان هيك اخترنا نبدا من جديد انتقلنا عهاد المكان واشتغلنا بمصنع باسم وهي نحنا هون قدامكون جوري. اوووف كل هالشي صاير معكون

العضوة: 786580 , منذ 3 سنوات

....

العضوة: 799516 , منذ 3 سنوات

ابتسمت بلطف أمل. الحمدلله جوري. انا جوزي السابق كان يشرب ويتعاطى مخدرات بس ما كان عندي الجرأة متلك اني خبر عليه اكتفيت بس اني اهرب أزهار. انا أخي بالسجن بسبب المخدرات جوري. يا صبايا القصة مو قصة مخدرات وبس الشغلة قصة قدر انا بعترف انو تعاطي وائل للمخدرات كان عم يساهم بخراب حياتي بس القدر هو الي كتبلي واجه هالطريق بسبب القدر ماتت بنتي ريما. الله يرحمها بتعرفي شو امول انا طول عمري بقول عنك انتي ووسن انكون اقوى الشي بشلتنا بدي اسألكون انتقمتو بعدين من ابو الملوك تلاشت أبتسامتي أمل. ما قلتلكون القصة قصة قدر ابو الملوك افلس ومات حرق لين. ههههه طبعاً نحنا ما قصرنا فيه وسن. آااه منك انتي يا أم الخطط صحي أمول هلق لين قصت شعرها كرمالك ليش انتي ما تحجبتي متلا لين. لإني انا تحجبت عن قناعة وهي ادا ما كانت مقتنعة و غايتها لترضي رب العالمين ف مافي داعي وسن. اممم كمان معك حق لين. يا صبايا رح تصير الساعة 1 ما بدكون تنامو أزهار. ياخ كيف مضى الوقت بسرعة كل هالشي حكينا

العضوة: 799516 , منذ 3 سنوات

أمل. يالله لكن كل وحدة عغرفتها فعلاً انكون مزعجين بكينا مزحنا وضحكنا مرت الساعات بسرعة ومن دون ما نحس كان هالبيت هو الملجأ الوحيد النا والعش الدافي الي منتقاسم في الآلم قبل الفرح بسبب الآلم اجتمعنا ولساتنا مستمرين ........................................................ فقت تاني نهار الصبح لبست بنطلون جينز على بلوزة وردي فاتح وربطت شعري ديل حصان كان شعري واصل لعند كتافي ألقيت نظرة سريعة عحالي بالمراية وطلعت كانت لين وريما كمان مجهزين حالهون أمل. يالله صبايا منطلع سحبت آخر رشفة من فنجانها القهوة وحطتو عالطاولة لين. يالله لبسنا احذيتنا وطلعنا طول الطريق كنت ساكتة ما عم بحكي شي فكرة اني أرجع شوف وائل مرة تانية كانت عم تخليني اتوتر خايفة لتلتقي عيني بعينو خايفة من المواجهة خايفة اضعف خايفة من كل شي ريما. أمول بشو صافنة ؟! ليكون بوائل

العضوة: 799516 , منذ 3 سنوات

لويت تمي أمل أمل. لاء طبعاً ليش لحتى ارجع فكر فيه ريما. بس والله باينتك لسا بتحبي لوائل ليش ما بتعطي فرصة تانية وهو باينتو كتير بيحبك وبيموت عليكي أمل. حبيبتي احياناً ما لازم نخطي خطوة لورا لحتى ما نوقع وننكسر ووائل ماضي مستحيل فكر أرجعلو لاني لو رجعت رح انجرح بعدين انا لا بكرهو ولا بحبو مين قلك اني بحبو لين. أمل ما بتحبو لوائل هو جرحها كتير وما بيستاهل فرصة تانية أمل. خلص سكرو عالموضوع وصلنا عالمصنع ................................ كنت رافعة راسي لفوق وعم بمشي بكل ثقة صبحت عرفقاتي بالمصنع ولبست مريولي ودخلت عالمطبخ كان عنا طلبية حلو لعرس طلعنا المواد المطلوبة وصارت لين تطبقها لما اجا سامي سامي. كيف الشغل أمل. كلو تمام لين عم تطبق المواد مشان نبلش شغل سامي. هلق تركو كل شي من ايدكون وتعو على مكتب الاستاز باسم والاستاز وائل في اجتماع للكل أمل. أجتماع! من ايمتا منعمل اجتماعات بالمصنع سامي. شكلو المدير الجديد رح يغير كتير شغلات بالمصنع يالله هلق بلا تقطيع وقت لازم نجتمع حالاً أمل. اووف طيب تمام بعد خمس دقايق كنا كلايتنا مجتمعين بالمكتب الكل. صباح الخير وائل. صباح النور تفضلو قعدو متل ما بتعر

العضوة: 786580 , منذ 3 سنوات

😈😈

العضوة: 799516 , منذ 3 سنوات

ملييت 😤

العضوة: 786580 , منذ 3 سنوات

لاولو كفيها

العضوة: 799516 , منذ 3 سنوات

فو انو انا الشريك الجديد بهالمصنع لهيك جمعتكون اليوم لحتى أشرح كم نقطة سامي. اتفضل استاز وائل. اكيد هالمصنع سيطو سابقو من قبل ما أجي عليه وهالشي بيدل على انو كل الي هون أيد وحدة رح يضل كل شي على ما هو بس رح نضيف شوية اشياء باسم. اشياء متل شو وائل! وائل. بما انو هلق زادت الميزانية برأيي نوسع المصنع اكتر ضروري نجيب كادر عمال جديد بالأضافة ليلي موجود عنا هالشي رح يعود ربحو للمصنع باسم. معك حق الكادر عنا صغير وائل. بالإضافة لأنو نزيد قسم بالمطبخ للحلويات الغربية والأكلات العالمية ونجيب كادر عمل لهالشي أمل. استاز وائل اغلب مبيعات المصنع وأرباحو بسبب الحلويات الشرقية وهي اكتر الشي عليها طلب فبرأيي مافي داعي لنحمل المصنع خسائر ولا شو رأيك باسم لما قلتلو استاز ولباسم قلتلو باسم هيك شد عقبضة أيدو وبان عليه التوتر والغضب باسم. بالعكس هلق ممكن نعملو قسم صغير كتجربة ومنجيب وحدة بس مختصة لهالشي لا تنسو انو هيك شي رح يزيد من سيط المصنع لين. وانا كمان رأيي من رأيكون ريما. وانا كمان رفع ايدو سامي. وانا وائل. طيب بما انو التصويت للأكتر ف رح نفتح قسم جديد للأكلات والحلويات العالمية والي عندو افكار تانية وبيحب يضيف يحكي ومنتناقش فيها رفعت ايدي أمل. ممكن نجدد ادوات المصنع وائل. بس هالشي بدو ميزانية كبيرة وهلق في كتير مصاريف للمصنع ابدا فيها ممكن نأجل فكرتك كمان شوي رفع ايدو سامي. برأيي لو نعمل ديكور حلو عند مدخل المصنع لانو كتير ناشف وسادة وائل. امم فكرتك حلوة وما بدها تكلفة كبيرة فض الأجتماع وكل واحد منا رجع على شغلو كان مكتسي وشي الغضب وباين عليي اني مزعوجة أمل. هلق هيك كلكون عارضتوني هه من وين جايبلي هي حلويات عالمية ما بعرف لك ما طول عمرو العالم كلو بيحبو حلوياتنا لين. لك يا حبيبتي يا اختي مو قصة عارضناكي بس هي فكرتو حلوة وبس أمل. هه قال فكرتو حلوة من وين حلوة بالله ريما. برأيي عم تزوديها شوي أمل. لا عم زودها ولا شي ولا شفتو كيف متحطط عليي وافق عفكرة سامي بس انا لاء بيخسر المصنع بتخسر سوريا كلا مو بس المصنع كنت عم حط المعمول بالقالب وعم أشر بالقالب وانا معصبة صار يحكي ببرود وائل. اوووف دوشتينا بهالدق ليش معصبة التفتت عمصدر الصوت وفتحت تمي كنت رح أشهق بس تمالكت حالي بسرعة كان واقف ورايي وحاطط أيدو عالرف جمبي قرب من أذاني شوي وائل. ليش قاصة شعرك؟!...#يتبع

العضوة: 799516 , منذ 3 سنوات

@user-786580 عم كفيهاا

العضوة: 799516 , منذ 3 سنوات

الجزء السابع................ التفتت عمصدر الصوت وفتحت تمي كنت رح أشهق بس تمالكت حالي بسرعة كان واقف ورايي وحاطط أيدو عالرف جمبي قرب من أذاني شوي وائل. ليش قاصة شعرك؟ بعدت عنو شوي لخليت مسافة بيناتنا أمل. استاز وائل؟! خير في شي عايز شي ابتسم ابتسامة صفرة وائل. اي في شي روحي عالمكتب بدنا نحكي معك انا وباسم أمل. كان فيك تبعتلي مع سامي مافي داعي تعذب حالك وائل. جاي فيكي وبلاكي عم بتفقد الشغل روحي عالمكتب ونطريني شوي رح ألحقك أمل. تمام غسلت ايديي وشلحت المريول ورحت عالمكتب دقيت الباب ونطرت شوي ما اجاني صوت لفوت بعد خمس دقايق اجا وائل فتح الباب واشرلي لفوت وائل. ليش ناطرة اتفضلي فوتي فتت كان المكتب فاضي طبق الباب وراه وشغل الضو بتوتر أمل. الاستاز باسم وينو! ققصدي قلتلي بدكون ياني انت والاستاز باسم وائل. باسم هلق طلع مشان هيك مافي غيري اتفضلي قعدي ليش واقفة ترددت كتير قبل ما اقعد كان جاي عبالي لف وأرجع شديت عقبضة ايدي بقوة وقدرت اتمالك اعصابي قعدت عالكرسي الي قبالو ورفعت حواجبي أمل. مو مشكلة اتفضل استاز وائل وائل. سمعت انك كتير شاطرة بصناعة الدونات صحيح هالحكي أمل. هيك بيقولو وائل. مو المهم شو بيقولو المهم فيني أعتمد عليكي بطلبية دونات مهمة شوي رجعت خصل شعري ورا أذاني وحكيت بثقة أمل. اكيد طبعاً شقد العدد وائل. 500 قطعة أمل. المدة؟! وائل. بكرا المسا