العضوة: 378864 , 6 years ago

مراد:شوفي؟ حكتلو كل شي لمراد و هو متفاجئ و مفتح عيونو على الاخر مراد:لتكوني عم تحكي هيك حتى تبعدين عن بعض؟ سلوى؛:طب بشو احلفلك انو يلي قلتلك اياه مزبوط و من يومين خبرتا لسحر و ما كنت ناوية احكيلك ابدا لانو خايفة تقلولا و تتعب نفسيتا و انت ادرى بابوك بيعمل هيك عملة الا لا ،امي كانت تشتغل لطعمينا و ابي كان مريض و هو بدل ما يوقف جنبنا هيك عمل بامي ،انا بكره ابوكن كتير بس ما بكرهكن الكن لانو بعرف انو انت غير عنو ،بس الله يخليك تصرف فورا و ابعد اخوك عن سندس مراد:طيب طيب هيك اختلف الموضوع ، شو بتتغدي؟ سلوى:ما بدي اتغدا ؛بدي تتصل فيه هلأ و تقلو خلي سندس ترجع على بيتا مراد:طيب ماشي بعد ما اتصل باخوه ،قمت وقفت و حملت جزداني مراد:وين رايحة !اقعدي شوي سلوى:بدي روح شوفا مراد:سلوى،خلص ما تحكي معا ولا كلمة،انا بحكي مع راجي و بفهمو الوضع سلوى:و نبه على راجي ما يخبرا شي مراد:اكيد يلا قايم وصلك سلوى:لا ما في داعي مراد:في داعي و نص و نحن على الطريق بالسيارة،بادر مراد بالحكي مراد:شو عم تشتغلي هالايام؟ سلوى:ولاشي،كنت عم اشتغل و تركت الشغل مراد:ليش تركت الشغل عند اياد ؟ اطلعت فيه و انا متفاجئة سلوى:مشالله سندس ما تاركة ولا تفصيلة عننا و الا حاكيتا مراد:ما دخل سندس بالموضوع ، المهم هلأ عم دوري على شغل؟ سلوى:ايه مراد:سلوى انا بدي احكي شي و يا ريت تاخديه بروح رياضية ،انا ما بحب البنت تشتغل لانو ممكن تتعرض لاي مدايقة او تحرش من مدير الشغل مثلا او زميل الها سلوى:اممم بس انا لحمدلله ما تعرضت لهيك شي ابدا و بعرف حط كل حدا عند حدودو اذا تمادى مراد:اممم ما عندي شك بهالموضوع اطلع فيني و رفع حواجبو بطريقة مستفزة و رجع اطلع لقدام مراد:يلي بدي قولو انو انتو اولاد عمي و مسؤولين مننا انا و اخواتي و خاصة هلأ بعد قصة سندس ،مستحيل اترك اختي تعيش هيك و نحن موجودين

العضوة: 378864 , 6 years ago

نحن موجودين سلوى: ما تخليني اندم انو انا حكتلك هالشي مراد:ما رح تندمي بس اتركيني قوم بواجبي و لو بطريقة غير مباشرة يعني بدون ما الفت نظر سندس سلوى:يلي بدك تقدمو قدمو لاختك بس ما الي و لا لسحر؛نحن ما بحاجة مراد:انتو و سندس بنفس المقامة سلوى: شكرا الك بس معلش انا هيك بكون مرتاحة وقت بشتغل و بعيش من شغلي مراد:طيب طيب نحن عم نتناقش ما في داعي لكل هالعصبية سلوى:لا انا ما عصبت ،انا بعدني رايقة وصلني على البيت و نزلت من سيارتو انا و عم تافأف سلوى:يالله كانو انا ناقصتك كمان فتت على البيت و نطرت سندس ،اجت بعد ساعة ،ما حكيتا ابدا بس ارتاح قلبي شوي ،اتصل فيني مراد المسا ،فتت على غرفتي لحكيه بالهمس سلوى:خبرتو لراجي؟ مراد:ايه ،خبرتو وخبرت العيلة كلها هيك افضل ،امي انقهرت و فاتت على غرفتا و راجي جن و صار يبكي و طلع من البيت،بقا االيوم شكلو ما رح ينام بالبيت ،ما في مشكلة بكرا بكون احسن و بتقبل الموضوع سلوى:ايه لحمدلله ،هم و انزاح بس يا ربي كملا للاخير و تمرق هالقصة على خير مراد:انشالله سلوى:طيب انا رح سكر هلأ و بكرا رح تروح سندس لحالا على المدرسة؛ما رح وصلا مراد:اي خلص ،و بس يتقبل راجي الموضوع انا بخبرو شو يعمل تاني يوم على االساعة عشرة لبست تيابي و فتحت الباب لاطلع دور على شغل ،طلعت بوجهي انتصار انتصار:وليه وين غاطة ؟ سلوى:اهلين انتصار فوتي فاتت قعدت و هي عم تعلك العلكة انتصار:لك وين رحتي ،شو عم تشتغلي هالايام سلوى::عم اشتغل بالدوارة على شغل ،اما شو دوام غير شكل من 9 الصبح ل 4 و انا عم افتل من محل لمحل انتصار:يييي طب ليش تركتي الشغل ولله كان راتب منيح و مرتاحة ؟اكيد السبب امو للاستاذ اياد بس ليش هيك عملت سلوى: المهم قليلي ليش ما انت بالشغل؟ انتصار:ولله هال 3 ايام معطلين ،مبارح كان عرسو لاياد عقبال عندي و عندك سلوى:اياد تزوج ؟ انتصار:ايه و شو عرس يا سلوى ،شي رفع و تقيل ،نيالا صاحبة النصيب بس قالو انو بنت خالتو يعني العز ما راح لحدا غريب سلوى:كيف قهوتك؟

العضوة: 378864 , 6 years ago

سلوى:كيف قهوتك؟ انتصار:سادة ،اعمليا بسرعة ما مطولة عندي نزلة على السوق قمت فورا و فتت على المطبخ و سكرت االباب و بكيت على الساكت ،اخر شي توقعتو اياد يتزوج و انا ناطرتو ،عملتلا فنجان قهوة لانتصار بدموع عيوني؛غسلت وجهي و طلعت ضيفتا ،حسيتا انتبهت علي و على وجهي بس ما سألتني و غيرت السيرة عن عرس اياد ،شربت قهوة و راحت و انا فتت على غرفتي ابكي ،بقيت طول نهار ابكي حتى رجعت سحر و شافتني هيك سلوى:اياد تزوج سحر:ييييبه هالواطي ،طلع مخبى بتيابو سلوى:ما تحكي عليه هيك سحر:و عم دافعي عنو ،يالله ليش هيك عمل ولله كان واضح انو بحبك سلوى:اممم لا ما بحبني ،انا الحق علي حبيتو بسرعة و نسيت شو انا و شو هو ،انا غبية سحر:انت ما غبية بس كلن نفس الشي؛كلن بتسلو و بقضو وقتن مع بنت و وقت يجو يتزوجو ما بتزوجو الا على ذوق امن ،بتزوجو وحدة شريفة ما الها ماضي و هو بكون الها ماضي بس ما بيعرفوه ،هيك بحسو حالن انو رجال و ما انضحك علين …خلص سلوى ما تبكي دخيل الله …بالناقص منو ،اذا ما قدر يوقف بوجه امو و يقلا انا بدي اتزوج هالبنت معناها مانو رجال و ما بيستاهلك و ما خرج تعتمدي عليه ،انت بتستاهلي تاخدي رجال قوي و قد كلمتو وقت يحبك يتحدى كل العالم كرمالك سلوى:ولله حاسة قلبي رح يوقف من الزعل لفتني سحر و صارت تبكي معي سلوى:طب انت شو دخلك ليش عم تبكي

العضوة: 378864 , 6 years ago

سلوى:طب انت شو دخلك ليش عم تبكي سحر:ما بعرف يمكن تذكرت قصتي مع وائل انفتح الباب و فاتت سندس هي و عيونا حمر و منفخين و عم تبكي سندس:راجي تركني ،انتو السبب ما رح سامحكن بحياتي اطلعنا انا و سحر فيا و بعد ما كنا عم نبكي انفجرنا ضحك عليا سندس(تبكي):عم تضحكو علي ،تركني و قلي بحبك متل اختي ،قال بحبني متل اختو ..يالله راحت على غرفتا هي و عم تحكي مع حالا سلوى:انت قومي لعندا هالمجنونة و حكيا ،هلأ هي شهادة ما وقت تكتئب و تنطمز سحر:حاضر اليوم انا شغلتي طبطبة على المدمرين عاطفيا سلوى:سحر عم تشوفي وائل شي؟ سحر:ايه كنت شوفو اول فترة بس بعدين ما عاد.لمحتو و سمعت انو سفرو ابوه سلوى:ايه احسن سحر:…يلا لروح شوف المجروحة التانية مرت علينا ايام صعبة كتير ،سندس عذبتنا كتير لرجعت على مدرستا و دراستا و انا كانت نفسيتي محطمة بعد زواج اياد و قاعدة بلا شغل ،الساعة عشرة الصبح رن جرس البيت و انا كنت لحالي؛فتحت الباب و طلع بوجهي مراد و عبودة مراد_عبودة:صباح الخير سلوى:صباح النور سكتو الاتنين و انا انحرجت و فتحت الباب شوي سلوى:تفضلو فاتو قعدو بغرفة القعدة و انا فتت عملتلن قهوة و طلعت ضيفتن مراد:وينن سندس و سحر؟ سلوى:وحدة بمدرستا و وحدة بجامعتا مراد:اي منيح اطلعت فيه و زورتو ،تجاهلني و قام ظرف من جيبة جاكيتو و حطو على الطاولة و انا بلشت اتوتر و هز برجلي سلوى:شو هيدا ؟ ……………….. تتمة الجزء السابع يتبع بكرا بحبكم❤

العضوة: 369596 , 6 years ago

والله شكلا حلوة بس ليش مافي جزء خامس وسادس

العضوة: 393031 , 6 years ago

شو اسم القصة وكل ما تنزلي قصة احكيلنا اسمها

العضوة: 385134 , 6 years ago

فين الجزء السابع

العضوة: 366077 , 6 years ago

الصراحة القصص مسلسل تركي مو هيك حلوين بس نفس الشغلات عم بتصير بس عم تتغير الشخصيات كلن متل بعض بنص القصة بطلعلك حدا جديد

العضوة: 390523 , 6 years ago

كملينا القصة شوقتينا

العضوة: 303364 , 6 years ago

اي اختي كملينا باقي القصه

العضوة: 385003 , 6 years ago

عم نستنا كمالة القصة

العضوة: 378864 , 6 years ago

في جزء 5و6

العضوة: 378864 , 6 years ago

تتمة الجزء السابع …………………….. سلوى:شو هيدا ؟مراد:هيدا متل ما اتفقنا عليه اخر مرة سلوى:اممم نحن ما اتفقنا على شي مراد:هدول اعتبرين كرمال سندس ،ماشي حتى ما تعملي منا قصة سلوى: …..طيب ،كيفو راجي؟ مراد:منيح ،ماشي حالو ،احسن من قبل ،ما خبرناه انو جاين لهون سلوى:اي احسن قعد و صار يطلع بزوايا البيت و العفش سلوى:قهوتكن رح تبرد انتبه على عدم ارتياحي من وجودن مراد:ما لقيتي شغل لهلأ؟ سلوى:لا مراد:نحن منشتغل بالموبيليا و عنا ورشة نجارة و تفصيل …. سلوى:ايه الله يرزقكن مراد:الله يسلمك ،يعني لو فيني شغلك معنا ما قصرت سلوى:مشكور مراد:طيب ….نحن رح نمشي ،بس النا جية تانية سهرة عائلية يعني سلوى:ما بعرف شو بدي قلك بس متل ما شايف نحن بنات لحالنا و ما فيكن تفوتو و تطلعو علينا كتير و الا الناس بتحكي علينا و اكيد انتو ما بترضو ينح… عبودة:قطع لسانو ل يلي بدو يحكي ،ما حدا بطلعلو يحكي ،بعدين انتو بنات لحالكن و لازم الكل يعرف انو في وراكن رجال و عيلة ،حتى ما حدا يستجري عليكن حطيت ايدي على تمي و حبست ضحكتي ،اطلع مراد باخوه هو و رافع حواجبو و خبطو بايدو على بطنو مراد :حمش مشالله عليك ،روق ابو العبد ،ايه سلوى كلام عبودة مزبوط ،ما غلط نتردد عليكن قدام عيون الجيران و خلي الكل يعرف انو نحن اولاد عمك سلوى: شو هالاولاد العم يلي طلعلونا فجاة مراد:معلش ان تصل متأخرا خيرا من ان لا تصل ،ماشي هلأ منستاذن؛اي شي بلزمكن حكونا ،رقمي صار معك طلعو من عندي ؛رحت فتحت الظرف و عديت المبلغ،كان ضعف راتبي يلي كنت بقبضو عند اياد،ما كان فيني انكر انو اجو بوقتن لانو كنت شبه مفلسة ،اخدتن و نزلت على السوق لعبي البيت ؛و بس رجعت كانت سحر بالبيت ،تفاجات بالاكياس يلي حاملتن سحر:من وين كل هالشي؟ سلوى:تعي ساعديني لاحكيلك فوتنا الاغراض على المطبخ و حكتلا كل شي لسحر بس وقت وصلت على مقطع عبودة فرطت بالضحك انا و عم احكيلا كيف عبق وجهو و حكى هالجملة و اخوه عم يطلع فيه متفاجئ سحر:يالله من حظي ،يا ريت كنت موجودة؛ايمت قالولك جاين مرة تانية؟

العضوة: 378864 , 6 years ago

تانية؟ سلوى:جاين عن قريب سهرة عائلية سحر:سهرة عائلية ههههههه بعد يومين كنت واقفة بالمطبخ عم حضر عشا و اقلي بيض ،و سحر بغرفة القعدة مشغلة التلفزيون على الاغاني وماسكة فرشاية الشعر و عم ترقص و تغني،رن جرس البيت،رحت فتحت الباب و انا عم صرخ عليا توطي الصوت ،طلع مراد و عبودة و اختن روئ ،اول ما شفتن اتفاجأت و كنت ماسكة معلقة اابيض بايدي مراد_عبودة_روئ:مسالخير سلوى:اهلين مسالنور … نزلت ايدي انا و متلبكة سلوى:تفضلو فتحت االباب على الاخر و فاتو لجوا و اعطاني مراد كيس سلوى:يسلم ايديك ليش معذبين حالكن مراد:ما من قيمتكن ،اشتهيناكن فين على الطريق حطيتو على المجلى و لحقتن،كانت سحر بعدا ماسكة فرشاية الشعر و عم تغني فيا و تنط متل الهبلة بدون ما تنتبهلن ،ركضت طفيت التلفزيون سحر:ياللله منك ليش طفتيه ولو ،ما شايفتيني منطربة سلوى:اجو اولاد عمك دارت وجها و شافتن و هن عم يضحكو عليا ،فاتت فورا على غرفتا و هن قعدو و انا تذكرت البيض يلي عالنار و رجعت فتت ركض على المطبخ ،طفيت عليا سلوى:شو جابن هدول هلأ،طب يتصلو قبل ما يجو ،اوف يا رجعت طلعت لعندن مراد:بس ما نكون جينا بوقت غير مناسب سلوى:لا عادي ؛كنا بدنا نتعشى رحت فتحت باب غرفة سحر و سندس و اشرتلن بعيوني ليطلعو يقعدو معن ،بعدين رجعت قعدت سلوى:كيفا امك؟ مراد:لحمدلله ماشي الحال،بلكي مع الايام بتجي معنا سلوى:ايه روئ كيفا دراستك؟ روئ :منيحة لحمدلله وين سندس؟ سلوى:جوا هلأ بتجي طلعت سندس و سحر و سلمو علين و تابعو على المطبخ ليحطو عشا و بعدين تعشينا كلنا سوا ، و ضيفتن من الحلو يلي جابوه ،كانت روئ عم تحكي مع سندس عن المنهاج و الدراسة و سحر عم تحكي مع عبودة بس فجاة قامت و هي عم تضحك سحر:عنا ايه

العضوة: 378864 , 6 years ago

سحر:عنا ايه فاتت على الغرفة و طلعت هي و حامل الشدة بايدا سحر:شو بتعرف تلعب؟ عبودة:شو ما بدك ،طرنيب كونكان تريكس سحر:خلينا نلعب طرنيب و بدا اربعة و عددنا منيح ،انا و اياك شراكة و مراد و سلوى شراكة اطلعت بسحر و زورتا لانو اخدت وجه علين و كترت سلوى:انا …انا ما كتير بعرف العب مراد:انا بعلمك هلأ و نحن عم نلعب اول دق قعدنا على الارض و فتت سحر الاوراق ،عبودة عم يطلع فيا و يبتسم ،و انا كنت مدايقة من الجو ،ما كنت حابة نختلط فين بهالسرعة و لهل الدرجة ،كان خلال اللعبة يقرب مراد لجهتي و يشرحلي عن اللعبة ،حتى خلصت سهرتن عال 11بالليل ،و انتهت اللعبة لصالح سحر و عبودة ،بعد ما طلعو من عنا علقت انا و سحر سحر:اووف شوفيا ليش ولو سلوى:بكرا بياخدو وجه و بكترو بصيرو رايحين و جاين لعنا سحر:ايه وين المشكلة،يعني و اخيرا صار عنا حدا بيقربلنا يزورنا و يسأل فينا ،و انا انبسطت فين و سندس كمان الا انتي الوحيدة المعارضة فتت على غرفتي انا و معصبة من سحر و تصرفاتا الطايشة،ما خلص الاسبوع الا اتصل فيني مراد و عزمنا على العشا بمطعم ،رفضت اول الشي بس اصر علي ،اجو اخدنا و كان لحالو و روئ و عبودة حاجزين طاولة و ناطرينا بالمطعم ،كانت سحر و سندس مبسوطين من الشي الجديد يلي طرأ على حياتنا الرتيبة ،بس انا كنت متلبكة كتير و خاصة اني ما متعودة على هيك اجواء؛بعد ما تعشينا وصلونا على الساعة 10 ،قبل ما انزل من السيارة مراد:سلوى لحظة شوي ،بدي احكي معك كلمتين لحالنا نزلو سحر و سندس و بقيت انا و مراد لحالنا سلوى :تفضل مراد في شي ،شغلتلي باالي مراد:لا ما تقلقي ما في شي،كنت بدي قلك انو انا مبسوط قصدي نحن انا و اخواتي مبسوطين بصحبتنا معكن و بتمنى انو ما نكون عم نتقل عليكن و انا حاسس انو ممكن لقدام تصير علاقتنا اقوى و ما بس نضل اولاد عم و نصير نسايب كمان سلوى:عفوا