العضوة: 799516 , منذ 3 سنوات

فتحت عيوني على وسعهون أمل. شوووو؟! بكرا المسا هه مستحيل نلحق هالعدد بيوم واحد واساساً اليوم عنا 3 طلبيات لوا تمو وائل. اممم يعني ما فيني اعتمد عليكي بهالمهمة متل ما توقعت قاطعتو أمل. لاء طبعاً فيني خلصهون وائل. شو يعني! أمل. يعني بكرا المسا بيكونو عندك طلعت وطبقت الباب ورايي بقوة كان هالشي تحدي كبير بالنسبة لألي وخصوصي انو اكبر رقم منعملو باليوم 100 قطعة او 150 بالكتير كان هالرقم مو قليل ابداً بالنسبة ألي بس مو حابة بين قدامو اني ضعيفة او ما بقدر طلعت جاط وصرت اخلط فيه مكونات الدونات بعصبية اما وائل كان قاعد بالمكتب راكي راسو لورا وسارح بخيالو مجرد ما بيتذكر ابتسامتها الراكز

العضوة: 799516 , منذ 3 سنوات

ة وحركاتها وقوة شخصيتها بيبتسم ولما بيرجع بيتذكر انو خسرها وضيع حبها من بين ايديه لما بيتذكر انو ممكن تكون بتحب حدا تاني بتغيب ملامح الحياة عن وشو ..................................................................... وكل ما أذكرُ ملامحها يرسمُ ثغري أبتسامة حياة كانت كفيلةً لأن تحيي داخلي كل شيء ...كان النظر لعينيها ملاذي وفي غيابها لم اجد ذاتي . ..................................................................... باسم. شريك! التفت لعندو بأستغراب وائل. عم تحاكيني انا باسم. لك شبك يا زلمة وين صافن دقيت الباب وفتت عالمكتب وصرلي ساعة قاعد وما انتبهت نيالو الي أخد عقلك ابتسم من دون ما يحس عحالو وائل. بس ان شاء الله يحس عدمو باسم. شو هاد!!! وائل. هههه باسم انا بدي اعترفلك بشغلة لانو حبل الكذب قصير وكمان لاني ارتحتلك وحابب فضفض لشي حدا باسم. كذب!! وائل. ههههه اي كذبت عليك بدي اعترفلك انا ما حدا خبرني عمصنعك وولا حدا مدحلي منو وما صار عندي فضول اشتغل فيه وحتى ما سألت عالمصنع انا اجيت لهون لهدف واحد براسي باسم. شووو كل هاد هدف ششو؟!! وائل. هدفي الوحيد هو أمل بعد ما اطلقنا هربت لهون وانا لحقتا لحتى حاول خليها تسامحني مو اكتر باسم. لحظة أمل امل ما غيرا يعني كنتو متزوجين؟! وائل. اي أمل أمل ما غيرها باسم. لك سطلتني ما بعرف شو بدي قلك وائل. لا تقول شي رح قلك كل شي انا وأمل متطلقين من خمس سنين من فترة قررت دور عليها ضليت دور لحتى لقيت المكان الي بتشتغل فيه يلي هو هاد المصنع كنت راقب روحتها وجيتها بس ولا مرة حكيت معها كان لازم ادخل مرة تانية عمحيطها لازم ترجع تثق فيني لحد ما اسمعت انك رح تسكر المصنع لانو ميزانيتك ضعيفة قلت هي فرصتي الوحيدة وهي انا ليكني صرت شريكك باسم. امم ما كنت بعرف يعني ما قالتلي لين هالتفاصيل وائل. لين ...شو دخلها لين؟! باسم. لين خطيبتي وائل. والله ههههه كمان ما كنت بعرف وحمي اللعب يا معلم بس الله يسترني من خطط لين والله بتدمر كل شي باسم. رجاءاً لا تحكي عخطيبتي حط ايدو عتمو وائل. هه خرسنا باسم. بس عفكرة ما رح أنسالك ياها هالكذبة

العضوة: 799516 , منذ 3 سنوات

لين. أمل بتحبي ساعدك بالدونات خلصت شغلي ريما. وانا كمان رح خلص ادا بدك بساعدك أمل. مافي داعي لاقولكون شغلة تانية تطلعت علي عملتون وحسيت حالي تسرعت شوي بهالطلبية صرلي اكتر من ساعة عم اشتغل وما طالعت غير 60 قطعة لأتحدا وائل وأثبتلو اني بقدر قبلت بهالعدد الي مستحيل خلصو لحالي طيب انا ليش كتير مهتمة لاثبتلو ريما. متأكدة انو ما بدك مساعدتنا لسا 440 قطعة لسا مو جاهزين متأكدة انك رح تكملي هالعدد سحبت نفس عميق وتراجعت عن كلامي أمل. مستحيل مو هيك خلص مزالكون خلصتو تعو ساعدوني ابتسمت بمكر وقربت مني لين. انسحبتي بسرعة عأساس من شوي كنتي الشاطرة اللهلوبة الي ما بدا مساعدا حدا أمل. خلص لين مو ناقصتك لين. هههههه ماشي وقفنا جمب بعض نحنا التلاتة وصرنا نشتغل بطلبية الدونات لين تدلك وريما تقطع وانا اقليهن بالزيت وزينهون بعد ساعتين ونص كنا مخلصين 200 قطعة بهالاثناء كانو وائل وباسم عم يتواصلو مع شيفات جديدة لنبلش بقسم الاكلات العالمية ومع العمال الي رح يشتغلو ديكور المدخل بعد شوي خلصو شغلون وطلعو من المكتب

العضوة: 799516 , منذ 3 سنوات

باسم. يعطيكون العافية بدكون مساعدة ابتسمت لين. الله يعافيك لا مافي داعي سحب قطعة دونات وصار ياكلها وائل. شو أمل الهيئة ما طلعتي قد المهمة وطلبتي المساعدة تطلعت في بنظرة ثقة وأردفت أمل. استاز وائل ! طلبية 500 قطعة بيومين مستحيل لحقها لحالي لو كنت آلة بعدين بشغلنا كلايتنا منساعد بعض باسم. لحظة عن اي طلبية عم تحكو على حد علمي خلصنا كل الطلبيات ولا شو غص بلقمتو وكان رح يتشردق وائل. شبك باسم طلبية الدونات ما غيرها باسم. لك لا تخوثني مبارح لسا سامي فرجاني الجدول مافي طلبية دونات لكشو لباسم من ايدو لحتى يفهم باسم. آاااه اييييي طلبية الدونات اي اي تذكرت ابتسم ابتسامة صفرة. مافي لا طلبية ولا شي عم يكذب عليكي رجع يسعل بقوة اكبر وباسم يدقلو عضهرو لطلع صوتو رح يختنق وائل. لك شبك رح تكسرلي ضهري ليه هيك كلكون عم تتطلعو عليي هي الطلبية كانت لالي لك شبكون أمل. استاز وائل الهيئة ما بتعرف لسا قوانين المصنع الطلبيات الخاصة بعد الدوام ما بتعطل على باقي الطلبيات مشان حضرتك شلحت المريول وعلقتو أمل. بخاطركون باسم. ستني انا رح وصلكون انتي وريما ولين أمل. ماشي طلعنا بالسيارة مع باسم وانا طول الطريق عم فكر بيلي عملو وائل رجعت فكر بالاستقالة بشكل جدي انا ماني عم اضعف او انسحب لاء بس ما كنت حابة ضل مع وائل بنفس المكان كان الجرح اعمق من انو يشفى ما كنت حابة كرر تجربة فشلت من زمان نزلت ريما من السيارة ولحقتا انا ضلت لين مع باسم قبل ما انزل أمل. لين لا تطولي ماشي! باسم. ماشي حماتي ما رح تطول أمل. هلق صرت حماتك ماشي يا باسم منتحاسب باسم. شبك ول

العضوة: 799516 , منذ 3 سنوات

و ما بتلقي مزح أمل. سماح هالمرة بس سكرت الباب ورايي وطلعت .................................................. لين. شبك حبيبي في شي! باسم. ليش ما خبرتيني انو وائل كان زوجها لأمل لين. ليك والله انا ما قصدي خبي عليك بس وائل ما صرلو غير اسبوع معنا ونحنا نصدمنا لما عرفنا انو هو الشريك الجديد والحقيقة خفت تزعل أمل ادا خبرتك باسم. هه هيك لكني خفتي تزعل أمل وانا عادي أزعل مو هيك لين. لاء والله مو قصدي هيك قاطعها باسم. تاني مرة لا تخبي عليي شي نزلت راسها لين. ماشي وائل هو الي خبرك باسم. اي هو لين. شو قلك؟! باسم. سألني عن أمل عن حياتها ايمتا اشتغلت بالمصنع وهالأمور تلبك شوي. ووكمان سألني ادا مرتبطة لين. اييي وانت شو قلتلو باسم. قلتلو عحد علمي لاء ابتسمت بمكر لين. ليك باسم اليوم احكي معو وقلو في عريس جاي يشوف أمل بكرا المسا واحتمال كبير انها توافق عليه باسم. عنجد جاييها عريس وهي رح توافق؟! لين. انت احكي معو وقلو هيك وانا رح خبرك كل شي بس هلق امل ناطرتني وما بقدر طول بس لا تنسى تخبرو بيلي قلتلك عليه باسم. طيب حبيبتي ديري بالك عحالك وطمنيني عنك لين. ماشي حبيبي بدك شي غمزها باسم. اي بدي لين. اي ما حزرت ابتسمت وطبقت باب السيارة وراها ....................................................

العضوة: 799516 , منذ 3 سنوات

كان وائل قاعد لحالو بالحديقة ما عم يشرب قهوة ولا عم يقرا كتاب ولا حتى عم يطقطق بأصابيعو كان عم يستنا حدا ومتأكد انو هالحدا ما رح يجي بس لساتو عم يستنا عأمل ضايع ... عنفس المقعد عم يراقب الرايح والجاي وعم يحاول ما يشتت انتباهو ولا لحظة لانو يمكن يمرق الي ببالو صرلا خمس سنين تاركتو وبهالخمس سنين مافي يوم الا بيحلم برجعتو واثق كتير من حبها لالو ومتاكد انو ما رح تخذلو رح ترجعلو وتسامحو فجأة وصلو مسج من باسم نرفزلو كل كيانو "بكرا المسا جاييها عريس لأمل واحتمال كبير انها توافق" فتح عيونو على وسعهون وهو ما عم يصدق الي عم يقراه بس كيف خذلت الوعد بيناتون كيف؟؟ غابت الشمس وهو عنفس قعدتو ذكريات كتيرة عم تداهم افكارو فرح وحزن احلام وكوابيس ووعود كاذبة فجأة وعي عحالو وائل. مستحيل خليها تضيع مني اكتر من هيك مستحيل ....................... تاني نهار الصبح حمل مفاتيح سيارتو وتوجه عبيتي طلعت عالموعد تماماً من البيت انا ولين وريما نزل شباك سيارتو وصار يصرخ وائل. أمل يا أمل لما سمعت صوتو فتحت عيوني على وسعهن والتفتت عمصدر الصوت أمل. استاز وائل! وائل. معلش تطلعي شوي انا رح وصلك كانت رح تجاوب عني لين مسكتلا ايدا شوي وبعدتا أمل. شكراً استاز وائل مافي داعي تعذب حالك انا رايحة مع ريما ولين وما منحب نطلع بسيارات وائل. معلش شوي من وقتك بدي احكي معك بموضوع خاص ضروري أمل. بتوقع مافي مواضيع خاصة بيناتنا وائل. لو سمحتي تطلعي لاني سبق وقلت ضروري ولو ما طلعتي رح انزل واحملك لين. لك انت مين مفكر حالك لتطالعها بغصب العنها نحنا مو معبيين عينك مسكت ايدها أمل. لين خلص رح اطلع معو وشوف شو بدو لين. أمل بلاها أمل. خلص لين سبقوني عالمصنع فتت عالسيارة وطبقت الباب بقوة أمل. خير استاز وائل شو هو الموضوع المهم الي بدك تحكي في معي مع اني قلتلك انو مافي مواضيع مهمة بيناتنا

العضوة: 799516 , منذ 3 سنوات

وائل. مبلا في وكتيير كمان مد ايدو وأشر عوشي وائل. واكتر الشي هاد بتوتر أمل. ششو قصدك معلش توضح وائل. قصدي واضح القناع الي لابستي عوشك مو لابقلك ابداً خلص بيكفي انا ستحملت كتير بس خلص طاقتي نفذت انو توصل معك لهون عنجد ما توقعتك بهالوقاحة أمل. لو سمحت تحترم ملافظك وتنزلني هون لو ما بدك تحكي معي بأحترام ابتسم بمكر وصار يسرع بالسيارة وائل. مبالك دخول الحمام متل طلوعو أمل. شو يعني ما فهمت لو سمحت فتحلي الباب خليني أطلع قرب من وشي وصار يحكي بمكر وائل. رح فهمك ياها بالمشرمحي...انا خاطفك يا أنسة أمل!!...#يتبع .................................................................. هل تعلم بأنك اختطفتني منذ زمن ؟!... ماذا عن قلبي الذي اختطفته...ماذا عن ابتسامتي وفرحتي وماذا عن حياة أختطفتها من جوفي؟! ..............................................

العضوة: 799516 , منذ 3 سنوات

الجزء الثامن ......... وائل. رح فهمك ياها بالمشرمحي...انا خاطفك يا أنسة أمل صار يتصبب العرق من وشي أمل. استاز وائل رجاءاً ماني رايقة لهالمزح صار يصرخ ويعلي صوتو وائل. وائل...وائل...وائل اسمي وائل خلصنا بقى شيلي هالقناع الي لابستي على وشك انا زوجك وحبيبك وائل ولا نسيتي قاطعتو أمل. هه زوجي السابق...انت هلق مديري وبس وبعد فترة صغيرة ما رح تكون شي لاني رح استقيل من المصنع وأتركلك ياه تسرح وتمرح فيه على كيفك وائل. وحياتك عندي ما رح أتركك بالزور بالزوق ما رح أتركك لكن بدك تتزوجي وكأنو الشغلة عكيفك أمل. انا ما رح رد عليك بس من هون لساعة ادا ما رجعتني رح تشوف شي ما بيعجبك مبالك ما ورايي حدا مفكر الدنيي هيك سايبة

العضوة: 799516 , منذ 3 سنوات

وائل. الي بيطلع بأيدك ساوي برجلك عملي الي بدك ياه وانا ناطر ما رح أتركك لحتى نتفق على كل شي عليت صوتي وصرت صرخ أمل. مين انت لأتفق معك! مافي شي نتفق عليه بيكفي بقى ................................................. كان بالها مشغول و مو مطمنة عم تروح وتجي بالمطبخ هي ما بتوثق فيه لوائل كيف هيك سمحتلو ياخد توأمها وقدام عيونها حست بالتوتر والغضب عم يلون ملامحها شلحت المريول وراحت عمكتب باسم دقت الباب وفاتت لين. باسم! باسم. حبيبتي فوتي قربت عمكتبو وكان التوتر مسيطر عليها لين. انا خايفة كتيير عأمل ما بعرف شو بدي أعمل كيف تركتا تروح ما بعرف يمكن انا غلطت بأستغراب باسم. خير حبيبتي شوفي فوتيني بستين حيط ما عم بفهم عليكي أمل فيها شي! لين. اليوم الصبح ونحنا جايين عالمصنع اجا وائل وقال بدو يحكي مع أمل ضروري وخلاها تطلع معو بالسيارة باسم. اي ووين المشكلة لين. المشكلة اني ما بوثق فيه لوائل هو جرحها كتير وكمان عأساس يلحقونا عالمصنع صرلون ساعتين ولهلق ما وصلو بس انا بدي افهم كيف قبلت تطلع معو سحبت نفس عميق. اوووف رح جن أبتسم ابتسامة ناعمة وسحبها من ايدها لعندو صار يتلمس عوشها باسم. حبيبتي بيكفي توتر لا تخافي ما رح يصير شي اولاً وائل بيحبها لأمل ومستحيل يأذيها وما يمكن يكون تغير وتانياً أمل قوية وقد حالها يعني بأذن الله مافي داعي للخوف لين. ما بعرف بالي عندها وخايفة وكتير متوترة قرب من وشها وهمس بأذنها باسم. بحبك وانتي خايفة حاوط خصرها بأيدي التنتين. وبحبك بكل حالاتك صار وشها أحمر وبعدتو عنها بس كان أقوى منها ورجع سحبها ومسكلا ايديها التنتين لين. باسم خلص تركني نحنا بالمصنع باسم. بتركك بس بشرط لين. شو هو! قرب من اذنها ووشوشها تطلعت فيه وزورتو لين. قليل ادب ما حزرت باسم. اي تسطفلي هربي لقلك .................................................. كنت لافة وشي عالشباك وعم بتظاهر اني نايمة شو الي عم يصير لوين رايحة ليش الماضي عم يكرر حالو ؟!! كل هالأسئلة كان بدا تفسير بالنسبة ألي كنت عم بتظاهر بالبرود واللامبالاة بس جواتي عم يبكي دم ................................................... عُدت وعادت معك المأسي والآلام... عُدت وعادت معك جروح قد ظننت بأنها شفيت منذ زمن...

العضوة: 799516 , منذ 3 سنوات

عُدت وقد بعثرت أجزائي التي لطالما تعبت في أجماعها... سرقتَ ذاتي وأشلائي المبعثرة لا تقل بأنك ستعيدني ...فكيف تعيدني وقد سرقتني مني؟!! ................................................ فتحت عيوني ولساتني عم أطلع عالشباك وكأنو عم يمرق شريط حياتي قدامي من هالشباك كنت عم ببتسم شوي وبرجع بعبس وبكتأب شوي وائل كان مكتفي بس أنو يطلع فيي وائل. ما رح تحكي شي! أمل. لوين أخدني وائل. لحتى نحكي أمل. رح تعتم الدنيي غمزني وائل. أحلا ما بتحبي الأجواء الرومنسية وقف السيارة وصفها عجنب الطريق مكان جبلي مرتفع وبيطل عالساحل كانت مبلشة الشمس تغيب ويحل مكانها القمر أشرلي عالكرسي وائل. قعدي قعدت قبالو وصرت أتزاور فيه أمل. معلش تحكي شو بدك وبسرعة كمان هز راسو وائل. هئ ما فيني احكي بسرعة أمل. شو بدك مني ليش رجعت لييش؟! مسك ايدي وشد عليها وائل. بدي ياكي .. بدي تسامحيني ونرجع نكون عيلة من اول وجديد سحبت ايدي من بين ايدي وضحكت بأستهزاء أمل. بدك ياني! ههههه لك هيك عم تقولا وبكل وقاحة بدي سامحك على شو ولا شو وائل. على كل شي أمل. مافي شي يخليني سامح واغفر بدي سامحك على خيانتك لألي ولا على بعدك من رب العالمين ولا على تعاطيك للمخدرات ولا على تعاملك مع ابو الملوك خبرني وائل على شو بدي سامحك لك الوجع الي سببتلي ياه بحياتي مستحيل ينتسى مستحييل

العضوة: 799516 , منذ 3 سنوات

تطلع بعيوني بحب وائل. بس انا تغيرت كتيير وحياتك عندي تغيرت سحبت نفس عميق ونزلت راسي امل. انا يا وائل لما قررت اطلع من حياتك ما كان هدفي أرجعلا كان القرار صعب لألي كتير واخدت وقت لحتى اخدتو تعبت كتير لتجاوزت هديك المرحلة وانت هيك عالبارد المستريح بدك ارجع للصفر هه ما عندي أستعداد لكرر الماضي وائل سامحني وائل. انا ما بدي كرر الماضي انا بدي نبدا من جديد أمل. من بعد ما خنت ثقتي فيك صعب انت بتعرفني كتير منيح بضل سامح واغفر لحد ما تنفذ طاقتي وبس تنفذ طاقتي مستحيل أرجع وائل. بس انا قلتلك اني ندمت قاطعتو بأبتسامة أمل. بدي اسألك سؤال وبتمنى تجاوب عليه بصراحة وائل. اتفضلي أمل. تخيل لو انا الي خنتك مو انت واجيت ولقيتني مع رجال غريب مبسوطة ومكيفة رح بتسامحني وتغفر خيانتي؟!! اكتسى وشو ملامح الغضب لمجرد ما تخيل الموقف أمل. رد عليي وائل لو اجيتك بعد خمس سنين بتسامحني؟! هه بتوقع وصلتني الاجابة من دون ما تحكي بتوقع بوقتها خبرت كل اهل الحي وعملتوني عايبة هي ادا ما دبحتوني او دفنتوني وانا عايشة وانت شوو؟! هههه سترت عليك وما حدا خبر بقصتك ولو عرفو كانو اتكتمو عالموضوع وبعد يومين بالكتير بينتسى انتو مجتمع مستحيل يرحم قاطعني وائل. بسامحك... 2

العضوة: 799516 , منذ 3 سنوات

لو رجعت انسانة تانية واستشعرت فيها التوبة والندم علي عملتو وحسيت بصدقها تجاهي فعلاً بسامح ابتسمت بأستهزاء أمل. ههه مجرد حكي مستحيل يتطبق عأرض الواقع وائل. يعني شووو أمل. يعني رجعني من محل ما جبتني وائل. رح رجعك بس بشرط تفكري بيلي قلتلك ياه أمل. ما بوعدك وخصوصاً انو هي مو طريقة لتجيبني فيها ونحكي متل البني آدمين وائل. لو سمحتي حتى لو ما سامحتيني لا تقتليني وتوافقي عالعريس الي اجاكي انا مستحيل أسمح تكوني لغيري أمل. ايا عريس وائل. شو ايا عريس عريس الغفلة الي كان رح يجي اليوم ابتسمت بمكر وكأني افهمت اللعبة أمل. بشوف لو كان احسن منك ومادياتو منيح ليش لحتى ما وافق بالنهاية القرار بيرجع ألي لاني حرة ....................................... كانت عم تروح وتجي بالصالون والصبايا مجتمعين حواليها أزهار. ما عم ترد لين. لسا وقفت جنب الشباك وصارت تراقب الرايح والجاي وخايفة كتير مسكت موبايلا ودقت لباسم لين. حبيبي!

العضوة: 799516 , منذ 3 سنوات

. حبيبي! باسم. مساكي حبي كيفك لين. تمام تمام بس أمل لهلق ما بينت وعم دقلا موبايلا خارج التغطية باسم. شو هالحكي ان شاء الله خير لا تخافي لين. ما بعرف باسم كتير متوترة وخايفة يمكن ما كان لازم نقول لوائل انو أمل بدا تتزوج هادا مجنون ومتهور ما بعرف شو ممكن يعمل فيها باسم. لحظة لحظة...شو يعني هالحكي لين لتكون هي خطة منك كمان؟! صارت تحكي بتوتر لين. انا والله بس كان بدي يبعد عنها ما توقعت يعمل هيك باسم. ييعني لين انتي عم تكذبي عليي! جاوبي ليش ساكتة لين. لاء انا ماااا باسم. لك ماا شووو آخر الشي توقعتو انك تستغليني وتكذبي عليي لين. حبيبي انت فهمان الموضوع غلط انا قلتلك بشرحلك الموضوع بعدين يعني ما كذبت عليك بشي باسم. بيكفي لين خلصنا بقى يا اما خلينا نوثق ببعض وما نخدع بعض يا اما بلاها هالعلاقة من اساسها وخلينا نترك وقعت كلماتو متل الصاعقة عليها ضحكت بمسخرة لين. ههه نترك؟!! ادا هاد الي بيريحك عملو فصلت الخط بوشو وصارت تبكي بهالبساطة "نترك" كانت هالكلمة عم تتردد جواتها وعم تخلق صدى بروحها كانت عم تجرح كبريائها لهالدرجة مستخف بعلاقتهون من اول مشكلة مو مستعد يحارب قربت منها ريما وحطت ايديها عكتفها ريما. لين عم تبكي!

العضوة: 799516 , منذ 3 سنوات

التفتت لعندا وكانو عيونا محمرين من البكا لين. ههه ايي أمل لهلق ما رجعت وهي عم تحكي رن الجرس ريما. هه ليكها اجت ركدت لعند الباب وفتحتو بلهفة ما صدقت عيونها لما شافت توأمها بخير وسلامة رمت حالها بحضنها وضمتها بقوة كانت عم تضحك وتبكي بنفس الوقت .......................... ......................... كنت منيمتا بحضني وعم ألعب بشعراتا أمل. هه بهالبساطة بدو ياني سامحو لا وشو حاييني بعين وقحة وكأنو متأكد اني رح سامحو لين. بربي الرجال صايرين ما بينطاقو تطلعت بعيونها لما تذكرت شي فجأة أمل. صحي عن ايا عريس كان عم يحكي هاد المجنون لين انتي عاملة شي من ورايي لين. ايي قلت لباسم هيك بس ما توقعت يصير الي صار أمل. آخخخ منك بس ما رح اخلص من خططك انا لين. هه تخيلي أمل لهالسبب قلي باسم خلينا نترك قال شو عم بكذب عليه وكان لازم قلو الحقيقة أمل. باسم هيك قلك؟! لين. تخيلي لهالدرجة مستخف بعلاقتنا أمل. معك حق صايرين ما بينطاقو لين. ههههه وانا وياكي صايرين متل ام محمد وجاراتها للنميمة وبس أمل. أخخخ لا تذكريني صرلنا زمان ما سمعنا أخبارها لين. ولي لا تفاولي بكرا بتستلمنا أمل. ههههه الله يستر

العضوة: 799516 , منذ 3 سنوات

كان السكينة والهدوء طاغي على جو البيت مشغل قرآن بصوت هادي بيبعث بالنفس طمأنينة لطيفة كان الصوت عم يتعشبق بكل أركان البيت ليعطرها فتحت الشباك الي صار يفوت منو نسمات هوا لطيفة كان هالشي بمثابة جرعات قوة باخدها كل صبح لجدد عزيمتي وضل محافظة على معنا أسمي فيقت لين وانا كلني عزيمة واصرار أمل. ما بدك تروحي عالمصنع لين. والله بعد حكي مبارح مالي نفس روح أمل. هههه ما حزرتي رح نروح الشغلة مو عكيفك لين. خلص أمل ما بدي ياه يفكرني بهالسهولة خلي يندم عالحكي الي قالو أمل. يا مجنونة نحنا رايحين لحتى نستفزهون!...#يتبع ................................................................... كم من الممتع ان يكون لك حضنٌ آمن ،ان تتوسد ذراعيه وترمي أثقال العالم في جعبته ،أن تتقاسما الألم معاً كما الفرح وأن يكون لكَ ملاذاً وملجأ.