العضوة: 358857 , 6 years ago

مابقدر نام ضروري اكملها اليوم

العضوة: 378864 , 6 years ago

الجزء التالت:   ركضت لعندن انا و متوترة و وقت وصلت شفت المشغل فحمة سودا سلوى:شوفي ..شو يلي صار انتصار:قالو جيران انو مبارح بالليل صار ماس كهربا حرق المحل بيلي فيه حتى البضاعة انحرقت كلها يلي قعدنا نشتغل فيا شهر و ما لحقو يطفوا سلوى:يا ربي على هالمصيبة و ابو رجب شو… ميس:ابو رجب بس سمع هيك قلبو ما تحمل ،و بالمشفى هو من مبارح سلوى:يالله ،ما بدكن تروحو تزوره بالمشفى . انتصار:اي طبعا هلأ لتصير الساعة 10 منروح تابعنا انا و البنات و قعدنا بكافتريا شربنا قهوة و بعدين اطلعنا على المشفى و هنيك التقينا بمرتو لابو رجب يلي كانت عم تبكي و تضرب ايد بايد و تقول انخرب بيتنا و راح الزلمة و ابو رجب نايم جوا و اجهزة كتير موصولة بقلبو و ببطنو و وجهو اصفر ،حاولنا كتير نخفف عليا و بعدين رجعت كل وحدة فينا على بيتا نحن و عم نحكي على هالمصيبة ،توقف شغلنا على الاخير و صرت اصرف على البيت من المصاري يلي كنت قايمتن على جنب كرمال موبايل سحر ،توقعت الموضوع يكون مؤقت لبين ما يرجع ابو رجب و يوقف على رجليه و نرجع نفتح الشغل من جديد بس وقت رحنا زيارة عندو على البيت ،كان وضعو الصحي سيء و نفسيتو محطمة و خاصة انو التاجر دافع حق القماش و دفعة مقدمة عن اجار الخياطة ،يعني ابو رجب فوق مصيبتو طلع بديون كتيرة و نحن كان بدنا منو اجار شغل اسبوع بس سامحناه فين و طلب منا انو ندور على شغل جديد لانو ما رح يرجع يفتح الورشة ،و هون بلشت قصتي،معاناة انو دور على شغل نظيف بهيك بلد و لوحدة متلي ما معا شهادات و ما بتعرف تعمل شي غير انو تخيط ،بعد اسبوع انتصار لاقت شغل هي و ميس ببيع الالبسة بمحلات تجارية اما انا كنت لسا عم دور على شغل و اكلة هم مصروف البيت يلي بلشت اقتصد فيه و اخواتي تفهمو الموضوع و خاصة سحر صارت تقتصد كتير و ما تطلب مني الا الضروري ،بعد عشرين يوم اتصل فيني ابو رجب،اول ما شفت رقمو ارتحت كتير ابو رجب:لقيتي شغل الا لسا؟ سلوى:لا ولله لسا يا ابو رجب

العضوة: 348352 , 6 years ago

@user-358857 لفت انتباهي اسمك نفس اسم الشخصيه يلي بلقصه

العضوة: 358857 , 6 years ago

هههههههه إيه حتي انا اسمي سندس نفسها ويمكن حتي عمري نفسها

العضوة: 348352 , 6 years ago

اي كملي حبي هلأ بيجي زوجي وما اقدر أكملها وتضل حسره لبكرى بتعرفي نحنا النسوان فظوليات مو بايدنا

العضوة: 378864 , 6 years ago

ابو رجب:لقيتي شغل الا لسا؟ سلوى:لا ولله لسا يا ابو رجب ابو رجب:طيب انا جايبلك شغل الك و لباقي البنات اذا ما لاقو سلوى:هات قلي الله يخليك ابو رجب:متل الشغل يلي كنت تشتغليه عندي بالمحل ،اليوم حكاني الشاب و سألني عنكن اذا اشتغلتو الا لسا لانو عجبو شغلكن و بدو اياكن تشتغلو معو سلوى:ايه يا ريت ،ما بقول لا ابو رجب :يلا سجلي العنوان عندك اخدت العنوان من ابو رجب و رحت تاني يوم على العنوان ،كانت ورشة خياطة كبيرة كتير و كلها الات جديدة و عم تلمع كانو ما حدا اشتغل عليا من قبل ،التقيت بصبية هنيك و سألتا عن مكتب الادارة ،مشيت انا و عم اطلع بالمعمل كان كل شي جديد ،وصلت على غرفة الادارة ،دقيت الباب حتى سمعت صوت شاب من جوا قلي تفضلي؛فتت و شفت اياد اياد:اهلا و سهلا ،لحالك سلوى:ايه لحالي اياد:تفضلي ارتاحي سلوى:ما قلي ابو رجب انو الشغل الك اياد:ابو رجب الله يكون بعونو بعد هالمصيبة يلي صارت معو و يخليلو شوية العقلات يلي بقيولو سلوى:ايه صح الله بيبلي و بعين اياد:و نعم بالله سلوى:المعمل باينتو جديد ،مبروك اية الرزق انشالله اياد:الله يبارك فيكي بس بدنا همتك و همة باقي البنات سلوى:انشالله اياد:المهم انا حبيت تكوني موجودة هون معنا لانو عجبني شغلك كتير سلوى:تسلم اياد:صدقا من غير مجاملة و بالنسبة للراتب رح يكون متل ما كان يعطيكن ابو رجب و طبعا قابل للزيادة و المكافئات و البنات يلي كانو معك يا ريت لو بتحكين و بيجو بشتغلو كمان سلوى:اي بخبرن اليوم انا و عم احكي معو ،اندق الباب دقتين و انفتح ،فاتت مرة بعمر الخمسين سنة هي و عم تبتسم و معا صبية طويلة و نحيفة لابسة فستان ازرق و شعرا طويل و ناعم ،اول ما شافن قام وقف هو و عم يبتسم اياد:اهلا و سهلا بست الكل ام اياد ،نورتي قرب باس ايدا ام اياد:الله يرضى عليك كنت بالسوق انا و بنت خالتك بهية ،قلنا لنمر عليك و نباركلك بالافتتاح مدت ايدا بهية و هي عم تبتسم و تطلع باياد نظرات اعجاب بهية: مبروك اياد اياد:الله يبارك فيكن ،قعدو لنشربكن قهوة انا قمت وقفت بسرعة

العضوة: 378864 , 6 years ago

ام اياد:الله يرضى عليك كنت بالسوق انا و بنت خالتك بهية ،قلنا لنمر عليك و نباركلك بالافتتاح مدت ايدا بهية و هي عم تبتسم و تطلع باياد نظرات اعجاب بهية: مبروك اياد اياد:الله يبارك فيكن ،قعدو لنشربكن قهوة انا قمت وقفت بسرعة سلوى:ماشي استاذ اياد هلأ انا فيني بلش شغل من هلأ؟ اياد:اي اكيد و خبري باقي البنات متل ما قلتلك

العضوة: 378864 , 6 years ago

مريت من جنب بهية انا و طالعة من مكتبو ،كانت ريحة عطرا حلوة كتير و لبسا مرتب ،كان واضح انو بنت عز و مدللة كتير ،يمكن تمنيت للحظة اني كون محلا بس رجعت استغفرت ربي و نزلت على شغلي الجديد يلي بلشتو بحماس و رغبة قوية بعد انقطاع ما يقارب الشهر ،خبرت البنات ليجو يشتغلو معي و انتصار بس يلي قبلت اما الباقي كان ملتزم بشغل جديد،كان اياد ينزل مرتين و احيانا 3 مرات ليتفقد شغلنا و يعطي تعليماتو ،و كان الكل يطلع عليه بنظرة اعجاب الشاب الحلو المرتب الناجح الغني ،يعني على قولة رفيقتي انتصار (اياد عريس لقطة و يلي بدا تاخدو بتكون اما داعتلا ب ليلة القدر )،لهيك كان في تنافس او بالاحرى سباق ماراتون بين البنات على اياد و مين يلي بدا تفوز بقلبو و توقعو بشباكا ،انا ما كان فيني انكر تميز اياد كونو شخصية ناجحة و محترمة و لطيف و مذوق كتير لانو هالشي واضح متل عين الشمس بس انا كنت غير كل هالبنات لانو كنت بعرف حدودي منيح و انو الحاجب ما بيعلى عن العين ،و انو اياد مستحيل يطلع فيني او بغيري من البنات نظرة حب لانو ببساطة نحن ما من مستواه ،يعني يلي متل اياد بياخد متل بهية ،هيك هي الحياة ببساطة يلي متلنا تعو لعنا ،لهيك ما كنت فكر و اسرح بخيالي ابدا و كنت غير مبالية تماما بكل هالسباق و كنت جمهور متابع فقط و كنت مستمتعة كتير و خاصة على نكت انتصار يلي بتخص هالموضوع ،كان الشغل ماشي كتير منيح و بعد شهرين زودلنا راتبنا و زاد رصيد محبتو عند البنات ،بعد فترة بعتلي خبر لاطلع على مكتبو ،دقيت الباب و فتت بدون ما انطر ،شفتو عم يحكي مكالمة ،جيت لاطلع و انسحب،اشرلي بايدو لفوت و قعد على الكرسي ،فتت و قعدت انا و محرجة و هو تابع مكالمتو اياد:لك بحسا متل اختي ولله …طيب …طيب….معك انا …طيب منعطي حالنا فرصة بس لسا بعد بكير على هالحكي لانو لسا انا فاتح شغل جديد و ما بدي شتت عقلي بهيك قصص …..بس كون جاهز انا بخطي هالخطوة …ماشي هلأ عندي شغل و بس نرجع على البيت منكفي حديثنا…طيب خلص بوعدك ارجع بكير حتى نحكي و بوعدك فكر بالموضوع ..باي حبيبتي

العضوة: 378864 , 6 years ago

بالموضوع ..باي حبيبتي سكر السماعة و التفت لعندي اياد:اي انسة سلوى ،تاخرت عليكي سلوى:ولايهمك اياد:خدي هدول الموديلات0 الجديدة مع المقاسات و خلين يمشو حرفيا على المواصفات المكتوبة هون سلوى:ايه تكرم اياد:طبعا انا ناديتك الك لانو انت اكتر وحدة بتعجبيني ،بالشغل يعني و بدي منك تكوني مسؤولة عنن،يعني اي غلط بصير ؛رح تتحملي انت النتيجة و طبعا رح زيدلك راتبك حتى ما تقولي حملتك زيادة سلوى(مبتسمة):تكرم انشالله ما بكون الا عند حسن ظنك بس انا حابة اسالك هلا كل الشغل هيدا انت عم توزعو عالتجار بالجملة صح؟ اياد:ايه صح ،في شي ليش؟ سلوى:لا بس انا حابة اذا بتسمحلي اقترح عليك هالاقتراح او فيك تقول فكرة يعني ….او طموح يعني انا دائما بحلم بهيك خطوة اياد:تفضلي سلوى:هلأ بدل ما توزع هالبضاعة و تطرحا بالسوق على التجار وتصير موجودة بكل السوق ليش ما بتعمل وكالة الك و باسمك و كل هالبضاعة تنباع بصالة كبيرة ،يعني قصدي قول انو القطعة يلي عم نعملا ما يكون الها نظير و اخت بغير محلك ،ما بعرف الربح هيك كيف بكون اكتر او اقل …انت ادرى يعني بس انا حبيت اقترح بقي ساكت و عم يطلع فيني ؛انا درت وجهي وحسيت حالي حكيت فكرة غبية كتير او ادخلت بشي ما بخصني ،قمت وقفت فورا انا و ماسكة بايدي الالبوم سلوى:ماشي عن اذنك هلأ اياد:لحظة ..لحظة التفتت لعندو و انا بنص الطريق اياد:انا رح ادرس فكرتك منيح و عجبتني كتير سلوى:ماشي:الله يقدملك يلي فيه الخير طلعت و سكرت الباب وراي سلوى:شو كان بدي بهيك حكي انا ما رح كون افهم منو بشغلو _______سحر______ يمكن كنت مفكرة حالي البنت الذكية الفلهوية يلي بتعرف شو بدا و بتقدر تاخدو بذكائها ،و انا كنت مفكرة انو علاقتي مع وائل علاقة مؤقتة مبنية على كام صورة و كام ضحكة و طق حنك و مشاوير مقابل حياة غنية و هدايا بتلمع العيون من شوفتا بس انا حبيت وائل كتير و وثقت فيه يمكن لقلة الرجال بحياتي لا اب و لا اخ و لا عم ،حبيت فيه كرمو و بعدين شفت فيه جانب تاني ما حدا قدر يشوفو ،كان شاب مستهتر و مندفع و عصبي بس كان طيب و حنون كتير حتى اجا اليوم يلي طلب مني طلب جديد ما خطر على بالي ابدا وائل:ايه وين المشكلة مناخد راحتنا اكتر من القعدة هون و انت بضلي خايفة حدا يشوفك لك حتى رفيقتك ماريا بتخافي انو تشوفني انا و اياكي سحر:معلش بس هيك انا مرتاحة

العضوة: 378864 , 6 years ago

سحر:معلش بس هيك انا مرتاحة وائل:معقول مانك واثقة فيني يعني ،شبك سحر انا وائل يلي بحبك كتير و مستعد يقدملك روحو وما خسارة فيكي سحر:وائل اذا بتريد ما تضغط علي و انا بحبك و كتير كمان بس الا هالطلب ما بقدر لبيلك اياه و بعدين لو ما واثقة فيك كنت ببعتلك صوري بكل حالاتي وائل:لا ماا عندك ثقة فيني و انا ما باخد شي من حدا من غير رضاه بس انا عرفت هلا اديش انت بتحبيني قام وقف هو و معصب وائل:و ما بدي ضيع وقتي معك ،الف بنت بتتمنى تكون بمحلك و تتدلل الدلال يلي عم دللك اياه،لبستك دهب و جبتلك شغلات بعمرك ما كتت تحلمي فيا و هلا هيك عم ترديلي اياها ،بسيطة كل واحد فينا من طريق تركني و مشي؛لحقتو انا و عم حاول اشرحلو موضوع بس ما سمعني،و تاني يوم بتفاجا فيه بكمية تجاهل الي و لا كانو كنت بحياتو ،مر من جنبي من غير ما يطلع فيني ابدا و لا حتى رجع اتصل فيني اببدا مع انو انا كنت اتصل فيه بس ما يرد علي ،و بعد فترة شفتو مع بنت جديدة عم يمشي و يضحك معا،انزعجت كتير و صار دمي يغلي ،بعتلو مسج سحر:ناطرتك عال 4على باب الجامعة بدي شوفك ضروري ما رد علي و الساعة 4 كنت واقفة لحاالي متل الهبلة ناطرتو و ما اجا ،عصبت كتير و رجعت على البيت و ما بقا رجعت اتصلت فيه ابدا حتى وقت شفتو صرت اتجاهلو ،بعد اسبوع اتصل فيني و طلب يشوفني بسيارتو برا جامعة،طلعت معو انا و عابسة سحر:متل ما قالو عنك كل شهر مع بنت شكل وائل:ولله انا عملت كل هاالشي لغيظك بس مشي الحال و انغظتي بقي متابع بالسيارة نحن و عم نحكي و نتعاتب حتى صف سيارتو عند باب بناية سحر:ليش وقفت هون؟

العضوة: 378864 , 6 years ago

سحر:ليش وقفت هون؟ وائل:انزلي عاملك مفاجاة ،ما اشتقتي لمفاجاتي سحر:اي اكيد بس لوين جاين؟ وائل:هلأ بتعرفي نزلنا و طلعنا بالبناية ؛كنت خايفة و متوترة،فتح باب شقة و فات و سحبني من ايدي لجوا هو و عم يقلي غمضي عيونك،بس صرنا جوا قلي فتحين ،كانت شقة مزينة بورود و بوالين و اضواء هادية واىل:شو رايك؟ سحر:حلو كتير هيدا كلو الي وائل:طبعا فات هو و ماسكني من ايدي ؛قعدنا عالكنباية و قام شغل موسيقى هادية و جاب عصير و اعطيني اياه وائل: و اخيرا شوفيلي هالقعدة اديش حلوة و رايقة ما احلى من قعدات السرقة و الخوف سحر:اممم هيدا بيتك؟ وائل:تقريبا ،وقت بضجر بجي لهون حط الكاسة على الطاولة و حط ايدو على خدي و صار يقرب علي و انا بعدت فورا سحر: وائل شبك وائل:ارحميه لوائل قمت وقفت و بدي روح وائل:شبك قعدي لسا القعدة باولتا سحر:انا بدي ارجع على البيت ــــــــــــــــــــــــــــــــــــــــــــــــــــــــــــــــــ الجزء الرابع:

العضوة: 378864 , 6 years ago

الجزء الرابع:   وائل:سحر بلا ولدنة و اهدي بقا ،ما رح اكل شقفة منك سحر:طيب بس اقعد عاقل وائل:هههههه ما بوعدك،يلي بشوف هيك جمال بيقدر يقاوم،اسمعي يا مجنونة انا بحبك و رح اتزوجك و تصيري مرتي ،بقا ليش خايفة و عم نأجل الموضوع ،هلأ ولا بعدين نفس الشي بس هلأ احلى ايامنا سحر:لا كل شي بوقتو حلو وائل:اوف شو انك وحدة مملة و بنت روتينية ،فعلا انا انغشيت فيكي ،كل هالاجواء يلي عاملك اياها و بعدك باردة متل لوح التلج ،سحر اذا ما مرتاحة خلص فيكي تروحي ،من هون الباب سحر:شبك زعلت وائل:اي ولله زعلت لانو ما عم تبين فيكي المنيحة ،تعي بقا نزلت من بيت وائل انا و عم ابكي وائل:سحر ما بدا كل هالقد،قلتلك رح اتزوجك ،ما بهون علي شوفك عم تبكي وصلني قبل بيتي بشارعين و نزلت من السيارة و خبطت الباب بعصبية و مشيت و انا حاسة حالي رخيصة كتير ،وصلت على البيت و انا خايفة تجي عيني بعين سلوى يلي خنت ثقتا و خنت ترباية اهلي ،ما اتصل فيني وائل ابدا و لا شفتو ،بعد يومين اتصل فيني و قلي ناطرك على باب الجامعة بالسيارة ،طلعت معو انا و ساكتة سحر:وائل انت رح تتنزوجني مو هيك؟ وائل:سحر معقول عم تسألي هيك سؤال،طبعا شغل السيارة و مشي لوصلنا على بيتو وائل:شبك يلا نزلي سحر:ما بدي؛بدي ارجع على البيت وائل:يالله شو انك نكدة و مقتة ،خلص رح وصلك على بيتك و بس تروقي حكيني سحر:طيب

العضوة: 378864 , 6 years ago

سحر:طيب بعد يومين بعتلي مسج وائل انو ناطرني بالشقة ضروري كتير ،بعد ما خلصت جامعة ؛اخدت تكسي و رحت لعندو ،اول ما دقيت الباب و فتحلي ،سحبني من ايدي لجوا سحر:شوفي؟ وائل:هههههه مافي شي؛مشتقلك بس قبل ما انزل من عندو ،اعطاني علبة دواء سحر:شو هيدا ؟ وائل:هيدا مانع حمل ،خدي منو حبة كل يوم و ضروري كمان )كرمالك يعني،لنخلص جامعة و نتزوج ،يبقى منجيب اولاد سحر:وائل انا ما مرتاحة بكل هالقصة و ما بقا رح ارجع شوفك هون ،انا غلطت و ما بدي تابع بالغلط وائل:هلأ شايفتيني رايق ،بدك تزعجيني يعني ،خلص منحكي بعدين بالموضوع بعد ما نزلت من عندو كنت حاسمة امري انو ما بقا ارجع شوفو لوائل ابدا ،بس وقت اتصل فيني و ما رديت عليه و بعتلي مسج لروح لعندو و كمان ما رديت عليه ،طلع بوجهي تاني يوم و هو معصب و اشرلي بعيونو لالحقو ورا المبنى لنحكي ،و قبل ما احكي اي كلمة مسكني من ايدي و صار يبهدلني وائل:انا وقت بدقلك بتردي علي فورا و وقت بقلك بدي شوفك بتنخلقي قدامي بنفس الساعة سحر:قلتلك ما بقا بدي شوفك ببيتك ،يا منرجع متل ما كنا يا كل واحد يروح بطريقو وائل:ولله هيك صار الحكي هلأ،ايه لا ما حذرتي،شو شكلك نسيتي انو صورك معي فتحلي موبايلو و صار يقلب بالصور يلي بعتلو اياهن وائل:ها شو رايك بهدول الصور هيك اعمل منن عشر نسخ و علقلك اياهن على كل حيطان الكلية ،وقتا شو بصير فيكي سحر:وائل عم تهددني بدك تعمل فيني هيك وائل:اي بعمل هيك و بعمل لسا اكتر من هيك اذا بدك اضلي متنحة و عاملة فيا راس… سحر:عنجد انا مصدومة فيك تركتو و مشيت؛رجع سحبني من ايدي وائل:انطريني برا الجامعة

العضوة: 378864 , 6 years ago

وائل:انطريني برا الجامعة سحر:ما… وائل:سحر ما تعصبيني اكتر ما انا معصب سحر:طيب صرت كل مرة برفض فيا انو شوفو ببيتو ،بيبهدلني و يهددني ،و انا كنت ارضخ لالو خوفا من الفضيحة، طلع وائل الكريم و الطيب انسان تاني انسان ندل و واطي و مبتز ______سلوى_____ بعد فترة زدلي الاستاذ اياد راتبي الي بس و هالشي حسسني انو عم يميزني بين كل البنات اياد:ما تخبري حدا انو زودتلك الراتب حتى ما يتحسسو باقي البنات بس انت بتستاهلي لانو عم تتعبي اكتر حدا سلوى:ايه يسلمو كتير رجعت طاير عقلي و اشتريت سندويش شاورما لاخواتي احتفالا بهالمناسبة،و و انا عم اعطي كل وحدة سندويشة خبرتن انو صاحب الشغل زودلي راتبي سندس:عنجد انت بتستاهلي ،هالمدير باينتو كريم كتير غير يلي كنت تشتغلي عندو من قبل سلوى:لا بس الشغل احسن و اوسع عند هيدا ،المهم انو عم اشتغل و اقبض راتب نمشي حالنا فيه اطلعت على سحر ؛كنت ماسكة سندويشتا وشاردة سلوى:هااااي سحر ،وين رحتي سحر:ايه ايه هون مبروك اختي سلوى:الله يبارك فيكي بس شوقصتك صفناتك كترانة ،صاير معك شي سحر:انا …لا ابدا ….بتعرفي الدنيا جاي على امتحان قلقانة من الدراسة بس سلوى:طيب ،اذا ناقصك شي قليلي ماشي سحر:ايه بالليل اول ما حطيت راسي على المخدة ،حسيت على باب غرفتي عم ينفتح سحر:نمتي الا لسا؟ سلوى:لا في شي سحر:ولاشي حابة نام جنبك اليوم رفعت الحرام و نزلت بالتخت وانا بعدني عم اطلع فيا و بلشت اقلق من جهتا لانو حسيتا مخبية شي و تصرفاتا ما عادية ابدا،تسطحت جنبا و انا عم العب بشعراتا سلوى:سحر صاير معك شي حبيبتي انفجرت بالبكا و قربت علي و لفتني سلوى:يييي رعبتيني شو صاير معك ؟ سحر(تبكي): ولاشي مضغوطة من الدراسة بس سلوى:اخ منك وقعتيلي قلبي ،انت قدها و قدود ،ادرسي و اتكلي على الله و من اتكل على الله ما خاب بقيت عم اشتغل عند الاستاذ اياد يلي كان على طول يبدعي اعجابو بشغلي و اني كنت قد الثقة و المسؤولية وانا كنت سعيدة بالشغل عندو لليوم يلي تعبت فيه بالشغل ،كنت مرشحة قبل بيوم و كابرت على حالي و رحت على الشغل ؛بس خلال الشغل تعبت كتير ،اخدت اذن منو لروح على البيت

العضوة: 378864 , 6 years ago

اذن منو لروح على البيت اياد:لو ما جيتي هالايسبوع ما في مشكلة؛بس تحسي حالك منيح ارجعي عالدوام و راتبك ماشي بعد ما قلي هالكلمتين ،مشيت لاطلع من مكتبو بس انا و عم افتح الباب فتل راسي و نزل ضغطي و حطيت ايدي على الحيط استند قبل ما اوقع ،ركض لعندي اياد و لفني من خصري اياد:تعي ارتاحي كان عم يطلع بعيوني و انا ما قدرت قاوم الجاذبية و اللمعة يلي بعيونو ،حسيت بدقات قلبي مسموعة و نظراتو غرفت بقلبي لدرجة ما بقا حسيت على شي حولي و نسيت انا ليش كنت عندو ،هداني لوصلت على الكرسي اياد:شكلك تعبانة على الاخر سلوى:اي انا الحق علي هملت حالي ،استاذ اياد الله يخليك اطلبلي تكسي يوصلني على البيت … اياد:خلص انا بوصلك هلأ بس لترتاحي شوي ،رح اطلبلك كاسة ليمون منيحة لحالتك سلوى:لا ما في داعي ،هلأ بس ارجع على البيت بنام و بفيق منيحة قمت وقفت انا و عم ارتكي على طاولة المكتب اياد:وين رايحة ،طب لحظة قام وقف و لبس جاكيتو سلوى:ولله ما في داعي توصلني ؛خلص باخد تكسي من الشارع ،ما بدي احرجك اياد:لا ولو ما في احراج و اي موظفة بمحلك كنت رح وصلا طلعت بالسيارة معو و هاي اول مرة بطلع مع حدا غريب سلوى:من هيدا الشارع اياد:ولله بيتك بعيد عن المعمل سلوى:اي بطلع بباصين حتى وصل بس تعودت …هون عندك استاذ اياد ،يعطيك العافية و انشالله ما بتأخر بالاجازة اياد:ما في مشكلة خدي راحتك ،لتتحسني على الاخر ارجعي و رح خلي انتصار تسد محلك نزلت من السيارة و انا شبه دايخة ،فتحت الباب و فتت فورا على غرفتي تسطحت انا و عم اشلح تيابي ،و بعدين قمت عملت كاسة زهورات و دورت على دوا الكريب يلي كانت عم تاخدو سحر من يومين وقت كانت مكربة ؛انا و عم دور عليه بخزانتا لقيت ظرف دواء تاني سلوى:لشو هيدا الدوا ،شكلو غريب